في جده ...
حست في يد تمسح على خدها و أهي نايمه بعدت اليد ولكن رجعت تمسح على خدها برقه ونعومه فتحت عيونها وشافته يبتسم لها
بندر : صح النوم يا كسلانه
الجوهره(تتعدل) : صح بدنك
بندر : قومي غسلي وتعالي طلبت لنا قهوة وحلى بنجلس نسولف
الجوهره : طيب
بندر(يوقف) : بنتظرك
الجوهره دخلت وغسلت وجها وتوضأت وصلت بعدها لبست بنطلون برمودا بلوزه حطت غلوس وكحل عربي ورفعت شعرها برباط للخلف وطلعت استحت منه وبنفس الوقت خايفه من اللي ينتظرها تحس إن الهدوء قبل العاصفة ..
بندر(يأشر جنبه على الكنب) : تعالي هنا (جلست الجوهره ومد لها فنجان القهوة) طلبت لك قهوة فرنسيه اشتهيتها لي ولك
الجوهره : عادي
بندر : شوفي أنا ما عرفت تحبين الشوكولا ولا الفانيليا طلبت ثنتين
الجوهره : أحب الثنتين (في نفسها) يمه هذا وش فيه بديت أخاف وش هالطيبه وهالهدوء يا بندر
تأكل وكل شوي ترفع عيونها له وإذا رفع عيونه نزلت عيونها وتمت على أعصابها 10 دقائق تحس شوي وتنجن ما قدرت تصبر لفت له
الجوهره : بندر
بندر : لبيه
الجوهره : وشفيك
بندر(أبتسم وحط فنجانه) : وش فيني
الجوهره(حطت فنجانها ولفت بجسمها له) : ليه ساكت
بندر : وش فيها ساكت عادي
الجوهره : أنا من خذيتك وأنت بس تصارخ ولكن اليوم ساكت كيف وليه
بندر : هههههههههههههههههههههه حلوه من خذيتك ترى ما صار لنا 4 أيام متزوجين اللي يسمعك يقول لنا زمان
الجوهره : أنت من أول يوم عرف انك عصبي يعني وش يختلف من زمان ولا ومن أيام
بندر(لف لها وصار مقابلها) : شوفي يا الجوهره بقول لك شيء أنا من اليوم ما راح أحاسبك على الماضي ولا راح أتكلم عن عليان وحبك له (كانت تبي تقاطعه ) لا تقاطعين أنتي من أنكتب اسمك باسمي صرتي ملكي زوجتي وكل شيء يمسك يمسني أنا ما اسمح بالخيانة ولا اسمح أن زوجتي تنزل راسي اقطع راسي قبل ينزل وينحني فاهمتني (شافها هزت رأسها بأيه) صرنا واقع زوج وزوجته أبي الاحترام وتصونين زوجك ولا أبي اسمع عن عليان تنسينه لأني لا يمكن في يوم أطلقك أنتي لي وأنا حاب نتعامل بالطيب والحب بين بعضنا ونعيش حياتنا كأحلى زوجين ما أبي شيء يعكر حياتي ولا أبي أضطر للعصبية ومد يدي أنا لما افقد أعصابي ما أشوف طريقي ولا أبي أأذيك ولا أبي أضرك ولا تحديني على مد يدي لأنك ما تعرفين لما أوصل للعصبية ممكن أذبحك لأني أفقد الإحساس (مسك يدها) أرجوك انسي عليان صار بندر هو زوجك وحياتك خلينا نعيش أيام حلوه بين بعض
الجوهره(ابتسمت) : حاضر (في نفسها) آآه يا بندر ودي أعيش حياتي معك ودي بس خايفه منك ليه ما تبي اشرح لك وأفهمك عليان ما يعني لي شيء كذب ما أحبه ولا أعرف شيء اسمه حب ولا عمري فكرت فيه كنت مجبورة عليه وفروض علي وعلى حياتي ولما طلع منها صرت أحسن أنا ما أكرهك لأني ما اعرف الكره في حياتي ولكن ما أحبك لأني ما اعرف بندر من ما اعرف بندر من (رفعت عيونها له وتفكر واهي تتأمل وجه ) ودي أعرفك وأفهمك ودي أنسى الهم شوي وودي أعيش يوم حلو بعيد عن الهم والمشاكل بعيد عن الخوف وبعيد عن الوجع تكفه يا بندر لا تصدمني مثل ما الدنيا صدمتني لأنك آخر ميناء ممكن ترسي عليه سفينتي و ألقى فيك أرض ثابته عشان أعيش حياتي
بندر : أعجبتك
الجوهره(انتبهت لنفسها تتأمله استحت ونزلت عيونها) : ......................
