منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-28-2011

في بيت بندر ...........

خوله (في غرفتها مع مي) : مي كفاية
مي (بعصبيه) : وش مجلسه مو بندر بيوصل بعد ساعات خلاص يطلع
خوله (تحط الكحل على التسريحة وتلف لها) : وش فيك اللي يشوفك يقول عرسك مو بعد أيام
مي : نفسيتي تعبانه انتو مو حاسين فيني (وبكت)
خوله(وقفت وجلست جنبها وضمها) : اهدي الكل حاس فيك بس هذا شعور كل بنت تواجهه إذا قرب عرسها
مي(طالعت لخالتها برجاء) : خالتي ما أبي أتزوج ببقى هنا خايفه
خوله (في نفسها) : الله يسامحك يا عايشه النبت صغيره آآآه يا مي ما بيدي شيء (رن جواله وأخذته بعد ما أبعدت مي) ألو هلا إبراهيم ... طيب 5 دقائق وأكون تحت .. مع السلامة
مي : بتروحين
خوله : والله لولا العزيمة كان ما رحت بس استحيت أرفض وأم سيف طلبتني
مي : طيب
خوله(رفعت وجه مي بحنان وباست جبينها) : لما أرجع لنا كلام سلمي على بندر والجوهره وقولي لهم مو ينامون خليهم ينتظروني اوكيه
مي (ابتسمت) : اوكيه
خوله(توقف) : هاه وش رأيك بلبسي
مي : حلو كل شيء حلو عليك
خوله : طيب فستان مو أحلى من البنطلون
مي : لا انتو رايحين للمزرعة بنطلون أحلى وأسهل لك
خوله : اففففففف مدري ما أحس لازم أروح مدري قلبي قارصني
مي : تعوذي من الشيطان يالله إبراهيم تحت
خوله (لفت لمي) : مي بقول لناصر يروح بيتهم
مي : أحسن عشان أنظف المجلس لبندر
خوله : طيب (نزلت ودخلت المجلس ) ناصر
ناصر(وقف وصفر) : يا قلبي وش هالجمال
خوله (ابتسمت وأستحت) : أقول ماني صاحبتك لا تتغزل
ناصر (سوى نفسه منصدم) : افااااااااااا وش صاحبه ما صاحبه
خوله (تطالع ساعتها) : المهم لا تؤخرني بعد شوي بيوصل بندر و زوجته أبي منك تروح لبيتكم عشان مي تبي تنظف المجلس
ناصر (يجلس) : لما يوصل بسلم عليه وأروح ألحين لا
خوله : ناصر وش هالعناد
ناصر : فاهم إن مي تبيني اطلع بس مو على كيفها
خوله : معليه أعذرني مي الأيام نفسيتها تعبانه لقرب زواجها وصايره عصبيه
ناصر : طيب ليه عصبيتها ما تطلع إلا علي ليه ما تفهم إني مو السبب في اللي يصير لها
خوله : مع الأيام بتفهم والحين يالله خلها تأخذ راحتها
ناصر(يوقف ويأخذ شماغه وعقاله) : والله لولا طلبك وعيونك الحلوة ما طلعت
خوله : مشكور صار لازم اطلع مع السلامة
ناصر : مع السلامة
مي ما صدقت سمعت الباب يتسكر طلعت للمجلس عشان تجهزه مع الخدامة وتنظفه ودخلت بس أنصدمت يوم شافت ناصر في وجها وتخبت ورى الخدامة لأن لا عليها جلال ولا ساتر أما ناصر أنصدم بمي ما ظن بحياته أنها حلوه وجميله
مي(صرت على ضروسها) : أنت كيف تناظر كذا
ناصر(رفع حاجبه ويشوفها خلف خدامتهم) : وأنتي كيف تطلعين كذا
مي : بيتنا وكيفنا
ناصر : ههههههههههههههه صدق بزر
مي : البزر أنت هييييييييه اطلع عاجبتك شكلنا
ناصر : طيب بطلع بس بقول لك مبروك يالعروس
مي : أكرهك
ناصر سمعها أبتسم ولبس شماغه وطلع أما مي جلست على الأرض من الخوف شافتها وش بيقول قاصده ولا ما تستحي لا إلا ناصر يارب
صحاها من تفكيرها صوت الخدامة اللي خافت عليها
الخدامة : مي أنتي بكير
مي(ابتسمت) : بكير أيه بخير يالله خلينا ننظف المجلس
الخدامة : أوكيه
مي تنظف رغم قلبها اللي يرتعش من الموقف اللي صار إلا أنها فرحانة في أن ناصر أبتعد وان أخوها رجع بخرت المجلس وبعدها طلعت لغرفتها تأخذ دش وتتجهز لأخوها وزوجته

*******************************************

في بيت ليالي ..

