>><البـ الخامس ـارت><<

جاسم:وشنو المهم في كل هذا؟!
ابو جاسم: انك تشتغل عندي..
جاسم:يبا انا ماعرف اشتغل ولا اقدر اتحمل مسؤوليه شركه عوده..
ام جاسم:شنو هالحجي ريال بطولك وبعرضك وتقول هالحجي عيل غيرك واللي اصغر منك شلون اشتغلوا؟!..
بو جاسم:وياولدي.. انا بديت اشتغل وانا عمري 19سنه ..انت مب عاجز تكون احسن عني..
جاسم"بلا مبالاه": ان شاء الله ...ان شاء الله..انا رايح تبون شي ثاني..
ام جاسم & ابو جاسم:سلامتك..
-------------------------------------------
الصمت كان المنتصر في الحجره ما عدا من الاصوات اللي كانت تيي من خارج الحجره..
الا ان قطعت السكون والصمت بسبب افكارها اللي ازعجتها واتعبتها..
سحر"بتردد":د..دا.دانه..
دانه"عقلها مع رفيجتها لمى": همممممممم.."وجهت نظراتها لسحر"..شنو تبين؟!..
سحر"بنظرة استعطاف":شنو فيها لمى؟!..وشنو فيه طارق؟!..
دانه"قالت بكل قلق وهي تلعب بصبوعها":علمي علمج..الله يستر بس..احنا مب ناقصين؟!..
"عم السكوت لحظات الا ان قالت يارا بعد تفكير طويل وتذكر"
يارا"تحاجي سحر": سحر..انتي ليش كنتي تبين تروحين بيت دانه؟!..
دانه"ارتفعت حواجبها علامه على الاستغراب"كانوا بيروحون بيتها..ليش؟!..عشان شنو؟!.."اسئله ترددت في ذهنها"
سحر"تذكرت شي غاب عن بالي نهائياً..كيف نسيت اخبر لمى ... بس لمى قالت انها سامحتني..بس اهي ما قالت لي على شنو سامحتني؟!.. معناته انها ماتدري.."سكتت مثل عادتها السكوت اللي اهي وسيلتها للهروب من كل شي او واقع يهاجمها..كانت تسب نفسها دائماً على جبنها وخوفها وعدم تماسكها قدام أي شي.. كانت تتمنى تكون مثل لمى شخصيتها قويه مب نسمة هوى تزعزع كيانها .. خاطرها تكون مثل المثل اللي يقول(( ياجبل مايهزك ريح)) لكنها نست ان لكل انسان نقطة ضعف وطريقه ينفس فيها عن غضبه.. وان لمى انسانه اولا واخيرا.. مثلها مثل كل البشر.."
هالمره دانه اللي قطعت هالصمت ..
دانه"بفضول كبير قالت لسحر": ليش كنتي تبين تيين بيتنا؟؟!!..
سحر"بتردد وتوتر واضح في كلامها وهي تناظرو تلعب بأصابعها وتتكلم مثل الطفل اذا غلط في شي": اااااا كنت بقول كلام مهم للمى..بس جذي.."ورفعت عيونها تبي تشوف ردت فعل دانه اللي ماحطت بالها على اللي قالته سحر لانشغالها بتفكير بشي ثاني ..هني سحر ارتاحت لان محد بيغرقها بأسأله ماتحب تجاوب عليها..دخلت النرس عليهم.."
رنيم:السلام عليكم..
سحر&يارا&دانه:وعليكم السلام ورحمة الله..
رنيم"وهي تشيل المغذي من ايد سحر وتحاجيها بابتسامه": خلاص تقدرين تروحين بيتكم..
"بعدها حست سحر انها ساعة الصفر اللي لازم تكون فيها ماسكه اعصابها حتى تتحمل الذنب اللي بييها اذا اكتشفت حالة طارق "
دانه:سحر .. يارا..انا بشوف وين لمى..انزين؟..
سحر"هزت راسها علامه على الايجاب"
يارا:انزين..