بندر : هههههههههههههههههههههه يا حلوك (طالع ساعته) يأذن المغرب تحبين تصلين في الحرم ولا تصلين هنا
الجوهره : لا بروح معك إذا ما عندك مانع
بندر : لا ما عندي مانع لان بعد الصلاة بنترك مكه
الجوهره : نرجع الرياض
بندر : لا بنروح لجده كم يوم خلينا نوسع صدورنا هو أسبوع اللي معي أجازه (أبتسم) أذا تحبين
الجوهره(ابتسمت ) : أحب
بندر : يالله نروح نصلي ونرجع عشان نطلع لجده
الجوهره : حاضر بجيب عبايتي دقائق بس
بندر : طيب (وفي نفسه) جده والله ولا خطرت على عقلي لين شفت الزفت ولد عمك ببعدك عنه لأني مو متحمل فكرت أنه قريب منك وان ممكن يشوفك طالعه داخله وتتكرر مأساتي مع أم شوق ما أتحمل ضربتين في الرأس يوجع ولو صار لا سمح الله يا الجوهره وخنتيني ممكن أذبحك وأذبحه (أبتسم لما شافها جت مد يده ومسك يدها) يالله
الجوهره : يالله
بعد صلاة المغرب رجع معها للفندق ودفع الحساب وطلع لجده وكل أمنياته ربه يوفقه مع الجوهره
-------------------------------------------------
في بيت أبو إبراهيم ....
سمر(بعصبيه) : مالي دخل أبيها باسمي هي البنت الوحيدة بين الأولاد
سالم : إحنا سمر وحده مو قادرين عليها نسمي سمر ثانيه
سمر : مو مسمي على أسمك
إبراهيم : أنا سميت على أسم جدي مو اسم سالم
سمر : أيه من حضه
سالم (يلعب بحواجبه) : صدقتي من حضي سلوم كبير سلوم الوسط وسلوم صغير
الأم : والله إن فرحتي ما توسع الدنيا
إبراهيم : الحمد لله تمنيت واحد ورزقني الله بأربعة
الأب : يعني خلاص قررت وش أساميهم
إبراهيم : أيه البنوته على أسم المرحومة الله يرحمها منال والعيال فهد و بندر وسالم فيصل
الأم : فيصل مو قلت أنهم أربعه صاروا خمسه كيف
إبراهيم(يوقف ويمشي للباب ) : فيييييييييييييييييصل
الكل وقف يوم شافوا فيصل يدخل من الباب ويحضن إبراهيم
فيصل : الف مبروووووك يا أبو التوأم
إبراهيم : الله يبارك فيك وين كنت
فيصل(يبعد عنه) : خلني أسلم على أهلي بالأول (اتجه لأبوه وجده وبعدين سلم على أمه وسالم وسمر وجلس) ما شاء الله أربعه
إبراهيم(يجلس) : أيه الحمد لله
الأب : وين كنت يا فيصل خوفتنا عليك
فيصل : العذر يالغالي رحت لمكه اعتمر
الأم : يمه وش صاير بينك وبين زوجتك
فيصل(أبتسم يخفي الوجع بقلبي) : ما صار شيء ليه قالت لك شيء
الأم : والله يا ولدي ما فهمنا شيء منها وبس تبكي ولا نامت
فيصل(يوقف) : هي بغرفتها
سمر : أيه
فيصل : طيب بروح لها اسمحـ..
سكت يوم شافها واقفة عند الممر بجلالها وانتبه لاهتزازها معناها تبكي خارت قوى عهد ولا قدرت توقف وجلست على الأرض ركض لها بخوف وجلس على ركبته قدامها
تضيق بي الدنيا وكل من فيها نساني .....