---------------------

الأم : لا ما تقصينه
ليالي : يمه طلبتك شوي بس
الأم : زينة البنت شعرها
ليالي : وأنا قلت بحشه بس شوي (لفت لأمها حمده) يمه تكلمي
الأم حمده : وش دخلني أنا هالمره مع أمك
ليالي : يووووووه
الأم : وجعوووووووووووه زين
ليالي (شافت جوالها يرن) : هذا من
الأم : وش فيك ما تردين
ليالي : رقم غريب
الأم : ردي ولا عطيني ارد
ليالي : لا برد (رفعت الجوال وردت) ألو .. نعم من .. (تفاجئه ) هنادي ... بخير .. تزوريني أيه حياك .. لا تشرفين .. مع السلامة
الأم : من ذي
ليالي (كانت سرحانة) : .............
الأم : ليالي وش فيك ردي علي
ليالي (لفت) : لبيه
الأم : من اللي أتصل
ليالي(توقف) : هاه صاحبتي في الجامعة بصعد أغير لبسي قولوا للخادمة تجهز كيك وعصير اوكيه
الأم حمده : طيب روحي
ليالي (صعدت ودخلت غرفتها رمت الجوال وكتفت أيديها) : هذي وش تبي وش جابها أمممممم ماني مرتاحة يعني وش تبي تسوي هي في بيتي لو سوت حركاتها الخايسه أذبحها أيه وش شايفتني أعوذ بالله منك ويكفيني شرك
غيرت لبسها واستغربت أنه هنادي وصلت في أقل من 5 دقائق نزلت وشافت هنادي جالسه مع أمهاتها قربت وسلمت واهي تحس في اشمئزاز منها سواء لبسها ولا ابتسامتها اللي ما ارتاحت لها ونظراتها لليالي شوي جابت الخدامة عصير وكيك
هنادي : كيفك يا لولو
ليالي : بخير وأنتي
هنادي : بخير
الأم(ما أعجبها لبس هنادي) : ما قلتي لي من بنته يا هنادي
هنادي : بنت محمد الـ..
الأم حمده : ما أعرفهم تعرفينهم يا أم وليد
الأم : لا والله
ليالي : يمه هذي صاحبتي في الجامعة
الأم : إلا يا بنتي وش هاللبس الله يهداك
ليالي (كتمت ضحكتها) : ...............
الأم حمده : الظاهر يا بنتي أنك كنت مستعجلة وبدل تأخذين من دولابك لبسك أخذتي من دولاب أخوك وبعدين ترى زينت البنت شعرها هو شعرك طايح ترى يقولون الحناء زين له يطول ويكثر
ليالي (حطت يدها على فمها لا تضحك وصدت عنها) : .........................
هنادي(تفشلت) : وش فيه لبسي يا خاله عادي مثل كل البنات
الأم حمده : البنات أعوذ بالله إلا صدق يا ليالي مو أخوك ناصر عنده نفس البلوزة هذي
الأم : وليه تسألين ليالي اسأليني أنا غسلتها قبل أسبوع بس ألوانها مو ذاك الزود ورميتها
ليالي : يمه
هنادي (ابتسمت غصب) : موضة كل البنات تلبسه (لفت لليالي ) أبغاك شوي ممكن لوحدنا
ليالي (طالعت لأمهاتها) : عادي تكلمي هنا أمهاتي مو غرب
الأم : لا بنقوم نروح نصلي المغرب خذن راحتكن
ليالي : يمه
هنادي : تقبل الله يا خاله (بعد طلعت الأمهات لفت لها) محلوه يا لولوتي
ليالي (تقدم لها العصير) : تفضلي
هنادي (لمست أيدي ليالي لما مسكت الكوب متعمده ) : مشكورة
ليالي حست بقرف ضمت يدها لها
هنادي(تطالع البيت ) : بيتكم حلو
ليالي : ذوق الوالد
هنادي : أنتي ما عندك خوات
ليالي : لا
هنادي : طيب خلينا نروح لغرفتك على الأقل نأخذ راحتنا
ليالي(رفعت حاجبها) : راحتنا
هنادي (غمزت لها وابتسمت) : أيه
ليالي(عصبت ووقفت ) : هنادي طلعي من بيتي لا أذبحك
هنادي(تحط العصير وتوقف) : افاااا يا قمر وش فيك وبعدين قولي لي هادي ما أحب اسم هنادي
ليالي (عصبت زيادة) : أنت وش فاكرتني أقول طلعي دام النفس زينه لا والله امسح فيك بلاط البيت
هنادي(تقرب لها) : طيب اهدي كنا حلوين
ليالي (دفتها بقوه لين طاحت على الكرسي) : طلعي
هنادي : تطرديني وأنا ضيفتك يا قلبي
ليالي : قلبك للوجع أنا أكرم الضيف اللي يستاهل مو الضيف اللي يسبب نجاسة للبيت والحين طلعي آخر مره أنبهك طلعي براااااااااااااااا
هنادي(تلف لفتها بإهمال وتاخذ عباتها) : طيب يا لولوتي انتي معصبه لنا لقاء يا حلو (قربت يدها بتلمس خد ليالي بس ليالي ضربت يدها ابتسمت) ضرب الحبيب زي أكل الزبيب يا عسل بس صدقيني والله اللولو لهادي وتعرفني هادي لما يقول شيء يوصل له طار الزمن ولا قصر ولي طرقي أجيبك يا لولوتي
ليالي(جلست بعد ما طلعت هنادي ) : حيوانه (أخذت جوالها واتصلت بسمر) سمسم وينك
سمر : هلا لولو وعليكم السلام
ليالي : أففففف سوري السلام عليكم
سمر : وعليكم السلام وش فيك
ليالي : وينك