----------------------------
بعد ماكانت قاعده على كراسي الانتظار اللي على مقربه من حجرة سحر..توجهت للعنايه المركزه تنتظر عايلة بوسعيد..
وصلت ووقفت 5 دقايق..وبعدها يوا ..بووسعيد..ام سعيد.. سعد.. محمد..لمياء..
كانت اول وحده وصلت لها اهي لمياء وياى محمد..ومن وراهم سعد..
لمياء" بقلق كبير خذت لها نفس وقالت":طارق شنو فيه؟!..
لمى"بصوت يلفه الاسف":يحتاي لنقل دم عاجل..
لمياء"مستغربه ان اختها ماتبرعت له ..بدت تعصب":وانتي ليش ماتبرعتي له؟!..
لمى"بهدوء":فصيلة دمي غير عن فصيلة دمه وهو مب اول مره يحتاي لنقل دم..
لمياء"بأسف كبير بعد ماتذكرت":حتى انا.."عطت محمد نظره بائسه و مستفسره"..
محمد"لف على سعد":ماكو الا سعد اهو اللي نفس فصيلته ..
لمى:وشنو تنتظرون؟!..لين يموت طارق؟!..
"وصلوا سعد ومن بعده ام سعيد وابو سعيد وباين على ويوهم القلق على ولدهم"
لمى"وجهت كلامها لسعد":سعد سير هناك في ذيج الحجره.."واشرت صوبها"..
سعد انصاع لأوامرها.. وتوجه لذيج الحجره..وحاجبينه مرفوعين دلاله على استغرابه..واستنكاره..وهو يقول_هذي اهي لمى ما تتغير من صغرها..من عمرها16سنه.._
ام سعيد كانت تبجي على ولدها الصغير اخر عنقودها وروح روحها..ومب قادره تعبر عن مشاعرها الا بالدموع.. او انها تتمتم وتدعي بصوت منخفض مايسمعه غيرها اهي ومن خلقها..بـ"الحمد لله على كل شي ..يالله انك اتقومه بالسلامه وتعيده لنا سالم غانم يالله..يالله الطف بنا احنا عبادك الضعيفين ما نملج بهالدنيا غير اعمالنا .. واولادنا..يالله انك تنجي ولدي حشاشة يوفي.."..اما ابو سعيد كان ماسج نفسه قدام هذي المصيبه لانه يعرف ان الدنيا فانيه وان كلنا بنموت سواء اليوم او باجر او بعد باجر..اخرتها ميتين..بس هذا مب معناته ان امر ولده مايهمه..بالعكس كان خاطره منكسر على ولده ..وعيونه مكسيه بالحزن العميق..حزن كل اب يخاف انه يفقد ولده
بو سعيد"يحاجي لمى قبل لا تسير للحجره اللي فيها سعد" :يابنتي..طارق شنو فيه؟!..
لمى"استدارت له.. وحاولت قد ماتقدر تطمئنه":اهو ان شاء الله بخير وتقدر تعرف حالته..من الدكتوره المعالجه..
بو سعيد:وين الدكتوره اللي تقولين عنها؟!..
لمى:اهي في آخر الممر..هذيج"واشرت صوبها".."وجهت حجيها للمياء و محمد"..لمياء انتي قعدي هني ويا خالتي وانت يا محمد سير وياى ابوك..
"كانوا مشوشين مب قادرين يتصرفون وكأنهم يهال دخلوا مستشفى..وكانت لمى قلقه لكن ماسكه زمام الامور .. ((كعادتها او جزء من شخصيتها .. القياده.. وخاصه اذا الكل ضايع..مثل جذي))..بعدين اهي راحت للحجره اللي فيها سعد.. دخلت ولقت سعد يالس على الكرسي ويالس يفكر.. "
لمى:سعد الى الان وانت قاعد؟!..
سعد"بعد لحظات":ايه انتي ما قلتي لي شنو اسوي؟!..
لمى"بدا صبرها ينفذ":اللحين مب فصيلة دمك مثل فصيلة دم طارق؟!..
