ّ!@#$%الجزء الثاني ^&*)(_+
قامت راحت تدور شغل صح مو أي كلام خذت وعد مع نفسها إنها تشتغل اليوم لازم وكل ماراحت مكان رفضوا ما تدري ليه من الصبح الي العصر وهي تدور ولما تعبت وقالت هذا اخر مكان اروح له طلعوا صورتها
عزوف/نعم هذه انا
الموظف/لا استطيع توظيفك
ناظرته بستغراب وقالي كل شي بغيت اموووت من القهرطلعت من المحلات وراحت لبيت لؤي
عزوف عميانه من القهر/وين بيت الزفت الي اسمه سعود
لؤي/وشفيك معصبه
عزوف/لو سمحت يالؤي وين بيته
لؤي/طيب يالله نروح له
طلعنا ورحنا بيته كلمه قصر شوووويه عليه فخم بشكل مو طبيعي تصميمه خارجيا غريب جدااا ورفضوا حراسه يدخلونها بس لؤي دخلها غصب
لؤي/وش صاير
عزوف/ياانا ياهو في هالدنيا
لؤي سكت مايبي يتدخل بينهم نزل سعود وهو يضحك وكان جاك عنده
سعود/اكيد جايه تعتذرين
عزوف بصراخ وتفلت اعصاب/اسمع يالي ماتربيت وقسم بالله ان مابعدت عني ولا تركتني والله لبهذلك
سعود/ههههههههه وش بتسوين يعني
عزوف/اسوي الي مايتسوا بس انا ماشرهت عليك لانك انسان تافهه ووقح ومحد يحبك والكل يكرهك ومالقيت احد يوقفك عند حدك بس اسمعني زييين انا بنت لكن تهزك انت واشكالك اذا كنت تبي تذلني وتهيني وتبيني اعتذرانسى ياغبي انا باخذك على قد عقلك الصغير فاهم بس حط هالكلام في بالك
وطلعت من بيته
جاك/وش مسوي انت
سعود مو مستوعب/عطيت صورتها كل محلات البلد وقلت منهم لاتوضفونها ولا تعطونها حتى المويه
جاك/هيييي انت مجنون
سعود يكابر/خلها تعرف من سعود صح
جاك/بس البنت شكلها قويه
سعود يكابر/بكيفها ماهمتني
&&&عزوووف&&&
تمشي في الشارع ودموعها على خدها تعبت من هالحياه حررام الي يسويه فيني سعود والله حرام راحت نفس مكانها وكان الجو مرررره بارد بشكل فضيع كل شي فيني يرتجف شفايفي من البرد زرق ويدي مقدراحركها انسدحت وتكورت على نفسي
(((الصبح)))
فتحت عيني لقيت نفسي في مكان دافئ وسرير دافئ تاكدت من النظر لقيت قدامي لؤي نايم على الكنبه ابتسمت وهو تحرك وقام وابتسم لي
لؤي/صباح الخير
عزوف/صباح النور
لؤي/كيفك الحين
عزوف بخجل/كويسه اممم شكرا لؤي
لؤي جلس على السرير مقابلني/العفو ولو انتي صديقتي
ابتسمنا وسكتنا شوي
عزوف/وشلون جيتني
لؤي/احساسي
عزوف بستغراب/احساسك
لؤي/الجو امس بارد وانتي ضايق خلقك جيت لك وخذتك وانتي مغمى عليك
عزوف بروعه/اغمى علي
لؤي/ ايه اغمى عليك
عزوف/لؤي والله انت ماقصرت معي وانا مقصره معك علشان كذا ماابيك تتعب معي
لؤي/ترا اذا عدتي هالكلام بزعل عليك
عزوف بعفويه/لالا كلش الا زعلك
لؤي ناظرها وهي خلااااص ساحت/يالله نفطر
قمت وصليت الفجر ورحت افطر معه
لؤي/تروحين معي الجامعه احسن لك من الجلسه لحالك
عزوف/عادي
لؤي/اوكي هاذي الجامعه جامعتي
عزوف مرتاعه/جامعتك حقتك ملكك
لؤي ابتسم/ايه يعني جامعه سمو الامير لؤي ال.......
