>><البـ الرابع ـارت><<
بس دشت المستشفى راحت عالرسبشن بسرعه..
لمى" وياها دانه":لو سمحت سحر بن سهيل..
الموظف :لحظه اختي...من هني..
"اشر لها الموظف على الممر اللي فيه حجرة سحر..دشت لمى على حجرة سحر.."
"بس شافتها سحر بدت عيونها تدمع وصوتها يتهجد" سحر:سامحيني..
لمى"بابتسامه وماتدري سحر شنو تقصد":مسامحتج على كل شي حبيبتي ..الحمد لله على سلامتج..
دانه"مبتسمه":الحمد لله على سلامتج سحر..
سحر"بابتسامه باهته":الله يسلمكم..
لمى "يلست على كرسي عدال سرير سحر.."
لمى"بمرح:شنو هذا ليش خليتهم يعالجونج وعندج اخت بالطب..اذا عدتيها بعلم عليج المخفر يقبضون عليج بتهمة الخيانه..
سحر"بضحكه صغيره":لا كلش الا المخافر..المره اليايه انتي بتعالجيني..
دانه:هههه تبينها تلعب فيج..
سحر:عادي هاي اختي..
"سكتوا.."
لمى"بجديه":وين يارا و طارق ؟!..
سحر: يارا في هذا الممر سألي عنها ..وطارق مادري عنه تعبت لمين لقيت يارا وماقدرت اكمل و ادور على طارق..
لمى:دانه انتي قعدي هني ..وانا بسأل على يارا وطارق ..انزين..
دانه:انزين..
-------------------------------------------
رحت وسألت عن يارا وعن حالتها ودقايق واكون عندها
لمى"بمرح":السلااام عليكم ..
يارا"بابتسامه.. ":وعليكم السلام.. "و يلست"
"راحت ويلست عدالها عالسرير"لمى:شخبارج عقب الحادث؟!
يارا"بدلع":ماقدر اتحرك..آآآآآآآآآه"ورقدت"
لمى"مبتسمه":اياااال الجذابه .."مسكت خدها".. ماتقدرن تتحركين وانتي قبل دقايق يالسه..
"مفتحه عين ومصكره عين وبصوت متعب" يارا:مب قادره افتح عيوني.."بدلع" ..لموي..help me
لمى"تضحك":هههه يالوتيه..صج تعرفين تمثلين..
"نقزت من السرير"يارا:هياااااااااااااااااااا
لمى:بسم الله عليج شنو فيج نقزتي؟!..
يارا"فرحانه":اخيرااااااااااااااااا حد اعترف بموهبتي..واااااو..
لمى:هههههههه يحليلج .."وحضنتها بقوووه"..تدرين احبج وايد..
يارا"مبتسمه":وانا اكثر..
"فجتها"لمى:الله يرحمها..كانت وايد تحبج ..>>تقصد امها..
يارا:الله يرحمها.."ابتسمت" خلاص عاد بتسوينها حفلة حزن ..
لمى"مبتسمه":..يارا..
يارا:هاه..
لمى:كم مره قلتلج لا تقولين هاه..
يارا"مطلعه طقم الاسنان":نعم..جذي احسن؟!..
لمى:بوايد..المهم سيري انتي عند سحر ..اوكي..
يارا:لا مب اوكي..شلون اسير لحجرتها وانا ماعرف وينها؟!..
لمى:اهي في اول الممر ثاني حجره..واذا بدت اللخبطه رجعي لحجرتج اوكي..
يارا:حاضر سيدي القائد..
لمى"بمرح":امامي ايها الجندي..
يارا:حسنا حسنا..انني امامك..
----------------------------------
زياد"يغلق الموبايل":صج ابو سخيف شنو هذا..
فهد:شسالفه..
زياد:قال.."وهو يتطنز على صوت ابوه"..سر يب خواتك مب فاضي لهم انا ..
قلت..وين؟!..
قال..في المستشفى..
"رجع صوته الطبيعي.."اذا اهو مب فاضي لبناته عيل انا اللي فاضي لهم..
فهد:ايه والله..
"سكتوا لحظات "
فهد:الا تعال تدري شخبار نسيبكم؟!..
