منتديات قصايد ليل - عرض مشاركة واحدة - رواية عذبتني ذليتني دست بكرامتي و أخرتها تقول لي أحبك / كاملة

07-24-2011

بيت سعود
سعود
خلص شغله من لابتوبها كان راح يعطيها اياه
بس فكر يدخل المنتدى يمكن يلاقيها
فتح المنتدى وبكل شوق
دخل ومالقاها
شاف موضوع لها
راح يرد عليه
كتب تعليقه ورسله لكن
انرسل بأسم
رنيم الحب
انصدم
صعد لفوق لقى تسجيل الدخول بأسم رنيم الحب
دقق اكثر
رنيم الحب
مــــرام !!!!!!!!!!!
لا لا إلا مرام
مايدري ليه حس بشعور غريب
نبضات قلبه تزيد
وتزيد
حبيبته عايش معاها بالبيت وهو حتى مو عارف
مو عاطنيها أي اهتمام
حس انه مو قادر يركز
مرام هي نفسها رنيم الحب إلا ما مضت شهور علقتني فيها وتقول لي متزوجه
ابتسم
حس ان مرام ماتخونه وحتى لو ماعطاها أي اهتمام
سك الابتوب
وطلع من الغرفة
توجه لغرفتها ولأول مرة بحياته يحس انه يبي يشوفها
وكأنه اول يوم له راح يشوفها
دق الباب
(( مرام))
كانت قاعدة بملل تحس حياتها كلها فراااغ !!
تحس بملل فضيع تبي تتخلص منه
سمعت صوت دق الباب
فزت من مكانها
مرام : تفضل
دخل سعود وهو مبتسم : مرام
مرام : هلا سعود
سعود يمد لها الابتوب : تفضلي شكرا على
سكت لما لقاها
معقوله زوجتي حلوة وانا مالاحظت طول هاذي الأيام
كيف ماكنت اهتم فيها
كيف !!!!
كيف بيوم فكرت اطلقها لأنها
قطع حبل افكاره
صوت مرام الخجول من نظراته : سعود
سعود : مرام ايش رايك نطلع اليوم
مرام بأندهاش : هااا !!!!!!!!!!!!
سعود ابتسم : أي انا عازمك اليوم يا الله روحين اجهزي
مرام لسا الصدمة فيها : سعود فيك شي اليوم
سعود ابتسم : هههه يمكن يكون هذا احلا يوم
مرام ابتسمت له : طيب ثواني واكون جاهزة
(( اكيد ثواني من متى سعود يفكر يطلعني ))
.................................................. .......
بيت أبو ناصر
" غرفة ناصر وزوجته مها "
قامت من السرير تحس بالألم الفضيع مو قادرة تحس انها راح تتقطع
حاولت تقعد ناصر إلا ماجا إلا متأخر
ماقدرت وحاولت تطلع برا الغرفة
وبعوبة طلعت وتوجهت لغرفة شهد دقت عليها الباب ودموعها وصراخها ماوقفوا
شهد طلعت مفزوعة : مهاا!!!!!!!
مها : ش ه د ا نـ ااا ب بـ وولد
شهد خافت عليها لبستها عباتها بسرعة ولبست عباتها قعدت ناصر
ناصر خاف على زوجته
اخذهم للمستشفى
دخلوا مها غرفة الولادة
ناصربخوف : الله يساعدها يارب
شهد تطمن اخوها : لا تخاف ان شاء الله تولد وتجيب لك ولد بالسلامة
ابتسم ناصر بتوتر
وهو يروح ويجي
شهد : ناصر تبي ماي
ناصر : ياليت
شهد : طيب في بالمستشفى كوفي راح اجيب لك
بعدت شوي عن ناصر وراحت تشتري له ماي
تحسه متوتر وخايف مرره على زوجته
وصلت
لقت الماس اخذت تشتريه
لكن !
