منتديات قصايد ليل - عرض مشاركة واحدة - روآية ثقيلة مزحة الدنيآآ ..لا تفوتكم ..كآآملة

07-25-2011

◙◙◙
الجزء الســآدس عشـــر..!
◙◙◙

كانت حاطه راسها عالسرير .. سمعت امها تقول : مراااااااااام ! . إيمان صديقتك جت
مرام وراسها يعورها عوار مب طبيعي : طيب يمـه خليها تدخل

كانت تفرك راسها بأصابعها والالم في تزايد .. وعيونها تدمع وتحس كل خليه في جسمها تألمها وكأنه تبي شي بس ماتدري إيش
دخلت إيمان وشافت حال مرام كذا .. اتجهت لها وجلست عالكرسي قبالها :وش فيك ؟
مرام شوي وتصيح : مدري يا إيمان مدري ! .. هذي حالتي من كم ساعه
أبتسمت إيمان : شكل الحبه بدت مفعولها
مرام جلست :ايمان تكفيييييييين عطيني وحده انقذيني من هالعذاااب ..إيمان تكفيييين!
ايمان بضحكه :هههههه وعلى بالك هالحبه اجيبها من الشارع؟ ولا تنباع 10 حبات بريالين؟ لا ياماما هذي مب أي حبه
اخذت مرام شنطتها اللي كان فيها الا 50 ريال وكم فكه .. اخذت الفلوس ورمتها على ايمان .. وقالت بترجي :تكفيييييييين .. هاتي وحده ..وحده بسسسس
ايمان تناظر الفلوس بتكشيره :50؟ .. هذي تجيب لك نص حبـه الوحده ياماما بـ 100 ريــال
مرام تصيح : هااااااتي لو ربع ..

عطت ايمان للمرام حبه .. واخذتها بسرعه وحطتها في فمها بشراهه ..
إيمان :واخيراً
مرام بشك :إيمان وش هالحبه
ابتسمت حطت رجل على رجل .. :يعني وش رايك .. إدمانك وحاجتك المب طبيعيه لها .. وش تفسرينها؟
مرام سكتت شوي .. ثم جحظت عيونها :مخدرات يا إيمان؟
إيمان ضحكت :هههههههههههههههههههههههههههههههههههه ايه .. واخيرا مرام ادمنتي معي .. من سنه وانا انتظر اللحظه المناسبه
مرام :ليييييييييش ياإيمان ..ليش تسوين فيني كذا ؟ ..
ايمان :مدري بس شي في نفسي لازم دمنين معي مو انا لحالي
مرام بقهر وغيظ وهي تصيح .. ولا في أي كلمه تقدر تعبر عن اللي داخلها : حقيييييييييييره ..وربي انتي اكبر سسسسسافله عرفتها في حياتي
ايمان :لا يا مرام لاتنسين اني انا الممول الوحيد لهذي الحبه عندك ..
مرام : اطلــــــــعي برا .. بـرا ياحقييييييييره !
طلعت ايمان وهي تقول : بتندمييين يامرام .. وبتجيني تزحفين تترجيني اجيك
وطلعـــــــت

قامت مرام تصيح وتحس ان القهر ينهشها .. وش تسوي الحين ؟ وش تقول لأهلها انها ادمنت المخدرات ؟
وش الحــل والحين شبابها مهدد وحياتها مستقبلها .. وكل شي !
حست انها مب قادره تستوعب اللي جالس يصير .. وان اللي يصير الحين حلم بس ترجع تستوعب وتبكي اكثر من اول .. وكأنه تدخل في دوامه وتطلع منها عشان تدخل في وحده ثانيه

◙◙◙◙◙

ح ـالتي
هـم ودمعه وضيقه .. !
مگ ـسور قلبي و ( مات ) بأول شبابه ..

