البارت السادس
(في الإ ستراحه (
ياسر : ها يا سلطان الحبيبه وصلت
سلطان : أه يس
ياسر : ما قلتلك طلع أهاتك قلت وصلت أو لا
سلطان : يس وصلت
ياسر : حلو حلو متى
سلطان : اليوم الصباح
ياسر : أها
سلطان:يله بس أنا ابروح أدق عليها اشتقتلها إلا على فكره وش أخبار جود أختك وصديقتها مي
ياسر : إلى هالحين وهم من مغامره إلى مغامره
)جود أخت ياسر حلوه ومرجوجه ومغامره درجه أولا وصديقتها مي بطله من أبطال القصه وراح تتعرفون عليها مع أحداث القصه (
سلطان : الله يعينك عليها
ياسر : ياليت إهي لحالها معها مي قائده الشله
سلطان : ولا يهمك ومي والباقين معاهم
ياسر : آمين
سلطان يدق على بيان
بيان : هلا
سلطان : هلا فيك
بيان : ـــــــــــ
سلطان : وش أخبارك
بيان : تمام الحمد لله وأنت
سلطان : تمام دامك تمام
بيان : ـــــــــــــ
سلطان : وينك ألحين
بيان : طالعين نشم هواء دار أبو متعب
سلطان : أها يعني بالسياره أنتي
بيان : يس
سلطان : أوكيه إذا رجعتي دقى
بيان : أوكيه يله باي
ليان : مين هذا
بيان : مالك دخل
أريم : أكيد سلطانوه
بيان : أولا اسمه سلطان مو سلطانوه
أم أريم : من هذا
بيان : سلطان ولد جيرانا
أريم : أو بالمعنى الصحيح خطيبك
بيان : كله واحد
أريم : ما تفرق يالحلوه
بيان : ولا يهمك خطيبي
أريم : أول مره شوف خطيب من دون ما يدقون أهله ويخطبون
بيان : بيدقون عما قريب
أريم : عما قريب
أم أريم : خلاص أنتي وياها ما تعرفون تكرمونا بسكاتكم
أريم : خلاص مامي
بيان : أنشاء الله
)في الإستراحه (
عبد العزيز توه داخل إلا يشوف عبد الرحمن يدور وهو يكلم عبد العزيز يحتريه يخلص من المكالمه
عبد الرحمن بفرحه شديده : أوكيه الي تشوفه طيب راح يكون بينا إتصال يله مع السلامه
عبد العزيز : مين هذا
عبد الرحمن ينطط من الفرحه : وافق وافق
عبد العزيز بأبتسامه : مين الي وافق
عبد الرحمن : أبو غيدا
عبد العزيز فرحان لفرحة عبد الرحمن : والله
عبد الرحمن : والله ويقول متى تبي الملكه واخيرا يا غيدا راح تكونين لي مو لأحد غيري واي واي ونـــــــاســـــــه
عبد العزيز : ياليته موافق من زمان عشان أشوف الفرحه هاذي فيك وإنشالله تكون دوم مو يوم
عبد الرحمن : إنشاء الله بس ما قلتلي وش الأحداث الي تقول أنها صارتلك
عبد العزيز : أجلس وأقولك الأحداث من السلام عليكم إلا وعليكم السلام
عبد الرحمن : يله تراك حمستني
عبد العزيز : أسمع يا طويل العمر
وبدا عبد العزيز يقول لعبد الرحمن كل الأحداث الي صارت له مع رشا
) في بيت عبد العزيز (
فيصل : يا الله يمدحون النوم
لين : والله أنك صادق بس شكلك تعبان
فيصل : شويه بس ما كنت أبي أنوم من أول ما وصلت لذالك قاومت عشان يكون نومي مره وحده
ريم بحزن : الله يعينا على شخارك
فيصل بأنصدام : حرام أنا ما أشاخر
ريم بمزح : إلا
فيصل بجديه : مو على كيفك أنا أعرف نفسي أكثر منك
ريم : لا أنا أعرفك أكثر من نفسك
فيصل : والله ما أطلع أي صوت حتى نفسي ما تسمعينه
لين : فيصل أنت من جد مصدقها أهي تستهبل
فيصل توه يستوعب : صدق
ريم وهي تضحك : هههههههههـ والله أنك خبل ـهههههههههههه
فيصل وهو يتثاوب : يمكن من أثار النوم
ريم : يمكن
فيصل وهو يرقى : تصبحون على خير
لين وديم وريم : وأنت من أهله
ريم : وأنا أبي أنوم
لين : وأنا
ديم : يعنى بأجلس لحالي
