07-25-2011
|
#23
|
◙◙◙
الجزء الرآبــــع عشـــر..!
◙◙◙
- نوووووووووير جلعك الموت ..رجعتي من السسفر وأخيراً
الجوري ماتت ضحك على ردة فعل هيـا .. خبطتها ملاك مع راسها :وجع لاتدعين على اختي !!.. جعلك تموتييين انتي !!!
هيا تمسك راسها :عمـى يعميييك وجعه!
ملاك :يقطع آذآنيييك ياهيـا بنت الـ"..."
هيا :ويااك ان شاء الله
عليا :هههههه مجانين
نوره :من جــد
عليأ: انتـي كيفك نوير اخبارك
نوره تنهدت :آآآه ياعليا .. وربي كنت انتظر متى ارجع الرياض عشان اقولك وافضفض لك اللي في خاطري !!
عليا ارتاعت : وليييييه ؟ ..
نوره :أمشي ندخل جوآ اكلمك
ركضت هيا عند نوره ..وضمتها وضربتها مع ظهرها :هييه ترا ماسلمت عليك ياحلوه
نوره ضمتها بدورها:هههههه اوكي طيب لاتعصبين
ووخرت عنها .. :اشتقت لك مرررره .. الا ماقلتي لي .. وش احلى الرياض ولا باريس؟
عليـا:قسسسم بالله عليك سؤال مدري وش يبي
نوره تناظر عليا: الريـاض .. وربي الرياض احلى
ملاك :عاد كنتي مع حبيب القلب .. شلون الرياض احلى
نوره بضحكه تحاول تخفي اللي داخلها :الرياض وربي في عيني احلى بلد ..
ملاك :بلاك ماتعودتي عالزييين ياماما .. ولا احد يعاف فرنسا ويختار الرياض .. لا يكثر بس طول عمرك بنت فقـر
عليا:تراني اكره هالكلمه بنت فقـر!!..وربي ماعلينا قااصر ..يعني نلبس زين نطلع نروح ونجي !.. خـلاص !
ملاك:ايييه يكفي ان سيارة اخووي سطام جيب لاندكروزر يعني ماعلينا ..من الطبقه المتوسطه
الكل:هههههههه
◙◙◙◙◙
طلع من السوق .. وصديقه ورآه يلحقه .. وقف عند بقاله وشرآ باكيت دخآن وولعه .. جلس عالرصيف وقام يدخن ..
طالعه صديقه بـ صدمه:نـاصر ..رجعت تدخن؟
ناصر يطلع الدخان من فمـه ..:إييييه وفي امك خير قلي بس اوقف
طارق يجلس جنب ناصر عالرصيف:وش فيك انت مب على بعضك.. من دخلنا السوق وانت ماااش!!
ناصر قامت يده ترجف من القهـر والغييض : تخيل ياطارق بنت الـ .... مدت يدها علي .. ولا قدرت ارد .. "بقهـر قوي"..وربي مقهووور!!!
طارق :وناوي تحرمها من الراتب بعد؟
ناصر :لآ .. ودي بـ شي اكبر ..,"وصرخ بقوه"..آآآآآه يالقهـر
وطلع زفيييرررر .. ورجع يدخن من جديد .. خبط رجوله بالأرض .. وهو يرصص اسنانه
طارق طالع فالارض..مايدري شلون يهدي ناصر ..:طيب انت وش سويت لها..مب معقوله كذا من الباب للطاقه مدت يدها عليك
ناصر: هـي الحمـار الواااطيه!..وربي لو هي بين يديني ان اذبحها واشرب من دمها وقليل في حقهـآ .."ورجع يصرخ حتى السواويق اللي في الشارع اللتفتوا" ..ألله يللللللعنها!!!
طارق : طيب هـد اعصاابك
ناصر:منيب مهدي وربي قاااااااهرتني .. مب مبررد حرتي فيها شي غير الذبـح !!
طارق : من جدك انت ؟..اعقـل نويصير وهد نفسسسك
ناصر : وش أسسـوي .. انت بس قللي وش اسوي بها ؟؟
◙◙◙◙◙
وهم جالسين عند الحديقه في بيت ابو خـالد اخو ابو سطام
حطت يدها على فمها : دخل عليك سكرااااااااان ؟؟؟
نوره ترجع خصله ورا اذنها وتهز راسها :إييه !.. بس هالشي عادي يوم جا اليوم اللي سكرت فيه انا غصب عني
عليا :مجنوونه!!!..شلون غصب عنك
نوره نزلت دمعتها : هو غصبني يا عليـا .. وربي مالي حيله حاولت بس كانوا اكثر مني
عليا شوي وتصيح :نوره لازم تتطلقييين ..لازم
نوره :أدري
عليا: وشو ادري .. قولي للسطام اكييد بيساعدك
نوره : مـاأبي
عليا: نوره مجنونه انتي وش ماتبين .. نوره مستقبلك بيروح فيها
نوره : عليا فكري بعقلك شوي .. سطام اخوي وش يسوي وش يخلي..يطقع نفسع يعني؟.. يكفي ورآه اهلي اللي ماتخلص امروهم تبين اعله
عليا: بس ولو هو اصـلاً بيزعل عليك لو سكتي
نوره : هو اصـلاً حاس ان فيه شي .. بس انا ساكته
عليا : نوره تكفييييين عشان خاطري
نوره عصبت : عليووه وقسم بالله لوني داريه انك بتسوين كذا كان ماقلت لك !!
جـوا هيا والجوري يركضوووون
نوره :وش فيكم
جت ملاك اللي كانت تمشي عادي ولا تركض زيهم .. :الحمد الله والشكر .. ليش تركضون ترا اخواني ماياكلون !!
عليا: وش السالفه
هيـا تسوي نفسها بتموت من الخقه :آآآآآآه ياعليا فااتك نص ..لا ثلاث ارباع .. لا عمرك كللللللللله
نوره بضحكه :ليه ؟
الجوري تلم جاكيتها : صقعت في وجه سطام اخوك .. وكان فيه متعب ومشعل خالكم
نوره ضحكت:هههههههههههههههه ياحياتي اخوي
ملاك :اييه والله مسكييين انكسر خشمه ..
عليا:وش جابهم هالامه لبيتنا
هيا تجلس: اكيد انهم قااصدين يجون هنا عشان يشوفوني .. "ومسويه مقهوره"..وسوو اللي في راسهم الله يهديهم بس
ملاك وشعرها يطير من الهوآء :أرحمييييني يالجميلـه جداً.. انا اتوقع ان اخواني بيجوني في الليل معاهم مخادهم بيقولون ..ملوكه خفنا اليوم من شكل هيا نبي ننام عندك لاننا خايفين مره ولا قدرنا ننوم !!
عليا:هههههههههههه .. من جد
الجوري : لاجد وش جايب سطام ومشعل ومتعب
ملاك : يمكن بيسلموون على مالك لان توه جاي من السسفر
نوره :إيييييه صح .. اخوكم رجع الحمدالله على سلامته
هيا وعليا:الله يسلمك !!
◙◙◙◙◙
- الحمدالله بخيير الله يسلمك
سطام وهو يقوم : اجل انا بطلع وباخذ خواتي
مشعل يقوم ورآ سطام :فمان الله
قـام ابو خالد :وين بتروح يابوي .. توك
سطام :والله ورآي دوام ولا ودي اني جالس اكثر .. وملاك وراها دراسه بكره
قام مالك :ومتعب بيجلس معي
متعب : ايييه بس يابو الشباب انت اللي بترجعني للبيت لان مامعي سياره
مالك :طيب .."يناظر سطام "..أرقد وآآمن اخوك .."ويطالع متعب بخبث"..في أيدي اميينه هع هع !!
متعب يقوم ويعض طرف ثوبه ويوقف جنب اخوه الكبير : هههه "ضحكة خوف"..نسيت ان ورآي دوره ولازم اقوم من بدري ..
مالك يسحبه:اقول امش بس قال دوره قال .. انت وجهك مب وجه دراسه
يوم طلعـوا سطام ومشعل وبعد مادق سطام على نوره وملاك لان نوره بتنوم عندهم
/
هيـا:يلعن شكلك ياسطاااام !