◙◙◙◙◙

- مشعل وش فيك يآخي لاتصير بـزر .. يعني عشان البنت قرويه ؟
مشعل مقهـور : سطام حط نفسك في مكاني .. ليه هالحركه يعني ؟! وش الحكمه منها
سطام : طيب الحركه من سواها ؟
مشعل :حصه
سطام : طيب زوجتك المسكينه وش ذنبها ؟
مشعل :وش دخلني فيها انا ! .. انا اللي قهرني ورفع لي ظغطي حركة امك .. ليه العناد يعني ..بس تدري انا الحمار اللي قلت لها تدور لي!
سطام :مشعل اذا لي خاطر عندك رح لها !
مشعـل :والله ماأروح !.. لو وش
سطام : الله يهديك للنفسك ..مشعل لا تصير كذا عاد
مشعل : سطام لاتكثر علي حكي .. منيب رآيح خــــلاص

◙◙◙◙◙
- ايششش ؟ .. وبعد فاتحت امي بالموضوع
خالد يسند جسمه على طاولة الاكمبيوتر ويناظر اخته اللي جالسه عالسرير ومعاها روايه :إيه .. البنت وعاجبتني وانا ماعلي قاصر
ندى :خالد .. انت من جدك بتروح تخطب نجلا ؟ طيب ليه ماسألتني عالاقل
خالد رافع جاحب: وبصفتك ؟
ندى:بصفتي اختك وصديقة نجـلا! ..ياخالد انت ماتعرف آل "......." كثري وربي ماتطولهم .
خالد : شوفي يـا ندى انا الحمدالله رجال وعندي وظيفه حلوه وبعيش البنت معززه مكرمه
نـدى :هذا تطمح به بنات الطبقات الكادحه .. البنات اللي على الله ثم راتب ابوهم .. بس زي نجـلا واهلها وعائلتهم بكبرها
خالد :ليش مب قد المقام ؟
نـدى : تبي الصراحه لا .. انا صديقتهم ولا أقدر اجاريهم في كل شي !وربي ياخالد بتعتب صدقـني!

طلع خالد ولا قـال شي .. ضربت ندى خدودها على خفيف :ياااربيه عسسى مازعل بس

وخرت لحافها وقامت له في غرفـته .. دخلت لقته واقف ويطالع فالشباك سألته على طول : خالد زعلت ؟
خالد وعينه الى الان عالشباك :يعني جايه تحطيميني وانا بكره رايح اخطب وتسأليني اذا زعلت
نـدى :انا ماأحطمك انا بس افتح عيونك وإن كانك لقيت الرفض لا تنصدم ..

وطلعت
◙◙◙◙◙

اظطرت نوره تودي الجازي معها وهي راجعه للبيت ..لشقـه خالها .. اول ماوصلوا
نزلت الجازي :مشكوره نوره تعبتك معي !
نـوره :لا ياقلبي تعبك رآحه

سكرت الجازي الباب .. وراحت للشقه اول ماوصلت رنت الجرن لان مامعها مفتاح واصلا من وين لها وهي توها عروس ..
فتح مشعل الباب .. اول ماشاف الجازي تركه مفتوح ودخل ..
جلس عالكنبـه والجازي فصخت عبايتها عشان يبين لبسها اللي حوم كبد مشعل ثاني مره ..
راحت وجلست على الكنبه ..كانوا ساكتين ومشعل عينه عالتلفزيون ..تجرأت وسألته : وش فيك ؟
طالعها..:مافيني شي
ابتسمت :شكلك معصب
مشعل وكأن عصبيته زادت وطالع التلفزيون مره ثانيه : لا مب معصب
الجازي : طيب مو المفروض اليوم سفرتنا على ماليزيا ,ليه تكنسلت
مشعل بحده وعينه عالتلفزيون :انـا كنسلتها
الجازي : وليه
مشعل بغضب طالعها ورمآ الريموت عالارض:قـد قال لك احد ان أسألتك كثيره؟؟؟؟
الجازي خافت : طيب آآسفه