زياد"مقطب":مين ..اقصد أي واحد فيهم؟!..
فهد:جاسم..
زياد:هذاك المغرور..لأ..ولا تهمني اخباره..
فهد:بس هذا مب حد غريب هذا ريل اختك..
زياد:ادري بس مالي خص فيه ولا في حد غيره..
فهد"في خاطره": (ول شنو هذا ماعنده ذرة احساس..باللي حواليه)
زياد:شنو مب لاعب؟!..
فهد:الا وبهزمك.."وكملوا لعب البلوت"
---------------------------------------
"طارق في العنايه والله يستر وتكون خفيفه ومافيهاعاهات مستديمه "
"دخلت على حجرة الدكتوره المعالجه"
لمى: السلام عليكم..
الدكتوره"بابتسامه":وعليكم السلام.."وتصافحوا و يلسوا "
لمى:دكتوره ممكن تقولين لي شنو حالة طارق..
الدكتوره"تدور بالملفات":أي واحد اللي ياى اليوم..
لمى:ايه..
الدكتوره"طلعت الملف وصارت تقرا "
لمى"بهتمام":دكتوره شنو فيه..؟!
الدكتوره:في الحقيقه..الحادث ياى من صوبه..فأدى هذا الى اصابات عديده..
لمى"بتوتر":شنهي؟!
الدكتوره: عنده كسر في ايده اليسرى مضاعف و سوينا لها عمليه لإعادة العظم لمكانه الصحيح..
و غير جذي اهو يحتاج لنقل دم بسبب الدم اللي فقده بسبب الحديده اللي اخترقت جسمه واللي بنسوي لها عمليه بعد دقايق اذا توفر الدم..
"لمى بهتت وما قدرت تتكلم والدكتوره مسترسله"
الدكتوره: وبعد كسر في الرجل اليمنى.."ورفعت راسها عن الملف وشافت ردت فعل لمى"
الدكتوره: انا آسفه لاني نقلت لج خبر مب حلو بس اهو يحتاج لنقل دم بسرعه وفصيلة دمه نادره ومو متوفره وبحكم انج قريبته ممكن تنطبق فصيلته مع فصيلتج..
لمى:اقدر اشوفه؟!
الدكتوره:ايه اهو في قسم العنايه المركزه..2 غرفه..
لمى"بتوتر اكبر وهي تشد على حجابها":شكراً..
"و طلعت و اهي منصدمه باللي صار مع ولد خالتها .... من بعدها اتجهت لغرفة سحر..
وكان موجود فيها ..يارا..دانه..سحر.."
لمى"مبهت ويهها":سحر..خذي موبايلي.."و عطتها الموبايل "
اتصلي بخالتي قولي لها ان طارق بالمستشفى ..
سحر:ليش ويهج جذي شنو صاير ؟! طارق فيه شي؟!
لمى:قلت لج اتصلي بهم.."وطلعت و يت وراها دانه"
دانه"باستغراب":لموي حبيبتي شنو فيج انقلبتي؟!..
لمى:...
دانه:طارق فيه شي؟!..
لمى"قعدت على كرسي كان وراها ..وايدها اليمنى مسكه راسها.. وهزت راسها بالإيجاب"
دانه:شنو فيه..
لمى"بتعب":مادري..ماذكر..روحي ليارا وسحر قعدي عندهم وطمنيهم تلقينهم قلقانين عليه ..يالله عفيه عليج..
دانه:اوكي ..بس بعدين بتخبريني انزين..
لمى:انزين بس سيري..يالله"وسارت دانه"
-------------------------------------
خفت اخرع خالتي في ولدها وانا مادري شنو فيه فقلت اتصل في لمياء احسن واهي تخبرهم
سحر:الو..
لمياء:هلا .."مستغربه"سحر؟!
سحر:ايه..
لمياء:ليش متصله من موبايل لمى وين موبايلج؟!
سحر:ااا"ماتدري شنو تقول"اااا..
لمياء:تحجي..
سحر"بدت ترتبك":ااا السلام عليكم..
لمياء"مستغربه":وعليكم السلام..شنو فيج مرتبكه؟!..ووين موبايلج ؟!..
سحر:اااااا..تكسر الموبايل..