لين : دبري حالك أنا أبي أنوم
ديم : مالي إلا النوم
) في بيت زياد (
اياد : أقول رانيا زياد إلا هالحين نايم
رانيا : يس تبيني أقومه
اياد : لا بس غريبه المفرض أنه يكون الحين قام من النوم أكيد أهو فيه شئ لأن زياد ما ينوم كذا إلا إذا كان متضايق
رانيا وهي تصفق : أحلى يا المحلل
رولا : كالي إياد أبي أنوم أندك ( خالي إياد أبي أنوم عندك(
إياد بحنان الأبو : طيب بس أنتي قولي لماما
رولا : طيب
رولا : ماما
ريناد : يا عيون ماما
رولا : أبي أنوم أند إياد ( أبي أنوم عند إياد (
ريناد : لا بابا يعيي
رولا : ليه
ريناد : يقول ما أعرف أنوم إلا و رولا نايمه عندي
رولا : أف من الحب الدايد ( الزايد (
إياد : هاذي الصغيره من وين تجيب هالكلام
ريناد : من أي أحد والكلمه الي تعجبها ترددها
إياد : أها
ريناد : يله يا ماما الحين بابا بيجي
إياد : وين تو الناس
ريناد : وين تو الناس أنا عندكم من ثلاث أيام
إياد : قليله ما بعد شبعنا منك
ريناد : تعرف زوجي ومشتاق لي
إياد : الله يخليكم لبعض
رانيا وهي تجلس بينهم : وش عندك أنت وياها
ريناد : أسرار
رانيا : وشي
إياد : أسرار
رانيا بحزن : بكيفكم مو لازم أعرف وش الأسرار
إياد : لا يا غلاي لازم بس كانت تقولي أنها تبي تمشي
رانيا : فكه
ريناد : فكه منك
إياد : صدعتوا راسي أنا أبروح القبوا
ريناد : أموت وأعرف وش في هالقبوا
إياد : أشياء
ريناد : أدري أنها أشياء بس وش الأشياء
إياد وهو يطلع : أشياء
ريناد : أقول رانيا وش أخبار النت معك
رانيا : أسكت بس عاد الحين مشتركه بمسابقة رسائل الوسائط بس المشكله ما عندي رسائل حلوه
ريناد : أوكيه جيبي اللآبتوب وأسوي لك وسائط إلين يجي زوجي
رانيا : طيران
)في بيت وليد (
نايف : وليد وليدوه
وليد : نعم
نايف : أسمع أنا وأصدقائي مسوين تحدي أننا نلعب كوره والي يفوز علي
ياخذ ياخذ
وليد : وش ياخذ
نايف : طبعا إذا فازو علي
وليد : دريت
نايف : سيارتك
وليد مصدوم : نعم
نايف : نعامه ترفسك للمريخ أظن سمعت وش قلت
وليد : طير يا شيخ والله لو تموت قدامي ما أعطيك السياره قال أيش قال متحدي على أيش على سيارتي
نايف : ياخي وسع صدرك أمي بتشتريلك سياره غيرها
وليد : عناد ما أبي إلا هاذي السياره
) في الإستراحه (
عبد الرحمن مو مستوعب الكلام الي يقوله عبد العزيز : معقوله كل هذا يكون في رشا
عبد العزيز : ليش طايحه من عينك
عبد الرحمن : لآ مو طايحه من عيني بس يعني الي يشوف رشا يقول هاذي ما قد شافت يوم قاسي بحياتها ويطلع كل يوم يمر في حياتها أقسى من الي قبله لآ وبعد قالتلك أحبك والله من جد أحداث عظيمه صارت
عبد العزيز : شفت عاد
عبد الرحمن : ياليتني شايف أنا سامع
عبد العزيز وهو يتثاوب : أقول أبو داحم أنا أبي أروح البيت دايخ أبي أنوم
عبد الرحمن : تصبح على خير
عبد العزيز وهو يقوم : وأنت من أهله
) في بيت رشا (
رشا : أقول غيود
غيدا : هلا
رشا : لو أقولك أني عشت الحب
غيدا بنظرة خبث : مع مين
رشا : مع عبد العزيز
غيدا : والله إني حاسه
رشا : ليش كان واضح علي
غيدا : يس يا قمر
رشا : ليش ما قلتيلي
غيدا : إذا كنت تنكرين لنفسك وشلون بتعترفين لي تدرين يا رشا وش مشكلتك
رشا بأهتمام : وشي
غيدا : تكابرين وبشكل فضيع جدا
رشا ببراءه : أنا
غيدا : يس أنت
رشا : يمكن بس غيود عندي لك طلب
غيدا : آمري
