(الجـزء الـوآحد والثلآثون)
احمد :ريهام ريهام
اسماء بقهر :احمد احمد قوم انا مو ريهام انا اسماء
احمد صحى من النوم :ها وين ريهام
اسماء مكشره بوجهها :ريهام ماتت
احمد رجع للواقع :كم الساعه
اسماء :حبيبي بدري كمل نومتك
احمد "اااااااااه وين اكمل في تومتي اشوفها وفي صحوتي اشوفها وينك ياريهام وينك ":لا خلاص
انا بقوم
اسماء "الله ياخذك ياريهمو وحتى وانتي ميته مو مرتاحه منك ":حبيبي
احمد :..............
اسماء :احمد
احمد :..............ز
اسماء تهز كتفه :احمد
احمد :هلا
اسماء :تبغى حاجه اسوي لك شئ تاكله انت مااكلت حاجه من امس
احمد يرجع ينسدح :لا مو مشتهى حاجه انا بنام
اسماء تنسدح معه :طيب
احمد "ااااااه ياريهام راح انام طول عمري اذا بشوفك باحلامي ":.............
حمد :ايوه ياقلبي جايك الحين بالطريق
دانه "مااكون دانه اذا خليتك تروح ياحمد اصبر على "ورحت بسرعه اخذت لي كامده مويه حاره
وانسدحت على السرير وحطيتها على جبيني "اخ اخ حاره بس اتحمل عشان تنجح خطتي "ولما
شفته قرب نزلت الكامده تحت السرير جاني :دندون انا طالع تبين حاجه اجيبها وانا راجع
دانه :..............
حمد :دانه نمتي
دانه :..............
حمد قرب من السرير وحركني بيده :دانه
دانه :همم
حمد :دانه فيك شئ
دانه مدري منين جاتني القدره على التمثيل :لا مافي شئ
حمد يلمس جبيني :جسمك حار وتقولين مافيك شئ
دانه :لا عادي حمد مافي شئ
حمد يقرب اكثر :في حاجه تالمك
دانه بصوت تعبان :لا حبيبي
حمد :دانه قومي اوديك الدكتور
دانه :حبيبي مايحتاج
حمد :دانه قولي وش يالمك
دانه اشرت على بطني :.............
حمد :هي وصلت
دانه انحرجت :لا بس الظاهر دخلني برد
حمد :طيب قومي البسي اوديك الدكتور
دانه :لا ماابي مالي خلق ارتاح وبعدها ان شاءالله بخف
حمد :قومي احسن يعطونك علاج يريحك
دانه كشرت بوجهي يعني اني اتالم :لا مايحتاج بعدين تتاخر مو انت بتطلع
حمد :يالمك كثير
دانه بديت اصيح مدري منين جاتني الدموع :لا
حمد باهتمام :شلون لا وانتي تصيحين
دانه "تغمصت الدور ":..............
حمد :ياقلبي قومي اوديك الدكتور
دانه وصوتي كله بكى :لا ماابي انت روح خلاص لا تتاخر
حمد ياخذني بحضنه :ماني رايح شلونا روح وانتي كذا
دانه رفعت راسي :يعني اهمك
حمد :اكيد تهميني كم دندون عندي
دانه وانا اشاهق "ماتوقعت اني خطيره بالتمثيل ":اجلس معي لا تتركني لحالي
حمد :ان شاءالله بس اغير ملابسي وارجع لك
دانه :لا لاتروح اجلس
حمد يبوس راسي :طيب وهذي جلسه
دانه ابتسمت ابتسامة انتصار :...........