قام عنها وهو حايمه كبـده .. سألته :تعشيت ؟
مشعـل:إييييه .. متعشي قهر!
ودخل غرفـة النوم ومقهـور منها ! من اخـته

استغربت من طريقة معاملته .. هي صحيح متعوده على هالمعامله من ابوها وجدها وعمانها .. بس قالوا لها ان عيال الرياض خصوصا اهل الشمال يحترمون حريمهم شوي .. بس زي عائلتها اللي تعتبر همجيه وبدائيه بس ماتوقعت مشعل اللي كان عسل معها يوم زواج وحبـته ينقلب كذا ..
ماعليها هي تزوجت وبترضي زوجهـا

◙◙◙◙◙

كانت جالسه عالسرير ووضعها يرثـى له .. تفكر وهي ماسكه بطنها يعني لين متى كذا .. بطنها اللي بدآ كبره يلفت الانظار
قامت وشافت شكلها في المـرآيه .. كان لها كرشه في آخر بطنها وكأنها كرشـة حامل ..

- مـلاك شوفـ....
رفعت ملاك عينها على امها اللي من شافت بطن ملاك سكتت ولا كملت كلامها
ملاك بروعه وبدت تعـرق : هلا يمه وش بغيتي
ام سطام اللي كانت مساكه أكرة الباب .. تركته وتقدمت للملاك :ملاك انتي متى آخر مره جتك الدوره ؟ انا من زمان وانا اشوفك تصلين
ملاك بلعت ريقها .. : إلا جتني
ام سـطام بحده روعـت ملاك :لا تكـــذبين!
ملاك حست بالخطر .. وان امها بدت تشك فيها .. :يمه تكفيين لا تقولين كذا وقسسم بالله اني ماأسويها والله
ام سطام ترفع سبابتها : مـلاك ! ..خليك صادقه معي انا امك ومحد بيكون احن عليك مني .. مـتى آخـر مره جتك الدوره ؟
ملاك خنقتها العبره .. سكتت شوي تفكر هل تقول ولا بتشك امها ؟ .. آخر شي اقتنعت بالجـزء اللي قالت فيه امها " انا امك ومحد بيكون احن عليك مني" .. رفعت راسها وصوته متقطع لانه بتبكي : من 4 شهور او 5
حطت ام سطام يدها على رآسها : يابنت الـذين من من ؟ هاااااه ؟

تو ملاك يتتكلم تدافع عن نفسـها الا تشوف ابوها واقف عند الباب والشرر يتطاير من عيونه ..
تقدم لها .. وماحست إلا بـ كف خلاها تطح عالسرير .. صرخ فيها : من ميييييين ياملاك ..

ونزل لها .. ورفعها من شعرها

آنآ منٍ كثرٍ مآ أبكيّ ]-

أحسّ النآس مآ تسمع . . . !

كان نايم .. بس يسمع صوت صرآخ جاي من برا .. انقلب عالجهه الثانيه يبي يرتاح لو شوي لأنه تعبان ولا نام امس فالليـل بسبة ان اهله مارجعوا من الزواج بدري ..
سكر عيونه بقوه وهو يحط راسه تحت المخده
بس يوم سمع زين .. كان صرآخ ملاك مع امه .. وأبوه اللي شكله معصب .. شال عنه اللحاف يسسرعه بيشوف وش السالفه مب من عادة ابوه يصرخ كذا ..لبس ثوبه بسرررعه

يوم طلع من غرفته .. كان متعب واقف قدامه .. طالعه يعني وش السالفه ..بس سطام ماعطاه أي انتبآه .. نزل تحت هروله يوم وصل لقى ابوه يضرب ملاك ضرب قآسي ولا فيه ذرة رحمه .. وكان يصرخ بشكل هستيري من غير وعي .. وامه تحاول فكهم .. وملاك شكلها بتموت على يد ابوها ..اللي ولا جزء من جسمها سلم منه .. ضرب بطنها وخبطها فالجدار على ظهرها .. ومعط شعرها وهو يرفعها منه .