رشا : تكفين ياحلوه كلمي أمك وقولي لها أنك بتنومين عندي
غيدا : أوكيه
وتتصل على أمها
أم غيدا : هلا
غيدا : هلا بأحلى أم بالدنيا
أم غيدا : هلا فيك
غيدا : مامي وش أخبارك
أم غيدا : تمام بس قولي وش عندك
غيدا : أمممم مامي ممكن طلب
أم غيدا : آمري
غيدا : بس بشرط ما تقولين لآ
أم غيدا : ماراح أقول لا
غيدا : أبي أنوم عند رشا
أم غيدا : لا
غيدا : مامي مو أحنا متفقين ما تقولين لا
أم غيدا : بس ما أقدر أنوم وبنتي الحلوه مو عندي
غيدا : بس اليوم
أم غيدا : بس اليوم
غيدا : مامي أجل إذا تزوجت شو حتعملي
أم غيدا : حتقنن
غيدا : اسم الله عليك من الجنون
أم غيدا : يله غيود الحين أبوك جاء
غيدا : مع السلامه
أم غيدا : مع السلامه
رشا : ها وافقت
غيدا بفرحه : يس
رشا : حلو حلو
غيدا : أيوه وش عندك وش راح نسوي الحين
رشا : عندي فلم يحبه قلبك
غيدا بفرحه : وش أسمه
رشا : حب البنات
غيدا : طيب وش يتكلم عنه
رشا : ما أدري بس أتوقع من عنوانه أنه عن حب البنات
غيدا : أوكيه شغليه
رشا قامت وحطت الشريط
غيدا : قبل لا تشغلينه أبي ببسي وبطاطس
رشا : من عيوني
غيدا : تسلم لي عيونك
بعد الفلم
غيدا : آه من هالفلم جرح
رشا : مو بس جرح نزيف
غيدا : والله يا رشا حلو
رشا : أدري
غيدا : أقول أنا جاني النوم بأروح أنوم
رشا : وأنا معك
) في بيت بنات أبو متعب (
ليان : أنا أبي أنوم
بيان : وأنا
أريم : أنتو دايم نوم
بيان : ما نمنى إلا الظهر يعني ثلاث ساعات
أريم : حلوه
بيان : لا مو حلوه
ليان : لا تعبين نفسك وتتهاوشين مع هالأشكال اسفهيها ورحي نومي
بيان : والله أنك صادقه
رنيم : أريم ما نمتي إلا هالحين وراسك صاحي
أريم : قولي مشاء الله
رنيم : مشاء الله
رنيم : بيان ليان أصبرلي أبجي أنوم معكم
أريم : حتى أنتي
رنيم : أيه والله دايخه وأبي أنوم
)في بيت عبد العزيز (
فيصل توه قايم من النوم وينزل تحت وشاف خواته قايمين نفسه
فيصل : صباح الخير والورد والجوري
لين وديم وريم : صباح الورد
فيصل وهو يجلس : نمتوا زين
ديم : الحمد الله وأنت
فيصل : تمام
ريم : يله قم عشان تودينا الحياة مول
فيصل : قوليلي تبي شي تأكله مو على طول الحياة مول
ريم : وش تبي تأكل ؟؟
فيصل : مأبي أكل أبي كوفي
ريم وهي تقوم : من عيوني بس ترى مو لعيونك لعيون الحياه مول
فيصل : تلاطي بسرعه وسويه
ريم : أنشاء الله
لين : يعني بتودينا
فيصل : أفكورس
لين وهي تقوم : أجل بروح ألبس
ديم وهي تقوم : وأنا بروح ألبس
فيصل : تلايطوا عني وألبسوا بسرعه
ديم وهي ترقى : بنتلايط
ريم وهي تمد الكوفي : خذ
فيصل : ماشاء الله أمداك ياليتك ياريم كل يوم كذا أي شي أبيه بسرعه تسويه
ريم : بطير لدولابي عشان ألبس
فيصل : بسرعه بسرعه قبل لاينحاش
ريم : أنشاء الله
فيصل وهو يضحك : هههههاي والله حاله هالبنات خلوني أدق على زيودي أشوف أهو بيجي معاي ولا لا
زياد بصوت مليان نوم : هلا
فيصل : هلا فيك وصباح الجوري
زياد : كم الساعه ؟؟
فيصل : الرابعه عصرا
زياد نط من السرير عشان يتأكد وشاف الساعه
فيصل : ألــــو
زياد : معاك معاك كم التاريخ اليوم
فيصل : 6 / 12
زياد : والله
فيصل : والله
زياد : تدري أني نايم من أول ماوصلت إلى ألحين
فيصل : أتحداك
زياد : والله
فيصل : معقولة يوم وأكثر
زياد : أسكت بس حتى أنا مو مستوعب أحس أني نمت نومت أهل الكهف