سعد:ايه..
لمى"بقلة صبر":وشنو تنتظر..تنتظره يموت؟!..
سعد"باستغراب ينرفز":منو؟!..طارق؟!..
لمى"باستهزاء":لا اناااااااا..استغفر الله..انا بقول للنرس .."بتسير"
سعد:شنو بتقولين لها؟!..
لمى:سعد شنو فيك..مسخن انت؟..اخوك بين الحيا والموت..ومحتاج لنقل دم عاجل..وفصيلته مثل فصيلة دمك..نسيت..
سعد"متجاهل كلامها":انا ياي وياج..
لمى"عصب بها بقوه":افففففففففففففففففف..لاحول ولا قوة الا بالله..لطفك يارب لطفك..
"وسار وياها"
***************
***في غرفه من غرف المستشفى***
***************
سامر و عبد العزيز بعد ما القو نظره على رامي..حبوا يتطمنون عليه اكثر فساروا للدكتور اللي يعالجه..
سامر: دكتور..ممكن تقول لي.. شنو فيه رامي؟!..
Dr:انتو حد من قرايبه؟!..
عبد العزيز:لا اهو رفيجنا..
Dr:اهممم.. ماعنده اقرباء؟!..
سامر:لا ما عنده حد يذكر.. المهم متى بيطلع من العنايه؟!..
Dr: احنا بنحطه على مدار 24ساعه واذا استقرت حالته طلعناه من العنايه..
سامر:يعني عليه خطر؟!..
Dr:مب وايد يعني تقريباً..30% احتمال تضاعف حالته.."يوم شاف خيبة الامل على ويوهم".."بابتسامه"..وان شاء الله بيتحسن..وهو احسن من غيره..
عبد العزيز:ان شاء الله..انزين اصاباته بضبط شنو دكتور؟!
Dr:كل اللي عنده رضوض و كدمات .. والمشكله مب هني المشكله ان راسه انضرب ضربه قويه.. وهذا اللي بيحدد حالته..و آثار اللي بتسببها الضربه غير متوقعه الى الان..
و التأكد بيكون بعد ما ينش بأذن الله..
سامر&عبد العزيز:ان شاء الله..
-----------------------------
قامت من النوم ما لقت حد فالبيت..بدا الشك يتسرب لقلبها..
اخواتها ..اخوها..ابوها..كلهم مب موجودين..ولا جنس مخلوق في البيت..
دارت على كل البيت مافي حد!!..
صارت تفكر..وين سارو وخلوها بروحها؟!..
"شنو هذا وين سارو؟!..مره وحده اختفوا.." جمله تردد في ذهنها وعلى لسانها..
اتصلت على لمياء غير موجود بالخدمه..مفضي شحنه..على ريناد..ماترد..مابقالها الا بيت خالتها..
اتصلت..
سهر:الو..
.....:اهلين..
سهر:السلام عليكم..كيفيج رغد..؟!
رغد:بخير..انتي شلونج؟!!
سهر:الحمدلله..الا رغد بغيت اسألج مافي حد من خواتي ياى عندكم؟!..
رغد"باستغراب":لا..ليش؟..
سهر"متجاهله سؤالها":لمياء موجوده..
رغد:لا ..حتى اهي..
سهر:الله يستر تعرفين وين سايره؟!..
رغد:مادري بس اهي يوم سارت سار وياها..
عمي محمد وعمي سعد..ويدي ويدتي..
سهر"بدت تقلق":الله يستر كلهم اكيد شي جايد.. ليكون شي صار لهم..
رغد:ايه والله الله يستر..انتي عندج حد؟!
سهر:هني المشكله انا بالبيت بروحي..وماحد سأل فيني..
رغد"مستغربه":من متى..
سهر:من اول ما نشيت..حوالي الساعه 1-2 مثل جذي..
رغد:والصلاة..؟!
سهر:الله يهديهم ما وعوني اصلي .. فصليت اول ما نشيت...