وقفها صوت تعرفه أو مر عليها من قبل
التفتت لمصدر الصوت
لقت خالد واخته غرام
حست بالكره لهم وتذكرت الموقف إلا سوه لها
ظلت سرحانه
البايع : هيييي ما تبي مااااي
شهد : هااااا
البايع : الماي
شهد تمد لهل لفلوس : تفضل
اخذت الماي وهي تدعي انه مايعرفوها
لكن للأسف
التفتوا
لها
غرام : ههههه خالد تذكر القطوة المفترسة إلا وراك
خالد : ههههه وانا اقدر انسى
غرام بدلع : ههههـ
انقطعت ضحكتها وهي تذكر احمد
احمد !!!
اكيد تعرفه
ولا ماجا وانقذها
لازم اتقرب منها واعرف منووو احمد
منووو احمد !!!!!!
إلا قلب لي حياتي
خالد : شبلاكِ
غرام وهي توقف
توجهت لشهد
غرام : هاااي يا حلوة
شهد : نعم شتبين
غرام : ولاشي ابي نكون اصدقاء
شهد : للأسف ما اصادق ناس مثلك
جا لهم خالد وسمع كلامها : هي انتي احترمي نفسك
غرام بدلع : لا لا يا خالد لا تصارخ عليها
خالد حس ان اخته ناويه على شي
لأنها مثله مصلحة وبس مايهمهم الناس
يهتموا بنفسهم وبس
شهد : انا طولت على اخوي عن اذنك
غرام بلا شعور مسكت يدها : احمد
شهد بقرف منها : بعدين عني
غرام تحس نفسها معصبة وماراح ترضى انها تتكلم معها
غرام : طيب راح اتركك إذا قلتيلي احمد شنوو يقرب لك
شهد : وانتي شدخلك
غرام بعدت عنها : طيب ياشهد ان ماجاوبتين اليوم راح تجاوبين بكرا
بعدت شهد بسرعة لأنها ماتحب تختلط معاهم ولأنها تأخرت على ناصر
خالد : بشنوو تفكرين يا غرام ؟؟ وليه مهتمة بأحمد هذا
غرام : إذا عرفت شي راح اقول لك كل شي
.................................................. ..........
في المستشفى
نواف : متعب خلاص انا مافيني ولا شي ابي اطلع
متعب : وانت شبلاك يعني انا شنوو بأيدي
نواف : مدري يا اخي متلهف ابي اشوفها ابي اكلمها
متعب : اكيد الحين نايمة يا اخي الساعة 1ونص
نواف : يا الله روح كلم الدكتور
متعب ابتسم : آآه على العشق
طلع وحاول مع الدكتور ان نواف يطلع
وبعد وقت وقع الدكتور وطلع نواف
طلع من المستشفى لكن هاذي المره غير
طلع وهو يشوف كل شي وتفكيره كله متى يوصل البيت
.................................................. ..............
بيت زياد
غرور : زياد راح تنام
زياد بدون نفس : أي
غرور : لكن انـ
قطعت كلامها وهي تشوفه غطا نفسه وكأنه يصد عنها ومايبيها
حست انها صارت ولا شي بالنسبة له
حبست دموعها وطلعت من الغرفة
تحس انها مخنوقة تبي تشكي لأي حد
ماتدري ليه خطر ببالها نور
دقت على رقم جوالها الجديد
رنه ورنتين وبعدها فعت
نور : الووو
غرور : هلا نور كيفك
نور : انا بخير وانتي كيفك
غرور : نور انا محتاجة لك بليز تعالي لي
نور : غرور فيكِ شي
غرور : لا بس ابيكِ ابي اتكلم معاكِ شوي
نور : مدري ماعندي حد يقدر يجيبني لك بس مدري
غرور : ارسل لك السواق
نور : لا لا بس
غرور : نور
نور : طيب راح اقول لأخوي
غرور : طيب انتظرك

بيت ابو نواف
(( ندى ))
فتحت عيونها لقت نفسها نايمه بالسرير من فترة
تحس بتعب
توقعت ان من الحمل
دخلت الحمام (( الله يعزكم )) غسلت وجها
كانت راح تطلع من الغرفة لكن حست ان لو تظل بالغرفة وتحاول تنام يكون احسن لها
ظلت قاعدة بالسرير وعطت باب الغرفة ظهرها
حطت يدها على بطنها
تحمل يا حبيبي
ان شاء الله البابا راح يطلع من المستشفى
وبعدها اجيبك وتشوف البابا
نزلت دمعة من عيونها
متى راح تطلع يا نواف
اشتقت لك ولكلامك
مسحت دمعتها
......: وانا بعد اشتقت لك
ندى تجمدت
صوت نواف
صوته إلا تميزه بين كل الأصوات
لفت ووقفت ولقت
نواف !!!!