حمد يغطيني بالبطانيه :تبغين حاجه اجيبها لك
دانه بدلع :لا ماابي اذا قلت بتقوم عني وانا ماابيك تقوم
حمد :ياعمري انتي ماراح اقوم ادق على سهام وتجيبه
دانه :ابي شوربه
حمد :بس من عيوني
دانه "والله اني مو سهله هههههههه":بس
طلع حمد جواله ودق على سهام وقال لها :وهذي الشوربه بالطريق طيب اخذتي حاجه عن بطنك
دانه :ايه اخذت
حمد :شلون تاخذينه على جوع انتظرتي لحد ماتاكلين
دانه :شسوي كان يالمني وماتحملت
حمد :هذي اخر مره تاخذين حاجه على جوع
دانه :طيب
حمد:طيب قلبي بروح اغير ثواني واارجع
دانه رجعت صحت :لا لاتقوم حمد انا خايفه
حمد :ياقلبي خايفه من ايش
دانه "يي وش اقوله ":خايفه اموت مثل ريهام
حمد يحضني لحضنه اكثر :سلامتك ياقلبي من الموت بعيد الشر عنك ليه هالكلام
دانه :مدري اخاف يصير لي مثل احمد وريهام اخاف تغمض عيني ولا اشوفك
حمد :دانه وش هالكلام
دانه حطيت وجهي بصدره :حمد لا تقوم
حمد :طيب ماراح اقوم
دانه :حمد
حمد :لب..هلا
دانه :خلاص ماابس شوربه ابي انام
حمد :لا كلي بعدين نامي
دانه بدلع :خلاص مو مشتهيه
حمد :مافيه بتاكلين يعني بتاكلين ولا بقوم
دانه :لا خلاص باكل بس لاتقوم
حمد"هالبين بتجنني ناقص انا دلعها هي من غير شئ كلت عقلي بس ليه مو قادر ارفض لها طلب الحين
وريم الحين كيف اقولها ماني جاي ...يلا انتظر لحد ماتنام واكلمها "رن جواله وتوه بيرد
دانه :حمد اذا واحده من حريمك لا ترد عليها الحين رد عليها وانا مو موجوده
حمد :تغارين
دانه :اكيد اغار انت لو تعرف قد ايش اموت قهر وانا اسمعك تكلمهم ودلعهم حمد انا مااقول لا تتزوج
او لا تكلمهم بس على الاقل لاتكلمهم قدامي
حمد "مدري ليه حبيت غيرتها حسيتا ني ابي ارضيها واقول لها انهم ولاشئ قدامك ماله داعي الغيره
مدري ليه حسيتا ني ابي اطلق ريم لعيونها ودي اذبح ريم لانها خلت قلبها ينهم وينقهر ":حاضر
دانه :حمد
حمد :هلا
دانه بدلع :شكرا
حمد ببتسامه :عفوا
بعدها جات سهام معها الشوربه واخذها حمد منها ولما جيت بشرب اصر هو انه يشربني اياها
الصراحه فرحت حسيت نفسي اني اميره وانا اتدلل عليه
دانه :اح حمد حاره
حمد :هههههههه طيب صبري ابردها
دانه :حرقت لساني احح
حمد وهو ينفخ عليها :يلا هذي بارده
دانه :ايه بعد ايش
حمد :ههههههههههههه يلا فتحي فمك ياشاطره
دانه تخصرت له :ياسلام شايفني بزر
حمد :واحلى بزر بعد
دانه بزعل :ماابي اكل خلاص
حمد :ههههههههه شفتي انك بزر زعلتي
دانه :ماني بزر بس شبعت
حمد :طيب هالملعقه عشاني
دانه :ماابي
حمد :افا مالي خاطر عندك
دانه :بس هالملعقه
حمد :ايه
دانه :طيب يالشايب
حمد رفع حاجبه :مين الشايب ها
دانه ببراءة :مو انا بزر انت شايب متعادلين
حمد :والله لو منتي مريضه كان وريتك منهو الشايب
دانه "لا لا يكون رجع حمد القديم "وانا ابلع ريقي :وش بتسوي يعني
حمد انتبه لخوفي وببتسامه :هههههههه "غمز "شئ يخلي وجهك يقلب طماط
دانه :ودي اغطي وجهي بحاجه من الخجل :............
