منتديات قصايد ليل - عرض مشاركة واحدة - روآية ثقيلة مزحة الدنيآآ ..لا تفوتكم ..كآآملة

07-25-2011

◙◙◙
الجزء السـابع و الثـــلآثون
◙◙◙

(الفصـلالاول)

كان راكب سيـارته ..مفروض يتجه للبيت ابو فراس عشان الملكه .. بس كلام خجل يرن في آذنـه .. وش كثركرها .. صدق نذله !!
سمع صوت جواله اللي كانيرن بنغمة نوكيا العاديه ..
المتصل>الغاليه

محمد :آلو
ام محمد :محمد وينك .. انا الحين وصلت للبيت صالح وانتطالع قبلي ..خوفتني عليك
محمد :امممممم .. فالطريق بس زحمه شوي
ام محمد : إيه يآبويلاتبطي فشيله قدام الناس .. يالله فمان الله
محمد بنص إبتسامه كأنهاتشوفه :فمان الله

راح للجهة بيت صالح .. وهـو مب مرتاح زي ماكان اول .. تعوذ من الشيطان
لكن كلام خجل يرن في آذنه .. هذي كيف تتجـراء وتقول نجلاتحب خالد ..
طرت له فكره انه يسألنجلا بعدين لما يصير يمون عليها .. بس تراجع ..
اول ماوصل ..أنفتح الباب الكبير ودخلت سيارته بكل هيبهلبقها قدام الباب ونزل عدل شكله اللي كان رسمـي ومخليه جنتـل على مرآية سيارته
ودخـل

/

في نفس البيت .. بس فوق
كانت توقف قدام ملابسها وتناظر ماتدري وش تبلس .. تحس انالوقفه تجهدها خصوصاً إن بطنها يمغصها وقلبها يضرب ..للدرجة انها تحس انها بترجّع .. تروح تجلس عالسرير .. بس ثوآني تحس ان ولا خليه من جسمها قابله للراحه .. لازمتلبس وتكشخ .. لأنه اكيد أكــيد تحت
ترجع للغرفة الملابس .. وتقلب فالملابس اللي قدامها من غير تركيـز ..

"توها داخله" - انتي الحين وش تحسين به ؟!
نجلا وعينها عالملابس :بتعرفين انا وش احس به لين انخطبتيوقالك ابوك ملكتك بكره .. وانتي ماأستعديتي
ندى :ههههههههههههه
كانت ندى جايه ومعاها صينيه فيها آكل لآن نجـلا على لحمبطنها .. كانت جايبه لها كآبتشينو و عصير ..في حال بغت هذا ولا هذا .. وشاندويتشوحـلآ
نجلا تطالع الاكل :انتي تحسين اني في مود يسمح لي آكل ؟
ندى :لا يكثـر بس مدلعتك مالت عليك ..المهم بتاكلين وانابطلع لك لبس
نجلا تجلس عالتسريحهوتهز رجولها :لا ..مو مشتهيه آكل ابد
ندى تحط الطوفريه قدامها :اقول انا ماشاورتك ..بتاكلين يعني بتاكلين
نجـلا شوي وتصيح :طيبخـلااص .. لاتقهريني
ندى :وش اقهـرك فيه؟
نجـلا : مدري احس جلست اقط خيط وخيط .. "سألت بـ تردد "..خجل ماجت؟
نـدى تستظرف :الا شوفيهاجالسه عالسرير
نجلا :نـــدى يامخ جززمه .. لا تستهبلين لين جا بكره أستهبلي على كيفك !!
طلعت لها ندى فستان مثل الشآموآه لونه كحلي قصير وبـفللحد الركبه .. ومع فوق مثل السلسه لونها ذهبي ملتفه عالرقبه وتحت الصدر من lv
نجلا :لا .. هذا يبي شييستره من فوق ..وتحت بعد ..بس تحت قولي البس كيلون بسفوق؟
ندى :هو انا لقيت شي ستير عندك .. كل ملابس يبي لها شييسترها
نجلا :حرام عليك .. عندي ملابس ساتره .."وبفلسفه".. اصلاالستر يدل عالرقي
ندى :ارحميـني
نجلا :هههه
ندى :المهـم بتلبسن ذا ؟
نجـلا :لا .. آبي شي ساتر .. هذا يطلع نص الظهر وش بيقولعني
ندى تنطل عليها الفستان :ألبـسي بدي تحته
نجلا تمسكه :لا والله ..ماأحب اخلقن .. ياألبس شي ساتر منالاول ولا ماأحب كذا
ندى :والله وجهيهاللنفسك .. انا مالي شغل ..بسم الله علي قبلي ستيره
نجلا ماردت ..لأن ماعندها شي تقوله .. لبست الفستان وطلععليها حول ومبيـن طول ونحافة جسمها النـاعم
رفعت شعرها شنيـون مهملبإتقـان تحت عشان يبين كتفها الرقيق ..ومكياجها كان عادي ..ماسكرا وحكل مع كحل سايلوروج وبلشر ..
التفت للندى :ندى واللهاحس اني مبالغه
ندى تعطيها سلسـال سنبل :وش رايك تنزلين له ببيجامه عشان ماتصيرين متكلفه مره ..مب احسن؟
نجلا تاخذ السلـسال ولا ردت .. تحس انها ضآيعه ..محتاجهكل اللي تحبهم حولها .. تتمنى من كل قلبها لو امها تصير معها تعلمها وتقول لها ..سوي كذا لاتسوين .. تسوي كل شي بالنيـابه عنها .. وتقدر تتدلع عليها زي باقيالبنات

سمعـوا صوت دق..احد يدق باب نجلا .. راحت عند الباب كانتالشغاله ومعاها ام محمد .. استغربت نجلا من جيـة ام محمد .. راحت الشغاله اللي كانتموصله ام محمد للغرفة نجلا
نجلا ببتسامه :هلا واللهخالتي ..
ام محمد تسلم على نجلا :هلا بك .. شلونك .."وتطالعهابإنبهـآر "..وش هالزين
نجلا ببتسامه ناعمه :الحمدالله بخير .. الله يسلمك والله
جلست نجلا مع ام محمدفالصـاله .. وسحبت على ندى اللي جلست تتوعد فيها
ام محمد :شلون نفسيتك .. ههه عسى بس مب تنافضين
نجـلا مستحيه :ههههه .. يعنـي
ام محمد تسم يدها اللي كانت ترتعش :نجلا حبيبتـي .. اناجايه هنا عشانك ومعتبرتك مثل بنتي ..
رفعت نجـلا عينها ..تحسخنقتها العبره بس بلعتها :تسلمين والله ياخالتي
ام محمد :وش رايك نسولف شوي على ما يجي الملاك
نجـلا :إيه اكيد
ام محمد :اول شي ..انابسولف لك عن محمد .."وببستامه"..ولا تبين سالفه ثانيه
ولع نجـلا وجهها ..اكيد تبي تسمع عنه وعندها فضول .. قالتوهي مستحيه مره :عادي اللي يريحك
ام محمد :هههه .. اممممم ..وش نقول عنه .. شوفي هو طيب وحبيب بس فيه شي ..
نجـلا اصغت بإنتبآه .. وكملت ام محمد : هو .. اممم انااحسها ميزه بس انتوا يالبنات مايندرى وش نظرتكم لهالشي هههه
نجلا ابتسمت .. وكملت ام محمد :تفكيره .. مب زي تفكيرناصر وغيره من العيـال ..اقصد يزيد واخوانك .. يعني هو تحسينه محافظ شوي .. عندكالغطـآ تراه مايحب ان وحده من محارمه تفتش
نجلا فهمت عليها .. وحستبقلبها يضرب ..بس بينت عادي ..كملت ام محمد : يعني يانـجلا .. اتمنى انك تتحملينإختلاف الافكار اللي بينكم لأن كل واحد طلع من بييئـه غير عن الثاني .. والبنتالشاطره تعرف شلون تكسب زوجها

حست إن كلام ام محمدخوفها شوي .. حاولت تتفـآئل ..تحس انها كارهه نفسها لأنها مب ماخذه الموضوع زي أيبنت ليلة ملكتها
ام محمد : انا حاكيتمحمد عن هالشي .. والحين جايه اكلمك .."وشدت على يدها"..نجلا حبيبـتي اعتبريني زيامك ..أي شي تبينه او تحتـاجينه قولي لي .. وانا معتبرتك انتي ومحمد عيالي وسعادتكممن سعادتي
نجلا :الله لا يحرمني منك ياخـالتي ..
ام محمد : جعلي اوقف معك يوم ولادتك