سمر : بسم الله عليك ويني رايحه لمزرعة أبو سيف ناسيه دعوتهم
ليالي : يوووووه نسيت
سمر : وش صاير وش فيك معصبه
ليالي : معصبه تخيلي من زارني اليوم
سمر(بخبث) : مو سالم لأن أنا معه بالسيارة
ليالي (سمعت صوته وأهو يضحك) : يا حمااااااااااااااااااااره
سمر : هههههههههههه بس والله أمزح
ليالي : أقول أنك حماره فاهمه
سمر : أفااااااااااا الظاهر صدق أن فيك شيء
ليالي : كيف ما يكون فيني شيء واليوم زارتني هنادي
سمر(شهقت) : هنااااااااااااااادي
ليالي : أيه قرف يا سمسم ما كفاها الجامعة وحركاتها وكلامها عني جايه هنا
سمر : وش تبي الحقيرة (ليالي سمعت سالم يسألها من هذي) هذي صاحبه لها
ليالي (قاطعتها) : سموره لا تقولين فاهمه
سمر : هاه
ليالي : لا تقولين له شيء سامعه ( سمعت صوته ) سالم
سالم(أخذ الجوال من سمر غصب) : ليالي
ليالي (سكتت من زمان ما سمعت صوته ) : .....................
سالم : من اللي خلاك تعصبين
ليالي : .........................
سالم : قولي والله لأدفنها بمكانها
سمر : سالم عطني الجوال ومالك دخل في سوالف البنات
سالم : أسكتي أنتي هاه ليالي من ياللولو مزعلك
ليالي : محد
سالم(أبتسم لما سمع صوتها) : محد
ليالي : أيه
سالم(بهمس ) : كيفك
ليالي(ابتسمت) : زفت يوم سمعت صوتك (وبعصبيه) عطني سمرررررررررررر
سالم : هههههههههههههههههههههههه وووول طيب طيب بعطيك الخبله
سمر(عصبت) : وش خبله جيب الجوال ملقوف ألو
ليالي : صدق خبله أنتي
سمر(عصبت) : هيييييييييه أشوف شايفتني أنتي واهو للاستهزاء يا مال العافية
ليالي : لا تعبتي على الدعوه ههههههههههههههههههههههههههههههههه
سمر : أنطمي أقول وصلنا لما ارجع أكلمك لا تنامين لين أرجع
ليالي : اوكيه باي
سمر : باي
سالم(وصلوا للمزرعة ) : وصل إبراهيم وجدي وخوله وهذا أبوي وأمي مع طلول ورآنا
سمر : مدري ليه ما رحنا في سيارة وحده
سالم : وش السيارة اللي تكفينا يالله أنزلي
سمر(تأخذ شنطتها) : اوكيه باي
سالم(طفى السيارة ونزل) : باي
سمر(عدلت عباتها ورفعت رأسها شافت عبدالرحمن يطالع لها ويبتسم عصبت) : بلا في شكلك
خوله (من ورآها) : من
سمر(تخرعت والتفت) : هاه عباتي متعفسه فشله
خوله : عادي من الطريق تعالي أمك تأشر لنا
سمر : يالله (ما تدري ليه رفعت عيونها تطالع له شافته غمز لها واهو يبتسم في نفسها) حقيرررررررر صدق ما يعرف أدب الضيافة لا ولا يهتم إذا شافه أحد صدق وقح
عبدالرحمن : يا لبى قلبك ههههههههههههه شكلها معصبه وش أسوي ملزوم أبين لك اهتمامي لين اخوي يغير رأيه ولا يأخذك ولا أنا ما عاد لي فيك رغبه ولا لي نفس لك (طلع جواله ) ألو هلا بهذا الصوت وراعيته نورت المزرعة
وعد : حمني
عبدالرحمن : ههههههههه أيه يا قلب حمني هاه وش رأيك فيني
وعد خافت يكون عرفها ولا قرب من سمر
عبدالرحمن : وش فيك لا يكون زعلتي عشان غمزت لك
وعد(شهقت) : شنووووووووووووووو
عبدالرحمن : وش فيك
وعد : هاه أيه زعلانه ليه تقرب لي
عبدالرحمن : والله ما قربت مثل ما وعدتك بس ما قاومت شوفك وعيني غمز لحالها
وعد (ارتاحت شوي) : ههههههههه يمه منك حمونه لا تسوي شيء متهور كذا بتأذى أنا (في نفسها) يا ويلي لو صدق تهورت سمر بتلعن شكلي وشكلك
عبدالرحمن : طيب أوعدك بس ما غيرتي رأيك وتخليني أشوفك
وعد (بدلع) : إحنا وش اتفقنا عليه بعدين أخاف أحد يشوفنا
عبدالرحمن : يا قلبي إذا هذي المشكلة عادي أتصرف أنا وأشوفك بدون لا أحد يعرف
وعد (خافت زياده) : لاااااااااااااااااااااا
عبدالرحمن(عقد حواجبه) : وش فيك
وعد : حمني لا إذا تحبني لا بليز لا تجيب الكلام علي حبيبي أنت خل الليلة تعدي على خير ولك وعد في يوم نلتقي
عبدالرحمن : نلتقي معقولة
وعد : لعيونك بس اليوم لا تقرب من سمر أقصد مني لخاطري
عبدالرحمن : ....................
وعد : حمني
عبدالرحمن : حاضر اوكيه قلبي لازم ادخل المجلس أضيف الرجال تبي شيء
وعد : سلامتك
عبدالرحمن : باي
وعد : باي
عبدالرحمن(ابتسم بخبث) : أنا لازم أشوفك مو كيفك لازم أكحل عيوني بشوف الريميه قبل ننفصل إذا ما شفتك أحس شيء ناقصني هههههههههههههههههههههههههههههههههههههههههههههههههه هههههههههه

