منتديات قصايد ليل - عرض مشاركة واحدة - روآية ثقيلة مزحة الدنيآآ ..لا تفوتكم ..كآآملة

07-25-2011

◙◙◙
الجزء التـآسع و الثـــلآثون
◙◙◙

(الفصـل الاول)

- حلو والله رحلتك بكره اجل على حظك
محمد ببتسامه :من جد
مشعل :طيب ليه مارحت من بدري
محمد :انا على اساس ثالث يوم بعد الزوآج بنسافر .. بس قلت نأجلها شوي مدام ملكة ناصر قريبه مره
مشعل :يالله الله يوفقهم .. طيب ليه ماتروح ؟
محمد :المكله مختصره مره .. ابوي قالي اجلس بالشركه وهو اللي بيروح .. وقلت مدام اني بسافر بكره .. بجيب مرتي ونروح عند امي شوي
مشعل :يالله العوض فالعرس
محمد :ههه مب مسوي عرس. بعدين بـ يسوي زوآره
مشعل :وش عنده اخوك ؟
محمد :اندري عنه!! خبل من يومه
مشعل : ووعلى طاري شلونك مع العرس ؟!
محمد أبتسم نص إبتسامه :الحمدالله مالنا الا اسبوع مقدر احكم
مشعل بـ جديه : لا ماأتفقنا على كذا .. وش هالنبره ؟
محمد :وش فيها ؟
مشعل :شكلك مب مرتاح ابد معها صح
محمد :لا والله مب مسـألة مرتاح ولالا .. بس كـ بداية أي زواج لازم يصير فيه مشاكل..
مشعل :هو لابد من المشاكل .. بس صدقني كل شي بـ يمشي مثل الحلاوه لو انت صبرت
محمد :إختلاف بينا كبير مرره .. يعني فالبيئه والتفكير وزي كذا ..قبل كم يوم متلاعن معها على سالفة الغطـا ..
مشعل : ليه ؟ مب مفروض عندك خبر عن كذا
محمد :من قالك إن عندي خبر ؟ انا كنت حاط احتمال في راسي انها ممكن تكون تفتش .. بس يوم طلعنا من القصر .. وحتى الاوتيـل البنت كانت متغطيه وغطا كويس ..بس اكتشـف ان ماعندهم غطى عن عيال العمان ..بس الحمدالله انا و هي متفاهمين على هالنقطه وكل شي مضبووط الحين ... بس ..
وسكـت كأنه زل بـ هالـ"بس" .. لأنه يحس انه قال لـ مشعل اكثر من اللازم ..بس هذا واقع اغلب الناس تكون محتاجه تفضفض حتى لو كانت هذي حياة زوجيه .. او تكون محتاجه لـ رأي ..
مشعل :بس وش؟
محمد بـ ضيق: .. مدري مدري والله يامشعل ! قلبي ناغزني
مشعل :من وش ؟ منها هي
محمد ماقدر يكتم أكثر خصوصاً إن التفكير مجننه ووده لو احد يفكر بداله عشان هو يرتاح .. قال للمشعل السالفه وهو يحس بـ وخز الضمير بس مايدري من وش
مشعل عقد حواجبه :وانت مصدقها ؟
محمد : مو على كذا .. بس ليه قالت خالد ..شف لوها قايله مثلاً هي تحب واحد ثاني كان يمكن بس اللي مجنني انها حددت ..من هذا خالد بعرف
مشعل : ومأثره على تعاملك معها ؟
محمد :لا .. انا احترمها ! ..وماقد حسستها بـ شي أبد ولا قد قلت لها ولا شي..بس تصدق درجة الاحترام بينّـا كبيره
مشعل :كيف يعني
محمد : يعني ..
سكت شوي . مايدري وش يقوله ؟ يقول أن نجلا الى الان بنت وهو له أسبـوع متزوج؟ ولا يقول إنه مايعاملها مثل أي زوج يعامل زوجته ,لأن الاحترام اللي بينهم مزعج جداً
مشعل كأنه فهم عليه :ماتبي تقول
محمد قال واخيراً :صاير احترمها بزياااده كأنه وحده غريبه عني .. لا دلع ولا شي ممكن تتمنآه عروس
مشعل : محمد أستح على وجهك هذا وانت العاقل
محمد :مب بـ يدي يامشعل .. حط نفسك بمكاني وربي احس بـ نتف شعري من القهـر
مشعل بـ هدوء :بـ ختصر عليك السالفه كلها ..إسـأل نجلا
محمد طالعه ..وكأنه يقول "مب وقتك تتهـزا" .. قال مشعل عقب مافهم محمد : بسألك الزواج مو مبني على ثقه ؟
محمد :إيوا؟
مشعل :خـلاص ! .. هنا انت تسأل نجلا !! إن قالت لك ماأعرف احد كذا انسى السالفه لا تهدم لك بيتك
محمد يفكر :إن شاء الله يصير خير
مشعـل :انت تحبها ؟
محمد أبتسم توه بـ يرد بس رن جواله .. طالع في جواله :هذي امي
و رد :هلا وغلا
ام متعب :هلا بك يـابوي ..متى بـ تجي اليوم
محمد :عالعشاء ان شاء الله لآن عندي شغل فالشركه

◙◙◙◙◙

- مبسوط يآبو؟
ناصر وهو راكب مع طارق في سيارته وتوهم طالعين من الحلاق :إيييه بصير متزوج
طارق :حلوه بصير متزوج .. بس جد ترا مب لازم كل الرياض تدري انك بتعرس
ناصر :وشو!.. وش سويت ؟
طارق :وجهك شوي وينشق من الابتسامه ..
ناصر :لين اعرست بتعرف .. الا ورا ماتعرس ؟
طارق :ليه قاعد فوق راسك انا ؟
ناصر : ماأقصد كذا ياتنكـه !.."وقام يتفلسف".. أقصد ان الزواج موده ورحمه وإستقرار
طارق :شايفني طاير فالجو مثلاً؟
ناصر بـ نص عين :في راسك حرش الظاهر
طارق ويده المينـى عالدركسون واليسـرى مسندها عالشباك وحطها على شعرها .. رجّع يده لين استقرت على رقبته : مغتلق لأني مانمت زين
ناصر :العاده تنهبل لين مانمت
طارق :مدري بس منيب رآيق ابد ..
ناصر :خلاص خل نروح البيت ونم في غرفتي عشان اقومك لين بغيت شي
طارق :هههه لاقيني انت ووجهك
ناصر :هه لا صدق يمكن احتاجك

◙◙◙◙◙

كانت هيله جالسه عالكرسي ومخليه الكوافيره تستشور لها شعرها ستريت
دخلت هيفـا :هيله حياتي هذا شكل وحده في ليلة ملكتها ؟
هيله : بخلي كل شي لـ الزوآره ..
هيفا:والله انك غريبه كل البنات يتمنـون الفستان الابيض وانتي تقولين زوآره
هيله :من قالك اني ماأتمنـى .. بس ماأبي لأن فرحتي مراح تكون كامله من غير ابوي ..وامي تعبانه فماله داعي الحين

◙◙◙◙◙

السـاعه 9
كانت تحط اللمسات الاخيره على وجهها ومكياجها السنـبل ..
كانت لابسه فستان لونه وردي مشجر بالفوشي وشوية اصفر باهت ومربوط من عند الرقبـه ومع ورآ نفس الشي .. من عليه ورده لونها فوشي او الوردي الصارخ .. والفستان يوصل لفوق الركبه بالظبط وصاير بـف ..
(يشبه فستان بلير الوردي يوم زوآج ام سرينا :d)
شعرها كانت مسويته من قدام عميله وحده عالجهه اليسرى نفس حقت الافيقيين وممتده الى ورا ومن ورا رافعته شنيـون نعوم وحاطه ربطه سخيفه جداً لونها فوشي
اما المكياج خفيف بلاشر وردي وروج فوشي وحاطه آيلاينر سايل ومكثره مسكره مع عدسات مفتحه لون عيونها زياده

- مشينـآ ؟
التفت ولاحظت انه كان يتأملها ..أبتسم :وش هالزيـن ؟!
نجلا توردت خدودها .. طارت من الفرحه لأنه عجبه وهذا اهم شي .. رجعت تسأله ..يمكن طمع في مدحه ثانيه .. او تبي تتأكد عشان تمشي واثقه من نفسها لأن محمد معجبه شكلها وهذا أهم شي عندها :والله حلو ؟
محمد :حلو وبس ؟! .. يالله خلصتي ؟
نجلا :إيه دقيقه بـ جيب عبايتي بس

جابت عبايتها واخذت شنطتها
ومحمد كان عليه لبسه الرسمي حق الشركه .. وأتجـهوا للبيت اهله
نجلا : انا عرفت نوره وملاك .. بس ماأعرف امك واحلام والجازي
محمد : احلام حيلوه وحتى الجازي .. بس امي هههه انتبهي وانتي تتعاملين معها
نجلا :كيف يعني
محمد :مدري شلون اشرح لك .. هي قلبها ابيض بس انها حساسه شوي ترا
نجلا ماتعمقت فالسـألفه :وووو واميره وعزوز عيال احلام ودي اشوفهم بعد
محمد :ههههه لبى قلوبهم من زمان عنهم

نجـلا كانت تنبسط من محمد وعلى حبه لأهله وإهتمامه ..حتى زعلـته عليها على الرغم من انها اول المتضررين منها بـ حكم حبها الكبير له .. بس انه كبر بـ عينها كثيـر
لأنها ماقد حست إنها تهم احد للدرجة انه يقولها تغطي .. بس فيه شي مضيق صدرها ..تحس طيبته وحنانه اللي يكون نـابع عن حب لـ كل اهله وهي ودها تحظى بـ شي من هالحب والحنان ..
هي هذا اللي كان يعجبها في خالد .. إنه يهـتم لـ ندى ويطلعها ويقولها تغطي ويخاف عليها من ركبتها مع السواق لحالها .. لين وصلت للعمر الجامعه بس كان خوفها عليها ملحوظ .. كان مثل أب روحي لها
وجاها اللي يغطي على خالد في هذا كله ..
وصلوا للبيت ونزلوا

◙◙◙◙◙

دخلت بطولها الحلـو كانت لابسه فسـتان نحاسي توب من غير اكمام او سيور ماسك من عند الصدر ومتخذ رسمه مبرزته ..ثم فضفاض من عند البطن ولما تجي منطقة الخصر اللي كانت عندها مرتـويه بـ شكل كافي يكون مشـدود ويبـين حجم خصرها وحلآوته ثم ينسكب على جسمها ويعطيها مظهر أثنـوي صآرخ
ومبـرز سمار بشرتها المخملي
شعرها خلته ينسدل عليها مع محاولة هيفا إنها ترفعه بس هي فضلت انه ينزل عشان يغطي ظهرها .. ولبست شال شفاف ونفس شي هيفا حاولت معها بس هي كانت تبي تستر ظهرها لأنها مب مقتنعه فالفستان اول يوم لها معه

اخذت نفس :دعـواتك لي
هيفا :ههههههههه يالله عاد ترا مب اول مره تشوفيه ولا تقابلييينه
هيله :بس ولو
هيفـا :صح دايييم الشخص اللي يخـقق يصيير الواحد يستحي منه يعني لو رجلك ركبه كان ماأستحيتي ابد
هيله :اناوين وانتي
هيفا:روحي يالله

توها بـ تمشي جتها امها :لحظه لحظه يـامي
هيله :هلا يمه
ام عبدالله تلهث من التعب: جبت لتس البخور .. خلني ابخرتس تطلع ريحتس عند الرجال زينه
تبخرت هيله وحطت دهن عود من تحت اذنها >مدري له يحطونه تحت الاذن عشان لين جينا نسلم يعني ؟ =$
المهم
هيله :امه وابوه فييه ؟
ام عبدالله :إيه جود جالسه مع ام ناصر .. و ابوتس جالس مع ابووه
هيله :خلااص انا بدخل عنده .. ضفـوا عفشكم يمه لأنه قايل الملكه وباخذك
ام عبدالله :كل شي جاهر لا تشيلين هم شي

دخلت عنده بخطى متوتره .. اول مادخلت رفعت عينها تطالع ناصر ..حست كأنها اول مره تطالعه .. يمكن لأن هالمره اللي جالسه تناظره فيها كانت مشاعرها غير .. وأحاسيسها مظطربه شوي .. كان مرسم وكاشخ .. سلمت لكن هو قـام ومد يده .. تفاجأت بس مدت يدها ..
أبتسم :اخبارك هيله ؟
هيله منزله راسها ولا حطت عينها بـ عينـه :بخير الله يسلمك

[آبيه]
وَأروح أسألعن أحواله ،
تعبت أحلم/ افكّر فيه ..
وَهو ,, مآ ينشغل باله .. !

