منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-28-2011

في بيت بندر ..

الكل قاعد يأكل و أم بندر تقطع لحفيدتها دجاج عشان تآكل

بندر : ميثه
ميثه : هلا
بندر : اليوم بجي جدي ومعه خالد
ميثه (أبعدت يدها عن الأكل وبهمس) : خالد
بندر : إيه أنا رافض يشوفك بس الملعون قدر على جدي وأقنعه وجدي لزم إن يشوفك
الأم : وش فيها زوجها
بندر : نعرف إن زوجها بس اهو غلط
الجوهرة( رفعت النظر له ورسمت ابتسامه كأنها تستهزئ بكلام طالعت لخوله اللي فهمت عليها) : .................
بندر(انتبه لها ورفع حاجبه واهي نزلت عيونها للأكل) : .............................
ميثه : لازم أشوفه
بندر : طلب جدي
خوله : كأنك مو راضي
بندر : لا اهو وش يحسب ما وراها رجال على كيفه يجرحها
خوله(طالعت للجوهرة ورفعت حاجبها) : يعني اللي ما وراها رجال على كيفه يجرحها
بندر (ما انتبه لكلامها وما فهم معناه) : طبعا لا هذا مهو رجال اللي يسوي كذا
خوله : اها يعني تؤمن بهذي النظرية
بندر : أكيد
الجوهرة (وقفت) : ..............
خوله : الجوهرة كلي
الجوهرة : شبعت بالعافية
خوله : جوجو
الجوهرة(ابتسمت بألم) : والله شبعت يالغاليه
الأم : بالعافية يا بنتي
الجوهرة : يعافيك يا خاله
مي(توقف) : بروح أسوي شاي لا تروحين فوق
الجوهرة : مي لا اجلسي كلمي غداك بالعافية والله مو مشتهيه
بندر(رفع النظر لها) : اجلسي اشربي شاي معنا
الجوهرة(طالعت له ) : مو مشتهيه راسي مصدع برتاح (مشت عنهم وفي نفسها) تبيني اشرب شاي وأنا شاربه سم منك آآآآه منك يا عذابي
خوله(وقفت) : استأذن (اتجهت للمطبخ وشافتها تغسل أيديها ) جوجو وش فيك
الجوهرة ( تنشف أيديها عن الماء) : مصدعه هاه وش صار على دوام
خوله : كل شيء اوكيه بكره لو تحبين بس أنا أقول انتظري كم يوم
الجوهرة(كتفت أيديها ونزلت رأسها) : تعبت من التفكير والله بنجن أبي اشغل نفسي بشيء
خوله : جوجو بقول لك شيء بس لا تتضايقين
الجوهرة : هههههههه الضيقة من الأول فيه عادي
خوله : اليوم انتقلت لنا مدرسه من مدرسه ثانيه
الجوهرة ( أخذت كاس شرب ماء) : وش دخلني
خوله : المدرسة أمينه خالة عليان
الجوهرة (اهتزت يدها وطاح الكأس) : ...................
خوله (أمسكت يدها وأبعدتها) : صار فيك شيء
الجوهرة(طالعت للكأس) : هاه لا لا
الأم وبندر يدخلون للمطبخ وشافوا الكأس ...
الأم : وش فيه
خوله (أشرت للخدامة تنظفه ) : ولا شيء انكسر الشر فيروز نظفي زجاج
فيروز : حازر
بندر : فيكم شيء
الجوهرة(طالعت له وغمضت عيونها) : .....................
خوله (حست فيها ترتخي سندتها) : جوهره
الأم : بندر
بندر(قرب بسرعة ومسكها عن خوله) : بسم الله عليك
خوله (أخذت كوب ماء وقربت منها) : جوجو اشربي سمي بسم الله
الجوهرة (دمعت عيونها بهمس) : تعبانه
خوله (رفعت النظر لبندر بنظرتها عتب له ) : سلامتك يا قلب خوله
الأم : بندر طلعها من المطبخ
بندر : تقدرين توقفين ولا أشيلك
الجوهرة(استحت منهم) : أقدر أنا بخير
بندر (أبتسم لما شافها تنزل رأسها بحياء شالها بين أيديه ) : ......................
الأم (ابتسمت ) : الله يهنيكم
خوله (طالعت لهم بحزن حست بندر يمثل قدامهم) : .....................
الجوهرة (بهمس) : نزلي والله عيب اقدر امشي
بندر(بهمس) : عادي أمي وخالتي وما أنزلك لين سريرك أخاف تطيحين
الجوهرة : أنا بخير بندر
بندر : أشششش يمه أنا بروح أرتاح تبين شيء
الأم : لا بس انتبه لزوجتك وجها أصفر
بندر : حاضر مع السلامة

