07-25-2011
|
#27
|
◙◙◙
الجزء الثــآمن عشـــر..!
◙◙◙
طالعت شكلها في المرايه .. وهـ الهالات السودا اللي تحت عيونها .. وشعرها الباهت ووجهها اللي صاير اصفـر ..
فتحت المغسله .. وغسلت وجهها .. رفعته تناظره .. ماكأنها سوت شي تحسب ان المويه بتمحي هالصفار .. او يمكن العار اللي يمشي في دمها بـ سبب إيمان
طلعت من الحمام وصادفت امها ..
ام عبـدالله : مرام يمـي! ..وجهك اصفر تعبانه؟
مرام تجلس عالسرير وتمسك كتابها :مافيني شي .."وبـ همس"..أبي اموووووت!
هازلٍ جسمي وناحل|||من جروحي كم نوع ؟
....جرح غدر
.....وجَرح بُعد
.....وجَرح ضِيقه واغتراب !
دخـل عبدالله وعينه تطفح غضب :مـــرام يابنت الكلب ! .. وين الـ 100 اللي كانت في جيـبي
مرام ترمي كتابها بـ ملل :يــاليل ..يابن الحلال ماأخذت منك شي
عبدالله قرب لها ورفعها مع شعرها :حاكيني زييين انا اخوك الكبير..قولي لي وين الـ 100 ريال يالله لا أقطع لك شعرك !!!!
ام عبدالله :انا اخذتها ياعبدالله وانت نايم
التفت لـ أمه :يمه لاتدافعيين عن هاللي ماترتبت
ام عبدالله بـ قل حيله :الا انا ماخذتها والله ! .. كنت محتاجه فلوس ومالقيت فلوسي في شنطتـي .. ورحت اخذ منك وكنت نايم ولا حبيت اقومك
تركها وطلع من الغرفه معصب .. رمت مرام نفسها عالسرير وهي تصيح
جت امها تهديها بكرسيها المتحرك .. وتمسح على شعرها :خلااص يامرام انتي تعرفين اخوك .. عصبي لا تصيحين تقطعين قلبي
بس هي ماكانت تصيح على اخوها لانها تعودت
كانت تصيح لأنها هي اللي سرقت الفلوس من شنطـة امها ..شوفوا لين وين وصل لها الحـال
◙◙◙◙◙
كانت جالسه هي ونجـلا يطالعون مسلسل عالاب توب .. ودموعهم أربـع أربـع .. يوم خلص المسلسل
انسدحت خجل عالسرير وهي تمسح دموعها :الله ياخذك ياخايسه .. وش هالمسلسل
نجـلا تضحك ولين الحين في آثآر الدموع :هههه قلت والله ماأشوفه لحالي معطيتني اياه حنان اللي معنا فالجامعه .. وتقول يصييييييح
خجل:إيه وانا وش دخلني فيكم ..
طـق طــــق
نجـلا : أدخـل !
دخل يزيد .. أبتسم :هلا خجل
خجل تجلس :أهـلا
يزيد أرتاع من دموعهم :وش فيكم تصيحون
نجـلا :ههههههه كنا نطالع مسلسل
يزيد :وشو المسلسل؟
خجل  ne liter of tears
يزيد : وش هذا ..جديد ؟
نجـلا :لا ..كوري مدري يباني .. بس يصييييييح
خجل تناظر نجلا بـ نص عين :يصيح وبس ؟ ..بغآ يجيني شي
يزيد :حطييه لي أياه في فـلاش .. بشوفه
خجل : ماأنصحـك
يزيد :ماعليك ..تحدي مع الذات ..بناظره انا ومشاري
نجـلا :هههههههههه طيب !
◙◙◙◙◙
أنفتح الباب .. وتسلسل النور الخارجي لـ برآ
قامـوا هيله وناصر .. بس هيله انصدمت يوم شافت ان اللي فتح لهم الباب رجال ماتعرفه ولا شي .. توقعت انه صديق ناصر .. لأنه كان يوصف له مكان الستودع ..بس مااجا في بالها انه هو اللي بيفتح الباب
خـافت لا يسوون فيها شي
لالا .. إن شاء الله لا .. لأنها كانت معاه فالمستودع لا سـوآ لها شي
أبتسم طارق :ههههههههه هذي آخرتها تنحبس في مستودع ياناصر!
ناصر يرقـى ومطنش هيله ..لين وصل عند خوويه ..قال بصوت عالي :آآآآآآآلله ماأجمل الحريه
لفـوا عطوها ظهورهم ومشـوا .. ارتاحت هي يوم طنشوها
تذكرت الاغراض اللي تبي تاخذها ..نزلت تاخذ الاغراض ..وهي بترقـى كان ناصر واقف وماسك الباب ومبتسم ..شكله تذكر انها الحين لحالها
اتسعت عيونها ..وش بيسوي ..أكيد يسكر عليها .وهي مامعها جوال عشان تدق على احد وتستنجد به
ناصر:تدرين كنت بخليك هنا ساعه ..ساعتين ..3 ! .. بس .."ويرفع يده اللي فيها الجرح"..عشان هذا الشي..بخليك تطلعييين !
جا طارق ومسك كتف ناصر : نويصير امش يالله بس ..تلقى امك تسأل عنك
ناصر: أبتعتبر هاللي سويتيه في يدي إعتـذار عن يوم ترفعين صوتك علي
هيله بـ سخريه : لأ هذا مب إعتذار ! .. تقدر تقول رحمه وشفقه .. وتدخل معاها الصدقه شوي ! ..نحتسب الاجر فيكم
عصب ناصر وتوه بينزل يصفقها .. مسكه طارق : نــاصر يآخي خلها خلاااص!
ناصر :انت ماسمعت وش تقولي !
طارق: ولا عاد انت اللي ماقلت شي .. امش يـ الله !
ناصر منـفعل ومعصب : مالك دخل انت .. خلني !!!!
طارق: ترا ان جا احد وشافنا .. مب صاير طيب
طالع ناصر هيله بـ نظرات إحتقار ..ورآح .. وهالنظره تحمل في طياتها الكثير من التهديد !
◙◙◙◙◙
ضمت اختها وفجرت سيول من الدموع .. واختها بعد مب احسن حال منها ..
قال ولد عمها وهو يحك راسه ماوده يقطع عليهم هاللحظه : أقول جوان !
جوان : .......... "تـصيح "
خالد : جوان ترا طيارتك بتطير .. يالله وانا واخوك !
جوان وخرت عن اختها وهي تمسح دمعتها : انتبهـي على نفسك يا جوجو ! .. وادخلي المسن دايم ولاتطقعين !
الجوري تبتسم وهي تصيح :إن شاء الله !
طالعت جوان خالد .. أبتسمت له ..تبي تقوله قـل لأبوك يرحمني ويخليني عندكم ! ..بس تخاف تحكي
يطيح كبرياءها .. كرامتها ماتسمح لها !
سلمت على خالد بالكلام .. وراحت للصالة المغادره
كانت تطالع الناس اللي بتسـافر .. كانوا يودعون اهلهم وكـلاً متيقن ان ربي كتبه له عمر ! ..بيرجع من جديد لـ ديرته واهله
نزلت راسها وهي تسحب شنطتها .. ودموعها تطيـح عالارض !
◙◙◙◙◙
أمشيْ " غِريبْ " وَدآخليّ ألِفْ دولِة !
وَ أطِآلعْ الدنِيآ بـ/نِظرآتْ مّذهِوْل
شِفتْ أبسَطْ [ آحِلـاميّ ] تِموتْ بـ/سِهوْلة
وَ الصِمتْ عنّ خِوفْ الحِڪيْ ڪانّ مسئِؤلْ
◙◙◙◙◙
كان سطام طالع من الشركه وهو معصب من ذب سامي له اللي ماينتهـي ابد
شاف سياره قبال باب الشركه كان واقف .. عمـره طويل
صدق اللي قال عمر الشقـي بآقـي!