نوره تضرب هيا اللي لاصقه في قزاز الشباك وتقـز سطام وهو يسولف مع خالد اللي توه داخل .. :وجع لا تلعنين اخوي
عليا: عليك فيها فشلتنا
هيـا: مدري شلون صار اخوكم اعوذ بالله ..شوفي لين ناظرتي طول عرض رزه .. "تمسك مكان قلبها".. يـاتسبدييييييه بس!
نوره :ليه وش فينا؟
هيـا : معليششش!..انت بس ناااظري الفرق بين متعب وسطام ..فرق السما عن الارض ..عاد شلون انتوا يالجحلط!!.. يعني سطام جنتل وكأنه امير ولا شاعر .. اما متعب معصصقل وطوووووويل على غير سنع .. سطام ملامحه حلووه وحاده .. متعب احسه بيبي فيس .. مافيه وجه شبه بينكم ابد وبعدين انتوا سمر نوعا ما .. سطام حنطي على بيااض
نوره : من زيييينك عاد انتي واخوانك !..اجل إنّـأ جحلط يالخااايسه
عليا:هييييه عاد حدك تسبين هيا عادي انا واخواني لا
◙◙◙◙◙
- انتي وش فيييك؟ من جيتي من المستشفى وانتي تهوجسين؟
هيله حاطه يدها على خدها .. طالعت اختها :جود! الوحده لما تكون دكتوره شلون تكون نظرة الناس لها
جود :وش هالسؤال؟
هيله:جاوبي وانتي ساكته
جود :...........
هيله :هييييييه!!!..اسألك انا
جود :جاوبت .."ببتسامه عريضه"..وانا ساكته هع
هيله:جوووود .. تكلمي
جود : والله شوفي انا عن نفسي ماأفكر اصير دكتوره .. عشان نظرة المجتمع ..لأن مافي رجال يرضى بـ زوجه دكتور فور تو ريزن!
هيله :الاول عشان الطب لازم اشتغل مع رجال .. الثاني أيش ؟
جود :الثـاني وااضح لان مافي أي رجال يتمنى يرتبط في بنت تكون احسن منه فـ أي شي ..الطب احسن تخصص ومهنه ممكن يدخله الشخص ..فالرجل الشرقي مايبي وحده تكون احسن منه في شي
هيله : ......... " تفكر"
جوود اللي ماتعرفونه عنها انها انسـانه فوق سنها على انها ام 16 سنه الا ان هيله تعتمد عليها في اشياء .. انسانه واقعيه لـ أبعد درجه ..وتؤمن ان الاحلام تبقى احلام ولا يمكن انها تتحــقق!
◙◙◙◙◙
في طريق الرجعه للبيت
- خالو مشعل
مشعل اللي كان جالس قدام جنب سطام :هلا
نوره :وين بتسوي زواجك؟
مشعل :والله وانا خالك مدري ..بس الوكاد انه فالبيت
ملاك :هههههه اهم شي الوكاد .. من تماشي انت ذا الايام
نوره :امممممممم .. طيب انا نفسي اهديك شي
مشعل :وشو
نوره : أبي هديتي لك تكون .. الزواج والطقاقه علي انا
مشعل : لآ
نوره :مشعآآآآآآآآآآل!!.. مب على كيفك الرسول عليه الصلاة والسلام مايرد الهديه .. وانا خلاااص خططت وسويت مابقى الا ضيوف
مشعل لف عليها :على كيف امك انتي!! .. متى خططتي
نوره تكذب:يوم كنت مسافره دقيت على واحد من قصور الافراح واخذت حجز .. وحتى الطقاقه والعشـآء
مشعل :ياششششيخه !..هيييه انا حتى ملكه ماملكت عليها
نوره :معك 3 اساابيع!
سطام : نوره انتي غلطانه يوم تدقين .. طيب لو كنّـأ حاجزين
نوره : انا ادري انكم ماحجزتوا .. وانكم ناوين تسوونه مختصر بس إنّـآ ماعندنا الا خال واحد وبنفرررح به .. وقريب ان شاء الله بنفـررررح بسطام وهو ماخذ حكمت
سطام :حكمت عاد ؟ .. قولي اسم صاحي
ملاك : سطام بياخذ فيّ صقيقتي
نوره : لا ياشيخه .. مابقى الا هي ياخذ بزر .. لا ان شاء الله بخطب له وحده من صديقاتي خلي فيّ للمتعب احسن
ملاك تحط يدها على خصرها :لا ياعيوووني سطام لـ في وفي لـ سطام وهذا الكلام غير قابل للنقااش ابدا البتـه!
سطام :واللي يقولكم انه بيجلس عزوبي
مشعل :ههههههههههه ماأظن والله عقب الصقعه الاليييمه اللي اخذتها تو
سطام يحط يده على خشمه :ايييه والله هيا ذي لي الحين مطفووقه وقسم بالله حسيت اني فقدت خشمي
نوره : جايتنا تررركض مستحيه مسكييينه
ملاك :أي مستحييه انتي بعد .. تكفيين ذي تستحي
نوره تعطي ملاك كووع .. قال سطام :نوير انتي معنا ولا بتروحين للبيت رجلك ؟
نوره : لا معاكم .. قلت لـ احمد اني بنوم عندكم كم يوم
ملاك تصفق:وناااااااااااسه
◙◙◙◙◙
كانت نجلا جالسه عالكنبه في الصاله اللي فوق وتقـرا مجله .. شافت اخوها يزيد يرقى الدرج ومعاه شنطة الاب توب : مازا تفعلين؟
نجلا ترفع عينها :أدور لي موديل حلو عشان زواج فراس وخجل
يزيد يجلس معها : ياحليلنا يالرجال ثوب وشماغ وبس
نجـلا ماردت وقلبت الصفحه وهي تناظر في الموديلات .. تبي شي يصلح لـ أخت المعرس
قام يزيد : ترااك قمـر وربي مب لازم تتدهرين بالكشخه
أبتسمت نجـلا وراح يزيد .. هذا هو عشان يسكت ضميره بس .. يبدي اهتمام قليل لو بس يمدحها ..
هي من يومها صغيره وهي محد يهتم فيها ..شي عادي وتعودت عليييه
◙◙◙◙◙
وجـودي والعدم واحد..[صحيح]..أدري
أدري بعد غ ـيابي..مايفـرق أبد
حتـى انا تـرا مايهمنـي..آمري
◙◙◙◙◙
- لا ياعيوووني .. انا تعباانه و بروح انوم يالله بس فمان الله
ورقت للغرفتها وسفهت اخوها .. مالك طالع اخته عليا : قسم بالله اختك ذي مااتحترم احد .. اجل اطلب كاس مويه بس ولا تجيبه لي
الجوري :ههههه من جدك انت تجيب لك كاس مويه وهي لعبت لعب مع ملاك ..انهد حيلها
مالك بـ قهر منها :بس وشو تراها موويه
عليا وهي ترقى ووتتثاوب : اقول مالك دامها بس كاس مويه انت رح جبه لنفسك لا تصير عجّـآز
الجوري تقوم : من جد يـاأخي ! .. قم جب للنفسك .. ولا ارجع للمتعب تراه ينتظرك فالمجلس ..تشآآو !!!!
راح مالك للمطبخ وهو مقهوور من اخته هيا اللي ماجابت له كاس مويه
رقت الجوري ودخلت غرفتها فتحت الاب توب على مايفتح قامت تغير ملابسها .. اول ماخلصت جلست وقتحت ايميلها .. شافت اختها اون لاين
هٍآِڪّ~[ ڪٍّـٍلًيٍ°•أنإآلٍڪّ™
هااي جواااان
ήσ pяoḿisєs
heey
هٍآِڪّ~[ ڪٍّـٍلًيٍ°•أنإآلٍڪّ™
كيفك ؟
ήσ pяoḿisєs
mo tmaam ='(
هٍآِڪّ~[ ڪٍّـٍلًيٍ°•أنإآلٍڪّ™
يؤ لييييه ؟ =$
ήσ pяoḿisєs
coz jtnee upgrading 0o ana mara confused
(لآن جتني ترقيه وانا مشوشه مره )
هٍآِڪّ~[ ڪٍّـٍلًيٍ°•أنإآلٍڪّ™
طيب هالترقيه جتك من السما ليه ماتترقيين
ήσ pяoḿisєs
ana ma 9ar le wla shhr 3ndhom,yr8ony?