وأصـبـحـت عـقـبـهـا وحـيـد بـقـلبي وكـيـانــي
أصبحت شخص كل البشر تمل تلقاني .....
صرت اخضع عقب ماكان يموت من تحداني
صرت ابكي مدري وش اللي ابــكاني .....
صـــرت الف بــالـكــون ادور بـهــا مــوانــي
تعبت ادور وين العطف ووين الحناني ....
تــعـبت اقـول احبـك تعبت اقـول من يـهـواني
هذي حـقـيقـه اقـولها لـكـم يا اخـواني ....
والـله انـي مـلـيـت دنـيـا تـغـطــيـهـا الاحـزانـي
لاحبيب ولا خليل في هالدنيا مثلي يعاني ....
ولا قلب صافي بالـمـحبــه والمـوده احـتوانـي
هــذي سـطـور اكـتـبـها بكل الالــوانــي .....
وابـيـك تـفهـم حـبـيـبي تـرى الـحـزن عـنـواني
فيصل : عهد
عهد : ليه
فيصل(ضمها له يوم شافها تبكي) : اهدي
عهد(مسكت بثوبه بقوه ) : لييييييييييييييييييييييييييييييييييييييييييييييييي ييييييييييه آآآآآآآآه ليييه
الكل حزن لشكلها وحزن يوم سمع صياحها دمعت عين سمر وأمها والكل حزن
فيصل(مسك يدها) : تعالي معي
عهد(وقفت لازالت ماسكه فيه وتبكي) : ................
فيصل( واتجه لغرفتها) : عهد اهدي
دخل معها الغرفة وسكر الباب أبعد الجلال عنها وجلس على السرير وجلست جنبه واهي تبكي مسح على ظهرها وكان رأسها على كتفه ويسمعها تبكي كره نفسه كيف عيشها 24 ساعة بكل هذا الوجع والألم أنصدم لما قالت له
عهد : طلقني يا فيصل وتزوج لك بنت أنا ما راح أكرهك ولا ازعل منك أنت كنت حلم حياتي من عرفت الدنيا وعرفت إني لك وبنيت أحلامي على الحياة معك
لما أبوي مات قلت أنا فقدت أبوي بس عندي فيصل أبوي يقول لي دايم أنتي لفيصل وأنتي بتكونين حبيبته وزوجته عشت عند خالي ورفضت الكل لأني ما خالف كلام أبوي ولا تخيلت أكون لأحد غيرك
ولــــــــــــــــكــــــــــــــن
القدر خلاني ما أكون لك وهذا مو ذنبي والله مو ذنبي كنت احمي نفسي من الكل وكنت أقول أنا لفيصل وبس أرفض كل الإغراءات وقلت لا يمكن أخالف وصيت أبوي
(رفعت رأسها له ومسكت وجهه بأيديها ودموعها بعيونها أنصدم فيصل لما شاف تورم عيونها الحلوة واحمرارها من البكي)
أنا مالي ذنب أنت تأخرت أنت كنت أسمع من منى دائم مدح فيك بالجامعة كنت اسمع فيصل وفيصل وأفتخر فيك وأغير لما البنات يهمسن باسمك أو يتمنن أنك لهن كنت
بـــــــــــــــــــــــــصــــــــــــــــــرخ
وأقول فيصل لي أنا أنا وبس ما تقدرن تأخذنه عرفت مره انك مسافر ورديت تجرأت وأرسلت لك أول هديه ما لقيت شيء قيم ولا كنت اقدر أأمن ثمن هديه أرسلت لك صندوق سويته سهرت الليل عليه وقبل الفجر أنهيته
(مدت يديها له )
بيدي هذي سويته لك تجرحت وتعورت بس كملت لي خلصته لعيونك وبس
