البارت الثامن
)في الصاله (
رشا وهي تنزل مع الدرج ولابسه الفستان الي شراه زيزو وصايره كلمة ملاك شويه عليها
عبد الرحمن وهو يكلم عبد العزيز وبإنصدام : عبد العزيز شف شف اللي وراك
عبد العزيز وهو يلتفت : مين رشـا)عبد العزيزكان مصدوم من الي يشوفه معقووله هاذي رشا (
رشا بأبتسامه : هلا
عبد العزيز ببلاهه : هلا وغلا ومرحبا بجنون عزيز
) عند فيصل (
فيصل لزياد ووليد : بصراحه ما ألوم عبد العزيز وما توقعتها كذا أبدا
وليد : ويعه شويه لاتلومه
زياد : لا بجد هاذي ملاك مو بشر
) عند نايف (
نايف حط يده على قلبه : ياويـــــــــــل قلبك يانايف
عبد الله : توني أكتشف أنها لهالدرجه حلوه
)عند لين (
ريم ولين وديم يناظرونها ومنبهرين منها
ريم : مشاء الله صايره جنــــــان
لين : شويه بصراحه ماكنت أدري أنها كذا
ديم : أبدا بس تعرفين إذا تكشختي كل شي يكون له دور اللبس والميك أب
ريم : بس أهي ماحطت كثير خفيف مره
لين : أحلى تبين تكون مفقعه عيونها أنا كذا يعجبني ما أحب الكثير
ديم : صادقه
) عند عبد العزيز (
غيدا وهي تزغرط : ألف الصلاة والسلام عليك ياحبيب الله محمد
عبد العزيز بهمس لرشا : ياويل عقلي منك يا رشا أنتي ماخذه نصه واليوم كملتي النص الثاني
أهون عليك كذا تخليني مجنون ومافيني عقل أبدا
رشا بحياء : لا مايهون تبيني أغير
عبد العزيز : ها لا لا أمزح
رشا بهمس لعبد العزيز : تدري ليش لبست الفستان ؟؟
عبد العزيز : ليش ؟؟؟
رشا : عرفت وش قصدك بمجننتك عشاني ما أسمع كلامك ولا لبست الفستان ولعيونك لبسته
غيدا وهي تقاطعهم : أنت وياها بعدين الكلام الحلو لاحقين عليه يله خل نجلس ونستانس وكلامكم لاحقين عليه
عبد العزيز من دون نفس : أف طيب
وجلسوا وجلس ياسر جنب فيصل
ياسر : أقول فيصل تخيل لقيت السياره بالبيت
فيصل ببراءه : لا ياشيخ
ياسر : والله
فيصل ببراءه شديده : طيب أنت شاك بأحد
ياسر : إلى هالحين لا بس لازم أعرف مين
فيصل : أها الله يعينك على الشكوك الي بتجيك
ياسر : آمين
(عند رشا(
رشا : أقول عزيز
عبد العزيز : روحه وقلبه وجنونه ودنيته آمري
رشا وهي تتلفت : ابوي ما جاء إلى هالحين تتوقع ليش ؟؟؟
عبدالعزيز : في أحد يشوف هالملاك ويقعد يتوقع
رشا : عزيز والله جد
عبد العزيز : الغايب حجته معه يمكن عنده شغل وبيخلصله وبيجي ولا الحين بيوصل
رشا بعدم أقتناع : يمكن
غيدا : أقول رشا
رشا : هلا
غيدا : خل عزيز يكلم أبوك عشان نبدا ونقطع الكيك ونوزع الهدايا
رشا : أوكيه بقوله
رشا : عزيز
عبدالعزيز كان يكلم زياد ولف لها : هلا
رشا : كلم أبوي وأسأله ليش ما بعد جاء
عبد العزيز : أوكيه
رشا : لا لا خلاص لا تكلم
عبد العزيز : ليش ؟؟؟
رشا : خايفه يقول لا ما راح أجي
عبد العزيز : لا وين ما أظن يقول هالكلام
رشا : أها لابس مجرد أحساس
عبد العزيز وهو يكلم على أبو رشا : يمكن يكون أحساسك مو صادق
رشا : أنشاء الله
أبو مشعل : هلا
عبد العزيز : هلا فيك وينك يا أبو مشعل
أبو مشعل : أنا هالحين بالمطار
عبد العزيز وهو يقوم وطلع من الفله عشان رشا ما تسمع : في المطار
(رشا يوم شافت عبد العزيز قام حست أن نبضات قلبها بتوقف (
أبو مشعل : الي سمعته
عبد العزيز : طيب وحفلة الخطوبه
أبو مشعل : في قريح ما تهمني
عبد العزيز : شلون في قريح مو هي خطوبة بنتك
أبو مشعل : إلا
(عند رشا (
غيدا : هاه كلمه
رشا : الحين يكلمه