رغد:ياللـــــه وكل هالوقت بروحج؟!..
سهر:ايه..الا يارغد ممكن تقدمين لي خدمه..؟
رغد : امري..
سهر: اتصلي بموبايل سحر شوفي وين سارت له..ما اقدر اتصل وانا اكلمج..
رغد:اوكي..اللحين؟!..
سهر:اذا ما عليج امر..
رغد: ولو احنا نعين ونعاون..دقايق.."اتصلت بها وحطت التلفون في اذنها الثانيه وسماعة التلفون في الاذن الاولى "
"بعد لحظات"
سهر:هاه بشري.. شنو ردت عليج..؟
رغد: يعطيني مغلق..
سهر:اتصلي مره ثانيه..
"بعد لحظات"
رغد: ماكو رد..تصديقن اتصل في ابوي احسن..
سهر:اوكي..انا بصكر يوعانه..بعد ما تخلصين من اتصالج اتصلي بي ..اوكي.؟
رغد:اوكي..
"هدوء البيت تكرهه..صحيح ان البيت مب مزعج لذيج الدرجه..لكن في صوت في ناس ياكلون ويشربون ويعيشون حياتهم الطبيعيه وحتى لو فيه شوية مضايقات..واكيد كل واحد يعرف ان البيت الخالي من أي حد وما عدا بنت عمرها ماتخطى 15 سنه..اكيد بتستوحش من الهدوء القاتل..،..راحت ادور على شي تاكله..او بقايا غداء..مالقت بقايا الغداء واستغربت انهم اليوم ماطبخوا وخاصه ان ابوها لازم ياكل وجبه دسمه يومياً..شي غريب .. حست كأن البيت انهجر من اهله ..وانهم مب ياين مره ثانيه..ارتعبت من هالفكره وحاولت تبعدها عن بالها .. وسوت ساندويش و عصير..وحبت تلهي نفسها فطلعت من المطبخ وراحت لحجرتها..تحل الـHomework بما ان باجر وراها مدرسه..وتاكل في نفس الوقت.."
------------------------------------------
يالس يهرول..في النادي..بعدين خفف هرولته حتى تحولت الى مشي تدرجياً..
خذته الافكار..صح اهو قرر يلعب فيها بس حرام البنت ماسوت له شي ..ما كلمته بكلمه مايعه وماصخه..وما شافها الا مره وحده..وبعدين واضح على شكلها الغرور وشايفه عمرها على شنو مادري..ليش اربط عمري بها..اطلقها احسن..وارتاح من همها..عيل انا بنت تاخذ من تفكيري يومين ..وياليتها تسوى .. الا بنت فقارى.. طماعين..ما يسوون بيزه..،..وتم يمشي لمدة ساعه مثل عادته اليوميه..
طبعا يتخللها مكالمات مايعه و ماصخه من بنات الناس الله يستر عليهم..
------------------------------------------
بعدهم على حالت القلق..وزاد عندهم الخوف على ولدهم بعد ماعرفوا بأصاباته..
تبرع سعد بدمه لأخوه طارق..وطارق في غرفة العملية..وممكن تكون هذي العمليه تؤدي بحياته لا سمح الله بسبب تأخرهم عليه..
الجو متوتر و متكهرب بـ 220v ..ام سعيد واقفه تبجي وتدعي ان طارق يقوم بالسلامه لها..وبوسعيد يحاول يهديه وعيونه فاضت بأحزنه على شكل دموع قليله اللي تعني الكثير وتكسوها الحزن العميق..
سعد يالس على كرسي يراقب اللي حوله و يحاول يبعث فيهم التفائل بكم كلمه ..عداله بشوي لمى يالسه تطالع الفراغ والله اعلم في شنو تفكر..لمياء ماسكه محمد وعيونهم مليانه بقلق وترقب وانتظار..مليان بخوف من اللي ياي..
"يت من بعيد تدور عليها تبي تحاجيها..يت فوق راسها ..وكانت حاطه ايديها على راسها بتفكير.."