ما تصدق الفرحة الكبيرة فقلبي وحزنت يوم فكرت كيف أوصلها لك ما أبي أحد يكشف اللي أسويه رحت لفواز وطلبت يوصله وكتبت بكرت شعر لك وقلت عطه السائق بس لا أحد يشوفك وفهمته انه هديه لمنى وأنا بسوي لها مفاجئه ولان فواز ما يعرف يقرأ ولا يكتب كنت ضامنة أنه ما يقرا الكرت وأهو ما يتكلم وصلتها بعد ما طلب من نوير أن سائقهم يوصل أخوي لبيت واحد من معارفنا ونبهت أخوي ما ينزل قدام بيتكم ينزل قبله وبعدها يمشي لين يوصل عشان لو سالت السائق ما يعلمها وفواز يحب منى كثير فما يرفض وصرت اجمع من فلوسي وأساعد أمي في الخياط كنت بس أبي أوصل لك مشاعري (حطت يدها على قلبها ) مشاعري اللي بقلبي لك اللي أحاول أخفيها عن الناس تعرف كل اللي أسويه لأني عشت في وهم كلام أبوي فيصل زوجك المستقبل و اعتبر الفترة فتره خطبه ومن حقي كأي بنت تهدي خطيبها وتعبر له كنت هايمه حالمة كنت عايشه بخيال وحلم وردي لين اليوم اللي زرتكم فيه
فيصل(بحزن) : عشان الكلام اللي قلته لك
ليه أحس اني وانا اشوفك حزين=وقلبي الليله بهمي ممتلي
كانها الفرقا طلبتك حاجتين=لا تعلمني ولا تكذب علي
خلني مابين شكي واليقين=السكوت رضاي عنك وازعلي
باكر اللي خافي لازم يبين=الوعد بلقى مكانك به خلي
وانتظر لي ليلةٍ او ليلتين=لين مايقفي السحاب وينجلي
ولا طويت الياس بذرف دمعتين=للهوى الغالي وبوادع هلي
صاحبي باموت من كثر الحنين=خلني بختار لحظة مقتلي
عهد(هزت رأسها بلا) : لا كلامك صح جرحني صح تضايقت منه صح بكيت و ما أكذب عليك كرهت بس ما كرهتك كرهت غبائي وكرهت خيالي اللي عاش معاك وفيك
(وقفت وبعدته عنه) هذا اليوم كان اليوم المشؤوم
(ضمت أيديها على نفسها وكأنها تحمي نفسها من ذكرى تقتحم عقلها المتعب) اليوم اللي قتلني فيه محسن وسلبني حق مو حقه ذبحني وانتهت حياتي دمر أحلامي حطمني صحيت على حقيقة ما عدت أنا عهد ولا صار من حقي أحلم فيك وفي حياتي معك لأنك تستحق أحسن مني وأفضل مني هاجمني لما طلعت من الحمام (وانتو بكرامه) ما قدرت أقاومه
(لفت له وبعصبيه ودموع) أقسم حاولت أقسم بس خارت قوتي و أغمى علي وصحيت كنت بغرفته لوحدي شفته ما لقيته طلع الحيوان بعد ما أخذ اللي بيه تركني جثه دمرني آآآآه دمرني سترت نفسي وطلعت اجري اجري لين دخلت الملحق وانهرت إيه انهرت
فيصل(قرب وضمها وكان ماسك دمعته ) : عهد
عهد(ضربته بعصبيه على صدره تحاول تبعده) : لا تحاول تواسيني وتشفق علي ما أبي شفقتك أنت تكرهني
فيصل (يحاول يصد ضربها له ويهديها) : أنا ما أكرهك أنا أحبك
عهد(تدفعه عنها وتحاول) : وخر عني لو تحبني ما تركتني أنت تخليت عني و انقرفت مني نفرت مني وطعنتني أذا أنت سويت كذا الناس لو تعرف وش بتسوي فيني
فيصل : محد بيعرف ولا لازم أحد يعرف
عهد(قدرت تبعد عنه) : شنو
فيصل(مسك يدها وجلس على السرير وجلسها) : عهد أنتي زوجتي
عهد : بس أنا مو بنت
فيصل : سمعي يا عهد بطلب منك طلب أنا صحيح مو قادر أستوعب اللي صار وأنصدمت بس مالنا يد في اللي صار هذا قضاء الله اللي اطلبه أنا نعيش مع بعض و .. (سكت ما عرف كيف يقولها)