عزوف انبسطت/وااااو ايه بروح
لؤي/انتي كم عمرك
عزوف/20سنه
لؤي/اجل بسجلك معنا
عزوف/خلاص
هو راح ولبس وانا جلست انتظره طلعنا ورحنا الجامعه
جاك/هلااااااااا والله صديقتي
التفت سعود لانه معطينا ظهره سلمت على جاك ولا كاني اشوفه وجلسنا
جاك/اول ماشفتك ماعرفتك لكن عرفتك من مشيتك
عزوف/ههههههههههههههههه ليه وشفيها مشيتي
جاك/تبين الصدق مشيتك فيها جراءه وقوه مو على البنات
عزوف/احم احم
لؤي/متى محاظرتنا
جاك/انا وانت هالحين لكن سعود 8
لؤي/غريبه مبكرين محاظرتك
جاك/الدكتور عنده ظروف علشان كذا مقدم المحاظره
لؤي/اوكي عندي شغل انا وعزوف واجي
رحنا للمدير طبعا
لؤي/أي قسم تبين
عزوف/اممممم اداره اعمال
لؤي/اوكي
قبلني المدير وهو مغمض لان الجامعه جامعه لؤي
لؤي/محاظرتك الساعه ثمان مع سعود نفس القاعه اوكي انا بروح لان محاظرتي بدت
انصدمت مع سعود نفس القاعه وعععععععع رجعت لساحه الكبرى بالجامعه لقيت سعود جالس نفس المكان جلست وسكتنا فتره
سعود/أي قسم داخله
عزوف/اداره اعمال
سعود/مثلي
عزوف/ايه
سعود/اممممم انتي أي سنه
عزوف/ثاني
سعود/كيف ثاني وانتي مادرستي ولا سنه هنا
عزوف/انا لماكنت في السعوديه قسمي اداره اعمال
سعود/ايييه بس اكيد مو نفس قاعتي لاني انا امير وانتي من الشعب
عزوف بطفش/المشكله اني نفس قاعتك
سعود بأصرار/من قالك
عزوف/لؤي
سعود/وععععع
عزوف/عاد انا الي ميته عليك
سعود طنشها/فطرتي انتي
عزوف/ايه
اشر لواحد من حراسه راح وجاب له شاهي
سعود/تعرفين تلعبين بلياردو
عزوف/اجل
سعود/تلعبين معي
عزوف/عاادي
رحنا ودخلنا قاعه خاصه لعبت معه لاني طفشانه بس وفزت عليه
سعود/اوووووووشت
عزوف/تلعب مره ثانيه
سعود/لا الساعه 9
رحنا القاعه كانت فخمه مرررره مكتب لسعود ومكتب للدكتور
دخل الدكتور/ صباح الخير
انا وسعود/ صباح النور
الدكتور/ انتي طالبه جديدة
عزوف/نعم
الدكتور/ما اسمك
عزوف/عزوف
الدكتور/تشرفنا
عزوف/وانا اكثر
الدكتور/ انتي تفضلي الجلوس الى جانب سعود
جلست جنب سعود وبدء الدكتور يشرح وانا اكتب معه وسعود مره يسمع الدرس ومره يطنش
الدكتور/انتهى الدرس
عزوف/شكرا لك
طلع الدكتور
عزوف/انت ماتكتب مع الدكتور
سعود/لا
عزوف/اجل كيف تنجح
سعود/انتي عارفه مين انا
عزوف/ماقلنا شي خلاص بكيفك
طلعت وهو لحقني ورحنا في الساحه الكبرى لقينا جاك ولؤي
عزوف/هاااااي
لؤي/فهمتي الدرس ولالا
عزوف/ايه بس تعبت ساعتين كامله وانا جالسه
لؤي ابتسم/ كلنا نتعب وفي تعبنا نتيجه
جاك/هههههههه سبحان الله مثل كلمه انجلينا
عم المكان السكوت وانا تفاجات منهم لؤي مشى وتركنا وهو ضايق
عزوف/وش فيه
جاك/انجلينا هاذي حبيبته بس هي انخطبت وانا قلتها بدون قصد والله
سعود/روح له وتعذر منه
جاك/اوكي
لحقه جاك وسئلت سعود
عزوف/من مته وهي مخطوبه
سعود/من شهرين
عزوف بدقه/كان يحبها مرررره