ركضت الام ومسكت يد سطام تترجآه يفك ينتها من يد ابوها اللي ماكان في وعيه
راح سطام وحاول يفك ملاك ويعرف وش السالفه بس كان ابوه في حاله ماتسمح له يسمع او يشوف أي شي الا مـــلاك !

سطام بعد ابـوه بقوه وهو يصرخ :خــلااص خلها وعلمني وش سووت !
ابو سطام حاول يوصل للملاك وهو يتكلم بكلام مب مفهوم من : سودت وجهنـا .. بنت الـ.... حطيتي وجهنا بالتراب

وملاك ماسكه في اخوها بأقوى ماعندها .. وتصيييح جآ متعب وتدخل ومسك ابوهم مع اخوه الكبير .. بس ماقدروا عليه
اخر شي وخـر ابو سطام سطام ودزه على جنب ووصل للملاك اللي كانت ترجع بخوف وزلقت بالبـلاط وطاحت على ورآ .. صقع راسها على أكرة الباب .. وطاحت ممـدده عاللارض
جا ابو سطام بيكمل بس متعب وسطام وام سطام وقفـوه .. مسكه متعب ودخله المجلس بصعوبه ..
نزلت ام سطام للبنتها اللي معد قامت عن الارض .. حاولت تقومها بس ماقامت .. حضنتها .. وهي تصيح وتسب في نفسها لأنها السبب ف هاللي صار
سطام كان يلهث وانفاسه تتسآرع ..طالع ملاك اللي كانت طايحه عالارض .. لمح سطام الدم يطلع من رآسها.. .. راح اخذ جلال الصلاة اللي كان منطول عالكنبه من عقب امه ..لف ملاك فيه وشالها ..ورآح للمستشفى وام سطام تصرخ للسطام :تكفـــــى سطام استنآآ الله يخليك بروح معك بتطمن على بنتي

بس سطام مارد عليها

◙◙◙◙◙

[شيّ مَوِحْشّ !
................. -[ صًعبْ !
...................... -[ مَليّآنْ آسُئَلهْ

◙◙◙◙◙

كانت ماشيه للفيـلآ وتوها نازله من السياره .. وتفكر بكلام صديقتها ندى

" الصعف الحين مايوكل عيش يانجلا .. لازم تردين على مرة ابوك لو بكلمه عشان ترحم تقولك شي .. "
" ذاك اليوم درينا عنك .. الايام الجايه الله يستر .. ومايندرى يمكن تسوي لك شي قوي "
نزلت راسها .. هي عندها 3 اخوان ومب مقصرين معها .. لازم تلقى حد لـ ساره .. وبأسرع وقت
رن جوالها
المتصل>>خجل

نجلا :أهلا
خجل :هـلا نجوله ..ماراح تزوريني اليوم ؟
نجلا :وليه اجيك ..تعالي انتي ؟
خجل :راحمه ديمه بنت سعود .. وودي تجين عندي عشان نلعبها وهيك
نجـلا تفكر : مب عذر .جبيها وتعالي
خجـل : يووه بلا عناد .. يالله
نجلا : الحاجه لك مب لي
خجل : إف منك .. طيب انا جايه !

◙◙◙◙◙

طلع الدكتور ووجهه مايبشر بخير .. جا سطام بيكلمه بس انه قال بنبره خلت الوساوس تصك في سطام من كل جهه ..
- تعال معاي للمكتب !

اول مادخلوا للمكتب حق الدكتور .. جلس الدكتور وآشر للسطام وهو يقول :تفضل الحكي اللي بقوله كثيـر!