نايف قام وجلس جنب رشا : يقولون يا رشا أن اليوم فيه كسوف للقمر وأنا أسأل نفسي ليه ؟؟ ما دريت أنك سارقه نوره اليوم لا مو بس اليوم كل يوم
رشا : إذا كنت أنا القمر فأنت اليوم الشمس زينك يعمي العيون
نايف وهو يحط يده على قلبه : يا ويل قلبي أنا
( عند فيصل (
فيصل : أقول وليد
وليد : هلا
فيصل : وش فيه أخوك
وليد : وش فيه
فيصل : شفه
وليد وهو يلف لنايف : أه ما أدري عنه بس أهو يقولي أنه يحبها
فيصل : بصراحه ما ينلام
وليد : قلتها
) عند عبد الرحمن (
سلطان : وش فيه عبد العزيز وليش ما بدو الحفله ووين أهلها
عبد الرحمن : شوي شوي كل هذا أسئله
سلطان : طيب وين عبد العزيز
عبد الرحمن : ما أدري عنه
سلطان : طيب ليش مابدو الحفله
عبد الرحمن : يحترون أبوها
سلطان : حلوه أنتكست الأيه بدال ما نحتري عبد العزيز نحتري أبوها
عبد الرحمن : عزيز دايم مميز
) عند عبد العزيز (
عبد العزيز : طيب ليش ما تجي ؟؟
أبو مشعل : لا والله بتعلميني وش أسوي
عبد العزيز : العفو أنا ماكان قصدي كذا أنا أسأل ليش ماجيت ؟؟
أبو مشعل : كذا مزاج يله أنا وراي طياره مع السلامه ( وسكر (
عبد العزيز في نفسه : شف سكر الحين وش أقول لرشا يارب وش أقولها
إلا رشا طلعت وجت عنده
رشا : ها عزيز وش قال
عبد العزيز : قال أنــــــــــه مـــا مـــــا
رشا تقاطعه : ماراح يجي صح
عبد العزيز كان يناظر الأرض : ـــــــــــــــ
رشا : السكوت معناه الرضا يعني صح كلامي
عبد العزيز رفع عينه من الأرض وشاف عيون رشا كانت مليانه دموع قهر وكره
عبد العزيز بحنان : رشا مو مهم أبوك يكون موجود والي معطينا طاف نعطيه طافين وليش نزعل ونوقف فرحتنا على حساب شخص مو داري عنا
رشا تركت عبد العزيز ودخلت جوا الفله ورقت فوق وهي خلاص بتموت من القهر
عبد العزيز وهو يدخل يتلفت يدور رشا
غيدا : عبد العزيز وشفيها رشا
عبد العزيز بضيقه : أبوها ماراح يجي
غيدا بإنصدام : نعم
فيصل : عبد العزيز وش فيكم
عبد العزيز وهو موقادر يعبر من الضيقه : ماأدري
فيصل : وش ماأدري هذي
عبد العزيز وهو يرقى : فيصل تراني ماني فاضي لك
فيصل : غيوده وش السالفه
غيدا بحزن : ماراح يجي أبو رشا
فيصل بإستغراب : لـــــــــــــــيش
ريم تقاطعهم : أنتم هيه يله بسرعه خل نسوي شي والله طفشنا لا أغاني ولا وناسه ماغير مقابلين خشش بعض وبس
غيدا وهي ترقى : والله أنك فاضيه
فيصل وهو يوقفها : لاغيود خلي زيزو يكلمها
)في غرفه رشا (
عبد العزيز يطق الباب : رشا قلبي جنوني حياتي أفتحي الباب
رشا : ـــــــــــــــ
عبد العزيز : ترى بفتح الباب
رشا : ــــــــــــــــ
عبد العزيز وهو يفتح الباب : ترى فتحت الباب
دخل وشاف رشا جالسه بوسط السرير وتكتم عبراتها
عبدالعزيز وهو يجلس جنبها وبحنان : رشا جنوني وش الي مزعلك ألحين
رشا وهي تناظر عبد العزيز وتحال تفهمه وش الي مزعلها بدون كلام
عبد العزيز فهم شي من عيون رشا : جنوني زعلانه من أبوك ليش يقول بجي ولا يجي
رشا وهي تهز راسها بالموافقه على كلامه
عبد العزيز بحنان وحب : طيب جنوني بأسألك الي مو مهتم فيك ليش تهتمين فيه
رشا بصوت مليء بالحزن والقهر وممزوج بالبكاء : عزيز هذا أبوي تعرف وش معنا إن يكون عندك أبو ومو مهتم فيك وحاطك أخر شي بدنياه تعرف وش معنى هالكلام عزيز أوقات أغار من غيدا ليش أهي عندها أب وأم مهتمين فيها وهي أهم شي عندهم بالدنيا وأنا ياعزيز ماعندي أبو ولا أم ليش دايما حظي كذا ليش ؟؟