كان في استقبالهن أم سيف وسحر وخلود رحبت فيهن ودخلن ما كان أحد

سمر(بهمس) : خوخه ما كأنا بدري جايين ما فيه
خوله : والله فشله
أم سيف : هلا والله بأم إبراهيم
أم إبراهيم : هلا فيك والحمد لله على سلامة ولدك ومبروك شهادته
أم سيف : الله يبارك فيك (ألتفت لسمر وخوله) كيفكم يا بنات
سمر وخوله : الحمد لله
أم سيف : سمر عساك زينه
سمر(استحت) : بخير يا خاله
أم سيف : وين عهد وسلمى ما حضرن معكم
إم إبراهيم : والله سلمى ولدت أمس وعهد تتعذر تعبانه شوي
أم سيف : ما شاء الله على البركة والحمد لله على السلامة
الكل بارك لهم
سحر : وش جابت عساه مبارك
أم إبراهيم : جابت 3 أولاد وبنت
الكل تفاجئ
أم سيف : من صدق ولا تمزحين
أم إبراهيم : هههههههههههه لا والله صدق
الكل : ما شاء الله
خلود : عمه ترى كثير مثلها ما شاء الله واللي جابت 6 وجابت 12
أم سيف : والله ضنيت تمزحين معي الله بارك فيهم هي بآخر شهرها
أم إبراهيم : لا بشهرها السابع بس الحمد لله أهم وأمهم بخير
أم سيف : الله يبارك لهم يا رب وعوضهم ربي خير على صبرهم زين وأم بندر (ألتفت لخوله) مو موصيه تحضر
خوله(ابتسمت) : تتعذر منك يا أم سيف والله مشغولة في بنتها ميثه وفي تجهيزات مي
أم سيف : الله يتمم لمي ويعوض ميثه يارب إلا زواجها متي
خوله : يعني ما باقي عليه شيء تقريبا كذا أسبوعين الله يوفقها
الكل : أمين
أم سيف : والفال لك يا خوله (ألتفت لسمر وابتسمت) ولك يا سمر
خوله (طالعت لسمر وأبتسم) : أمين
سمر(بهمس لخوله) : بلا هالنظره
خوله(همست بدون احد ينتبه) : الحرمة ما نزلت عينها عنك هههههههههه
سمر (في نفسها) : يووووووووه هذي وش ناويه عليه أففففففففف
أم سيف : سحر يمك قولي للبنات وبشاير أن وصلوا
سحر (توقف) : حاضر
بعد دقائق دخلت بشاير وود وهاجر وفجر وسلمن وجلست هاجر جنب سمر
أم إبراهيم : الله يهون عليك يا بنتي بأي شهر أنتي
بشاير : تسلمين يا خاله بالشهر الأخير
سحر(تلف لخلود) : تخيلي تجيب مثل سلمى
بشاير : سلمى من
أم إبراهيم : زوجة ولدي الكبير
بشاير : ما شاء الله وش جابت ولد ولا بنت
خلود : 4 توأم
بشاير(بصدمه) : تكذبين
الكل ضحك على شكل بشاير
فجر : صدق يمه ولا تمزحين
خوله : لا صدق يا فجر
فجر(ألتفت لها) : ما شاء الله أولاد ولا بنات
خوله : لا 3 أولاد وبنت
ود : وناسه ما شاء الله
سحر : وش وناسه
ود : عمتي بشاير جيبي لنا مثلهم
بشاير : بسم الله علي لا واحد ويكفي أجيب 4 أنهبل
هاجر : ههههههههههههههه تحسبين ينباع في المكتبة
الكل : ههههههههههههههههههههههههههههههههههههههههههههههه
سمر (بهمس) : عمه وش فيك تطالعين البنت لا يكون معجبتك
خوله : معجبتني بس كأني شايفتها
فجر(انتبهت لخوله طالعت لها وابتسمت ونزلت عيونها) : ....................
سمر : ترى أحرجتي البنت
بدت أم سيف وأم إبراهيم سوالف والبنات يسولفن مع بعض
سحر : ما شاء الله مدرسه
خوله : إيه
خلود : وش تخصصك
خوله : رياضيات
خلود : وأي مرحله
خوله : الثانوية في ثانوية .............
سحر : فجر مو كأن هذي ثانويتك
فجر : ايه
خوله : ما شاء الله بأي فصل
فجر : في علمي
خوله : أنا درستك مره ولا لا
فجر : أيه مره
خوله : أيه صح أبله نعيمه أنتي طالبتها
فجر(ابتسمت) : أيه (ألتفت لامها) ماما هذي أبله خوله
خلود : أبله عسل أخيرا شفناك
أم سيف : وش
خلود : عمه هذي أبله عسل
خوله : ههههههههههه وش عسل
فجر : ماما
بشاير : استحت هههههههههههه هذي فجر تسولف عنك دوم بس ما تقول أبله خوله تقول أبله عسل
خوله (ابتسمت لفجر اللي استحت) : أذا أنا عسل فأنتي خلية العسل