حمد بضحكه اعشقها :ههههههههههههههههههههههههههههههههههه
بعدها جلسنا شوي ونمنا وانتبهت لحمد وهو يقفل جواله لما كثرت الاتصالات ونام جنبي فرحت
بهاليوم وصرت ادعي ربي انه مايتغير على ويدومه لي
الساعه ثنتين بالليل في غرفة هنادي ونايف
هنادي:نايف
نايف :............ز
هنادي :نااااايف
نايف :حبيبتي نامي الحين
هنادي :ناااااااايف قوم ماني قادره ااااااااااااه
نايف قام مفزوع :بتولدين
هنادي تصيح :ايييييييييه
نايف يقوم :شسوي وين اروح
هنادي :نااااااايف الحقني اااااااااااااه
نايف يروح ركض لغرفة حمد ويطق الباب مثل المجنون:دانه دانه
حمد انتبه مفزوع :دانه
دانه :شصاير مين على الباب
حمد :هذا نايف
دانه :اكيد هنادي بتولد
قام حمد وفتح الباب :هلا نايف
نايف :حمد مرتي بتولد شسوي
حمد :ههههههههههههههههههههههههههههه
نايف :حمد انا اقولك مرتي بتولد وانت تضحك
حمد :روح جهز هنادي وانزل انتظرك بالسياره
نايف :طيب طيب
حمد :يلا بروح البس وانتظرك
نايف :حمد الله يخليك بسرعه
دانه :حمد بروح معكم
حمد :وين تروحين انتي تعبانه
دانه :لا حمد مااقدر اترك اختي لحالها
حمد قدر الوضع :طيب يلا بسرعه
وبسرعه نزلنا وركبنا السياره انا وهنادي ورا ونايف وحمد قدام وحمد الي يسوق
هنادي بصوت واطي :ااااااااااه دانه بموت
دانه وانا اهدي فيها :بعيد الشر ياقلبي
نايف متوتر وجالس يدعي ويقرا من الايات الي حافظها وحمد يطالع فيه وماسك ضحكته
وصلنا المستشفى وبسرعه دخلوها غرفة الولاده
وبعد ساعتين ونايف رايح جاي ومتوتر :حمد طولو
حمد :يانايف طبيعي تتاخر واكثر بعد لانها بكر
دانه :حمد انا خايفه على هنادي
حمد :ياقلبي لا تخافين ان شاءالله مايصير الا الخير
نايف :حمد
حمد بتعصيبه خفيفه :حمد من بيلحق عليه ولا على مرته خلاص هدوا
نايف جلس على الكرسي وسكت :...........
دانه بخوف وبديت ابكي :حمد
حمد حس فيني ومسك يدي وحضنها :لا تخافين ياقلبي ان شاءالله خير
بعدها بساعة طلعت الدكتورة
نايف راح طيران لها :بشر دكتور
الدكتور :مبروك يااستاد جالك صبي وهو بخير والحمدالله
نايف :والمدام
الدكتور :والمدام كمان
نايف :اقدر اشوفها الحين
الدكتور :تقدر بس لما يدخلوها الاودة بتعتها
رحت انا وحمد نشتري باقة ورد من المستشفى وهي فرصه لنايف يكون لوحد معها
نايف :الف الحمدالله على السلامه يابعد عمري
هنادي بتعب :الله يسلمك
نايف :خوفتيني عليك ياقلبي
هنادي ببتسامه :حبيبي ابي ولدي
نايف :الحين النرس بتجيبه
حمد وانا :السلام
هنادي ونايف :وعليكم السلام
دانه :هنادي حمد يبي يبارك لك
حمد من ورا الباب :الف الحمدالله على السلام هيام ريان
هنادي بتعب وخجل :الله يسلمك
حمد :مبروك ماجاك يابو ريان
نايف والابتسامه شاقه حلقه :الله يبارك فيك وعقبالك
حمد :ان شاءالله يلا توصون على شئ
نايف :ايه ابيك توديني معك عشان ارجع بسيارتي
حمد :هههههههه يلا انتظرك دانه
دانه :هلا
حمد :وانتي اكيد مجلسه مع اختك
دانه بفرح :اكيد
حمد :طيب بكره العصر بمرك اوكي
دانه :اوكي
انتشار خبر ولادة هنادي ولما جاى العصر الكل جاى يهني ويبارك لها وهي ونايف طايرين من الفرحه
باستراحه الرجال بالمستشفى
احمد :الف مبروك يابو ريان
نايف البسمة مافرقت فمه :الله يبارك فيك وعقبالك
احمد بحزن :الله كريم
نايف انتبه للغلطه :الله يعوضك خير ياحمد والعمر عندك قدام ان شاءالله
احمد :ونعم بالله
