منتديات قصايد ليل - عرض مشاركة واحدة - رواية عذبتني ذليتني دست بكرامتي و أخرتها تقول لي أحبك / كاملة

07-24-2011

(( بيت ابو أحمد ))
نور ابتسمت لقت الخدامة طالعة
نور : عبد العزيز طلع
الخدامة : أي راح ياخذ شي من السيارة
نور : اهاااا(( وبتردد )) طيب وينه احمد
الخدامة طالعت ورا نور ومشت
نور التفتت لورا لقت احمد
أحمد : سألتين عني
نور : أي
أحمد: ليه شنووو تبين
نور : ولا شي بس اسأل
أحمد : طيب لاتسوين فيها تسألين وخايفة حركاتك هاذي مالها داعي طيب خليكِ تمثلين دور الخدامة وبس
نور رفعت راسها
طالعته وبسرعة نزلت راسها
أحمد طالع ساعته لقى ان عبد العزيز طول
توجه للباب وفتحه وطلع
........................
(( ريمه ))
حست بخوف هذا شنووو يبي
ريان : قلب ليه واقفة ادخلي مع السيارة
ريمه : انت شنووو تبي مني
ريان تقرب منها : اناا احببببببببببك احبك
ريمه حست انها بدت ترتجف دقات قلبها تزيد
ريان : ابيكِ لي ابي تكونين معاي ابي انام بحضنك وابي
ريمه بعدت عنه بسرعة
لكنه مسك يدها
التفتت لورا لقت عبد العزيز داخل سيارة
لا لاإلا
عبد العزيز ما ابيه يفهمني غلط لا ياربي
ريان : ريمه لو بعدتي خطوة وحدة راح انشر صور صاحبتك
ريمه : انت تهددني وبنها الصور يا الله ابي اشوف
ريان طالعها وبعدها طلع جواله
بدا يحركه وبعدها
عطى ريمه الجوال وهو مبتسم
ريمه شهقت
وتجمعت الدموع بعيونها
ريمه : كيف تسمح لنفسك تركب صورة صاحبتي
ريان : هههه اركب هذا هي يا حلووة هي الاصليه مو بتركيب
ريمه زادت دموعها
غرور
مستحيل تسوي كذا
ليه يا غرور ليه
خافت يكون مصيرها مثل صاحبتها مع هذا الوحش
ريان : راح تصعدين ولا انشر الصور
ريمه: ليه ياريان ليه تبي تسوي لي كذا
ريان : انا مستحيل اسوي بلي احبها كذا انا بس ابيكِ لي ابي اطلع معك ابي اتزوجـ
ريمه قطعته : انت انسان حقييير
(( عبد العزيز ))
طلع الاوراق من السيارة
بعدها توجه لسيارة سمع صوت صراخ
التفتت لمصدر الصوت لقى بنت تصارخ على ريان
هذا الانسان ما احبه ياربي كل يوم مشكلة مع حد
انفتح الباب ولقى احمد طالع
أحمد : ليه تأخرت
عبد العزيز : لا بس
أحمد التفت لجهة ريمه : ريان !!!!!!! شنوو يسوي هنا
عبد العزيز طالعه بنظرة انه مايدري عن شي
أحمدتقرب لريان
أحمد : هي انت من سمح لك تدخل هنا
ريان طالعه وبعدها صد عنه
أحمد: هي انت
ريان : اولا لي اسم ثانياً انا ما اكلم المجانين
ريمه
بهاذا الموقف
حست ان قلبها بيوقف
ياربي شنوو اسوي
شنووو بيقولون عني
اكيد باطيح من عيونهم
ياربي ساعدني
التفتت لعبد العزيز إلا كان يطالعها
لا يا عبد العزيز لا تفكر كذا
صدقني انا مو قصدي شي
دق جوالها لقت نور
سكرت بوجها
طالعت ريان ولقتها فرصة وبعدت ودخلت لنور
عبد العزيز : اقول احمد لا تتعب نفسك معه
أحمد : اطلع برااا ولا نبي نشوفك مرة ثانية
بعد عنه ودخل هو وعبد العزيز
دخلوا البيت
أحمد : انا صاعد غرفتي راح اعطيك كل الاوراق المهة
عبد العزيز ابتسم له
أحمد صعد
وعبد العزيز وقف
سمع صوت بكا
اتوجه للغرفة إلا صادر منها الصوت
لقى نور مع ريمه
وريمه تبكي
ريمه : نور انا خايفة دوم يهددني ضنيت بالبداية ماعنده شي بس لقيت (( قطعت كلامها بالبكي))
نور : خلاص ياريمه انا راح اكلم عبد العزيز يكلمه
ريمه رفعت راسها : لا لاتقوليله
نور طالعت وجه ريمه إلا صار احمر من البكي : طيب اغسلي الحين وجهك
ريمه وقفت
عبد العزيز مشى بسرعة قبل لا تطلع من الغرفة
.................................................. ...........