كانت ساكته
تحس انها بحلم ماتبي تصحى منه
حست انها تحلم
ويبي لها تغسل وجها مرة ثانية
(( نواف))
دخل الغرفة ولقاها تتكلم لقاها عطيتنه ظهرها
وقف عن كل شي لما لقاها لفت له
حس انه اول مره يلتقي فيها
هذي ندى إلا كنت عايش معها
يحس انها مثل ماتخيلها
ندى : نواف انت هنا صح
نواف تقرب لها وضمها وبهمس: اشتقت لك
ندى نزلت دموعها : وانا اكثر
رفعت راسها مو مصدقة ان نواف الحين يشوفها
نواف ظل يطالعها
صاروا خذودها بلون الأحمر من الخجل
نواف : صدق اني راح اصير ابوو !!
ندى ابتسمت بخجل : أي
.................................................. ............
بيت أبو أحمد
دخل أبو أحمد البيت وهو مبتسم لفوزه وربحه بالصفقه
لكن تلاشت ابتسامته وهو يشوف أحمد قاعد ويفكر
خاف من هذا التفكير إلا بولده
مايدري ليه احياناً يحس انه يبي ينتقم من امه وخالته
إلا دمروا حياته
أبو أحمد : أحمد
أحمد عدل جلسته : نعم
أبو أحمد : كيف خطيبتك
أحمد بدون نفس : مدري
وقف وطلع من البيت
دخل سيارته
وظل يسوق وهو يسرع مايدري لوين راح يروح او يتجه
غمض عيونه وبثواني
حس انه سيارته انصدمت من ورا
نزل من السيارة
ونزل سايق السيارة الثانية
يتفاهمون
أحمد : شنوو تصدم ليه انت تسوق وانت مغمض (( يقصد نفسه))
السايق : لا بس
انفتحت النافذة وطلع صوت هناء مع ختها شذى وغرام جالسة وراهم
هناء : شنوو صاير
السايق : مايدري وصدمته
هناء التفتت لأحمد : خـ
انصدمت من الواقف قدامها
وهو ماقل عن انصدامها
ظلت تطالعه
تطالع كل شي فيه تحس انه تغيرر شكله صار غير مو بس شكله حتى اطباعه
هناء ابتسمت بخبث : لو انك مو ولدي
أحمد ظل يطالعها وكأن شريط حياته وهو صغير يمر بذاكرته
شذى حست بالخوف من نظرات أحمد المهددة
شذى بتوتر وخوف : خلاص يا ولدي حصل خير
هناء : ليه يا احمد تضن اني تغيرت لا ياحبيبي انت تستاهل الضرب على هذي النظرات
أحمد تقرب من السيارة وفتح الباب
تقرب من هناء وشذى
أحمد : اسمعي انتي وياها ماعدت الولد لصغير إلا لعبتون فيه ولا عدت خايف منك ومن اشكالك وإذا تبي تضربين اقول لك من الحين اتحداكِ تلمسين شعرة من شعري
وترا يا حلووة يا شذى راح تشوفين شنووو اقدر اسوي لأولادك الحلووي والبنوته الحلوة إلا قدامك
سك الباب بكل قوته يحس انه بدا انتقامه
حس بالكره لهم
(( غرام ))
انصدمت
احمد
احمد
يصير ولد خالتي
طيب ليه ماقالت لي
لييه
وشنوو يقصد بكلامه
(( احمد ))
ظل يمشي بسيارته يحس انه يبي يتكلم مع أي حدا