جلس سطام ..وقلبه يدق بأسرع شي .. يحس ان فترة سكوت الدكتور كأنها دهر .. فصخ الدكتور نظارته وفرك عيونه شوي ..كأنه نفسه خايف من اللي بيقوله : اول شي انت زوجها ولا اخوها
سطام :أخوها ..خلصني يرحم والديك .. وش فيها ؟
الدكتـور : شف اخوي .. البنت تعرضت للضرب .. ولا هو أي ضرب .. ومن ضمت الاماكن اللي تضررت فيها ..راسها .. والى الان ماندري وش مصيرها .. ولاززم نبلغ الشرطـه .. لأن هذي
قاطعه سطام :وليـه شرطه ؟! ..
الدكتـور :لازم نحـقق فالموضوع وناخذ بشهادة البنت هذا اولاً .. ثانيا مابعد كملنا فحصها .. ولا نـدري وش بيصير عليها ..لان ضربتها جت في راسها
سطـام انصدم : في راسها ؟
الدكتور :إيه ومع الاسف
سطام : طيب .. طيب وش بيصير عليها .. هي بخير يعني
الدكتـور :والله ماأبي اكذب عليك .. الضربه ميب بسطيه ويمكن تصاب في شـلل .. هذا ان ماأدآ الى وفآة مفاجئ!.. بس لاتخاف ماإن تصحى احنا بنكشف عليها وبنشوف

◙◙◙◙◙

وش بقى ..؟

وش بقى ماجاني..!
وش بقى ..؟

جرح !
وَ ....... هموم !
وَ................. شقى!

◙◙◙◙◙

وهي ماسكه جوالها الي قاعد يرن واسم زوجها مرسوم عليه ..حطت لعبة بنت اخوها عالمرتبه وردت
خجـل:أهـلا
فراس :هلا والله وغـلا ..وحشتيني !
خجل بخجل : ههههه امداك .. توك مكلميني اليوم
فراس:بس ولو وحشتيني! .. كيفك ؟
خجل:تمام .. انت شلونك ؟
فراس : بخير دامك انتي بخير ! ..

صاحت ديمـه .. والشغاله اللي كانت راكبه جنب خجل بالسياره تحاول تسكتها ..
قراس: بن سعود عندك ؟
خجل :إيه ..ياخي صيوووحه !
فراس:إيه طالعه على عمتها يوم كانت صغيره
خجل :هههههههه ترا حتى اختك
فراس :لا والله الله يحـلل اختي عندك ! ..نجلا ماتصيح كثرك !
خجل :ههههه .. عادي يآخي خلني اتدلع !
فـراس :هههههه .. تدلعـي

◙◙◙◙◙

طلعت من الحمام وهي تحس بغثيان .. مسكت راسها وهي تطبق شفايها بقرف .. وحايمه كبدها من كل شي ..
اتجهت للغرفتها ..جلست عالسرير جت بتنسدح بس تذكرت ان ام زوجها قالت لها تنزل .. وهي عاد تعرف ام زوجها .. طويلة لسان
قامت وغيرت ملابسها .. ونزلت تحت

شافت ام احمد وابو احمد جالسين ويتقهـوون .. سلمت وجلست معاهم
ام احمد : وين احمد
نـوره ماتدري ..بس قالت :طالع مع ربعه
ابو احمد يكلم ام احمد :وتقولين ان الزواج يغير الواحد .. هذا هو ماغير طبعه
ام احمد :والله ولدي طول عمره عـاقل

أمحـق عاقل .. لولا قلبي كان انا متطلقه منه !

◙◙◙◙◙

- يابن الحلال آخر واحد قال هالحكي طاح عليه تلفزيون ابو ابيض واسود ..
فهـد :بس ياخي والله انك تفتح على نفسك باب .. لما كلم بنت بتكلم غيرها وساعتها منتب قادر تترك هالشي
سامي وفي حضنه الاب توب .. : عادي! .. ساعة صدر صدقني .. وبعدين انا وانت كم مره تناقشنا في هالشي ..