)انا ماصارلي شهر عندهم يرقوني؟)
هٍآِڪّ~[ ڪٍّـٍلًيٍ°•أنإآلٍڪّ™
خايفه منهم انتي؟ =$
ήσ pяoḿisєs
no, but.. I don't know whet ever
ήσ pяoḿisєs
don't matter
◙◙◙◙◙
- مضاوي صاحيه انتي؟
مضاوي جالسه على الكنبه : صدقني يوم شفته ياعبدالرحمن .. يشبه لك مره ..
عبدالرحمن: شلون شفتيه
مضاوي :يوم كنا رايحين الموعد انا وناصر ضيعت ناصر وشفته من ورا اثره مهوب هو .. صار الولد اللي قلت لك عنه
عبدالرحمن سكت شوي .. ثم تكلم : مضاوي! انتي لازم تتناسين محمد لين ربي يفرجها .."وبألم" .. أعتــبري ولدنـا محمد مااات يامضاوي خلاااص لاتعشميين نفسك
مضاوي خنقتها العبره لان كلماته مثل الطعنات في صدرها وقلبها الرهييف .. كلمة انجرحت ..شويه باللي تحس به : انا صار لي 28 سنه ياعبدالرحمن احتري ولدي ولا نيب متراجعه والى الان عندي امل .. انا ثقتي بـ ربي كبيره وادري انه بيجمعني بولدي
عبدالرحمـن : وان متنا انا وانتي ولا جا هالمحمد اللي بدييت افقد الامل من رجعته ؟
مضاوي قامت :انت تفقد الامل شي رااجع لك .. بس انا مانيب فاقدته ابد ليين اخر ثانيه في عمري !
طلعت برا القصر .. كان الحوش الوسييع قدامها ماتدري وين تروح .. جلست بصعوبه عالزلفه لان ركبها توجعها .. لأن رجولها ماتسعفا تجلس اكثر .. ودها تجلس لحالها .. تذكرت اول الايـام من فقدانها لمحمد كيف مرضت لدرجة ان اللي جولها تيقنوا بـ موتها .. وكيف كانت فرحتها بولدها ناصر ناقصه .. بالحييل ناقصه !
كيف كانت تحسب السنين وتحسب كم صار عمره .. ويوم كمّـل الـ 18 أكيد انه تخرج
حتى لما يجي البرد من كثر ماهي تخاف عليييه كانت تفكر انها ممكن يكون مالبس زيين وبعدين يمـرض .. وتشيل هم من بيهتم فيييه
أتفـه الاشياء تفكر فيها ..
وكل ليل تناجي ربها انه يرد له ولدها وعندها آآمل كبر هالكون انه يرجع ليه يجي الحين زوجها اللي ممكن محد بيقدر يحس بها احد كثره ..وبكل سهوله يكسر مجاديفها ويخليها تعيش هالحاله من فقـدان الامل ..مايكفي حركه ولد عمها عبدالله اللي ودعها فيها .. يجي الحين عبدالرحمن يكمل عليها ؟
رفعت راسها للسما وابتسمت وسط دموعها ونطقت بـ : محمد وينك الحين ؟..مبسووط ولالا .."تنهدت"..يارب يارب رده لي ياأرحم الرااحميين
◙◙◙◙◙
اللي فيني صَارِ هَذا! . . . .مُوِ " ح‘ـَرِامْ "
عِ‘ـَيشْتي صَارتْ ظَلامفِي . . 'ظلام
صِرِتْ أعبّر عَنْ جُ‘ـَروحِي بـ(الڪَلامْ)
وقُمتْ أحِ‘ـَسْ إن الح‘ـزنْ شَخصٍ عَشقْني
مو ڪِفايه "ج‘ـَرحْ" غِيرڪْ,مو ڪِفَايہ . . !
ڪِل ما أبّدي ( بِداياتِي) . . { نِهَـايہ~
◙◙◙◙◙
كانت منسدحه على بطنها وتحتها المخده وفارشين لهم فالارض : يعني كذبتي؟
نوره : ههههه ايه .. يالله شدي حيلك نبي قصر زيين
ملاك تفكر : وش رايك بالمقصوره
نوره تكشر وفي يدها قلم حبر ودفتر ابو 40 ههه:لالا .. صغييييييييير مره .. وش رايك بـالانتركونتننتال ؟
ملاك :الحين اللي يسمعك الانتر كبير .. ياشيييخه نبي شي يواجه وبعدين لاتنسين ان مشعل انسان يحب المظاهر
نوره : وش رايك طيب بـ قصر الرياض
ملاك : اممممممم لا.. غناتي حلوه ترا
نوره :لا نبي قاعه.."وصررررررخت "..لقيتها !!!!!
ملاك :اييش؟
نوره :السليمانيه تجـنن !
ملاك تميل شفتها بتفكير :بس مشكلة السليمانيه انها طويله على غير سنع .. وعاد يبلك كووشه كبييره عشان يكون للعروس طله وهي جالسه عليها
نوره اخذت القلم وكتبت القاعات : شوفي بكتب نياره والسليمانيه والانتر
ملاك :ياسـلام وغناتي؟
نوره :طيب طيب .. "وتكتب"..غناتي ولو انها ماعجبتني .. وووو اممم وش رايك بالرياض والله حلوه
ملاك :اكتبيها
رفعت نوره الجوال ودقت على مشعل رنه وحده
ملاك :يالقعيطيه
نوره :كلي تبن اذا كان نايم مب دااق واذا قايم بيرد علي ..فهمتي
ملاك:ايييييييه !!! .. طيب وش تبين به ؟
نوره : ابي أسأله أي قاعه يبي
ملاك :بس انتي فهمتيييه انك حاجزه وقاضيه
نوره تضرب راسها و تدفنه بالمخده :نسييييييييت ..
ملاك :حبل الكذب قصيـر
رن جوالها طالعت ملاك : وش اقووووووول
ملاك :قولي له انك حجزتي عشا وطقاقه بس القاعه مابعد .. وانتي اصلا كذابه كذابه
نوره :صح صح .. "وردت " أهـلا وسهـلاً
مشعل : هلا نوير وش عندك بالبخيييله رانه رنه ومسكره
نوره :هههههههههههه لاوالله خفت انك نايم قلت بدق دقه وان رجع يدق قهو قايم
مشعل:ايه وش بغيتي
نوره :أسمع ابقولك اسم كم قصر وابيك تقول وش معجبك فيهم
مشعل :بس انتي حجزتي
نوره : لا
مشعل:يالنصاابه ..اجل دام كذا لاتحجزين ..مب لازم
نوره :بس انا طلبت العشـآ والطقاقه .. واحنا الحين مو موسم فعشان هيك بلقى حجز بسهوله المهم .. وش رايك .."وترفع الدفتر تقرا".. نياره السليمانيه الانتر غناتي ..الرياض
مشعل يفكـر:ام .. وش احلى ؟
نوره انا اقول السليمانيه وملاك تقول غناتي ..
مشعل :الارخص؟
نوره :وش علييييييييك بتدفع شي من جيبك انت .. المهم جاوب ؟..
مشعل :هاتي مهله افكر
نوره :ادري انك بتروح تسأل وش ارخص .. بس ترا مافي ارخص واغلى هي على عدد الكراسي .. وترا اقولك من الحين بحكم خبرتي بذوقك .. ترا السليمانيه احلى
ملاك :لاااااااااااا ؟
نوره :وانا صااادقه .. السليمانيه اكبر وافخم واحلى اووجهه
مشعل:هههههههههه طيب السليمانيه .. ومنهي الطقاقه
نوره : هههههههه مالك دخل .. في العرس بقولك ..
مشعل :طيب عمتي..
يوم سكرت ..وكانت مبسوطه :معنا ترا بس ثلاث اسابيع
ملاك :بس ماعندي فستان
نوره تضرب صدرها:افا عليك .. شريت لك يوم كنت مسافره
ملاك :أمااااااااااااااانه !!!..وريني اياهم
نوره : نسيت اطلعهم من الشنطته شوفي غرفتي في شنطة عوتشي روحي جيبيها
راحت ملاك .. ثواني وهي جايه تجر معها الشنطه .. ضحكت عليها نوره كان شكلها يضحك
ملاك :ايييه ضحكي
نوره :ههههههههه امشي نتفرج بس ونقووس
- وش تسوون ؟
شافوا البنات ابوهم اللي كان لابس ثوبه بشكل مهمل وشماغه على كتفه .. أبتسمت له نوره :أبـد نجهز للعرس مشعل وش بنسوي مابنحط وهيك
ابو سطام : عاد لاتسهرون واجد نوموا طيب
ملاك ونوره : طيب !