التفت سامي وأبتسم لـ سطام ..وهو طنشه ولا رد له الابتسامه ..
ضحك سامي : سطـام ! .. ياخي وراك معصب ..
سطام يمشي وتاركه :............
سامي :آهـآ ! .. يمكن وحده من هاللي مسربتهم ماعطتك وجه
رص سطام على اسنانه ولف .. أنصـدم يوم شاف فهد معه ومبتسـم ..صدق صار بزر وعقليته في مسـتوى عقلية سامي ! ..ويمكن أقـــل بعد
أحبَـََـَـآبُ..
كآنوٍآ قدرٍهـَـَمٍ
فوٍق الَأصحٍ'ـَـآبُ.. !!
خٍ'ـَـــذتهمٍ الدنيـَـَآ بعٍ'ـَـيدُ. .
وٍخـَـَـذتنيُ!!
تعبـَـَـتُ أدّوٍر مثلهمٍ..
فعلَـاً أحٍ'ـَـبآبُ!!
فيُ وٍقـَـَـتُ ..
حتىُ ضحٍ'ـَـكتيُ. .
تعٍ'ـَـبتنّيُ!!
قرب له .. ومسكه مع ياقة قميصه ..وخبطه فالسياره وعيـونه حمرآ من العصبيه
سطام :قسسسم بالله يـا سامي ان ماأحترمت نفسك ..إن يجيك شي عمرك ماشفته
سـامي أبتسم بستخفاف : أقول سطام وخخخر! .. تراك مب قدي
نزل فهد .. : سطام وخـر احسن لـك !
سطـام طالع فهد وصـرخ فيه :انت آخر من يتكلم ..وربي مادريت انك سبيـكه كلمه توديك وكلمه تجيبك !..شف ترا والله واللي رفـع سبع ! ..ان ماذلفت عن وجهي ان اخليك تعض الارض !! ..
سكت فهد لأنه يدري بـ سطام من عشرته له قبـل .. أنه هادي ..وهـادي وهـادي .. ويمكن مايعصب بس ان عصب عصب بـ عنف ! .. ولا يفكر لا بـ عقل و قلب !
سامي بـ تهديد :شف ترام بتندم
مسك سطام رقبـة سامي ولزقـه بالسياره لين اختنق .. ووجهه صار ازرق .. حاول فهد يفكهم ..بس كان سطام في حالة غصب ماتسمح له يفكر او يتراجع شوي
وكأنه يفرغ كل شي فيه في سـامي
-سطــــــــــام !!! ..وخر عنه !
بعد سطام يده يوم سمع صوت المدير .. التفت وكان المدير معصب :وش جالس تسوي انت ويـأه .."ناظره" ..هذا وانت العاقل ؟!
سطام عض شفته وده يقوم يضرب المدير حتى ..بس ماسك نفسه بالعافيه .. شد قبضة يده ..
المدير :المشاكل مهما كانت ماتنحل بهالشكل
سفـهه سطام وراح للسيارته .. ركبها وشخـط فيها لـ أي مكان يقـدر يصير فيه لحاله !
◙◙◙◙◙
يا دِنيَا الهَمْ . . { يڪفيّني
وِرِبي ضَ‘ـَاقت سِنّيني ~
أح‘ـَاڪِي نَفْسِي , وِ أتآلمْ
وِ هـ [ الطعْنات تنّهِيني ] . . !
◙◙◙◙◙
حطت راسها على الطاوله .. وهي تحس بـ صداع ..قالت وكأنها تهذي :ليه سويتي فيني كذا يا إيمان ؟ ..أبي اعرف بس وش سويت لك
إيمان تضحك :هههه حلوه هذي سؤالك غبي ..أسمحي لي حبيبتي
رفعت مرام راسها :لا والله مب غبي .. ليه تبيني ادمن ؟
إيمـام :إبليس يوم عرف مصيره انه فالنار ..قال لـ ربي انه بيغوي الناس ويسحبهم معاه فالنار ..ليه ؟ ..عشان مايدخلها لحاله ..
مرام بـ غباء: طيب ؟
ايمان : وانا ماأبي ادمن لحالي !! .. فهمتـي
مرام : انتي من الاول تعطيني حبات ؟ .. انا اعرفك من سنه ونص .. ماكنت ادري انك مدمنه
ايمان :انا مدمنه من يوم كنت في ثاني ثنوي .. بس ماحبيت اخليك تدمنين معي الا لما تعرفيني زين واظمن انك بتاخذين مني الحبه من غير لاتسألين بثقتك فيني
مرام :وصـرتي مب قدها
ايمان بلآمبالاه: مب مهم اهم شي انك ادمنتـي
مرام شوي وتنجـن :شلون من اول مرره !!!
ايمان :المخدارت انوااع ..وفي منها اللي من اول مرره يدمن عليها الشخص!
مـرام :لو ادري انك واااطيه كان ماصادقتك .."وتحط راسها على الطاوله وتخبطه فيه"..يـاليتني ماعرفتك ..يااااااليت!!!
ايمان :حبيبتي ماينفع الحين ياليت ! .."خذت شنطتها وقامت".. المهم انا بطلع
مرام رفعت راسها وقامت معها :انتــظري !..حبوبي خلصت ..أبغـآ حبوب
ايمان تمد يدها : هاتي فلوسك
مرام بـ تردد : مامعي الحين .."وبسرعه كملت "..بس والله والله بـ سدد اللي علي!
ايمان :هههاااي ..مايصلح كذا ..خالي يعيي
مرام :خالك اللي يعطيك
ايمان :أيه .. وهو الحين يحتريني لازم اروح ..تشــآو !
مت ايمان ومرام تلحقها .. وتترجاها انها تبي حبوب
اخر شي قالت لها ..
ايمان وهي تلبس طرحتها على راسها :اقنعييه انتي بنفسك ..انا اعرف خالي مايعترف بسالفة الدين !
مرام تاخذ عبايتها : طيب طيب ..لحظه
و طلعــوا
مشت مرام مع ايمان .. وراحوا عند سيارة خال ايمان اللي كانت فـارهه .. طلت مرام من الشباك وشافته ماكان كبير .. كان في بداية الـ 30
ايمان :بعدي شوي ..بكلمه ثمن تعالي !
بعدت مرام ..فتحت ايمان الباب ..وطنمت شوي وهي ماسكته وتكلم خالها
.. كانت الثانيه تهز رجولها .. حـر وهي جالسه تنتظر ..بس لازم لأن لها حاجه عندهم ..ولا تسمع شي من اللي يقولونه
ايمان :مــــــرام ! ..تعالي
قربت مرام ..وطلت من الشباك ..
تكلم خال ايمان قبل لا تتكلم هي :أسمعي يا مرام .. انا إنسـان متعاطف واقدر اعطيك اللي تبين من غير فلوس ان بغيتي
مرام رفعت حاجبها بـ شك :من غير فلوس ؟..بس اللي فهمتـه من ايمان انك تبي مقابل وعن كل خبه مية ريال
ضحك : ههه ..إيييه هذا بعد مرخصين السعر عشانك .. لانك صديقة ايمان ..بس اللي ابيه منك شي معنوي مو مادي ..لأن حسب علمي انتي ماتقدرين عالماده
مرام تسأل :وش بغيـ....
ماكملت كلامها الا وايمان تدزها عالسياره وسكت الباب ..قفـل هو السياره ..ومشـى بسررررررعه فيها وطلع عن حدود الجامعه وسط صرخات مرام واستنجادها !
مرام تصيح :وش بسسسوي فيني ؟..نززززززلني تكفى نزلنـــي !
لكنه مارد
◙◙◙◙◙
كان راجع ..وشكل توه متسـوق .. شاف امه في وجهه
ام سعود : وش عندك رايح السوق ؟
سعود يعطي الاكياس للسواق اللي دخل ورآه .. وقال : إيه رحت اجيب كم شي للديمـآتي
ام سعود تبتسم : الله يخليها لك ويخليك لها ..