عطاه الابتوب :خذ خذ .. جرب سولف مع وحده في الشا هذا ..بروح الحمام وبجي

اخذ فهد الاب توب بـ تردد ..جلس يطالع الناس اللي تسولف وهو ساكت .. تجشع وكتب
"السـلام عليكم "

◙◙◙◙◙

مــن بكره
لبست مريولها واخذت عبايتها وشنطتها .. ناظرت الساعه المعلقه عالباب .. كانت تشير للـ9 .. ام فيه وقت عادي ..
طلعت من باب البيت وهي ماشيه كعادتها للمدرسه .. ولا حست بالسياره اللي ماشيه وراها بشويش ..
كانت تردد الاذكـار اللي محرصتها عليها امها .. وتفكـر وش بتقول هيله نزل الرجال من السياره .. ومشى وراها بخطى هاديه عشان لاتحس .. وبيده مناديل مشبع بماده مخدره
لف يده حول كتفها .. طاحت طرحتها من وجهها وهي تقاومه ..ولا تدري منهو اصـلا .. حط المنديل على فمها وخشمهـا
كلهـا ثواني
ووو ... وفقـدت الوعي!

◙◙◙◙◙

دخل سطام عند اخته .. وامه ماقدر تدخل .. وقالت انها بتنظر جوآ شوي ! ..وجلس متعب معاها ..
لقاها راقده وهو اللي امس ماتركها ولا دقيقه وحده ..حتى الشغـل ماراح له
جلس عالكرسي وهو يطالعها ..كانت منسدحه واللحاف عليها لين رقبتها ومغطي طرف قد الظفر من ذقنها .. وراسها ملفوف بشاش ابيض .؟وبقايا دموعها كانت على خدها ..
مد يده وبعد شعرها عن وجهها ..

هِي بِڪتْ و آنا [ آخ‘ـَتنقت ] . . !

هِي بِڪتْ و آنا [ آخ‘ـَتنقت ] . . !

هِي بِڪتْ و آنا [ آخ‘ـَتنقت ] . . !

فتحت عينها شوي شوي .. لفت راسها وشافت اخوها اللي كان يناظرها بس شكل فكره مب معه ..
حركت راسها ثانيه عشان يحس فيها لان يده فوق راسها .. انتبـه لها وابتسم
سطام :واخيـراً قمتي! .. كل هذا نوم ؟
ماأبتسمت .. ولا تكلمت! .. ولا أي تعبير صدر منها غير انها كانت تناظره
سطام :مـلاك ..ترا امي جت تبي تشوفك
جتها الصيحه ..وخنقتها العبره .. حس سطام ان الخوف تسـلل داخلها وانها ماتبي تشوف احد
سطام بحنيـة الكون كله : ماتبين تشوفين احد؟
هزت راسها بـإيه .. أبتسم يطمنها : اوكيه! ..بقولها
جا بيقوم بس هي مسكتـه ..وهزت راسها يعني لاتقوم ..عقد حواجبه .. من شيين وش هالخوف اللي جواها .. وليه هي ماتتكلم ؟
معقـوله اللي صار لها امس سبب لها صدمه نفسيه

◙◙◙◙◙

فتح عينه .. كان نايم بملابسه اللي امس.. شاف الساعه ماصلى الفجر .. اشوى انه في إجازه ولا كان تأخر ..
ناظر جواله لقى مكالمه من سطام .. امس في الليل .. حط الجوال ودخل الحمام .. اول ما طلع كانت زوجته جالسه ترتب الصاله .. او مب ترتب لانها مرتبه بس تنظف ..وكأنها تسلي نفسها ..
وقف عند الصاله يطالعها ..لبسها مب احسن من امس .. حامت كبده منها ومن لبسها ولاتسريحة شعرها .. شعر الجازي طوويل وقطعه وحده يوصل لين تحت ظهرها .. فهي لامته مثل الشنيون تحت واخر خصله رافعتها فوق بطريقه مره قرويه .. وشعرها أسسسود مره ولا في ولا لون

رفعت راسها وشافته ..احمرت خدوها يوم شافته مسند نفسه عالباب اللي يودي عالصاله وين ماهي جالسه .. والفوطه معلقه على كتفـه وشعره مبلول .. ماعطاها وجه وراح للغـرفه

وجعها قلبها لأن مشعل متغير .. او يمكن هذا هو طبعـه .. ماينـدرى !!

