في يوم جديد وممل بالنسبة للبنات
وفي المدرسة
غرور : يااربيييييي ما حليت الواجب بيبووو بليييز حلين عني الواجب
ريمه : وانا بعد
تركوا في طاولتها دفاترهم ومشوا
نور : شنوووو هاذا ياربي
هبه بطيبة قلب : لا عادي اتسلى بحل الواجبات
نو ابتسمت : الله يخليكِ مثل ما انتي طيببة يا الطيبة يا الله راح اساعدك لأن الواجب طوييل
هبه ارتاحت لنور تحسها متواضعة وطيبة : نور
نور : هلا
هبه : ممكن اكلمك بموضوووع
نور انبسطت لأن هبه تقبلتها وكلمتها : اكييييييييد
هبه بحزن : امس وصل لي مسج خلاني اخاف
نور : كيف ومن منوو
هبه بدت تبكي : والله مدري كلمته بس هو مارد علي
نور تعاطفت مع هبه وحطت يدها على كتف هبه : لا تخافين يا هبه قوين ايمانك بربك اكييد واحد فاضي وسخييف يبي يلعب عليكِ احقريه وماعليكِ منه
هبه مسجت دموعها : آسفة نور ماكنت ابي اضايقك مع مشاكلي
نور ابتسمت : افااا لييه تقولين كذا انا صاحبتك صح
هبه ابتسمت وبنعومة : اكييد
ريمه : ها هبه حليتين
هبه تذكرت انها نست تحل لهم : بالصراحة لأ
ريمه وغرور : شنوووووووووووووووووو
......................................
(( نواف))
قعد وهو مخنوق الكل يقنعه انه يسوي إله عمليه بس كان يرفض خاف تفشل ويتحكم من داخله رفع يده آآه كل شي ماعاد اشوفه ولا شي ولا شي انا ماكنت ابي اشوف ندى بس بس مو كل شي ياكرهييي لك يا ندى ولا امي تبي العرس الاسبوع الجااي
علياء : شتفكر فييييييييييييه
نواف : بسم الله انتي الباب ماتعرفين تدقينه
علياء : ههههه حتى زوجي يقول لي كذااا
نواف : وانتي مبسوطة
علياء بحزن : لأ راح انبسط لما اشوفك تسوي العملية
نواف بعصبية : علياء رجاءاً لا تدخلين بخصوصياتي
علياء : ومافكرت بندى زوجتك ان يكوون زوجها اعمى
نواف : إذا ما تبيني خلها تقول وانا مستعد من الساعة هاذي اطلقها
انصدمت علياء لهدرجة متخلي عنها وماتبيها طيب ليييه السبب امي إلا استعجلت بتزويجك
نواف : وين ريمه
علياء استغربت ان نواف يسأل عن ريمه : في المدرسة
نواف : طيب تبين شي مني ولا بس تتفرجين
علياء : لا عن اذنك
طلعت علياء
وقعد لا تطلعين يا علياء بودي اتكلم مع أي احد حاس اني بوحده مل وقرر يكلم صاحبه متعب
.............................
متعب : في شي
شروق ابتسمت وقعدت تلعب بأصابعها ومنزلة راسها : متعب بتطلع
متعب : أي في شي
شروق : لا بس راح تتأخر؟؟؟
متعب : لييه تسألين يهمك الجواب
آآه يامتعب لييه انت قاسي كذااا اكيد يهمني
متعب : لييه ساكته
شروق انتبهت لنفسها : لا بس كنت ابي اعرف لأني لأني ا ابيك توصلني لبيت صاحبتي
متعب : عندك السواق كل يوم تروحين معاه ماصارت إلا اليوم تبيني انا اوصلك
شروق بقهر : خلاااااااص ماصارت هاذي (( ومن ورا قلبها)) ياكرهي لك
ركبت لغرفتها وقعدت على سريرها وقعدت تبكي تذكر اول ما قال لها ابوها متعب خطبها حست بالكره لأنها تحب ولد خالتها غصبها ابوها بالزواج لأنه يبي الراحة منها ومن مشاكلها اول ماتزوجت متعب طالعته بكره وكل يوم تسبه وتشتمه وهو متحمل كل إلي تقوله كانت تذله وماكانت تبي تنام معه بغرفة
تذكرت كلامها
شروق : وع انا انام معك تخسي
نزلت دموعها اكيييد يكرهني ما يبيني وانا الحين بديت بديت زاد بكاها وصياحها بديت احبك يا متعب
قعدت تصارخ وتبكي دخلت لها خدامتها
الخدامة : ماما شروك شروك وسفيه
شروق تصارخ : تركيني بحالي
الخدامة خافت وطلعت نزلت وهي خايف : هاذا مجنووووون مجنوووون مرررررررره
متعب : منوووو المجنوون
الخدامة خافت : بابا متأب !!!!!!!