حست إنها شوي وتغوص في ملابسها من الخجل .. ماتتخيل نفسهاحامل ولا ولاده ..ام محمد شكلها ناويه تخلي وجه نجلا ينفقع اليوم من الحيـّا
نجلا بـ تردد :طيب خالتي ماتحسين ان لبسي شوي مبالغ فيه ..اقول للصديقتي انو ابغا شي ناعم وكذا
ام محمد تطالع لبس نجلاالكحلي :لا بالعكس حلوو ..وهذا لبسكم اليوم يالبنات

/

محمد كان جالس فالمجلسومعه يزيد وناصر وطارق متعب ومشعل وفيه بندر وسعود اللي جوا لأن ناصر قايل لهمكانوا في جهه والشياب في جهه

محمد بهمس :اقول نويصركان جبت معك كل ربعك حقين الاستراحه .. مب يوم العلم وهي ملكه هاديه وساكته
طارق ناط :انا اخبر اسمها سكاتيه مب ساكته
ناصر :ههههههه من جد وبعدين ترا ماجا احد غريب .. وكانقصدك سعود وبندر هم جايين يأزرونك في محنتك
محمد :وجع ..ملكه ذي ميبعزآ
مشعل :وش تحتسـون عنه؟!
طارق:نناقش قضايا المجتمع ..وش رآيك بقيادة المرأءه ؟ أنااشوف ان من الضروري يعني
مشعل يقاطعه ويطالعه بـنص عين : لآقيني انت شكلك .. لا يكثر .."ويكلم محمد".ابو مشعل حوبي وشعندك
محمد :هههههههه على كيفكم انتـوا كل واحد مسميني شي
ناصر :المهم بعّـد عن دحوم ترا محجـوز
محمد :مير عناد بخلي اليوم عرس وملكه وبجيب بزر وبسميهعبدالرحمن حتى لوه بنت
ناصر مطير عيونه:يقلع امالنذاله ياشيخ
طارق:ههههههه ويسجل اسرعسعودي ينجب طفـل فالعالم
معشل:هههه اسـرع سعوديهاه !! وفالعالم
ناصر :اسمحها بوجهيتكفـى !! .. هو من ربي خلقه كذا تنـكه وخبل ومايفهم ومرفوع عنه القلم
متعب :ههه جب مركه وأرقـى عليهاههاهاهاهااههه
كلهم طالعـوه ماضحكـوا ..
مشعل :فشلتنا الله يفشلك قايل لك لا تجي وانثبر فالبيت
متعب:هههههههههه والله لو احلف ان كل واحد بس يرجع للبيتهبروح الحمام من كثر ماضحك
محمد :ههههههههه ابوكيالثقه !!

◙◙◙◙◙

كانت منسدحه عالسريروتاركه العنان لدموعها .. وكلامه يرن في أذنها مثل مسجل جالس يعيد الشريط ..

بالله تسمين هذا حب؟ .. المشكله اني ماشفتك في حياتي الامرتين .. دوري له مسمـى ثاني لأنه مو حب
دوري له مسمـى ثاني لأنهمو حب
دوري له مسمـى ثاني لأنه موحب

مجـروحه من جوآ وتزف بشكل رهيب .. ودها تموت ..ماقد حستانها متمنيـه الموت كثر اليوم
وكـارهه نفسها إنها فكرتتخرب بين نجلا ومحمد ..بس كانت لحظتها ماتفكر بشي .. وكأنه حبها خلاها تسكر
كـأنها يوم شافته قدامه ونظراته لها يوم تمسك يده خلت كلشعور داخلها يتفجـر .. انقلبت على ظهرها وهي ضامه المخده وتطالع السقف ..
تذكرت ملكتها يوم فراس كيف كانت نجلا واقفه معها ..يمكنكلام ندى صحيح .. لأن الفتره اللي معد شافت فيها سطام ..نســته!
بس حالياً ماتقدر تشوف وجه نجلا .. ولا تبي تشوف وجه محمداللي أهـانها وجرحها وهي اللي كانت متوقعه انها بهالروحه بتقدر تخليه يصير لها لمايدري ان بنت عمته تحبـه

◙◙◙◙◙

البلا .. لا صـار (جرحكْ)ما يداني شوفْ .. (فرحكْ ) !
لو تِقَفِّي عنْ همومكْ
قالت طعونكْ : هلا ..
ولاقلت للفرحَه : نعم ..
يقاطْعكْ جرحكْ بـ: لا
يجتمَع شَمل ( المشاكل)
و ..( راحتك )
عنِّكْبعيدهـ
وآخرالسهرهـ / تموت
وتقول كلمه في سكوت :
والنعم والله بجروحي
كانت الفرصهـ / سعيدهـ .

◙◙◙◙◙

وقفت وهي متوتره لبستوخلصت
لإنفتح الباب ودخلت هيله اللي كانت لابسه لبس حلو بسسنبـل .. :وينك انتي يالله الناس تحت
جود بخوف :يصلح اهوّن؟
هيله تسحب يدها :لين ملكتي قولي له هو انك هونتـي.. ياللهامشي
نزلت جود اللي كانت لابسه تنوره جينز وبلوزه سمآويه ..شكله ابداً ماكان متكلف فيه .. صايره عاديه جداً
نزلت تحت وشافت حرمه عرفت انها ام نواف .. صار قلبها يضرباكثر من اول ..ودها تسكت قلبها اللي تحس انهم يسمعون صوته
سلمت عليها الحرمه وسألتها عن حالها ودراستها ومن هالحكياللي تعودت عليه لما تشوف احد غريب او من زمان عنه
ثواني ودخلت عند نواف لأن حـان موعد النظره الشرعيه .. دخلت جود وهي رافعه راسها عادي وتحاول تقنع نفسها انها مب مستحيه ابداً .. اولماشافته كان لابس غتره بيضـآ وثوب وجالس وحاط رجل على رجل ومنزل عينه ويناظر فيجواله .. قدرت تكون فكره اوليـه عن شكله .. من ناحية طول وعرض وهيئـه عموماً .. وإنه حنطـي مايل للبياض .. وعلطول نزلت راسها .. يمكنها مادرت انه ماجد لأنهامتعوده على ماجد ببدله .. اما نواف هنا شكله متغير مررره

نواف :وعليكم السـلام
تذكرت انها ماقالت السلام عليكم ..بس دامه قال وعليكمالسـلام ميب قايله شي ..مسوي يستظرف هو وخشته اللي ماشافتهاخخخ
جلست جود عالكرسي وهي تتنافض كنها مشبوكه في كهرب متينفولت ..
نواف :كيف الحـال جود ؟!
عرفت نبرة الصوت ولا شعورياً رفعت عينها وطالعت فيه ..كان يطالعه بنظراته اللي تحبها وعلى ثغره إبتسامه ..تذكرت إبتسامته يوم تحط على mbc4 بالغلط وتطلع هذيك اللقطه ..جت بتقول مــاجد! ..بس سكتت
بلعت ريقها :الحمدالله بخير

حست إنها تبي تقوم ..شي جواها فرحاااان انه ماجد ..بس شيثاني كان خايف مرره ونص هالخوف ..خوف من المجهول
كيف ترتبـط بواحد فكّـر بس إنه يخطفهـا .. بس في من عيالخوالها وأقاربها سألوا عنه ومدحوه ..بس بس وهذا اسمه نواف .. بس الشكل مـــاجد !!
معقوله بتكون نست شكله عقب سنه !
تحس انها الحين مخدره ..شكت انها تحلم

◙◙◙◙◙

دخلت وهي ترتجف تحس إنرجلها ماتشيلها .. تمتمت بالسلام عليكم
وهو رد بصوته اللي كأنهانصب في أذنها :وعليكم السـلام
رفعت عينها العسليهبتناظره .. كان يشبه ناصر مـره .. كان جالس ويطالعها ..لما جت عينهاعلى عينه أبتسملها إبتسامه حلو بنظراته الحاده