◙◙◙◙◙

كان ماشي وهو جالس يقفل جواله عشان مايدق عليه ابوه ويجلس يقلقه ويقول ليه ماجيت للشـركه .. دخل الجوال في جيب الجنز حقه عدل جاكيته لان الحين صباح .. والبرد شديد حبتيـن ..
دخلعلى امه لقاها نايمه مثل ماتوقع .. نزل نظارته الشمسيه .. الحين وين يروح مايبي يروح الشركـه ماله خلق ابوه وشغل وارواق .. وسوو وحط وود ..

وهو ماشي .. وقف عند الرسبشن وفي فكره في راسه ..
ناصر : excuse me
النرس : يس ؟
ناصر :wher is the nurse hela?
النـرس : she is not in the hospital..she will come at eight o'clock
(إنها ليست في المستشفى .. ستأتي في الساعه الثامنه )
نـاصر : اوكي شكراً

طلع من المستشفـى ..وهو متجهه للسيارة المبرغيني ..طلع ولاعه وزقآره .. تنهد وهو يولعها :محد خلاني ارجع ادخـن غيرك ياهيله ..والله لأورييييك !

◙◙◙◙◙

كانت تمشى في الجامعه ..وتدور إيمان وهي تحس ان مفعول الحبه بادي يروح .. لمحتها في مكان قريب من المكان اللي يجلسون فيه .. جت وجلست مع ايمان في نفس الطاوله

مرام وشكلها مثير للشفقه :أبي حبه !
إيمان تطالع البنات المارين :.
مرام شوي وتصيح :إيمان ابوس يدك تكفيييييين أبي حبه ..
إيمان :آسفه انتي امس سمعتيني حكي ..خلاني اعيد النظر في صداقتنا
مرام :انا آآسفه !..إيمااااان تكفييين مب وقتك .. ابي حبه الحين ابوس يدك
إيمان التفت : معك فلوس ؟
مرام تفتح شنطتها : مامعي الا ميه اخذتها من بوك امي
أبتسمت :سرقتيها
مرام ماردت .. واكيد الجواب إيه .. اخذت الحبه وخذت ايمان الحبـه ..

شُكراًبـ حجم ج‘ـَرحك . . !

شُكراًبـ حجم كِذبك . . !

مرام : طيب انا ماعندي فلوس من وين اشتري لي حبه ثانيه؟
إيمان : تقدرين بيعين أي شي
مرام تفكـر ..

ماتقدر تسب وتلعن إيمان ..لأنها الحين تنقذها من الالم اللي تصارعه وتعيشه لما يروح مفعول الحبه .. شلون تعالج نفسها وهي ماتقدر تفاتح اخوها بالموضوع
وهو ماراح يقـدر انها ضحيه .. هي الحين ضايعه .. ومثل الغريق .. تمنت لو أنها تقدر تطلب المساعده من بنـدر ..
رفعت جوالها ورسلت له وهي ماتقدر تقاوم شوقها وهي في أصعب حالاتها

احتجت لڪ في ضيقتي مآ { لقيتـڪً ~
وً قضيت ليلي بين همي و فرقـآڪ،,

◙◙◙◙◙

طلع سطام ورا الدكتور .. وهو متوتر .. مشآ لين وصلوا عند سيب صاد ..
قال لهم الدكتور :انتـظروا شوي هنا .. دقايق ورآجع

- وش السالفه !
التفت سطام لقى متعب .. :بسم الله انت من متى هنا ؟
متعب : من ناداك الدكتور جيت معك !.. وش القصه ؟
سطام :والله علمي علمك .. بس قلبـي ناغزني!

