في بيت بندر ..

ميثه ومي والجوهره ما راحوا للغداء وجالسات يشربن نسكافيه بعد ما سوت مي لهن وكل وحده تفكر وبالها مشغول


ميثه( في نفسها) : اليوم أخذ بندر جوالي وأغلقه وحذر أمي إن خالد لو اتصل على البيت ما تجبرني اكلمه وحلف لو أجبرتني إن يجبر خالد يطلقني صح أمي خافت لأنها تعرف بندر ممكن ينفذ خافت من كلمه مطلقه لبنتها اعرف أمي وتفكيرها ههههههههههههه أول خالد يستعين في أمي تساعده على أساس أوافق أشوف أو اكلمه وأمي ما تقصر تجبرني اكلمه بس ألحين تغير الوضع خالد بيآخذ درس عمره وبعدها بشوف أقبل ارجع ولا لا ولكن برجع بشروطي يا خالد ما راح أكون ميثه الطيبة العاشقة الهبله اللي تبي رضاك على حساب نفسها والله يا خالد لأخليك تندم على فقداني لجنيني وفرحتي اللي ضاعت قبل ألمسها

لازم تذوق الذل وتعيش [ مكســوور ]
هذا وعد مني مادمت انا حي
ولو بعت لي عمرك ماقلت [ مشكور ]
لانك بعيني كلك ولا شي!!


مي(فاتحه كتابها تذاكر واهي بالها مشغول وفي نفسها) : بعد كم يوم بترك البيت اللي عشت فيه وبروح لبيت جديد مختلف بيكون مشترك مع زوجه ثانيه مدري كيف أهي مدري طيبه ولا خبيثه مدري بتتقبل ضرتها ولا ترفضها مدري كيف بيكون سطام معنا عادل ولا ظالم مدري كيف آآآآآآآآآه مو عارفه كيف أتصرف ما أبيه ولا أحبه مو قادرة أتقبله ليه أنا ليه من بين كل البنات يكون هذا نصيبي (غمضت عيونها) أستغفر الله يارب سامحني بس والله تعبانه ومقهورة حتى ما أحس بفرحة العروس واللي تترقب يوم عرسها وتتجهز له تهتم ببشرتها وشكلها وتجهز شناطها ولوازمها مو مهتمة لشيء أبدا أبدا الكل يحركني مثل الدمية وأنا من هنا لهناك (شافت جوالها يضوي لأنها حاطته صامت صدت عنه) أفففف هذا وقتك يا سطام روح زين فاضيه لك تلوع كبدي


كـيــف حـالــي !
وربي / بـ الحـزن ممتحني
كـيـــف حـالـــي؟
وعمري / انجرحت وماحكيت !!
بسـمتي ارتسمها رغم حـزني وكني
دايم الحـال طيب / أبد ماقد شـكيت ..

الجوهره(تحرك أصبعها على طرف الكوب وتزفر بألم وفي نفسها) : خلاص ما عندي قدرت تحمل لك يا بندر حطمتني آآه كل ما أتذكر أمس كيف أخذتك الحمية وكيف فزعت لأختك أنقهر منك ليه خواتي لا وبنات الناس إيه ما ترضاها لأختك وأنا عادي عشان ما عندي سند تستقوى علي قوتك بس علي ضرب وضربتني حتى ما سمعت لمبرراتي تعصيب علي اهانات واتهامات قلت سامحتني وأنا بالأساس ما أخطيت ولا سمعت لي إن كل شيء كذب عليان ما تربطني فيه رابط ولا أحبه ولا أرسلته مثل منت فاكر ليه حرام عليك أمسك العصاه من النصف مثل ما ترضى لخواتك الأذية والاهانه والدمعة أنا بعد زوجتك صرت جزء من حياتك قهررررررررررررررتني الله يسامحك قهرررررررررتني الله يسامحك ولا لأنك شايفني ضعيفة مستقوي علي وخاضعه لك تزيد من التجريح هذا وإحنا ما كملنا شهر اجل لو سنه وش تبي تسوي لي حسبي الله ونعم الوكيل حسبي الله ونعم الوكيل فيكم

رغم هذا الحزن فيني عليّ الحرام


أذكرك ، وأدعي : ياجعلي مـ أذوق زْعلك


فات ما فات من جرح وعتاب وملام


ومدري أهملتني ؟ ولا القدر مـ امهلك !