دخل يزيـد علطول بعدنجلا :محمد .. اعرفك على اختي خخخ
أبتسم : هههه تشرفنـا
جت وجلست .. قال يزيد :لالا مب هنا .. روحي هنا
ويأشر على الكنبه اللي جالس فيها محمد اللي كان مبتسموشكل كلام يزيد معجبه
قامت نجلا وكأنه رجل آلي ..صايره مطيعه وجلست جنبه وهي ميييته حيـّـا ولو عليها كان صفقت يزيد وراحت غرفتها ..
يزيد :يـآحظكم معاريس
محمد :هه عقبـالك
يزيد :ههههههه انا وينيوين العرس توني ابو 22 ترا
محمد :عادي السنين تركض
يزيد :يالله اترككم يـآمعاريس الهنا .. "ويكلم نجلا ".. إن سوّا لك شي عطيني رنه اجيك برسم الخدمه وآخذ لك حقك
نجـلا تمتمت بطيب وهي اصلا ماتدري يزيد وش يقول ..وكأنمخها ماخذ إجـازه
ضحكـوا عليها وهي رفعتراسها وتناظرهم ..حست على نفسها .خنقتها العبره ..
يزيد :قبل لا أطلع عندي لكم هديه إن شـاء الله تعجبكم
محمد :ماكان له داعي تكلف علىعمرك
يزيد يطلع علبه عنابيه :اقول لا يكثر ...لوها لك لحالك قلاللي تبي بس هي لك ولأختي
محمد :مالت عليك .. وبعدين هذي انا جايبها يالنصاب مهب انت
كان يزيد شايل معاهخاتميـن :لا يمكن تشابه فالخواتم
محمد :إيييه صح يمكن
اخذ محمد الخاتم منه :خلاص هاته وقـل لأمي تجي
تو يزيد بيطلع بس تكلمت نجلا بسرعه :يزيد ..
بس شكل يزيد ماشمعها ..مابنـلام وهي صوتها كان وآطي لأنهنـاعم
محمد بصوته الرجولي :يــزيد !!
التفت :هلا
نجلا بخجل :امم اذابتقول للخالتي تجي قل لها تقول للندى تجي بعد هي ..هي فوق في غرفتي
يزيد :أبشري

طلع .. كان الجو هادي منبعد يزيد .. حس محمد إنه يبي يطلع يسوي أي شي .. مايحب كذا .. مايعرف يتعامل معوحده كذا مستحييه هالهدوء يقلته

مد يده .. مسك يدها الليترتعش وكنه حاط يده على قطعة ثلج ..كانت يدها رقيقه وهشه بشكل غريب ..يحس لو يضغطعليها شوي يمكن تتكسر داخل يده .. طالع فيها .. بشرتها البيضـا مع شفايفها القرمزيه ..ملامح شتويه بس دآفيه ..
محمد :كيفك نجـلا ؟
نجلا رفعت عينها .. ثم طالعت تحت :بخير
ابتسم ..مايدري وش يقول : فأي سنه
نجلا ببتسامه من غير لاتناظره :متخرجه انا

دخلت ام محمد وورآها يزيد .. كان يزيد معاه كآميرهديجتـال .. ثواني دخلت ندى بعبايتها ومتنقبه ومعاها هي بعد كآميرا

بدا يلبسها وهي ترتجـف وكل ماتذكرت خجل تحس انها تنتفضزيااده
رن جوال ندى
وطلعت
المتصل>خجل

ندى بنبره فيها شوية زعل :آلو
خجل وواضح انها حزينه :هلا ندىكيفك؟
ندى :الحمدالله ..
خجل بتردد :وكيف نجلاالحين
ندى :بخير الحمدالله ..بغيتي شي خجل لأني مب فاضيه
خجل وواضح انها تصيح بصمت :لا سلامتك بس قولي لها إنو كنتبجي بس احس اني تعبـانه شوي .. ويمكن اجي لما احس اني احسن وان ماجيت جيت بكره إنشاء الله
ندى فرحت مره .. وانصدمت سكتت شوي .. وقالت خجل :ياللهندى اخليك الحين
ندى :شكراً خجل ..كنتادري انك عاقله
خجل بغصه :يالله باي
ندى :باي يابعدهم

◙◙◙◙◙

كانت جالسه فالمجلس وهيتهـوجس
- وش فيييييك ؟! وش تفكرينبوه؟
نوره :وش افكر بوه؟
ملاك :خخخ سكلي ..المهم وراك تهوجسين ؟
نوره :أبد افكر في فهد ..اكيد مهبل بعليا
ملاك بلا مبالاه:يابنت الحلال فلـي امها بنت عم عالفـاضي
نوره تناظرها بنص عين ..توها بترد اها مسج ..طلعت جوالهاكان من
أحمــد
" نفسي نرد مثل أول::
أرسلك وترسلي ..
وقبلننآمتحَ‘ــبخَ‘ــدي وأحَ‘ــبخَ‘ــدك ..
تدفينيبحَ‘ــضنك وبحَ‘ــضنيأدفيك ..
نفسي نرد مثل أول بس مدري وشالحيله..
حَ‘ــبيبي..
ممكن أسآلك سؤآل ,.
ليهمآصرتتعَ‘ــشقشوفتي مثلقبل?!
وليهمآعَ‘ــدتتحَ‘ــبالدم الي بعَ‘ـروقك يسري ..
ليهحَ‘ــبيبي أمنتك الله قلـي ليه!!"

تجمعت دموعها مع كل حرفتقـراه .. كأن الدنيا بدت تلف بها والكون وقف .. أول مره يفكر يرسل لها رسـاله منتركت له البيت ..
اخذت نفس .. تحاولتتسجمع قوتها ..
قامت وراحت الحمام .. شلغت المويه وكانت بارده ودها تغسل وجهها لو المكياج مب فيه .. يمكن الحراره تروحمنها
تحس كل جسمها شاب نار ..وحراره تحرقها ماتدري من وين جت ..بس اكيد بسبب مسج احمد

سمعت صوت كعب ..يومالتفت لنيها ملاك
ملاك:وش تسوين؟
نوره :ابد اغسل يديني ..انتي وش تبين لاحقتنـي
ملاك :يختي اخاف اجلسس لحالي واضيع ثاني مره .. آخر مرهطلعت في وجه ناصر اخو حمود
نوره :ههههههههه مسيكينأرتـاع اجل
ملاك :المنه عليه اصلاً .. بس هالمره اخاف اطلع في وجهاحد من اخوان العروس
نوره :راس ماله واحد ترا ..والثاني برا يدرس
ملاك :عادي .. يالله بسامشي لا احوس وجهك ..

◙◙◙◙◙

وقف قدام قضبـان السجنوقـال بلهجه فيها إحتقـار :تدري انك السبب فاللي صار بيني وبين سطام ؟!
سـامي:................
فهـد : والله لو بيدي كان ذبحتك بـ يدي ..بس وش بيفيد .. واساسا ليه اوصخ يدي بواحد زيك ..
سامي : مايكفي اني تسترتعليك !! .. ترا كان بإمكـاني اني اخليك تدخل السجن معي
فهـد : وهذا اللي حارق قلبي .. ان لك فضل علي .. بس تدريغلطك اكبر من انه يحسسني بفضلك .. وحريتي هذي ماأحسك سبب فيها ..
فهد كان مشوش .. مايدري وش يقـول .. يحس كأنه تـآيه ..وجالس يقط خيط وخيط ..
التفسيـر الوحيد لـ تسترسامي على فهد ..هو تـأثره بالموقف اللي صار بين فهد واخته يوم الشقه
وان الدنيـا دين وكما تدين تدان .. ولا كان قدر ينحاش منفهد يسهوله يوم جا بيوديه للقسم الشرطه ..بس يمكن الخير اللي داخله صحـآ
هذا والله أعـلم مابـ نفسه

◙◙◙◙◙
◙◙◙
الجزء السـابع و الثـــلآثون
◙◙◙

(الفصـلالثـاني)

"بلع ريقه وهو يحاوليجمع الكلام "- بس طال عمرك ..ياليت تفكر بالموضوع
ابو محمد :أنا اسف اخوي .. بس علمني وش بـ بربح من شرائيللشركه خسرانه وعلى وشك تفلس ..أعذرني بس احنا هنا مصالح
اخذ نفس وهو يحاول يبتسـم ..هذا التاجر الـتاسع اللي يروحينطل وجهه له عشان ينقذ شركته اللي على وشك تفلس .. :مشكور وماتقصـر
ابو محمد :العفـو اخوي