سحر : يا ويل حالي وربي ما كذبت يوم تقول عنك تهبلين على هاللسان اللي ينقط عسل
خوله(استحت هي هالمره) : من ذوقك
سمر(تهمس لها) : ما أصدق خوله بنت سالم تستحي اعرف وجهك مغسول بمرق
خوله(تضربها بكوعها ) : على تبن هين يا سموره
أم إبراهيم : والله إن خوله ما في مثلها وغالية عن الجميع ولا عمر العيب طلع منها
سمر(ترد تهمس) : حلوووو وأم إبراهيم مدحت ضمنا تعرسين قريب
خوله : قلت على تبن فاهمه لا أقوم أذبحك هنا
سمر : ههههههههههه ضاع الحياء ههههههههههههه
فجر : بصراحة ما عرفتك أوله
خوله : ليه
فجر : أنتي ما تحطين ميك أب في المدرسة بس هنا ما شاء الله طالعه أحلى
خلود : ما شاء الله قمر يا خوله
سمر(كتمت الضحكة وبهمس) : اليوم ما نطلع إلا مملكين لك ههههههههه
خوله(قرصتها بجنبها) : وش قلت
سمر : آآح زين يا متوحشة
خوله : أحسن
قطع الكلام ريحه عطر نفاثة للأنف ألتفت الكل للباب وسمر كشرت بوجها يوم شافت من جاء
سمر : أففففففففف عساك على وجهك تطيحين
خوله : أصصصصصص عيب
وقفن وسلمن على مشاعل وأمها وسمر ومشاعل يا دوب تلامسن بالخد وكل وحده كارهه الثانية
أم سيف : تأخرتوا
أم مشاعل : شفنا سيف وضاري وعبدالرحمن وسلمنا عليهم
أم سيف : جعلك سالمه هذي أم إبراهيم
أم مشاعل : يا هلا وأخيرا شفناك أم سيف تسولف عنك دائم
أم سيف : من معزتها والله ومعزة حبايبها (قالت هذي الكلمة واهي تبتسم لسمر)
أم إبراهيم : عزيزة وغالية والله
وأهم بالجلسة رن جوال مشاعل طالعت لسمر بنظره وابتسمت وقامت بعد ما أخذت الجوال
سمر(تصر على ضروسها) : سم يا مال المرض روحه بلا رده
فجر (قدمت لسمر عصير) : تفضلي
سمر : تسلمين
مع خروج مشاعل سمر حست براحه وتمنت ما ترجع ومشاعل تسولف بالجوال خارج
مشاعل (تصر على ضروسها) : اها يعني مو متصل عشاني
عبدالرحمن : أقول بلا حركات العبط
مشاعل : وإذا قلت لا
عبدالرحمن : عادي الطقم ما يجيك
مشاعل : ..................
عبدالرحمن : ومعه كمان ساعة اللي تحبين
مشاعل : ساعة وطقم مقابل تشوف سمر
عبدالرحمن : إيه وش قلتي شوفي أنا أقدر أشوفها بكذا طريقه بس قلت أنفعك وش قلتي
مشاعل : ........................
عبدالرحمن : اوكيه باي
مشاعل : لحظه لحظه
عبدالرحمن : مشاعل أنا عندي رجال مو فاضي لك خلصي
مشاعل : موافقة بس كيف ووين
عبدالرحمن : سمعي أبي أشوفها في إسطبل الخيل
مشاعل : هذا كيف أوديها لها
عبدالرحمن : اقترحي تتمشون
مشاعل : ولو رفضت
عبدالرحمن : أنتي ومجهودك
مشاعل : فرضنا وافقت كيف بتأمن لي
عبدالرحمن : مو لوحدك معاك فجر وود وهاجر قولي لهاجر وأنتي تعرفين هجوره تحب المشي وأكيد بتوافق
مشاعل : أنت صاحي تبي بنات إخوانك يشوفنك وأنت تقابلها
عبدالرحمن(عصب) : خبل شايفتني
مشاعل(خافت) : أسفه مو قصدي بس أنت تقول
عبدالرحمن(قاطعها) : أنكتمي وأسمعي أنا بكون في الإسطبل انتظر ولما يقربن بتصل في البنات يرجعن على أساس يحضرن شيء لمجلس الرجال أو يجهزن شيء وأنتي وصليها لي وما عليك من الباقي فاهمه
مشاعل : وش تبي تسوي فيها
عبدالرحمن : بشوفها
مشاعل (بشك) : بس
عبدالرحمن(صر على ضروسه يكتم غيضه) : وش شايفتني ما أخاف الله مشاعل أبي الأمر يتم خلال ساعة تكون ظلمت أكثر
مشاعل : حاضر (في نفسها) بتظلم عليك وعليها بس تدخل هي بفضحكم وبخلي الكل يحضر هذا اللقاء وتنكسر سمر وغرورها لما يشوفونها مع واحد غريب وأنت يالعاشق ههههههههههههه بتروح فيها وبعدها محد يقبل فيك ومالك إلا بنت عمتك هههههههههههههههههههههههههه
عبدالرحمن : فهمتي
مشاعل(صحت من سرحانها) : إيه اوكيه أنا برجع تبي شيء
عبدالرحمن : لا يالله باي
مشاعل : باي