فيصل : شويه أهل الكهف بس أسمع
زياد : هلا
فيصل : أنا بأودي خواتي السوق و أبيك تجي معاي
زياد : أوكيه بأخذ شور وأمر أختي رانيه وأشوف أن كانت تبي السوق عشان أخذها معي تعرف أهي أنخطبت
فيصل : مشاء الله مبروك
زياد : الله يبارك فيك وعقبال خواتك
فيصل : أنشاء الله
زياد : يله يافيصل تامر على شي
فيصل : سلامتك
زياد : فمان الله
فيصل : بحفظ الله
فيصل يكلم نفسه : بأدق على وليد وشوف أن كان يبي يجي معانا عشان تكمل الشله
وليد : هلا وغلا بفاصوليا
فيصل : هلا فيك وش أخبارك
وليد : تمام الحمد لله و أنت
فيصل : تمام الحمد لله
وليد : تخيل هالخبل نايف متحدي أصدقائه إذا فازوا عليه ياخذون سيارتي
فيصل : هههاي يقطع أمه هالولد متى بيعقل
وليد : مأدري خبل من أول ماطلع على الدنيا
فيصل : قلتها بس على العموم أنا وزياد بنطلع للسوق بتجي معانا
وليد بأستغراب : السوق
فيصل : إيه بودي خواتي وهو بيودي أخته وأنا وياه بتشتري تيشرتات وبناطيل
وليد : أوكيه خلاص أتفقنا بس أي سوق
فيصل : الحياه مول
وليد : أوكيه خلاص فمان الله
فيصل : بحفظ الله
لين : يله
فيصل : يله
) في بيت رشا (
غيدا : رشا رشا قومي يله
رشا من دون نفس : ها
غيدا : قومي يله ألحين الساعه أربع
رشا وهي تجلس : أوكيه قمت
غيدا : يله عشان نروح نفطر
رشا وهي تقوم : طيب
غيدا : يله بسرعه
رشا بإنفعال : قلتلك طيب
غيدا وهي تطلع : يله أنا برى أحتريك
رشا بعصبيه : طيب
رشا قامت ودخلت دوره المياه ( وأنتم بكرامه(وأخذت لها شور سريع ولبست بلوزه حمرا سبورت ولابسه سلاسل سودا وطويله وفيها حرف a وبنطلون أسود جنز مخملي وصاير ماسك تحت الركبه وجزمه ( وأنتم بكرامه ) سبورت لونها أسود فيها خطوط حمرا وأساوير سودا على يدها وتعطرت وطلعت
غيدا : واي شكلك جنااااان
رشا بغرور : مو أحنا طالعين نفطر
غيدا وهي تقوم : ألا يله
رشا : يله
(في بيت بنات أبو متعب (
ليان قامت من النوم ونزلت تحت ولقت أم أريم ورنيم وبيان ليان بأستغراب : وين أريم
أم أريم : نايمه
ليان : أها
بيان : الناس يقولون صباح الخير وأنتي تقولين وين أريم
ليان : لأني بالعاده ألقاها في كل مكان وألحين مو موجوده أستغربت
بيان : أها
رنيم : وش رايكم نسوي لها مقلب
ليان : يله بس وشو
بيان : وش رايكم لو نجيب دقيق وبخاخ مويه ونكب الدقيق ثم نبخ المويه
أم أريم : حرام عليكم
ليان : لا والله أهي حرام الي تسويه فينا
رنيم : هعهعهع يله يابنات أبو متعب
ليان : يله
وجابوا الدقيق وبخاخ المويه ودخلوا غرفه أريم وأريم كانت متعمقه في نومها
بيان : يله كبوا الدقيق وأنا بأبخ المويه
ليان : يله يارنيم بخي
رنيم وهي تكب الدقيق : يله يابيان
بيان بخت المويه على وجه أريم
أريم بصراخ : مامااااتي
ليان : هههههاي مو عندك
أريم بعصبيه يحيوانات من الي سوت كذا
ليان : مو أنا
بيان : ولا أنا
أريم وهي تلتفت على رنيم : أنتي
رنيم : لالا مو أنا
أريم بصوت عالي : أجل مين يا حيوانات
بيان ماسكه ضحكتها على شكل أريم : أظن أنها ليان ( وطلعت من الغرفه(
ليان : شف الحيوانه تبرت مني
رنيم : صادقه بيان ليان أهي الي سوت كذا)وطلعت (
أريم : أنتي
ليان : وقسم بالله أنه مو أنا الي سويت كذا
أريم : والله لأوريهم ( ودخلت الحمام وأخذت شور (
ليان وهي تطلع : أوريكم يا بيان ورنيم
أم أريم : أقول ليان وش رايكم لو نروح السوق