حطت الكوب واستأذنت وطلعت لغرفتها تريح شافت جوالها مكالمة من أمها غيرت لبسها ولبست بجامه وأنسدحت على سريرها واتصلت بأمها

الجوهره : السلام عليكم
الأم : وعليكم السلام هلا وغلا الجوهره كيفك
الجوهره : بخير يالغاليه أنتي كيفك وكيف البنات
الام : بخير إلا وين كنت اتصل ما تردين
الجوهره : كنت تحت عند ميثه ومي تغدينا وجلسنا نشرب نسكافيه وجوالي فوق ما نزلته
الأم : خوفتيني عليك
الجوهره : أنا بخير
الأم : هاه تجين اليوم
الجوهره : لا يمه عندنا عشاء اليوم جده بندر مسويها على رجوعنا
الأم : ما شاء الله
الجوهره : يمه تعالي اليوم أنتي والبنات
الأم : والله مدري بقول لعمك وأشوف
الجوهره : أذا عمي ما يقدر أنا بقول لخالتي وأرسل لكم السواق
الأم : خلاص بشوف عمك أذا رجع بقول لك إذا ما يقدر أنا بتصل فيك ترسلين السواق
الجوهره : طيب
الأم : ومتى بتجين لنا أنتي
الجوهره : مدري بشوف بندر بقول له وأشوف
الأم : زين بخليك أنا
الجوهره : لا يمه سولفي علي طفشانه وبندر ما بعد رجع من بيت خاله
الأم : بروح أشوف عمك جاء ولا لا
الجوهره : خلاص على راحتك أجل بنام شوي عشان أتجهز لعشاء اليوم
الأم : نوم العوافي مع السلامة
الجوهره : مع السلامة

سمعت الباب ينفتح بسرعة سكرت الجوال ورمته وغطت نفسها وغمضت ما تبي تشوفه ما تبي تتصادم معه ولا تتكلم معه ما تبي قربه ما تبي تسمعه دخل وشافها متغطية هي ما تعرف إن سمعتها لما قالت مع السلامة قرب واخذ جوالها شاف آخر مكالمة لامها و التوقيت اللي فصلت من دقيقه تقريبا يعني ما لحقت تنام عرف أنها تتهرب منه بس ليه ما يعرف هل تهرب من شيء هي خايفه يكتشفه هذا تفكير بندر شك وبس شك وشك غير لبسه ووقت جواله عشان صلاة العصر وحط رأسه وظهره جهتها ما يبي يشوفها يحس أن أفكاره تروح وتجي وتحلل حركتها تحليل خاطئ واللي اغلبه شك وبس فتحت عيونها و اهي تداري دمعتها لا تنزل


تكفى فكني من { جنونك و .. [ سَكرْ الموضوعْ ] وإنسى ,
نامْ أحسن لك / حبيبي وإعتبر صدري " وسادهـ "
لا تعاندني بـ كلامك وكل ما حنيّت تقسى 00نام ولا تسهّر عيونك نومة " الظالم .. عبادهـ
قلت : لك مليون مره يا مسا قلبي وشمسي
’لا تتعّبْني بوصلك .. [ ولا تمصّخها \ زيادهـ ..


------------------------------------

في بيت ليالي ...