عهد : أنت تقصد إن نعيش في غرفه وحده بس أنت ما تقدر تتقبلي كزوجه صح (شافت فيصل نزل راسه وسكت أغصبت نفسها على الأبتسامه) فيصل أنا راضيه لو تعتبرني أخت لك مثل سمر ومنى ونجود ولا أبعد عنك أنا أصلا أصلا ماني عارفه وين أروح لو أبعد عنك أنا تعودت عليك
( حطت يدها تحت ذقنه ورفعته وطالعت لعيونه) أنا زوجتك قدام الناس ولما نكون لوحدنا نكون أصحاب وأصدقاء (مدت يدها له وابتسمت بألم ) موافق
فيصل(شاف يدها الممدودة وطالع لعيونها وضمها له وبهمس ) : سامحيني بس ما اقدر
عهد(غمضت عيونها ونزلت دمعتها وفي نفسها) : سامحني ما قدرت أوفي بوعدي يا أبوي ولا أقدر أجبره وأغصبه على قبولي أو انه يعتبرني زوجه مثل كل الأزواج يكيفيني انه قريب مني ويكفيني أنه بحياتي فيصل يستاهل أحسن مني وبيلقى في يوم الزوجة اللي يستحقها وتكون اللي يفتخر فيها وممكن تشرفه وتجيب له عيال يرفع رأسه فيهم يكون هذا اليوم نهاية حياتي معك وأختفي منها عشان ما تحمل همي وتتألم لفراقي بيكون عندك من ينسيك عهد (ابتعدت عنه ومسحت دموعها وابتسمت له)
فيصل(باس جبينها وأبتسم) : الله لا يحرمني منك
عهد : ولا منك
أنضرب الباب ..
فيصل : أدخل
سمر (ابتسمت) : فيصل عهد أبوي يسأل عنكم ويقول تعالوا تقهوى معنا وترى مناي موجودة بعد
فيصل : طيب بنلحقك روحي
سمر : حاضر
فيصل(بعد ما طلعت سمر لف لعهد) : عهد بكره بننام في غرفتي أوكيه يعني خلي الخدامات يشيلون أغراضك لغرفتي
عهد : حاضر
فيصل : قومي غسلي وجهك وخلينا نطلع لهم
عهد : طيب اسبقني بكلم أمي وألحقك
فيصل : كلميها بعدين
عهد : معليه بطمنها عليك
فيصل(يوقف) : اوكيه لا تتأخرين
عهد(تبتسم) : حاضر
خلك معي.. يمكن زماني يهابك...
يمكن.. لا شافك بجنبي رحمني...
انتظرت لين طلع وبكت كانت تبيه يرجع ويوم رجع صدمها بقراره نفوره منها ورفضه لها رغم الحب إلا انه رجل ما يرضى على نفسه هي عاذرته ولكن مجروحة ولو رفضها بطريقه لبقه يبقى رفض ونفور وما أقساه عليها مسحت دموعها وكلمت أمها وطمنتها انه رجع غسلت وجها ولبست اللفه ونقاب وطلعت لهم الكل فرحان في فيصل والكل فرحان في عيال إبراهيم وعهد فرحانة بس ناقص فرحتها كثير.. بعد وقت منى وطلال مر عليهم مشاري وأخذها .. رن جوال الأب والكل سكت
الأب : ألو .. هلا سلطان .. بخير وش فيه صوتك ... أيه طيب لا حول ولا قوة إلا بالله (الكل ألتفت له) . متى .. لا تحاتي بقول لسالم يجيبها لهنا تطمن .. خلاص ولدي .. مع السلامة
الأم : وش فيه
الأب : سلطان أتصل عليه ولد عمه وقال أبوه تعبان كثير ويبي يشوفه أهو وعذاري ولازم بكره يسافرون
سالم : وطيب وش دخل سالم وش يجيب
الأب : جدتك تروح تجيبها لين يرجعون يمكن يتأخرون عند أهل أبوهم
إبراهيم : يبه تحب أروح معه لجده
الأب : لا ما يحتاج
إبراهيم(يوقف ويطلع جواله) : حاضر
سالم(يوقف) : بروح أجيب جدتي مع السلامة
الأم : سمر خليهم يجهزون غرفة لجدتك
سمر : حاضر
الأب : فيصل بكره إحنا معزومين لا تنسى
فيصل : وين
الأب : عند أبو سيف ولده ضاري رجع ومسوي عشاء كبير