رفع جواله وكلم نور
^
^
^
نور : الووو
أحمد : هلا نور
نور دق قلبها : هاا هلا
أحمد : نور شنوو تسوين
نور بتوتر : لا ولاشي بس بس
أحمد لاحظ ارتباكها : بس شنوو
نور : أي يمكن اكون فاضيه
أحمد : طيب اطلعين لي انا برا البيت
نور : طيب

سكت منه وهي تحس قلبها يدق بقوة
تجمعت الدموع بعيونها لا ياربي هذا اسمه مو احب صح
لا انا ما احبه
شنوو احب بواحد مغرور مريض وغبيييييي
أي غبي
غبي
ومافي وحدة تحب واحد وتقول له غبي
وقفت وتجهزت وطلعت له
توترت وهي تشوف السيارة

تقربت ومدت يدها وهي ترتجف
اقعد قدام ولأ
لأ
بعدها فتحت الباب ودخلت
اخذت نفس : السلام عليكم
أحمد بهدوء : وعليكم السلام
حرك السيارة وطول الوقت بدا الصمت سيد الموقف
نور تحس ان أحمد فيه شي مو من عادته يسكت ويظل سرحان عادته يجرحها
تحسه صاير هادي وغريب
نور : أحمد وين راح نروح
أحمد ظل ساكت
نور استغربت منه وظلت تطالع من النافذة تشوف وين راح يروح
أحمد : قلتيلي انك فاضية اليوم
نور بدون ما تطالعه : بالصراحة لأ لأن صاحبتي تبيني اروح لها
أحمد : وليه مارحتين
نور : لا بس
أحمد : وين بيتهم
نور رفعت راسها : هااا
أحمد : إلا سمعتيه
نور : بيت غرور
توجه أحمد لبيتها
إلا مكان بعيد كثير عن طريقه
نزلت نور
وهي تحس إلا تكلمه مو أحمد ليييه متغير شفيه
سكرت باب السيارة بهوء ودقت الجرس ودخلت البيت
ظل يراقبها لين مادخلت البيت
مشى
شنوو ابي من نور
ولا شي
بس ابي اذلها لأنها تجرأت تكلمني بهاذي الطريقة
بس احساسي يقول لي شي غير
ابتسم بسخرية
لييه ان شاء الله راح يصحى الحين عواطفي وقلبي بعد ما مات
مات
.................................................. ...............
في المستشفى
ولدت مها وجابت ولد
حس ناصر بالفرحة لأنه راح يصير أبو
حمل ولده وهو مبسوط فيه
ناصر : الحمد الله على سلامتك
مها بتعب : الله يسلمك
شهد : الحمد الله على سلامتك
مها : الله يسلمك
ناصر : حبيبتي شنوو تبي نسميه
مها : ابي اسميه خالد
شهد تذكرت خالد وغرام : لا لا الاسم مو حلووو ومايناسب ناصر يكون ابو خالد
ناصر : وليه معصبة مهاوي قالت خالد يعني خالد
شهد : بكيفكم
.................................................. ...................
في المطعم
سعود : شنوو تبين
مرام : عادي أي شي
سعود : طيب
طلب لها أكل وانتظروا نص ساعة وبعدا جا طلبهم
اكلوا بهدوء وسعود كل شوي يسأل مرام بشي

مرام ابتسمت تحس انه تغير وصار غير
سعود : مسجلة بمنتدى .......