منسدحه ورأسها على رجل أمها حمده ومغمضه عيونها واهي تحس باليد الحانة على رأسها تمسح وصوت القرآن يصدح في المكان سورة الكهف وأمها تصب قهوة لامها حمده


ليالي (في نفسها) : معقولة سالم ليه كل ما أبي أنسى وأبعده عن حياتي وتفكيري يرجع ودي افهم كيف عمي وأبوي يفكرون على كيفهم يقررون يعني أبوي خطب سمر لناصر عشان يحطه قدام الأمر الواقع وينسى دلال يسوى عمي مثله ويخطبني لسالم اللي دائم يتكلم عن ساره وساره وساره ليييييييييييييييييييييه عشان أكون تعويض ولا مبدأ بنت العم لولد العم وش يعتقدون ليالي بتخضع مثل ناصر لاااا لا مستحيل أكون بديل لشخص بقلب سالم أنا وسالم مستحيل وأنا اعرف إن ساره بينا كيف ما اقدر أفففففففففف وش هالأباء اللي ولا يحسون يحركون حياة عيالهم على كيفهم يعتقدون إنا دمى يحركونا بس اللي ما يعرفونه في منا من يخضع وفي منا من يتمرد وهذا أنا ليالي مستحيل أرضى في سالم وأنا اعرف أهو مو لي واعتقد بتوصله إجابتي مع ناصر إذا مو حاب يحط نفسه في موقف محرج ما يتقدم ويحاول يغير رأي أبوه قبل يتجرأ ويطلبني

الأم حمده : ليالي ما تبين تروحين معنا لعشاء عمتك عايشه
ليالي : لا يمه عندي اختبار بدرس له وبعدين البنات ما يروحن ومي عندها اختبار بعد تدرس له
الأم : الله يعينكم بس وش فيكم تغيرتن أول كل جمعه موجودات تغيرن البنات
ليالي (جلست) : الدنيا تتغير وبعدين كبرنا وصار لنا مشاكلنا وأمورنا
الأم : مشاكل
ليالي : ما قصدت مشاكل قصدي ظروف
الأم حمده : ترى أبو وليد يقول إن لو وافق أخوه على ناصر بيكون زواج محمد وناصر في يوم واحد
ليالي : شنووو يعني أبوي يقرر كل شيء طيب وناصر حرام يجبره
الأم : ناصر ما يعرف مصلحه للحين أفكار مراهق
ليالي : وأنا
الأم : وش فيك أنتي
ليالي : أفكاري مراهقة ولا اعرف مصلحتي عشان كذا تبون تزوجوني لسالم
الأم(بصدمه فتحت عيونها) : كيف عرفتي
ليالي : اهاااااا يعني تعرفين وأنتي يمه حمده (شافت سكت) يعني تعرفين بعد متى ناويات تقولن لي ولا أبوي بعد مانع ينقال لي
الأم حمده : وش فيك
ليالي : ما أبي سالم ما أبي سالم
الأم : وش ما تبين سالم وش فيك صاحيه
ليالي : عمري ما فكرت بسالم زوج وش فيكم تبون تمشونا على كيفكم تخطبون سمر بدون علم ناصر ويخطبني عمي لسالم وطبعا أكيد بدون علمه فكروا شوي إحنا وش نبي وش نتمنى
الأم : ليه وش تتمنين أنتي في خاطرك أحد
ليالي : أنا أقصد وش عرفكم إن سالم مو مثل ناصر في من يتمنى يرتبط فيها مو أنا ليه كله تفكرون لما نرفض أن في خاطرنا شخص أحنا دائم تحت عيونكم دائم معكم
الأم حمده : يعني ما تبين سالم
ليالي : ما بيه ولا يمكن اقبل فيه سالم ما يحبني ومثل ما أبوي سوى بناصر أكيد عمي سوى في سالم

أخذت جوالها وصعدت وأرسلت للبنات كلهن رسالة دخلت غرفتها ورمت الجوال على السرير واتجهت اللابتوب وفتحته دقائق وشافت كل البنات حتى عذاري