دانه:لمى.."سعد انتبه للبنت اللي تحاجي لمى "
لمى"رفعت راسها موجهه انظارها لدانه": شنو؟..
دانه:سحر رخصوها ..خفت ايبها هني وتتأثر ..
لمى:زين انج مايبتيها هني الاجواء متكهربه..
دانه: انا مب يايه عشان اقولج هالحجي انا يايه اقولج شرايج اييبها وياي للبيت؟..
لمى:بيتكم؟..
دانه:ايه..
لمى:صعبه يا دانه ابوي يي ومايلقاهم انا مب ناقصته بروحي اللي فيني مكفيني..
دانه:عيل تبينيهم ييلسون بروحهم بالبيت..
لمى"بدت تقتنع":خلاص .."قاطعه سعد"
سعد:شنو خلاص .."التفت له لمى بنظره تقول(شدخلك) وحاجب مرفوع"..هذولا بنات خالتي وانا ما أرضى يروحون بيت غرب..
لمى"الظرف ما يسمح لها تجادله او تحسم الموضوع فقالت بهدوء":عيل وين نحطهم؟..بالمستشفى؟!!!..
سعد"ياحلوج وانتي هاديه":لا نحطهم فبيتنا..و احنا بعد نروح وياهم..
لمى"باستغراب":احنا!!!منو تقصد؟؟..
سعد: ((انا وانتي))..((امي وابوي))..((لمياء ومحمد)).. ما أظن يلستنا هني بتفيدنا بشي..
لمى:خلاص احنا نروح بيتنا وانتم تروحون بيتكم..بس اول من يطلع من هني خالتي مب مخلينها اهني بروحها لو شنو..
سعد:عين العقل..انا بسير اقوللهم.."وراح"
"يلست عدالها وقالت بتعجب"دانه:هذا سعد؟.!!!
لمى:اييييييييييه..
"من نبرت لمى عرفت دانه ان لمى متضايقه مب رايقه للسوالف..فسكتت..وصارت تراقب سعد وهو يحاجي امه ويحاول يقنعها وامها رافضه تمام ارفض انها تسير عن ولدها..يأس منها سعد و ياى صوبهم..و دانه ابعدت نظرها عنه.."
سعد"بصوت هادي و آسر":لمى..امي مب راضيه تقتنع..سيري اقنعيها اهي تعزج وتحبج وغلاتج من غلات المرحومه امج..
لمى"اومأت براسها بأيجاب و راحت بتجاه خالتها..والعيون اللي تراقبها تقول"ياحلوج اذا صرتي مطيعه"
-------------------
قعدنا نص ساعه ننتظر دانه تيي اهي وياى لمى..يت لمى بروحها..
لمى:يالله سحر..انتي ويارا بنروح لبيت خالتي..
سحر:بيي ويانا طارق..
لمى:لا ..
سحر:عيل مب رايحه..
لمى"بعصبيه":سحر مب وقت العناد قومي احسن لج..
سحر"بستسلام":طيب.."تهز راسها بايجاب".. طيب بيي وياج..بس هدي اعصابج شفيج صايره عصبيه؟..
لمى"شافتها بنظره حارقه سكتتها"
ركبو السياره بعد ما ودعت دانه .. وكان اللي يسوق سعد و عداله لمى..
و وراهم سحر و يارا..
و تذكرت يارا بنت منسيه..
يارا"شهقت وصفعت خدها بقوه":هييييييييييييييييي نسينا سهر بالبيت.."مسكت خدها"اي يعور..<<تقصد الصفعه..
سحر:ويييييييي من الصبح مخلينها بروحها..سعد ولي عافيك سير لبيتنا ناخذها..
غير اتجاهه لبيتهم..وطول هالوقت لمى ساكته راسها فاضي مافيه شي يذكر..
شالو سهر معاهم..ووصلوا للبيت..
وكان ابو سعيد وام سعيد و لمياء ومحمد سابقينهم للبيت..