سعود :آمين .. "وأتجهه للدرج "...انا رآقي لها !
◙◙◙◙◙
دزهـا على غرفه داخل شقه مافيها الا هـي .. وهو !
مرام بترجي وميتـه صيآح :الله يخليك تكفـى ..تفكـى دور احد غيري مو انا
شال عن راسها الطرحه .. وشاف وجهها .. لو كان احد ثاني يملك ذرة قلب ماأتوقع بيقدر يقرب لها ولا يلمس منها شعره .. مـرام إنسانه قمه فالبراءه ولو بيشـوفها احد غير هاللي مابينه فرق لا هو ولا الحيوان يمكن يرحمها ..
خـال إيمـان : مخليك تدمنين عشان سواد عيونك ! .. أكيد لي غايه من هاللشي !
الْألَمٍ | وٍآلْهَمٍ | وٍ آلخوٍفُ آلدفيْيْيْن ~
وٍآلشقىْاْ وٍ آلضيْمٍ وٍ { آهآتُ آلعنآ’ . . !
وٍاْلْأسىْ وآلظلمٍ وٍ ’’ آلدمَعٍ آلحزٍينْ ‘‘
كلهَآ’ أسْمَآْءْ وٍ آلمُعنّآ‘ ( اْناْاْاْإ ) . . . !
كلهَآ’ أسْمَآْءْ وٍ آلمُعنّآ‘ ( اْناْاْاْإ ) . . . !
كلهَآ’ أسْمَآْءْ وٍ آلمُعنّآ‘ ( اْناْاْاْإ ) . . . !
◙◙◙◙◙◙◙◙◙
مرت 3 أيـام .. وكل يوم نفس اليوم اللي يسبقه المشاعر نفسها
والظروف
الحـزن نفس الحزن .. والفـرح بعد نفسه
"قالت وهي تصفق يديها " – وش بنسـوي ياعبدالله علمني ..مصييبه وطاحت على روسنا
قامت تدور فالغرفـه ..وكأن الارض على وسعها معد شالتها ..وقفت قدام زوجها ووجهها احمر من العصبيه : عبـدالله لازم تتصرف سيرتنا على كل لسآن ! .. "وتأشر على نفسها "..الجيران واهلي قاموا يعايرووني ..يعايروني بأختك المدمنه والمغتصبه!!!
عبد الله يفرك يديه بحـره وعصبيه : جـواهر أسكتي يرحم لي والديك !! .. انا جالس افكر وش اسوي !
جواهر :هذي مايبي لها حكي ! .. اذبحها .. ولا ودها لأحد دور الرعايه ولا الاحداث!
عبدالله طارت عيونه :صاحيه انتي .. ولا مهبووله ..تين ننفضح
جواهر بـ قهر : زوود ماأحنا مفضوحين ؟ ..يفكي الجيران شوم شافوا اختك طايحه عند باب البيت بعد يومين من فقدناها مرميه عند الباب وماعليها الا عبايتها !
عبد الله :بس ولو هذا مايمنـع ان فيه ناس مايدرون .."سكت شوي وكمـل " ..أسمعي انا افكر اخذ زياده على راتبـي وأسفرها برآ ! ..وارجعه بعدين كـ دين
جواهر :وبيطيعونك آل "....... " زياده ..أقصد بيسمحون تاخذ زيادة راتب ؟
عبدالله :بشوف ابو سعود ولا ابو محمد .. هم السمحين ..
جــواهر :بكيفك ..المهم لازم ننقل من هالحي بأسرع وقت
انا انكّسْرت مثل مآ ينكسر الزجآج وٍ [ * انتهيـــَـَـَـَــــت !..
وهي ممـدده ..وتطالع السقف وهذا حالها من يوم لقوها اهلها عند باب البيت مرميه ..ماتاكل ..ماتتكـلم ..ماتضحك .. مافي أي شي يدل على ان هالادميه حيـه أبد
كانت دموعها تنزل ورآ الثانيه بكل هدوء .. ولا ترمش بعينها ابد .. أنفاسها كانت منتظمه ..
امها عجـزت فيها تاكل تقوم تسوي أي شي ..بس مــافي أمل
توها ماخذه حبه ..بأذن اخوها اللي مفروض انه بيحل الموضوع .. لأنه مايبي يوديها للأمل.. وعلى حسب كلامه .. لاتفكر مجرد تفكير بس انها بتروح للدكتور او مستشفى خوفـاً من الفضيحه !
دخلت امها وقالت بصوت يبين انها مب احسن حال من بنتها : مرام يمي ماتبين اكل ؟
مرام :...............
ام عبدالله شوي وتصيح ..بس بلعت عبرتها وشربت دموعها وقالت وهي تقوي نفسها : مرام حبيبـي مب زين هاللي تسوينه في نفسك قومي الله يرضى عليك
مرام بـ دمعتها متعقله في طرف رمشها..ولا رمشت ولا صدر منها أي حركه :.....................
مقعوله هذي نهـآية مرام ..فضيحتها على كل لسان ... ليه انها مجـرد حبت واحد وكانت تلجأ للصديقتها ..
/
أيمان تجلس عالطاوله وتحط شنطتها جنبها :وش فيك؟
مـرام خانقتها العبره : انا مليت .. مليت من عيشتي من كل شي ! .. ابسط احلآمي ماتتحقق ..
إيمان : مرام وش فيك وش يخليك تقولين كذا
مرام تصيح : أكرهني واكـره عيشتي ..ياليت الواحد يقدر يختار اهله ..يالييييت !!
ايمان : هذا اكيد عبدالله اخوك
مرام :تخيلي يا ايمان امس ضربني من غير سبب مقنع .. يقول انتي تعديتي على مرتي بالحكي .. من زييينه هو مرته جلعهم الموووووت يارب ..
إيمان بغموض : انتي محد بيحل مشكلتك الا الزواج ! .."تتذكر"..الا حليتي زين بالاختبار
مرام : من طقني عبدالله ماقدرت أذآكـــر
إيمان سكتت شوي تناظر تحت ثم رحفت راسها : عندي لك حل .. انا مجربته
مرام رفعت راسها وقالت ببلآهه : إيش ؟
إيمان ترفع شنطتها : عندي لك حبه يامرام .. تخليك تنسين ابو الدنيا .. وتقدرين تركزين بالمذآكـره
/
يعني هي الحين جالسه تدفع ثمن حبها للشخص مادرآ عنها ..
ولا لأنها وثقت في الشخص الغلط اللي استغل مشاكلها ؟؟!
ولا لأنها تربت على يد اخو مايقدرها ولا يحترمها .. ولا يعاملها كـ آدميه ؟
◙◙◙◙◙
تحْتضرٍ بآلبّرٍدِ | وٍرٍدَهْ ‘
دآيْم تنآديّ بـ آلوٍفـآإ . . !
جيْتُ بأحْضنْهآ وقآلتِ :
[ حبّه‘ لأإزٍمُ يحْترٍق ]
كنتْ أبيّ أيَد . . ‘
تكوٍنٌ بآلشَتآ | معطَفّ دفآ . . !
مآ لقيْيْيْتّ ‘
وٍمَآ تقصّ'ـَـًرٍ . . !
جيْتُ بآخرٍ مفترٍق . . ‘
وٍمآتتْ آلوّرٍدَهْ بـ إيدينيّ }-
آهـٍ يآ حيْفُ | وٍ آفآآآ . . !
يحْسبُوٍن إنْ آلمشآعرٍ تسْليَه ‘
ولعْبَة وَرَقٍ . . . !
ولعْبَة وَرَقٍ . . . !
ولعْبَة وَرَقٍ . . . !
◙◙◙◙◙
وهو نازل هروله من الدرج ويحط جواله في جيب البنطلون حقه .. نزل رواه اخوه اللي كان يناديه
متعب :سـطام وش فيك مسرع كذا ؟
سطام وقف وكانت امه تحت .. قال واثنينهم يسمعون : المستشفى داقين علي عشان أبوي ..يقول طالبنـي
متعب : طيب انا جاي معك اصبر بغير ملابسي ..