سعود يزيغ عينه/ليش انتي تحبينه
عزوف ارتبكت/لا بس اسال
سعود/هاذي خصوصيه مالك دخل فيها
عزوف تناظره بستحقار/اووووف
***بجهه ثانيه***
جاك/والله ماكان قصدي
لؤي ابتسم/طيب انت ليش ضايق انا مازعلت منك بس حبيت اشم هوا
جاك/لا انت تكذب
لؤي/انا جاد ماكذبت
جاك/اكيد
لؤي يهز راسه بنعم
ضموا بعض ورجعوا لسعود وعزوف ناظرت فيه عزوف وابتسمت له وابتسم لها
جاك/اليوم عازمكم على التزلج الساعه 10 المساء اوكي
الكل/اوكي
+++الساعه 10 المساء+++
اجتمعوا كلهم في ساحه التزلج الثلجيه ولبسوا البس الخاص بتزلج وطلعوا يلعبون الحراس حولينهم
لؤي بتعجب/ماتعرفين
عزوف بخووف وتحاول تمسك في اي شي/يمه يمه بطيح لالالا مااعرف
جاك وسعود وهم يتزلجون/هههههههههههههههههههههههههه
مسكت يد لؤي وقعد يعلمها وجاء سعود وسحب لؤي معه لما طحت على وجهها
عزوف بحراره وقهر/الله ياخذك استغفر الله بس
اجتمعنا كلنا وسوينا قطار وكانت عزوف في الاخيره وقبلها سعود وقبله لؤي والقائد جاك وهااااتي ياوناسه
سعود يبي يجننها/تمسكي فيني عادي
عزوف ودها تذبحه/هي انت ترا ماسكه فيك لاني خايفه
سعود يتهزء/ايه واضح
وكملوا وعزوف جلست تتفرج عليهم تعبت وكانوا البنات منهبلين عليهم بس يتفرجون مالعبوا جو لؤي وسعود وجاك دخلوا يرتاحون شوي
والبنات متجمعين يبون ياخذون صورة وتوقيع من سعود وهو يناظرني ويضحك ناظرتهم بستحقار ومشيت
سعود بستفزاز/تغارين علي
عزوف منقرفه/وعععععع عليك
سعود بعناد/بين على نظراتك انك تحبيني بس ماقدرتي وشلون توصلين لي
عزوف شهقت/ لو تكون اخر رجال بالعالم ماحبيتك تحسبني مخفه ومطيحه عندك مثل هالمخفات لاياولد امك هاذي مو انا
ومشت وخلته سعود كل يوم هالبنت تكبر بعينه مو كل يوم الا كل دقيقه
عزوف/انا بروح الحين
لؤي/ليه تو الناس
عزوف بتعب/فيني النووووم مع السلااااامه
بعد ماشربوا شي يدفيهم قعدوا يسولفون
سعود/هالبنت هاذي غريبه تقول انا مااحبك ولو انت اخر رجال في العالم ماحبيتك ماقد في عمري سمعت بنت تكرهني كلهم يحبوني بس انا اعرف اخليها غصب تحبني غصب على خشمها
جاك+لؤي/ليه
سعود/بس كذا لعااااانه
طبعا هم متعودين على حركاته علشان كذا ماهتموا
===اليوم الثاني الصبح===
جاء واحد من الشرطه يكلم عزوف قدام البحر وهي نايمه
الشرطي/صباح الخير
عزوف/صباح النور
الشرطي/ من فضلك وقع هنا على مخلافه
عزوف بصدمه/لماذا
%%%في الجامعه%%%
دخلت الجامعه عزوف وناويه على سعود نوايا شينه وشافت جالس في الكفتريا
عزوف بصوت عالي/الى متى وانت حقيير
سعود ببرود/انا
عزوف بعصبيه/ايه انت اجل امي
سعود ببرود يقهر/اهااااااا هاذي اوامر الشرطه انا مالي دخل
عزوف بصراخ/لاااااا شايفني غبيه انا اعرف حركاتك التافهه الوقحه
سعود عصب/احترامي نفسك واعرفي انك الحين تتكلمين مع امير مو اشكالك