اما هو .. يوم كان جالس ويتخيل كيف بـ يصير شكلها .. اول مادخلت صحيح ماكانت مثل ماهو متخيل .. بس هذا مايعني إنه أنصـدم
كانت مملوحه
كانت تملك جسم عمره ماتوقع إن هذا جسمها كان متوقعها هزيله وعصلا .. بس طلعت مرتويه شوي
شعرها اللي منسدل على كتفها بـ شكل ناعم يوصل لآخر ظهرها لونه مثل لون الموكـا .. ومناسب للسمار وجهها
أنبهـر بها وأعجبته .. واهم شي حس به القبـول والراحه

اول ماجلسـوا بدا يسوللف معها سوالف بارده وفيها إحترام كبييير
لأنه ماكان بينهم أي تعارف
كيف يكون تعارف وهم مالهم ألا كم دقيقه مملكين وقبل هالملكه مافيييه ولا لقاء حتى شوفه مافيييه

◙◙◙◙◙

كانت منسدحه فالصاله والوحام بادي يتعبها .. رن التلفون بس ماردت وخلت السنترال يرد ..
ثواني بلغوها إن المتصل فيصل .. اخذت نفس وهي تفكر
آخر شي قالت :عطيني التفلون
شوي ووصلها ..
جوان :آلوو
فيصل :آلو هلا جوان كيف الحال ؟
جوان:الحمدالله بخير .. وش بغيت فيصل؟
فيصل سكت شوي .. ثم قال : داق اتتطمن .. اذا بغيـتي شي .. ولا شي
جوان كانت مستغربه من نبرته اللي كلها تحفظ ..حست صدق انها زوجة ولد عمه اللي مثل اخوه الصغير :لا مشكور ماناقصني شي
فيصل : طيب انا بقولك ليه ماتروحين عند اهلك ..لأن جلستك لحالك كذا ماتصلح
جوان :لا ماودي بجلس هنا لين يقوم حسين
فيصل : يـا جوان فكري بـ عقل .. انا مثل اخوك الكبير وادرى بـ مصلحتك .. كبري مخك وروحي جلستك هنا ميب نافعه حسين ولا هيب نافعتك !!!
جوان : .......

كانت تفكر بـ كلمة اخوك الكـبير ... ريحتها مرره ..
بلعت ريقها وبصوت خافت وهادي مره :اوكي
فيصل :حـلو .. وإن احتجتـي أي شي انا فالخدمه

◙◙◙◙◙

كان محمد واقف برا مع مشعل ..ينتظرون متعب يطلع لأنهم بيطلعون عشان نجلا والجازي ياخذون راحتهم جوآ
ثواني وطلع متعب
متعـب :يووه وراكم اخرتونا
مشعل : قسم بالله إن ماتركب معي يازلابـه
محمد فـاقع ضحك على متعب :هههههههههههههههههههههه
مشعل يناظر بـ قهر :تضحك يامال العنقز .. وهو اللي مأخرنا
محمد "ههههه وبكل بجاحه جاي يقول اخرتونا
مشعل :طيب مافيييه شي يضحك
متعب :طيب وش دخلك ..خله حبيبي يوسع صدره

/

- يالله إن تحـيي مرة محمد ..
نجلا بـ خجل :الله يحييك خالتي >بـ ترقيق الـ(ل)
نوره : حيّ الله أم ... ام وشو؟
ام متعب :أم عبدالرحمن
نجـلا :هههه عادي
ملاك :لا أم .. وش اسم ابوك
نجلا ببتسامه هاديه : صـالح !
ملاك :أم صالح
نوره : هههه طيب يمكن البنت ودها بأسم ثاني
ام ملاك وهي تصب القهوه للنجلا وتمده لها : لآ .. الحرمه تمشي على شور رجلها
نجلا بـ نص إبتسامه كلها آدب :صح
نوره :لا يمه .. عادي محمد حليـو مب رافض طلب للنجلاتي ..
نجلا بضحكة حيـآ : هههههه ماأعرف

◙◙◙◙◙

- ياقلبي ماكلتي شي
جود من غير نفس لا لـ الاكل ولا للكلام : اكلت ..
نواف مد يده ومسك يدها وشد عليها :طيب ممكن اتكلم معك شوي ؟!
جود :نواف الله يخلييييك .. انا ماأبي كلام ولا تبـرير .. "طالعته " .. وربي اني ماأكرهك ولا شي .. بس حياتي كذا ماتصلح .. انت عندك مشاكل مع اهلك انا وش ذنبي؟
نواف بـ صوت وآهنْ وخافت :تبين الطلاق ؟
جود سكـتت .. وسحبت يدها منه كأن الطلاق ماجـا في بالها ..استغربت من نفسها .. هي وش كانت تفكر فييه .. اذا هي ميب متحملـه مشاكل اهله .. أكيد لازم تتطلق وتشوف حياتها ..
نواف أبتسم بهدوء:اشوفك ساكته .. قولي لي انك ماتبين الطلاق
جود وهي تناظر صحنها ويديها بـ حضنها :مدري
نواف :وش رايك اخليك فتره تفكرييين .. خلينا ننسى الموضوع لمده قصيره .. والفتره هذي رآح تبيـّن كيف بتكون الحياة بينّـا .. اذا جاز لك الوضح حلوو ..إن مابغيتي العيشه معي انا متفهـم ومسعد اطلقك بـ هدووء والوجه من الوجه أبيض .. وش قلتي ؟
هزت راسها :اوكيييه

◙◙◙◙◙

- إييه اكيد الله يحييك يالغلا
جوان : تدرين ماودي ! .. بس فيصل قـال لي
الجوري:كيووت هالفيصل خايف على زوجة اخوه
جوان :إيه كيوت مره المهم قولي لـ عمي مالي خلقه اكلمه !!
الجوري ماعجبها كلام اختها بس قالت :اوكي

◙◙◙◙◙

◙◙◙◙◙

أبتسم وهو يتأمل وجهها .. يحس نفسه في حلم ويمكن يقوم منه .. الحين هو جالس يتأمل هيله من غير قيود .. وفي امها خير تقول لاتناظرني>هههه عربجي من يومه
مسك يدها ورفعها له وباسها .. أبتسم : قمر والله قمـر انتي
أبتسمت لكن إبتسامتها كانت ظاهريه .. كأن هاللي جالس يصير شي غريب عنها .. خارج عن الطبيعه
عاشت حياة جافه وكأنها بصحراء ولا شافت
حس ناصر إن الحكي مب عاجبها .. يمك الوقت بدري عشان يغرقها بالحب والدلع .. بس هو توه معرس جديد وصادف الحب مع البـزه ..
أبتسم وقال :ضفيتي شيك ؟
هيله : إيه
ناصر :تبين نروح البيت ؟
هيله :براحتك
يقوم : انا راحتي معك يالله يالغاليه قومي خل نروح البيت !!

◙◙◙◙◙

كانوا في كوفي شوب جالسين .. وأنواع السواليف والاستهبـال
مشعل :الا أخبار اخوياك حقين الشرقيه
محمد مبتسم :والله من زمان عنهم لكن سلطان مكلمه قبل فتره ..
متعب يشرب من الموكـا :ههه قليل خاتمه اعرفك انا
محمد : إيه زيك مارحت بعيد
متعب بـ دقه : إنت تلهى عن الكل مب بس اخوياك حقين الشرقيه .. خصوصاً لين لقيت بديل عنهم
محمد يطالعه ولا رد ..وده يرد بس هو صادق هو مقصر مع متعب مره خصوصاً انهم اول كانوا قراب من بعض ..
صحيح مساعده بـ مصاريف.. إلا شايلها عنه ..ودايم يسأل اذا يبغى او محتاج شي .. بس عمره ماطلع مع زي اول
ماترك اهله لكنه مب مع متعب زي اول ابد
اول يدقون على بعض ..يطلعون مع أصدقاء محمد اللي هم نفسهم أصدقاء متعب.. بس الحين صاير فيه فتـور بينهم
مشعل اللي شكله مافهم الدقه : محمد انت كلمت طارق ؟
محمد :إيه يقول فالطريق