فيصل : السموحه يبه والله مشغول إبراهيم وسالم فيهم الخير والبركة
الأم : تروحين يا عهد ترى محد رايح غير سمر وخوله البنات قالن مشغولات
فيصل (أبتسم ورد قبل عهد) : لا يمه عهد بتكون مشغولة
الأب : ههههههههههه هذا شغلك
فيصل : أيه صدق يالغالي ترى قررت ما أسوي عرس أنا وعهد
الأم : كيف يعني
فيصل : يعني أهي زوجتي وأنا زوجها وخلاص بلا مظاهر واحتفالات والليلة بنكون كأي زوجين في غرفه وحده
الأب : بس ما يصير
عهد : عمي أنا راضيه
الأب : كيف ترضين أنتي من حقك تكونين عروس مثل كل البنات وش هالتخلف
فيصل : يبه لا تخلف ولا شيء عادي مو انتوا قبل تزوجتوا بلا أعراس
الأب : بس زمنا غير زمنك وبعدين هذي بنت الغالي منصور
عهد : أنا راضيه يا عم
الأم : عهد وش تقولين أنتي
عهد : معليه أنا وفيصل قررنا
الأب : الأمر مو عليك أنتي وفيصل بس الأمر يخصنا أنتي حسبت بنتنا (شاف فيصل وعهد بيتكلمون) ولا كلمه عرس بتسوون ولا كلمه وأنتي بتكونين في غرفتك الحالية وفيصل في غرفته لين نحدد الزواج
فيصل : يبه
الجد(يدخل) : فهد خل الولد على راحته
الأب : يبه كيف عهد من حقها مثل كل البنات
الجد(لف لعهد وأبتسم) : راضيه
عهد(نزلت عيونها تخفي دمعتها) : راضيه
الجد : شوفي والله أن أبوك الله يحرمه غالي عندي وأنا بسوي عرس في عرسين
الكل : كيف
الأب : لا يكون تبي تعرس يبه
الكل : ههههههههههههههههههههههه
الجد : أعوذ بالله شوف يا ولدي عرس مي بعد كم يوم وإحنا حجزنا لها قاعه لما رجلها رفض ما حبينا تكون اليتيمة أقل من البنات كل شيء جاهز للعرس بس أن عهد تشتري فستان العرس وفيصل البشت (المشلح) وخلاص
الأم : والله صدقت يا عم ونعم الفكرة
فيصل : بس يمكن عمتي ما تحب
عهد : مو لازم يا جدي
الجد : والله ما تكونين أقل منهن ولو ظروف تسمح وعندي وقت لكان سويت لك عرس الكل يتكلم عنه
الأب : يبه نقول لعايشه ومي ونشوف وش يحبون يمكن ما يبون
الجد : أتصل لي على عايشه أنا أقول لها
فيصل : حاضر
الأم : وأنا هديه عهد مني فستان الزواج ويكون طلبيه مستعجلة لك من الخارج والله محد مثلي بالفرحة
سمر(تدخل بفرح) : كلوووووووووووووووووووووووووووووووش ألف ألف مبروك
عهد(دمعت عيونها ووقفت) : السموحه
اتجهت لغرفتها ولما تبي تغلق الباب انتبهت لأحد مسكه ألتفت شافت فيصل تركت الباب وجلست على السرير
فيصل(جلس جنبها) : وش فيك
عهد(بكت) : ما أستأهل عرس وفستان وفرح أنا مو مثل كل البنات
فيصل(ضمها له واهي بكت أكثر) : أهدي أنتي مثل كل البنات أنتي قمرهن
عهد : ما أبي فيصل ودني لامي طلقني حرام اخدعهم
فيصل : وش اوديك أنا ما أتحمل فراقك وإذا عشان كلامي قبل شوي والله غصب عني يالغاليه
عهد : أنا والله ما أجبرك على شيء بس ما أجبرك تخدع أهلك أنا مو بنت أنت عارف وش سوى محسن فيني سلبني حق مو من حقوق
"امسح الدمعات بايدك
وارسم البسمات دوم
لايهمك من يريدك
تيأس وتنسى العزوم"
.