طلع بندر وميثه ومي يصفرن يوم شافنه يشيلها واهي تحس بخجل من وضعها معه وبألم واهي تعرف أن حركات بس قدام أهله ولما يتسكر الباب عليهم يتغير 180 درجه بندر حس فيها يوم دفنت رأسها في صدره واهم يصعدون بس حس برجفتها وحركه كتوفها دخل جناحه وحطها على سريرها وجلس جنبها رفع وجها بأيده

بندر : تبكين (شافها غطت وجها بأيديها) جوجو شيء يؤلمك قولي اوديك للمستشفى
الجوهرة (رفعت النظر له وبنظرات حادة) : كيف توديني أتعالج وأنت جرحي وجراحي
بندر (أنصدم) : جراح
الجوهرة : حرام يا أبن الناس حس حرااااااااااااااااااااااام
بندر(مسك كتوفها وهزها بعصبيه) : وش فيك أنهبلتي وش تقصدين
الجوهرة (أبعدت أيديه بعصبيه ووقفت) : أنت مو حاس بنفسك تحرم على خالد يجرح أختك وأنا تجرحني باليوم ألف وألف مره ليييييييييييييه أختك بشر من لحم ودم وأنا جماد بدون إحساس
بندر (وقف وبعصبيه أشر لها) : تقارنين نفسك بأختي
الجوهرة : وش الفرق
بندر ( ناظرها بنظرات حادة) : أختي ما خانت زوجها مثلك
الجوهرة (حست قلبها ينطعن يتهمها بالخيانة) : ...................
بندر(يكمل) : أختي ما اتفقت مع واحد وأرسلته يخبرني برغبتها بطلاق عشان ترجع لحبيب الفؤاد
الجوهرة (جلست ما قدرت توقف واهي تسمعه) : .............................
بندر(ولا رحمها وكمل ) : أختي ما واعدت طليقها وحبيبها في المكان اللي تقضي فيه شهر العسل مع زوج لازم تكون وفيه له مخلصه
الجوهرة ( حطت يدها على قلبها تبي نفس وتتنفس) : ...........................
بندر : اعرفي الفرق بينك وبينها

أخذ مفتاحه بعصبيه وجواله وطلع وهي لازالت على وضعها تبي نفس ودموعها على خدها تجري إعلان ألم قهر طعنات اتهامات خيانة خوله كانت تبي تصعد غرفتها شافت بندر ينزل بعصبيه وطلع عرفت إن تهاوشوا هزت رأسها واتجهت لجناح بندر كان الباب مردود طقت الباب بشويش ودخلت سمعت بكي وانين وآهات من غرفة النوم دخلت شافت الجوهرة مسنده على السرير وضامه رجولها لها وتبكي

خوله (تقرب وقلبها يوجعها عليها) : جوجو
الجوهرة(بس شافتها رمت نفسها في حضنها) : ذبحني يا خوله ذبحني
خوله(ضمتها وجلسوا على الأرض) : اهدي وش صار
الجوهرة : آآآآآآآه ما راح يتغير
خوله : يتغير
الجوهرة (بكت بألم ): يقول لي لا تقارنين نفسك بأختي أختي ما خانت زوجها مثلك
خوله(بعصبيه) : مجنون
الجوهرة(حطت يدها على قلبها) : يعورني يا خوله يعورني آآآآآآآآآآآآآآآآآآآآآآآآآآآآآآآآآآآآآآآآآآه
خوله(ضمتها بخوف ) : اهدي الجوهرة تكفين اهدي قومي معي ترتاحين على السرير (مسكت الجوهرة وسندتها واتجهت للسرير) تعال نامي يالغاليه لا تحاتين أنا عندك
الجوهرة (نامت واهي تمسك يد خوله وتبكي) : تكفين قولي له حرام الطعن في الميت حرام أنا أخاف الله مو مثل ما اهو يفكر أنا إنسانه
خوله(شافت الجوهرة ترتعش غطتها ونزلت دمعتها) : نامي لا تخافين

جلست عند الجوهرة واهي تمسح على رأسها ودموعها تنزل واهي تفكير

خوله(في نفسها) : ياربي ما صار لهم 10 أيام متزوجين و بيجننها من عمايله وتفكيره ليه يا بندر حرام عليك والله ما تعرف قيمه الجوهرة أنا ما اقدر لازم أتفاهم معه كذا راح يجلطها يموتها
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآه أكره الرجال وتفكيرهم المتخلف

حست انتظم نفسها معناها نامت طفت النور وسكرت الستائر وطلعت من الجناح لغرفتها سمعت رن جوالها اتجهت له ورفعت ابتسمت لما شافت الغالي يتصل