ليان : أي سوق
أم أريم : أنا قلت لبيان ورنيم وقالوا صحارى
ليان : صحارى بس مو الحياة مول أحلى
أم أريم :أتفقوا ونروح الي تبون بس وش أخبار أريم بعد المقلب
ليان : معصبه
أم أريم وهي تروح لغرفتها : مويه ودقيق الله يعينها
ليان بصوت عالي : بيان رنيم
بيان : هلا
ليان : وين تبون تروحون أى سوق
بيان : أقول صحارى وبعدها الحياة مول
ليان : أوكيه
(ولبسوا وطلعوا للسوق وطبعا أريم ما كلمت ولا وحده منهم (
) في بيت عبد العزيز (
عبد العزيز قام ونزل ولا لقى أحد فلذالك لبس وطلع
)في الحياة مول (
كانو ديم وريم ولين وفيصل توهم داخلين
فيصل : اشتروا الي تبون اليوم يومكم الين تقولون ملينا
ريم : إذا كان علي أنا ما راح أخلص إلا بكرى
فيصل : عادي ما عندي مانع
ريم : أمزح
فيصل : أدري عاد أنا الي بخليك إلى بكرى
ديم : أقول أنت وياها لو تتهاوشون إلى بكرى ما مليتو أمشى يله يا ريوم
فيصل : اصبروا هذا زياد وأخته رانيا
ديم بفرحه : والله
فيصل : والله شوفيهم هناك
زياد : أهلين بفيصل والصبايا
فيصل والبنات : هلا فيك
رانيا بأبتسامه : هاي
فيصل والبنات : هايات
زياد : يله يا صبايا السوق كله لكم الين تقولون ملينا يله أنتشروا
ريم : أصلا بننتشر قبل لا تقول
زياد : أم لسانين إلى هالحين
ريم : وإلى بكرى
زياد : لا لا ما أصدق وليد
وليد : هلا شباب
ريم : نحن موجودون
وليد بنظرة شوق لريم وفي نفسه أشوفك لو مشافتك العين يحبك القلب : توني أدري
ريم : ثاني مره ألبس نظاره
فيصل : أقول ريم تلايطي عن وجهي مع البنات
ريم : شف راحوا وخلوني
زياد يضحك : هههههـ أحسن ما يبونك ــهههههههه
ريم وهي تروح للبنات : ما يضحك
زياد : قسم بالله أني أموت على أختك هالبطه
فبصل : يا ويلك لو تسمعك تذبحك في محكمة ريم للذبح
زياد : خلاص تبنا دام فيها محكمه
وليد : يله شباب خلونا نتمشى
فيصل : يله
) في الإستراحه (
عبد العزيز توه داخل : السلام عليكم
الشباب : وعليكم السلام والرحمه
عبد العزيز : ها أشوفكم تلعبون بلوت
ياسر : شوفت عينك
عبد العزيز وهو يجلس : عيدو عيدو أبي ألعب
سلطان : يله نعيد
وعادو اللعبه وجلسوا يلعبون
)في المطعم (
رشا وغيدا توهم داخلين وطلبوا الأكل
رشا : أيوه وش عندك من أخبار
غيدا : أبوي دق على عبد الرحمن وقاله متى تبي الملكه
رشا : طيب وش قال
غيدا : قال بينا إتصال
رشا : ياعيني والله ما أقدر أتخيل شكلك عروس
غيدا : ليه
رشا : بس كذا
غيدا : حلوه بس كذا لازم يكون فيه سبب
رشا : تدرين يا غيدا أن عبد العزيز قالي أنه يبي يكلم أبوي
غيدا بفرحه : والله متى
رشا : قلتله بالوقت الي تحبه
غيدا : واي وناسه مين يصدق أنا ورشا يمكن بيوم واحد
رشا : لا تفرحين ألين يكلم أبوي بعدين نفرح
غيدا : أنتي وش فيك حاطه أبوك شي وهو لا شي
رشا : ولا شي بالنسبه لك لكن لي أهو كل شي
غيدا : سوري على الي قلته ما أقصد
رشا بأبتسامه : لا عادى خذي راحتك يا دوبا
غيدا : أنا دوبا
رشا : ايه دوبا
غيدا : على العموم وش رايك لو أكلنا نهجول بالشوارع مثل أول
رشا : ما عندي مانع
إلا ويجي الطلب وبعد ما كلوا طلعوا يتمشون من مكان لمكان
(في الحياة مول (
فيصل : ويعه
زياد : وش فيك
فيصل : شف هناك
زياد لف وشاف بنتين : أي وحده فيهم
فيصل : الي على اليمين
زياد : وش فيها
فيصل : حلوه
وليد : والله أنك صادق