عبد العزيز يقاطعها : جنوني بس أنتي أنا عندك ولا مو كافي
رشا وهي تطيح بحظنه وتدخل في نوبه بكاء : أنت حبي أنت نبض قلبي أنت كل شي بدنيتي تعرف وش معنا كل شي بدنيتي
عبدالعزيز : أها حسبالي أني صفر على الشمال
رشا بحب : عزيز تدري لو أنك ماطلعت بدنيتي كان أنا ألحين منسيه
عبد العزيز : جنوني لاتقولين هالكلام
رشا : هاذي حقيقه وأنا قلتها
عبد العزيز وهو يرفعها من حضنه : أوكيه هاذي حقيقه طيب لو أقولك حقيقه اليوم صايره أن المعازيم ينتظرون تحت وحنا فوق وش راح يقولون
رشا : ماراح أنزل
عبد العزيز بإستغراب : ليش
رشا بإعناد : بس كذا
عبد العزيز بإنفعال : فهميني شلون بس كذا
رشا بإصرار : ماراح أنزل
عبد العزيز وهو يطلع : براحتك
)تحت في الصاله (
عبد العزيز وهو ينزل مع الدرج
غيدا : وين رشا
عبد العزيز وهو يجلس بوسط الدرج : رفضت تنزل
غيدا : ليش
عبد العزيز بضيق : تقول كذا
غيدا : شلون يعني كذا مافيه سبب مقنع
عبد العزيز بضيق : لا مافيه
غيدا : أها
عبد العزيز بإنفعال : قسم بالله تعبت نفسيتي
غيدا : وش منه تعبت نفسيا
عبد العزيز بضيق : والله أني ماأدري ألأقيها من رشا ولا من نواف ولا من لين ويتنهد ( آه (
غيدا وهي ترقى : أوكيه أنا بتفاهم معاها
)في الحديقه (
ريم : أخيرا طلعونا برى في الوناسه بعدين تعالوا وين عبد العزيز ورشا
لين : ياشين اللقافه
فيصل : والله أنك صادقه ياشين اللقافه والله ياريم لو ماتسكتين قسم بالله لجيب أبره وخيط فمك
ريم : ههههههاي يله وين الأبره والخيط يله رح جبها بسرعه
فيصل : ريم قسم بالله العلي العضيم أن ماخليتها هنا راح أخليها لك في البيت
زياد : أقول ياشيخ ماعليك منها خلها تولي
ريم : مو أنا الي أولي أنت الي ولي
وليد : أيوه قالت ريم الحقيقه
ريم : يالبه وليد ياناس والله أني أحبك موت
وليد وهو يكح : أكح أكح نعم
فيصل : نعامه ترفسك أنت ويها عيني عينك روميو وجوليت على غفله
ريم بوقاحه : ولا يهمك نروح من وراكم
فيصل يعطي ريم نظره خلته تسكت وتوقف عند حدها
) في الصاله (
عبد الرحمن وهو يدخل الصاله ولقى عبد العزيز جالس بوسط الدرج
عبد الحمن بخوف : زيزو وش فيك
عبد العزيز : رشا رفضت تنزل
عبد الرحمن بإستغراب : ليش
عبد العزيز : عشان أبوها ماراح يجي
عبد الرحمن بإنفعال : الله ياخذ أبوها أنشاء الله يارب أنك تاخذ روحه هذا أبو بالله عليك ؟؟
غبد العزيز : شفت عاد أخر زمن
غيدا وهي تنزل سألها عبد العزيز : هاه بتنزل ولا لا ؟
غيدا : لا
عبد الرحمن : طيب عشان أبوها ماجا تتكنسل الحفله طيب الهدايا والبوفيه الي راح يجي كله يروح هباء منثورا
غيدا : عجزت معها رافضه بقوه تقول ماراح أنزل
عبد العزيز وهو يقوم : أوكيه أنا برقى لها وإذا رفضت أنا نفسيتي ماتتحمل أكثر من كذا وراح أقولها الي بيني وبينك أنتهى
) في الحديقه (
نايف بضيق : أوففف الله يقطع هالعبد العزيز والله من يوم ماشفته وأنا ماحبيته
عبد الله : لا والله بالعكس والله أنه زقرت
نايف : زقرت في عينك
عبد الله :والله في عينك أنت
نايف : أهو خاطف حبيبة قلبي الله يقطعه
عبد الله : أقول تكفى أسكت لايجيك كف يطيرك مليون تحب وحده أكبر منك
نايف : أنا بكره ولا بعده بدخل 16 وهي عمرها 19 يعني مافيه فرق كبير
عبدالله : أحلف
(في غرفه رشا (
عبد العزيز وهو يفتح الباب : السلام عليكم
رشا : وعليكم السلام
عبد العزيز : رشا تحبيني ؟؟؟ !!!