خوله(جلست) : هلا وغلا بقلبي
الأب : هلا بقلب أبوها كيفك
خوله : تمام وأنت
الأب : بخير يوم أعرف انك بخير اليوم رحتي المدرسه
خوله : أيه رحت
الأب : عسى ما تعبتي
خوله : لا بس صدعت تعرف البنات
الأب : طيب اليوم بتروحين مكان
خوله : لا ليه
الأب : عندي موضوع بكلمك فيه
خوله : بندر يقول انك وخالد بتزرونا
الأب : أيه أنا راح أجيكم عشان موضوع ميثه وخالد بس أنا اتصلت عشان ما تطلعين أبيك في موضوع
خوله : حاضر بكون موجودة
الأب : يالله تبين شيء
خوله : سلامتك ورضاك
الأب : الله يرضي عليك مع السلامة
خوله : مع السلامة

سكرت عن أبوها وعقدت حواجبها واهي تفكير وش فيه وشنو هالموضوع حطت الجوال وقررت تأخذ غفوة بعد ما وقتت جوالها عشان صلاة العصر

------------------------------

في بيت أبو ليالي ...

سالم : مالي شغل
ناصر : غصب يعني
سالم : والله كيفي لو صار زواجي مع محمد ما راح انتظر ملكه بتزوج
محمد : وش أنت تحشر عمرك يا أخي ما أبي تأخذ الأضواء عني أنا يالله يالله وافقت تملك أنت وناصر معي بعد عرس
سالم (ألتفت لعمه ومسك لحية عمه) : أنا فدا هاللحيه تقول تم
أبو وليد (أبتسم) : .....................
محمد : لا يبه هذا مهبول
ناصر : يبه بنت للحين ما تقبلت خطبتها منه تزوجها
سالم : ما عليك من عيالك المخبل قول تم فديتك (يمسك ليحته وبوس رأس عمه ) تكفه يا أبو وليد تهز الرجال تكفه لا تردي قدام عيالك
أبو وليد : ههههههههههه ما عاش من يردك تم
سالم : أعرس مع محمد
ناصر ومحمد : لاااااااااااااااا
سالم (ألتفت لهم) : وجعاااه تمسك بطونكم زين (لعب في حواجبه ويمد لسانه) قال تم قال تم والعرس بعد شهرين وناااااااااسه
محمد ( كتف أيديه وسند ظهره) : خل تطلع التحاليل يمكن ما تتوافق
سالم (نقز (نط) جنبه) : فال الله ولا فالك يهب يا فالك عساه ما ينقبل
ناصر(حب يلعب بأعصابه) : صح يمكن ما تتوافق أنت وأختي
سالم : لا أموت
أبو وليد : بسم الله عليك
سالم (سكت ونزل رأسه) : ..................
أبو وليد : وش فيك يا ولدي
سالم(رفع رأسه لعمه) : عم يعني لو ما تطابقنا ما آخذ ليالي
أبو وليد : تحبها
سالم (أبتسم) : لأول مره بقول لك وبدون خوف يا عم بنتك أموت فيها فاهم وش أموت هي روحي عشقي هي نظر عيوني
محمد (يصفر) : اووووووووووه كل هذا حب
سالم : وأكثر أختك خذت العقل والقلب صرت مجنون ليالي
ناصر(أبتسم وغمز له) : مثل مجنون ليلي
أبو وليد : وهالحب
سالم : من بنتك يا عمي باللفة
محمد (ألتفت لأبوه) : يبه كنت معارض عرسه معي بس دام هالحب كله لها لو يبي يتزوج من تطلع التحاليل والله ما أعارض
سالم : تخيل أعرس بعد أسبوع
أبو وليد : سالم
سالم : هلا
أبو وليد : أسمع يا ولدي والله انك غالي بغلاة ناصر ولدي وكأنك توأمه ويشهد ربي لما خطبت مني ليالي فرحتي ما تنوصف لان ما مثلك صح فاجئتني أنك تحبها كنت أظن خطبها بس لأنها بنت عمك بس أنك تحبها شيء ريحني ليالي بنتي الوحيدة نظر عيون أبوها أمنتك بنتي يا ولدي صونها وأرعاها لا تكسر بخاطرها و أصبر عليها عارف أنها مدلعه بس هي نبض أبوها
سالم : واهي نبض سالم وقلبه يا عم
أبو وليد : إذا طلعت التحاليل يا ولدي أنا موافق تملك عليها لو تحب نفس اليوم هذي بنت عمك وحليلتك وعرسك مع محمد (ألتفت لناصر) وأنت نفس الشيء خلونا نفرح
ناصر(حس بألم ونزل رأسه بنفسه) : لا تكفه يبه خلني لين أتقبل الموضوع كل شيء أمر أمر خنقتني يبه
سالم (بفرح) : والله
أبو وليد : والله نسوي عشاء عائلي ونملك لكم أنت وناصر
ناصر(وقف) : بروح أجيب القهوة والشاي
سالم (رفع نظره لناصر) : نصور لا تجيب شيء أنا بطلع
أبو وليد : وين
سالم (يطالع للساعة) : غدى وتغدينا أكرمكم الله عاد بطلع للأستراحه شوي
محمد : استراحة وش عندك
سالم : مواعد عبدالرحمن فيها اهو وعبدالعزيز (طالع لناصر) تروح معي

