منتديات قصايد ليل - عرض مشاركة واحدة - عذبتني ذليتني دست بكرامتي و أخرتها تقول لي أحبك

07-23-2011

خواتي يبون يزوجوني بنت عمي
ماقدرت تسمع هاذي الكلامات
(( شروق))
كانت نازلة بس وقفت وهي تشوف صاحب متعب معاه فصعدت لكن وقفت في نص الدرج وهي تسمع كلامهم
حست بدموعها تنزل ليييه يا متعب ليييه تبي تتزوج علي
صعدت إلى غرفتها سكت الباب بقوة وقعدت تحته : ليييه يا متعب ليييه مو حاس فيني ومنوو هاذي بنت عمك إلا تاخذك مني اكرهاااااااااااااااااا
// في المطعم//
دخلت ريمه مع غرور وجلسوا في طاولة
ريمة : غرور مو عادتك تعزميني
غرور : لا بس ابيكِ تتعرفين على شخص
ريمه : منووو
غرور ابتسمت : الحين تشوفين
ريمة : يااااي شكلها حلووو
غرور : منووو
ريمة : البنت إلا راح تعرفــــ
قطعتها غرور وهي تأشر بيدها لحد
توجه لهم وقعد في الكرسي : هلا غرور كيفك يا قلبي
انصدمت ريمه منوووووووو هاذا
ريان : منوو إلا معك ماعرفتينا
غرور : هاذي ريمة .. ريمة هذا ريان حبيبي
انصدمت من غرور لهدرجة اخلاقك راحت يا غرور
وقفت من الطاولة : يا حقيييييييرة هذا تربيت ابوكِ لك صدق دلعوكِ (( مست من الطاولة وهي تبكي))
ريان : شنوو هذي شفيها
غرور : والله مدري عنها
ريان : لييه زعلتينها
غرور : لا يكون كسرت بخاطرك
ريان وجه نظره إلى الكرسي إلا كانت جالسة فييه ريمه حس انه تأثر فيها وبكلامها البنت شكلها نظيفة ومحترمة معقولة تصاحب بنت مثل غرور مايدري لييه كره غرور ومل منها وحب يتخلص منها
غرور : ليييييييييه سرحان
ريان : لأنك ما توثقين فيني ولا انتي موافقة تجين الشقة
غرور : طيب لييه تبيني اجي معك
ريان : مسوي لك مفاجأة
غرور بعد تفكير : مقدر ما ابي
ريان وقف : طيب با غرور انسيني
غرور وقفت : طيب طيب ريان انا جاية بس اعطيني العنوان
ابتسم لها وطلع ورقة وكتب : اليوم الساعة 9 ابي اشوفك يا قلبي
// بيت ابو زياد//
أم زياد : يا ولدي ابي افرح فيك وافق وصدقني انا من الحين بخطبها لك
زياد : يمهه قلت لأ ما اابي
أبو زياد : ولييه ما تبي والله البنت ثقافة وادب واخلاق وين تلقى احسن من بنت عمك غرور
ريناد : يا الله زيووود وافق صدقني غرور طيبة وحلوة
زياد : تراكم تعبتوني من الصبح وانتوا عندي وافق ووافق
أم زياد : ابي افرح فيك يا ولدي واشوف عيالك
نزل زياد راسه بحزن : طيب انا موافق
أم زيا فرحت كثيير وراحت تتصل لختها وتحدد معهم موعد
ريناد ماصدقت وباست اخوها : الله يخليك لنااااا يا اغلا اخووووو
زياد ابتسم : منتي غيرااانة اتركك واتفرغ لها
ريناد : مستحيييل يصير كذا وحتى لو صار كذا رياض حبيبي موجود
زياد : هههههههه ماشاء الله
نزلت راسها بخجل : ياااي انا اليوم مبسوطة احبك احبك يا احلا اخوو بالدنيا
الكل صعد وبقى هو بالصالة آآه يا غرور انا كنت عارف انهم يبوني لك مدري شلون راح اتعامل معك
ابتسم وهو يحاول يتذكر ملامحها
خلاص يا زياد غرور راح تصير خطيبتك وحاول تنسى الحقد إلا فيك لها واكيد راح تتغطى بعد الزواج
.................................
