07-29-2011
|
#6
|
•√♥ بقاياحلم ♥√•
قصيدة سعدة والعصفور والمدرسة
سعده بت شارعنه شكره وسعده قارب ما رسه
راح يسكيهه مطرنه وبرعمت بالمدرسه
مكلله بجفيه نيلي..والشرايط كمبرات
تجي كبل الطالبات
إشما يجيهه بالحلم
ترسمه بالغبشه رسم
راسمه نخله طويله ..وبلم مكلوب ونهر
وراسمه شمس الغروب..شمعه معتلكه إبجرح
وراسمه رحال بدوي..باديه بكلمة ملح
تالي ومكمله وجهه.. وذايبه كلمة ملح
وراسمتني آني عصفور المدينه
أبيض بلون الصبح..
المعلمه شافت الدفتر وشكت :
__ إنتي يرسملج أبوج ..هذا بدوي من صدك
راح يصعد للعثك
وهذا عصفورج حقيقي..يريد يحجي..يريد بالمدرسه يطير
__ ست خطيه.. ست فقير..
__ أس..أسكتي ولا كلمه..
__ ست إذا أرسمله نجمه..
__ تحترك..لا..تحترك..
__ ست إذا تحضنها غيمة..ست..إذا..
__ لا تحترك..
يفتح العصفور جنحه..للسماوات الزرك
يرفرف العصفور جنحه..وتنطبك
..الطفله.. حلت ظفيرتهه
الطفله صفنت وانحنت
الطفله..جفيتهه نيلي
كطعت الدكمه وبجت..
هي منين إلهه رسام
عاجز أبوها وساكن بكبة إمام
الطفله..بالدمعات غركت شهادتهه
..آني عصفور الطفوله..وما أكوله :
هي رسمتني بديها واني شايل علامتهه
طحت من نخلتهه فحمه ليش شكت معلمتهه..؟
|
|
|
|
|