◙◙◙◙◙

نـرجع للبيت ابو متعب (ابو سطام سابقاً )
الجازي راحت تنوم سطام فالمجلس .. وملاك رقت فوق لأن عندها إمتحان
حتى ام متعب مدري وين راحت
مابقى الا نجلا ونـوره .. اللي خذتهم السوالف عن الجامعه وكل شي مشترك بينهم
نوره :طيب وشلونك يانجلا مع محمد؟
نجـلا بـ خجل :والله الحمدالله تمام
نوره :شوفي ترا اخوي اقشر شوي وثقيل دم وماينبلع وهادي للدرجة انك احيانا تحسين انك جالسه مع جدار بس تحملي
نجلا :ههههههه حرآم عليك !! .. والله إنه عكس هذا كله
نوره ببتسامه : هههه أجل ياحظ اخوي ! تعاميتي عن عيوبه
نجلا :لا ماتعاميت .. بس انا ماشفت شي من اللي تقولين .."وبخجل فظيع" .. بالعكس عسل
نـوره : لبى قلبك ماصار لكم الا كم شهر .. بس شوفي ترا العروس لابد انها بتنصدم من زوجها بس انتي اصبري
نجلا طارت عيونها :نوره لاتخوفـيني !!
نوره :هههههه لا امزح ..إلا حمودي .. "وبحب لأخوها وهي تتذكر " .. تدرين نجلا انه كان لنا مثل الابـو .. كان يوديني انا وملاك للمدرسه .. والمصروف هو يعطينا إياه .. كان يصرف عالبيت .. وكل طلباتنا من سوق واغراض كل شي كان هو يودينا ..
نجـلا متعطشه تسمع اكثر عنه .. حطت يدها على خدها : ماقد قـال لي
نوره : يوم اقولك انه جدار ومب يحكي هههههه
نجلا : تكفـين نورآ تكلمي عنه أكثر !
نوره :اووووكيه! .. هما (اهم شي هما هههه) .. يوم صار عمر محمد 22 مدري 21 قال له ابوي لازم تشتغل .. وأشتغل من عقب هذاك اليوم وهو اللي يصرف علينا ويدير شؤون البيت مدري الدوله
نجلا : عشان ابوك مات ؟
نوره :لا ..ابوي توفى الله يرحمه تقريباً له سنه بس او سنه ونص ..
نجلا :طيب ليه محمد يشتغل
نوره تهز كتوفها :على قولة ابوي انه كبر ووده ان محمد يشيل الشغل بداله
نجلا :يوو حرآم بس توه صغير
نوره :أبوي قال كذا .. واممممممم بعديين ..
سكتت شوي نوره ثم طالعت نجلا بنظرات تفحص او كأنه بتشوف اللي بتقوله .. مر على نجلا ولالا : ماقالك محمد عن يوم الشرقيه وعن ابـوي والسجن وهذا كله
نجلا رمشت كم مره وهي تحاول تتذكر .. كل هذا يجي من محمد طيب ليه يسكت : لآ
نوره :غريبه .."ببتسامه " ..يمكن هو يبي يقولك
نجلا :ماقد فتح لي الموضوع ابد
نوره :تبين اقولك ولا هو .. ترا ماعندي مشكله انا احب السواليف خخخخ
نجلا :لا قولي لي
حكت لها نوره كل شي عن محمد .. من بداية الترقيه ليـن روحته للشرقيه .. من غير بعض التفصيلات اللي نوره نفسها ماتعرفها ..
أما نجلا كانت تطالع نوره وهي تحكي مصدومه من هذا كله .. كل هذا عاشه محمد .. وليه ماقال لها ..
نزلت منها دمعه تسللت من عيونها العسليه كانت تجاهد ماتنزل هـ الدمعه .. ماتدري ليه حست بالذنب .. كل هذا كان عايشه زوجها وهي ماتدري ..
نوره منذهله : يووو نجلا لوني داريه ماقلت لك منيب صاحيه
نجلا تمسح دمعتها بـ طرف المنديل بحذر لا يخرب الميك آب : لآ بس ..
وسكتت وهي تتذكر كل لحظه مع محمد .. ليه ماقد قال لها انه عاش ظيم و قهـر .. ليه وقف معها يوم سالفة ساره ولا حس بـ سخافة مشكلها لأنه عاش اللي هو أعظم بـ كثير ..
نجلا :بعد عمري حمود .. فديـته
نوره : هههههههههههههههههه .. توقطرييين رقه
نجلا : ههههه

دخلت ام متعب :نجـلا يآمي دقي على رجلتس قولي له العشا جاهز ..
نجلا :إن شاء الله خالتي
ام متعب تكلم نوره :وانتي نوره شوفي وين الجازي خل تدق على رجلها وانتي دقي علييه
نوره :اوكييييييييييييييي!
قامت نوره ونجلا رفعت جوالها البلاك بيري ودقت عليه .. ثوآني وصلها صوته اللي تعشقـه :آلوو
نجلا :أهلا محمد
محمد :هـلااا بك
نجلا : امم تقول خالتي تعال عشان العشا جاهز ..
محمد يقلد نبرتها :خالتك ؟ >بـ ترقيق الـ(ل) ههه
نجلا :مــحـمد
محمد :هههههههههههههههههه لبى قلبك أبشري ..قولي لها تعشيت بس كذا نص ساعه وجاي
نجلا حست قلبها ينبض ومب راضي يرحمها من عقب ماقال لبى قلبك .. حتى ابشري هذي .. وش كثر تغير شعورها عن قبل يوم يتطاقون على سالفة ناصر .. والحين يكلمها من احسن مايكون .. قالت بنبره خافته من الحيا :اوكي انتظرك
محمد ببستامه :انتي لين الحين تستحين مني؟
نجلا من غير تفكير وبسرعه : لا
محمد : هههه نشوف يالله فمان الله
نجلا :مع السـلامه

سكرت وهي تطالع الجـوال .. ماتدري ليه في هالفتره القصيره قدر محمد يستولي على قلبها .. تحـس بـ حب شديد إتجاهه اول مره تحسه إتجاه إنسـان ثاني ..
تحمد ربها كل ثانيه إنه رزقها بواحد يهتم لها ويحبها زي ماكانت تحلم ..

- ويييين وصلتي ؟
رفعت عينها شافت الجازي أبتسمت :سرحت شوي
الجازي تجلس وتقول لها ببتسامه : ترا تقول يالله تعالوا للعشا
نجلا تقوم وتاخذ شنطتها :اوكي
دخلت نوره .. وسألت نجلا : رجلك بيجي ؟
نجلا:إيه بس انه متعشي ..نص ساعه وجاي إن شاء الله
وأتجهـوا عن الاكل .. واول مادخلوا سألت ام متعب نفس السؤال وردت لها نجلا
ام متعب :ياسفـابه .. مسوية له جريّشه يحبها (جريّشه تضغير جريش خخ)
نجلا تسأل نوره وهم يجلسون بصوت واطي :محمد يحب الجريش ؟
نوره :إيـه .. بس مايحبه لحاله .. يعني رجلك يحب يحوق شوي .ياكله يا مع شطه او يحط معه رز ههههههههه
نجـلا مبتسمه : أها
ام متعب بـ مرح:يالله عاد يانجلا تعلمي كيف تسوين جريش ..
نجلا :إن شاء الله !
رن جوال نجلا .. وكانت المتصل ندى .. حطته عالصامت وبعدين رسلت لها رساله
"انا عند اهل محمد بدق عليك اول ماأرجع"
ردت عليها
"اوووكي بس عندي لك خبر يمكن يفـرحك أستناك يابعدهم "

◙◙◙◙◙

آحبگٍ !!
(لآ )
وش آحبگٍ؟
آحبگٍمـآتسـآوي .. شي!!
وآنٍـآ منٍ زودْ حبيلّگٍ .. ,
قلّيلّ ..
إنٍمتفـ ترآبگٍ ..

◙◙◙◙◙

جلست ندى عالسرير : لا نجلا عند حمولتها
خجل تجلس عالكرسي حق التسريحه ومعطيه الباب ظهرها .. وتلعب بـ شعرها اللي مجعته : إن شاء الله تتأقلم معاهم حتى لو كانوا قشرين خخخ
ندى : هههههههه من جد ياكثر مانسمع عن الحمولات ..
خجل تلف وتطالع شكلها بالمرايه : اقول ندووش .. عندك شي للوجه احس بشرتي هاليوميين جافه
ندى :كنك نجلا من ورآ ..
خجل :اصدميني وقولي نتشآبه ترا كلاً يقوله وانا ماأشوف أي شبه !!
ندى :ههههههه لا مو شبه بس يمكن دم .. لا جد لما تعجدين شعرك تصيرين من ورآ كأنك نجلا
خجل ببتسامه : لها وحشه بينّـا
ندى مبسوطه من تغيير خجل : من جد

◙◙◙◙◙

كان حاط السماعات على آذانه ويغني : You Make Me Better
متعب يغني معه : يو ميك مي بـآتر يو ميك مي بـآتر
مشعل يتأفف : انا وش مجلسني مع مبزره الحين
طارق يشيل السماعه :أيش؟
متعب :يقول وش مجلسني مع مبزره
مشعل :أرحــم اذنك اسمع وانا هنا
طارق :تمسك يالبعيييد .. تراك جنبي
متعب :هههههههههههههههههههههههه ..أفحححححمك!!
طارق مبتسـم ويغني :يو ميك مي بــآتر ..
متعب :اغنية ني يو ؟
طارق :يسسسس
مشعل :والله انكم مرآهقين .. لا أبو جووووووكم ياشيخ !
طارق : شف انا جوي كل شي غربي عربي خليجي ..بس الغربي شي ثـاني ..
وصار يهز راسه ويحرك يده بطريقة رقص حقين الرآب ..ولام شفايفه نفس النغـآ بإستهبال
مشعل :الخليجي مب عربي ؟
طارق يدري ان مشعل فاهم قال وعينه عالأي تتش اللي بحظنه وهو يرجع السماعات لأذنه : كـل تبن !
متعب : يآخي انت أخلاق الله يحرسك بس منتب واصل للمشعل
مشعل : ايه طبعاً كلنا مانجي ربعك
متعب :إيه اكييد حبيبي انا الاخـلاق بـ عينه وعلمه
طارق يشيل سماعاته :أقول مشيعل .. ولد اختك وينه ؟
مشعل يأشر على متعب :هذا هو قدامك .. "وبشطحه " .. يوم اقولك ارحم اذنك شف شلون صرت اعمى
متعب : هههههههه
طارق يتنهد بإستهبال ويهز راسه :يـاربيه عالظرافه
مشعل :قليلاً مما عندكم ههههههههههههه
طارق :لا جد وينه؟
مشعل :ماسمعته ؟
طارق :مدري راح ولا عاد رجع
مشعل :إيه قال مع السلامه بروح اجيب مرتي ورآي سفره بكره كل هذا ماسمعته ؟
طارق :اوما عاد ؟ ماسمعت
مشعل :إيه لانك أصمخ وتنكـه وتسمع اجنبي
طارق : يــامصلي! .. وش حارق رزك يـآخي فالاجنبي ؟!
مشعل :ماأحبه .. لا لحن ولا كلمات
طارق : يعني تبي تقولي انك تفهم وش انهم يقولون ؟
مشعل :مهب دايم بس حكيهم وصخ
متعب :ههههههههههههههههه مب يفهم الا الحكي والوصخ

◙◙◙◙◙

كانت نجلا جالسه مع نوره اللي جالسه تتطاق مع ملاك بين فتره وفـتره ..وتضحك عليهم .. ثواني وانفتح الباب ودخـل منه محمد ..
اول مادخل وتنحنح ونطق بالسلام ! .. رفعت نجلا عينها وأبتسمت .. حست بـ قلبها الصغير بيطير من فرط الفرحه .. وكأن كل حب تكـنه له تجمع بـ قلبها بـ شكل قاسي ماتتحمله .. أستعت إبتسامتها وعينها تطفح حبْ .. عيونها تفضحها من غير ماتقول .. تقدم بطوله وهيبته اللي تشبه هيبة الاميـر .. أبتسم على خواته ورمى كم تعليق ماتدري وشو .. ولا ركـزت .. لكنها جالسه تتأمله وكأنه اول مره تناظره .. تحبه وتحـبه وتحـبه .. لا .. تتنفسـه !

اصبتْ بهلوٍسة حبكْ[] وٍانتْ تجهلْ.!

اصبتْ بهلوٍسة حبكْ[] وٍانتْ تجهلْ .!

اصبتْ بهلوٍسة حبكْ [] وٍانتْ تجهلْ .!