زياد : أقول أمش أنت وياه
وليد : يله
فيصل : أنا أبي أدخل هالمحل
زياد : يله ندخل
ودخلوا وخذوا كم تيشرت على بنطلون
فيصل : أمسك أنا أبي أروح أشترى شي بارد
وليد : جبلي معك
فيصل : إنشاء الله
وراح فيصل للسوبر ماركت الي في الحياة مول
فيصل : وينه وينه أيوه من هنا
فيصل كان يبي يلف للمشروبات البارده إلا ويصقع في وحده وطاحت كل الأغراض الي بالسله
فيصل : آي
ـــــــ : ثاني مره شف طريقك
فيصل وهو يلف لها إلا فتح عيونه : آ آ أسف
ـــــــــــــــ : خلاص ما صار شي
فيصل وهو يلقط لها أغراضها الي طاحت ويقول في نفسه ويعه كل هالزين فيها
فيصل : خذي
ـــــــــ : مشكور
إلا يسمع صوت ضحك صديقتها : هههههههههههههاي والله أن شكلك مضحك وأنتي طايحه
مى بأستهزاء : ههه ههه ههه ما يضحك
جود : إلا
فيصل : طيب ممكن تبعدون عن طريقي
مى : تفضل
فيصل : مشكوره أختى
مى : مى
فيصل : مشكوره يا مى
مى : العفوا يا
فيصل : فيصل
مى : يا فيصل
وراح فيصل وأخذ شي بارد وراح لزياد ووليد
وليد : تو الناس
فيصل : شفتها
وليد : مين
فيصل : الي قلت أها حلوه وأسمها مى
زياد : اتحداك
فيصل : والله
وليد : يا عيني وشلون عرفت أسمها
فيصل قالهم وش صارله والبنات كانوا من محل لمحل ثاني
)في الأستراحه الساعه 7 (
عبد العزيز يدق على أبو رشا
ابو رشا : هلا
عبد العزيز : هلا فيك معي أبو مشعل
أبو مشعل : ايه نعم مين معي
عبد العزيز : معك عبد العزيز الـــــ........
أبو مشعل يتذكر : عبد العزيز كأن هالأسم مر علي بس أمر وش بغيت
عبد العزيز : بغيت أشوفك يا طويل العمر
أبو مشعل : يعني ضروري نتقابل
عبد العزيز : ايه نعم ضروري جدا بس أنت وينك
أبو رشا : أنا هالحين في مقهى ستار بوكس
عبد العزيز : طيب يا طويل العمر أنا جايك
أبو مشعل : حياك الله
عبد العزيز : طيب فمان الله
أبو مشعل : فمان الكريم
عبد الرحمن : طيب وش بتقوله
عبد العزيز وهو يقوم : خلها على ربك
عبد الرحمن : بشر مو تنسانا
عبد العزيز : أنشاء الله يله مع السلامه
عبد الرحمن : مع السلامه
) في صحارى (
ليان : أف مليت أبي أروح للحياة
بيان : يله
أم أريم : خلصتوا من صحارى
بيان : ايه
أم أريم : يله طيب خلونا نروح ستار بكس ونطلب ونروح للحياة
أريم : يله
وطلبوا وطلعوا من صحارى وراحوا للحياة
) في الحياة مول (
ريم : هذا حلو أخذه أو لا
لين : إلا حلو مره
رانيا : طيب وش رايكم في هذا
ريم : جنان
رانيا : يعني أخذها
لين : يس
وهذ أهو حالهم مره هذا حلو ومره يطنزون على الجاي والرايح إلا وبنات أبو متعب توهم داخلين
ليان : أتمشو خل نروح لبرمود
بيان : يله
أريم : أنا أبي أروح لأكسورايز
رنيم : وأنا معك
ليان : أقول بيان
بيان : هلا
ليان : وش رايك لو نكنسل برمود ونروح لكش كاش
بيان : ما عندي مانع يله
ليان : يله
وهم يمشون
بيان : أقول ليان مو كأن هذاك أهو زياد
ليان : وين
بيان وهي تأشر : هناك
ليان : إلا
بيان : خلينا نروح لهم
ليان : يله
بيان : رب صدفه خير من ألف ميعاد
زياد وهو يلتفت لصاحبة الصوت إلا ويشوف ليان : أهلا وسهلا
بيان : أهلين
زياد : والله أنك صادقه رب صدفه خير من ألف ميعاد
ليان : شفت عاد بس أنت لحالك
زياد : لا معي وليد وفيصل وخوات فيصل وأختي
ليان : الله كلكم موجودين
وليد : ليان وبيان ؟؟
بيان : بشحمنا ولحمنا
فيصل : غريبه الصدفه ؟؟