ناصر فهم إن يكذب يعرف سالم بس حس يبي يطلع تضايق من سيرة العرس

ناصر : اوكيه بروح يبه تبي شيء
أبو وليد : لا وأنا بروح أنام شوي قبل الصلاة الله يحفظكم

باسوا رأس أبو وليد وطلعوا للأستراحه قرروا يروحون في سيارة سالم شغلها وتحركوا

ناصر : وين رايحين
سالم : حاب نشرب كوفي ونتكلم الحال مو عاجبني
ناصر(طالع للطريق) : ولا أنا
سالم : ناصر إحنا لازلنا على بر وأنا ما أبي أختي تعاني في حياتها ما أبي ينكسر قلبها
ناصر : مو أنا بكسر قلبها أهلها بيكسرون قلوبنا بقرارهم
سالم (ألتفت لناصر وبعدها طالع للطريق) : سمر نفسيتها تعبانه
ناصر : .......................
سالم : ناصر هي عرفت انك كنت تحب وحده وقلبك لها
ناصر(ألتفت له) : كيف أنت
سالم(قاطعه) : لا بس الظاهر إن الخبر من ليالي لان سمر بلغتني بقرار ليالي أنها رافضتني وللحين عالق في عقلها سارة
ناصر : ليالي متهورة كيف تقول لها
سالم : تعرف ليالي وسمر ومي وفرح ووضحه وعذاري مستحيل ما يفضفضن لبعض أو أسرارهن تطلع من السداسي المرح
ناصر : بس مو كذا هي خربت حياتنا قبل تبدأ بيكون بينا حواجز على طول دلال بتكون بينا لا أنا قادر أنساها ولا هي راح تقدر تنسى حبي لبنت غيرها
سالم : والحل
ناصر : ما تتطابق التحاليل
سالم : الله يعين
ناصر(ألتفت له) : لحظه من صدق تتكلم تبي تعرس بعد شهرين
سالم : والله أتمنى بس ليالي بتلعن شكلي لو سويتها ههههههههههههههههههههه
ناصر : بتذبحك والله ههههههههههههههههههههه
سالم : أنا أشهد هالعنيد مو قادرة تفهم إني أبيها أهي مو سارة
ناصر : وش تبي تسوي
سالم : بملك بعرس محمد مثل ما كنا مقررين وزواجنا متى ما حسيت أنها تقبلتني وخضعت (ألتفت وغمز لناصر واهو يبتسم) وسكرت رأسها أحدد عرسنا بأذن الله
ناصر : إلا من زمان ما تكلمت عن ساره
سالم : مسافرة
ناصر : مسافرة وين
سالم : بريطانيا
ناصر : وش عرفك (غمز له) تتابع أخبارها هاه تبي تخون
سالم(ضرب كتف ناصر بعصبيه) : اخلص من أختك تجي أنت
ناصر(مسك كتفه) : آآآآح امزح والله امزح
سالم : حمار زين
ناصر : ههههههههههههه عصب
سالم : كول تبن
ناصر : ههههههههههههههههههههههههههههه لا والله عصبت امزح يا رجال طيب قول كيف عرفت
سالم : أنا اشتغل مع العم أبو سارة وسمعته يكلمها
ناصر : سياحة هي
سالم : لا تكمل دراستها هناك أدارة أعمال
ناصر : ما شاء الله طموحه
سالم : كثير بس مغرورة
ناصر : ههههههههههه مدري أنت تعرفها أكثر (شاف سالم رافع يده) خلاص خلاص امزح والله
سالم : اجل ثمن كلامك
ناصر : ما تسوى علي شرب كوفي كان شربت في بيتنا
سالم : ههههههههههههه طيب خلاص
ناصر : تموت تذل
سالم : هههههههههههههههه خلاص ما عاش من يذلك خلنا ننزل
ناصر (يفتح باب السيارة) : الله يعين أختي عليك
سالم : هذا صدق بذبحه بدل لا تقول الله يعين سالم عليها
ناصر : ههههههه لا ما ينخاف منك أنت لفيت رأس أبوي بكلمه وخليته يوافق يزوجك مع محمد
سالم : كلمه وش
ناصر(حط يده على قلبه) : أحبها
سالم وناصر (طالعوا بعض) : هههههههههههههههههههههه

نترك سالم وناصر بالكوفي ونروح لمكان آخر ^_^

--------------------

في بيت فهد ..