طالعها ببإبتسامه وهي بدالته جا وجلس جنبها ..
محمد : تعشيتي ؟
نجلا :إيه ..
نوره : محمدييين ! .. كل يوم جب مرتك عندنا والله انها فلللللله !!
ملاك :إيييييه والله ساعدتني بمادة علم الاجتماع
نجلا : ههه لآن فيه من تخصصي شوي ..
محمد : يعني مصلحه مب حباً فيها
نوره تشهـق :يـآسسسسوسه !! لا يكثر والله إنها كيووت وعسل وتنحط عالجرح يبرى
يطالعها :أنا اشهد
نجلا من الخجل حست أنها شوي وتطييح عليهم ميته .. وجهها حمّر لأن الكلمه طلعت من محمد
ملاك تهز حواجبها :و مــوزّه
نوره : الا على طاري موزه ورآك جاي بدري !! .. و لا ااا
ملاك :إلا وش فييك انتي
نجلا مب بس بتطييح ميته من الحيـّا ..
محمد :حرام البنت غاااصت جوا ملابسها .. شوي شوي
مد يدها وراها وحوط كتوفها الرقيقه بيدييه :وبعدين وش عليكم مني مرتي واشتقت لها
حست إن الاكسجيين خلص من الغرفه حاولت تخلي انفاسها منتظمه بس ماتقدر .. والله هذا كثـير عليها ..

يَسألِونيْ؟ !
مَنْ آلليّتِحبهْ وَ تِغليهْ
وَ منْ اللِيّ تِعدهـ دِوْمّ غِآليْ!
قِلتْ:إنشِدوَاقَلبيّ منْ آللِيْ سِآڪنّ فيَه
وَ منْ آللِيْ قَدرْ عليّ
قِآلوْا آللِه يّعيَنڪ دآمِڪ هـالكِثرْتِموْتّ فِيهْ
شِنقوْلّ:غّيرْ آللِه لـايَفرقْ بيَنّ غآليَوَغِآليّ

ركبـوا السياره ..اول ماحرك محمد سألها :عسى أنبسطتي ؟!
نجلا مبسوطه :إيييه مره .. ماتوقعت اني بنسجم معاهم بهالسرعه
محمد ابتسمت : كويس .. شكل خواتي حببوك
نجلا :بـاقي احلام ابي اشوفها مره ثانيه
محمد :احلام الله يعييينها ميب تركد في بلد ..ألحين هم في دبي
نجلا : شكل والله رجلها أشغاله كثـير ..
محمد :لا مو كثـير .. بس يتطلب منه سفر كثير
اول ماوصلـوا .. محمد حط نجـلا فالبيت وقال لها إن 5 دقايق ويجي .. عنده كم ترتيب عشان سفرتهم بكره ...
اما هي راحت بسرعه خذت لها دش ينعشها شوي .. وراحت للدولابها .. دورت لها فستان حلو ..
ماتدري وش مشاعر محمد لها .. على الرغم من ان لهم يمكن اسبوع متزوجين بس ماتحس إن يميل لها
احيانا تقول انه يحبها .. واحيانا تقول لا .. يمكن بس يعزها ويعتبرها غاليه عليه .. وبينهم موده ورحمـه وبس !! ..
تتسـأل هالحب اللي اثقل قلبها وين تودييه ؟.. صعبه تحب أحد هالكثر وهو مب معطيها وجه
على إنها داايم تتكشخ له وتتزين .. لكنه ولا مره بيّـن انه خاق معها .. صحيح يمدح شكلها .. لكن ماتشوفه يسـوي شي أبد
هل أنـوثتها ناقصه .. او ماملت عينه ..
رست على فستـان حرير نيلي يوصل للتحت الركبه ومن ورا كل الظهر طالع وكله سيـور ..
جلست عالسرير وصارت تتعبث فيه شوي وتتكلم مع الناس بالـbb
تذكرت رسالة ندى .. دقت عليها لكن ماترد .. فيها لهفه تبي تعرف وش عاللي بيفرحها ..ياليتها تقدر تقولها إن محمد يمووووت فيك !!
راحت للثـابت .. دقت عالارقـام .. ثواني ووصلها صوت رجولي .. :آلوو
نجلا : آلوو السلام عليكم
خالد :وعليكم السلام .. نجلا؟

نجلا أرتبكت وحست إن أنفاسها حاره .. مو شي بس هالانسـان يوم من الايام خطبها وفكر فيها كـ أنثى
وهي بعد ماتنكر إعجابها فيه اول اللي وصل لـ اعلى درجات الاعجاب واقل درجات الحبْ ..
بس حست بـ شي غريب وهي تكلمه وينطق إسمها بشويش .. وكأنه يتلذذ بكل حرف ينطقه .. يمكن يتهيأ لها ..إيه اكيييد يتهيأ لها !!
هي مافي بـ قلبها الا محمد.. وهالشي مايخفى على احد ابد
محمد وبس اللي قدر يخلي قلبها يعشقه ويتنفسه بـ عنف قاسي عليه
نجلا :هـ .. هلا خالد

شوي دخل محمد اللي أتجتاز سيب الجناح .. كان يطالعها بنظرات غريبه ..ماعرفت تفسرها ..
او تقدر تفسرها .. لكن ماتبي يمكنه سمع شوي من الكلام
نجلا سكرت السماعه علطوول .. شوي وصدر منها شهقه خافته لاحظت ان هالحركه اللي سووتها غلط غلط غلط ..كأنه تثبت له انها مسويه شي غلــط صدق

- خالد يانجـلا ؟
نجـلا عقدت حواجبها .. بلعت ريقها وش خالد ؟ هذا وش يعرفه؟!
محمد بـ عصبيه وقهر يحاول يخفييهم : انا من قبل واصلني خبر عن هـ الخالد .. لكني قلت مراهقه البنت تكبر وتتزوج وتعقل .. بس ماتوقعـ
نجلا بسرعه ..قامت من مكانها : محمد انت وش تقـول .. خالد هذا اخو ندى
محمد آخذ نفس طويـل وسكر عيونه وهو يستغفر .. يحس كأنه جالس يبـذل مجهود لأن لو الود وده كان ذبحهـا
محمد ببتسامة سخريه ممزوجه بـ ألم وعينه تلمع .. مايدري كيف ماراح وضربها : ماعندي كلام ثـاني معك .. بس مايشـرفني إن وحده مثلك تكون على ذمتـي فـ لو سمحتي !!

بدون مايكمل لأن التكلمه واضحه .. يعني ارجعـي مطرح ماجيتـي .. طلع من الغـرفه ومشى بخوات سريعه شوي صارت هروله
وصل للسيارته وركبها .. شخط فيها وطلع برآ البـيت للـ مايدري ويييين !!!

متأخرٍ آللحَينّ/ ..آكتشفتُ

أشيآءْ ڪثيرٍ إهمهآإ... }

إنيّ|مآع’َـَدتْآهمهآإ!

وإنْ الغلآكآبوٍسڪآن~

[وٍالحُبْ]..مآلهّ أيْمكآنْ’

فيّ|قْ لٌ بَ هُ اِ~

وإنيّ (آنـَـَـًًََـًًَـآ)مآإنيبْ آڪبرٍهمهآ. . !

عنــدها
كانت مصـدومه ..او مصدومه هذي شويه .. هي جالسه تستوعب الحين وش الشي اللي انصدم فيها
ترتب أفكارها .. وش فهم محمد ؟ وش المراهقه ووش اللي وصله عنها هي ماتدري عنه !!
جلست عالسرير وهي مب حاسه بـ شي .. كأن اطرافها تخدرت ورعشه قاسيه تسري على جسمها الصغير ..
ثواني أرتجف فكها .. وبدت دموعها تنزل
هي مب ضايق صدرها إنها انظلمت .. و لا هوب ضايق صدرها على شي من اللي صار الحين
بس ضايق صدرها لآن محمد تركها ويمكن لـ الابد .. وش بيصير لها من دونه ..كيف بـ تجمع اللي انكسر فيها وهي لين الحين تجمع فييه
ماصدقت إن حالها ترقع .. وإنها لقت اللي تبـيه واكثر بعد .. يروح ؟
ماصدقت إنه رضى عنها يوم سالفة ناصر .. وصارت ماتفتش الا له هو وابوها واخوانها
وش كثر هالكلمه تضيق صدرها للدرجه مايتخيلها احد .. بدا لسانها يثقـل .. صارت تطالع يدها اللي تسكرت وصار لونها أحمـر
يدت عينها ترمش اكثر من مره من غير ماتتحكم فيها .. وهذي بادية إرتفاع ضغطها
ماأهتمت بـ هذا كلها .. انسدحت وهي تحط إن كل خليه بـ جسمها كارهه هالفراش .. كيف تنسدح وهي فقدة محمد .. ويمكن تتطلق منه
تبي تروح له تقـول له تكفى إفهم انا ماأحب الا انت !!
جلست تدعي ربها من قلبها ..إنه ينصرها وتبيـّن الحقيقه لـ محمد وهي بتساامحه من غير لا يطلب السـماح

◙◙◙◙◙

. .

سگتْ لهْ فترة،

ثمّ إبتَسمْ ليّ . . ~

ع'ـَرفتْ إنهْ،

. .نوَى يبدآ بـ"بع'ـَآدهْ!

هدمّ گلْالغ'ـَرآمْ آلليّ بنيتـهْ!!

--{إبآدهْفي إبآدهْ. .فيإبآدهْ. . !

قرّبْ منيّ. .

وُ. .فيْ أذنيّ همَسْليّ. ,

ع'ـَرفتْإنهْ،

. .يلقنّي الشهآدةْ!!

.
.

◙◙◙◙◙

وقفت قدام المرايه حقت الحمام .. مستحيل تطلع له بهاللبس .. لفت على نفسها روب بيـج فوق فستانها البيج
يمكن لو الموقف اللي يوم بيتهم ماصار تجـرأت له شوي ..
/
- وش هالشـال اللي حاطته ..
ومد يده بـ حركه خفيفه ونزل الشال عن كتف هيله .. طالعته وهي مصدومه ..ودها تقول "وقــــح !!! " ..بس مايصلح هذا زوجها رسمي وعالاوراق
وكل شي يمنعها ويوقف في وجهها .. ولا الود ودها حتى ماتفتش له ..
طالعته بنظرات خلتها تنحرج ..رجعت رفعت الشـال
ناصر :هههههههههه تستحين
/

طلعت لقته جالس عالكنبه وفاتح التلفزيون اللي كان مقصر عليه لـ آخر شي .. كـآرهه هـ الليلـه بـ عنف
ودها ترجع للغرفتها .. وترجع حياتها الطبيعيه
حسـت بـ شوية ندم لأنها وافقت عالزوآج ..يمكن أستعجلت ؟!
راحت ووجلست جنبه .. التفت لها وسألها ببتسامه :تبين عشى ياقلبي ؟
من الحين ياقلبي : براحتك
>مهيييب وجه عرس زي اختها

ناصر قـرر بينه وبين نفسه انه بـ يصبر عليها لين تبداء تتجراء معه .. هي لين الحين محافظه على مسافة بينهم .. وكأنها حاطه خطوط حمرا وبينهم وحواجر ..
قـرر انه يتقرب منها شوي شوي ..لين تتقلبه وتحبـه

قراءه ممتعـــه

◙◙◙
الجزء التـآسع و الثـــلآثون
◙◙◙

(الفصـل الثـاني)