ورقـى فوق
جآ سطام.. لحقته ام سطام :سطام يـآ أبوي دق علي علمني وش صار على ابوك ؟ ها
سطام :إن شاء الله
طلعوا .. تو سطام بيركب سيارته ..إلا جته 4 دوريات من كل جهه ..أرتاع فالبدايه ظن انه مب له ..بس كانوا محاصرينه من كل جهه ..
كانت‘ يدينيِ باردة..!
.................باردة...!
................باردة ..!
رجلي]
فـ مكِانيَ تسمرتِ...
- سطام بن فهد الـ"........"
سطام يسكر بابه وقلبه ينبض ويحس الدم تجمع في رآسه : إيه وش السالفه ؟
آشر لهم الشرطي وفتشوا السياره .. ناظره سطام :وشو ليه تفتشون سيارتي ..فوضه الدنيـا ؟
الشرطي مارد ..كلها دقايق وطلعوا من تحت المرتبـه كيسه صغيره بيضآ
قدمها الشرطي للشرطي الثاني اللي واقف قدام سطام ..سطام طارت عيونه من هذا الشي اللي معاهم
الشـرطي : تعال معنا لو سمحت
سطام :خـير ؟ ..وش سويت عشان تاخذووني ؟
الشـرطي يمسكه :أقول تعال لاقين مخدرات وتقول وش مسوي ..
تع‘ـَالْ وِزُورِني يَا [ِ مُوِتْ ]ِ . . !
ح‘ـَرِامْ أقعَدْ أنتظْرِڪْ
وِ تقعِدْ بَسْ (ِ تِنَاظرِني )ِ
وِتحسِسِ‘ـَني بـ قُرِبِڪْ لِي . . !
وِ تُروِحْ بعِيدْ " وِ تنساني "
تع‘ـَـالْ - وِ دفّهَا أطْرَافِي –
وِ ڪِفنّي . . {ِ بـ وفا يامُوِتْ ~
وِ ڪِفنّي . . {ِ بـ وفا يامُوِتْ ~
وِ ڪِفنّي . . {ِ بـ وفا يامُوِتْ ~
◙◙◙◙◙
مرت 3 ايام عالمصيبه اللي طاحت عليهم ..
الحين 3 أيـام مرت ولا في أي حس ولا خبر عن جود .. وأول مافقدوها قالت الشرطه لـ هيله ينتظرون 24 ساعه ..إن مالقوها بدوا يدروون عليهـا
وهذي 3 أيـــام مرت بلياليها ولا في حس ولا خبر عن جود
ام هيله اللي في فراشها منسدحه :هيله تكفيييين روحي شوفي كان في أي خبر عن جود
هيله شوي وتقطع شعرها من كثر ماهي تفكر وين تلقاها :يمه وش تبيني اسوي ..مابقى شي ماسويته ..رحت للمدرسه سألت عنها عند صديقاتها والمدرسه .. مابقى مكان الا دورت فيييه !
ڪليّ ع‘َـَنآإ وٍبع‘َـَضيّ جرٍوٍحُ . . " دفينهـﮧ "
آقوٍوٍمُ وٍآإقع‘َـَد مآآع‘َـَرٍفُ وٍينُ آرٍوٍحُ . .
ضآيقُ وٍض‘َـَآ’قٺ بيّ ليـآإل --{ ح‘َـَـَزٍينهـﮧ
آبڪيّ وٍلوٍ آبڪيّ مآفآدنيّ آلنوٍوٍحُ !
مال للمستواها :أسمعيني ياجود ..رجعه لأهلك ماراح ارجعك الا لما يصفـى كيفي ..بس اللي ابيه منك شي واحد
جود بلعت ريقها :أيش ؟
ماجد : انا إنسان انا واخويـأي نشتغل اعمال حره .. كل واحد ووشغلته وفي آخر الشهر كل واحد يقبض .. اذا تبين تنظمين لنا .. ولا تصيرين تحت وصايتي انا !
جود : وأهلي .. صدقني هم خايفين علي والله والله ماأعلم احد ورب الكعبـه !
ماجد جلس وكمل كلامه : عندي لك كم شغله .. بس اظمن وحده انك توقفين عند احد المجمعات ..وتدخلين الشباب .. عن كل فرد 300 ريـال
جود تبي تقوله انه تبي ترجع .. بس شكل ماله نيـه ابد ..شكله عنيد وراسه يـابس .. وله شخصيه قويه
جود :بس اخاف .. والله اخاف يسرقووني ولا شي
ماجد : وانا مجنون اخليك لحالك .. بس انتي وافقي .. ولا ترا بتظليين محبوسه هنا طوول عمرك
ارتاعت من فكرة انها تكون محبوسه .. فكرت انها لو راحت لأحد المجمعات يمكن تقدر تهرب منه .. قالت :أوكييه ..بس والله ماأعرف واخاف
ماجد يعدل جلسته :اوكي .. راح تاخذين فالشهـر 1500 ..هذا طبعا ان كنتي مطيعه راح ازيدك ..غير الدلع اللي بتلقييينه مني .. شنط وملابس وكل شي يخطر على بالك .. حتى ان بغيتي سفـر ..بس اسمعي كلامي
هي ماصدقته .. وحتى لو صدقته وش تبي بالشنط والملابس والدلع وهي بعييده عن اهلها ..بس الخوف يجبرها توافق عليييه .. وتشتغل زي مايبي هو وبعدها يحلها الله
///
جلس جنبها وهي تصيـح ..مسك كتفها وجلس يواسيها :خلااص يابنت الحلال..يعني بكاك بيشفي اختك وابوك ..مالك الا تدعين لهم
نوره وهي تصيييح :انت لو شفتها يا احمد ..وربي تضييق الصدر تخيل شـلل ..واختي مابعد كملت الـ 18
احمد :وش تسوين بعد يانوره .. لو بيدنا شي كان سويناااه
نوره تناظر احمد وعيونه مليانه دموع :خل نوديها برا
احمد : انتي سمعتي الدكتور يوم يكلم مشعل .. مافي امل في الوقت الحالي لا برا ولا هنا .. وبعدين خلي نفسية اختك تتحسن ..ولك مني انا اوديييها للأحسن مستشفى فالعالم
نوره ارتاحت شوي :وعــــد ؟
احمد : وعديـن !
ولو انه قد اخلف وعد قطعه عليها مره ..بس هي تبي توثق ..
احيانا مانفرق بين الواقع ورغبتنـا !
لاإأآ تكون شمع’ـه لمىا أقرب منهىا
ألآقي دفآ وح’ـنآن"
ويوم ألم’سهىآأإ أحتــٍرق!!
,,,,,,,,,,,,,,,,,,,,,,,,,,,,, أحتــٍرق
◙◙◙
الجزء التــاسع عشـــر..!
◙◙◙
(الفـصل الاول)
- ميين ؟ .. هالمريض معقوله قام ؟
قالت النرس بحماس :إيه تخيلي يقولون انه من اكثر من 20 سنه داخل في غيبوبه وفي واحد من عايلة آل "......" كان يبي يدفع ملايين عشان يقوم بس مافييه آمل ..وهذا هو قـام
النرس الثانيه تمسك ذقنها وتفكر :عشان كذا الدكتور رآح ركض للتلفون اكيد داق على هالرجال ..بس وش مصلحته ؟
الاولى : قصدك الدكتور ؟
الثانيه :لاااء ! ... الرجال
الثـانيه : مدري والله علمي علمك !
◙◙◙◙◙
مسكت قلبها وقامت : يمــه ولدي !
بلعت ريقها وهي تتـنفس بصعوبه وتحس قلبها قابضها .. اخذت جوالها وعلطوول على أسم نــاصر
ثواني وجـاها رده
ناصر وصوته فيه النوم :هـلا !