وضحه وسلمى : هههههههههههههههههههههههههه
فرح(معصبه ومستحيه) : غبيات زين
سلمى : ههههههههه لا صدق فرح اكتبي
فرح : لا
وضحه : لا شنو هذي مشترى العرس
فرح : عيب
سلمى : هههههههههههههههههه حرام عليك والله بطني يوجعني مكان العملية تقول عيب (حطت يدها على بطنها وأخذت نفس ) يعني سمعي حبيبتي (وألتفت لوضحه) وأنتي بعد سمعي
وضحه : وش دخلني هي تبي تعرس عطيها نصائح المتزوجات
فرح(ألتفت لها) : ليه تبين تعنسين أنتي مو زواجك قريب على فهد
وضحه(حطت الشاي وباشمئزاز من سيرته) : ووووووووع لا تذكريني الله لا يتممه
سلمى : وش الله لا يتممه هذا الموضوع صار وانتهى الكلام فيه
وضحه : انتهى الكلام فيه بس ما تم وعساه ما يتم من ألحين لوقت أنه يصير يكون خير
سلمى : شنو تقصدين
فرح : ما تقصد شيء بس تعرفين وضع فهد ووضحه وتعرفين حقيقة زواجهم
وضحه : أرجوك يا سلمى سكري على الموضوع لا تعكرين جلستنا في سيرته
سلمى : سيرة شنو
وضحه : أخوك
: أخوها قولي زوجي
التفتن للباب كان فهد واقف وعليه لبس الدوام ألحين راجع منه قرب وسلم على سلمى وجلس جنبها وانتبه لنظرات وضحه له كلها كره وعصبيه سحبت لفتها على عيونها وأهي متنقبه وضحه نادر ما تنزل نقابها لأنها تعرف إن فهد ما يعرف لا يتنحنح ولا يهتم أنها مو محرم له وعيب يشوفها بدون غطاء
فهد : كيفك يا أم فهد
سلمى : بخير يا خوي كيفك أنت
فهد(ألتفت لوضحه) : تمام
فرح : أصب لك شاي
فهد : لا سوي لي قهوة
فرح(توقف) : حاضر
وضحه (وقفت) : أسمحوا لي بطلع غرفتي عندي اختبار
فهد(رفع النظر لها) : شاطره زوجتي انتبهي لدراستك عشان ترفعين رأس رجلك
وضحه (طالعت له من فوق لتحت) : زوجي من
فهد(نفخ صدره) : أنا
وضحه(باستهزاء) : تصدق ضحكتني بس مالي خلق اضحك
فهد (وقف ) : ضحكتك ليه وش اللي قلته خلاك تضحكين
وضحه : كلمة زوجي مشكلة الزمن لما يحلمون بشيء مستحيل
سلمى : فهد وضحه بس
فهد (بعصبيه صر على ضروسه) : سلمى خليك بعيد بتفاهم معها
وضحه : نعم تتفاهم معي ليه وش بيني وبينك نتفاهم أساسا وقفتي معك غلط

وضحه طلعت من الغرفة ولا اهتمت لفهد اللي معصب وما تحمل أسلوب وضحه اللي استفزه طلع وراها وسلمى تناديه واهي خايفه على وضحه خصوصا لما شافت وجه فهد اللي ما يبشر بخير وضحه سمعت سلمى تنادي له عرفت إن ناوي على شر اتجهت بسرعة للسلم وقبل تحط رجلها ما حست إلا بيد تمسكها وتلفها بقوه أنصدمت من حركة فهد

فهد (مسكها بقوه من يدها وبعصبيه) : أشوف يبي لراسك كسر
وضحه(بعصبيه من حركته) : الظاهر اللي يبي له كسر رأس أنت على حركتك أنت كيف تسمح لنفسك تمسكني
فهد : أنا حر أنتي زوجتي
وضحه(تحاول تفك يدها) : زوجتك طل فاهم أنا ماني زوجتك ولا يمكن أكون زوجتك
فهد ( مسك أيديها الثنتين وهزها بعصبيه) : وش مفكره نفسك ترى آخرتها قرويه فاهمه يعني بدويه لا رحتي ولا جيتي
وضحه : القروية تسواك فاهم ياللي ما تعرف لا احترام لخالك ولا تخاف الله في اللي تسويه أنت وش شايفني صايعه مثل اللي تعرفهن تظن بسمح لك تحط يدك علي لا أنا أخاف الله
فرح (طلعت من المطبخ) : وش فيك فهد اتركها
سلمى (واقفة عند باب الغرفة ومستنده عشان عمليتها) : فهد والله لو أبوي يشوفك بيزعل اترك وضحه
وضحه(تحاول تفك يدها) : اتركني مالك حق علي
فهد (أبتسم بخبث) : لا لي حق أنتي مسميه لي يعني زوجتي والكل يعرف وصراحة أنا أطالب في الشوفه الشرعية وهذا حق
وضحه (خافت من نظرته) : وش تقصد
فهد (رفع يده) : قلت لك شوفه شرعيه يعني من حقي أشوف وجهك
فرح ووضحه وسلمى (شهقن ) : ..............