◙◙◙◙◙
مـن بكره
طلعت من المحاظره وهي مبسووطه .. شافت صديقتها في وجهها كانت ندى معطيتها ظهرها جتها من ورا وغطت عيونها ..
ندى راتااعت وحطت يدها على يد نجـلا : بسسسسسسسم بالله .. "وتحسس اليد"..هاليد الناااعمه للنجلا
شالت نجلا يدها :ياعيني ياعيني .. نصاابه شلون عرفتيني
ندى :هههههه من ريحة عطرك ياغبـاء..وش عندك مبسوطه
نجـلا : الدكتوره واقفت تعيد لي الامتحااااان .. روحي اشكري لي خالد اخوك وربي مبسوووووطه مرررره
ندى:ههههههه
نجلا : مررررررررره شي سعييييييد
ندى :وين خجل
نجـلا: كنت امشي معها قبل شوي .. ورن جوالها وراحت تكلم
ندى :فراس؟
نجـلا:أي ثينك
◙◙◙◙◙
لما كانت تمشي ومتجهه للباب بتروح الجامعه .. وقفها صوت اختها جود وهي تقـول :هيييييله ابي اروح المدرسه انتظري
هيله تطالع ساعتها:وييين تروحين 9؟..دوام شيوخ
جود تعفس وجهها عشان الشمس :وش اسوي راحت علي نومه
هيله : غيبي اليوم ماله داعي .. ماعندي فلوس للتاكسي
جود :والسواق
هيله :مقدر ادفع له فلوسه لازم يصبر له شوي التاكسي ارخص منه يالله بس كبري المخده ونوومي
جود :اوكي ..
اول ماسكرت هيله الباب نطت جوود من الوناااسه ..راحت للتلفزيون وشغلت على mbc max وجلست تطالع فلم ..
◙◙◙◙◙
رقى للسطح وشاف خالته تغشل الملابس وتحطهم في الطشد ..
- مريووم ..
التفتت مريم .. وشافت نواف :اهلا نوافي .. "ونزلت راسها تكمل غسل اخر قطعه"..راجع بدري
نواف جلس :تدرين اني اليوم رحت لـ أبوي فالشركه .. وشافني السكيورتي وعيّآ يدخلني عنده؟
مريم :اول شي قم البلاااط حار مره .. والشي الثاني وش الغريب من زمان وجدك مبارك واقف لكم بالمرصاااد .. انت اصبر وتحمل
نواف :الله يصبرني يارب ..
قامت مريم عشان تنشر الغسييل .. وقام هو معها .. وجلس يساعدها
مريم تستهبل:هوو هوو يااعيباااه تراك رجال
نواف يشيل بلوز حمـرا له :عادي ماعندي لا شغل ولا مشغله .. والحين مب وقت نومي
مريم : احسك طفل .. لك وقت نووم خاص
نواف يبتسم :ونااسه لوني طفل .. احلى شي
مريم :تتذكر يوم انا وانت تنسدح قدام القناة الاولى نحتري بينك بانثر ؟
نواف:هههههههههههه اييه ..
مريم تعلق جلابيه للأم نواف : بس انت ماكنت تحب توم وجيري لييه؟
نواف يكشر:مدري ماااصل ماأحبه
◙◙◙◙◙
كانت مبسووطه كبرالدنيا من هالرسآله اللي تو جتها ..
رجعت تدق على عمها ..
رد : هلا جـوآن
جوان : هلا عمي .. كيف الحال ؟
ابو خالد ومالك : الحمدالله بخير .. انتي وشلونك
جوان :الحمدالله ..
ابو خالد : يمكنك سمعتي الرسأله .. وأبي رايك عشان يحجز لك خالد .. هاه بتجين؟
هذا سؤال بالله .. من بيعاف يروح بلده واحب مكان له .. وبتشوف اختها بعد ..بس قالت تتصنع الثقل:هو زواج مين ؟
ابو خالد : زواج مشعل .. خال نوره وملاك
جوان : إيه بـ أجي .. بس باخذ إجازه اذا سمحوا لي الشغل
ابو خالد : انتي متوظفه؟
جوان ببتسامه : إيه
ابو خالد : تخرجتي؟
جوان :إيه صار لي كم شهـر .."تفكر"..تقريبا 5 شهور
ابو خالد : المهم عطيني خبر من بدري .. عشان نحجز لك
جوان : طيب
شلّت إيدين [الصبر ] . . !
وماتتْ بـ قسوتڪ.. طلفه !
ما تمنّتْ في يوم غير [صدرٍ ] . . !
لازعلتْ،جاب لـ ضيقها لِعبہ
ما تمنّتْ في يومْ غير.. قـلب !
لابِڪتْ،ضمّها لـ/صدرهـ
◙◙◙
الجزء الخــامس عشـــر..!
◙◙◙
ركبت قدام واخوها ورآ .. قال وهو يتفحص شكله بالمرايه حقت السياره :بـدري!! .. كان ماطلعتوا ؟
نوره تشيل طرحتها وتحط راسها عند المكييف :وش اسسسوي زحمه ماتوقعت انه كذا
ملاك : نووووير من جدك انتي ..موديتنا هالمشششغل غالي مره
نوره :عاادي اهم شي نكششخ .. "تطالع سطام"..حلقت سطامي
سطام يتلفت عليها :ايه كيف؟ .. حلو؟
ملاك تجي قدام :ورني
نوره :حلوو مررره
ملاك :كم مرررره قلت لك سوو سكسووكه مب كذا نص سكسوكه ..
نوره تستخف دمها : مامعه فلووس هاهاهها
سطام يحرك السياره : يااامصلي .. المهم وين بتروحون
نوره :ودني بيتي ملابسي هناك ..
ملاك :وانا ؟؟
نوره :انتي روحي القصر مع امي .. وبعدين من قدك المعرس بيكون معااكم
سطام :مشعل لين الحين عند الحلاق
نوره : ايه اكيد .. يموت بس يصير شكله حلو
◙◙◙◙◙كانت تطالع فستانها بإنبهـار .. والتفت لها :نجول وش رايك ؟..تتوقعين يعجب فراس؟
نجـلا تتقدم وتطالع الفستان :يجـنن خجل .. بس جربييه اول وبعدين احكم
خجل تاخذ الفستان وتروح غرفة الملابس وتقوس فستان زواجها ..
اول ماطلعت .. كان الفستان طويل .. ولابسته من غير طرحته . كانت فتحت الصدر لين تحت الرقبه يعني الى عظمة الترقوه .. ولا شي طالع منها من قدام والاكمام طووويله .. ولما لفت كانت فتحت الظهر كبييره لين اخر الظهر وبعدين في شي السلسله عليها المـآس يلمع طويله توصل لييين ظهرها وفي الاخير حلقه مكتوب فيها حرفها وحرف فراس ..
نجلا: شلون لقيتي حرف الـk و f
خجل :طلبيـــه
نجـلا : مرررررره حلوو خجل وفخــــم
خجل وهي تناظر الفستان اللي ناعم وفخم : تتوقعين يعجب فراس
نجلا:دامه عاجبك فـ هوو معجب فراس
◙◙◙◙◙
كانت تنزل الدرج .. وهي تهوجس .. والف فكره داخلها .. لما وصلت للدرجات الاخيره .. ماحست بنفسها .. ووو
طــــــر آآآآخ !!!
طاحت .. حست بألم فظييييع برجولها .. وهي حرمه كبيره ولا تتحمل .. سكرت عيونها من الالم .. حمدت ربها ان جوالها معاها .. رفعته واتصلت على آخر رقـم
- هلا والله وغـلا
مضاوي وهي تتألم :نـاصر .. نـاصر الله يخليييك تعال الحين
ناصر ارتااع :وش فييييك؟
مضاوي : طحت!..تكفـى تعاال
ناصر: طيب يمه طيراااان
مضاوي ارتاعت:لالا .. لا تسررع تكفى ياناصر .. ماأبي افقدك انت بعد
ناصر :ابشري يمه .. شوي وانا عندك
عَبَثَ " الحَزنُ " بِقَلَبِيِ وَرَحَلَ .. !