متعب : ايه فيني شي تطالعيني كذاا
الخدامة خافت منه ونزلت راسها
متعب : منووو المجنون
الخدامة : لا مافي اهد مجنون بس بس شروك
متعب يقاطعها ك مافي حد غرك مجنون تتكلمين مع نفسك
فتح الباب وطلع
شروق كانت نازلة ابتسمت آآه متعب دافع عني
تدري انه مو قاصد إلا قاله ولا يدافع عنها بس كذااا تبي توهم نفسها وتعيش بالأحلام
..........................
ريناد : زيزو ايش رايك تطلعني اليوم المطعم
زياد : ليييه مطعم
ريناد : بس كذاا ابيك تعشيني
زياد : طيب انا الحين طالع الساعة 9 اشوفك جاهزة
ريناد نطت من الفرح : اوكيييييييييييي
زياد : طيب ريناد لا تطولين هرج رياض ينتظرني برا
ريناد بخجل : هاا روح له لا يصيبه بررد
زياد : هههههههههههههههه
ريناد استحت : اووووه زياد خلاااص
زياد : خلاص اوكي
ريناد ابتسمت : مع السلامة يا احلا اخ بالدنيااا
زياد : يا لله بااااي
طلع اخوها ابتسمت لييه ما اكلم رياض واعتذر عنه بس لا اخوي معاه اكييد بيحرجني معه
بيت ابو محمد
قعد مازن وهو يناظر بأخوه محمد صار عمره 39 وما تزوج مايفكر بالزواج حتى
مازن : محمد
محمد : نعممم
مازن : انت كم عمرك
محمد عصب : اوووو مازن انا ما ابي اتزوج طيب
مازن ابتسم : طيب طيب لا تعصب بكرا تلقى وحدة وتقول ابي اتزوج
محمد : مازن تبيني اتزوج تزوج انت بالأول
مازن : محمد انا للحين ما كونت نفسي واحس اني مو قد الزواج
محمد : مازن طيب سكر الموضوع
مازن : اووووكي
محد طالع في مازن وبسررعة تغيرت ملامح وجه مازن فاهك يامازن فقدت ذاكرتك ماعنجم ماضي نسييت ماضيك كله متي يجي اليوم وتتذكر
انت بالصعوبة تعرفت علينا وحنا اهلك : مازن
مازن التفت له : نعم
محمد : ادري ان نفسيتك تعبانة بس صدقني بيجي اليوم إلا بتذكر كل شي
مازن بحزن : ان شاء الله
..................................
طلعت معه وهي مبسوطة وتضحك
ريان : يا الله غرور وصلنا المطعم
غرور : اووكي يا الله ننزل
نزلوا مع بعض وهي بقمة فرحها لأنها مع ريان
دخلوا المطعم مسكت يده وجلسوا بالطاولة
ريان : شنووو تبي تاكلين
غرور : أي شي من ذوقك حلووو
طلب لها وجلس يناظرها هانت ياغرور كم يوم واخلص منك
تفكيير طبيعي ياريان هاذا هو الواقع ياغرور مافي شاب يطلع مع بنت يحبها ويرضى عليها من كلام الناس
تلفتت غرور ولكنها انصدمت وهي تشوف زياد داخل مع بنت
غرور بخوف : زياااااااااااااااااااااااد
...........