وضحه ترتعش بين أيديه واهي تشوف يده تقرب لنقابها حست الدمعة بطرف عينها ما حست بنفسها إلا

طراااااااااااااااااااااااااااااااااااااااااااخ

سلمى وفرح شهقن وانصدمن من الكف اللي صار قدامهن وضحه بلعت ريقها ومسكت يدها وابتعدت لين حست الجدار خلفها خافت تطيح من طولها أما فهد اللي صدمته أكبر من أي شخص رفع يده لخده ورفع نظره لوضحه اللي تبعد عنه خطوات قليله حس بنار في صدره وغضب

فهد : تضربيني
وضحه(تحاول تقوي نفسها) : أيه تستاهل لو أقدر كان قطعتك بأسناني
فهد : أنتي تتجرئين يالقرويه وتضربين فهد
وضحه : القروية تاج على راسك فاهم وإذا أنت ما تعرف حدودك القروية تعلمك حدود الشوفه مهي حق لك لأنك مرفوض فاهم
فهد : والله ثم والله يا وضحه لتكونين لفهد وهالكف ليرجع لك كفين بدل كف
وضحه (بتحدي) : والله ثم والله يا فهد لتكون وضحه قاطعه يدك قبل تمدها عليها
فهد (بعصبيه ) : دام تحدي اجل الكف الأول مستعجلة عليه
فرح (وقفت بينهم ومسكت يد أخوها) : لا يا فهد تكفه
سلمى : وضحه اطلعي لغرفتك بسرعة
فهد (بعصبيه أكثر) : فرح أبعدي

وضحه ألتفت للسلم وقررت تهرب من الإعصار اللي قدامها وصعدت لغرفتها مع فرح واهي ترجف وتسمع فهد يهاوش وحطت أيديها على أذنيها لما سمعت صوت تكسير تحت جلست بالسرير وغطت نفسها واهي تبكي ومنصدمه من نفسها كيف تجرأت وضربته بس فهد يستاهل أيه هذا نفكيرها بعد فتره سمعت ضرب قوي على الباب وصوته وصراخه وفرح تحاول تهديه وتبعده عن الباب لا يكسره وضحه رفعت الجوال واتصلت على عمها أبو خالد واهي تبكي

وضحه (سمعت صوته) : عمي
أبو خالد : وضحه وش فيك
وضحه (تبكي) : ألحقني يا عمي فهد بيذبحني تعال تكفه
أبو خالد : أنا جاي وين أنتي وفهد وين
وضحه (تشاهق) : أنا بغرفتي مقفلة الباب واهي برى يضربه بيذبحني تكفه يا عم أنا خايفه
أبو خالد (بعصبيه) : هالولد زودها أسمعي خليك بغرفتك لا تطلعين أنا قريب من البيت مع عمتك
وضحه : لا تتأخر تكفه
أبو خالد : خمس دقائق لا تطلعين فاهمه
وضحه : حاضر مع السلامة
أبو خالد : مع السلامة

وضحه حطت الجوال وضمت الغطاء عليها واهي لازالت تسمعه وفعلا بعد 5 دقائق سمعت صوت عمها وعمتها وصراخ فهد وعمها أبو خالد غطت أذونها وبكت من الخوف واهي تسمعهم بعد فتره اختفت الأصوات وسمعت ضرب خفيف على الباب وصوت عمتها ركضت للباب وفتحته ورمت نفسها بحضن عمتها

وضحه (تبكي) : والله ما كان قصدي والله يا عمه خفت
أم خالد(تمسح على ظهرها واهي ضامتها) : اهدي يا بنتي انتي ما غلطتي دافعتي عن نفسك وولدي اعرفه متهور أهدي
وضحه(تشاهق من البكي) : تكفون مو قادرة أتحمله خافوا ربكم فيني فهد ما يحبني يكرهني بروح لبيتنا ما أبي ادرس أبي ارتاح بحضن أمي بعيد عن فهد

أم خالد طالعت لفرح وأهي حزينة لحال وضحه وفرح دمعت عيونها على حالة وضحه اتجهت لسرير مع وضحه اللي تبكي في حضنها واهي تحاول تهدي بكاها ورعشتها من اللي صار

أم خالد : فرح جيبي ماء بسرعة
فرح : حاضر

نزلت فرح تجيب ماء وشافت أبوها وفهد يتكلمون في الصالة السفلية و معصبين وقفت مصدومة لما قال أبوها