طلع والدنيـا صاكه فيه .. سمع السكرتير يناديه ..لماالتفت
السكرتير :الشيخ عنده ولد اسمه محمد ..رجال طيب يمكن يقدريساعدك
طالع فيه بصمت .. وكـأن بصيص من الامل بعيونه :مشكور وينمكبته
وصف له السكـرتير المكتب .. وأتجهه له وهو مبسوط ومتـأملفي "محمد " خير
وصل عند السكرتير حقمحمد
السكرتير :نعم اخوي بغيت شي؟
الرجـال :لو سمحت ودي اقابل مديركم اذا فاضي ولا عنده شي
السكرتير يرفع السماعه :دقايق .."بعد ثواني وهو يكلمبالتلفون "..طال عمرك في واحد يبيك برآ ..إن شاء الله ..تآمر!
سكر السكرتير :تقدرتتفضل
ابتسم بـ فرح .. أكيد انه طيب ولا ماكان دخله .. طق البابودخل .. شاف شاب عمره في نهـآية العشرين .. جالس فالمكتب الواسع جداً اللي كانتالوانه مترآوحه بين البني والبيـج .. والموكيت اللي زايده فخامه لونه عالاخضر ..
هـو :السلام عليكم
رفـع محمد عينه الناعسهعن الورقه ..:وعليكـ.."أنصدم".. ـم السلام
تقدم الرجال وهو مضوقعيونه وكأن الرؤيـه مب واضحه.. تقدم ..عرف من هذا
مقعــوله هذا سطام؟
بس فييه اختـلاف كبيـر .. كان مسوي سكسوكه على شوية ديرتي .. جسمه اللي كان مرتـوي وصاير رياضي عكس جسم سطام اللي يميل للنحف بـ عرض .. تغيرفيه أشيـاء بس يظل سطام
ابو أيـمن :سطام؟
محمد جمدت ملامح وجهه .. :تفضل
جلس ابو ايمن وهو مصدووم .. يحس انه فـ حلم ..وده يستوعبمن عجـز يصدق انه سطام .. اللي ظلمـه في الترقيه .. وفصله وحرمه من مصدر رزقـهسبحان الله .. سبحان مغير الاحـول ..كيف كان وكيف صار
بس لحظــه هذا اسمه محمد!!
وهذاك سطام
أكيــد شبه
ابو أيـمن :اعذرني شبهتكبـ..
قاطعه محمد بنص إبتسامه :سطام ؟! ..وش تشرب ابو ايمن
ابو ايمن حس بالدم في رآسه .. كأن قلبه معد دق .. :مشكور
محمد بـ نبره بارده وجافه لكن محافظ على آدبه : كيف حالك ..بشرني عنك ؟
ابو أيـمن :والله بخيرالحمدالله ..انت شلونك بشرني عنك .."بساؤل".. وكيف صار اسمك محمد
محمد :والله الحمد الله بخير .. بس وش بغيت يابو أيـمن .. محتاج شي ترانا فالخدمه
ابو ايمن :والله ياولدي .. مدحوك لي وانا ماكنت ادري انه انت .. انا بصراحه شركتي تنهـار .. وجالسه تخسر ..الموظفين من كم شهر ماخذوا رواتبهم وعلي ديون ..ودي شركتكم تشتري النص من شركتي .. وتقومونها بحكم معارفكم وخبراتكم فالسـوق
محمد تسند وهو ماسكالقلم من مونت بلانك :طيب وش مصلحتي اشتري شركه خسرانه؟
ابو ايمن قالها بصعوبه :ألاجر عند رب العالمين ..
محمد ماتكلم وصار يطالعه .. ابو ايمن يموت ويعرف وشهالنظرات ..
وأخيراً نزل محمد القلموقـال :اسمح لي ! .. مو انا المتصرف الوحيد فالشركه ولا أقدر ادفع
ابو ايمن :طيب تقدر تقنع ابوك
محمد يطالعه ولا رد ..كأنه يقول منيب العب معك انا: ........
ابو ايمن بآلم ويحس كرامته راحت فيها :سطام ..أو محمديـآبوي ! .. ادري اني غلطان .. وانك ماأهتويت انك تساعدني ..انا عرفت اني ظالمك فيموضوع الترقيه ..ونادر ظهر على حقيقته ماتتصور قد ايش ندمت وحسيت اني ظلمت واحد منعيـالي
محمد :لا ماله داعي يضيق صدرك ..لأني منيب واحد من عيالك .. وبعدين

توه بيكمـل بس انفـتحالباب بدفـاشه من قبل ناصر :السسسسلام !!
محمد :هلا ناصر
شاف ناصر ان محمد عنده احد .. سكر الباب ورآه وجلسعالكنبه كأنه يحتري محمد يخلص .. فتح جريدة الرياض
ابو ايمن لف على محمد : محمد ..يشهد ربي اني ندمت ..بسماكنت ادري كيف اوصل لك
محمد :انا ماضاق صدريعلى سالفة الترقيه .. واذا قصدك يوم تفصلني .. بالعكس يوم فصلتني ..بينت لي اشيـاءكثير كنت اجهلهـا .. يعني انا مب شايل عليك ..وبعدين يكفي انك وظفتني وانا مامعيالا ثنويه عامه وهذا شي تشكـر عليه
ابو ايمن .. مافهم عليه .. مرات يذب عليه ..ومرات يمدحه ويذكره بأفضاله:يعني بتشتري شركتي
محمد : أنـا آسف .. ماأقدر اخدمك لأن الفلوس فلوس الوالد
رفع ناصر راسه .. ابو محمد معطي محمد توكيل .. ويقدريتصرف فالفلوس.. بس ليه محمد رافض يساعد هالشايب ..وهو اللي يحب يساعد الناس ..لأنهعانا المـرّ فأكيد مايبي احد تحس زيه
كـأن ناصر اكتشف جانب فيمحمد كان يتصوره مب فيه ..اللي هو الحقـد !!
محمد ماينسـى ابد .. ينجرح ويسكت ..بس مستحيل ينسـى لو وش يصير !!

ابو أيـمن وهو يقوم :عالعموم مشكور ..
محمد :العفـو
مشى ابو ايمن للباب .. وهو يفكـر .. صدق ان الدنيـا دواره ..والله ياخذ حق المظلوم لو هو ويـن
ولا كيف سطام اللي كان على الله ثم هالراتب اللي آخرالشهـر
يصير ولد آل "......." والحين لو بغـى شرآ شركة ابو الليكانت مصدر رزقـه ..سابقـاً !!

اول ماطلع جآه ناصر :ليهماتسـاعده ..ابوي معطيك توكيل كانك ناسي
محمد وعينه عالاوراقوضميره يأنبه بقـوه ..واضح انه مب راضي عن اللي سواه :دآري!
ناصر يجلس عالكرسي :وليه ماتسـاعده .. فرج هم عبد ربييفرج همك
محمد رفع راسه للناصر :الحين انت وشتبي؟
ناصر :ابيك تساعده
محمد نزل راسه للأروقمره ثانيه :الرحمه ماتنفع في مجال البزنس .. وبعدين انا مالي مصلحه معه واعتبرهاصفقه خاسره ليه هالصجه كلها
ناصر :لا يـاشيخ! ..احلف ..مدري منهو اللي رحمك يوم ماكان معك الا ثالث ثنوي وثاني جامعه وشغلك عنده
محمد رفع راسـه وقال بصوت عالي مليان عصبيه وقهـر :مالكدخل ..وبعدين من انت عشـان تحاسبني
ناصر :اخوك!!!
محمد يصحح له :اخوي الصغير ! ..واعتقتد اني ادري انا وشجالس اسوي
ناصر :لا ماتدري ..الحقد عامي عيونك.. الرجال اعتذر لك ..ليه ماتساعده ..حط نفسك مكانه وشركتك شقـى عمرك تنهار ..وش بتسوي؟ ..هاهقلي!
محمد اخذ نفس :ناصر منيب رايق لك ..اسكت
ناصر :هذا انت .. لأنك عارف انك غلطان ماتبي تحاكيني ليهسويت كذا ..ان كان عندك رد مقنع قله لي
محمد عصب منه وصار وجههاحمر ..خبط يديه فالطاوله وصرخ فيه :منيب مجبـور اقنعـك باللي سويته .. هذا شي خـاصفيني ..جرب عشّ يوم واحد من اللي عشته ..جرب الظلم مرره بس في حياتك ..
ناصر :ماله داعي اجرب ..رب العالمين يسامح ليه احنامانسـامح .."بنبره لينه" .. محمد المسامحكريم
محمد بـ قهر يطفح من عيونه :وانا منيب كريم .. انت ماتعرف .. ماحسيت ابد ! .. طول عمرك عشت مع امي وأبـوي ..طول عمرك عشت ناصر ولد عبدالرحمن .. طول عمرك عشت وانت تدري انت مين ..ماراح تحس .. ولا رآآآح تحس لو وش يصير !!! .. ذيك الساعه لين حسيت باللي حسيت به ..تعالي قـل لي سامح

ناصر سكت ولا تكلم .. اما محمد نزل شماغه :ناصر اطلع ! ..ابغـآ اجلس لحالي !
قام ناصر .. واتجه للباب .. طلع
ناصر للسكرتير :ان جا احد بيدخل لاتدخله عليه الحين .. طيب؟
السكرتير :إن شاء الله طال عمرك

◙◙◙◙◙

آلطيب بوقتنآ هذآ مسكين.. !

يصدق آلنآس -{ وآلنآسآتغآبآه ~*

وآلمواقف آللي جرتلي " قبل سنتين" .. !