(أنصدمت من الكلام اللي أنسمع) : ....................
فيصل : محسن له ربه وأنتي لي بس اللي أبيه منك تصبرين علي
"وإن ظهر رزقي المتعوب يكفي رضاك
وإن تحملت طعن الوقت بين الطعون
خلي حالي مع المحجوب ساتر غطاك
والرجا فيك يارب النجاة خير عون
عين يالله يالمطلوب عبد رجاك
يرتجي من سحابك هاملات المزون
ربنا سهل المكتوب لامن دعاك
عين يالله ..عين يالله ""
عهد وفيصل ما حسوا باللي سمع الكلام واللي أنقال لما طلعوا من الصالة كان وراهم خاف عليهم وسمع كل الكلام اللي أنقال أنسحب ورجع الصالة مثل ما كان
الجد(يتكلم) : خلاص
عايشه : كل اللي تقول يتم يالغالي بجهز كل شيء وأتصل على المصورة وأقول أن عندنا عروستين لا تحاتي
الجد(أبتسم) : الله يرضى لي عليك ... يالله مع السلامة
عايشه : مع السلامة
ميثه : خير يمه
عايشه : جدك قال لي أن بيخلي زواج فيصل ومي مع بعض
ميثه : من صدقه جدي ليه وش صار
عايشه : مدري
ميثه : وش بتسووين
عايشه : أبدا كل شيء جاهز ما بنسوي شيء
ميثه : والناس اللي فاكرين أن عروس وطيب زوج مي
عايشه : الناس عادي بتعرف ما فيه شيء يتخبى يومين ويعرفون وزوج مي ماله شغل أحنا حاجزين القاعة لخاطر مي وعلى كلامه بيحضر أهله بس عادي
ميثه : طيب أتصلي على عهد واسأليها تحب نحط لها وش للزفة وتبي تحجز مصوره ولا نفس المصورة لمي
عايشه : لا بخلي خوله لين ترجع وتتصل والله أستحي منها إلا بروح أصلى
ميثه : أجل أنا بصعد لغرفتي
عايشه : شوفي شوق وش تسوي
ميثه(صعدت السلم ورن جوالها غمضت عيونها وردت) : ألو
خالد : السلام عليكم
ميثه : وعليكم السلام
خالد : كيفك ميثه
ميثه : بخير
خالد : ما تبين تسأليني وش أخباري
ميثه : كيفك
خالد : ماني بخير
ميثه(مرت غرفة شوق فتحت الباب) : ليه
خالد : مشتاق لك
ميثه(ابتسمت لشوق) : لحظه خالد (كلمت شوق) شوشو وش تسوين
شوق : أذاكر
ميثه : تبين أساعدك
شوق (ابتسمت) : خاله خوله حلت لي وراجعت بس أحفظ عشان بكره وأكون شاطره عن الأبله
ميثه(أبتسمت) : طيب بقول لفيروز تسوي لك عصير
شوق : طيب (قبل تطلع عمتها) عمه
ميثه : هلا
شوق : بابا متى يرجع
ميثه : مدري أنتي ما كلمتيه
شوق : لا أمس ما أتصل واليوم بعد
ميثه : خلاص أنا بتصل لك عليه بس تخلصين تعالي لغرفتي
خالد(أبتسم) : وش رأيك أنا أجي معها لغرفتك
ميثه(ابتسمت ) : أوكيه شوشو
شوق : حاضر
خالد : هاه أجي
ميثه(سكرت غرفة شوق واتجهت لغرفتها و سوت نفسها ما تسمعه) : وين تجي
خالد : لك وأشوفك
ميثه (تدخل غرفتها) : ما بينا شوف
خالد(بجديه) : ميثه
ميثه(تقاطعه) : خالد متى توصلني ورقتي
خالد : ورقتك
ميثه : طلاقي
خالد : لا حول ولا قوة إلا بالله طيب خليني أشوفك وبعدها نتكلم
ميثه : لا
خالد : يا ميثه سمعيني أول
ميثه : بسالك قبل أسمعك أنت سمعتني
خالد : ................