ام محمد بـ روعه :ناصر!..ناصر فيك شي يــآبوي ؟
ناصر فتح عيونه وصحصح :وشو مافيني شي ؟
ام محمد :متــاكد ؟ ..ناصر لا تكذب
ناصر :والله العظييم ان مافيني شي .. وانا فالشركه الحين وان ماصدقتيني كلمي طارق هذا هـو
ام محمد تحس ان فييه شي : طيب ..
ناصر :كنك مب مصدقه ..يمه اقسسم لك بالله اني جالس فالمكتب
ام محمد :أبوك ؟
ناصر:عنده اجتماع بيبدا بعد نص ساعه .. وهو الحين عند عمي مبـارك
ام محمد :مايقدر يكلمنـي؟
ناصر :لا ..مب راد عليك
ام محمد : طيب يالله فمان الله
سكرت ام محمد من ناصر وقلبها ناغزها ..تحس انها داخل متاهه ودوامه .. ماتدري وش تســوي
قلبها بـ الحيــل ناغزها
انسدحت وهي تتعوذ من الشيطان .. وفي سـؤال في راسها
معقــول محـمد فيه شي ؟
ظنـأي محمد أكيد فييه شي كبير ومخليني اخاف عليه
قامت توضى .. فرشت سجادتها وجلس عالكنبه وكبرت .. صلت لها ركعتـين وقبل لاتسلم دعت وهي رافعها يدها بـ خشوع وتـذلل
ام محمد : اللـهم ياسابق الفوت ..ويـاسامع الصوت وياكاسي العظام بعد الموت ..صلي الله اللهم على محمد وعلى آله وصبحه وسلم ..واجعل لي من همـي فرجاً ومخرجاً انك تعلم ولا أعلم وانت علاّم الغيوب اللهم انك تخرج ولدي محمد كانه في مصيبه .. اللهم انه تثبـته ..يارب ثبــته ! .. كانه في مصيبه ياااارب ثبـته ..يارب اجمعني به يـــارب ! ..عاجلا غير آجل
◙◙◙◙◙
وفي إجتـماع لـ هذي العائله المرمـوقه ..في أحد شركاتها "الكثيره" كان ابو محمد جالس وقباله عمه "مبارك" وجنبه ولده حمـد
ابو محمد ببتسامه :إلا ياعمي وش اخبار عبدالعزيز .. وولده .."يحاول يتذكر"..نسيت اسمه
مبارك :مهب لازم تتذكر وانا عمك .. لأنه مايشرفنا انه يكون ولدنا
ابو محمد بهـتت إبتسامته وهو عارف الاجابه : وليـه عاد ؟
مبـارك : انت تدري يا عبدالرحمن انه من ام مب من آل "..." .. يعني مهب ولدنا
ابو محمد سكت ولا حـب يتكلم .. دايم هالتفكـير ملازم اهله ..بس وش يقول مهما كان ذا عمه .. وكبيـر عايلتهم ..وأخو ابوه "محمد"
مبـارك يكلم حمد بصوت واطي : الا وينه عبدالعزيز ؟
حمـد بصوته الرخيـم :مدري والله ..دقيت عليه بس مارد علي !
◙◙◙◙◙
وهو جالس وعينه على فـوق .. ثاني رجله وماد يده متركي عليها .. يتنهد ويفكـر كيف يخلص نفسه من هالمصيبه اللي طاح فيها
أكيد انه سامي الله لا يـحلله ! .. لا هـو ولا فهد
عض شفايفه وهو يبـي ينتقم ..خل بس يطلع والله ان ينتـقم لو كان هذا اخر يوم له في حيــاته
صار يهز رجوله يحس ان جلوسـه هنا موت بطيء ..
ولا المصيبـه انها قضية مخدرات !! ... مخـــــدرااات ..يعني هذي فيها يـا إعدام او سجن بالقليل 10 سنين ..ويمكن فيها جلد وحـوسه !
تنهـد وهو يدعي ربه .. هو مظلووم ..ويـــــاكم انظلم !
كيف أبصبر؟
و الصبر في القلب ذاب !
وقف وقال :مخدرات مره وحده ياسامي ؟
سامي يجلس عالكرسي وهم في كوفـي شوب : وش فييك انت ؟..انت ماشفته يوم يضربني؟
فهد يجلس :بس ولو ماتظلمـه ..مب مخدرات عاد
سامي ..يــاليل الخوافين :أسمعني يافهد انا اللي اعرفه ان سطام يجي منه .. وبعدين لاتنسى هو وش سوآ بأختك ..يعني بغآ يضيع شرفك ..يرضيك ان واحد مثل هذا يصير كذا حر طليق
فهد تجمع الحقد .. وعصصب بس مجرد انه ذكر السالفه قال بعصبيه :وانت لا تجلس كل كلمه والثانيه تقول اختك واختك
سامي :طيب انا ماقلت شي .. بس اقولك ان ســـطام نذل ويستاهل اللي هو اكثر بعد
◙◙◙◙◙
◙◙◙◙◙
- هلا والله بنت بـلادي .. جيتي من السعوديه ؟
جوان : إييه
حسين يجلس : وكيف الجـو ؟
جوان تناظر في الاوراق اللي عندها :بـرد !
سكتوا شوي وكان المكان هدوء .. الا من صوت الكيبورد لأن جوان كانت تدخل بعض البيانات من اوراق معطيها اياها فيصل ..
شـوي قال حسين بـ تردد : الحين .. انتي!..يعني..كيف اقول ..انتي ماعندك اهل هنا ؟
جـوان رفعت عينها .. ثمن رجعتها للكمبيوتر :وليه السؤال؟
حسين :فضـول بس
جوان سكتت ولا ردت .. عرف انها ماتبي تجاوب ..ماحبت تقوله انها وحيده وانها هنا لحالها ..فـ يمكن يستغلها ..
حسين :إحم !.. طيب هذا ..فيصل هنا ؟
جوان هزت راسها :إيه تقدر تدخل
آحبڪ ليـﮧٌ..! }~
لآتسأل ولكــًـَنْ اسأل الاقدآإأرٍ.."
آنـآإ مثلڪ ترآ مدرٍي شلون حبيتڪ..!
--{ هويتـڪ من وس‘ـَط مآ آ آ ضـَيّ وٍمس‘ـتقبلٍ وٍ ونآس ڪثآإأرٍ..*
و صبرٍتّ وزآإأد حبي لڪ ..!
كان بيفـتح صفحه بس تسمر في مكانه يوم سمع ولد عمه وهو "يخربط" رفع عينه بـ بطئ .. قال بـ هدوء بس واضح انه مب مصدوم : إيـش ؟
حسين وعيونه تروح وتجي في مكتب فيصل ..: إللي سمعته .. أنا أحب جوان ؟
فيصل رفع شفته اللي فوق بسخريه ممزوجه بإستهبال : وش هالحب اللي جا فجـأه ؟
حسين بدا يعصب : فيصل لا تستهبل علي .. هذا الجزا معتبرك اخو قبل لاتصير ولد عم .. وجآي اشكي لك
فيصل :انا ماقلت شي .. بس وش اللي خلاك تحبها .. وش فيها زود ؟
حسين : مدري ..مدري يافيصل الحب مب مني .."طالعه "..وش اسوي ؟
فيصل سكت شوي ..ميّل شفته وهو يطالع في جهه ثانيه هالخبر صعقه ..بـلل شفايفه: حسين ..بس بسأل سؤال انت متأكد من اللي قاعد تقوله ؟
حسين بـ شك :وليه هالسؤال ؟..وش فرقت يعني ..مصيري اتزوج اللي فرق اني بتزوج اللي احبها
فيصل : ........ طيب عطني مهله افكـر ! ..ولا تتهـور !
حسين :شلون لاأتهور ..حسستني بروح اجاهد في فلسطين
فيصل :انت تدري وش اقصد .. انت مب أي واحد عشان تتزوج أي وحده
حسين :أبي اخطبها .. بتزوجها يافيصل اخاف تروح مني ..