اول ماوصل .. جاها ركضض .. تجاهلت المها وسألته وهي تمسك يده : ناصر .. انت جيت مسرع بالسياره صح؟
ناصر : يمه ماعليك انتي .. جيت باللي هو به .. امشي بس
ساعدها توقف وصررخ على الخدم يجيبون عربيه
◙◙◙◙◙
وقف قدام المرايه حقت التسريحه .. عدل شماغه اللي كان مكوي بـ عنايه ..اخذ علبه كان عطر جديد.. من Danhill..
القـى على نفسه نظره كان لابس ثوب ابيض .. وفي يده البشت بيج لونه .. طالع وجهه كان شكله حلوو لان توه محلق .. أبتسم لنفسه وبانت صفة اسنانه اللي مثل اللؤلؤ ..
طلع وهو يشم ريحة البخورطالع الساعه تونا 7 ونص .. شاف امه لابسه وقاضيه ..
أبتسم وحب راسها : طالعه قمر ياأم سطام .. مبروك
ام سطام تبخره :الله يبـارك فيييك وعقبالك ان شاء الله .."رفعت راسها تنادي ملاك"..مـــــــــلاك يالله ياأمي تأخرنا
نزلت ملاك . وهي شايله كعبها .. : طيب طيب يمه وربي خلصت
التفت سطام وهو يرفع شماغه :ياكششششخه .. وش ذا الزين
ابتسمت ملاك :جد؟
سطام : والله ..
كانت ملاك لابسه فستان ناااعم ومناسب للعمرها .. ممسوك من الرقبه وظهر مكشوف .. وبعدين ضيييق لين الخصر وشوي من تحت .. وبعدين منفووش بنعومه .. لونه اسود, وكعبهاا اللي شايلته بيدها اسود .. وشعرها مسويته ويفي وبآف ..
سطام :وين متعب
ملاك :توه الاخو يتروووش
نزل ابو سطام وهو يتنحنح ويقول بصوته الجهوري :لا إلـه الا الله ! .. يالله ياحريم خلصتوا ؟
سطام : هلا يبـه
ابو سطام : هلا سطام ! .. حصه ماقضيتي كل ذا تزين ؟
حصه تتأكد من انه حطت كل شي في شنطتها : أيه ايه هذاني قضيت ..
◙◙◙◙◙
وقفت قدام المرايه تتفحص شكلها قبل تلبس عبايتها .. كانت لابسه فستان يليق ببنت اخت المعرس .. او اخت المعرس لانها تعتبر مشعل مثل اخوها الكبير وغلاه من غلا سطام ومتعب ..
كانت فستانها ضييق شوي .. وعاري الاكتاف ..وماسك لين الفخوذ .. مموج مابين ليلكي و موف محرووق .. لفت راسها شوي على جنب كانت تسريحتها ويفي ومرفووع على فوق .. ونازل منه خصل معطيتها شكل .. ومكياج سموكي ومناسب مع حواجبها التشاينيز ..
- خلصتي نوره ؟
نوره تلفت لـ احمد ومن غير اهتمام له :إييه .. "و عينه عالمرايه تعدل التسريحه"..بروح الحين
احمد يطالعها: حلو شكلك
نوره إبتسامة مجامله:مشكور..
تعدته واخذ عبايتها .. واخذت شنطتها .. وطلعـــــت
◙◙◙◙◙
كان جالس يحتري امه اللي عيّت تخلييه يدخل .. احيانا يحس ان امه غريبه ماتحبه يشوفها وهي في اضعف حالاتها ..
طلعت له الدكتوره اسماء وهي مبتسمه : اسـتاز ناصر !
قام :شلون امي
د. اسماء : اممم هيّـآ عال العال .. بس لازم ترتاح عندنا كم يوم ..
ضاق صدر ناصر لأن امه يتظطر تتنوم في المستشفـى .. فهم من الدكتوره ان طيحتها تعتبر عاديه بس لان ام محمد رجولها خلقه تعورها .. فهالطيحه اثرت عليها .. والحين لازم تتنوم لها كم يوم ..
حمـد ربه انه مب كسر
دخل على امه اللي كانت منسدحه وابتسمت له اول مادخل ..قال وهو رافع الجوال :خل نشوف ابوي وش بيقول لامنه درآ انك تامرين في الدرج
ضحكت ام محمد :منتب صاحي .. هذا كبري اطامر
ناصر ينزل الجوال :لا والله منتيب كبيره يمـه .."وقام يحسب"..عمرك 46 سنه في عز شبابك
مضآوي : اذا انا في عـز شبابي اجل انت وش؟
ناصر: ههههههههه في عز شبابي بعد .. وأبوي عمره .. امممم 50 ..والله انكم صغار يمه
مضاوي : العمر كله لكم ..
ناصر اتبسم :وجعل تقـر عينك يمه
مضاوي :آآمين !
◙◙◙◙◙
فينيّ گلآمْ . . !
مآهُو مُجرّد [ فَضْفَضة ] !
أوُ " . . آهْ ،
أزفرْهآ وُ . . أنآمْ !!
فينيّ گلآمْ ،
أگبرْ من آللي إنقآلْ !
و آللي مآتْ | . . بـ صدُورْ الأنآمْ . . !
◙◙◙◙◙
- قومي جوان خلينا نرقص
جوان :لا مأعرف ارقص خصوصا خليجي
الجوري تضحك :هـزي وبس يالله عاد
جوان تسحب اختها :إجلسي ماشبعت منك .. سولفي لي
الجوري :وش اقول يعني .. كل سواليفي قلت لك ياها بالمسـن
أبتسمت جوان الحين محد مثلها بالفرحه .. يكفي انها الحين جنب اختها وفي أرض الوطن اللي ياما حلمت انها تعيش فيها ..
تذكرت اول ماوطت رجلها السعـوديه كيف انبسطت .. وكيف انها من طريق المطار للبيت ماملت وهي تناظر الشوارع والنـاس والسيارات .. حتى انها قامت تتمقل في وجيه الناس تبي تشوف اهل الرياض .. ملت من هالخواجه والشقـر تبي ناس من اهلها
ولا يوم شآفت الجوري .. كيف حضنتها ولاقدروا يمسكون نفسهم .. صآحوا لين قالوا بس .. بس اللي معكر عليها فرحتها انها تدري ان مصيرها بترجع لأمريكا .. وبترجع للروتينها .. وللشغل ..
- وين وصلتي؟
جوان : معك ..
◙◙◙◙◙
عـ الساعه 11 ونص ..
كان مشعل حالس والمعازيم اللي كل خمس دقايق يدخل واحد ويقوم هو يسلم ..
مشعل يكلم سطام : أقول نصيحه لك
سطام : وشو
مشعل :ان تزوجت لا تكبر عرسك .. جتني حكه في خدي وكرهت كلمة الله يبارك فيك
سطام ضحك :ههههههههههههه
حط سطام رجل على رجل وطالعه مشعل : اقول يالاخو .. وش جزمتك
سطام يناظر جزمته :مدري ..بس اللي جابتها لي نوره
مشعل :وش ماركتها
سطام :والله مدري .. بس ذييك اللي عليها رسمة خريطه
مشعل يطالعه يإستخفاف:وش .. وش خريطته!.. من جدك ماتعرف تقول الفيرو مرتيني؟؟
سطام بـ نص عين : ليه شايفني مشعل لا سمح الله يعني؟
مشعل : يحصل لك بس توصل نص ثقافتي
سطام :ارحمني ثقافه في اشياء واشياء لا .. الا متى زفتك؟
مشعل :مابعد نادوني .. تقول نوره ان الجازي بتصور ثمن بتنزف
سطام :أسمها الجازي؟
مشعل : ايييه ماتدري؟
سطام : وش درااني .. بس مب كن اسمها قوي شوي
مشعل:شلون قوي؟
سطام : مدري المهم انه قـوي
مشعل: والله بيني وبينك اسمها ماعليه بس انا توقعت اسم ناعم يعني .."يستهبل".. يآرا ..لارا
سطام يكمل:خيـآرا
مشعل:هههههههههه .. لاجد انا كنت متوقع اسم نااعم يعني بس عادي اسمها حلوو نوعاً ما
سطام :لا والله زين اسمها مع الوقت بتتعود ان شاء الله
رن جوال سطام
المتصل>الغاليه نوره
سطام :هلا والله
نوره : سطام قـل لـ مشعل يدخل
سطام : طيب ..