فتح الباب وابتسم : ندىىىىىى يا ندىىىى
ندى نزلت من الدرج : نعم نواف في شي
نواف : أي بس حبيت انك توصليني لغرفتي
ابتسمت أول مره يطلب منها طلب
مدت له يدها المرتجفة ومسكتها وقلبها يدق صعدت معاه
ووصلته للغرفة
ندى بهمس : وصلنا
نواف : مشكوررة
ندى : عن اذنك طالعة لغرفتي
نواف : اذنك معك
سكت الباب وهي بقمة سعادتها في تقدم معي انا ونواف اتمنى اتقدم اكثر وما ارج لورااا
رفعت سماعة التلفون واتصلت لنور
نور : الوووو
ندى : هلا نور كيفك وحشتيييييييني
نور : وانتي اكثثثر شلونك
ندى : ابيض على احمر
نور : ندووو لا تتفلسفين شكلك اليوم رايقة
ندى : أي مرررره رايقة ومبسوووطة
نور : ان شاء الله دوووم اقول لك شي
ندى : أي
نور : احم احم اليوم انا واريام تغدينا من المطعم
ندى : ما شاء الله إذا كنت معكم ما تطلبون
نور : شنسوي بعد فراقك عيييد عندنا
ندى : خلاااص زعلت
نور : افااا عليكِ محد يزعل ندووش
ندى : طيب انا اليوم نعسااانة
نور : فهمتها يعني باااي اوكي مع السلامة
ندى : ههههههه الله يسلمك انتبهي لنفسك
نور : وانتي بعد مع السلامة
ندى : الله يسلمك
(( غرور )) // الساعة 9
لبست عباتها الكتف تحجبت وتعطرت وهي يدور ببالها شنووو المفاجأة يا ربي (( يعني شنوو راح تكون يا غرور))
ابتسمت وطلعت من غرفتها ودعت امها وقالت لها عندها امر هام
ركبت السيارة وهي متجهة للشقة كلمت ريان انها جاية
واخيرااا وصلت ونزلت ودقت الجرس
فتح ريان لها الباب
: هلااااااااا باغلا كلا
غرور بخجل : هلا راح تخليني ادخل ولا
ريان : افاا تفضلي دخلييين
دخلت باب الشقة قفل ريان الباب ودخل المفتاح في جيبه
غرور : لييه قفلت الباب
///
هذي نهاية كل بنت تتقبل ان حد يغازل
هذي نهاية كل بنت تقول ان حرية
لكن للأسف كثيير من البنات يفكرون بقلبهم بس
مستحييل شاب يحب بنت ويسوي لها كذا
وما يفكر يخطبها
ظاهرة انتشرت عندنا
وللأسف في بنات يتقلوا وبعدها ما يفيد ندمهم
{قال الشاعر }
إن المعاكس ذئب يُغري الفتاة بحيلة
يقول هيا تـــعالي إلى الحياة الجميلة
قالت اخاف العار والإغارق في درب الرذيلة
والأهل والإخوان والجيران بل كل القبيلة
قال الخبيث بمكر لا تقلقي يا كحيلة
إنا إذا ما التقينا امامنا الف حيلة
إنما التشديد والتعقيد اغلال ثقيلة
الاترين فلانة الا ترين الزميلة
وإن اردت سبيلاً فالعرس خير وسيلة
وانقادت الشاة للذئب على نفس ذليلة
فيا لفحش أتته ويا فعال وبيلى
حتى الوغد أروى من الفتاة الغليلة
قال اللئيم وداعاَ ففي البنات بديلة
.....
طلعت من الشقة ودموعها مستحيييل تخلص
طلعت وهي تبكي توجهت لبيتهم دخلت البيت وصعدت بسررعة لغرفتها قلبها يدق كرهت ريااان كرهته
اقنعته يتزوجا لكنه اخذها من شعرها ورماها برا الشقة
دق الباب مسحت دموعها وقلبها يدق من الخوف
أم غرور ابتسمت : غرور حبيبتي
غرور : نعم يمة
أم غرور : مبروووك يا يمة راح تصيرين عروس
___________________________________________