ريان : حبيبتي شبلاكِ منصدمة
غرور حست بقلبها يدق من الخوف بحركة لا إرادية منها تغطت بسررعة
اما ريان استغرب منها لييه تتغطا معقولة جت لها التوبة فجأة
حست انها مرتبكة وحاسة انها كاتمة شي نزلت راسها بالطاولة وهي تسمع خطوات إلا يمروا بجنبها زيااااااااد معقولة يطلع مع بنااات لييه ما اخلييه يشوفني وإذا كشف سري راح اهدده اني اكشف سره انه يطلع مع بنات
ترددت تفتح الغطا ولا لأ
غرور : ريان
ريان ابتسم : هلا
غرور : بطني يألمني ابي اطلع من هنا
ريان بنفسه : انتي كلك اليوم على بعضك غريبة شسالفتها هاذي اليوم
ريان وقف وسوا نفسه خايف : يا قلبي شبلاكِ يا الله خليني اوديكِ المستشفى
غرور فرحت من اهتمام ريان فيها : لا لأ مايحتاج الم وراح يخف بس ابي اروح البيت
وفي جهة ثانية بالمطعم
زياد : الأميرة ريناد شتبي اطلب لها
ريناد ابتسمت : امممم ابي ابي مكرونة وابي بيتزا وابييي ابيي سلطة و ابي بعد عصير فراولة وابي امم بعد شنووو أي أي ذكرت ابي تبولة لا طلبت سلطة زيززو آخذ تبولة ولا سلطة (( ابتسمت)) ولا اقول اثنيناتهم
زياد يهز راسه بأيه وهو عارف ان ولاشي من إلا طلبته راح ياخذه لها : أي صح صح اوكي اوكي الحين اطلبه لك
ريناد : شنووو تطلب لي اقول لك ان البنت إلا كانت هنا لو مو متغطية قلت انها غرور احس نفس المشية نفس العباية
زياد تضايق : طيب وحنا شدخلنا في غرور ولا غيرها يا الله حياتي رنووو راح اطلب لك ونطلع لأن المكان مو عاجبني كثييير
بيت ابو عبد العزيز
كانت نور تنظف غرفتها وهي مبتسمة لكن لما فتحت دولابها هي وندى طاحت على الأرض صورة رفعتها لكن سرعان ما تلاشت ابتسامتها وهي تشوف الصورة لقت صورتها هي ويا ندى يضحكون بسرعة نزلت دمعة من عيونها راح تتركيني يا ندى تتركيني مع اخوكِ عبد العزيز ومع اريام إلا ما تفهمني وهي همها ومو قادرة تشيله شلوون انا اشكي لها همي ضمت الصورة بأقوى ماعندها حست بدموعها كل ماجا لها تنزل
لكن ارتبكت لما حست بفتحة الباب حطت الصورة مكانها ومسحت دموعها : تفضل
ندى بأبتسامة حلوة : نووو
قطعت كلامها لما لقت وجه ختها الأحمر : نور انتي تبكين
نور ابتسمت : لا انا ماابكي
نجى : نور انتي تكذبين طالعين انفك الأحمر وعيونك لا لا انتي تبكي لييه يا نور
نور انفجرت بكا وضمت ختها : نددددددى ابيكِ معي لا تتركيني بعد ثلاثة ايام عرسك يا نددددى كيف تقدرين تتركيني
هاذا إلا ماكانت تبيه ندى حد يذكرها بعرسها هي بعد الثانية ماقدرت وانفجرت بكا مع نور ظلوا ثنيناتهم يبكون
لكن ندى قطعت بكاها ومسحت دموعها وابتسمت : نور نسيت صاحبتك تبيكِ على التلفون
نور تمسح دموعها : أي صاحبة
ندى : مدري تقول انك تعرفينها
طلعت نور من الغرفة وهي تمسح دموعها بأكمام بلوزتها رفعت سماعة التلفون
نور : الووو
غرور : هلا نورر كيفك يا حلوة
نور ابتسمت : هلا غرور انا بخير وانتي
غرور : تماااام نور حبيبتي شنوو راح تلبسين في عرس ندى
نور بحزن : بالصراحة راح البس الثوب إلا في خطوبتها
غرور انصدمت : نووور شنوو هاذا
نور بإحراج : لا بس
غرور : نور انا برا وين بيتكم ؟؟؟
نور : غرور شنوو تبي تسوين
غرور : ابي امرك ونروح السوق تشتري لك ثوب
نور انصدمت وحست ان حد قاعد يتصدق عليها : لا مشكوررة غرور ماابي شي
غرور : نور وييين بيتكم
سكتت نور شوي وبعدها وصفت لغرور وين بيتهم وسكت السماعة ولقت اريام وندى يتكلمون
نور : شنووو تقولون
اريام : نورطلعين برا اكلم اختك بأمور خاصة
نور بفضول : شنوو
ندى : نورر قلنا لك طلعين
طلعت نور وهي تتأفف ياربي هذيلا شفيهم علي
((غرور))
كانت تناظر من النافدة الحي القديم بيوت متكسرة وبيوت قديمة ياربي نور شلون عايشة هنا
وقفها السواق تحت ممر ضيق كان فيه بيت نور نزلت من السيارة بقرف وعيون الكل عليها البنات والشباب إلى بالشارع يناظروها بنت منوو هاذي الغنية إلا عندها هاذي السيارة.. منوو الحلووة هاذي ... ياربي طالعين عباتها