رشا بإستغراب : وش هالسؤال
عبد العزيز بإصرار : تحبيني ولا لا
رشا : أكيد أحبك
عبد العزيز بجديه : أوكيه أنا راح أنزل عشر دقايق مانزلتي راح تشوفين شي ماتحبينه
رشا بإستغراب : وش راح أشوف
عبد العزيز وهو يطلع : شي
)في الحديقه (
طبعا غيدا وعبد الرحمن بعد ماطلعوا للحديقه غيروا جو الحفله وخلوه جو ثاني وكان صوت الأغاني يصدح بأرجاء الحديقه
عبد العزيز وهو يطلع ويدور على غيدا : غيدا غيدا
غيدا : هاه وش قالت
عبد العزيز : مأدري بعد عشر دقايق كل شي راح يوضح
غيدا : أها طيب وش قلت لها بالضبط
عبد العزيز قالها وش قال لرشا بالضبط
غيدا : طيب وش راح تسوي لومانزلت
عبد العزيز : راح أقول لها الي بيني وبينك أنتهى
(بعد مرور 9 دقايق (
عبد العزيز وهو يناظر الساعه وبضيق : شفتي غيود ماعطتني أي أهميه أنا طالع
غيدا وهي توقفه : زيزو أصبر بقى دقيقه وحده
عبد العزيز بضيق شديد : خلاص أنا مأقدر أتحمل أكثر من كذا وقولي لها إذا شفتيها أن الي بيني وبي
رشا تقاطعهم : هذاني نزلت عشاني أحبك ومأقدر أسوي شي مايرضيك
عبد العزيز وهو يلتفت وبنظره حب وإرتياح : أممم أحلفي أنك تحبيني
رشا : والله أني أحبك
غيدا : أحم أحم نحن موجودون
عبد العزيز : والله توني أكتشف
غيدا : صدق من قال من لقى أحبابه نسى أصحابه
رشا : أكيد راح ينساك وينسى طوايف أهلك مو أنا رشا
نايف يقاطعهم : أحين أنتم جالسين هنا وحنا هناك وش هاي الحفله صراحه فاشلـه
عبد العزيز وهو يبتسم : أنشاء الله أخ نايف في أوامر ثانيه
نايف في نفسه : عندي لك أنت أوامر كثيره بس يله عاد وش نقول وش نخلي
نايف : لا مأتوقع
فبدو الحفله وكانت جدا رائعه كانت صوت الأغاني يصدح بالحديقه وقطعوا الكيك وكل واحد تمنى من كل قلبه أن الملكه تتم عما قريب والكل عطى غيدا وزيزو هديه بمناسبه الخطوبه وزيزو عطى رشا هديه ولبسها دبلتها وهي لبسته الدبله ومرت الخطوبه بسلام والكل مستانس
( في بيت أم سلطان (
أم سلطان بصوت عالي : ميمي ميمي
ميمي : هلا
ام سلطان : تعالي أبيك بموضوع
ميمي : موضوع
أم سلطان : أيه أجلسي
ميمي وهي تجلس : انشاء الله
أسلطان : تعرفين ديم
ميمي : أيه أخت لين
أم سلطان : أيوه أخت لين
ميمي : وش فيها
أم سلطان وهي تبتسم : وش رايك فيها لآني أبي أخطبها لسلطان
ميمي بفرحه: والله يمه
أم سلطان : والله أنا دخلت مزاجي بس أهي مو مخطوبه
ميمي : لا
أم سلطان : خلاص أجل كلميها بالموضوع
ميمي بفرحه : إنشاء الله من عيوني بس أنتي أمري
)في بيت رشا (
راحوكل المعازيم مابقى إلى عبدالعزيز
عبدالعزيز : تدرين ياجنوني أني اليوم أسعد إنسان
رشا : لامأدري
رشا : بس أحنا ماتملكنا
عبدالعزيز : متى مبغينا الزواج حددنا بس ألحين الأهم الملكه عشان خلاص تكونين لي لحالي
رشا : وأنا الحين لك مو لغيرك
عبدالعزيز : أدري بس ماتظمنين اللأيام صح ولالا
رشا : أكيد الأيام غداره وماتضمنها
عبد العزيز : عرفتي ليش أبي الملكه بأسرع وقت بس المشكله أبوك أخاف نحدد يوم ونتجهز ثم يورطنا
رشا : صادق هاذي مو مضمونه بس لازم إذا جاء تقعد معاه وين مايروح يمين ولا يسار
عبد العزيز : ماعلينا منه أحين بس علينا منك شو أخبارك جنوني