علمتني فيه درس( آموت مآنسآه

◙◙◙◙◙

كانت منسدحه عالسرير .. تفكر بـ ليلة امس ..ليلة ملكـتها
كيف كان محمد معها ..
انقلبت عالجهه الثـانيه وهي تتذكر شكله .. لون بشرتهالبروزنيـه أكيد من الشمس وطلعه في عز الظهر .. عينه الناعسه والديرتي الخفيفهوسكسوكته اللي معطيته رجوله ..خشمه الواقف .. وش كثر حست بالخجل يوم شافت وجهه ..
تتسـأل هل هي عجبته ولالا .. أبتسمت إبتسامه حامله وهيتتذكر يوم قال لها
/
- انا الحين طالع الوقتتأخر .. وتراني اخذت رقمك من يزيد وبعطيك دقه
ابتسمت بخجل :اوكي
محمد ببتسامه خلت وجههايشب احمر:يالله فمان الله
نجلا :مع السلامه
وطلـع
/

ماكـان لقائهم زي ماكانت متخيله .. كلامهم رسمي جداًواصلاً اغلب الوقت راح تصوير وشكليات و تلبيس وكذا .. أجـرئ حركه سواها يوم مسكيدها .. بس
وأكثر كلمه شبت منها حيـّـآ يوم مدح شكلها

/
- ماكنت ادري انك قمر كذا !
نجلا شوي وتغوص في ملابسها :تسـلم
/
كانت تتمنـى ملكه احسن من كذا ..وقت يختلون فيه لحالهم مع بعض يتسنىلهم الكلام ..زي مايبون .. ولا يجي احد يقاطعهم
ام محمد اللي مافارقتهم الا شويه بس ..خواته وندى صديقتهااللي اغلب الوقت جالسين وان طلعوا دخل يزيد .. كانت مرتاحه بوجودهم بس كانت تتمنىتسمعه يتكلم .. معها خصوصا!

رن جوالها اللي كانعالكمدينه طالعته ..مالها خلق ترد .. بس جآ في بالها انه ممكن يكون محمد .. >وين يدق عليك وهي قافله معه خخخ
قامت واخذت الجوال ..شافت المتصل
المتصل>خجل
طالعت فالشاشه كم مره .. حست بـ قلبها يدق اكثر من مره .. تنفست ببطئ وهي ترص عالسماعه الخضراء ..وداخلها تقول ..ليه داقه
المشكله عقب التهـزئ اللي جاها .. تحس ان مالها وجهتقابلها .. رغم ان خجل هي الغلطانه
بس كذا الشخص احيانا يحسبأحاسيس غبيه

نجـلا :آلوو
خجل :هلا نجلا ..كيفك؟
نجلا :الحمدالله بخير ..انتي كيفك؟
خجل استحت من نجلا .. لو احد غيرها كان أقـل شي تجنباًللإهانه ماردت .. بس هذي هي تسألها عن احوالها ..طيبة نجلا الزايده تخليها غصب تخليالجرح داخل قلبها ولا تقول انها انجرحت حتى لوه ينزف
خجل :الحمدالله بخير .. بس امس كنت تعبانه شوي .. وآآسفهمره اني ماقدرت اجي الملكه ياقلبـي ..مره كان ودي اكون جنبك .. زي ماكنتـي جنبي فيملكتي
نجلا خنقتها العبره ..لأنها تدري ان كلام خجل مب من قلبها .. ماكانت تتمنى تخسر احد في حياتها لأنهم مب كثـار اللي يملون عليها حياتها ..خصوصاً خجل اللي كانت لها اكثر من اخت وام وابو وكل دنيتها .. ودها تصرخ وتعتذرللخجل إنها تصرفت بأنانيه وأخذت من خجل الشي اللي كانت تحلم ..
شي داخلها يقول انتي مو انانيه .. وشي ثاني يأنبها وبـعنف يقول كيف تسوين كذا بـ صديقة عمرك
نجلا ارتعش فكها .. حاولت تستجمع قوتها :خجل ! .. أنـ ..أنا
خجل بـ فرح مصطنع :نجـلاحياتي ماقلت لك .. نسيت والله كان ودي اكون اول من يقولها بس يالله ..اكيد من فميغير هههه .. مبروك الف مبرووك ياقلبي
نجـلا :آ ..الله يباركفيك ..عقبالك !
خجل :هههههه آمين
أبتسمت نجـلا :هههه متشققه عالعرس انتي ووجهك
خجل :ههههههههه

◙◙◙◙◙

كانت واقفه قدامالمرآيـه .. وهي تحس ان قلبها ناغزها .. ودها تموت ترتـاح من العذاب اللي فيها ..
سمعت صوت الباب ينفتح .. ودخل حسين مثل ماكانت متوقعه

- السلام عليكم
جوان :وعليكم السـلام
أبتسم وهو يطالعها ..قربلها عند التسريحه وحط يدها عليها وسند نفسه :وش تطالعين؟
جوان : أتـأمل نفسي ..يمكن عجزت خخخ
حسين :ههههههه لآ توكشباب .. 24 سنه في عز شبابك
جوان :ههههههه ثانكس
سكت شوي يطالعها وأبتـسمنص إبتسامه .. طالعته من المرايه وهو تكلم :امممممم .. وش رايك نطلع .. عازمك!
أبتسمت :اوكيييه
حسين :ماعندك شي اليومصح .. لا عزايم ولا شي
ضحكتبإحراج :حتى لو عندي اكنسل كل شي عشانك
أبتسم على ضحكتها .. انبسط شوي لأنها تداري خاطره لو شوي .. صحيح كلامها مجامله .. بس عـ الاقل تجاملهشوي وتمثـل قدامه

◙◙◙◙◙

طلع من الشركه وهو يلبسنظارته بـرادا ركب سيارته ومشـى .. ماله خلق يروح البيت ..خصوصاً عقب المشاده الليصارت بينه وبين اخوه الكبير
رافع جواله ودق على طارق

طارق: آلو
ناصر :هلا .. وينك فيه؟
طارق :هنـا وش تبي
ناصر :اقول كل تبن وينكفيه
طارق : فالشركه .. ليه انت وين؟
ناصر :طالع .. اسمع 10 دقايق وانا عند الباب ان تأخرت رحتعنك
طارق :لا والله ؟ ..
ناصر :ههههههههه ..طارق حبيبي يالله أنـزل بس .. ترانيقريب من الشركه
طارق :بسـلم على محمداول
ناصر :لالا ..لا تروح له ..قافله اخـلاقه مره
طارق :اوف ..وليه ؟
ناصر :مدري عنه يالله بسامش
طارق :هههههه طيب يالله

سكر ناصر وهو يدري ان سبب ضحكة طارق ..إنه درى ان ناصرمايبي يحكي وش اللي معصب محمد ..
ثواني وصل عند الشركهوطلع طارق اللي كان لابس ثوب بس وشكله رامي شماغه فالسياره .. مشمر اكمام ثوبهولابس نظاره كلاسيك ومحلق شعره ..صفر الا شوي بس كان مناسبـه هالستايل>والله هالستايل حلو
ركب طارق :هـأي
ناصر :هايات
طارق :يوو نسيت قصدي السلام عليكم
ناصر يحرك :هههه وش عنده
طارق : السلام سنه ورده واجب
ناصر :وعلــيكم السلام
طارق يسترخي في جلسته :وينعازمني؟
ناصر طالعه :ومن قال لك اني عازمك؟
طارق :لا تقول انك بتجي بيتي !!
ناصر يبتسم مع ان ماجت في باله :كنك داري عن نيـتي
طارق :يالـيل ..ترا عندكم بيت والله
ناصر:هههه داري بس اني احب بيتكم
طارق :ههههه يفداك لبيت وراعيه
ناصر يقاله يحجـر:ابوك؟
طارق :لا انا ..مالت !

أتجهـوا للبيت طارق .. اللي كان فيـلا كبيره او قصر يسكنفيه هو اخوانه وخواته وامه وابوه ..
ناصر مبسوط لأنمحديعرف يقلب له موده كثر طــارق !