أبو خالد : وضحه أنساها فاهم
فهد (أنصدم) : شنو
أبو خالد : أنا كنت أتمنى تأخذها بس اليوم بكلم خالك ينسى سالفة خطبتنا لها و أهي تشوف نصيبها بعيد عنك أنت مجنون فاهم
فهد (بعصبيه) : شنو شايفيني تحركوني على كيفكم فهد خذ وضحه فهد لا تأخذها
أبو خالد : اللي يسمعك يقول ميت عليها والكل عارف ما تبيها وافقت لخاطرنا
فهد : هذااااااااا أول بس ألحين لا وضحه بتكون لي أنا وبس
أبو خالد : لو شنو بتسوي ما تكون لك ومن اليوم لا من ألحين وضحه مالك دخل فيها فاهم
فهد : يبه
أبو خالد (بعصبيه) : أنت رفست النعمة برجليك ولا عرفت قيمه بنت خالك لا احترمت أنها مو محرم لك وتعديت حدودك اجل لو تكون محرم لك وش راح تسوي أنت بس تبيها تحدي ولا تحسب أني ما اعرف عن سوالفك وخرابيطك لا يا فهد أنا بكيفي مغمض عيوني عن فعايلك وقلت انك بتعتدل بس لا بتظل فهد المراهق المتهور
فهد : أي نعمه هالقرويه اللي تحمد ربها موافق أتزوجها تقول عنها نعمه هذي نقمه حتى قبل نتزوج مسببه لي مشاكل اجل وش يصير لو تزوجنا تجيب لي جلطه وجها نحس
أبو خالد : أرتاح لا تبي تجيب لك جلطه ولا غيرها لان ما راح تكون زوجتك
فهد (بعصبيه وصراخ) : هي لي لي فاهمين مو فهد لعبه بين أيديكم وضحه حطيتها في راسي أقسم بربي لأكون فهد اللي معلمها قدرها
أبو خالد : قدرها عالي هذي بنت محمد يا فهد بنت خالك أستح على وجهك مهي عدوتك وهذا اللي تبي من زمان جاك وترتاح منها ما تكون لك ومن بكره لو تبي تخطب أي بنت أنا موافق بس وضحه لا والله ما تكون لك يا فهد لو شنو أسوي لو اخطب لها بنفسي رجال يستاهلها بس أنت ما تستاهل وضحه
فهد (أنصدم) : تخطب لها
أبو خالد : وضحه حسبت بنتي والمثل يقول اخطب لبنتك ولا تخطب لولدك وأنا أعرف واحد يستاهلها
فهد (بعصبيه ) : والله يا أبو خالد اللي يتجرأ ويخطبها لأكون ذابحه (لأنه لازال بلبس الدوام طلع المسدس) وبهذا لأذبحه فاهمين
فرح(شهقت) : فهد انجنيت
فهد (ألتفت لها بعصبيه) : أيه مجنون ووصلي الكلام لها هي لي لي وأنا فهد ولد أبوي

أبعدها عن السلم وصعد غرفته وسمعوا صفق الباب بقوه والأب جلس وحط يده على رأسه قربت منه فرح وجلست جنبه

فرح : يبه وش تبي تسوي
الأب(يطلع جواله) : بسوي اللي لازم يصير من زمان بكلم خالك ونفسخ الخطبة
فرح : يبه من صدق تتكلم
الأب : تحسبين امزح يا فرح أخوك متهور ووضحه أمانه في رقبتي حرام اظلمها هي تستاهل اللي أحسن من فهد
فرح : لا حول ولا قوة إلا بالله طيب وفهد قال ممكن يرتكب جريمة
الأب : بتفق او جاها نصيبها يتم الأمر بدون علم فهد وبكره بآخذها تسوي تحاليل وأسلم الأوراق لأبوها وفهد ما يعرف شيء لين نملك لوضحه على أي متقدم لها وكذا ما اظلمها مع ولدي
فرح (توقف) : على راحتك

اتجهت للمطبخ واهي تسمع أبوها يرحب بخالها ويسأل عن الأحوال وقلبها يعورها على اللي صار واللي راح يصير

--------------------------------

في بيت سالم ....

فيصل : سمر بذبحك
سمر(تضحك) : ههههههههههه ممنوع
فيصل (بترجي مثل الأطفال) : طيب نظره تكفين
سمر (مقفلة الباب ومعها المفتاح) : مستحيل العرس قريب تشوفها
فيصل : طيب مقفله عليها ليه
سمر : ههههههههههههه عشان ما تشوفها ليوم العرس
فيصل : من صدق العرس توه
سمر : الأيام تركض
فيصل : طيب كيف بروح نختار أثاث الغرفة
سمر : عادي أختارها أنت تكفي
فيصل : سمر بلا جنان عطيني المفتاح
سمر : لا
فيصل ( يقرب) : تعطيني بالطيب ولا غصب آخذه
سمر (تبتعد عنه ) : ما تقدر
فيصل : تحدي هاه
سمر كانت تبي تهرب بس فيصل آخذ منها المفتاح غصب
سمر (بزعل) : حماااار عورتني والله اعلم باباتي
فيصل (يتجه لغرفته عهد) : باباتك في المطار سافر لجده هههههههههههههه
سمر (رفعت حاجبها وجلست على الكرسي) : طيب إذا باباتي مسافر سموره تعرف تأخذ حقها
فيصل : ههههه ما عندك شيء المفتاح معي
سمر : ههههههههه طيب افتح مثل ما تبي بس إذا لقيت المدام قابلني
فيصل (ألتفت قبل يفتح الباب) : وش تقصدين
سمر : مهي هنا
فيصل (يدخل المفتاح في الباب ) : ههههههههه أضحك علي
سمر (تحط رجل على رجل) : كيفك