بيت أبو ناصر
(( في غرفة ياسمين ))
شهد : خلاص حبيبتي باين عليه نادم على على إلا سواه
ياسمين : تتوقعين انه طلع
شهد : مدري
ياسمين : طيب يا شهد إذا كان يبي يرجعني يبيني انا وندمان ولا عشان ولده
شهد : والله مدري
بعدها بلحظات دق الباب ودخل ابو ناصر
أبو ناصر : السلام عليكم
شهد وياسمين : وعليكم السلام
أبو ناصر : شهد خليني مع اختك
شهد وقفت : ان شاء الله يبه
طلعت من الغرفة
وسكرت الباب لقت ناصر في وجها
ناصر : ابوي داخل
شهد : أي
ناصر : ليه جاي الي ما يتسمى
شهد : مدري بس على ما اضن جاي يرجعها
ناصر : وله عين يرجعها بعد وان شاء الله ابوي وافق
شهد : نصور مددري عن شي
......
أبو ناصر : يا بنتي توه عبد الله طالع وهو استسمح مني وجاي يرجعك
ياسمين نزلت راسها
أبو ناصر : يابنتي سامحيه هالمرة وما اضن انه راح يعيدها لأن باين عليه الندم
ياسمين : إلا تشوفه يا يبا
أبو ناصر ابتسم : هاذي بنتي العاقلة
..................

الساعة 1 ليلاً
بيت زياد
طلعت غرور من الغرفة لقت زياد يشاهد
تنهدت وتقربت منه
قعدت معاه
غرور : زياد ممكن اكلمك شوي
زياد : شنوو تبي تقولين
غرور : ابيك بس تسمعني
زياد طفى التلفزيون والتفت لها : شنوو
غرور : ابي اقول لك ان الانسان ماهو معصوم عن الغلط وانا عن نفسي غلطت كنت مراهقة وطايشة وكنت البنت الوحيدة بين اخواني والمدلعة بينهم ابوي وثق فيني مرة ولكني للأسف خذلته فتحت وجهي
وتعرفت على شباب
ويومه تعرفت على انسان حبيته من قلبي وضنيته يحبني
لكن للأسف خدعني سوا لي الفاحشة وبعدها صار يهددني بأعز صاحباتي
ومنها تقدمت لي
ابوي وافق وبسرعة
وصار كل شي بسرعة حبيتك وكل ماحاولت اقول لك احس اني مو قادرة
لحد ماقلت لك وتزوجنا وصارت المشاكل
وبعدها تغيرت صدقني تغيرت
صرت احبك ومستحيل اخونك مستحيل انت ابو ولدي الجاي ان شاء الله
وانت إلا سترت علي انت كل شي يا زياد (( تجمعت الدموع بعيونها )) لكن للأسف جا اليوم إلا شكيت فيني
زياد مسح دموعها : لا تقولين كذا يا غرور بس صدقيني لو كنتي مكاني شنوو تسوين اشوف قدامي الانسان إلا كنتي تحبيه واقف يضحك واشوفك تطلعين كثير فشي طبيعي اشك
غرور نزلت راسها
زياد : خلاص يا غرور انا مو حامل عليكِ شي بس ما ابي اشوفك تبكين
غرور ابتسمت
وضمته :
عن جد
زياد انت انسااان غير انا عمري ماشفت واحد متفهم مثلك
زياد ابتسم لها
.................................................. ...........