◙◙◙◙◙
عـ الغدى
- طلال يـآبوي .. مادقعليك عبدالله ولا شي
طلال أنحـرج :لا والله .. أكيد مشغول ولا شي
ام عبدالله ضاق صدرها .. تكلمت مرام :يمـه لا يضيق صدرك .. هو ماجاب خبرنا والله ولا فكر فينا .. بس صدقينيبـ يجيه يوم ويجي يستسمح منك ويندم طال الزمن ولا قصر
ام عبدالله :وانا احتري هاليوم .. والله لا أسـامحه ..
مرام بـ قهر:وش تســامحييينه يمه! ..لا تقهريني
ام عبدالله :هذا ولدي الوحيد يامرام ..
طلال مبتسـم :أفا ! .. وانا يمه وين رحت ..ههه ولا اشيلعفشي
ام عبدالله :هههههه انت في قلبي ياطلال .. ولدي الليماجبـته

◙◙◙◙◙

عالمغرب ..
كان راقد في سريره .. ويفكـر بـ ابو ايمن .. وبـ فهد
سامي ..
أبتسم وهو يتذكر سلطانوتركي وباقي عيـال الشرقيه .. على كثر ماكان في فحياته ظروف صعبه .. بس كان فيهشيـاء حلوه .. تدخل السعاده لـ قلبه لو شوي ..
رفـع جوال وهو يبحث فالارقـام ..شاف رقم نجـلا ..
أبتسم .. وتعـدااه لين وصل للرقم اللي يبيـه ..
حط الجوال على اذنه وهو يسمعه يرن .. ثواني وصله صوت
الطرف الثـاني :آلوو
محمد :آلوو .. هلا حامد
حامد :هلا طال عمرك
محمد :اقـول حامد .. أبيك تحدد لي موعد مع اكبر عدد ممكنمن الفـروع الثانيه من شركاتنا .. والناس الاكبـاريه في مجال العقار ..آبي لين جابكره اقابلهم واحد ورآ الثاني ..سامعني حامد بكره واذا مافيه مجال بكره كنسل الموعد
حامد استغرب من طلبه : إن شاء الله طال عمرك .. تـآمر علىشي ثاني
محمد :إيه ..أبيك تجيب لي رقم واحد اسمه ابو أيمن ..صاحبشركة ( ..... )
حامد :أبشـر
محمد :ماتقصـر ياحامد .. يالله فمان الله
حامد :فمان الله

سكر محمد من حامد .. وصار يتـأمل في جواله الـIphone اسـود
فتح عالاسـماء مره ثانيه .. ودوّر رقم نجلا .. ودق عليها
ثـواني وجاه صوتهاالنـاعم وواضح انها مرتبكه وتحاول تخفي هالارتبـاك ..بس هيهات

محمد :آلوو
نجـلا :هلا
محمد :كيف الحـال
نجلا :الحمدالله بخـير .. "وبالموت طلعت" ..انت شلونك
محمد :الحمدالله .. أممم .. فاضيه اليوم نجلا ؟
نجـلا مستغـربه :اليوم ..إيه ..ليه ؟
محمد بصوت هادي :أبـد ..ناوي ازورك
نجـلا : إيه ..اللهيحييك بأي وقت

اول ماسكر منها ..قام منسريره .. رآح للحمام اخذ له دش توضى .. وطلع صلى
سمع جواله يرن ..اول ماخلص من الصـلاة لبس ثوب وشماغ .. جزمه وانتوا بكرامه من غـوتشي
كان شكله رسمي نفس امسيوم بملكته
اخذ جواله وبوكه ولابتوبه .. وهو نازل شاف الاتصـال كانمن مين ..
مكالمه لم يرد عليها = 1
من مشـعل ..

ركب السياره ورمـىالابتوب جنبه ودخل بوكه في جيبه ودق على مشعل
مشعـل :هلاا
محمد :هههه الاتصـالاتشغاله مدري وش عندي بزنس
مشعل :هههه لوني داريكان مادقيت عليك عشان لا يكبر راسك
محمد بضحكه :خل جوييرتفع شوي يـاأخي
مشعـل : المهم أخبـارك ..
محمد :بخير
مشعـل :وكيف الزواجتنصحني
محمد :هههههههه يقلع بليسك تراك معرس
مشعل :ههه .. المهم وش رايك نطلع؟
محمد : آسف انا رآيح عند المدام
مشعل :إييه بدينـا من الحين ..نسيت اني اول كنت ساحب علىاماً جابت مرتي عشان خاطرك
محمد :اعوذ بالله منك .. ترا توني مملك امس خلني اوسع صدري بعدين افضـى لك
مشعل :ايه اعقـل ..
محمد :الا من تتوقـعجايني اليوم في الشركه
مشعل :مين؟
محمد :أبو ايمن
مشعل :من ذا ؟ .."وتذكر "..آمـا عاد .. تستهبـل انت
محمد :لا والله اتكلم جد .. تخيل وش يبي ؟
مشعل :وشو ؟ ..طبعاً هومايدري انك صرت محمد
محمد ضحكته الكلمه :هههههه إيه .. المهم شركته تخسر ..وجاي يطلب مساعده من شركتنا ..
مشعل سكت شوي .. وسأل بـ شك :وانت وش قلت
محمد وصـل للبيت :مالك دخل ..يالله انا وصلت عند مرتي تبيشي ؟
مشعل :محمد بالله وش قلت له ؟ ..كرشته؟
محمد يضرب بوري عشان يفتح له البواب الباب:نعنبـو عدوانككان 29 سنه وانا وياك مع بعض لين الحين ماتعرف طبعي ..انا زين اكرش ذبـانه عشاناكرش احد صاحي .. هو صحيح انا اذب وانغز الواحد بس ماتوصل اني اكرش
مشعل :ارحمنـي انت وذبانتك ..والله انك سوسه محد يعرفككثري
محمد :طيب ياللي عارفني ..دامك فاهمني زين تقدر تتكهن اناوش سويت
مشعل :لا والله مقدر ..
محمد دخل القصر:هههه لا يكثر يالله فمان الله
مشعل :ان طلعت من عندها دق علي ..فمان الله
وسكـر

نزل من السياره وهو يعدلشماغه على قزازة سيارته ..ويناظر صورته المنعكسه على الشباك
ثواني وجـت نجلا اللي كانت لآبسـه فستان قماشه مثلالاسترتش اسود لـ فوق الركبه بالظبط .. قصة الصدر سكري ومشجره أخضر غامق واحمر معكيلون احمر وكعب اسـود
أما شعرها مستشورتهوصاير فيه لفلفات خفيفه مع ربطه شعره لونها سكري .. وسلساللؤلؤ
التفت ..أبتسم يوم شافها بطولها وجسمها اللي كان حلووساقها الممـشوق ..
سلم عليها ..صافحها ..اول ماصافحها تذكر يوم يصـافح خجل .. حس بتأنيب الضمير وكأنه جالس يخونها وهمتوهم في بداية حياتهم

عرضت عليه انهم يدخلونفالمجلس بس هو قال لها يجلسون برا احسن ..اتجهـوا للجلسه فالحديقه الجانبيه فالقصـر .. وجلسـوا ..
وأثناء السواليف
محمد :الا ماقلتي لي نجلا ..كم عمرك؟
نجلا :اممم 23
محمد رفع حواجبه الـ2بتعجب بس مبتسم :أما.. مب شكلك ابد
نجلا :ليه شكلي اكبر؟
محمد :ههههه لا اصغر
نجـلا :يعني كم ؟
محمد يناظر فوق يفكـر :امممم .. 19
نجلا طارت عيونه :اما 19 .. اوكي جامل بس مو كذا
محمد :ههههه .. طيب اناتعرفين كم عمري
نجلا تميل شفايفهاالقرمزيه بتفكير :لا ..بس اكبر من ناصر ..اعطيك .. مدري شكلك يوحي نهاية العشرين
محمد :29
نجـلا ببتسامه : بينّـا 7 سنين

قامت نجلا :بجيب شي نشربهوآجي
محمد :ماله داعي تكلفين على عمرك
نجـلا :لا شـ دعوه ..دقايق بس

راحت بإتجاه المطبخ ..هي كانت قايله للخدم يجهزون كل شي ..بس راحت تهرب ..ودها تاخذ نفس شوي لأنها كانت مسسستحيه منه مره .. خصوصاً لمايطالع بـ عيونها .. تحس ان وجهها شب نـآر ..

◙◙◙◙◙

- الحمدالله عالسـلامه
أحلام ببتسامه :الله يسلمك ..