يوم سكر سطام :مشييعل يالله ادخل .. اتمنى لك حظاً سعيداً
مشعل يقوم :زين شكلي يآبو ؟
سطام أبتسم :ايه يابن الحلال رج لحرمتك تلقاها تتنافض
جا ابو سطام : مشعل وراك مادخلت ؟
سطام يناظر ابوه :هذا هو بيدخل
ابو سطام يربت على كتفه :يالله يـأبوك بتتأخر على حرمتك كذا
مشعل : إن شاء الله !
◙◙◙◙◙
كانت ملاك جالسه مع هيـا .. وحاطه شنطتها على بطنها ..
هيا تطالع خوات العروس : مب حلوه ملابسهم
ملاك : أشكالهم قراوآ
هيا: لايكون مرة خالك كذا .. ترا ينصرع خالك هو عاد كل شي عنده الكشخه
ملاك :لا ماأظن .. "تتلفت".. وين الجـوري
هيـا : من جت جـوان وهي معطيتنا بـلوك!..
ملاك :ههههههه يحق لها يختي اختها ..
هيا : مدري يختي بس ولو حتى احنا خواتها مب بس جوان
ملاك :غيره الله يكافينا الشـر
هيـا: على تبـن
بدت الطقاقه تطق ..
قامت هيا: ملاكوه امشي نتنكس ..ترا من بدآ العرس وانتي جالسه كذا
ملاك :معلييش هيوني روحي انتي ..
قامت هيـا على بداية الاغنيه وقامت ترق مع الحريم ..
- ملاك امشي .. خالي مشعل فوق قومي نصور لأن الزفـه بتبدآء
قامت ملاك وهي تحاول تغطي بطنها .. ومشت ورآ نوره اللي من بدا الزواج وهي ماجلست بس تروح وتـجي ..
لما وصلوا فوق كانت العروس تصور .. ومشعل مابعد جآ .. ماكان فيه الا ام العروس اللي شكلها عجـوز وام سطام وأحلام
ملاك :وين خالي؟
نوره تسكر الجوال: توني مسكره بس سطام يقول انه مستحي
ملاك قامت تضحك :هههههههههههه ..اما مستحي ..
طالعت فالعـروس اللي كانت مملوحه وحلوه .. كانت لابسه فستان أتعب وانا اقول فخم فــخم ! ..
كان ضيق من فوق وتوب من غير سيور .. ضييق لين الورك ويبدا ينتفـش على شكل طبقآت .. اما تسريحتها كانت رافعته شنيون كبير وملفوف عليه مثل الشرايط الساتان وعليها زي الالماسات .. ومن ورآ الطرحه طووويله مره ومنثور عليها كرستال .. ومكياجها حلوو ومناسب وجهها ..
ملاك يخبط خدها:يلعن شكلك يانوير وش هالفستان
نوره تطالع ملاك بتسأل: حلوو ؟
ملاك :خــــقق!.. ولا شوفي طرحتها
نوره :الله يطمنك ياشيخه ! .. وربي خفت انه شييين
- مادقيتي على مشعل ؟
نوره تكلم أحلام :إلا هذا هو جآي إن شاء الله
جتهم ام سطام :وين مشعل
الا ومشعل يدخل .. كان لابس ثوب ابيض ومعه شماغ احمر والبشت اسود .. وملصح السكسوكه
ملاك : ياهوو يامسحتي
مشعل مبتسم ويتكلم وهو راص على اسنانه ويسوي نفسه مايتلكم : بيجيك كف ياحماره
ناظر مشعل في الجازي زوجته اللي كانت متسوطة الطويل .. كانت منزله راسها و مستحيه .. اللي ماعجبه فيها انها بيضآ .. بس طنش لأنه انبهر بفستانها ولبسها .. كانت كشـخه بشكل ماتصوره ..
قالت له المصوره يتقدم عشان يآخذون الصور ..
والعائله معآهم ..
/
بدت الزفـه ودخلت الجازي عشان توقف على رآس الدرج .. والناس في ترقب لها .. وكأن هالليـله ليلتها لها لحالها هي ومشعــل ..
لما خلص الشآعر كلماته ..صارت الجازي تنـزل على انغآم الموسيقـى الكلاسيكيه بـ كل نعومه ..
كانت اطرافها ترتجف وحمدت ربها ان المسكـه تخفي يدها اللي ترجف من قوة الخوف والربكـه
مشت لين وصلت للكوشـه اللي كانت عباره عن كرسي ابيض .. والانوار اللي كانت مطفيه ..كان في انوار موجهه على الكوشه تتراوح الوانها مابين الموف والذهبي والتركوآز .. وعلى اليمين واليسار درج ابيض محطوط لـ الزينه ومثل الاعمد حقت الاغريق والورد المجـفف ..ببساطه كانت رايقه وحلووه
وعالكوشه فييه كور تولع لمبـه ذهبيه ..
جلست وبـدوا الناس يسلمون عليها
◙◙◙◙◙
كان ينزل الدرج .. شاف اخته معاها كم كيس وجالسه توربي امها الملابس ..
وصل لهم في الصاله اللي عالسيار .. ورمى نفسه عالكنب : وش عندكم ؟
خجل : اوري امي جهازي
بندر : يآكشخه ! .. متدرين اني مابعد فصلت ثوب
ام سعود : انتوا مايبي لكم شي .. كلها ثوب وشماغ وجزمه
بنـدر : وعقآل
خجل : بندر متى تتزوج
بندر : خلني الحين اخلص رسآلتي .. ثمن الله يفرجها
ام سعود : كم بآقي لك عشان ترجع
بنـدر :امممممم الاجازه المقرره علينا شهر .. ومع الكرسمس تقريبـاً اسبوعين
ام سعود : عقبال ماتتخرج ولعد تسآفر ابد
خجل:آميييييين .. جد جد إن شاء الله تتزوج
بندر :يابنت الحلال .. لو اهلي مب مقيديني آخذ بنت عمي كان تزوجت وكملت دراستي وهي معي
ام سعود عجبتها الفكـره : طيب سو كذا
بنـدر :منيب ماخذ من بنات عمي
خجل ببتسامه:حاط عينك على وحده؟
بنـدر : لا والله ..بس ماأحب ارتبط في أقاارب ..
ام سعود :وش نسوي هذي تقاليد العائله .. ولا لنا يد في هالشي
بندر :لا والله لنا يد .. بس انتوا اللي ماتبون تتركون هالتخلـف
◙◙◙◙◙
ماسكه صحن المكرونه في يدها .. مشت بتروح للغرفتها .. تبي تتعشى وتنوم .. حتى انها لابسه ترنج بيتي .. سمعت صوت الباب ينفتح .. دخل ابوها بـ هيبته اللي تشبه هيـبة الملوك ..
اتجهت له وسلمت عليه :الحمدالله عالسـلامه يبـآ
ابو فراس :الله يسلمك .. "يطالع فوق " .. وين ساره
نجـلا تهز كتوفها : ماأعرف ..يمكن طالعه
ابو فراس : طيب نادي وحده من الشغالات خليها تطلع شنطي فوق ..انا بروح ارتـآح ..
أبتسمت له :إن شاء الله
ورقـى ..
فيك " قلب " مايعرف [ أسم الأبـوه ]
وفيني ( قلب )
لاحكوا فيك ؟
أنكسر !
أنكسر !
أنكسر !
نادت شغالتين .. عشان يشيلون الشنط .. توها بترقى ثانيه الا تلتفت على صوت الباب مره ثانيه كان مشاري داخل ومعاه الأي تتـش .. ويمشي وهو يرقص
مشاري: هلوو سـيس!
نجلا تشيل السماعات : انت ماوراك مدرسه؟
مشاري يلتفت ورآه .. :لا ورآي باب
نجـلا : يستخـف دمـه ذا !! .. ميششش رح ارقى اقرآ لك كلمتين ونم احسن لك
مشاري يستهبل : إن شاء الله يمه
عورت هالكلمه قلب نجـلا .. راحت وصحنها في يدها ..
◙◙◙◙◙
نزل للفنـدق .. وفتح لها الباب يساعدها تنزل .. أبتسم :تفضلي !