عزوف بصراخ اعلى/امير في عينك
سعود يتكي/تبين اريحك ايه انا الي راسله لك
عزوف بتعب/طيب ليه
سعود ببتسامه تقتل/بخليك كذا لما تعترفين انك تحبيني
عزوف دموعها بللت خدودها/احبك وليش احبك تبيني احب انسان عديم احساس انسان خلى كل شي ضدي وانا بس غلطت عليه بدون قصد انت تبي حب شخص او تبي تملك قلب شخص مو بلغصب ولا بالفلوس انت صحيح عندك مال وكل شي يتوفر لك لكن القلب صعب انك تناله بسهوله ياسعود
وطلعت عزوف وهو للحين ساكت ويترجم كل كلمه قالتها جو لؤي وجاك يسولفون وهو ساكت
جاك/سعوووود بدت محاظرتك....سعود وشفيك سرحان.....سعود ياسعوود
توه يصحى/هلا هلا وشو
جاك/الي ماخذ عقلك يتهنى به محاظرتك بدت
طلع سعود وراح لمحاظرته
جاك/غريبه وشفيه
لؤي/مدري اول مره اشوفه سرحان
جاك/اكيد يخطط لتهوراته الدائمه
&&&المحاظره&&&
حطو لعزوف مكتب خاص قبال سعود اهي مشغله نفسها في الكتابه ومتابعه الدرس وهو يفكر كيف يصير كل شي بدون فلوس ومعنى كلامها
الدكتور/ساود(سعود)
سعود/نعم
الدكتور/نحن حددنا اختبار وانت سرحان
سعود يصحصح/هاااااه اختبار
الدكتور/انت من بدايه المحاظره لم تنتبه لشرح
سعودعصب/انت تعلم من تتكلم معه
الدكتور/اجل بس ذلك علم ومستقبل وليس الجاه والسمعه
سعود صرخ ووقف/لا تتدخل في شؤؤني الخاصه وهذا ليس من شأنك في مستقبلي انت مفصول من اليوم
وقفت عزوف/لا
سعود/وانتي خير
عزوف/كلامه صحيح هذا مستقبلك وعلمك ولازم تنتبه معه حتى ولو شوي الشهاده من مجهودك ومو مجهود احد ثاني
سعود يتافف..دخلت علينا حرمه كبيرة في السن مررره
الحرمه/صح كلام هالبنت الجميله انتي عزوف سعد ال....
عزوف ارتاعت/أي نعم
الحرمه/اعرفك على نفسي جده سعود وانتي بنت سمعت عنك علشان كذا سعيده بلقائك
عزوف فرحت/وانا اكثر
التفتت على سعود الجده/ومن اليوم ورايح هي راح تصيرمدرستك سامع
علامات الخوف والرهبه في وجه سعود/ايه ايه تم
استغربت يخاف منها سعود غريبه ..رتبت الجدول معها جدته انها تدرسه في بيتهم ومااقدر اني اقولها لا لانها كانت متعاطفه معي بشكل مابنتصور وجده حنونه وطيبه وبنفس الوقت متعاونه معي على سعود
الجده/اليوم الساعه 7المساء
عزوف/خير ان شاء الله
وكانوا حاظرين لؤي وجاك ترتيب الجدول وهم مستغربين
@@@الساعه 7 المساء@@@
جت بيتهم ودخلوها مكتب سعود
الجده تسلم عليها/اهلان بنتي
عزوف/اهلين
الجده/تسمحين اناديك بنتي
عزوف بفرح/اكييد
دخل سعود ومسكته مع اذنه
سعود/اوووووه توجع
الجده/اسمعني زين اذا ماخذت بكره درجه زينه في الاختبار ياويلك
سعود/مـــــامــــــا ليه هالمره هاذي دايم اخذ احسن الدرجات من دون مااذكر
الجده/بس من اليوم ورايح تبدء تاخذ درجات من جهدك وتعبك مو بس صرت امير يعني خلاص سامع
سعود بخوف/سامع
طلعت الجده وبقى انا وياه
سعود يرجع لهيبته/مستانسه هاااه
عزوف/ههههههههااااي مررره