فيصل :وابوك بيرضى ؟
حسين : وليه مايرضى
أبتسم وكأنه يكلم طفل :انت تدري ان ابوك مب مزوجك الا بنت اكبر تجار المملكه .. وجوان مب ذاك الزود
حسين حط يده عالطاوله وقال بإنفعال:وليه هالنظره الفـوقيه؟ وش فرقت يعني عشان الفلوس ..الله يلعن الفلوس ماأبيها
فيصل يهديه :حسين! .. ابوك مايقصد كذا ..بس لاتنسى ان مسألة انك ترتبط بـ بنت من الطبقات اللي تحت .. شي يضرك .. انت ماتدري وش نوايا جوان وانت ماتعرفها من كم شهر بس .. يرضيك هاللي بنوه اهلك من سنوات وحفروا الصخر يضيع عشان نزوه عابره !
حسين عصب وقام : انا ماأسمح لك تقول عن حبي لـ جوان نزوه يافيصل !..انا احبها تعرف شلون احبها .. يعني بتزوجها لو هالشي كلفني هالفلوس مايهمني
فيصل :انت الحين تقول كذا ..بس لما يجي الجد ماراح تقدر تعصي ابوك ..عالعموم فكر بالكلام اللي قلته وانا اوعدك بفكر وان حسيت ان فيه شي صح من اللي قلته انا بـ نفسي بـ كلم ابوك
حسين يرجع يجلس ويقول بـ ترجي:إيه تكفى يافيصل ..ابوي يوثق فيك اكثر من نفسه ..والله لو تقول له انك راضي هو بيرضى بعد
أبتسم فيصل: انت الحين مابقى الا تقوم تحجز قصر الافـراح ..طيب البنت تدري ؟
حسين :لا ..اصلا ماقلت لها شي
فيصل :أحسسن لا تستعجل اصبر شوي
حسين ماأقتنع :لا .. ماأبيها تطير مني
سكت فيصل ولا رد ..بس شكل في راسه موال !
◙◙◙◙◙
-طيب وشي القضيه ؟
متعب يجلس ..يبي يلتقط انفاسه لأن توه جاي من ابوه :مخــدرات يقولون .. "ناظر امه "..يمه اكيد في غلط !.. اكيد احد متبلي على "اخــــــوي"
صرخت ام سطام : لاتقـول اخوي! ..هذا مهووب اخو اللي سوّد وجيهنا ..مخدرات مره وحده .."مسكت راسها ونكسته وهي تصيح "..ليييه ياسطام ليييه !..هذي اخرة التربيه
متعب عصب منها ..:يمـــــه!! .. وش اخرة التربيه هذا بدال لا توقفين معه في محنته .. وبدال ماتدعين له .."يأشر عليها بسباته"..مفرووض اول من يدري انه مظلوم واحد متبلي عليه انتــــــي! .."صرخ وهو مصدوم منها"..يمه هذا ولدك ..بكـــــــرك يمه افهمي!
دخل مشعل .. اللي جآ ركض من بيـته عقب ماسمع الخبر من اخته .. شاف حالتهم
وقف ولا تكلم
سمع حصـه تقول : هذا مب ولدي ..انا ماعندي عيال راعين مخدرات ..هذا لا هو بولدي ولا أعـــــرفه ! .. حتى ماطلع من بطني
متعب :يمه أتحدااك كانك مقتـنعه بالحكي اللي جالسه تقولينه ..أتحداااك كانك مصدقه ان سطام ممكن يسوي شي زي كذا ..يمه هذا سطااااام ..تعرفين منهو سطام .. ولدك يمه !..تربتيييك بكرك .. هو اللي قام فيك وبـر بك أكثر مننا
مشعل بـ هدوء وهو يطالع في عيون اخته :حصـه !..لاتقنعيـني انك مصدقه ان سطام مسوي كذا
ام سـطام : .............
متعب في قمة القهر : تصدقين يمه ماتوقعت ان قلبك قـاسي كذا على سطام !
◙◙◙◙◙
صِ‘ـَدمَہ
......... عِ‘ـَتبْ
.................آلمِ
......................بإخِ‘ـَتصَارِ
حِ‘ـَزِنْ عِ‘ـَمييييقْ!
حِ‘ـَزِنْ عِ‘ـَمييييقْ!
حِ‘ـَزِنْعِ‘ـَمييييقْ!
◙◙◙◙◙
وعينه على الشنط المرتبه وقفت وحط يدينها على خصرها وقالت :وبكذا نكون خلصنا
ندى تبتـسم :زين .."فركت يديها بحماس"..وناااااااسه! .. احس اني متحمسه للزواجك مررررره
خجل تبتسم :ههههههه يالله مابقـى الا شويتين ويجي
جلسوا عالسرير ..انسدحت ندى وقالت وعينها عالسقف : لين الحين وانتي ماتبين فراس ؟
خجل صنمت لـ فتره .. أبتسمت إبتسامه باهته وعينها عالارض ولا رمشت ولا رمشه ..:أمم ..أ..تبين الصدق ؟ .. لو يرجع الزمن للورآ .. وقالي الملاك تبين فراس ولالا ..تدرين وش بقوله ؟
ندى لآنها كانت راقده فماتشوف الا ظهر خجل اللي كانت جالسه : إيش ؟
خجل :.... "لا "
ندى قامت وتربعت :ليييييه طيب ؟
خجل نزلت راسها وهي تلعب بأصابعها : مدري ..بس ياندى صعب تعيشين مع واحد يموت فيك ..ويعشقك وانتي ماتحملين له الا حب اخوي !
ندى بخيبة امل :بس توقعتك تحبينه!
خجل ضحكت ضحكه ناقصها أشياء كثيره :هههه لآ ..مجرد تمثيل عشانه.. "مسحت دمعتها وكملت وهي تضحك نفس الضحكه"..تصدقين انه يحبني اكثر مماتصورت ياندى ..احسه مستعد يدفع عمره كله عشااني .
خنقتها العبره وبدا صوتها يختفي :بس ..بس انا ..إحم!..ماأستاهل ..والله ان وحده غيري هي اللي تستاهل حبه !
ندى حطت يدها على ظهر خجل وتواسيها :هالشي الي تسويه حلو .. لا تفكرين يوم واحد بس انك تبينين له انك ماتحبيـنه ..صدقيني ترا خسارة فراس خساره كبيـره!
خجل تناظر ندى ببتسامه :أدري! ..
◙◙◙◙◙
تقدم والتردد واضح بخطـاه .. رفع ابو سعود عينه :هلا ياعبدالله ..
ابو سعود التفت لـ بندر ولده الي كان جالس عنده .أعرفك على عبدالله الـ"...." موظف عندنا ..
طالعه بندر بـ نظرات عميقه شوي .. ثم أبتسم :هلا ولله عبدالله
عبدالله : هلا بك طال عمرك .. "رفع عينه لأبو سعود "..طال عمرك انا جايك بخصوص موضوع ولا أبيك تردني ..
ابو سعود : طيب تفضل ليه واقف
جلس عبدالله ..وقال واطرافه ترتجف .. :إحم .. انا جـ .. جاي أبي اخذ سلف منك .. وتقدر تخصم هالسلف من الراتب ..
ابو سعود :وكم تبـي
عبدالله :يعني حول الـ 50,000
ابو سعود :50,000؟؟ ..هذي مايغطيهاا راتبك ..
عبدالله شبك يديه في بعض وشد عليهم .. لدرجة ان لون يده صار اصفر ..لاحظ بندر عليه التوتـر .. قـال عبدالله :انا محـ..محتاجها والله ! ..
ابو سعود :طيب اقدر اعرف وش محتاجها فييه
عبـدالله رفع عينه لأبو سعود .. في إحتمال كبير ان الخبر وصل له لأنه انتشر ..ومثل هالاشياء ماتتخبـى :امم ..اختي مريضه! .. وودي اوديها المستشفى برآ ولا معاي فلوس
بندر :بس توداتك لها برا يكلفك اكثر من 50 الف
عبدالله نزل راسه ..يحس انه حط نفسه في موقف سخيف ..:بس هي صغيره والله ! وودي اعالجها قبل لايفوت الفوت
قال ابو سعود :انا اسف ياعبدالله ..بس مقدر اساعدك ..لآن راتبك مايوفي الدين
قام عبدالله ..أبتسم :مشكور طال عمرك !..