رجعت للبنات واهي تخطط كيف تقنعهم يطلعون والكل لاهي ولا عارف وش اللي يخطط له عبدالرحمن و مشاعل وش بيكون ردت فعل سمر

مشاعل تطالع لهم واهي تعض في شفتها تفكر صحاها من تفكيرها صوت هاجر

مشاعل : هلا
هاجر : وش فيك ساكتة
مشاعل : هجوره بطلبك شيء ممكن
هاجر : اطلبي
مشاعل : يعني حابه نتمشى بالمزرعة قبل يوصلون الضيوف و سمر أول مره تجي هنا وش قلتي
هاجر(تطالع ساعتها) : والله مدري ما نلحق
مشاعل : مو لازم كلها قسم يعني الإسطبل والخيول وش قلتي
هاجر : اوكيه (ألتفت لسمر) سمر
سمر (ألتفت لها وأبتسم) : هلا
هاجر : حابه نتمشى شوي وش قلتي إذا ما عندك مانع وتشوفين مزرعتنا
سمر : لا مو لازم
أم سيف : شنو مو لازم روحي شوفيها جعل قدومك سعد عليها يارب
سمر(استحت) : والله يا خاله مو لازم
مشاعل : لا سموره عاد دائم أقول لك عنها وتقولين متشوقة أشوفها
سمر(ألتفت لها بصدمه) : .............
سحر(تكلمت قبل تتكلم سمر وترد على مشاعل) : متشوقة كل المزرعة لخاطرك قومي هجوره أنتي والبنات خلنها تشوفها
أم سيف : وخوله بعد
خوله : لا السموحه أذا شافتها سمر كأني شايفتها
أم سيف : وش فيكن مستحيات ترى القسم اللي تبن تتمشن فيه ما فيه أحد يعني خاص للحريم
خوله : لا والله ما هو قصدي بس
بشاير(توقف) : تعالي بروح معكم من الصبح جالسه وأبي أمشي عشان يسهل ولادتي
خوله : والله ما هـ
بشاير : يالله خوله يالله بنات كلنا مع بعض سحوره خلود تجن
سحر : لا أنا عندي الخدامات بشوف جهزن ولا لا
خلود : أنتن أسبقني وأنا بلحقكن شوي
خوله : طيب بس بلبس عباتي
أم سيف : مهنا أحد بالمزرعة
خوله : معليه مرتاحة كذا
سمر(لبست عبايتها ولفت اللفة مثل عمتها ومسكت النقاب) : ...............

أم سيف طالعت لهن وابتسمت وغمزت لسحر سحر أعجبها حرص سمر وخوله على الستر وطريقه خوله الواثقة في الرد وهدوء سمر وحياها طلعن يتمشن وأرسلت مشاعل على عبدالرحمن إنهن طلعن وقالت له من معها تضايق إن خطته خربت في شوفتها كان البنات متقدمات بشاير وخوله اللي تبطئ بالحركة مراعاة لبشاير