هاذي كانت أسألتهم مو متعودين ناس أغنية يجون عندهم
حست بغرور دقت الباب وفتحته لها نور
غرور : يا الله نور
نور سكت باب بيتهم : يا الله
كانوا يمشون متجهين لسيارة لكن واحد من الشباب وقفهم : يا حلو بنات ألغنا
طلعته غرور بقرف دخلت السيارة
تضايقت نور من قرف غرور إلا كل ماجا له ويزيد لكن ما حست بالإحراج لأن هي فقيرة وماهي منحرجه أبدا بالعكس كلها فخر وعزة
غرور : نور فين سرحانة يا الله وصلنا
نور : هاا (( ابتسمت)) يا الله ننزل
بيت سعود
استلقت على سرير ودموعها ماجفت كل مالها وتنزل اكثر شلوون ياسعود تقولها بوجهي شلوون غمضت عيونها بكل حزن وهي تذكر شنوو صار لها امس
مرام ماتحملت إلا بداخلها وصرخت على سعود القاعد ومو حاس فيها وإذا ناداها يناديها بمنار :سعود خلاص انا تعبت انا اسمي مرااام انا غييير عن مناار الهم
سعود يعصبية : وانتي لييه تصارخين بوجهي
مرام خافت فنزلت راسها : اسمع ياسعود إذا انت ماتبيني لييه تزوجتني
سعود : اقول يا مرام (( شدد على اسمها)) ما اسمح لك تنادي منار بالهم وإذا مو عاجبتك العيشة معي روحين بيت اهلك يابنت العم
فتحت عيونها نزلت دموعها اكثر وأكثر لييه يا سعود لهدرحة تحبها لهدرجة انا حمل ثقيل عليك لهدرجة تبي تتخلص مني
قامت من سريرها وطلعت من الغرفة وهي ببجامة النوم وشعرها الطويل الناعم مبعثر على وجها الناعم
نزلت من الدرج وغمضت عيونها اصدمت بشي فتحت عيونها بسرعة
سعود بأستهزاء : تمشي وانتي نايمه هه
حست بالقهر لييه كذا ياسعود بودي آخذ ماضيك وامسح شي اسمه منار
سعود رفع راسه بيكلمها لكنه سكت وهي يطالعها بتأمل أول مرة يتأمل فيها حس نفسه سرح بعيونها
اما هي حست بالإحراج شنووو هاذا امس يصارخ واليوم يطالع والله انك غرييب : سعود ممكن تبعد ابي انزل
سعود بدون مايحس : لأ
مرام استغربت شفيه متغير اليوم : شنوو إلا لأ
حس لنفسه وبعد عنها نزلت بسرعة وقلبها يدق ياربي منك يا سعود شلوون اتعامل معاك بس
................
غرور : نور ايش رايك بهاذا الفستان
نور طالعته وانبهرت من جماله بس من شافت السعر بلعت ريقها : هااا لا لا مو عاجبني
غرور حست بأنبهار نور وابتسمت : لو سمحت هاتي هاذا الثوب
البايع : اووووكي
التفتت نور لها بسرعة : غرور
غرور : نور هاذي هدية من عندي وابيكِ تقبليها وإذا انا كنت محتاجة اكيد انتي راح تساعديني صح
نور حست ان دموعها بدت تتجمع عن جد غرور صاحبة حقيقية
غرور : يا الله نمشي باقي نشتري الاكسسوار و
قطعتها نور : خلااااص يا غرور مشكوررة كافي الفستان
غرور : نور شهاذا الكلاااام
مشوا ونور مش متعودة على المجمعات إلا كذا دوم تروح اسواق عادية ورخيصة وبالنسبة لها بعد غالية
مرت حوالي ساعتين وهم بالسوق شروا كل شي وطلعوا ونور مو عارفة شلون ترد الجميل إلا غرور
بعد ثلاثة ايام
(( عرس ندى ونواف))
هبه
حطت لها ماكياج ناعم ولبست ثوب وردي
ولبست ختها اسماء ثوب مثلها وابتسمت لها ونزلوا
خالد : واااااااااااااااااااااااااااااااو هبه صايرة حلوة
هبه خجلت وانبسطت لأن اخوها الصغير عجبته
علاء : واسماء صايرررة تجنن
خالد : هبه ليييه مانروح معكم
هبه : لا هناك بس بنات
خالد : طيب هبه نبي نطلع
هبه ابتسمت : طيب اوعدكم بكرا اطلعكم الملاهي
ماكانت ردت فعلهم الفرح
علاء : انتي وعديتنا من زماااااان ولا طلعتينا
هبه : لا هاذي المرة وعد حقيقي
باستهم على خدهم وطلعت مع اسماء لكن استوقفها إلا طول عمرها تخاف منه
أبو خالد : على ويييييييين
هبه بخوف : ا ا رايحة عرس خت صاحبتي
أبو خالد : واخوانك
هبه : هنا بالبيت
أبو خالد : وين امك
هبه : طلعت
أبو خالد : طيب طسين عن وجهي الله ياخذك
طلعت بسرعة من الباب تحس بالحزن
ركبت السيارة وتوجهت لصالة العرس الكبيرررة
..................................