لمياء:بسبت شنو؟!
سحر"بسرعه قالتها وهي مصكره عيونها من شدة ارتباكها": طارق في المستشفى تعبان سوينا حادث وموبايلي متكسر و لمى قالت اتصلي عليهم..و بس..
لمياء"متروعه":من متى صار الحادث؟!..وفي أي مستشفى؟!
سحر:متى صار مادري..انا صحيت ولقيت نفسي بالمستشفى..
لمياء"بقلق وتوتر واضح": وينكم بأي مستشفى؟!
سحر:في مستشفى (؛؛؛؛؛؛؛؛)
لمياء:انا يايه..اوكي..؟
سحر:اوكي..
------------------------------
"سامر و عبد العزيز وصلوا للمستشفى.."
سامر"عند الرسبشن":السلام عليكم..
الموظف:وعليكم السلام..
سامر"قلق ومتوتر":اخوي ممكن تقولي وين حجرة رامي بن سيف ؟!
الموظف:لحظه وحده...اهو في قسم العنايه المركزه..الحجره الخامسه..
عبد العزيز:لو سمحت وين قسم العنايه المركزه..
"اشر الموظف صوبه"
عبد العزيز:شكرا..
"ساروا وهم متوترين ..مب عارفين شنو صار برفيجهم..وكل واحد صار يسير وهو يفكر في رامي رفيجه..شنو صار له"
سامر"فكره متشتت":رامي..اقصد عبد العزيز..
عبد العزيز"يناظر الارض":نعم.؟
سامر"يتلفت حواليه":احنا وين؟! شكلنا ضيعنا؟!
عبد العزيز"رفع راسه وتلفت":ايه .. شكلنا في مكان ثاني..نرجع احسن..
"بس لفوا لقوا انهم دخلوا بين الممرات وما يدرون شلون يرجعون"
سامر"بضجر":مب وقته ..نضيع مثل اليهال.."تنهد و يلس على كرسي..ومسح على شعر راسه بتفكير في حل هذي المشكله"..
عبد العزيز:شنو بتقعد هني وانت ماتدري رفيجك حي ولا ميت..
سامر:...
عبد العزيز:شكل الصدمه الى الان مأثره فيك.."مرت نرس"
لو سمحتي..لو سمحتي.."النرس راحت وخلته..التفت مالقى غير ناس رايحين رادين..وبنت قاعده على كرسي وحاطه ايدينها على راسها.."
عبد العزيز"يحاجي سامر":تعال معاي يمكن نعرف من هذيج..
سامر"التفت لها":شكل عندها حد مريض..الله يصبرها ويصبرنا..
"واتجهوا لها"
عبد العزيز: لو سمحتي..
.....:.....
عبد العزيز:لو سمحتي تعرفين وين قسم العنايه المركزه؟!
"رفعت راسها"
.....:"تنهدت" اطلع من هني وسير سيده بتلقى لوحه ترشدك للباقي..
عبد العزيز: شكراً.."وساروا لمين لقوا اللوحه"..الحمد لله لقينها..
سامر"يناظر الارض":....تعرف البنت اللي هناك..
عبد العزيز:اللحين رفيجك بالعنايه المركزه وانت تفكر في بنت؟!..
سامر:بسبتها رامي هني..
عبد العزيز"مب مستوعب":شلون ..يعني.. هذيج هي لمى؟!<<ماكان يذكر او بلأصح يعرف شكلها
سامر:ايه..ليش انت ماتعرفها..
عبد العزيز:ماقد شفتها..
"وصلوا لقسم العنايه المركزه"
سامر:حجرته جم رقمها؟!
عبد العزيز: (5) ..
-------------------------------
"دخل ولقاها سرحانه"
محمد"يطل في ويها":لميااااااااااااااااااااااااء..
لمياء"بعدت ويها":نعم ..
محمد:صباح الخير..
لمياء:صباح النور والسرور..مره ثانيه يا حبيبي لا تخرعني جذي ..
"يلس عدالها وهوملتفت لها"محمد:ان شاء الله..الا قولي لي في شنو كنتي سرحانه و تفكرين؟!
لمياء"تطالع الارض":في الحقيقه يا محمد..