- طلقـتها؟؟!
محمد بـ ضيق :يابن الحلال قلت لك لا!!! .. ولا عاد تجيب لي طاري خـلاااص
مشعل يجيبها له بالهدآوه :وش سويت لها طيب ؟ طقيتها ولا شي ؟!
محمد ثارت أعصابه وهي ثايره خلقه :لا .. "وبصوت عالي " ..لا !!!!!
مشعل سكت .. شوي .. لين يهدا محمد اللي كان داق عليه بالصدفه بيسـأله عن تجهيزات رحلتهم اللي بتكون بكره .. ولاحظ صوته وقـال له بلهجة أمر خلك بمكانك وانا جايييك بشوف وش سالفتك
وهذا هو مافهم منه لا حق ولا باطل .. هل هو طلقها ؟ ولا بس هاوشها ؟
وهل ضربها ؟!
قـرر انه بيتفاهم معاه لين يهدا شوي

م ـآدرْيتَآلفِرحَمَآ يدْومَ لآحدْ

...................... مَآ يدْومَلآحدْ
........................ مَآ يدْومَلآحدْ
.......................... مَآيدْومَلآحدْ

- محمد انت فكـر .. انت جالس تهدم بيتك
محمد انفاسه تتسارع : .....
مشعل : يمكن انت تسرعت وفهمت السالفه غلط .. ليه ماحاولت تفهم منها؟ >هالكلمه قالوها اغلب الاعضاء وهذا الرد من محمد ض1
محمد : كل شي كان واضح قدامي .. تراها إهـانه لي والله .. انت مب حاس فيني .. انا كنت اتحامل على نفسي واقول لا! .. هي مايجي منها كذا .. وكانت شكوكي مزعجتني واتمنـى بس نجلا تقولي إنسى يامحمد وخلنا نعيش حياتنا .."وبقهر" .. والله منيب قايل لا .. بس هي صـدمـتـني!!!!
>يعني ياأعضاء مب عشانكم دارين ان نجلا بريئه صار محمد دآري ض1 حطوا نفسكم بمكانه =)
مشعل :شلون بتعرف انك شاك فيها طيب ؟؟!
محمد :يوم قلت لك انت أسألها .. حطيت في راسي هالشي .. وقلت اول ماأرجع البيت بسألها .. وان قالت لي لا ماأعرف خالد .. مستعد ارمي شكوكي كلها لأني كنت حاط في بالي ان خجل تكذب ونجلا زوجتـي مستحيل تكذب !! .. بس طلعت غلطان .. "وبـ قهر " ..انا غبي والله غبــــي !!!!
حط راسه عالدكسـون :آخر شخص كنت اتمنـى انصدم منه هي! ..
مشعل سكت شوي .. هو مستغرب ليه محمد ماضربها؟! ..مع انه ماقد جرب محمد في زي هالمواقف .. طيب ليه ماطلقها ..اي رجل شرقي اقل شي بيعطيها كف كـ رد إعتبار مثل ماهو متخيل !!
لأن أي رجال بيكون في موقف محمد .. بيرمييها في بيت اهلها ويطلقها غير مأسوف عليها
مشعل بـ هدوء وتردد من هالسؤال بس بيسأل بيتطمن:محمد انت ماطلقتها ؟!
محمد : .. لا
مشعل : محمد وش رايك تجي تنـوم عندي فالبيت !! .. لين ترتاح نفسيتك شوي وراكم سفره بكره
محمد بصوت عالي أرعـب مشعل : مـن قال إني بسفرها !!!! .. هذي الـشارع و
قاطعه مشعل بـ عصبيه :مـحمد فكر بـ عقل! ..
محمد سكت شوي .. واخذ نفس وسكر عيونه يهدي نفسه ويستغفر ..ثم قال بصوت هادي بس بنبره ثابته مرعبه :مـنيب مسفرها !!! ..الحين اقولك بوديها بيت اهلها وتقولي شهر عسل!!!
مشعل : طيب مو هي بنت عمك؟!
محمد عاقد حواجبه مستغرب سـؤال مشعل .. بس مارد ..كن ماوده يقول ايه هذي "الوآطيـه" بنت عمي!
مشعل :كم لكم متزوجين؟!
محمد بـ ضيق :اسبوع
مشعل:يعني معاريس .. شف يامحمد .. اذا انت ماتبيها وودك تطلقها .. طلقها محد بيقولك لا .. لكن خلها اسبـوعين ولا شهر فـ بيتك زياده
محمد : انت اكيد مب في وعيك ابد
مشعل :إلا في وعيي انت اللي مب في وعيك يامحمد ..لأنك لو طلقتها بيطلع حكي عنها وعن عايلتكم .. وبعدين ماله داعي تخسر ابو فراس .. لا قريب ولا شغل
محمد فاهم لـ مشعل .. ويدري انه جالس يحاول يقنعه بالحـيله ..وكأنه يقدم له إغراءات ..
مايدري إن عمر الشغل ماهم محمد .. ويحسـه مثل الشي المفروض عليه وكأنه طالب رآيح للمدرسه ينتظر متى تصفر نهاية الدوام .. عشان يطلع منها ..
كل هذا ما شكـل له أي دافع انه يخلي نجلا عنده فالبيت هالمده .. بس كل شي داخله راضي ..
راضـي يخليها عنده شهر او اسبوعين ..
حتى لوها خاينـته ..!

◙◙◙◙◙
ليه أحبك .. وأعشقك .. وآموت فيك !
والمشاعر .. ماتهمّـك..كلها

مو حرام؟الله يرحم..والديك:
اكتب الابيات بك..و [ آذلها] ؟

ضاعت أيامي..وأحلامي عليك
مسألة غدرك عجزت آحلها..

لاتجيييني !وأنا أموت ولا أجيك..
ذكرياتك ..قبل تبعد ..شلها

والجروح اللي ..مصادرها ! [ يديك ] ..
خلها.. في وسط صدري .. خلها

◙◙◙◙◙

من بكره ..
صحت من النوم التفت شافته جنبها .. قامت علطول ودخلت للحمام كأنها ماتبي تواجهه
صحيح إن امس كان يسولف معها وكأنه يعرفها من زمان .. ويبتسم وكل شي
بس هي تحس إنه مخنـوقه وهي معه ..
وش كثر مقهوره من نفسها لأنها ماتقدر تعطيه زي ماهو يعطيها .. بس ترجع تبتسم وتهونها على نفسها لما تحط في بالها ان هذي مسألة وقت ..
غسلت وتوضلت وطلعت لقته نايم لين الحين .. فرشت السجاده وهي عارفه وين القلبه معه لأنها صلت الفجر هنا
كبرت وصلت .. اول ماخلصت جت بتقومه عشان يصلي .. بس مستحيه منه
اتجهت لـ غرفة الملابس الخاصه فيها ..لبست فستان اسود ماسك واصل للنص الساق نص كم .. شكله كلاسيك مره
وفيه زي الشريطه البيضا من عند الرقبه ومن عند الصدر بروش بشعار lv
رفعت شعرها
طلعت لقته نايم .. راحت وجلست عالسرير .. تبي تنطق بأسمه بس ماقد نادته الا فالمستشفى بـ أسم "أخ ناصر"
اذخت نفس وقالت :نـاصر .. نـاصر !!
ودها تقول حبيبي ..حياتي ! ..بس ماتطلع ..اصلا تحس انها مو هي إن قالت كذا
فيه ناس مايعفرون يقولون كذا .. والكلمه الحلو بالموت تطلع منهم .. وهي من هالنوعيه
لاحظت انه ماقام ولين الحين .. أبتسمت يوم انتبهت له .. نايم على بطنه ورجوله طالعه من اللحاف .. وثلاث اربـاعه نازل من السرير
ضحكت على شكله بصوت واطي ..كأنه طفـل .. بس من يشوف هالشكل ..عوارض وملامح رجـال واحد عمره 27 سنه .. يستغرب هالنومه خخخ

- ليه تضحكين ؟!
التفت له .. لقته فاتح عين وحده والثانيه مسكره .. بـ كسل .. وشعره محيووس شكله كان حلـو .. ياليت من يصوره
هيله ببتسامه ..ثواني تحولت للضحكه لين دمعت عيونها :هههههههههههههههههههههه
أبتسم وقام ..تربع عالسرير ورتب شعره بيديه .. هي ثلاث ارباع ضحكها كان توتر .. مو بس لأن شكل ناصر مضحك .. طالعه ببتسامه :وش تضحكين عليه ؟!
هيله :ههههههههههههههه شكلك ..يالتني مصورتك
ناصر متفشل من شكله : ههههههههه اشوف فيك يوم
هدت إبتسامتها وقالت : تغيّر عشان ننزل؟!
ناصر :اوكي !
هيله :انا بروح لأهلي اطتمن عليهم وبعدين اجيك طيب؟
ناصر كان معطيها ظهره وبيقوم من السرير ..وقال مثل نبرة الاسبانيين:اووكيّ

◙◙◙◙◙

سكرت السماعه من اهلها .. التفت وشافت نواف اللي متقدم لها شكل توه راقي من عند اهله
ماتدري ليه كذبت على اهلها ..لكن لو تبي تنهي اللي بينها وبين نواف بتنهييه بقناعه ومن غير مايتدخل احد من اهلها ومن هنا لين تقـرر .. محد بـ يدري
كانت جالسه في صالة الجناح وتطالع التلفزيون .. ومعاها تفاحه ..حست به يجلس جنبها .. بعد شعرها عن وجهها :ماتغديتي كويس
أبتسمت وهي متوتره من لمسته : إلا .. اكلت
أبتسم والتفت عاللفزيون .. ثواني وضحك : ههههههه تتذكرين mbc4
جود انحرجت انه لين الحين تذكر ..حمرت خدودها : لا !
سمعت ضكته اللي رن صداها في أذنها .. انحرجت ونزلت يدها اللي كانت تشيل التفاحه .. احمر وجهها بـ قوه منه .. ومن ضحكته
نواف :أوف كل ذا حيّـا ..
جود أبتسمت وهي تطالعه قالت تغير الموضوع :اقول نـوافي
نواف :يالبـآه ..أمري
جود :امممممم .. ودي اطلع من اختي هيله للسوق نشتري كم غرض بما إن سفرتنا قريبه مره
نواف ميل شفايفه بـ تفكير : .. اممممممم .. طيب
جود :شووووووووووووووووكرااااااان

◙◙◙◙◙

عيوٍنڪ|لآتشوٍفأحزٍآنهـَ/آلدنيآ"وٍآنآعآيش . . *
قسم بآلله-{لوٍ ضآقت*عليڪآلأرٍض"مآبيهآ. . !
.................................................. .... "مآبيهآ. . !
.................................................. ........"مآبيهآ. . !