جلسـوا وعقب السلام والسؤال عن الحال
احلام :اخبار محمد ؟وملكته؟
ام متعب ببتسامه :امس كانت .. الحمدالله مرته تهبـل
نوره : خساره ياليتك جايه
احلام بـ قهر :مقهـوره مره ..ماجيت يوم تروحون له ولا جيتفي ملكته
ملاك :ههههههه لوني منك سحبت على رجلي وقت سفرته وجيتللملكه والله ماتتفوت
احلام :لا والله .. اخليه يروح لحاله
نوره :هههه تخاف يروح لـالبحرين
احلام :لا حبيبتي الجواز عندي
ملاك :ههههههه لا الحين ماتوا اللي يروحون البحرينبالجواز
احلام مرتاعه :وشلوناجل؟
ملاك :هههههههه بطاقة احوال
احلام ماتبي تصدق :بلا فقش عاد
نوره :هههههههههه إلا والله

◙◙◙◙◙

وهي تمشي متـوجهة له
- انتي هييييييه! ماتسمعين
التفت نجلا ..شافت مرة ابوها ..هذي وش جابها مب وقتها ابد .. :ماسمعتك تناديني؟
ساره : إيه .. على وين ..وهالعصير لـ مين ؟ قولي ولا ترا بعلم ابوك
نجلا عصبت : انتي ليشتقولين لي كذا ..ترا انا متزوجه الحين ..واصلا حتى لو ..مو من حقك ابد
ساره تكره نجلا خلقه ..وتتمنى نجلا ترد عليها عشان تقدرتبرد حرتها فيها ..مع ان هـ الحره مالها مبـرر او داعي
تقدمت لها .. ووخبطت الصينيه من تحت وطارت على فوق .وصختلبس نجلا ..
طالعت نجلا فالاكل اللي انكب والعصير بدهشه وذهول .. صرختبأقوى ماعندها :انتي وش سـويتي .."وصاحت "..انا وش سويت لك في حياتي عشان تسوين ليكذا ؟؟! ..وربـي انتي احقر وحده شفتهابحــياتي
ساره عطتها كف حطت كل قوتها فيه :اووووص ولا كلمه .. ييالله اشوف وريني مقفاك يابنت الذين !!!

وراحت
نجلا ماقدرت الا انها تركض للغرفتها .. لين متى بتعيش كذامع مرة ابوها

مدرِي آنا الليغيرِو"آحسآسيرِقيق "

وآلآقلوِبالنآسّمآفيهآ سعــہ؟!

وصل للغرفتها ..مايدريكيف جته الجرأه يدخل من غير آذن ..سأل وحده من الخدم عن غرفتها .. وهذا هو قدامالباب ..كان الباب مفتوح وفي مثل السيب الصغير .. لما وصل نصه نآدأ بـ أسمها وهويسمع صيآحها :نجــلآ !
سكتت مسحت دموعها بسرعه ..قامت بسرعه بتطلع له .. بس هو دخل .. جت بتتكلم بس ماقدرت لأن شفايفها تسكرت .. ولسانها ثقل ..الظغط ارتفـع
نزلت راسها ومسحت خدهايمكن في آثـآر للدموع ..مسحتها بصعوبه لآن يدها بدت تتشنج
محمد :وش سوت لك ؟
خنقتها العبره .. وصاروجهها احمر .. هزت رآسها بلا ..يعني مافيه شي
لاحظ عليها انها ماتقدر تتكلم ولا تتحرك ..وشكلها تحاولتخفي هالشي عنه ..بس ماتقدر ..لأنها مثل اللي يحاول يخفي الشمس في عز الظهر ..
مسك يدها :بسم الله عليك .. انسدحي.. أرتاحي
عيت ..بس هو ماترك لها فرصه ..شالها وهي حست كأن قلبهامعد يدق لما صارت بين يديه ..حطها عالسرير وجلس جنبهاوهو ماسك يدها والخوف يطل منعيونه ..كانت متفشله منه مره ..بس أبتسمت لأن اول مره يرتفع عليها الظغط من سارهويصير احد حولها ويخاف عليها ..شدت على يده ..حاولت تسترخي شوي عشان تقدر تحاكيهوتقوم .. بس وين تسترخي معه وهو فيه .. ماتقدر تخفي شعورها بالخجل والفشيله لأنهعندها وهي منسدحه قدامه ..وحده في ايام الملكه مفروض تكون اسعد وحده على وجه الارضاما هي تعـآني من هاللحظات القاتله ..
كان ماسك يدها ويحركابهـآمه على ظهر يدها ..قال لها بـ حنيه :اوديك المستشفى؟
هزت راسها بـ لا ..
سكرت عيونها .. بلعت ريقها وهي تدعي ان حالها يتحسن .. اخذت نفس ..

قَلبِي يبگِي ،,,

[أوردتِيتتمزّق..]

" دمِييتعثّر " ،

- مايحدُث -

يفوق طاقتِي علىالتحمّل

اول ماحست انها تقدرتقوم وتتكلم ..جلست لمت شعرها اللي كان شكله ويفي بس طبيعي .. على جنب عشان تخفيالحمآر على خدهاا..قالت بإحراج زايدها حلآوه :آسفه معليش لأني تركتك لحالك تحت ..بس
نزلت راسها ومسحت خدها يمكن في آثـآر للدموع ..
محمد يتفحصها:وش سوت لك؟
خنقتها العبره .. وصار وجهها احمر ..: ولا شي
قرب لها ..بعد شعرها للورا اذنها شاف خدها احمر
محمد طالعها :نجلا منتيب صآحيه ..وساكته؟
نجلا نزلت دمعتها بس مسحتها :هذا ولا شي .."طالعتهوأبتسمت "..تعال ننزل تحت واجيب لك عصير مره ثانيه
طنش كلامها .. مشـى سبابته على خدها الاحمر النـآعم ..هيحست بالدم تجمع وقلبها يدق ..من لمسته
طالعها :هذا ولا شي؟علميني وش خلاها تسوي كذا ؟
نجلا :مو اول مره

محمد استغرب : ليهطيب؟
نجلا : مـاأعرف ..هي من الاول كذا .. وو
محمد بدا يفور:تكلمي نجلا ترا بدت تتلف اعصـابي .. الحيناقوم وأوريك فيها
نجلا قالت بسرعه :لالا .. مجنـون انت عشان ابوي يسوي لنا مشكله .. انا اقولك كل شي
ابتسم :يالله اسمعك

علمته بالسالفه .. عقد حواجبه وهو يخفي غضبه
محمد وكأنه عصب من هـ الساره :طيب ابوك؟
نجلا :ابوي مايدري عني .. حتى اخواني لو بقولهم بيسوونمشكله للسآره وابوي بيدخل فالسالفه وان دخل ابوي اعرف انها بتكون مشكله كبيره
محمد :طيب ؟ واذا صارت مشكله كبيره ..نجلا عاجبك حالك؟
نجلا وهي تمسح دمعتها :خلها تضربني وتسوي اللي تبي .. بسلا يوصل الكلام لأبوي لانه لو درآ بيحطني انا السبب في تسقيط ساره ابوي وأعرفه ..
محمد :تضـربك أذنها ..خلها بس تجرب حظها و تمد يدها .."وكمل يبي يحسسها بالامان لأنه رحمها"..محد يسترجي يمد يده عليك وانا رآسي يشمالهـواء .. وان كنتي مب ماخذه حقك انا باخذه بـ يدي هذي
نجـلا ابتسمت .. :لا .. انا كلها كم يوم وبطلع من البيتخلااص ماله دآعي
مـايدري ليه تذكر يومسالفته مع فهد واريـج .. مشعل قال له ليش ماتاخذ حقك؟ وهو قال انه مايقدر ..
محمد ببتسـامه : صدقـيني محد يفهم موقفك كثـري ..ياللهتعالي ننـزل !
قامت نجـلا وطالعت لبسهااللي توصخ :طيب دقيقه بغير ملابسي واجيك
طالع لبسها اللي امتلىعصير وفيه عليه شوية تشوكلت ..
محمد :اوكي انا بحتريكبـرآ في نفس المكـان
نجلا :اوكـ

◙◙◙◙◙

نزلت وهي لابسه عبايتها .. اللي كانت بـأكمام واسعه ومبطنه بـ حرير وردي مشجر ..
كانت لابسه فستان رمادي ماسك عل جسمها ومبرز مفاتنها .. مع كعب أصفر صآرخ من سنتريـا
اما شعرها اللي صبغتهأسود بدال الاشقر اللي كان طبيعي .. فـ كانت فاكته .. وصاير عاكس لون بشرتهاالبيضـاء

رفع حسين راسه وشافهاأبتسم :هلا بـ القمر
جوان :هلا بك .. نمشي؟
حسين :أكيييد
وطلعــوا ..

