بعض الصدف
بعض الصدف فيها الشقا والسعادة
للي جرالي يا العتيبي تعنيت
جيت الطبيب اللي فتح له عيادة
من وصفته ما فادني لو تداويت
شفت الحبيب وفي يدينه ضماده
وقفت واشر بالحواجب وصديت
حوله هله واهل الحكي والقرداه
اللي بعضهم التفت يوم مريت
ابقي اعرف اللي جراله وصاده
اخاف واخشى من هله لو تحاكيت
طال انتظاري بالصبر والجلاده
ما رحت لين انه خرج يبقي البيت
رجعت للدكتور ابقي الافاده
شنهو جرى للي اوده وحبيت
مما شرح لي زاد همي وزاده
شوف الاشعه واضحه خلفها الليت
ياليت كتفي حق راسه وساده
واشوف زوله كل ما اصبحت وامسيت
تكفون يا اللي ناويين بعاده
انا بذمتكم سوى حي او ميت
|