◙◙◙◙◙

كان يطالعه مستغرب .. قال لـ المره الثانيه وبنظرات تفحص : محمد صاير شي بينك وبين نجلا؟
محمد توتر من سؤال أبوه اللي عاده كم مره .. وده يصرخ للدنيا كلها ويقول إنها خانته وإنـه مقهـووور منها .. عشان كذا ماتستاهل لا شهر عسل ولا غيره
هذي تستـاهل الطلاق لو فيه اكثر يقدر يسويه كان سـوآآه
تصنع الهدوء وقال ببتسامه :لا والله .. بس بصراحه انا وهي متفقين إننا نأجل شهر العسل .. "بـ مرح" .. ميب حلوه السفره وهي تستحي مني
ابو محمد :والله إنتـوا يالشباب ماينعرف لكم
محمد : ههه .. هاه أرجع لشغلي
ابومحمد تنهد :ارجع ..الله يستر عليك انت ومرتك
/

يآليت الدنيآ تصٍ’ـــفآ لي تعبت" آشيلوآتحملٍ"

دموٍوٍوٍعي صٍ’ـــآرٍتحروفي حيآتيآنجرحوآزعلٍ

حرآم النّـآس تجرحنيوجرحي[ٍبآلصٍ’َـــبر يذبلٍٍٍٍ]ٍِ

حرآم آلخ‘ــــل يطعنيوطعنآتہترىـآتقتل

ومن حوليالطعنيگثر ولآحدني رحمويبذلٍ....!

بديت آخآف يآقلبي بديتآخآفتتمللٍ

ولآمليت يآقلبي مٍ’ـن يخففومٍ’ـنويسئل
ولآمليت يآقلبي مٍ’ـن يخففومٍ’ـنويسئل
ولآمليت يآقلبي مٍ’ـن يخففومٍ’ـنويسئل

ماتدري وش هالشجـاعه اللي حست بها .. وخلتها تروح للغرفة محمد .. اللي كانت غرفتهم
من بعد اللي صار ..شالت عفشها وراحت للغرف ه ثانيه ..قبل لاتنطرد .. تنتظره يقولها روحي بيت اهلك !
شافت مكتـبه اللي داخل غرفتهم .. ودخل غرفه مربعه زجاجيه .. توجهت له لقته حوسه ..
راحت وترتبه .. تبي تحسس نفسها إنها زوجته .. تمنع نزيف قلبها وتبيّن لها وتقوله شف هذاني لين الحين زوجة محمد ولا بعد صار شي
راحمه نفسها ..جالسه تقنع قلبها بأشياء تافهه .. واقل بعد عشان إنسان ماعمره فكر فيها ولا جاب خبرها

- وش تسـوين ؟!
ضرب قلبها .. وكأنه طفل صغير وده يركض لأحد أبويه ويضمهم ..
اما هو ماتوقع يشوفها هنا.. كانت لابسه بنطلون اسود سكني الستان اللي يجي ثقيل شوي .. وبلوزه وسيعه بيضا شفافه نص كم وتحت بدي من ورآ شكله )( خخخ ابيض ضيق
طالعها .. كان البنطلون مبين طول رجوولها ..وتناسق رجلها مع خصرها.. واللبس كـ كل مبين جسمها اللي صام عنه من أخذها !

التفت لقته مسند نفسه عالجدار الزجاجي .. ويطالعها بـ نظرات ماتدري هو تعبـان او هي نظرات قرف منها ..او يمكن الاثنين اختلطت مع بعض !!
نجلا :انا ! .. "بلعت ريقها " ..كنت ارتب
تقدم وتعداها .. ولما مر من عندها انتظرته يضربها .. ماتدري ليه بس تنفست براحه لما شافته جلس .. واقفت تطالعه .. هي كل مره تطالعه فيها تحس بحبها يزيد له .. وقلبها يعآفها و يروح له ..
مو بس تحبـه .. محتـاجته بعد .. سكرت عيونها بـ الم مراره وكأنه تمنع عيونها من انه تناظره عشان قلبها لا يتعذب بالحب اكثر

إذآ ودگ تحسّ شلـون أنآ بـ ’ الحـيل محتآجگ’’

ابي تحبس نفسصـدرگ وحسّ بحآجة الزفرهـ !!

- الحين وش موقفك هِـنا؟! .. آبي اشتغل وانا ماأحب اشتغل وعندي احد
فتحت عيونها ولقته يناظر في اوراق معه ..مستغربه من هدوءه .. ليه مايضربها ويذبحها ويوديها بيت اهلها جثه ..عـ الاقل يرحمها من حياتها اللي من جفره للدحديره
تستغرب انه ماسوى كل هذا بـ حكم انه رجل شرقي
حست بـ بداية ارتفاع الظغط .. بدا لسانها يثقـل .. تسكرت شفايفها ..
اقفت بـ تروح عنه ..
اول ماوصلت للباب الزجاجي حق المكتب تبطلع من غرفة النوم وبعدها من الجناح كله .. سمعت صوته يناديهـا :نجلا
التفت .. شوي وتطير من الفرحه انه يبيها ..
سكت وطالعها ..مسح ذقنه بـ راحة يده بـ توتر .. كأنه بيقول قرار حاسم ..اخذ نفس : كل شي كان واضح بالنسبـه لي .. بس انا جربت الظلم .. والظلم شين ولا أبي أظلـم .. عندك شي تبين تقولينه يثبت لي إنك بريئه
انصدم من نفسه ليه قال كذا .. بس صوت العقل يأمره بـ هذا كله
لحظـه! .. أي عقـل ؟؟! .. هذا صوت قلبه مو عقله ..
نجلا تحمعت الدموع بـ عيونها .. تبي تتكلم لكن لسانها يمنعها : انا .. خالد هو .."ببكاء" .. انا مسويت شي وربـي ..
مابان على ملامحه شي ..وكانه مب مقتنع .. عصب من نفسه ليه يعطيها فرصه ويبين انه ميت عليها وهي اصلا ماتستاهل منه حبْ من الاسـاس .. قال بـ هدوء :خذي لك غرفه .. واجلسي فيها .. بعد شهر بتروحين بيت اهلك
طالعت فيه مصـدومه .. انبت نفسها عالفرح اللي انتابها وبغى يطلع ويبين علليها ..فرحت انها بتجلس معه شهر وهي اللي كانت متوقعه طلاق ..
نجلا : انا ماسويت شي .. خالد هذا اخو ندى
سكتت لأن لسانه وشفايفها مايسعفونها .. وسكوته عذبها اكثر .. كملت متنـاسيه المها ومرضها .. مايهمها لو تموت بعد هاللي بتقوله : خالد .. أخـ .. اخـ .. وو ندى ! .. وقبـ..ل سنه .... خطبني ! .. بس
بس لما رجعت تفكر باللي قالته ! .. طيب ليه كانت تكلمه ويوم دخل سكرت السماعه .. او مره تحس بـ ندم هالكثر .. ندمت انها سكرت ياليتها قالت للخالد وين ندى عشان محمد مايفهم غلط !
بس لا .. محمد احد قال له عن هالشي من قبل

- ورآي شغل ..
طالعته لقته يطالعها ينتظرها تطلع من عنده .. لـ هالدرجه وجودها يضايقه وهي اللي تتمنى تنتفس هوآ يتنفسه
لـ هالدرجه كارهها وهي تكن له كل هالحب ؟!

◙◙◙◙◙

وٍوٍ. .طعمُالموٍوٍوٍتُ]-

إلآإ منكٌ. . .صرٍرٍختُ -

وٍوٍ صرٍختكٌ. . .

. . .كآنتُ،

بليآ‘إ صوٍوٍوٍتُ . . !

◙◙◙◙◙

كان رامي نفسه عالسرير كأنه جثه هامده .. ماوعآه الا صوت جواله اللي يرن بـ نغمة نوكيـآ العاديه ..
رفع جواله n97وهو فـاتح عين وحده .. رد وهو يتأفف :نعم
ناصر :أفاا .. وش هالاخلاق
طارق :وش بغيييت ؟!
ناصر :كيف الحال ؟!
طارق: الحمدالله اختصر
ناصر :وجع .. وراك تحاكيني كذا !!
طارق : إسـال نفسك داق علي وانا نايم
ناصر :طيب وش يدريني انك نايم ..اعلم الغيب انا ؟!
طارق تنهد وحط راسه عالمخده :طيب انا آسف .. وش بغيت طال عمرك ؟!
ناصر : ههههه أبد بس المدام بتروح الفيصليه وبتاخذ اختها .. خلنا نطلع انا وانت ..
طارق عفس ملامحه يعني ماوده :مالي خلق
ناصر :غداك على حسـابي .. هاه وش قلت ؟!
طارق :اقول زر اومها اطلع في هالظهريه ..
ناصر : طيب بقول للمشعل ومحمد يجون
طارق وده ينوم :إيه وصلنا خير .. اعزمهم وبما انكم متزوجين ومن حقين القفص الذهبي .. تناقش معاهم عن أسباب المشاكل الزوجيه والطلاق وكذا .. وماهي اهم الطرق في إسعاد الزوجه وكيف تخلي زوجتك خاتم في اصبعك ..يعني بحكم خبرتكم في هالمجال هههههههه
ناصر :تتهـزاااء ياكلب ..اقول قم لا أجيييك فالبيت واشوتك
طارق :إيه وشف من بيتفح لك
ناصر يستعطفه :يالله طارق .. والله لا أغدييك واعشيك على حسابي
طارق :ايه هين انت بتغديني ماأختلفنا على هذا .. بس متعيجر اركب السياره واشغلها وامشي .. "ويحك راسه بملل وكسل" .. لالا يازول مادآير آجي
ناصر :هههههههههههههههههه اقول احتريك هناك ولا يكثـر

اول ماسكر ناصر من طارق دق على محمد ..ثواني وصله صوته
محمد :هلا
ناصر :هـلآ بك اكثر بـ بعد كل من قام وقعد
محمد :الله يستر .. وش تبي ؟!
ناصر بضحكته العاليه :ههههههههههههههه ..أبد مرتي تبي تشوف اختها وبتروح معها السوق
محمد :طيب؟
ناصر :لا بس اقول ورا مانطلع ونغير جو .. وجب نجلا معك
محمد تضايق :لا .. روحوا وانبسطـوا
ناصر :اقول محييميييد .. اعقل وتعال
محمد :الظاهر انك تحسبني كبرك
ناصر : هههههههههههههههه لأنك عومه وبثر .. يالله تعال
محمد :والله ناصر مالي خلق ..ماعليه خلها وقت ثاني
ناصر :احتريك فالفيصليه ..
انقهر منه وقال بغضب :غصب هو قلت لك ماأبي
ناصر :طيب اذا انت ماتبي قل للمرتك يمكن ودها تجي ..
محمد :لا حـوول .. بشوف وارد لك ..قـلق!
ناصر :هههههههههه نتفاهم ليت يالله

سكر ناصر من محمد اللي كان محتـاج يطلع .. وكان بيلبي دعوة ناصر ..لانه هو محتاج طلعه تنفس عنه .. بس لما قال ناصر إنهم بيجيبون حريمهم .. هوّن ..مايبي يطلع معها أبـد

كُل اللذيأعرفُه ,
حقيقه يتيمهثآبته =:
آني لنْ اُزهر .. حتى تعُود !