ميثه : شفت كيف تجبرني أسمعك أو حتى تطلب أسمعك وأنت ما سمعت
خالد : يعني تعاقبيني أنا راضي بس طلبتك خليني أشوفك
ميثه : لما يرجع بندر أشوفك
خالد : وبندر وش دخله
ميثه : عشان يتفاهم معك بخصوص انفصالنا
خالد : أففففففف طيب أشوفك ولما يرجع بندر أشوفك
ميثه : لا
خالد(برجاء) : أنا خلودي حبيبك أهون عليك طلبتك
ميثه : وأنا ميثه حبيبتك هنت عليك
خالد : لا تجبريني أسوي شيء ما يرضيك
ميثه : هههههه تهدد الكره في ملعبي
خالد : ميوثه لا تختبرين صبري ترى تركتك 5 أيام خلاص هذا مو أسلوب
ميثه : شوف أنا ما تكلمت ولا قلت عنك حركاتك البايخه ولا قلت وش سويت أو كيف كنت تخوني وعلى مسامعي لا تخليني أرمي الورق واكشف كل شيء خلنا نفترق بالمعروف مثل ما ارتبطنا في المعروف
خالد : يا ميثه والله ما كان قصدي
ميثه : انتهى الكلام بينا مالك كلام معي لما يرجع أخوي تكلم معه أنا مشغولة مع السلامة (ما عطته فرصه وسكرت ثواني وصلها مسج فتحته وابتسمت بألم) هدد مثل ما تحب ما عاد تهمني يا قلب ميثه و حياتها
خيانه. . . وانتهت آخر سوالف عشقي المجنون=سوالف عشق. . .ياما الناس قالتها وعادتها
حكــوا عني وحكــوا عنها وعن حب ملا هالكون=صــاروا يحلفون بحبنا. . .وصدقي. . .وطيبتها
وكم واحد تمنى لو خذا من لون حبي لــون=وكــم وحــده تمنت لــو تشابهنا حكايتهـــــا
انا وياها كنا حلم. . .بالمعنى وبالمضمون = لكل اثنين. . .قصة حبهم تعلن بدايتها
وفي ليله صرخ فيها الوفا من ظهره المطعون = بدايتها جروحي. . .والوفا مات بنهايتها
في ذيك الليله . . .كان اهون على احيا بدون عيون = ولا اشوف اللي شفته من حبيبة قلبي ساعتها
بعيني شفتها وياه. . .تضحك له. . .وهو مفتون = سعادتها في قربه. . .تشبه فقربي سعادتها
وهو طاير من الفرحه. . .ولا يدري بأنها تخون = ويمكن يدري وساكت . . .ولا تهمه حقيقتها
بعيني شفتها. . .ماهو حكي واشي وخيال ظنون = بعيني. . .ليت عيني عمرها مايوم حبتها
وقفت ولسان حالي يقول ليه؟ ومن متى؟ وشلون؟ = عساي القى سبب واحد يبرر لي خيانتها
وادور للجريمه ثغره بــكل مــذهب وقانــون = ولكني عجـــزت القى عذر يغفر جريمتهـــا
قبل هالليله. . .كنت اسمع كثير من البشر يشكون = من سيوف الغدر. . .واضحك وانا أتباهى فبراءتها
انا ما كان عندي شك ولو واحد من المليون = في صدق اللي تقوله عن غلاي وعن محبتها
خيانتها عطت حجه لكل اللي يبي يخونون = ومن هالليله. . .كل خاين بيتعذر بقصتها
مادام اوفى البشر خانت. . .حرام الباقي ينلامون = وكلمات الوفا لا عاد احد يطري لي سيرتها
خيانه. . .وانتهت آخر قصايد عشقي المجنون = وضاع الحلم. . .في ليله. . .الوفا مات بنهايتها
|