سعود بقهر/بذبحك
عزوف/تعال يالله بتبداء الحصه ولا اعلم جده
سعود بخوف/لالالالالا
جلس قدامي وقعدت ادرسه واشرح له بس نظراته تحرجني واتجاهلها
سعود/طيب لازم تعطيني سؤال واحله
عزوف/اكيييد
سعود/اوووفففف
عزوف تنادي/جــــــــــــده
سعود مسك القلم والدفتر/لالالالا خلاص خلاص
عطيته اسئله كثيره وانا جلست اذاكر لما يحلها ويخلص
عزوف/سعوود خلصت سعووود
شافت وجهه صار نايم على الاسئله ابتسمت على شكله وتركته ينوم
بس لما سمعت صوت مشي قومته
عزوف/سعوود سعود جده جت بسرعه قم
على طول قام وسوا نفسه يحل الاسئله
الجده/هاااه سعود شاطر
عزوف تتهزء/مررره ممتاز
ناظرني مستغرب اني مدافعه معه
الجده/طيب نشوف بكره النتيجه الحين الساعه11 وانتي جايه من الساعه 7 اكيد تعبتي
عزوف/لاعادي
الجده/خلصتوا ولالا
عزوف/ايه
الجده/خلاص روحي ارتاحي
عزوف/اوكي مع السلامه
الجده/مع السلامه
رجع سعود ونام على الاسئله
***في الجامعه***
جاك/ههههههههههههااااايييي نايم
سعود/بس عزوف قالت لها اني ممتاز ومدحتني
لؤي/طيب النتيجه اليوم
سعود/والله اني خايف من ماما
جاك/اجل اليوم وناااسه
سعود ضربه على راسه/تستانس علي هااااااااه
جاك/هههههههههههه
!!!الاختبار!!!
عزوف عرفت تحل لكن سعود مااعرف الا سؤال بس والدكتور مو معهم نايم على الطاوله
سعود ياشر لعزوف/ماعرفت
عزوف/احسن
سعود بترجاها/غششيني ارجوك
عزوف مكابره/لالالا
سعود/اعطيك الي تبين
عزوف تفكر/ كل الي ابي
سعود/ايه
عزوف/عطني ورقتك واعطيك ورقتي
الدكتور فتح عينه وشافهم يحلون ورجع ينوم تبادلوا الاوراق وحلت له ورجعوا الاوراق
عزوف/استاذ خلصنا
خذ منهم الاوراق وطلع
عزوف/ترا اخر مره اغششك
سعود/اوووه لاتقعدين تمننين على كم سؤال
عزوف/من حقي اتمنن انت حال سؤال واحد بين 20 سؤال يعني انا حاله 19 سؤال
سعود/بس لاتعلمين ماما
عزوف تتهزء/ماما وشو ماما
سعود/ ماما الي هي ماما
عزوف/وععععع دلوع
سعود/هي هي انتي لاتتهزين وش تبيني اقول لها
عزوف/ يمه جده أي شي مو ماما زي الغبي
سعودبعناد/بكيفي اقول الي اقول
عزوف كشرت/احسن
طلعوا
جاك/عيد ميلادي بعد بكره وابي ابداعات
لؤي/وش تبي نسوي لك
جاك/ابي ونااااسه فله توسع الصدر
سعود/اوكي بس انت لاتهتم
++++اليوم الثاني++++
عزوف متورطه ماتدري وش تلبس بس لبست بنطلون اسود وقميص كروهات اسود وابيض رتبت شعرها ولبست كوتش ابيض وتعطرت ..وراحت للحفل دخلت وكانت عيونها تدور على لؤي
سعود/هي يالعاميه
عزوف بدون اهتمام/وين لؤي
سعود يناظرها من فوق لتحت/انت من جدك جايه بهالبس في حفل امراء شوفي البنات كيف لابسين لبس سهره وراقي يؤيؤيؤيؤ وتبين لؤي بعد انتي ناسيه ان المكان هذا كله صحفيين وناس راقيه كيف بتوقفين جنب لؤي وانتي باالملابس البيئه هاذي