فتح الباب وشاف الغرفة فاضيه وراح لحمام (انتو بكرامه) ولا لقاها طلع لسمر اللي تتأمل أظافرها

فيصل : وينها
سمر : انحاشت الظاهر ما تبيك
فيصل(أنصدم) : شنووووووووووووووووو
سمر : ههههههههههههه امزح لا تموت
فيصل(قرب وبعصبيه مسك يدها ووقفها ) : وين عهد
سمر(خافت من شكله) : امزح والله عهد رايحه مع منى السوق وأمي معهم
فيصل(ترك يدها وهدا) : ..........
سمر(مسكت يدها اللي آلمتها من المسك) : ما ينمزح معك يالدوب
فيصل : آسف
سمر (ابتسمت) : لهذي الدرجة تحبها
فيصل (أبتسم) : أحبها كثير
سمر : الله يهنيكم

التفتوا للباب دخلت أمه وعهد ومنى تتسند على عكازها سلموا وجلسوا

الأم : متى وصلت
فيصل(جلس جنبها) : توني وصلت وين رحتوا
الأم(تطالع عهد وتبتسم) : نجهز العروس
عهد(نزلت عيونها بحيا) : ...............
فيصل(حب يكمل لما شافها انحرجت) : عسى بس ما قصرتوا فيها ولا نسيتوا أهم شيء للعروس
سمر(كتمت الضحكه وتفشلت من أخواها ) : ....................
منى (طالعت لعهد ورحمة حالها على أخوها وجرأته) : ....................
الأم (ما فهمت ولدها) : وش أهم شيء
فيصل(يقرب لعهد) : خلاص بشوف وش اشتريتوا وبقول لك يمه
الأم : تشوف وش
عهد استحت ومسكت الأكياس وقفت قبل يوصل اتجهت لغرفتها وفيصل جلس يضحك ومنى وسمر أستحن يضحكن
الأم : وش فيكم
منى (تطالع لفيصل) : يمه ما عليك منه ولدك بايعها
فيصل : بايعها من حقي زوجتي
منى : يا حبك للإحراج ألحين ما تطلع البنت من غرفتها
فيصل (يوقف) : لا تبي تطلع لأني بطلع معها لمحل الأثاث ونتعشى برى تروحون معنا
منى (تمسك رجلها ) : لا رجلي توجعني شوي
سمر : وأنا علي اختبار بكره
الأم : الله يهنيكم روحوا أنتو
فيصل : خلاص بروح لها
الأم (التفت لسمر) : جدتك وين
سمر : بغرفتها تكلم عذاري يمه
الأم (توقف) : بروح أشوفها
سمر(تلتف لمنى) : أخوك انهبل وربي زين مسكت نفسي لا وش يقول أهم شيء عن العروس يماااااااااه منه
منى : ههههههههههههه والله فيصل اللي كل يوم يصدمني بجرأته مع عهد وأسلوبه
سمر : تضنين تطلع
منى : هههههههههه مدري بس فيصل له طرق الخاصة
سمر : صدقتي هاه تشربين قهوة
منى (تتسند على عكازها) : لا بس إذا عصير أحسن
سمر(توقف) : اوكيه إلا بسألك قلتي عن حملك لأحد
منى : أيه قلت عن الخبر انصدموا بس الكل هناني
سمر : كل العائلة عرفت
منى (تتجه للسلم) : عائلتي هنا وأهل مشاري عرفوا بس بينتشر الخبر بسرعة
سمر : ما سألوا عن سبب جلوسك هنا يعني أمي أبوي
منى : إلا بس قدرت عليهم قلت أن الوحام بدأ وجاء على مشاري
سمر : كيف فكرتي بهذي
منى : تذكرت ميثه لما كانت حامل وما تحب قرب خالد ووجوده قلت بيصدقوني لما أقول لهم
سمر : ولمتى وحام هذا
منى : لين اقتنع انه راضي بالجنين وبقسمت الله
سمر : الله يعين روحي غيري ورجعي بجهز عصير وحلى لنا
منى : اوكيه