عماد:والله خشة الولد ماتطمن شكله بيطلع جيكر على ابوه
راكان :وانا اشهد شفت حجاته كيف لاصقه ببعض كانه يقول وين انتو جايبيني فيه وش هالوجيه
الي تصرع رجعوني مكاني يلا اشوف
الكل :ههههههههههههههههههههههههه
نايف :هلي مو عاجبك خله يكبر ان ماشفته يسدح كل بنات المملكه مايكون ابوه نايف
بندر :وش دخلك بالموضوع انت
نايف :مو انا ابوه اكيد لي دخل
عماد :ههههههههه على العموم مبروك ويتربى بعزكم ان شاءالله
نايف :اللهم امين
منى :يسلم قلبه النون
دانه :أي ماشاءالله عليه مزيون على امه وابوه
منى :شتسوي ياولد اختك مصيرك ولازم تتحمله ادري انك حزين بس وش نسوي ونويف ابوك تحمل
وانا خالتك تحمل
الكل :ههههههههههههههههه
نايف من ورى الباب :وانتي وراي وراي لازم تغثيني حتى بفرحتي
الكل :ههههههههههههههههههههههههههههههههههههه
منى :الف مبروك يابو ريان يتربى بعزك ان شاءالله
نايف :الله يبارك فيك
دانه :ياربي يهبل شفته
حمد :ايه شفته
دانه جلست على السرير :ضغنون كثير ياعمري عليه
حمد جلس جنبي :الله يخليه لاهله
دانه ولمحة حزن بانت على وجهي :امين
حمد يحضني :ان شاءالله قريب يصير عندنا واحد صغنون مثله
دانه :تتوقع انه بيكون عندنا بيبي مثله
حمد :ان شاءالله اهم شئ تكونين ملتزمه بالعلاج
دانه :والله ملتزمه بالعلاج
حمد ببتسامه :مصدقك ياقلبي
دانه :حمد
حمد :عيونه
دانه :ابي اطلب منك طلب
حمد :امري
دانه :ماابيك تقولي ياعمري او حياتي او من هالكلام الا اذا كان صدق طالع من قلبك ماابي
اكون مثل حريمك الي قبل تقولي الكلام بس للمجرد الكلام من دون ماتعنيه
حمد طالع فيني واكتفى انه يبوس جبيني :..............
(الجـزء الثـآني والثلآثون)
سهام :يانبي عليه يهبل
ام عبدالرحمن :الله يخليه لاهله ان شاءالله
سهام :ان شاءالله
اسماء بهمس :سهام
سهام :هلا
اسماء :تعالي معي ابيك بموضوع
قامو وراحوا لغرفة سهام واجلسوا
سهام :يلا قولي
اسماء :انا ابي احمل
سهام :انتي عارفه انك ماتقدرين لانك تاخذين علاج وهالعلاج ياثر على الجنين وانتي ماتقدرين تتركينه
اسماء :اففف يعني حرام اكو نام مثل غيري
سهام :لا مو حرام بس انتي عارفه وضعك
اسماء :لا انا لازم احمل اذا ابغى ارجع احمد مثل ماهو واخليه يحبني اكثر من ماكان يحب ريهامو
سهام تهز راسها :البنت ماتت ومازالت حاقده عليها
اسماء :ولاخر عمري
سهام :انتي ياسماء الكلام ضايع معك والي براسك بتسوينه بس انتبهي لاتضيعين نفسك
اسماء :ماراح اضيع بس انت مالك خص ولا تنطقين بكلمه
سهام :واذا سالوك شلون صار الحمل وانتي تاخذين موانع
اسماء :بقول لهم اني نسيت اخذ الحبه وماراح اقول الا لما ادخل شهري الرابع ذاك الوقت مايقدرون
يسون شئ
سهام :انا مالي خص فيك ولا بخططك ورجاء يااسماء لاتقولين لي أي حاجه راح تسوينها مره ثانيه
قامت وطلعت من الغرفه
منى :هنادي عطيني اياه
هنادي :يامنى ماابيه يتعود على الحضن خليه اذا صحى خذيه
منى :بس شوي
ام عماد :يابنت هجدي الولد بيصحى منك
منى :افففف
هنادي تاخذ جوالها :هلا حبيبي
نايف :هلا فيك اخبارك واخبار ريان
هنادي :بخير الله يسلمك وانت اخبارك
نايف :تمام
منى :الي يسمعكم يقول ماكانه كلمك من اسبوع وهو مااخذ له ساعه مكلمك واخبارك واخبارك وش ذا
نايف :انا ابي اعرف ذي لمتى وهي وراي ها لمتى
هنادي :هههههه ماعليك منها المهم انت بتجي الحين
نايف :ايه ثواني وانا عندك
