07-30-2011
|
|
|
|
عادي لو تخون بس وينك .. لـ محمد بن ساقان
والله عادي لو تخون
بس قلّي انت وينك ؟!
انت وينك ؟!
مابقى فيني مكان الا سألني عنك وينك .. ؟!
ادور لك من البارح واناديلك
حبيبي .. ولا سمعت الا صدى غيابك
وجيت اسأل وميض عيون قنديلك
غيابك ليه..! يعني هانوا احبابك..؟!
بسامح بس ..
قلّي كيف اعدي لك..؟!!
خطاك اللي موردني على اعتابك ..!
وابسقيك السحاب البكر واهديلك
كلام مات بشفاهي على بابك ..!
مفارق بس لا غرقت مناديلك
تلاقيني مع جرحي على اهدابك
بذمتك ماهو حرام ؟!
كل يوم اتريق غيابك واروح .. !
وكل صبح اتنفسه من غير روح ..!
وكل غصن يطير اشواقي جروح ..!
وضعــت مـن بينـي وبيـنكـ ..!
بين (ظل) وبين (ظل)
(ظل) زول مايبين الا على وجه التراب
و
(ظل) درب كل ما امشي سكته يصرخ غياب
وضعت من بيني وبينكـ
لين دثرني الهيام
بين اكون او مااكون ؟!
والله عادي لو تخون . . ! !
بس قل لي انت وينك . . ؟!
|