◙◙◙◙◙

لما وصلت للجلسهالخارجيه .. عقب ماغيرت ملابسها ..كانت لابسه تنوره سودا هاي وست مع بلوزه بيضـآ كتمتفوخه شوي .. والكعب نفسه

لما شافها أبتسم جلستمعه
محمد فجـأه :هي دايم تسوي لك كذا
نجـلا :لأ اصلاً هي اغلب وقتها برا البيت
محمد رفع حاجب:يعنـي هذا اللي عايقها
نجلا كرهـت ساره اكثر .. خربت مزاج محمد وحسته قلب اوللقـاء لهم تحقيق في شي هي ساكته عنه طول عمرها ولا تبي تحكي عنه ..:......
محمد :نجلا حاكيني .. هي دايم كذا؟
نجلا بلعت عبرتها :إيـه
محمد : طيب جربي قولي لأبوك .. جسي نبضهبس
نجلا بإندفاع :لالالا .. ماله داعي .زي ماقلت لك ابويبيوقف مع ساره والله انا اعرفه .. "وتغير الموضوع"..ماقال لك يزيد
محمد عقد حواجبه :أيش؟
نجـلا : بسافر بعد اسبوع كذا .. بيكمل دراسته برآ ..
محمد مستغرب :مب حاظرين اخوانك الزواج؟
نجلا استحت :ههه الا .. بس يزيد بيروح يظبط اموره ..وبيجيعشان يحظر
محمد :ومحد بيجلس عندك فالبيت الا سـاره .. وابوك طبعاًنص وقته مسـافر
نجـلا سكتت .. هي فكرتفهالنقطه بس حتى لو يزيد فيه ..وش بيسـوي .. وبعدين يكفي ان يزيد ماسافر من الاولعشانها وماتبي تخرب عليه عشان هالكم اسبوع اللي بتجلسها فالبيت مع ساره
محمد ببتسامه : طيب مو إحنـا مملكين
طالعته وخدودها حمـرا .. كأنها عرفت هو وش يبي :إيـوا؟
محمد ببتسامه :تعالي عندنا فالبيت فالفتره اللي ابوكبيسافر فيها
نجـلا هزت راسها بـ : لالا .. صعبه محمد ..وبعدين عندي ندى صاحبتي دايم تجيني يعني ماعلي خوف
محمد ببتسامه :ههههه ترا في في بيتنا امي وابوي وناصراخوي وكله خدم يعني مافي أمل اسوي شي
نجـلا حست كانه بتدوخ لوبتجلس ثانيه وحده معه وهو يقول هالحكي ..تحس الدم تجمع كله بـ وجهها : .....
محمد :ههههههههههههه أمزح وربي .. "رفع راسها وقال برقه " .. طيب وش رايك نعجل الزواج
نجـلا منحرجه :بس انامابعد جهزت ولا شي .. وابوي ماعطاني فرصه وقت الخطبه
محمد :لا حرام ابوك ماله دخل هذا انا ..
نجلا بإحراج : هههه
محمد : طيب وش السـواة؟
نجـلا :انت اللي مكبر الموضوع .. انا تحملتها 20 سنهبتحلمها هالكم اسبوع
محمد :هذاك اول .. الحينلا
نجـلا :ماتغير شي .. واذا قصدك اخواني ..اخواني مايدرونعن ساره من الاساس
محمد :لا مب هذا الليتغير ..اللي تغير انك الحين زوجتي وانا ماأرضى ان احد يمد يده عليك ..
نجـلا حست بالفرح ينكب في قلبها الصغير .. عقب جلستها معههذي .. بتتمسك فيه بيديها واسنانها .. ولا راح تخلي أي احد ياخذ منها ..
يمكن بدري .. بس كل جوارحها حبــته ..
كرهت ساره لأنها خربت عليها هـ الايـام ..كان ودها تتعرفعليه اكثر .. ودها تخليه يسولف عن نفسه وتعرف عنه كل شي ..
قالت بـ حزن : ماكان ودي انك تدري .. ماكنت آبي اشغلكبهالشي ..خصوصاً ان أيـام الملكه زي مايقولون انها احلى ايام تمر عالزوجين
محمد :إن شاء الله ايامنا كلها حلوه .. مو بس أيـامالملكه ..وبصراحه انا احمد ربي اني دريت ..شكلك كتومه
نجلا :هههههه لاوالله .. بس اقصد انه مب وقته انك تدري ..
محمد : إلا وقته ونص ..مفروض من اول ماملكنا جيتي قلتي لي
نجلا :ههه طيب وش اقول اول مبروك ولا اقولك عن ساره
محمد :ولا بعد ..هههههه مبروك اول ..من اولها
نجلا بـ ضحكه :انت اللي تقوله .."وبخجل ".. طيب انت عرفتعني أشياء ابي اعرف عنك
محمد تسند وهو يطالعها :وش تبين تعرفين
نجلا :اممممم .. كيفكانت حياتك اول ؟ وكيف صارت
محمد : ههههه هالسـؤالانسألته كثير .. اممم طيب وش تبين تعرفين بالظبط
نجـلا :امممم كيف روتينك .. كل يوم نفس اليوم .. ولا لا .. ووش اللي تغير عليك
محمد : اممم لا ماكانتروتين .. بس كنت موظف في شركه .. ولما اطلع ارجع لبيت وانام .. هذا هو الشي الليكان دايم يتكـرر علي دايم .. لكن بعد ماأقوم مرات اطلع مع خالي مشعل .. ومرات معواحد من أخوياي فهد ..احيانا اقضي وقتي مع اهلي ..
حطت يدها على خدها وكأن الموضوع جايز لها : انت مو منالنوع اللي طول وقتك طالع
محمد عجبه شكلها وهيتطالعه كذا بكل اريحيه :عادي .. بس ماأحب جلسة البيت كثير .. يعني مرات كذا ومراتكذا
نجـلا :أهـا! .. "وبإحراج"..حسيت اني احقق معك
محمد :ههههههههه لا خذي راحتك .. طيب انتي سولفي لي عننفسك
نجلا :إيش اقول
محمد :ماتفكرين تتوظفين
نجـلا :إلا ..بس انا داخله تربيه خاصه .. ومجالاته انا مبقدها ابد .. يوجعني قلبي لما اشوف معاقين او اطفـال فيهم امراض عموماً
محمد مبتسم :طيب دامك عارفه انك ماتقدرين ليه تدخلين؟
نجـلا :مدري .. غلطة عمر ههههه
محمد :لا يكون داخله عشان صديقاتك بس
نجلا :هههه لا .. خجل داخله انجلش .. ترجمه ..اما ندىداخله إداره اعمال ..
محمد : خجل قريبه منكمره
نجـلا بـ ضيقة صدر تحاول تخفيها :إيـه ..
محمد يطالع فيها :والحين ..اقصد عقب الملكه
نجـلا استغربت من سـؤاله .. ماردت وهي تطالعه .. لـ لحظهشك محمد إنها عرفت كل شي .. بلعت ريقها وسـألت :هي قالت لك شي
محمد :زي ؟
نجـلا :يعني ... أي شي
محمد :يعني بينكم تتـش
نجـلا :إيه تتش بسيط .. زي اللي يصير بين الصديقات .. بسملكتي مالها دخل
محمد بتفحص وجهها :نجـلا ..مافيه شي تبين تقولينه لي
محمد .. كان يقصد الليبينها وبين خجل .. وخالد هاللي مايدري هو مين .. ومجـننه .. اما هي فهمت انه يقصدانها مخبيه عنه غير سالفة ساره
نجلا :لا .. أحس أنيالحين كتاب واضح بالنسبه لك هههه

◙◙◙◙◙

"تسند"- الحمدالله ..
جوان : شبعت ؟
حسين :الحمد الله
جوان تمسح فمها بالمنـاديل :نطلع ؟ .."قامت"..بروح الحمام
حسين :اوكـ .. انا عارفك بتطولين فالحمام .. انا بـ قربالسياره .. لين طلعتي من الحمام تلقيني عند الباب
دخلت جوان الحمام ..هالطلعه كانت حلوه ..زي طلعاتهم هيوحسين .. غسلت يدها وعدلت الميك آب .. صلحت حجابها ..
طلعت برا المطعم .. وهي تشوف حسيت يتقدم بسـيارته الفارهه .. ماأمداه يوقف الا وتجي سياره من ورآه مسرعه وتصدم صدامه اللي ورآآء .. حتى انسيارة حسيت تقدمت .. شهقت جوان وهي تحس إن الدنيا دارت بها .. وكأنها بتدوخ ..
ركضت للحسين وفتحت بابه .. لقت رآسه عالدركسـون ..مدتيدها اللي كانت ترتجف .. وقلبها يضرب ويضرب .. لما حركته وضـح لها انه فاقد الوعي .. حاولت تحركه وهي خانقتها العبره ..
جوان :حسين ..حسين !!!!! ..
حست بـ سياره تمر من جنبها .. وبسرعه شطفتها .. عرفت انهذا اللي صدم حسين .. ودها تروح له وتذبحـه ..سمعت جوال حسين يرد واخذته ..
وردت من غير لاتناظر المتصل
جوان :آلووو ..مييين؟
الطرف الثـاني سكت ..عادت جوان مره ثانيه :آلوووووو
الطرف الثـاني بـ صوت سآآخر:متعوده تردين على جوالحسـ
قاطعته وهي تصيييح :فيصل!! ..فيصـل تعال لنا في مطعمفدركرز ..بليز تعال حسين ماأعرف وش فيييه
فيصل أرتاع :وش فيييييه؟
جوان مب قادره تتكلم من البكـى : حسين صدمته سياره ..تعـــــال !!!

نهـآية البارت