ليان : لا غريبه ولا شى إلا حلوه الي جمعتنا
فيصل : أكيد حلوه بس يعني غريبه
بيان : ما علينا وش أخباركم
وليد : تمام وأنتم
بيان : تمام
زياد كان مستانس بس يوم شاف ليان تذكر معاملتها له
ليان : وش رايكم نتعشى مع بعض نتعرف على خواتكم
زياد : الي تبونه
ليان : خلاص أوكيه أأكد بس إذا الحين نبي نكمل الجوله ويكون بينا إتصال أوكيه
فيصل : أنا أقول نخليها يوم ثاني الحين تعرفون أحنا مو ثلاثه عددنا كثر
ليان : أونس
فيصل : لا معليش يوم ثاني
ليان : الي تشوفونه
بيان : أجل يله أحنا بنكمل السوق
زياد : خذو راحتكم
ليان وبيان : باي
فيصل ووليد وزياد : بايات
زياد : أه ياناس
فيصل : أه من وشو
زياد : من هالزين
وليد : أنا أمكم اليوم أمشيكم يله أمشوا
) في المقهى(
عبد العزيز يلتفت يمين ويسار يدور أبو مشعل فلقاه جالس في أحد الطاولات
عبد العزيز : السلام عليكم
أبو مشعل : وعليكم السلام أنت عبد العزيز
عبد العزيز : بشحمه ولحمه
أبو مشعل : طيب أجلس ليش واقف
عبد العزيز وهو يجلس : وهاذي الجلسه وجلسناها
أبو مشعل : أمر وش بغيت
عبد العزيز : وش أخبارك وأخبار الشغل معاك
أبو مشعل : أقول مو أنت عبد العزيز صاحب شركة الـــــ.......
عبد العزيز بثقه : ايه نعم
أبو مشعل : أخبارك وأخبار الشغل معاك
عبد العزيز : والله الحمد لله تمام وأنت
أبو مشعل : تمام
عبد العزيز : أمممم تكفى يا أبو مشعل طالبك
أبو مشعل : أمر لو تبي عيوني فداك
عبد العزيز في نفسه يقطع أمك يا اللوقي لو أنها بنتك كان عطيتها كف : تسلم يالغالي
بس أنا أممممم
أبو مشعل : وش فيك أنت
عبد العزيز : أنا أبي القرب منك
أبو مشعل مصدوم : القرب مني ؟؟
عبد العزيز : أيه نعم
أبو مشعل : تبي قربي في منو ؟؟
عبد العزيز : في بنتك رشا في مين يغني !!!
أبو مشعل يكح : رشا
عبد العزيز : ايه نعم وأنا قايل غيرها
أبو مشعل : ضاقوا بنات الديره ما لقيت إلا أهي
عبد العزيز : ما ملى عيني إلا أهي
أبو مشعل : خذها وفكني منها
عبد العزيز في نفسه وشدعوه داري عنها
عبد العزيز وهو يحاول يكتم غيضه : يا أبو مشعل هذا كلام تقوله لواحد يبي يخطب بنتك
أبو مشعل ببرود شديد : وش تبيني أقول
عبد العزيز : أنا أعلمك وش تقول إذا جاء واحد وخطب بنتك مو أهي بنتك وعزوتك وشرفك
أبو مشعل : طيب والمفيد
عبد العزيز : يعني المفروض أنك مو تقول طيب والمفيد المفروض أنك تقول ما عندي إلا هالبنت وأبيك تحطها بعيونك وما أبيك تزعلها ولا بكلمه
أبو مشعل : لا تخاف بنتي مو مشاعر بنت مشاعر ولد
عبد العزيز : حلوه أول مره أسمع عن هالكلام
أبو مشعل : عجبك عجبك ما عجبك بالطقاق
عبد العزيز يحاول يبرد أعصابه : لا عجبني
أبو مشعل : غصب عنك
عبد العزيز : على العموم متى تبي نحدد موعد حفلة الخطوبه
أبو مشعل : حددها وقلي عشان أحضر
عبد العزيز : خلاص أجل بينا أتصال
أبو مشعل : اتفقنا
عبد العزيز : مع السلامه
)في سيارة رشا (
غيدا : يله رشا حطيني بالبيت عشان أمي
رشا : أوكيه من عيوني
غيدا : يا شيخه ياليتك من زمان حابه
رشا : ليه
غيدا : أول طيب أو صرفي نفسك أو عندك سياره أو تقلعي يعني من هالأشياء
رشا ببراءه : أنا
غيدا : لا أنا
رشا : أقول كرمينا بسكاتك
غيدا : ياليتني ما مدحت
(في الحياة مول الساعه 8 (
فيصل : ها يا صبايا خلصتوا
ريم : يس
فيصل : حلو
وليد : طيب أنا عازمكم على عشى