بيت أبو أحمد
دخلت نور لغرفة لقت أحمد جالس على السرير
نور : أحمد راح تنام
أحمد طالعها بدون نفس : أي
نور : وانا
أحمد : وانتي شنووو
نور: ابي انام
احمد : أي نامي
نور تقربت منه بخجل : طيب آآه
أحمد : اسمعي يا حلوة الغرفة كلها كنب نامين على أي وحدة وبعدين بلى عليكٍ كيف خدامتي تنام معي بالسرير
نور : أحمد لا تغلط طيب وانا و خدامة حد
أحمد وقف : ايش !! اقول نور انا مو قادر اعيش معك انتي عارفة ولا لأ اف ياربي على قرفك
نور طالعته بنظرات كانت متمالكة اعصابها وضاغطة على يدها
أحمد : لا تطالعيني كذا يا
سكت والتفت عنها
نور قاطعته وبعصبية : انت انسان غبي يا مريض
أحمد تقرب لها وطالعها
مسك يدها وضغط عليها وبعدها رماها على الارض وداس عليها في بطنها
لحد ماحس انها مو قادرة نزل لمستواها واخذها من شعرها : إذا بتظلين كذا انا بعد راح اظل كذا يا قذرة
نور سكتت ماكانت قادرة تتكلم
حاولت وقف
لين ماوقف وطلعت بسرعة من الغرفة
وصلت لسلم وقعدت عليه
وقعدت تبكي
وتبكي
آآآه
حطت يدها على بطنها
تحس بألم
شهقت
نزلت دموعها بندم ليه تزوجته ليه
ليه يعاملني كذا شنوو السبب ؟؟
سندت راسها وظلت جالسة بالسلم لين ماتعبت من البكي ونامت
.................................................. ...........
في اليوم الثاني
بيت عبد العزيز
صحت اريام مبتسمة
قامت من سريرها
وغسلت وجها وصلت
بعدها دخلت غرفة عبد العزيز تصحيه حتى يفطر
حطت له الفطور وبعدها بنص ساعة جا لها
عبد العزيز : كيفك اليوم
اريام بتوتر : مدري خايفة
عبد العزيز : لا تخافين ولا شي صدقيني انك قمر
اريام رفعت راسها وطالعت عبد العزيز : عقبالك
عبد العزيز قطع الخبز : متى راح يجون خواتك
اريام : ندى راح تجي العصر اما نور تدري توها عروس فمدري
عبد العزيز : اهااا
اريام ابتسمت وسرحت
عبد العزيز طالعها وابتسم
واخيرا يا اريام راح اشوفك عروس
عبد العزيز : اريام
اريام رفعت راسها وبأرتباك : هاااا
عبد العزيز : شبلاكِ سرحانة يه ماتكلين
اريام ابتسمت ووقفت : الحمد الله انا شبعت
عبد العزيز : ما اكلتين شي
اريام : لا بالعكس اكلت
بعدت عنه وغسلت يدها ودخلت غرفتها
بيت أبو راشد
الساعة 3ونص عصراً
الكل قام من طاولة بعد ماتغذوا
أبو راشد صعد غرفته ينام
أم راشد تشرب قهوتها ومبسوطة على خطبة محمد
مازن جلس جنب امه
مازن : كيفها الحلوة اليوم
أم راشد : اكيد مبسوطة اليوم خطبت اخوك عقبالك يا يمه
مازن : لا تو الناس
أم راشد : من الحين اقول لك لا تصير لي مثل اخوك لما قريب بتدخل ال 39 تتزوج
مازن : هههههههه
أم راشد ابتسمت ورفعت قهوتها وشربت منها
مازن : يمه ابي اسألك سؤال
أم راشد : قول انا اسمعك
مازن : آآ هبه
أم راشد اختفت ابتسامتها : شفيها
مازن : لها اولاد عم غيرنا
أم راشد انكسرالصحن إلا فيه القهوة
نادت على الخدامة تشيله
مازن لقى توتر امه
من سألها ليه كانت كذا ردة فعلها اكيد في شي
أم راشد : مازن ليه تسأل
مازن وقف : لا ولاشي
صعد بسرعة غرفته
سكر الباب وقفله
دق على الرقم
وبعدها بثواني
صاحبه رفعه
......: الو
مازن : السلام عليكم
.....: وعليكم السلام
مازن : تذكرتني
.......: أي
مازن : انت شنوو اسمك
........: وانت شدخلك
مازن : انت قلت لي انك ولد عم هبه كيف وانا ولد عمها
........: ههههههههههههههههههههههه
مازن استغرب من رده : ليه تضحك
........: يا حبيبي انت مصدق انك ولد عمها لا يوم بناخذها وبتزوجها ولعلمك هبه لي
مازن عصب : شنوو تقصد
........: بأختصار انا ولد عمها وهبه ماتقرب لك مع السلامة يا حلووو
قفل بوجها
مازن دق قلبه
هذا شنووو يقصد وكيف بنت عمه ومسميه له لازم اعرف شنوو ماضيها
طلع من غرفته توجه لغرفتها
دق الباب
هبه من خلف الباب : منووو
مازن : انا
هبه لبست عباتها وشيلتها وتغطت
فتحت الباب
مازن : هلا هبه كيفك
هبه : انا بخير الحمد الله
مازن مد لها جوالها
هبه اخذته
مازن ابتسم لها
هبه حست بالخجل
مازن : عن اذنك
هبه :مازن
مازن التفت لها : هلا
هبه بتردد : االيوم خطبت اخت صاحبتي فممكن اروح
مازن طالعها
تستـأذن مني ؟؟؟
ابتسم لها : طيب الساعة كم انا راح اوصلك
هبه : الساعة 9
مازن : اوكي
هبه : شكرا
مازن : العفو
بعد عنها
هبه ابتسمت وسكرت الباب
.................................................. ........