كانت تدق على ندى .. تبي تحاكيها ..تبي تطلع من هالجـو اللي خنقها .. رمت الجوال بعد ماوصلها رنة الجوال وانكتب له عليه لم يتم الرد
اخذت نفس وهي ترمي الجوال .. وتتنـهد ينعومه ..قامت وراحت عند التسريحه جلست تطالع فاللي فيها .. عطورات وكريمات .. جلست ترتبهم ..
طالعت فـ الارواج وصارت ترتبهم في مثل السله وتحطها بالدرج ..شافت روج من ماك لونه فوووشي .. اخذته وحطت منه لم شفايفها وهي تطالع نفسها .. وتتخيل محمد يمدحها بمدحات تخليها تطييير
جفلت من ضربات الباب .. توقعت انه الشغاله فـ قالت :أدخلي !
دخل محمد .. ضرب قلبها يوم شافته .. تكلم بـ نبره جافه لكن محافظ على آدبه معاها : تجهزي بعد شوي بنروح نتغـدى في الفيصليه ! ..
وافقـى عنها :واعزمي خجل كانك تبين لأن الطلعه جماعيه
وطلـع
هو قـال اعزمي خجل ..يبي يفهمها أن طلعتهم في كم شخص .. مو هو وهـي لحالهم .. الود وده ان خجل ماتجي !!

جلست تطالع المكان اللي طلع منه بـ صدمه ..فيصليه ؟!
أبتسمت ثواني تحولت إبتسامته للضحكه بتطلع معه ؟!
شلون يعني رضى ؟! .. ولا يفكر يعطيها فرصه تبـرر وتقول له تراني بريئه وعمري ماحبيت غيرك
لا هو يقول طلعه جماعيه ..جاها شوية إحبـاط ..

سمعت صوت جوالها .. شافت المتصل ندى
نجلا :أهـلاً يالسسسحبه .. وينك لا حس ولا خبر
ندى :سوري كنت تاركه جوالي فوق ونازله مع ماما وبابا واخويـآ .. واصلا حاطته سايلنت
نجلا :أهـاا .. الا نديوو فاضيه اليوم انتي ؟
ندى :اممممممممم .. ايه ماورآي شي وش بغيتي؟!
نجلا :خل نطلع انا وانتي الفيصليه محمد يقول فيه طلعه جماعيه وكذا ابيك تجين
ندى :امممممممممم .. هو شوفي انا محتاجه السوق .. بس ليه اطلع معاكم وش دخلني ؟!
نجلا :بلييييييز .. ودي اتكلم معاك شوي !
ندى :اوكي بشوف خالد
نجلا بلعت ريقها بـ غصه :اوكي !

◙◙◙◙◙

كانت منسدحه عالسرير وتفكـر .. دخلت عليها اختها بـ طوفريه فيها آكل .. حطت الاكل عتالسريحه : جوووويج .. وش عندك مع السقف عايشه قصة حب؟!
جوان :لا ..
الجوري :ههههههههههههههههه ولا بعد
ابتسمت جوان بـ تعب .. :يختي الحمل بثـآره .. قسم بالله ماتسوى علي ابي اصير ام
الجوري : ههههههههههههههه قولي ماتسوى علي تزوجت من الاساس ..ختي هالرجال ماشاء الله عليهم يطيحون واقفين مايحسون بالحريم
جوان :لا وانتي الصادقه الرجال لهم همومهم .. الا اقول وش غداكم
الجوري تأشر عالتسريحه : شوفي
جوان :بالله جوييج جيبيييه ..جوعانه مره

◙◙◙◙◙

طول الطريق وهم ساكتين .. كانت تناظر الشوارع بس ماتركز ..لو يروح بها لمكان ثاني مادرت .. كانت تسترق النظر له احيانا .. كان حاط يده اليسرى الدركسون والثانيه مسندها عالباب ومركز مع الطريق ..
ترجع تطالع فالطريق .. صحاها صوت رنة البلاك بيري وفيه احد كلمها .. ناظرت لينها نكتـه .. قرتها من غير تركيز وطبعاً ماضحكت .. وصلوا للفيصليه ونزلوا .. رفع محمد جواله الـ I phone ودق على ناصر
ناصر :هلااااااااااع
محمد :شوي شوي .. وينك فيه؟!
ناصر :فوق عند المطاعم
محمد :اوكيييه
دخلوا ومحمد اتجهه لـ السكليتر كانت ورآه .. جلست تتأمل فييه .. ماتقدر تقول الا بياض ثوبه النـآصع .. هو اطول منها خلقه شلون عاد إن صار متقدم عليها بـ درجه
وصلوا للدور الثالث عند المطاعم وفالجلسات اللي فالوجه ورآ الصراف كانوا جالسين مشعل وناصر .. تقدم لهم اما هي وقفت تنتظر ..
محمد بعد السلام عرف أن الجازي تتسوق رسل رقمها للنجلا بس هي دقت عليه
محمد :آلو
نجـلا : أممممم صديقتي بتجي وبتمشى معها !
محمد سكت شوي .. كأنه مب واثق فيها .. وصلها صوته يحثه عالاجابه :هاه
محمد :لا تنزلين وخلك هنا .. واذا بتجلسين معها ياليت تجلسين معها بمكان قريب من عندي عشان اقدر اشوفك

[ منفقدته ]

عمري ماحسيتلحظة

بسْ / لحظة

بـ أيْ " أمان"

منرحلعنيحنانه

صرتاغمّض جفنعيني

و الأمل /إني أشوفهـ لو بـٍ [ حلمٍ]

فيالمنامـ .. !

مال عالجهه اليمنى وهو يشوف اخته نازله من السياره بتسكر الباب :ترا ساعه وبجييك لأني قايم من 6 وابغا انام
ندى :اوكي
سكرت الباب ورقت عند نجـلا ..
اول ماألتقـوا كانت نجلا تحاول تخفي حزنها عن ندى .. ودها إن بغت تفضفض تفضفض وهي مرتاحه .. مب تفضفض في سوق
وندى بـ دورها مالاحظت شي ابد لان نجلا متغطيه

تحت ..!
وهم يشمون عند المحلات ..سألت هيله اختها الصغيره :أخبارك مع نواف ؟!
جود :الحمدالله .. مرررررره تمام
هيله : واخبار جده .. مو انتوا رحتوا لها كم يوم بدايه الزواج
ارتبكت جود :إييه .. ههه والله وناسه كان
هيله : الله يهنييييكم
جود :وانتي يالدفشه اخبارك مع ناصر
هيله :والله ضايق صدري احسني مب معطيته جووه ابد
جود :يوووو لا عاد تميعي وتغنجي عنده

◙◙◙◙◙

طالعت ساعتها بـ وعيونها تتوسع :يـؤ الوقت سرقنا اكييد خالد جا
نجلا :طيب جوالك مادق
ندى تفتش بـ شنطتها بقلق : حاطته سايلنت من يومي بالبيت و نسيت احطه عام
قامت وهي تشيل شنطتها وتفتح جوالها ..شهقت :يؤ .. 4 مكالمات
تغطت أي كلام وراحت ركض لـ عند الاصنصير .. وصلت عنده ومن حسن حظها انفتح ..ركضت اسرع مب منتبهه للنظرات الناس لها ليش انه حرمه بعبايتها وتركض .. توها بـ تدخل وتصقع في جسم قوي ..وسمعت صوت رجال يقول بألم "آآآآح يلعن شكلك" .. ماحست الا بنفسها تهوي عالارض .. ثواني مرت وسمعت صوت رنة الاصنصير والباب يتسكر .. رفعت نفسها أستوعبت انها طايحه فوق رجال وشعرها اللي تناثر على وجهه ورقبته وصدره .. طالعت فييه لـ ثواني تستوعب .. كان مسكر عيونه ويتآلم .. شكل جبهتها صقعت خشمه .. شهقت وهي تحس بـ يدها فوق صدره قامت ووقفت على حيلها وعدلت طرحتها.. وهو يفرك خشمه وعيونه تدمع ووجهه على محمـر ووآضح إحمراره رغم سمار بشرته ..قال وهو يفرك خشمه :تكفيييين لا عاد تجين في وجهي مره ثانيه والله إن يطلعوني بـ تابوت
حست بـ الاحراج .. التفت لـ الازرار وظغطت عالفتح (<>) بس ماأنفتح ظغطت كم مره بـ توتر تبي تفتح الاصنصير بس مافتح .. جت بـ تظغط g ماتدري ليه فقدت التركيز ورصت b اتوعبت ورصت g
قـال بـ قهر وملل :لاااا ! .. الحين بتنزليني ..انا أبي الدور الثالث
تقدم هو ورص على 3
نزلوا للدور الثاني ورصت عالفتح ماتبي تجلس معه فالاصنصير ..اول ماأشر الاصنصير عالدور الثاني وانه بينتزل لـ واحد رصت فتح بس ماأنفتح
وصلوا للبدروم آخر شي ! .. شكل الاصنصير مخـرف !!
قال بـ قهر :انتي الحين وش تحسين به ! ..اول مره تركبين اصنصير وعاجبك انك ترصرصييين فيه ؟! نلعب حبشه مثلاً ؟!
انقهرت ندى منه :مالك دخل ..اذا انت مستعجل فـ أنا مستعجله اكثر منك
سكت ولا نطق ..كأنها يوم لاغته حس بـ نفسه انه كل شوي منافخ عليها ومهزءها .. رص هو على (><) إغـلاق .. وتسكر الاصنصير .. اما هي ضغطت على g بس تسكرت اللمبات .. وتعطل الاصنصير
طارق أنقهـر : عاجبك اللي سويتييه ياهانم ؟!
ندى جتها الصيحه وخنقتها العبره :وش سويييت ؟!
طارق :حلوه ذي وش سويتي .. مدري من اللي جالس يظغّـط فالازرار لين تفلت العافيه
ندى توها بـ ترد بس جلست تصييح .. ثواني صاحت بـ صوت وجلست تشآهق
عـم الهدووء بينهم .. طلعت هي جوالها دقت على رقم خالد بس
تــــم الفصل
رجعت تدق بـ يد ترتجف بس نفس الشي .. تـم الفصل
طالعها وقال :انتي الحين اقنعتيني انك اول مره تركبين اصنصير ..
ندى بـ حده :وليه إن شـاء الله
طارق :يعني ماتدرين ان اللفت مافيه شبكه
نزلت جوالها وجلست تصيح اكثر من اول وتشـآهق وتنتحب .. جلست تفكر وش تسوي مع هاللي معها والله لو يسوي بها شي إن محد بيدري عنها .. ووش بيسوي لها خالد .. مايكفى انها لاطعته برا ..بتلطعه زيااده .. رفعت عينها تطالعه لقته جالس وفـ يده جواله اللي كان فاتحه على جنب وصاير مثل الابتوب الصغير .. كان يطالع شي فالجوال ويرصص ورافع حاجب وشكله مندمج باللي يسويه
عصبت منه وبـ حركه جريئه منها سحبت الجوال اللي تسكر الكيبوره حقه من مسكته وقالت بـ صوت عالي وعصبيه : انت وش مجلسك كذا .. تصرف!!
طالعها مصدوم .. وهي رجعت تقول وصوتها يتحشرج بالبكا:شف لنا حل آبي اطلع والله إن يذبحني اخوي
طارق بـ هدوء حاد خوفها وحاط عينها بـ عينه :وانا وش دخلني !
ندى خافت منه بس قالت : مو انت رجال .. تصرف يالله
طارق بـ لا مبالاه : مهوب انا اللي حابسك هنا .. انتي اللي تصرفي
ندى بـ قهر وهي شوي وتصيح :بس انت الرجال
طارق :وش أسـوي لك مثلاً؟! اخلق لك باب؟!
ندى ضمت يديها وجلست تصييح .. سند نفسها عالجدار لقته قاعد ويتأمل فوق شكله يدور فتحه .. وش ناوي يسوي ذا لا يكون بيطلع من فوق بيخليها .. قالت بـ نفاخ :انت ماتعرف تتعامل مع الانثـى
طالعها .. وش تحسسسس به ذي ؟! .. بس قال :ليه ؟!
ندى ودها تقولّه انك تفكر شلون تطلع .. بس استوعبت انها توقعت هالشي وشكلها مع الخوف صارت تتخيل اشياء ولا من وين يطلع قالت له :تشوفني اصيح عندك ولا تسوي شي
طارق رفع حاجبه :وش اسوي لك ..تبين أوآسيك ؟!
ندى انقهـــــــرت .. اما هو انفجـر ضحك عليها ..
قالت :لا .. بس تصرف .. ترانا في مصيبه
طارق :وش مصيبته انتي اللي مكبره الموضوع .. اصبري 5 دقايق بالكثير ويجوون