نزلت وهي منزله رآسها .. اول ماخلص الاجراءات .. رآحوا للـغرفه
دخلت الجازي .. ونزلت طرحتها .. اول ماسكر مشعل الباب : تو ماتبارك المكان
نزلت الجازي راسها بحيآ .. جلسـوا عالكنب .. مشعل مايدري وش يقول .. أبتسم وقال : أثـرك قمر ..
الجازي :..........."مستحيه"
مد يـده يمسك يدها : تدرين كان نفسي اشوفك قبل الملكه او عالاقل بعد ..
رفعت راسها وكأنها مستغربه .. بس ماتكلمت .. قال هو : وش تبين تتعشين؟
تكلمت اخيراً : براحتك .. أي شي
مشعل :امممممممم تحبين السي فود
طالعته متنحه شوي .. ثمن .. :عادي ..
مشعل حس انه احرجها :بجيب لك المنيوو .. وانتي اختاري طيب؟
الجازي : طيب
◙◙◙◙◙
اول مادخلت الجناح .. كانت رجولها تعورها من العكب والدبك في هالعرس .. فتحت الباب كان احمد راقد ومعطيها ظهره .. دخلت بشويش فصخت ذهبها ومجوهراتها .. اخذت لها بيجاما .. ودخلت الحمام عشان تغير .. لان المكيف المركزي مشغل .. ولا تبي تغير عند المكيف .. طالعت وجهها بالمرايه اللي مليان مكياج .. تحس بغثيآن ودوآر ..ليه لا وهي ماكلت شي ..بس مالها نفس ..مسحت مكياجها وجلست عالسرير وتحس بـ مغص لأنهاماكلت .. بس مالها نفس طالعت احمد اللي كان نايم وملامحه هاديه ..
أبتسمت وهي تطالعه .. احيانا تفكر تسامحه بشكل جدي .. بس هو سكير ومجرد يطلعون بـرآ الرياض ..يسكـر !
كيف أمن نفسها على واحد كذا ؟
انسدحت وحطت يديها على بطنها وعينها عالسقف .. رمشت كم مره وهي تفكر بحياتها مع احمد ..
هل بـ تستمر ؟ .. ولالا ؟
ماتنكر انها مشتاقة له حيـل .. كانت طول الوقت تلهي نفسها بروحة بيت اهلها وهو ماقـال لها شي .. كانت تلهي نفسها التجهيز للعرس .. الحين ماعندها عذر بس والله مشتآقة له مـــره
◙◙◙◙◙
وجعْ . . مدْري ألمْ ,
. . . مدْري سخآفة همّ . . !
. . بس الأكيدْ إن كلّهآ تحتوّينيّ ! ~
أرقْ مدْري قلقْ ,
مدْري إنتفآضّة همّ . . !
جُمهُور ضيقْ من السّهر ذآآبْ فينيّ !!
◙◙◙◙◙
من بكره .. وفي جامعة الملك سعود
كانت جالسه والنظاره مغطيه نص ملامحها الحزينه .. الدموع الجافه ..
- وش فيك ؟
رفعت عينها للصديقتها إيمان .. ثمن نزلت راسها .. ولا ردت لان كلمة بس بتصيح
أيمان تجلس عالطاوله وتحط شنطتها جنبها :وش فيك؟
مـرام خانقتها العبره : انا مليت .. مليت من عيشتي من كل شي ! .. ابسط احلآمي ماتتحقق ..
إيمان : مرام وش فيك وش يخليك تقولين كذا
مرام تصيح : أكرهني واكـره عيشتي ..ياليت الواحد يقدر يختار اهله ..يالييييت !!
ايمان : هذا اكيد عبدالله اخوك
مرام :تخيلي يا ايمان امس ضربني من غير سبب مقنع .. يقول انتي تعديتي على مرتي بالحكي .. من زييينه هو مرته جلعم الموووووت يارب ..
إيمان بغموض : انتي محد بيحل مشكلتك الا الزواج ! .."تتذكر"..الا حليتي زين بالاختبار
مرام : من طقني عبدالله ماقدرت أذآكـــر
إيمان سكتت شوي تناظر تحت ثم رحفت راسها : عندي لك حل .. انا مجربته
مرام رفعت راسها وقالت ببلآهه : إيش ؟
إيمان ترفع شنطتها : عندي لك حبه يامرام .. تخليك تنشين ابو الدنيا .. وتقدرين تركزين بالمذآكـره
مرام :حبـة ايش ؟
إيمان تطلع حبه بيضآ وتمدها للـ مرام : خذي .. راح تحسين انك احسن
اخذت مرام الحبه .. كان قدامها قآرورة مويه : اوكي !
اخذت القاروره .. ورمت الحبه في فمها بعدها شربت المويـــه
◙◙◙◙◙
طلع من الحمام بعد ماأخذ له دش ينعشه .. ويجدد نشاطه اللي مب محتاج تجديد أساسا .. دخل غرفة النوم لـقى الجازي زوجته تمشط شعرها بس صـدمه لبسها !!
كانت لابسه تنوره طويله بنيّـه جنز وبلوزه قطن بيج عليها زي الجاكيت قصير الجنز نازل منه زي الترتر مخيط من قدام يعني من ورا بلوزه عاديه جداً .. وشعرها فاكته وواصل لين تحت ظهرها .. وتحت شوي .. لونه اسسسسود وكله قطعه وحده ولابسه طوق لونه بنـي الكئيب
مشعل : هذا لبسك ؟
الجازي تتبتسم :إيه مو تقول بنروح لأهلك !
مشعل : إيه !
طلع من الغـرفه وصكته غلقه .. ماكان متوقع انها قــرويه كذا !!! ..
والكشخه اللي أمس وين راحت
طلعت وهي لابسه عبايتها وجاهزه .. كانت عباية رآس اللي يجي فيها لمعه وغطوه اللي تجي طبقتين .. بس هي كانت رافعته على راسها يعني بس تنزل الغطوه تصير متغطيه .. ولا لفت طرحه يعني رقبتها كانت مبينه .. شكلها مرررره قروي ..
مشعل وبدآ يعصب : طيب يالله
استغربت منه .. بس مشت ورآه ..
وطلعـوا ..
◙◙◙◙◙
- جوآآآآآآآآآآآآآن يالله قومي .. كل ذا نوم
هيا : يا أن اختك ذي عاشقه النوم بقووه
جوان تغطي راسها : وقسم بالله اني مانمت طول امس
عليا تناظر الجوري : اختك هذي اكبر كذاابه اول من قام يشاخر هي !
الجوري بضحكه :ههههههههههههههه .. خل نطب عليها
هيـا تفرك يديها بحماس: ميب شششششششينه !
/
تحت عنـد ابو خالد وام خالد
ام خالد مبسمه : والله كان العرس امس زيين حتى البنات وسعوا صدورهم
ابو خالد : وجـوان أستاسع صدرها ؟
ام خالد :إيه والله ..
سكتت شوي وهي تطالع زوجها وعينه عالتلفزيون والشريط اللي تحت حق الاسهم .. قالت بتـردد : اقول ابو خالد .. ورآ ماتخلي جوان تعيش عندنا على طول
ابو خالد وعينه عالشاشه : انا قلت لك رآيي بهالموضوع .. مستحيل اعيش وحده في بيتي مدري وش تربيتها .. ولا دينها وملتها .. وحده عايشه طول عمرها برآ انا وش يدرني حتى اذا هي بكـر ولالا !
ام خالد : افحصها
ابو خالد :منيب .. خلها كذا احسن .. وان طلعت بكر ..بس اخلاقها مهيب زينه .. وخربت بناتي وبنت اخوي ..ساعتها انا وش ابسوي
ام خالد : اجل وراك جبتها الحين ؟
ابو خالد :الجوري كسرت خاطري ! .. قلت خل تفرح بأختها اسبوع .. ولا لو بيدي خليتهم مايحاكون بعض ابد
ابو خالد :انا رجال اللزم ماعلي سمعتي .. وانا عندي بنيّ بزوجهم .. ولا أبي هالبنت مدري وش تصير ولا وش اصلها .. تجي عندي .. وانتي تدرين اكثر شي حساس في هالمجتمع السمعه !
◙◙◙◙◙
كانت منسدحه ولا تدري وين تروح عن نظرات اهلها ان شافوا كرشتها اللي بآديه تكبر ..
مسكت بطنها اللي يعورها بس ماتدري هو شي نفـسي ولا جمسي !
بس اللي تعرفه انها في ورطــــــه !