ليالي

هاي بنات بنتكلم صوتي مالي خلق اكتب أبدا بليز ركبوا المايك

البنات أوكيه

ليالي : شخباركم
البنات : اوكيه
ليالي : عمى ترى أبي طبلت إذني فاهمات
البنات : اوكيه
عذاري : وحشتوني
سمر : عذووووره قلبوو أنا أحبك
وضحه : حشى بديت اشك فيها
سمر : على تبن زين خليني اشبع من صوت أختي
ليالي : على تبن أنتي زين أختك توها قبل أمس مسافرة عذوره كيف أبوك
عذاري : الحمد لله العصر بروح له للمستشفى حالته مستقره وقفوا النزيف اللي صار له
البنات : سلامات
عذاري : بنات أنا ترى بسافر بكره
البنات : شنوووووووو
سمر : من صدق تتكلمين
عذاري : والله صدق أمس عرفت لما وصلنا أن أبوي لازم يسافر للخارج
مي : يعني ما تحضرين زواجي
عذاري : ما اقدر والله يالغاليه تمنيت بس جدتي بتسافر مع أبوي وطلبتني أسافر معها لان تبي أحد ينتبه لها والكل مشغول
سمر : طلبتك تنتبهين لها
عذاري : مدري كيف صار الأمر بس جدتي قالت أمس ودها أسافر معهم عشان انتبه لها لين تسافر عمتي لها اقدر ارجع
فرح : وعمتك متى تسافر
عذاري : يعني صار حجزنا بسرعة وعمتي ما لقوا لها حجز مع بنات عمامي إلا بعد 4 أيام
ليالي : طيب عادي سافري
عذاري : بنات مو مرتاحة
سمر : وش فيه عذاري
عذاري : بنسافر أنا وأبوي وسلطان وجدتي وحسن و
سمر : و من
عذاري : عبدالله
وضحه : يا عبدالله هذا طيب ليه خايفه منه بدليل أن ذكرتي حسن عادي
عذاري : ما تعرفين عبدالله فرق بينه وبين حسن حسن ارتاح له يعني ما أخاف منه إنسان بسيط وشفاف عكس عبدالله غامض نظرته تخوف إنسان أشوف الكره في نظرته كلامه استفزازي لي ويعصبني مدري من وصلنا قبل أمس واهو مع جدتي في غرفتها يروح ويرجع لها والباب مسكر
فرح : يمكن نفسيه جدتك تعبانه وعبدالله يعرف لها مو تقولين أهو اقرب لها من أي شخص
عذاري : يمكن
سمر(بهدوء عكس عاصفة) : بنات أنا أنخطبت
البنات(من غير ليالي) : شنوووووووووووووو
ليالي(أخذت نفس) : وأنا أنخطبت
البنات : شنوووووووووووو
وضحه : هههههههههههههه وأنا اكتشفت أني أنخطبت بعد
البنات(من غير فرح) : شنووووووووووووو
عذاري : بفهم كيف ومتى ومن
ليالي : بالنسبة لي اليوم عرفت بالخبر ولا صدفه ههههههههههه شر البلية ما يضحك ما كانوا بيقولون لي بالوقت الحالي بس سمعتهم
سمر : ومن
ليالي : أخوك
سمر : ســــــــــــالـــــــــم
ليالي : صح سالم مثل ما ناصر خطبك
البنات : نـــــــــــــــاصــــــــر
سمر : أيه ناصر لا تسألني كيف وليه كل اللي اعرفه أن اليوم أبوي بلغني بخطبت ناصر لي
ليالي(في نفسها) : لو تعرفين أن ناصر ما يعرف شيء عن هذي السالفة وانه تدبير من أبوي وعمي وخطبه بالسر والظاهر إن سالم نفسه ما يعرف شيء مثل ناصر
وضحه : جاء دوري برمي لكم بقنبلة الموسم خطبني فهد
مي : من من ما سمعت يمكن إذني فيها شيء من قلتي فهد
وضحه : أيه فهد
عذاري : وش عرفتك