رشا : تمام الحمد لله
عبد العزيز : هذا أهم شي
رشا : أه
عبد العزيز وهو يقرب لها ويبوس بطن يدها : جنوني وربي أحبك وربي أموت عليك أحس حياتي بلياك ماتسوى ماأدري اليوم شو هالقوه الي جتني وقلت شي أنا موقده تدرين وش قلت ؟؟
رشا : أيه لو مأنزل الي بيني وبينك ينتهي
عبد العزيز : أه دريتي وش رايك فيني مو شجاع
رشا : عبد العزيز أنا مشكلتي العناد أحب شي أسمه عناد أعشقه عشان كذا أخاف الي بيني وبينك ينتهي بسبب عناد وأنت ماتتحمل خاصه إذا كنت معصب
عبد العزيز : مأقدر أتخيل حياتي من دونك بس طلب جنوني تكفين طلب صغيرون
رشا : روحي لك أمر
عبد العزيز : أتمنى أنك ماتاخذين كلامي إذا كنت معصب عشاني إذا عصبت مأعرف الصح من الغلط فعشان كذا بليز جنوني أسمعي من هنا وطلعي من هنا
رشا وهي تبتسم : من عيوني
عبد العزيز وهو يقرب لها ويحط راسه على كتفها ويلعب بأصابع يدينها : جنوني والله أحبك تكفين أبي علاج لحبك أبي عـــــــــــــــلاج
رشا وهي عاجبها الوضع وبدلع : أمممم ماعندي علاج
عبد العزيز بحب وبنظره تدوخ : لا لازم أبي علاج
رشا بدلع ونعومه : والله ماعندي
عبد العزيز : إلا عندك
رشا : وشو
عبد العزيز وهو يعدل جلسته ويأشر على خده : أببي أمم
رشا بحياء : وشو
عبد العزيز : الي شفتيه
رشا : ماشفت شي
عبد العزيز : أبي أبي بالمعنى الصحيح أبي بوسه
رشا بحياء وخجل : نو نو نو
عبد العزيز بنظره تدوخ : أمم طيب ليش
رشا : بس كذا
عبد العزيز بحب : أفا طلبتك
رشا : أستحي مأقدر
عبد العزيز يسوي نفسه زعلان : أها خلاص براحتك بس تراني زعلت
رشا : طيب أستحي
عبد العزيز : يهون عليك زعلي
رشا وهي تقرب من خده وتبوسه : لا والله مايهون
عبد العزيز بفرحه وبإبتسامه تذوب : أيوه كذا تعجبيني
) في بيت عبد العزيز وبالتحديد غرفه فيصل (
فيصل : هلا والله
مي : أهلين
فيصل : شحالك
مي : تمام من معاي
فيصل : معاك فيصل
مي : هلا وغلا ومرحبا بفيصل
فيصل بفرحه : هلا فيك وشخبار الدنيا معاك
مي : تمام وأنت
فيصل : بخير
مي : أنشاء الله دوم
فيصل : مي حبيت أسألك بكره عندك شي
مي تتذ كر : أمم بكرى على مأظن ماعندي شي ليش ؟؟
فيصل : لأني أبي أعزمك على فطور
مي : الصباح
فيصل : يس موافقه
مي : أوكيه ماعندي مانع بس تعرف وين بيتي
فيصل : لا وينه فيه
مي صفت لـه المكان : عرفته
فيصل : أه أنتي تسكنين جنب بيت رشا
مي بإستغراب : من رشا ؟؟
فيصل : خطيبه أخوي
مي : أها ماعلينا بس متى راح تمر علي بالساعه والدقيقه
فيصل : الساعه الثامنه والنصف صباحا أوكيه
مي : أوكيه
فيصل : يله أجل ماطول عليك تصبحين على خير
مي : وأنت من أهله
)في بيت رشا (
رشا : أنشاء الله دوم أعجبك
عبد العزيز : إذا سمعتي كلامي دايما تعجبيني
رشا : أجل كل يوم راح أسمع كلامك
عبد\ العزيز : رشا أجل وش رايك بكره العصر تقريبا نجتمع مع الشباب والبنات ونسوي جلسه كل يوم خميس
رشا : أه بكرى أنا أبدى فيها والأسبوع الثاني على أحد غيري كذا قصدك
عبد العزيز : يس
رشا : طيب من بيكون معنا
عبد العزيز : أنتي أولا ثم أنا وغيود ودحوم وليد وفيصل وزياد وعلى مأظن ليان وبيان وأريم ورنيم