دشو البيت يلست لمى عالكنبه بتعب..وكان في الميلس لمياء و يارا وسهر و رغد و جاسر اما ام سعيد و بو سعيد و سعد و محمد و سعيد اللي تفاجئ بالسالفه لانه كان وقتها بالدوام.. يلسو بالصاله..
****في الميلس****
يارا كانت تثرثر عن الحادث لسهر و رغد و جاسر اللي كانو يسمعون لها بشغف و فضول كبيرين و كأنهم يشوفون فلم على احد القنوات...فم مفتوح..<<جاسر..عيون مبققه..<<رغد .. حواجب مرفوعه..<<سهر..
يارا:وفجأه دعمنا مدري دعمتنا سياره...
جاسر"بحماس":وبعدين سرعي..
يارا توها بتنطق...
"بعصبيه ما قدرت تكبتها سكتت لهم وايد"لمى:خلاااااص عاااااد"التفت لها العيون الثلاث المتابعه مع عيون الراويه"..
لمى"تكمل كلامها":شنو انتو فاظين للقافه وبس ..ما تدرون ان طارق طايح بالمستشفى مريض..
يارا&سهر&رغد&جاسر:"شهقو بقوه وعيونهم تبققت"هيييييييييييييييييييييييييييييييييييي ..
لمى: بس خلاص ماقدر استحملكم قوموا عن ويهيي..
سهر تهمس في اذن رغد:شنو فيها معصبه؟
رغد"بهمس":تقولج طارق في المستشفى ما تسمعين..
لمى"تحاول تهدي اعصابها بعد الثوران المفاجئ اللي ما قدرت تسيطر عليه":اظن سمعتو كلامي؟؟!!!!...
قامو الرباعي المزعج و طلعوا ..
سحر"بألم":لمى؟..صدق اللي تقولينه ..
لمى " للحين فيه بقايا من العصبيه":اييييييييييييييييييييييييه..
سحر"بصوت هادي":وليش خلتوه بروحه؟؟!!
لمياء" توها بتتكلم.."
لمى"قامت بطولها":يالله سحر بنروح بيتنا.."ومشت للصاله عند خالتها..
لمى:السلام عليكم.."الاجواء خفت حدة توترها لكن الى الان فيه دموع منسابه"
الكل:وعليكم السلام..
"وجهت نظرها وحجيها لسهر ويارا"لمى:سهر ..يارا..يالله بنسير للبيت..
ام سعيد"من بين حزنها":لا يا بنتي احنا ما تفقنا على جذي..مب قلت اني ما بسير البيت الا وياج..
لمى "لفت على خالتها بابتسامه جميله و بسيطه رصدتها عيون":معليه خالتي بيتج ورجعتيله خلاص ..خلصت مهمتي..
ام سعيد:لا يا بنتي مب رايحه من هني الا اذا رحنا للمستشفى نتطمن على طارق..
"وافقت من ورى خاطرها بعد زن خالتها عليها..مع انها تبي ترتاح، من الظهر و اهي واقفه على ريلها بس عشان خاطر خالته بتيلس"لمى: اوكي.."ولفت بتسير تيلس في كرسي عطرف"
ام سعيد:وين سايره تعالي يلسي يمي..
"القت نظره و شافت سعد عدال خالتها و بو سعيد من صوبها الثاني.."
لمى:انزين وين ايلس؟؟..!!
" وسع لها سعد مكان .. بعدها راحت و يلست عدال خالتها..يلسوا يارا و سهر واللي كانوا واقفين عدالها طول فترة المحادثه..وسعيد يم بنته رغد..ومحمد يالس يم سعد..يلست لمى ساكته وخالتها كل دقيقه والثانيه متصله بالمستشفى..و بصراحه كسرت خاطرها .. فجأه قطع حبل افكارها صرااااااااااخ يمها و بتحديد من خالتها ام سعيد.."
-=-=-=-=-=-=-=-=-=-=-=-=-=-=-=-
# يا ترى شنو بيصير مع ابطال قصتنا؟؟!!..