عزوف تحاول انها ماتعطي لكلامه أي اعتبار/شكرا اشكرك من كل قلبي على كل كلمه قلتها ياسمو الامير سعود شكرا
راحت هي وسعود سكت بس متعجب منها دايم تاكله بقشوره وتصارخ وتهزئه.. بس صوت وقفها من بعيد
...../على ويــــــن
التفتت لؤي لؤي ايه هو الي ناداني ولا اهتم بمظهري ولااهتم بااحد
لؤي/تو الحفل مابدء
سعود هنا انقهر من لؤي..قرب منها وحط يده على كتوفها
لؤي/امشي معي نجلس
مشت معه والكل جلس وترتب علشان الحفل بدء طاوله خاصه في لؤي وعزوف وجاك وسعود قدام المقدم الحفل ونداء على جاك
جاك/اممم اود ان اشكر كل الموجودين هنا على مشاركتهم بسعادتي امم>>وقعد يتكلم وفجاءه
جاك/رح تستمعون الى موسيقه غاليه على قلبي اقدم لكم صديقي العزيز والمقرب لي لؤي
طلع لؤي على المنصه وعزف مقطع الكل سرح وقعد يهوجس جت عيني في عين لؤي وابتسم لي ذيك الابتسامه الي دوختني بعد ماانتهى من العزف صفقوا له بحرارررره والكل التها بسوالف والعشاء وجاء فتره الرقص وكل واحد خذله بنت ويرقص معها
لؤي مد يده لي/ممكن
عزوف بفرح/مااعرف
غمز لي وسحبني.. ورقصنا على اغنيه رمانسيه حط يده على ظهري واليد الثانيه ماسكه يدي ...عزوف تفكر
عزوف/ احبك مااحبك مدري بس اذا شفته قلبي ينبض واستحي ويصير عندي اسلوب نوعا ما احس براحه احس بالامان ابتسم دون شعور له مكانه في قلبي صوته حنانه عطفه علي هل هذا حب او لا بس الا احبه بس مدري هو يحبني ولالا ااااه يالؤي
((ظل لك ميزة في كل شئ شوفتك
بسمتك طيبتك حتى غيبتك...احبك))
لؤي/عزووف وين وصلتي له
ابتسمت له/لا هنا معك
خلصنا رقص وخلص الحفل والكل طلع بعد العشاء
لؤي/الجو بارد تجين معي لبيتي
عزوف/لالا
لؤي/وين تروحين الثلج يتساقط
عزوف/أي مكان
لؤي/مو بكيفك امشي معي
عزوف/ لالالاماقصرت
لؤي/انا قلت لك بس انتي رفضتي مو تقولين ماقالي
عزوف/ هههههههه لا عادي
لؤي/مع السلامه
الكل/مع السلامه
راحوا كلهم وسكروا القاعه والجو موووت الثلج يتساقط بكثره وجلست برا ومعي سعود لان سواقه تاخر عليه
سعود معصب/اووووف بموتك بموتك اليوم....ياانا او انت في هالدنيا....اووووووووف
عزوف/يمكن ظروفه ماسمحت له انه يجي نفس وقته
سعود/أي ظروف هو سواقي الخاص بس مو لحد علشان يصير عنده ظروف
عزوف/طيب اجلس راح تتعب
سعود يخزها/ليه مهتمه فيني
عزوف/لا عادي بس الجو ثلج وانت تلف و تدور ووترت حراسك كلكم وافقين
سعود يجلس/طيب
سكتنا شوي
عزوف/متى عيد ميلادك
سعود/توني مسوي عيد ميلاد من كم سبوع
عزوف/اهاااا
سعود/وانتي
عزوف بحزن/مدري
سعود/ليه في احد مايدري عن تاريخ مولده هههههههههههههه
عزوف/ايه انا مااعرف متى يوم عيد ميلادي ظروفي ماسمحت لي اني اعرف
سعود/ههههههاااااااااااايييي الحمدالله ظروفي أي ظروف الي تخليك ماتعرفين عيد ميلادك
عزوف/الناس ياسعود غير عن بعض اذا صرت انت ولا احد ثاني يعرف متى مولده وبسهوله بعد انا مااعرفه ولا قد عمري شفته وصعب علي اني اعرفه بعد بس الي اعرفه ان عمري20 سنه