◙◙◙◙◙

- مب صاحي هالولد تغدينا وهو ماجا
محمد يوقف :انا لازم ارجع البيت .. بـ يذن المغرب تبون شي؟!
مشعل :سلامتك ..بس بدري
محمد :والله شف مرتي جالسه لحالها هناك
مشعل :ترا زوجتي تحت
محمد :لا خلها وقت ثاني انا أبي ارجع انوم اصلاً
ناصر :طارق انا اووريه
مشعل :دق عليه
ناصر :أدق ماعنده شبكه ..
مشى لين وصل عند نجلا اللي من شافته قامت وفهمت انهم بيرجعون البيت ..
طول الطريق ساكتين

◙◙◙◙◙

ثواني كان الصمت سيد المكان .. بعدها رجعت الانوار واستغل الاصنصير وكأن المكان عاد للحياة بعد ماكان ميت
قامت ندى بسرعه وضظغط على g واتجه الاصنصير للدور g وطلعت علطوول
ركبت سيـارة اخوها وتتنفس بـ راحه ماأمداها ترتاح الا وتتذكر انها لاطعته .. توها بتفتح فمها بتقول الا بدا يهـآوشها
خالد :تحسبيييييني سواق عندك الظاهر
وهاتك ياتهزئ
كانت تسمع للتهزيئه بس هي ميب معه .. تحمد ربها مليونين مره انه نجاها .. وان هالرجال ماسوا لها شي
آخر شي طفشت من تهزيئه رصت على نفسها ويدها اللي ماسكه الجوال بـ قهر .. وقالت بصوت عالي وهي يالله تجمع انفاسها من الروعه والركض :ماتأخرت عليك بس اللفت ماكان فييه شبكه وانا انحبست هناك
سكت ..وهي بدورها قصت لها اللي صار

◙◙◙◙◙

بعـدها بـ وقت
دخل غرفته عقب ماصلىالمغرب .. اخذ له شور .. وجلس يكلم امه بعدها بدقايق توجهه لمكتب حقه وجلس يحلص لهكم شغله كلفه فيها ابوه
دوّر على كم ورقهمالقاها .. حط راسه وهو يتذكر وين حطها .. لو ضيعها فـ هو في عداد الموتى .. قاميدوم وقام من مكانه والكرسي يرجع اللي بكفرات ورااه .. تذكر يوم يدخل ويلقى نجلافييه
حس بـ قهر منها مع إنها لو كانت حاطتهم في مكان هنا هالشيمايخلييه يعصب ..
بس مايدري ليه منهابالذات ..هل عاشنها خانته ؟!
ولا عمره ماحبها
هو وش قاعد يقول مشى للغرفتها بخطوات سريعه مالبثت وتحولتللهروله كأنه يمنع نفسه من الترآجع ..لقى الباب مردود وسمع صوت همسها النـاعم
سكر عيونه وياخذ نفس كأنه يهدي غضبه اللي داخله .. هو ليهماأخذ منها الجوال؟!

دخل عليها فالغرفه .. لكنـه تسمر بمكانه .. رمش كم مره وهو يطالعها كذا
كانت جالسه عالسرير ..لابسه فستان وردي فآتح لوهله تحسهأبيض .. واللي يجي قصة صدره مثل كذا 88>فاشله فالوصف مع مرتبة الشرف خخخ
وسيورها خط سخيف .. ويوصل للنص الفخذ .. وبما انها جالسهفصاير مرتفع ..وكأنها طفله لابسه فستان ..رجولها عالارض وكلهم عاليمينشوي
ماحطت مكياج ولا أي شي .. وشكلها شكل وحده جالسه فالبيت .. لامه شعرها على جنب ومسنده نفسها بـ يدها واليد الثانيه ماسكه جوالها وتكلم .. كانت قمه فالنعومه والانـوثه .. والاغــراء
جلستها لحالها تكفـيعشان تفترس محمد اللي فقد كل قدرته قدام هالانـوثه الطاغيه ..
صحيح نجلا ماكانت تملك هـذاك الجمال الملفت لكن براءةوجهها ورقتها حاجتها لـ محمد في حياتهااللي تكمله كـ رجل بـ عين نفسه
إنكسـارها وصعفها الانـوثي ينوبون في نظر أي رجل عنالجمال
طالعته بـ خوف وكأنها خايفه من شكله المعصب .. وتحس إنهالهـدوء ورآه شي بيجرحها مره ثانيه .. وش مدخله للغرفتها ..او بالاصح ليه يقتحمها؟!
نجلا تكلم :ندى اكلمك بعدين طيب ؟! ..باي
سكرت وهو طالعه وعلى ثغره إبتسامة سخريه .. كأنه يقولبتقنعيني انك تكلمين ندى؟! ..اما هي من شافت نظراته تجمعت الدموع بـ عيونه .. وقالتكأنه تبي تنتهي من هالعذاب :وش بغيت ؟!
محمد بـ حده :أورآقـي ! .. وين وديتيها
أتسغربت عصبيته علىاوراقه .. كل ذا عشان اوراق ؟! .. ولا هو يدور أي سبب عشان يهاوشها ويجرحها ..هويدري انها تحـبه أكثر من نفسها والحرج منه عن 1000
بلعت ريقها وقالت من غير لاتطالعه :انا ..رتبت الاوراقفالدرج .. واللي فوق الطاوله حطيتها بـ رف فاضي بالمكتبـه
رفعت عينها بتطالعه لقته متقدم لها وجالس جنبها .. حست بـنفسها وإنها بهاللبس .. صحيح هي من دخل شالت هم لبسها .. لكن الكيـاده اللي تمشي بـعرق معشر النساء منعتها من انها تتستـر .. فضلت انها تطلع مفاتنها قدامه يمكن يليـن .. يمكن جـزء الرجال داخله يحنّ عليها !! .. لكن لما شافت قربـه كذا .. لمت نفسها .. وجت بتسحب اللحاف لكن هو جذبها له بـ قوه خلت قلبها ينخلع من مكانه .. وأنبتنفسها على تفكيرها وليه تبي ترخص نفسها للواحد مافكر فيها
بس هالانسـان تحبه وتحــبه وتحــبه !!

{ مجـٍـٍـٍـٍـٍـٍـٍٍـٍـرد احساسـٍـٍـٍـٍـٍـٍٍـي بـ ] وجودك [ تخـٍـٍـٍـٍـــٍـٍــٍلي الدنيا {آمـٍـٍـٍـٍـٍــٍـٍان}

ماحست والا هي بـ حضنهاللي تمنت تدفع عمرها اللي ماتملك غيره وتحضى بهالحضن .. تسمرت عينها فالفـراغ كأنهمو مصدقه إن هاللي يصير صدق
يعني شـلون محمد نسـىوصار يحبها ؟!
رفعت عينها وطالعـته .. كان يطالعها بـ عينه الحاده اللي خلت كل شي داخلها ينبض من غير لا يرحمها .. تحسإنه يسمع نبضات قلبها الخايفه والفرحانه في نفس الوقت .. تحس إنه يدري بـ ضعفهاقدامه وإنكسـارها وإن مسلمه نفسها له من غير لا يطلب حتى .. كرهت نفسها وقلبها الليمب راضي يسمع للصوت علقها ..اصلاً جزء منها ..كبـير ..يلومها ليه ماتبي تحب محمداللي ماقد شافت زيّـه .. شافته يقـرب منها ..لين اختلطت انفاسهم ..حست بأنفاسهالحاره تلفح وجهها .. ضربات قلبها زآدت اكثر من اول .. ودها تدخل يدها داخل صدرهاوتوقفه وتـرتاح منه .. وهو يقرب طالعت بـ وجهه الحنطي المايل للبياض وعوآرضهالسسسودا ..حده ملامحه المرسومه رسم .. وكأنها استوعبت لما شافته إنها اول مره تكونبهالقرب من شخص من الجنس الخشن ! ..وكيف عاد إن صار عشيقهـا وزوجها
طبـع بوسه هاديه ورقيقه عليها .. اول مابعد عنها عضتشفايفها القرمزيه بـ خجل .. وهي تحاول تنظم عمليه التنفس ..هذا ان ماكانت مخنوقه .. تبي تسحب نفس طووويل بعده يصيرعندها معدل التنفس طبيعي ..عشان لا يحس بأنفاسها ..
اللي ماقدرت جد تستـوعبه إبتسامته الجذابه اللي انرسمتعلى ثغره بعد بوسته.. اللي انهت كل مابداخلها .. أبتسم لها؟!
نجـلا تبي تنظم الحكي .. كأن النفس صار يتدافع ويطلع منخشمها وفمها ..نطقت بـ وهنْ وصوت مليـان دلع غير متصنع : محمد ! ..
لكن مارد .. أجبرها بـ رقه إنها تنسدح عالسرير .. وعادتكلامها مره ثانيه وهي منصاعه له :مـحـمـد !!
محمد طالعها وقـال كأنهنسى إنها خانته واهانته ..نسى كل شي وسألها يحاول يخفي لهفـته لها ..قـال قبللاتقول هي بـ همس حار ذوبها :تحبـيني ؟!

صـوتـہ × جـنـۈن × ۈبعـثـرة مـن جـد. . ’

مـع ’ صـوتـہ , أحـس الـكـۈن فـ / هـزةأرضـيـہ !

كانت بتسـأله نفس السؤال .. لكن سؤاله صدمها .. اللي يصير لها الليلـه كثير والله كثـير ! .. طالعته وقـالتله بـ حب :إيـه احبك
رفعت راسها سألته بسـرعهولهفه وحب يطفح من عيونه :وانت؟!
لكن مع كل اللي يصير لها ..وحبهـا له وقربه الشديد منها .. ماقدرت تنتظر جواب أكثر .. يكفي إنها تتفس هوآ هويتنفسـه ..
هي مو ملك نفسها هالليـله

ڪُلَ ضُع‘ـَـَـَفْ الآرِض ضآجٍ ..فيَ[عيُوِنيْ]

وِڪُلَ إح‘ـًـَـَتيآجَهـ/البشرِ..وِآڪَثرِ [بصدْرِيَ]

ينـــبُضْ بإسسمڪْ /يحترِيڪْ!