سمعت صوت اختها نوره تحت .. قامت ولبست لها شي وسيع .. جت بتروح تحت عشان نوره والجازي اللي شكلها جايه من زمان وامها ! كلهم مجتمعين
مـرت على غرفة ابوها لقته نايم من بعد الزوآج .. وشكله ماقام الا عشان يصلي ويرجع ينـام .. أكيد انه بيروح المزرعه كالعاده
عمرها ماحست ان ابوها قريب
انتوا ياللي تقرون ..تحسسون ابوي له وجود في حياتنا ؟ انا احس احيانا ان ابـوي هو سطام وبس!
نزلت تحت عند نوره وامي والجـازي
سلمت عليهم .. قالت ام سطام تتفحص ملاك : وش فيك ملاك
ملاك تمسك بدنها :مافيني شي
ام سطام : تعبـانه ؟
ملاك : لا بس شكلي مانمت زين امس .."التفتت عالجازي تغير الموضوع" .. اخبارك مرة خالي
ابتسمت الجازي بحيآ: الحمدالله بخير
طالعت ملاك لبس الجازي .. واختفت ابتسامتها .. ناظرت نوره اللي كانت تطالع نظرات ملاك .. وابسمت ..ملاك نظرت لها بتسآؤل .. نوره أشرت على امها وهي تهز كتوفها .. يعني "أسألي امي أنا مدري "
رن جوال نوره
المتصل>خالي الغالي!
حطت جوالها ..و طلعت له لأنه رن رنه وقطع .. يوم راحت له برآ كان واقف ومعطيها طهره ..
نوره : وش هالبخل اللي انت فيه يآخي .. تدق وو
التفت لها وسكتت يوم شافته معصب : مالي مزاج اكلم أحد .. نوره بدون لف ودوران من جاب الفكرة و خطب لي الجازي؟ .. وش هالسخافه اللي معلقيني فيها
نوره : مشعل انت تدري اني كنت في شهر العسل يوم تخطبها ..فانا مالي دخل
مشعل : ادري !... بس انتي تدرين ان مافيها المواصفات اللي ابيها .."وبغضب وقهر"..انتي شـــــأيفه لبسها
نوره خافت:بصراحه هذي امي .. هي تقول إنها جازت لها وخطبتها لك
مشعل يقهـر: ليش طيب ؟ وش اللي عاجبها ؟
نوره : مدري والله ياخالي .. بس انت تعرف طبع أمي معانديه ! ..
مشعل : ناديها
نوره : مشعل ماله داعي تتسـرع وراك رحله ور ح وامي راضيه عليك
مشعل :ومن قالك اني بسسافر .. احد له نفس يسافر وهو يشوف لبس هاللي جوآ ؟
نوره : مشعل لا تصير سطحي كذا
مشعل يعلي صوته : والله سطحي! .. بدروومي شي راجع لي انا رجال ابي زوجتي يكون لبسها حلوو ..يواجه مب جايبن لي وحده من قعـر منفوحه!
نوره ماقدرت وابتسمت : طيب انت ماشفتها قبل كذا ؟
مشعل بسخريه :شفتها بس فالعرس .. وكان فستانها حلو ..بس بصراحه اليوم انتي شوفي لبسها واحكمي!.. امك قالت انهم يعيوون الرجال يشوف بنتهم الا يوم العرس .. حتى الملكه كانت في المحكمه ! .. مفروض اعرف العاب امك .. قسم بالله العاب وصخه وحقت بزرااان !!!!
طلعت ام سطام : مشعل صوتك واصل عندنا بالصاله وش فيك
مشعل مقهور منها :تسأليني وش فيني؟؟ .. وانتي خاطبة لي هالقرويه وتسأليني انتي تدرين ان اهم شي عندي انها تكون كويسه من ناحية المظهر تخطبين لي هذي ليه؟؟
ام سطام بثقـه : لا يامشعـل اهم شي الاخـلاق ! .. ماهمني المظهر انا
مشعل :بس انا يهمني
ام سطام :اجل تبي وحده اخلاقها خربانه بس شكلها زين ..ترا ياكثرهم
مشعل : ليه يعني في نظرك الزين والاخلاق مايجتمعون؟؟ ..
ام سطام : خلاص يامشعل .. طاح الفآس في الراس خذ زوجتك ورح المطار
مشعل بصرآخ وهو معصب : زوجتـي خليها عندك بليها واششربي مويتها ! ..والطريقه اللي جبتيها عندي .. هذي نفسها رجعيها لهلها في منفوحه!.. وسفر والله ماتسآفر لا شهر عسل ولا تـبن! ..
توه بيطلع بس مسكت يده نوره : مشعل .. مشعل تكفـى عشان خاطري لا تكنسل السفره
ام سطام ضآق صدرها لانه اخوها الوحيد : مشعل .. لا تفشلني مع الحرمه !
مشعل يكلم نوره : نوره وخــري!! .. أبطلع
ام سطام راحت له :مشعل هذا جزآي معتبرتك ولدي تفشلني مع بنت الناس
مشعل وهو يفتح الباب لف عليها يوم سمـع ولدي : عيالك سطام ومتعب ! .. انا منيب ولدك !..انا مب سطام تحسبيني بتحملك وبدور رضآك .. حتى لو كنتي غلطانه .. لآ ياحصه لين هنا وبس .. تدبسيني مع وحده قرويه وانتي تدرين ان دم ضروسي هالنوعيه من النـاس
ضرب مشعل وتر حساس عند ام سطام ..يوم قال انه "مب سطام" بس قالت : مشعل لا تلطع وانت معصب اخاف يصير لك شي
مشعل يطلع : كيفي إن شاء الله اموت.. محد له كلمـه علي .. ولعبك هالوصخ العبيه على عيالك مب معي !!! وخلي بنت منفوحه تنفعـك
وطلـــــع
ام سطام بـ روعه : يمه نوره دقي على متعب ولا سطام يلحقونه اعرفه مجنون اخاف يسوي شي في نفسه
نوره تدخل بتاخذ جوالها
◙◙◙◙◙
دخلت الممرضه وفي يدها الصينيه لـ غرفة ام محمد اللي ابتسمت وقالت
- هلا ياهيله
أبتسمت هيله وهي تحط الصينيه عالطاوله : هلا فيك شلونك الحين
ام محمد :الحمدالله بخير ..
هيله : دوم إن شاء الله
اخذت الطاوله وجرتها لين عند ام محمد وجلست عندها عشان تاكل ..
ام محمد : والله يا هيله انا ماأحب اكل المستشفى
هيله :بس لازم تاكلين ! عشان دواك
ام محمد :الشكوى لـ الله !
انفتح الباب ودخل منه واحد فالبدايه هيله ماعرفته .. كان لابس كاب وبدله عباره عن بنطلون جنز مع قميص وجاكيت .. :السـ..
سكت لما شافها .. رفع حاجب كم صار له ماشافها .. كم صار له يبي يبـرد يبرد حرررررته فيها ..
ام محمد :هلا ناصر
دخل ناصر وفي يده صينيه .. قال وهو يطالع هيله : جبت لك آكل يمه .. احسن لك من هاللي يعطونك ياه
هيله ماحبت تتكلم .. يوم تصفقه كف هي طلعت منها زي الشعره من العجين .. مفروض الكف اللي عطته إياه يخليها عالاقل عالاقل تفقد شغلها .. ومب بعيده اذا مستقبلها لأنها ماتعلب مع أي واحد
بعد ناصر الاكل اللي جابه هيله وعاطاها أياه : خذي اكلك .. واطلعي برآ
ام محمد :ناصر انا كم مره لازم اقولك تحسن تصرفاتك مع الناس ..
جت هيله بتطلع .. دخل رجال فالخمسين من عمره .. كان رزه وله هيبـه ملك وفي يده بشته وورآه رجال أسمر له عضلات .. افسحت له الطريق والرجال الاسمر مادخل .. طلعت هيله وهي عارفه ان هذا ابو ناصر ..
دِفنّت | الحزن | بـ [ عروقي ] .. !
ڪِتمت الغيض , شِڪيتڪ للذي سواڪ
وقِلت يارب , عطني من الصبِرْ أڪثر .. !
.............. , عطني من الصبِرْ أڪثر .. !
.............. , عطني من الصبِرْ أڪثر .. !
|
|
|
|
|