سعود/صحيح الي مثل اشكالك مايعرفون شي
عزوف بحزن/.........تبي تعرف متى عيد ميلادي
سعود/ايه
عزوف ترفع راسها لسماء/اذا شفت الثلج متساقط (تشوف ساعتها)وجت الساعه ثنتين الليل يصيرعيد ميلادي
سعود استوعب/اممممم اووووكي
جاء سواقه
سعود/مع السلامه
عزوف/مع السلامه
###الصبح###
قامت عزوف نفس مكانها عقب امس وراحت الجامعه وكانت متاخره مرررره دخلت على طول قاعتها ولقت الدكتور يشرح وسعود يكتب معه استغربت سعود منتبه مع الدكتور غرررريبه
عزوف/السلام عليكم
الدكتور/وعليكم السلام ليه تاخرتي
عزوف تورطت/امممممم
الدكتور على صوته/انا اتحدث اليك
سعود على صوته اكثر/لاترفع صوتك عليها
لالالالا اكيد في سعود شي يدافع عني الدكتور سكت وعزوف جلست مكانها ورجع عاد الدرس كله وجلسنا نكتب معه ولما خلصت المحاظره
عزوف/غريبه سعود تهتم بالمحاظرات
سعود/من اليوم ورايح
عزوف/اهااااا طيب عرفت كم درجاتنا حقت الاختبار
سعود/ايه
عزوف بهتمام/كم
سعود/انتي حذتي درجه كامله وحتى انا بس قلت له بعيد الاختبار
عزوف/لييييييييييييييه
سعود بتفهم واقتناع/ابي اخذ الدرجه كامله من مجهودي مو من مجهود غيري
عزوف تصفق/زين
سعود/بس انتي راح تدرسيني
عزوف انفجعت/بعد
سعود/بصراحه….ماما جابت لي كم مدرس خصوصي لكن ماحسيت اني افهم الامنك بس اول مره درستيني نمت فيها عشان كذا ماحليت
قال هالكلام وطلع على طول اكيييييد سعود شارب شي او هذا مو هو
مر اليوم نفس الايام الي راحت ولما جاء المغرب راحت عزوف لسعود تدرسه
عزوف/بسم الله اول درس
سعود يقرب جنبها/يالله
عزوف بصوت عالي/خييييراحسن تعال اجلس بحضني
سعود ارتاع/هي هي انتي من زينك علشان تشوفين نفسك كل البنات يتمنون بس امر جنبهم وانتي وش معنى
عزوف/قلت انت بنفسك البنات يتمنون و انا ماتمنيت وبعدين لاتقارني بااحد
سعود/وع عليك كلهم احسن منك مال وجمال ودلال ودلع مو مثلك كنك ولد
عزوف/المال وشو المال عاد انت عمرك ماجربت عيشه الفقر صح
سعود/صح
عزوف/والجمال جمال الروح ومو جمال المظهر وانا واثقه من نفسي مو محتاجه رايك والدلال والدلع مو من اطباعي وانا حره بطباعي (صرخـت)مو بكيفك بعد
سعود ارتاع/بسم الله انتي مجنونه
عزوف/مجنونتين
دخلت الجده عليهم
عزوف تسوي نفسها تدرسه/فهمت هاذي النقطه
قاطعتها الجده/ايه خليها يحفظهم مثل اسمه
عزوف فيها الضحكه/ان شاءالله
طلعت الجده
عزوف/ انت المجنووون مو انا
سعود يبعد عنها/وشلون اشوف يالله قولي لي
عزوف فكرت/طيب اقرب بس لاتلزق علشان ماامحي وجهك
سعود/وش امحي وجهك وش تقولين انتي
عزوف/امحي وجهك يعني اموتك
سعود/يؤيؤيؤيؤيؤ انتي ولد مو بنت متاكد
عزوف/تسمع الدرس ولا امحيه
سعود/مابعد مليت من حياتي يالله اشرحي الدرس بس قبل لايجي اكثر