هنادي :اوكي استناك
منى :بيشرف
هنادي :عندك مانع
منى :ابدا حياه الله
نايف :بسم الله انا ابي اعرف شلون تعرفون تشيلونه وهو صغير كذا
هنادي :هههههههه تعودنا
نايف :بابا كيفك تشوفني انا ابوك وهذي امك
هنادي :هههههههههه لا فهم ماشاءالله
نايف :لا ولدي فهيم شوفيه شلون يطالع ومركز يسلم لي هالعوينات
هنادي :ايه عندك ساكت وعندي فاك حلقه
نايف :الولد يبي ابوه بعد مايبيكم مو امه ماصدقت تفتك
هنادي :انا
نايف :ايه انت
هنادي باستغراب :وانا وش سويت طيب
نايف :ايه تقولين بتجلسين هنا شهرين وتتركيني
هنادي :هههههههههه عشان تشتاق
نايف :ايه لو انك تحبيني صدق كان من اول اسبوع وانتي عندي
هنادي :ياسلام ومين الي بينفسني انت
نايف :ايه انا مو عاجبك
هنادي :الا عاجبني ونص بس تدري لسه ماتعودت عليه وامي تساعدني لحد مااتعود واخف
واجيك ولعيونك بس وعشان تعرف غلاك عندي ماراح اجلس شهرين شهر بالكثير وانا عندك
نايف يبوس جبينها :يابعد قلبي انتي
دانه :واحمد وش مسوي الحين
حمد :الله يكون بعونه احمد متغير ماهو احمد الاولي صاير طول الوقت سرحان ويفكر
دانه :ايه خسارته مو سهله ولده ومرته بنفس الوقت
حمد :الله يرحمهم
دانه :طيب انت حاول تطلعه من هالوضع
حمد :حاولت بس مافي فايده
سكت لاني حسيته تضايق شوي
دانه :حمد
حمد :عيونه
دانه :حمد انا كم مره قلت لك لاتقول هالكلام اذا كنت ماتعنيه
حمد :طيب امري وش بغيتي
دانه :طفشانه
حمد :طيب وش خاطرك فيه
دانه :مممم مدري
حمد :ودك تطلعين
دانه :لا
حمد :اجل
دانه بتردد:اب اروح عند اهلي
حمد :ههههههههههه قولي من البدايه ليه اللف والدوران
دانه :ههههههههه امهد الطريق
حمد :طيب تروحين وتتركيني لحالي
دانه "الله يستر لا تنقلب السالفه على ":مم لا ماراح تجلس لحالك تقدر تروح لحريمك
حمد رفع حاجبه :حريمي
دانه :ايه يعني تقدر تنزلني عند اهلي وروح اجلس معهم
حمد :.......................
دانه :حمد شفيك مارديت
حمد :يعني انتي عادي عندك اروح عندهم ماتغارين
دانه "يس ":اكيد اغار واموت من الغيره بعد بس مااقدر اسوي شئ مااقدر اقولك طلقهم لانك
ماراح تنفذ طلبي ويمكن تنعاند وتروح تاخذ غيرهم
حمد :ليه طيب تبيني اطلقهم
دانه :لاني ابيك لي بروحي ماابي حد يشاركني فيك
حمد :ليه
دانه بدلع طبيعي وكنت خجلانه بس تجراءت :لاني احبك ولانك زوجي
حمد قرب مني :تحبيني
دانه رمشت بعيوني وبصوت واطي :ايه
حمد قرب اكثر :ايه ايش
دانه وجهي صار اشارة مرور :الي قلته من قبل
حمد يبوس خدي :ايه وشو
دانه بصوت واطي :احبك
حمد يبوس خدي الثاني : وبعد
دانه :وبس
حمد :لا قولي وبعد
دانه بخجل :خلاص بقوم انزل تحت
حمد يجرني من يدي :وين تحت جالسه تدلعين لي وتسبلين لي بعيونك وفي النهايه بتنزلين
دانه بعباطه :اجل وش اسوي اجلس
حمد يجاريني :جلس معي
دانه :انت بتنام الحين او تطلع وش اسوي يعني
حمد :ومن قال اني بنام
دانه فهمت قصده :طيب حمد
حمد :عي...هلا
دانه :قوم نروح السوق
حمد :ليه
دانه :ابي اشتري لي فستان لزواج بنت عمتك ماعندي
حمد :طيب بس مو اليوم
دانه :ليه
حمد يقوم ويقومها معه :تبين تعرفين ليه
دانه بخجل :لا خلاص بنزل تحت
حمد :تنزلين تحت معصي تنزلين
دانه :حمد اتركني بلا مصاخه
حمد :ياويل حالي من الي يستحون وجههم قالب طماط
دانه :حمد
حمد :دندون اتركي عنك الكلام
دانه :بس................................