بشاير : وليه
خوله(كتفت أيديها بعد ما جمعت عباتها) : النصيب
بشاير : يعني ما جاك نصيبك للحين
خوله : لا تقدموا كثير بس أنا رافضه
بشاير : ليه مو هذي سنة الحياة
خوله : عارفه بس أحس مو مستعدة لفتح بيت وعائله يعني توني
بشاير : عمرك 26 سنه وداخله على 27 أسمحي لي هذا مو عذر
خوله(ابتسمت وفي نفسها) : أتزوج و يكون الخوف في قلبي أني أمرض مرض أمي وأموت وبنتي أو ولدي يتيتم خليها كذا أستغفر الله أستغفر الله
بشاير : يووه تعبت من المشي والله
خوله (تمسك يدها) : طيب وش رأيك نرجع والبنات يكملن
بشاير : طيب خليني أجلس شوي وبعدها نكمل
خوله : لا أجلسي وبعدها نرجع (ألتفت للبنات) بنات روحوا أنتن وأنا وبشاير بنلحقكم بعدين
فجر : عمه فيك شيء
بشاير : لا بس المشي تعبني
ود : تبين أقول لبابا
بشاير : لا حبيبتي شوي و أقوم روحن أنتن
سمر : خلاص بنات خلنا نرجع
مشاعل(ابتسمت جتها الفرصة) : لا خلينا نكمل ونرجع لهن
سمر (ما ارتاحت لها وإصرارها) : لا مو لازم
هاجر : عادي مثل ما تحبين
مشاعل : لا لا (انتبهت للكل ألتفت) طيب خلينا نشوف الفرس وبس وش قلتي تعالي خيل أصيله والإسطبل شوفيه هذا مو بعيد
بشاير : سمر عمرك شفتي خيل
سمر : حقيقة يعني لا
فجر : اجل خلينا نشوفها عندنا خيل لعمامي وخيل أبوي
ود(ابتسمت) : وخيل لعيسى أخوي
فجر(صرت على ضروسها عند ذكره) : وعويس
هاجر : خلاص سمر ترى فرحانين فيك تعالي
سمر : عمه
خوله(ابتسمت) : روحي الله يحفظك يكون هنا قريب
سمر : حاضر
مشاعل(أرسلت لعبدالرحمن رسالة وابتسمت) : ما راح تندمين يا سموره
سمر(في نفسها) : الله يستر
عبدالرحمن(طلع من المجلس وصادف ضاري) : أحبك ضروي
ضاري : الحمد لله والشكر ههههههههههههههههه تعال وين رايح
عبدالرحمن : بشوف الريميه أقصد فرسي المزيونه
ضاري : مو شفتها اليوم
عبدالرحمن : اشتقت لها بعدين وش تبي خلني أروح
ضاري : والضيوف
عبدالرحمن : 10 دقائق وراجع بس 10 دقائق
ضاري : الظاهر صار لعقلك شيء
عبدالرحمن : الظاهر هههههههههههههه باي
ضاري : باي
دخل ضاري المجلس وجلس عند إبراهيم وسيف أخوه
إبراهيم : هاه ضاري سمعنا انك بتخطب
ضاري(طالع لسيف بعدها إبراهيم) : اخطب
إبراهيم : إيه أبو سلطان يقول بنخطب له قريب
ضاري : والله الوالدة تلزم علي وإنا أقول لها أجليها شوي
سيف : وش تأجل ترى صكيت 30 منت بصغير
ضاري : عارف بس قالوا من أمتى لك بالقصر قالوا من البارح العصر يعني توني واصل خلوني أرتاح شهر على الأقل يعني
سيف : يعني نخطب لك ونزوجك يعني لين تتأقلم وتجهيز العرس مو أقل من 4 أو 6 شهور
ضاري : أبو سلطان أنت الوالدة مشيشتك علي قايله حن فوق رأسه
سيف : هههههههههههههه لا والله
إبراهيم : ما عليكم منه اخطبوا له وتوكلوا على الله
سيف وضاري : ونعم بالله
إبراهيم : والله انك ما تنرد يا ضاري بس توكل على الله
ضاري : يعني لو أخطب منكم ما تردوني
إبراهيم : افاااا والله ما تنرد ولو هي ذبيحه ما عشتك
ضاري : أجل أخطب بنتك
إبراهيم : هههههههههههههه تستاهلها بس بسألها وأقول لك
ضاري : هههههههه حللي أجل أعرس وبنتك ما نبيها
إبراهيم : أنت الخسران
سيف : بنتك أنا بخطبها
إبراهيم : لمن سلطان ولا سلمان
سيف : بسألهم وأقول لك
إبراهيم : تقلد يعني هههههههههههه
ضاري : والله يا خوك لو تبي بنتك سالمه لا تقرب هذولا التوأم
سيف : أفاا عمهم بدل تمدحهم تطلع عيوبهم
ضاري : راحم البنت منهم هههههههههههه
إبراهيم : بنتي أنخطبت
سيف : ما شاء الله ما صار 24 ساعة وبدأ الخطاطيب
إبراهيم : لا أنا اللي خطبت لها هههههههههههههههههههه
سيف وضاري : هههههههههههههههههههه
ضاري : ومن
إبراهيم : طلال ولد أختي المرحومة
سيف : بسم الله عليه طلال يستاهل