رشا بإستغراب : من ذولي ؟؟
عبد العزيز : صديقات فيصل
رشا : حلو عشان نتعرف عليهم
عبد العزيز : أها أنا راح أكلمهم وأقولهم أن الجمعه راح تكون عندك أول يوم ومن ثم نحدد
من بعدك
رشا : أها
عبد العزيز وهو يقوم : يله ياحلوه تامرين على شي
رشا : لاسلامتك
عبد العزيز وهو يرجع : أوه لحضه نسيت شي
رشا : وش نسيت
عبد العزيز يإشر : شوفي هناك
رشا تلتفت : وين
عبد العزيز يطبع بوسه على خدها : هذا هو
رشا وهي تضربه مع كتفه : على ـــــــ
عبد العزيز يوقف : على وشو
رشا بحياء : على بوسه
عبد العزيز وهو يطلع : على حلاوه يله باي
رشا : بايات
رشا : هلا
عبد العزيز : وحشتيـــــــــــــــــــني مووووووووت
رشا : حتى أنت
عبد العزيز : طيب ليش ماديقيتي
رشا : خفت تقول ما أمداك تشتاقيلي
عبد العزيز : لا ماراح أقوله كنت أبقولك حتى أنا
رشا : أها سوري مره ثانيه
عبد العزيز : أنا كنت بس أبي أقولك أني مووت أحبك وأن مالي غير حبك والي ينبض في خفوقي ماهو قلبي هذا قلبك
رشا : وأنا كنت أبي أقول أني أنا وأنت روحين داخل إنسان أنت يمين القلب وأنا يساره
عبد العزيز : ياويل حالك يا عزيز بتصير أنت ويا رشا طول الوقت لا لا متى يجي هاليوم الي اكون أنا وياك مع بعض في بيت واحد أتصبح بوجهك واسمع أحلى صوت يقولي صباح الخير
ولا تأخرت على الشغل يله قم أتوقع أني بأموت من أول يوم من الوناسه
رشا : أنشاء الله أكون قبلك
عبد العزيز : نو نو أنا قبلك
رشا : لا أنا ولا أنت
عبد العزيز : يعني بيوم واحد بس مو بأرادتنا
رشا : ماحب هالسيره غيرها
عبد العزيز : أنشاء الله بس أنا ياجنوني راح أسكر لأني من زمان ما رحت الشركه
رشا : أوكيه يله باي
عبد العزيز : لا لا
رشا : وش فيك
عبد العزيز : قلبي مايتحمل أسكر منك والله بس وش أسوي
رشا : لا والله عادي ما قلت شي
عبد العزيز : طيبي سكري قبلي
رشا : لا أنت قبل
عبد العزيز : لا أنت
رشا : لا أنا وأنت مع بعض
عبد العزيز : أوكيه ياله باي
)وسكروا (
) في بيت عبد العزيز (
عبد العزيز توه داخل البيت
ريم : تو الناس
عبد العزيز : بسم الله علي
ريم : خير شايف جني
عبد العزيز : لا بس روعتيني
ريم : بسم الله عليك يا دادا
عبد العزيز : ريموه يا بطه أحترمي نفسك
ريم : أولا أنا مو بطه وثانيا أنا مقهوره من رشا
عبد العزيز كان يبي يرقى بس وقف : لـيش ؟؟؟
ريم : لأنها راح تاخذ أحلى عزيز بالدنيا
عبد العزيز بأبتسامه : تسلمين يا أحلى ريم
ريم : زيزو أنا ما أجامل أنا أقول الحقيقه بس أنت أول كنت دايم تجلس معنا وتتمشى فينا ونتغدا سولى ونتعشى سوى إلا إذا كانت سهرة أصدقائك بس من يوم ما عرفت رشا وأنت متغير علينا مو عزيز الأول عشان كذا بعد أنا مقهوره أشك أنك كرهتنا وصرت بس تحبها هي
عبد العزيز وهو يقرب لها ويطبع بوسه في خدها وبنظره مليانه حنان : ريوم يا ماما تشكين بغلاتك بقلبي تشكين فيني أنا الي مو بس أعاملك أختي أعاملك مثل بنوتي الدلوعه ها ريوم تشكين بأخوك وأبوك ولا لا
ريم : أنا ماأنكر أنك أنت أخوي ومعاملتك لي لا مو بس لي لنا كأنك أبونا بس يوم عرفت رشا وأنت متغير أنا ما أقول لا تحب بس أقول أعدل لأنك علقتانا فيك