مرام بتوتر : هاااااااااااااا
سعود ابتسم : ليه خايفة اخوكِ خليل مسجل فيقول لي عنه
مرام تطمنت : أي مسجلة بس قطعته هاذي الفترة
سعود : ليه
مرام : كذا بدون سبب
سعود : طيب
اكلوا بعدها بصمت
وخلصوا وطلعوا من المطعم
في السيارة
سعود : ابي اقول لك شي
مرام : شنوو
سعود : انا احبك
مرام تجمدت
وماتحركت
ظلت ساكته بينت له انها مو مهتمة
غطت نقابها
وتجمعت الدموع بعيونها
لكن صوت بكاها فضحها
ماتدري ليه ظلت تبكي
تحس مافي شي
بس صدمها
بدون سبب
بدون مقدمات
متغير معها اليوم
ويقول لها احبك
سعود : ليه تبكين يامرام
مرام تبكي : مدري .. مدري
سعود : طيب خلاص الحين راح نوصل البيت
.................................................. ....
بيت زياد
غرور : وهذا كل شي
نور : طبيعي يا غرور يتغير مافي رجال يقبل بشي مثل هذا
غرور : طيب شنوو اسوي انا تعبت احس اني مش مقبولة بحياته
نور : انتي إلا تقدري تغيريه ولا تفقدي الأمل
غرور نزلت راسها
نور : بالكلام الحلوو و
قطع صوتها
صوت زياد وهو نازل
زياد : غرور
غرور وقفت : عن اذنك شوي
طلعت من عن نور
توجهت لزياد
غرور : نعم
زياد : انا طالع واليوم اضن اني بتأخر لا تنتظريني
غرور : طيب انتبه لنفسك
زياد سكت عنها
وطلع
غرور ابتسمت
ودخلت لنور وظلوا يتكلمو ا
نور دق ججوالها
نور : الوووو
اريام : هلا نور
نور : اهلين
اريام : ماراح ترجعين
نور : لا راح ارجع
اريام : نور عندي مفاجاءت حلوووة لك انتظرك
نور ابتسمت : طيب قولين لعبد العزيز يجي لي
اريام : طيب
.................................................. ......
في غرفته المظلمة
ظل يدخن ويدخن يحس بالتعب
اول مرة بحياته يحس
بشي اسمه حب
" ريان "
وينك ياريمه
بعدتين عني وتضنين انك راح تتخلصين مني
لا تضنين كذا راح اخليكِ تحبيني مثل ماكل البنات خليتهم يحبوني
سكت
كلهم حبوه
بالبداية
وبعد إلا سواه ولا بنت ظلت تحبه
كلهم قدر وسوا شي محرم معاهم
إلا ريمه ماقدر
يحس مايبي يقضي على براءتها
ليييه ياريمه كذا ليه علقتيني فيك
اخذ جواله بتردد ورسل لها رسالة
.................................................. ....
بيت أبو خالد (( بيت هبه ))
هبه
ظلت بغرفتها ثلاثة ايام محد سأل عنها ومحد مهتم فيها
تحس بالألم والتعب
سمعت ان اولاد خالتها أبو راشد
تحت
لكن مانزلت تسلم عليهم
كلهم يكرهوها ومايحبوها
ليه تنزل
حتى امها تحرجها معاهم
ولا ام راشد تجرحها بكلامها
سمعت صوت الباب
فتحته
ولقت امها
أم خالد : وانتي ليه ما نزلتين
هبه بتعب : انا انـ
أم خالد : اقول انزلي البسي عباتك وسلمين
هبه وتحس الدوخة تزيد : ان شاء الله
سكرت الباب ولبست عباتها
لفت شيتها بأهمال وتغطت
نزلت من الدرج وتحس ان ماعاد فيها توازن
حست انها ماعادت تشوف عدل
وطاحت على الأرض
(( مازن ))
كان طول الوقت عيونه عليها
ابتسم لما شافها نازلة لهم
لكن تلاشت ابتسامته وهو يشوفها طايحة
مازن : هبه