بدت تشرح الدرس له وهو متحمس معها وماخصلت منه الا الساعه 1الليل
عزوف/تبي أي شي ثاني
سعود/لا بس حبيت اسال انتي وشلون تعرفين تدرسين وانتي توك طالبه
عزوف/لاني اعرف الدروس وحاظرتها ياغبي ليه انت شفت احد يدرس وهو مايعرف الدرس ولا قد عمره حظره
سعود/تبين الصراحه ايه
عزوف/من هذا
سعود/انا
عزوف/انت تدرس خخخخخخخ
سعود/هي انتي ليش تضحكين محد ذكي غيرك
عزوف/لا مو كذا بس انت مو مدرس انت طالب
سعود/لا مره من المرات ماما عاقبتني وقالت لي مافي مدرسين انت درس نفسك
عزوف/هههههههههههههههه احسن
سعود بستخفاف/خخخخخخ تافهه مافي شي يضحك
عزوف/الا انت اصلا كلك تضحك
سعود/صدق توني ادري منك انتي ليش ماتحبيني جميل ومال وطول وجسم كل بنت تتمناه وكل شي متوفرعندي
عزوف بعناد/حرررره انا مااحب الجميل و المال ولا الطويل ولاجسم كل بنت تتمناه
سعود/ليه احرق نفسي ولا اصير فقير ولا اقطع رجولي ولا اخرب جسمي علشان تحبيني
عزوف/افضل بعد علشان اكرهك زياده
طلعت من مبنى البيت ولحقها سعود في حديقتهم
سعود/ليييييه
عزوف/الحب مو بشكل الشخص
سعود/اجل باايش
عزوف/الحب احساس صادق بين الشخصين الحب هو الرحمه العطف الحب نقا وصفا الحب كل شخص يقدر يقول احبك ويعبر عنها لكن المحب يعجز عن التعبير احساسه اذا تلاقت عيونكم مع بعض تنسى كل العالم حتى تنسى نفسك تصير عيونك هي الي تنطق وتبوح للي تحب الحب اذا شفت الي تحبه تطير من الفرح تستانس تعطيه كل الي يبي ويتمناه تخليه بعيونك
الحب كلامه كثير ياسعود محد يقدر يتكلم عنه الا الي جربه وحس به
سعود/وانتي قصرتي كل شي قلتيه بعد باقي شي
عزوف/هههههههههه
سعود مندمج/انتي وشلون عرفتي كل هالكلام
عزوف/اذا حبيت تعرف
سعود/وانتي حبيتي يؤيؤيؤ ومن الي الغبي الي حبك
عزوف/ايه احب وانحب والغبي مو لازم تعرفه الا اذا قال بصوته لي احبك
سعود/هههههههههه والله بيندم
عزوف/ محد نادم على حبه لي
سعود/واثقه
عزوف/مررره
مشت عزوف ووقفت فجاءه وصرخت سعود ارتاع وصرخ معها هي ركضت وركض وراها مايدري وش السالفه وراحوا الجهه الثانيه وسعود وقف وراها
سعود/وش فيك خوفتيني
عزوف بخوف/كلب كلب
سعود/أي كلب
عزوف/حقكم شفته يمشي
سعود ارتاح/هههههه ليش الكلب اكيد يمشي
عزوف بخووف/انا اخاف من الكلاب
سعود ذاااب عليهاعاد اول مره يشوفها تخاف طلع الكلب فجاءه قدام عزوف نطت من الخوف ورجعت لوراء و و و و و و ضمت سعود وهو شالها وبعد الكلب عنهم وجو الحراس وحذوه وللحين عزوف شايلها بين بيديه وهم مخبيه راسها بصدر سعود وسعوووود راااااح في خرايطها صحى على نفسه ورماها في الارض بقوه
عزوف/ااااااااااااااااااااااووووش وجع يوجعك
سعود متوتر/انتي اطلعي من القصر لان الكلابه هذا وقتها تحرس القصر
عزوف طمرت من محلها وطلعت من القصر وهي مرعوبه
انتهى الجزء الثاني
|