عبد العزيز وهو يحضن ريم : أنشاء يا ماما آي أوامر ثانيه
ريم وهي تحس أنها بتصيح لأنها فقدت حنان عزيز : لا
عبد العزيز وهو يرفعها عن حظنه : يله يا بابا روحي نومي
ريم : أنشاء الله من عيوني
عبد العزيز : يله تصبحين على خير
ريم وهي ترقى : وأنت من أهله
عبد العزيز كان واقف وسط الصاله ومنزل راسه يتذكر كلام ريم
عبد العزيز يكلم نفسه : أه لهالدرجه أنتي يا رشا مغيره كياني حتى الي كانوا همي الوحيد بالدنيا
خليتيني أنساهم أه ورقى وحط راسه وما جاه النوم
) في بيت بنات أبو متعب (
ليان : هاه بيان وش تتوقعين كان يبي مني
بيان : ما أدري أنا أقول كلميه وقولي له أنك بتجين البيت عنده
ليان : ليه البيت
بيان : أحسن عشان يكون فاضي
ليان : أها طيب شكلي بروحله بكرى
بيان : ايوه روحي له وشوفي وش كان يبي
)في بيت رشا (
رشا كانت تتقلب وما جاها النوم فمسكت جوالها وارسلت رساله لعزيز
غمام أسود يلوح على أفق حبنا
دموع غزيرة تتساقط على بعدنا
ليلٌ يفرش بساطه على هوانا
قلوب تخفق وتستصرخ لعل أحد يسمعها
ولكن هيهات أن تسمع آهاتها
وأنّاتها وصيحاتها
سراب تكون هي لقاءاتنا
تنتهي وبعدها تبدأ آهاتنا
نأتي لننام ولكن لا تطبق أجفاننا
والدموع تبلل وسادة نومنا
على هكذا حال لن تنتهي آلامنا
والفراق كالشوك يغرز في أضلاعنا
فلم يبقى سوى زواجنا
ليخفف علينا شيئا من احزاننا
تحياتي يا حبي ... التائه في حبك ... رشا
)في بيت عبد العزيز (
كان يتقلب يمين ويسار إلا يسمع صوت مسج فقام ومسك جواله وفتح المسج وبدا يقرا
عبد العزيز : يا الله أمووت على التائه في حبك
وارسل لها مسج
جنوني كـــل مافينــي .. يذوب بمــلح همســاتك ..
جنوني كـــل آحاسيــسي .. يعشقــونك يعشقــونـــك ..
جنوني طالبــك تكفــى ..
ابيـــــــك بكلك لذاتــك .. ابي أكون جنبــك مثل ظلــك ..
ولاابــــــــي شـــئ مـــــــــن دونـــــــــك ..
ابســهر في وســط عينــك .. وابشــرب كـــأس نظــراتك ..
وإلى منــي بغيـــت النــوم .. ابي انـــام بعيـــــــونك ..
وابــي اصحــى بكلمــة "صبــاح الخير" بشفـــــــاتك ..
وابـــي فنجــال حبـــك .. والغـــــلا تمدهـ..جفونـــك ..
وابـــــــي اهيـــــــم بــك لامن نثــرت عطــــــور كلمـــــاتك ..
وأعيـــش مقــابلك دنيــــــا بنورهـــا قمر " لونـــــــك "..
ابــــــي فنــك وابي سحـــرك .. وابـــــي جذاب بسماتــك ..
ابســـــــأل: وش كـــثر حبــــــي ..؟؟!
وابـــــي منــك اجابــاتك ..
وابيــك تجـــــاوب بضحكهـ.. معــــــاها هزة متــونك ..
عشـــقت الدمع بــــــأحزانك .. عشقتك عنـــد ضحــكاتك ..
عشقت الــي يعرفونك .. بروحـاتك وجيـــاتك .. بجيـــــاتك وروحــاتك ..
أخـــــاف النــاس ياعمري .. يصيبونــــك يحسدونـــــك ..
تعــــال وأطلـــب الغــــالي .. تعــــال وهــات رغبــاتك ..
فداك الي تبــي آآمر ..
أنــــــــــــــــا صـــــــــــرت مجنـــــــــونـــــــــــك ..
وإذا ودك أأكـــدلك .. تعــال وشــف مساحــاتك ..
بوســط الخــافق الي لــك .. حلــف لايمــكن يخــونك ..
لــك الله صورتــــك بعينــي .. تذكرني بجلساتك ..