جا الدكتور ومعاه 3 من الشرطه .. متعب مسك كتف سطام : اقول السالفه فيها شرطه!
سطام :أصبر!

جتهم الشرطه وراحوا عند غرفة ملاك .. ام سطام يوم شافت الشرطه خافت ..
مسكت يد سطام اللي كان خلقه متوتر ومب فاضي للخوف الحريم : سطام وش ذولي ؟ وشو له جايين ؟
سطام :أصبري يمه .."يكلم الشرطه" .. نعم بغيتوا شي ؟
الدكتور : أسمح لي اخ سطام ! .. بس القضيه تحتاج تدخل الشرطه وهالشي لازم .. بنحقق معك ومع اختك ؟
متعب : وليه تحققـون معه ؟ .. وش دخله هو ؟
الشرطه : اللي نعرفه ان المريضه تعرضت للضرب .. وانت اللي ضربتها
متعب :بـس مب سطـ..
مسكت ام سطام متعب .. وقالت :أصصص
انصدم سطام من حركة امه .. وطالعها .. ليه تبي تستر علي ابوه وتخليه هو المتهـم ؟
الشرطه : خلونا ندخل عليها!
متعب : وين تدخلون فوضة الدنيا ..
سطام :لا تفضـلوا هذا ان كلمتكم اصلا .. وانا بدخل معاكم لاني اخوها!
الدكتـور :بس شلون يدخل وهـ...

قاطعه الشرطي:ادخل ياله واحنا ورأك !

◙◙◙◙◙

فتحت عيونها ببطيء وهي مب مسوعبه شي .. تحس نفسها مخدره وراسها يوجعها .. وصاير ثقيـل مره ..
رفعت نفسها لقت انها لابسه مريولها .. ويوم ركزت فالمكان كانت في مثل مكان مغطـى ببلاكاشات ( اللي يحطونه فوق الجدار احيانا مصنوع من جديد ..يحل محل الجدار في بعض البيوت في السعوديه او لين جوا يطولون الجدار )

شافت واحد متلثم بشمآغ مهتريء .. وفي يده مسدس .. وعينه حاده وتطالع فيها
شهقت بخوف ورعه .. وصرخت : من انت .. وش جابني هنا ؟
قام لها .. وجلس قريب منها .. :وش أسمك ؟
جود : ............

كانت خايفه من نبرته ونظراته لها .. هي حست بالخوف بمجرد انها ناظرت عيونه .. بلعت ريقها ونزلت دمعه يتيمه من عينها .. ولمت نفسها وهي تناظر بخوف
قرب لها وقرب راسه من وجهها وقال بوضوح وصرآمه : وش أسمك ؟
جود : جـود
طالعها من فوق للتحت : وكم عمرك ؟
جود شهقت من كثر الصياح : 16
وقف وقـال : طيب ياجود .. أسمعي انا ماراح اضرك بـ شي .. بس اسمـعي كلامي .. ولما اقولك شي تسوينه ..
جود : .... وش تبي مني يعني ؟ ترا والله انا اهلي فقيرين .. ولا عندنا الا بيتنا اللي ساكنين فيه ..
هـو : ومن قالك اني ابي فلوس؟ دافعي من اختطافك مب الفلوس
جود خافت :اجل وش تبي؟
هـو جلس وقال وهو يعلب بخصله من شعرها : ابيك تطيعيني وبس! وبعدين اشوف وش مصيرك
جود تبعد عنه : بس .. انت شلون تعرفني
هـو : انا ماعرفك ولاشي .. مجرد شفتك تمشين لحالك ..