وطلـع التفت بندر :يبه !..ليه ماتساعده؟
ابو سعود :وليه اساعده؟ ..فلوسه ماتقدر تدفع له نص الدين ..يدخل نفسه في ديون ليه ؟
بندر :طيب ساعده كذا لـ الله!
ايو سعود :بندر انت توك صغير .. والرحمه ماتنفع في هالزمن
قام بندر وهو يحس ان ابوه قـآسي جداً :عــــن اذنك
طلع ولحق عبدالله .. :عبـــــــدالله!
وقف عبدالله .. :سم طال عمرك
بندر ببتسامه حلوه : اسمعني انت متى فاضي ؟
عبدالله :الحين انا فاضي ليه بغيت شي ؟
بندر :ابيك بـ موضوع .. بس الحين انا مب فاضي ..فعشان كذا أية يوم مر على مكتبي بكلمك
عبدالله مستغرب:إن شاء الله !
◙◙◙◙◙
وهو جالس .. يطالع سقف السجن اللي هو جالس فيه ..و الهواجيس تاخذه وتجيبه .. جالس يفكر بـ أمه .. ويفكر وش ردة فعلها .. عنده إحساس مايخيب إن امه بتصدق .. مايدري ليه ..امه لما يسوي شي صح .. تفـرح وتقول هذا ولدي
ولما يرتكب غلطه مهما كانت صغيره او كبيره .. تقول انت مو ولـدي ؟ .. تنهد ويحس انه شي تـافه في حيـاة اهله رغم انه سوآ لهم كل شي عشان يبعد هالاحساس ويحط اعذار للـ نفسه قبل اهله .. انه جد!.شي مهم عند اهله !
وجزء لا يتـجزآء من هالعايله .. الكل معترف بفضله إلا اهم شخص من "الكل" اللي هي امه
◙◙◙◙◙
ساند نفسه عالباب .. ويطالع فالارض .. كان متعب يروح ويجي .. ويحس ان الارض صارت ضيقه من قـوة الضيقه اللي فييه
مشعـل رفع راسه شاف متعب متوتر ويصفق يديه في بعض ..تنهد وهو يهز راسه ..ناظر واحد من اصدقاء ابو سطام جالس ..يقاله (عبدالاله) ويشتغل محامي..وهو وجهه اسود ..قبل شوي طلع من عند ابو سطام ..وبعدها تعب!
..رفع راسه للسقف معقـول خلااص؟ ..هذي آخر أيام ابو سطام معاهم ؟
/
- والله ياأخوي انا مقدر استبق الاحداث ! .. ولا أقدر احكم بـ شي فالنهايه انا دكتور ..ولا أقدر أعلم الغيب
مشعل : طيب علمني يرحم لي والديك ..حالة فهد كل يوم تزيد سـوء ..وش بنسوي ؟ .. هل في آمـل من علاجه
الدكـتور : والله ماينفعه الحين الا الدعـاء .. هو مهما كان رجال كبير ولا يقدر يتحمل صدمته مهيب سهله !
مشعل حط يده على راسه ..صدمه!..الحين و يقول لأخته وعيالها ؟...:لا حـول ولا قوة الا بالله
الدكتور :وش فيك ؟..يعني انت مستهين بالدعاء .. تراه سـلاح قوي ..واقوى من جميع الادويه !.وهو يحي العظام وهي رميم ..ربك كريم بس انت لاتيأس!
/
تنهد وهو يلم يديه يحس الجـو بــارد : والنعم بالله !
طلع الدكتـور ووجهه مايبشر بخير ..قربـوا له الا عبدالاله ..وكأنه عارف الدكتور وش بيقول
متعب : هاه يــــادكتور؟!.."بلع ريقه"..بـ..بشر؟
الدكتور مسك كتفه وشد عليه :البقـــــا بـ راسكم !
◙◙◙◙◙
دخل المستشفى بسـرعه .. كان شبه اللي يركض .. ومعاه بشته و2 بودي قارد ورآه وصل للغـرفه اللي حفظ مكانها وحتى لو غيروها ..يحفظها بسبب كثرة زيارته لـ المستشفى عشان هالمريض
وصل بس حـس بـ خيبة امل ممزوجه بـ فرح وقل صبر .. كان السرير فاضي ومافيه احد
- من هنا طال عمرك !
التفت ابو محمد وشاف الدكتور .. سأله على طول :وين عمر ؟
الدكتور :طيب تفضل انت معي اول
ابو محمد :منيب رايح لأي مكان ..قـل لي عمر وينه .."سكت شوي وكمل".. لاتقول مات ؟
الدكتور : لا ياطويل العمر مامات .."أبتسم "..إلا قـام وعشان كذا احنا مستدعينك
كان على وجهه علامات الصدمه .. طلع الدكتور وهو يرمش كذا مره .. شوي وأبتسم وهالابتسامه تتوسع كل شوي وصارت ضحكه .. مب مصدق ولا مستوعب .. ذكريات صارت تتضارب في راسه: عـ..عمر ؟..قام ؟..قام من الغيبوبه ..28 سنه والحين قام؟
الدكتور : قـام .. بس!
اختفت ابتسامته :إيش ؟
الدكتـور : انا قايل تفضـل معـ...
قاطعه بقل صبر:وش فيييييه ؟
الدكتور : الشخص اللي يدخل غيبوبه .. خصوصا وقت طويل زي عمر .. شي طبيعي انه ماراح يقوم زي مادخل في الغيبوبه .. فـ الحين هو ..تقدو تقول فاقد الذاكره ..فقدان جزئي .. وو حاليا هو غير قادر عالكلام
ابو محمد بـ خيبة امل :فـاقد الذاكره ؟ يعني مايتذكر أي شي ؟
الدكتور :أدخل عليه جرب ..بس انه مايتكلم
مشى ابو محمد ورآ الدكتور البودي قارد ورآه .. وصلوا للغرفه دخل ابو محمد ودخل معاه الدكتور ..
كان عمر جالس ..معد هو عمر ابو الـ 24 سنه الحين صار عمره 52..كبر كثييير .. وخسر شبابه في هالغيبـوبه .. يمكن هذي عقوبته لأنه حرم ام وابو من ولدهم ..
ابو محمد :عمـر ! ..
عمر طالع في ابو محمد ..ضووق عيونه وكأنه مايتذكر من هذا .. طالع الدكتور بس انه مايتذكر احد منهم ابد
ابو محمد :أنا عبـــدالرحمن ياعمر ..أنا أخو عبدالله
رفع راسه يتذكر .. ثواني واتسعت عيونه وكأنه تذكر شي قـوي
" مسكـه قبل لايقطع الشـآرع"- عبدالله انت بتســأفر بكره..وش هالحكي
عبدالله :انا بعلم عبدالرحمن .. الحـلال مب كله له
طالعه بـ عيون حايره:..يمكن هو صادق..يسويهـا ابوك والله
عبدالله:وش أســوي .. عمر قل لي وش اسوي؟
عمـر:اسمعني!..انت لازم تتأكد اول من الاوراق عند محامي ابوك
عبدالله:تأكدت والاوراق صحيحه ورسميــه وكل كـلآم عبدالرحمن صحيح..