تذكرنـــي وأقــول ..: شلــون أعيش أوقــاتي بدونــك ..؟!
ترانـــي لاتبــاطيتك .. أحــن لصــوت نبراتـــك ..
عســى الله لايخليني بعـــيد .. واعــطش دووم لمزونــك ..
وعســـــــاني ماأنحرم منـــــــك ..
لأن عيـــــوني الثنتــين .. يحبوووووووونكـ..يحبوووووووونكـ..
تحياتي عبد العزيز )تدرين ياجنوني أنك أغلى من عيوني (
) في بيت رشا (
قرت رشا المسج
رشا : ياااااااااااااي أبمووووت أنا الحين احس بشي غريب يمشي بعروقي بس يارب وشوا أهـ )عند بيت مى الساعه 8 صباحا (
مى وهي تركب : هاي
فيصل : هلا
مى : كيفك
فيصل : تمام وأنت
مى : تمام
وراحوا للمطعم وأفطروا وطلعوا من المطعم وراحوا يتمشون
) في الشركه (
كان عبد العزيز يقرى بالأوراق ونادى السكرتير
عبد العزيز : محمد تعال أبيك ضروري
محمد : أنشاء الله ياطويل العمر
محمد وهو يدخل : آمر
عبد العزيز : بس حبيت أستفسر على كل شي يخص هالمناقصه
محمد : أنا الي أعرفه أنها من أفضل المناقصات الي راح تنطرح بالسوق
عبد العزيز : أها طيب تقريبا كم شركه عرفت عنها
محمد : ماأدري والله بس ممكن أحنا بس ولا شركه وحده ماأظن أكثر لأنها مابعد أنطرحت توها بس أنا حطيتها لك عشان تقراها أن أعجبتك حلوا
عبد العزيز : أن أعجبتني أنا من يوم قريتها وهي عاجبتني تعرف لو تكون من نصيبي راح توفر لي تعب كل السنوات الي راحت في شهر
محمد : والله شي حلوا
عبد العزيز : أنا لازم أحصل عليها بأي مبلغ كان لازم نبدا نخطط لها عشان ما تروح منا وإذا صارت من نصيب الشركه راح أزيد المرتبات
محمد : أنشاء الله تكون من نصيب الشركه
عبد العزيز : أنشاء الله
)في بيت بنات أبو متعب الساعه 5 عصرا (
كانت ليان لابسه ومتكشخه عشان تروح لبيت زياد
ليان وهي تنزل وتبخ من العطر : هاي
أم أريم : وين
ليان : مشوار شوي وراجعه
أم أريم : أها طيب مع السلامه
ليان وهي تطلع : بايات
)في بيت رشا (
رشا قامت وجلست تفتح الهدايا وفتحت هدية عبد العزيز
رشا : واااااااااااااااااااااو جـــنــــان
إلا ويرن الجرس فراحت ركض تفتح الباب
عبد العزيز : مساء الجنون
رشا بأبتسامه : مساء الروعه لك ولذوقك
عبد العزيز بأبتسامه : اها فهمت فتحتي الهديه
رشا : يس
عبد العزيز : طيب ممكن أدخل
رشا : أوه صح نسيت أيه تفضل
عبد العزيز : جنوني توك تفتحين الهدايا
رشا : يس
عبد العزيز : غريبه أنا الي أعرفه أن البنات ملقوفات ما يتحملون تأجيل أي شي عن اللقافه لبكرى مثلك
رشا : بس أنا غير
عبد العزيز وهو يسحب السلسال من يدها : هذا مو هنا موقعه ولا ينحط بعلبه هذا مكانه (ولبسها السلسال ) هنا وجلس يتأمل في رشا
رشا بحياء : اها أدري أن هنا مكانه بس لا تناظرني كذا
عبد العزيز : ليه ؟؟
رشا : تحرجني
عبد العزيز وهو يقرب لها : أموووووووت أنا على الي ينحرجون
رشا : أها
عبد العزيز : رشا والله تعبت وأنا واقف
رشا : وأنا مانعتك أجلس
عبد العزيز : ماقلتيلي
رشا : يعني لازم أتكلم
عبد العزيز : يس لازم
رشا : ولا يهمك أجلس
عبد العزيز وهو يجلس : ايوه كذا
رشا : وش صار على الجلسه قلتلهم
عبد العزيز : اووه نسيت بس مافيه مشكله الحين أكلم
رشا : يله
عبد العزيز كلم على كل واحد فيهم وقاله والكل وافق وقال لفيصل إذا كان يبي يعزم بنات أبو متعب مافيه مانع
فيصل : أها أوكيه ويمكن اجيب معي وحده زياده
عبد العزيز : مين
فيصل : وحده
|