محمد"مهتم بس مب متوقع اللي بتقوله":ايه..
لمياء"بهدوء غير متوقع من نفسها":في الحقيقه اهي ان طارق و سحر .."ماتدري ان يارا معهم"
محمد"بد يشك انه شي مب هين":شنو ..سوو شي ..
لمياء:لالالالالا ماتوصل لهذي الدرجه يا محمد..اهم ..اهم "محمد عطاها نظره تشجيعيه"..اهم استوى عليهم حادث..
محمد:منو قالج؟!..
لمياء:سحر اتصلتبي وقالت لي ان طارق تعبان وفي المستشفى...
محمد"وقف و بدى يعصب":وانتي شنو كنتي تنتظرين يوم انج توج تخبريني؟!..
لمياء"وقفت وياه":شنو اللحين بنتناجر و طارق تعبان؟!..
محمد:لا إله إلا الله..يالله سيري اللبسي شيلتج..
لمياء:شنو ابوك و امك مب سايرين ويانا؟!
محمد:الا بيسيرون بس مب مروعينهم بنقول لهم في المستشفى..
لمياء:واخوانك؟!..
محمد:بتصل بهم اللحين وانتي روحي خبري امي انها بتسير ويانا..
لمياء:ان شاء الله..وابوك؟!
محمد:اهو في الشغل (الدوام) انا بتصل به وبخبره..بس يالله بسرعه سيري..
لمياء:ان شاء الله..
---------------------------------------------
غريبه موبايلها مغلق مدري شنو فيها الله يستر بس
------------------------------------------
"ياي بسير لنادي وفالصاله امي وابوي يتقهوون"
ام جاسم"مبتسمه":هلا وغلا بوليدي..تعال بحاجيك شوي..
جاسم"بابتسامه وياي صوبها":ان شاء الله ..انا كم عندي من ام.. الا وحده..الله لايحرمني منها..
" ويلس"
ابو جاسم"مبتسم":وابوك شنو بتنساه؟!
جاسم"التفت له بعد ماكان يناظر امه":ماعاش اللي ينساك يابو جاسم..الله لايحرمني منك .."وبمزح" ومن بيزاتك..
ام جاسم:تشرب قهوه؟!"وصبت له فنجال"
جاسم: مع اني ماحب قهوة العصريه..بس لعيونج يالغاليه.."وشرب له فنجال و وقف"
يالله بسير تبون شي..
ابو جاسم"بجد":ايه ..
جاسم"مبتسم":شنو اطلب امر تدلل..
ابو جاسم:ايلس اول..
جاسم"يلس":وهذي يلسه شنو عندك؟!
بو جاسم"بنظرات حنونه صوب ولده":يا ولدي انت خلاص كبرت امس ملجت
وبكره بيكون عندك بيت ويهال ومسؤوليه.. من وين بتاكلهم عيش
وانت ماتشتغل... وغير جذي انا ياولدي
مب دايم لك وللشركه..
جاسم"كشر":المعنى..
بوجاسم:تشتغل عندي لحد ماتتعلم
وبعد مايصير عندك خبره وكفاءه في مجال التجاره..
انا بقعد فالبيت وبرتاح عقب السنين الطويله ..
و بعدين مايندرى في هالدنيا متى الواحد بيموت..
جاسم:لا يبا بعد عمر طويل ان شاء الله..
بو جاسم:ركز ياولدي على المهم ..
جاسم:وشنو المهم في كل هذا؟!
ابو جاسم: انك تشتغل عندي..
جاسم:يبا انا ماعرف اشتغل ولا اقدر اتحمل مسؤوليه شركه عوده..
ام جاسم:شنو هالحجي ريال بطولك وبعرضك وتقول هالحجي عيل غيرك واللي اصغر منك شلون اشتغلوا؟!..
بو جاسم:وياولدي.. انا بديت اشتغل وانا عمري 19سنه ..انت مب عاجز تكون احسن عني..
جاسم"بلا مبالاه": ان شاء الله ...ان شاء الله..انا رايح تبون شي ثاني..
ام جاسم & ابو جاسم:سلامتك..
-------------------------------------------
*ياترى شنو بيصير مع ابطال قصتنا؟!