ع مر مسـوي متفاعل:الله يحرق قلبه زي ماحرق قلبك
عبدالله:وش اسوي الحين أنا؟؟..مايكفي انه آخذ بنت عمي اللي ابيها..يجي ياخذ حقي من الورث
عمر: لازم تعلمه شلون تاخذ شي هـو حقـه
عبدالله : صح عليك..ابحرق قلبه قبل لا رجلي تتـآطا
المطــآر
عمــر:وش نـاوي تسـوي
عبدالله طالع فـ عمر و على عينه نـظره خاليه من أي نوع من الرحمه :مضـآوي بنت عمي
ع مر:حبيبـة القلب؟؟..وش فيها؟
عبدالله مبتسـم:حـآمل..وهي الحين فـ شهرهــا
عمر:احس اني فهمت ..بس ماعليه فهمنـي
عبدالله يطـآلعه بـتفحص:بس!...توعدني انك تسـآعدي
عمر يضرب على صدره:أفـــأ عليك ..قدها وانا عمر
عبدالله:كفــووو!!!!
طالع في عبدالرحمن .. جا بيتكلم ماقدر ..يحس بصعووبه شديده فالكلام ..او مب صعوبه .. الكلام مستحيييييل .. رجعت به الذاكره لـ يوم
عبدالله بـ فرحه :تصدق إني مبسووط ودي اشوف وجه عبدالرحمن لين درآ انه مب شايف ولده أبد
عمـر :هههه يـاخي مافي واحد يكره اخوه كذا
عبدالله طالع ساعته وزاد السسسرعه:إلا انا !
عمر وهو يطالع فالطريق ويرجع يطالع عبدالله : وش تســوي ياعبدالله ؟؟..بــطئ شوي
عبدالله وهو مسرررع بـ سيارته:ابي الحق على طيارتي
عمـر:طيب مب طـأيـ.......
ماتت الكلمــآت..ودخلت سيارة عبدالله فـ تريلا..
(الفـصل الثـاني)
شد قبضة يده على حدايد السجن .. طالع اخـوه بنظرات مذهوله :إيش ؟
متعب يمسك يد سطام..قال وهو يصيح :سطام !..سطام مدري وش أسوي!..أحس اني ضاايع
سطام يطالع في متعب ..بلع ريقه وكأن في قزازه؛ خنقته العبره :أبوي مات؟
متعب نزل راسه وطاحت دمعته :إ..إيه !
جلس فكه كان يرجف بس ماسك نفسه ..يحسها مب حلوه في حق نفسه انه يصيح قدام اخوه الصغير .. نكس راسه وحط يده على جبهته بحيث وجهه يتغطى .. جلس يردد بـ حزن قـووي : إنا لله وإنا اليه راجعون .. الحمدالله الحمدالله الحمدالله!! ..
اخذ نفس ..يحس الارض ماتشيله ..كأن اللي جوآه يشيله من ارضه ويرجعه عالارض بقووه من غير رحمه ..هالظروف ماترحمه ابد
متعب حس انه سخيف ليش انه يقول لأخوه وهو في وضع مايسمح له ..بس هو كذا ولا كذا بيدري .. قرب له بس كانت قضبان السجن بينهم : سطام!..سطام يرحم لي والديك قـم
سطام :................
متعب : سطـام تكفى ارحمني وقم لا تضيق صدري!
سطام شد على اسنانه رفع يده مسح عينه .. ويمكن هاللي مسحها دمعـه !
وده يتكلم يقول شي ..بس كن الحروف مرضت .. والسكوت اكثر شي يتقنه الحين
قام وراح عند الشرطي قال : أبرجع!
بس طالع للسمآ .. فيه منهو يسمعك / فيه منهو لا طلبته .. رحمتهبـ توسـ ع ـك
متعب :سطــــــــام !!!
بس انه دخل !
◙◙◙◙◙
مآ بقىآ بيْ ح'ـَيل . .
ضآآق بـ وج'ـَهيْ الگون الفسيح !
يآهمُوميّ ، إدخ'ـَلي دخ'ـَلة ع'ـَلىآ الله؛
لآ تزيديّ بآلوج'ـَـعْ !
مدآم شفتي إنّيْ بـ فرآشيْ طريح !
وٍالله إنْ الوقتْ مآهو وقتيّ . .
و لوُ گـآن بيديّ؛
أرتميْ بـ . . أح'ـَضآن قبريْ"
. . . . . . .يمگن إنّي أستريح!
گنْ ح'ـَزنيْ في مهآده ليّ نطقْ،
. . . . . . . . . . . . . . . . . هذآ وِليديّ! !
◙◙◙◙◙
انقلب عالجهه الثانيه وصوت الجوال رافع له ظغطه .. قام شاف المتصل
شهـد !
يـاليل .. حطه صامت ..ماأمداه نايم الا الجوال راجع يرن .. رجع شال الجوال بيهزءها بس كان رقم ابوه
قام ..أستغرب وش يبي ابوه منه الحين
ناصر :هلا ؟
ابو محمد :هلا ناصر .. وينك فيه
ناصر:فالبيت .. بغيت شي ؟
ابو محمد : تعـاليّ فالغرفه الحييين ( تعال لي يعني مو للبنت ^^)
ناصر استغرب :إن شاء الله .. يالله جاي
سكر من ابوه وراح لبس له بنطلون وبلوزه .. يفكر ابوه وش يبي منه الحين ؟
طلع من غرفته .. طلع من القسم اللي عاليمين من القصر..جهة غرفة امه وأبوه كانت في الشمال .. أتجهه وطول المسافه جالس يفكر ..وش فييه ابوه ..
وصل لـ الباب الوسيـع اللي كان مزين بزخارف بالذهبي .. طق الباب وجآه صوت ابوه
- أدخــــل ناصر!
دخل ناصر .. اشر له ابو يجلس .جلس على كرسي عند التسريحه .. :هلا يبـه بغيت شي
سمع ابوه يقـول :تتـذكر عمر
ناصر :عمـر صديق عمي عبدالله
ابو محمد :إيه .. اللي بـ غيبوبه
ناصر:وش فيه ؟
ابو محمد :قـام من غيبـوبته ! ..
أبتسم ناصر وتهـلل وجهه ..ومن غير شعور قام من مكانه وتقدم خطوه :جد؟..قام ؟
ابو محمد أبتسم :إيه قـام .. بس انه الحين غير قادر عالكلام .. وبنوديه لإعادة تأهيل .. بس اللي أبيه منك امك لاتدري
ناصر عقد حواجبه :وليه ؟..بالعكس يبه بتفـرح
عبدالرحمن :أدري ياناصر انها بـ تفرح ..بس قلبها مب متحمل انه عقب كل هالسنين مايقدر يتكلم ..خله لين بدا يطيب ويستعيد ذاكرته ..وإحنا ماندري وش بيصير بعدين
ناصر:ذاكرته؟ ..ليه هو فاقد الذاكره؟
ابو محمد :للأسف إيه .. حتى جربنا نخليه يكتب لنا مكان اخوك محمد ..بس انه مايقدر .. الى الان مانقدر ناخذ منه العلم ..يبي لنا نصبر شوي
ناصر :بس يبه خل نعلم امي تكفـــــى وربي بتفررح
عبدالرحمن :المشكله ان مارجعت له ذاكرته ..واحتمال انه مايكمل حياته.. يمكن يموت ..فـ مانبي نضيق صدرها..خل لين عرفنا مكان محمد عملناها كل شي ..
◙◙◙◙◙
حطت يدها على خدها وهي تناظر فوق وفي فمها المصاص : لقيت فستان عاجبني ..بس اخاف اشتريه واشوف واحد ثاني احلى واتحسف
نـدى :يلعن ام الحاله ياشيخه
خجل :هههههه عربجيه .. لاتلعنين
نـجلا : تدرين !... شفت فستان ماركة فنـدي حلوو ..بس انه مررره عادي ولا يصلح
ندى :اقول نجلا ..تراك تحسبين الزواج السنه الجايه .. مابقى غير اسبـوع
نجلا :سو ؟..انا ابي جاهز ..فـ عادي يعني
ندى :حالتكم صعبه ..انا بلبس فستان حق عرس بنت خالتي .. وبستشور شعري وبجي
خجل تضربها مع كتفها:حمـاره! .. يعني زواجي مو هامك ابد
|
|
|
|
|