سهام :دانه شريت لك فستان
دانه :ايه شريت
سهام :لازم توريني اياه
دانه :اوكي اذا صعدنا اخليك تشوفينه
سهام : وش لونه
دانه :سكتي اخوك جنني على ماحصلت الفستان
سهام :ليه
دانه :صاير يدخل بالصغيره والكبيره لا هذا قصير لا هذا عاري لا هذا اللون ما يناسبك او مااحبه
سهام :ههههههه غريبه
دانه :حتى انا مستغربه من قبل مايقول شئ بس الحين في كل حاجه يدخل
سهام :طيب والي خذتيه
دانه :لا نال علامة الرضا بس نص ونص
سهام :ليه
دانه :لما لبسته يقول مفصل جسمي
سهام :حلاة الفستان اذا صار مظبوط
دانه :واخوك وش يقنعه
سهام :هههههههههههههههههههههه
حمد :وش اخبار العرس امس
سهام :وناسه والله وطلع عند مرتك مواهب بالرقص
حمد يطالعني :شلون
سهام تضحك لاني اشر لها تسكت :يعني المصري والهز على اصوله
حمد :لا وتقوليم مااعرف ارقص يعني لو ماصدتك ذيك المره وانتي ترقصين كان صدقتك
سهام تغمز لي :لا ياحمد فاتك
حمد :ايش
سهام :ابد واحده تظن دانه اختي وجات وخطبتها مني وانا عطيتها
دانه كنت ماسكه ضحكتي وبحماس ابي اعرف وش راح تكون ردة فعله :تصدقين نسيت اخليها
توريني صورته
سهام :لا شفته مزيون ماعليه
حمد :خير ان شاءالله خير
سهام :شفيك
حمد:وليه ماقلتي لها انها متزوجه
سهام :ماحبيت اقطع بنصيبها
حمديرميها بالمخده :وشو ما تقطعين نصيبها ليه ناوية تطلقينها وتزوجينها
سهام :ليه لا اذا دانه راضيه
حمد لف على :وانتي ان شاءالله موافقه على هالمهزله
دانه :ههههههههههههههههههههههههههههه
حمد كشر بوجهه:تضحك بعد يعني عاجبك الوضع
انا وسهام :ههههههههههههههههههههههههههههههههههههههههه
حمد فهم السالفه :اقول مالت عليكم بس انا الغلطان الي جالس معكم
سهام :حلوه الحركه دندون
دانه :رهيبه هههههههههههههههههههههههههههه
حمد :اقول بلا هذرة زايده قوموا حطوا العشاء
سهام :حطينا العشاء وتعشينا
حمد:وليه ماانتظرتوا
سهام :احنا ميتين جوع ننتظر على ماتجي هلكنا
حمد يجلس جنبي :وانتي يالخاينه تعشيتي
دانه ببتسامه :لا انتظرك
حمد :بعدي والله يلا قومي حطي العشا
دانه :نو
حمد رفع حاجبه :ليه نو
دانه :لانك بتقوم وتطلعني وتعشيني
حمد :هههههههههههههههههههههههههههههههههههه
دانه :ترا جاهزة مو ناقص هالا عباتي البسها
حمد :طيب يلا قومي
دانه :ثواني
اسماء :احمد
احمد :نعم
اسماء بدلع :حبيبي
احمد :نعم
اسماء :عندي لك مفاجئه
احمد بدون اهتمام :ايش
اسماء:طالعني طيب
احمد يطالعها :نعم
اسماء تاخذ يده وتحطها على بطنها :حبيبي انا حامل
احمد انصدم :شلون
اسماء :حامل
احمد :شلون تحملين مو انتي تاخذين موانع
اسماء :الا بس حملت وش اسوي
احمد بعصبيه :ليه انتي مستهترة كذا انتي مو عارفه ان علاجك يضر بالجنين ويمكن يسبب له تشوهات
اسماء :عادي اترك العلاج لحد مااولد