زياد : ما فيه أي مانع
فيصل : يله أنا جوعان
وليد : يله
وراحو ونزلو للمطاعم وطلبو على حساب وليد
ليان : وينهم
بيان : ما أدري
ليان : أبدق وأشوف
بيان : يله
ليان تدق على رنيم
رنيم : هلا
ليان : هلا فيك وينكم
رنيم : عند الدانوب
ليان : أوكيه جاينكم
رنيم : يله عشان نبي نمشي مامي ملت
ليان : يله حتى أنا مليت
بيان : وينهم
ليان : عند الدانوب
بيان : أها
ليان : شكلنا بنمشي بعد شوي
بيان : أها
)في سيارة عبد العزيز (
عبد العزيز مولع كاسيت الأغاني على أغنية يا عمرى أنا لفرقة ميامي وداخل جو الأغنيه
ياعمري أنا
يا عمرى انا فديتة انا
ياريتك هنا وياى
حياتى انا عذاب وهنا
وقربك منى ودنياى
ياعمرى يا روحى يا قلبى يا حبى
ياريت هنا وياى
احبك و احبك واحبك
وقربك منى ودنياى
تدلل حبيبى وتامر امر
اعيش يصحارى وروح القمر
رضاك انت غالى روضا الناس تالى
شريتك انا بالكون
انت فى وادى وناس كلها فى وادى
والله حبيبى غرامك شى مو عادى
فديتك ياغالى يا ساكن خيالى
ومهما جرى بتمون
انت حبيبى والله حبيبى وانا اهواك
وانت نصيبى والله نصيبى ولا ابغى سواك
عشقتك هوا فى روحى دوا
ما همنى زمامى اذا حنا سوا
تدلل وتامر امر
اخلى البيض واخلى السمر
عبد العزيز مسك جواله ودق على رشا
رشا : هلا
عبد العزيز : هلا وغلا بجنون عبد العزيز
رشا : هلا فيك
عبد العزيز : وينك
رشا : توني حاطه غيدا ببيتها وابرجع البيت
رشا : أوكيشن أحتريك يله باي
عبد العزيز : بايات
)في الحياة مول (
طلعوا بنات أبو متعب من السوق ورجعوا البيت وفيصل والشله
فيصل : الحمد لله كثر الله خيرك يا أبو فارس
وليد : حياكم الله
فيصل : يله بسرعه أستعجلوا عشان نمشي
ريم : أنا خالصه
لين : وأنا
ديم : وأنا
فيصل : أجل يله مع السلامه وبينا إتصال يا شباب
زياد ووليد : خلاص
زياد :يله يا رانيا
رانيا : يله
)في بيت رشا (
رشا جالسه تحترى عبد العزيز إلا ويرن الجرس
رشا : وأخيرا جاء ( وفتحت الباب طبعا كانت خصلات شعرها طايحه على وجهها لأنها ما حطت جل وكان شكلها جنان صايره ملاك مو بشر(
عبد العزيز مطير عيونه : ويعه بتجنني هالبنت
رشا : أهلا
عبد العزيز ببلاهه : تكلمنيني
رشا : اجل مين أكلم
عبد العزيز يسحب يد رشا ويحطها على قلبه وصوت ملئ بالحب : ذبحتيني يا رشا والله أنك ذبحتي قلبي وجننتي عقلي من حبك
رشا تسحب يدها وبحياء : ادخل عاجبك الوضع عند الباب
عبد العزيز : لا بس يوم شفت هالقمر ما استوعب أني عند الباب
رشا : طيب أدخل
عبد العزيز وهو يدخل : الدخله ودخلناها ها وين تبين أروح يا جنوني
رشا وهي تأشر للصاله : هنا
عبد العزيز : أنشاء الله آي أوامر ثانيه
رشا : لا
عبد العزيز : رحت لأبوك اليوم
رشا بخوف و إستغراب : رحت له
عبد العزيز وهو منزل راسه وبحزن : قال أنـــــ
رشا حطت يدها على فم عبد العزيز وبصوت ملئ بالحزن وناعم : بليز لا تكمل ما أبي اعرف وش قال
عبد العزيز حب يدها ( رشا على طول سحبت يدها (
عبد العزيز : وقال أنه وافق
رشا لفت عليه مصدومه : نعم
عبد العزيز : انعم الله حالك الي سمعتيه
رشا مو قادره تستوعب : عبد العزيز متأكد أبوي وافق
عبد العزيز : يس متأكد
رشا نزلت دمعة فرح من عيونها :عبد العزيز والله(وصاحت)موقادره أستوعب الكلام الي تقوله
عبد العزيز مايتحمل يشوف دموع رشا فقرب لها وحظنها بحظنه
|