ضاري : طلال ومرحومة
إبراهيم : أيه
سيف : لو تشوفه يا ضاري ما تشبع من شوفته
ضاري : ودي والله شوقتوني
سيف : تبي تشوفه تراه هنا
ضاري : لا صدق وين
سيف : مع عيالي يلعب
ضاري (يوقف) : بروح أشوفه
إبراهيم : أجلس بس
ضاري : بشوفه وأجي ما راح أتأخر
طلع ضاري متشوق يشوف طلال شاف عيسى
ضاري : عويس وين التوأم
عيسى : سلطان وسلمان
ضاري : أيه
عيسى : شفتهم عند الإسطبل بس ليه وش تبي يا خال
ضاري : أبي طلال
عيسى : طلال
ضاري : بشوفه سيف يسولف عنه
عيسى(أبتسم) : يالبى قلب هالولد سكر سبحان الله
ضاري : وأنت بعد
عيسى : شوفه وجه يجيب العافية
ضاري : شوقتني بروح أشوفه
اتجه ضاري للإسطبل وانتبه للبنات يمشن له ما انتبه أن في بنت بينهم
ضاري : هويجر وين
التفتن البنات لان ضاري ناداهن بفجأه والصوت يخوف
هاجر : عمي رايحين للإسطبل
ضاري : والله من الفضاوه الناس عشاء وأنتي رايحه للإسطبل
ألتفت وشافهن انتبه لسمر وجذبته عيونها كانت متنقبه ولما انتبهت له يطالعها نزلت عيونها وحطت اللفه (الشيله) عليه وصدت عنه
هاجر : عمي بنروح عشان سمر تشوف الخيل
سمر(تفشلت يوم ذكروا أسمها وقعدت تسب في نفسها) : ..................
ضاري(في نفسه) : هذي سمر عيونها عذاب وطولها ورزتها تحسها شامخة (انتبه لنظرتهم له تنحنح) احم أحم طيب روحن
فجر : يالله سموره
سمر : يالله ( في نفسها) ما شاء الله يهبل طول ورزه تقولين سوري من زينه هههههههههههه يماااااه يشبه عبدالرحمن بس لون العيون لا لحظه وش طرى علي وووووع عبدالرحمن الله يقلعك أطلع من عقلي
عبدالرحمن كان يتابعهن واهن يقربن للإسطبل وطلع جواله وأتصل على هاجر اللي ابتعدت شوي عنهن عشان تكلم
عبدالرحمن : الو وينك
هاجر : هلا عمي أنا عند الإسطبل
عبدالرحمن : وش موديك
هاجر : مو بروحي معي مشاعل وود وفجر وضيفه ليه في شيء
عبدالرحمن : أيه أبي ترجعين أنتي وفجر وود و تجهزن القهوة والشاي بجي آخذهن
هاجر : طيب أتصل على أمي ولا عماتي كل شيء جاهز
عبدالرحمن : هويجر قلت من أنت وود وفجر
هاجر : طيب أنا أكفي
عبدالرحمن : وش تكفين أنا مو جاي آخذ وحده أبي 3 أو أربع اخلصي أرجعي أنتي وأهن
هاجر (بهمس) : طيب الضيفة
عبدالرحمن : مو مشاعل معك خلاص خليها توريها الإسطبل يالله ما أبي عذر بسرعة أرجعن
هاجر : طيب (سكرت وبوزت وفي نفسها) هذا وش فيه أفففففففف منه (ألتفت للبنات) ود فجر بنرجع البيت نجهز الصواني لعمي عبدالرحمن بيجي يأخذها ميشو طلبتك خذي سمر للإسطبل تشوف الخيل وإحنا لو خلصنا نجي لكم
مشاعل (ابتسم) : تستاهل سمر
سمر : لا لا خلاص مو لازم مره ثانيه أشوفهن
مشاعل : ليه سموره تعالي شوفيهن في واحد من الخيول لو تشوفينه ما تندمين
فجر : طيب هاجر وروحي مع ود وأنا بكون معهم
هاجر : عمك يقول كلنا
فجر : وش عرفه قولي كنت معكم وخلصت ورحت
عبدالرحمن (سمعها واتصل على هاجر قبل تخرب فجر خطته) : ألو وينك
هاجر : هاه
عبدالرحمن : أنا في المطبخ ما أشوفكم وش قايل لك أنا وين ود وفجر
هاجر : جايين
عبدالرحمن : أنا بروح وأرجع لا تتحركن لين أجي سامعه
هاجر : طيب طيب
عبدالرحمن : باي
هاجر : باي ( ألتفت) يالله خلصني كله يهاوش تعالن
مشاعل (مسكت يد سمر) : تعالي بيلحقنا خلينا ندخل ونشوف
سمر(سحبت يدها) : طيب (في نفسها ) الله يستر
أقتربت من الإسطبل ومشاعل تبتسم بخبث ورآها ومجهزه جوالها تبي تصور لحظه اللقاء بينهم وتستغل الوضع وعبدالرحمن يحس قلبه طبول أخيرا يبي يشوف من شغلته شهور حطت يدها على باب الإسطبل تفتحه وفتحته شوي

(صرخت بخوف وصدمه من اللي قدامها مو مصدقه عيونها ) : لاااااااااااااااااااااااااااااااااااااااااااااا

-----------------------------

أنتهى البارت ..

^_^