احمد وصل حده :لا هي لعبه تتركينه انتي عارفه انه ماينفع
اسماء :ليه وش قصدك قصدك اني مجنونه صح
احمد :لا ماقلت انك مجنونه بس ماينفع تتركين علاجك وماينفع تحملين
اسماء بقهر :ليه ماينفع بس عشاني انا الي حملت مو ست الحسن ريهام يوم حملت كانت الفرحه مو سايعتك
وانا شوي وتجي تذبحني
احمد "ااااااااه ياريهام ":لا تجلسين تفسرين الكلام على كيفك انتي عارفه انه ماينفع تحملين
اسماء :طيب انا حملت وخلاص
احمد :لازم تنزلينه
اسماء :لا ماراح انزله وانت عارف انه مايجوز
احمد :هذا لوكان سليم وماعليه ضر وغير كذا انتي توك بالشهر الاول
اسماء :لا مو بالشهر الاول
احمد رفع حاجبه :اجل
اسماء :انا الحين بالشهر الرابع
احمد وقف :نعم يعني عارفه من زمان وساكته
اسماء وهي تبكي :احمد الله يخليك انا ابي اكو نام لازم تعذرني وهذا انت تشوف تركت العلاج
من اربع شهور حسيت انه في شئ متغير فيني
احمد :................
اسماء :احمد الله يخليك لا تقول نزليه ابي اكو نام حالي حال الحريم وان شاءالله مايصير الا الخير
احمد بعدم اقتناع :طيب البسي عبايتك خلينا نروح للمستشفى نخلي الدكتورة تفحصك
اسماء بفرح :طيب
هنادي :دانه شفيك وجهك اصفر
دانه :مدري حاسه اني تعبانه وجسمي مكسر
هنادي :طيب روحي ارتحاحي
دانه :لا عادي الظاهر انفلونزا
هنادي :طيب روحي لبسي لك حاجه تدفيك
نايف :وانتي خليت حد مادفيتيه شوفي ريان شلون مو باين من كثر الملابس الي ملبسته
هنادي :لا اخلى ولدي يبرد على حسابك اجل
دانه :ايه لازم تدفينه البزر بسرعه يتاثر وبسرعه يمرض
نايف :انا مااخلص من واحد هالمره الاخت بعد
دانه :هههههههههه وبنجيب منى بعد
نايف يقوم :لا لا الا منى سووا الي تبون انا مالي دخل
هنادي وانا :ههههههههههههههههههههههههههههههههههه
مر شهرين ولا صار في أي تغيير بحياتنا حمد مازال طيب وحنون معي واحسه تغير كثير
بس لحد الحين مو معترف هنادي ونايف يضحكون مع ولدهم الله يكون بعونه
اسماء :اقولك بعدي عني احسن لك
ريهام :واذا مابعدت وش بتسوين بترميني من الدرج مرة ثانيه
اسماء بحقد :ايه ثانيه وثالثه بعد اهم حاجه ابعدك عن احمد
ريهام بضحكه :ماتقدرين لاني بقلبه موجوده حتى لو ذبحتيني احمد بيظل يحبني لاخر العمر
اسماء :لا مستحيل احمد خلاص نساك وبجيب له الولد وبينساك اكثر
ريهام :وتظنين احمد بيسامحك لو عرف انك انتي الي ذبحتي ولده
اسماء تفكر :اصلا ماراح يعرف ومافي مخلوق يعرف اني انا الي ذبحتك مع ولدك
ريهام :انا الي بخليك تعترفين
اسماء بضحكه مجنونة :ماتقدرين ابدا ماراح اعترف احمد لي وطول عمره بيكون لي
هههههههههههههههههههههههههههههههههههههههههههههههههه ههههههههههههههههههههه
هههههههههههههههههههههههههههههههههههههههههههههههههه ههههههههههههه
|