بيت سعود
الساعة 4 عصراً
سعود : مرام خلصتين
مرام تلبس عباتها : أي
سعود : يا الله حبيبتي
مرام تلبس شنطتها : يا الله
طلعوا من البيت وصعدوا السيارة
اتجه سعود لبيت عبد العزيز
نزلت مرام ودخلت البيت
فتحت لها ندى وهي مبتسمة سلمت عليها
وجلسوا يتكلمون
.................................................. ..........
بيت أبو أحمد
أحمد صحى من نومه
تلفت في سريره
حس بتعب
بعدها تذكر ان عنده شغل اليوم
قام من السرير وبعدها صلى
لبس قميص اسود وبنطلون جنز
طلع من الغرفة
نزل من السلم ولقى نور نايمة
نزل لمستواها
لقاها حاطة يدها على بطنها
المتها
طالعها
وجها بريء بس للأسف انها بنت مثل أي بنت
أحمد : نور .. نور
نور فتحت عيونها
لقته جالس بجنبها بسرعة بعدت
وحاولت توقف بس طاحت
أحمد حملها بسرعة قبل لا تطيح
ظلوا يطالعوا بعض وظل حاملها
بعدها احمد حس لنفسه ونزلها
نور صدت عنه وبعدت
أحمد : ماراح تروحين لأختك
نور : أي بس افضل ان السواق هو إلا يوصلني
أحمد طالعها : ليه مفكرة اني انا إلا اوصلك مجنون اصعد مع بنت بالسيارة
نور طالعته بقرف نفس نظراته وقلدت كلامه : مجنون
اصعد مع بنت بالسيارة انت من ازمان مجنون
ودخلت الغرفة
أحمد ابتسم : هاذي شنووو تضن نفسها
.................................................. ..........
بيت هناء
دخلت غرام البيت وهي مبسوطة لأنها بتنام عند هناء خالتها
هناء رحبت فيها
وجلسوا مع بعض
هناء : شنوو صار آخر شي عندك
غرام : مدري
هناء : عندي لك فكرة
غرام : قولي
هناء : حبيبتي يا تسوين سحر يا تقتلين نور
غرام : اقتلها !!!!!!!!!
هناء : أي سمميها مثلاً
غرام سكتت : مدري يا خالة
هناء : لايكون خايفى عادي ياحلوة كنت باسويها لأحمد بس طلع ذكي
غرام : أحمد !!! لا ياخالة إلا أحمد لا تأذيه
هناء : هههههه قلت لك كنت وانا اقصد يوم كان صغير
غرام : اوكي خالة انا راح البس لبس نوم حتى انام
هناء : بدري
غرام : لا انا للحين مواصلة
وقفت غرام ودخلت وبدلت ملابسها
وبعدها لفت نظرها غرفة مقفلة
هاذي الغرفة إلا دوم خالتها ما تدخلها وماترضى حد يدخلها
كانت تعرف وين المفتاح بس مافكرت تدخل
اخذت المفتاح
وفتحت باب الغرفة
لقت فيها مكتبه فيها كتب كثيررة
ولقت هناك حبل وسكين
حست بتقزز من المكان
وبعدها لقت ظرف لفت نظرها على الطاولة
اخذته وفتحته
طلع لها صور
طالعت اول صورة
وشهقت
طاحوا منها الصور
شنووو هذا
معقولة خالتي تسوي كذا
نزلت دمعة من عيونها
وهي تشوف صورة أحمد
ماقدرت تكمل
وانا اقول ليه يكره البنات
ليه يا خالتي ليه
دخلت غرفتها لبست عباتها واخذت شنطتها وطلعت لصالة
هناء : وين
غرام : راح انام بالبيت مدري مو مشتهية اقعد هنا

نهــــــــــــايه البارت