حاسة بتوتر مو طبيعي وحاسة بالخوف قلبها يدق بسرررعة
نور : خلاص يا ندى بسك خوف
ندى : خايفة خايفة يا نور
نور: خلااااص والله بينجن لما يشوفك
وبعد ثواني انتبهت هي شنوو قالت : آسفة يندى والله مو قصدي
ندى نزلت براسها : لا انا عارفة ان مو قصدك
سكتوا اثنيناتهم سرحااانين بالحياة الجاية لهم شنوو راح يصير لهم
قطع صمتهم دخول اريام : يا الله يا ندى طلعين للناس برا
ندى حست ان خوفها رجع ودقات قلبها تزيد
وقفت لكن مو قادة توقف رجلها مو شايلتها
مسكتها نور ووقفتها ومشت معها واخير دخلت وانظار الناس كلها عليها هي ونور كل بنت منهم اجمل من الثانية
تركت نور يد ختها وصعدت ندى المسار واخيرا وبصعوبه وصلت وقعدت على المكان المخصص لها
قعدت نور على كرسي الطاولة إلا فيهم صاحباتها
غرور : ماشاء الله اختك تهبل
ريمه : مو بس ختها إلا انتي يا نور طالعة قمر نوررر عطيني عيونك وخذين عيوني
نور : هههههههه ... هبه لييه ساكته
غرور : هبه دووم ساكته مو او ل مره
هبه : لا بس ابي اطلب منكم طلب
كلهم قعدوا يطالعونها : تفضليي
هبه : ابيكم بكرا تروحون معي الملاهي لأي ابي اطلع اخواني
غرور اعجبتها الفكرة وتذكرت ريان إلا قال لها راح يروح الملاهي مع صاحبه احمد : اكيييد راح نروح معكم
نور ماكانت تبي تروح بس لأنها ما تبي ترفض لهبه هاذا الطلب : انا بعد راح اروح معك ياهبه
ريمه : وانا اكييييد معكم
هبه ابتسمت لهم وشكرتهم
بيت متعب
متعب : شروق
شروق نزلت بسرعة من الدرج : نعم
متعب : يا الله لبسيين
شروق ابتسمت : لييه
متعب : ابيكِ تروحين معي عرس صاحبي
ابتسمت حست بالفرح لأنها اول مرة راح تطلع مع متعب
متعب : ههه اوه علافت اضن انك ما تين تطلعين مع واحد ما يشرفك
صدمها هالكلام لييه تقول كذاا يا متعب صدقني تغيرت
متعب : ابي ردك
شروق بحزن : ا بس ساعة واكون جاهزة
متعب : اوكي
صعدت غرفتها وهو قعد ينتظرها لازم القى حل واطلقها البنت مجبورة علي وهي ما تبيني الكل يعرف انها لولد خالتها انا السبب إلا فرقت بينهم صرت اكرها واكره كل شي فيها دلووووعة
قطع تفكيره شروق وهي نازلة
صد عنها وقام : انتظرك برا في السيارة
شروق : ان شاء الله
انصدمت شروق من نفسها لهدرجة يا متعب خليتني اطيعك بكل شي خليتني غرقانة بحبك وانت مو داري عني
............................
الكل لبس عباته وتحجب وهم يسمعون ان نواف داخل
نور كان قلبها مع ختها خايفة عليها اكييد خايفة الحين يا ندى
الكل قعد يطالع نواف إلا دخل
البنات انجنوا عليييه كلهم اعجبوا فييه بس ماكانوا يدرون ان نواف هاذا إلا قدامهم مايشوف واخته ريمه وعلياء هم إلي قاعدين يوصلونه لندى
(( ندى))
ارتبكت قلبها دق بقوة لو كنت يانواف تشوف راح تشوفني اليوم وتقول لي رايك فيني اخذت نفس ودقات قلبها كل ماقرب نواف منها خطوة زادت دقات قلبها
واخيرا قعد نواف جنبها ارتبكت ونزلت راسها
ريمه : مبرووووك واااو اوخيرا بتجين البيت معنا
علياء : ريمه عيب هذا الكلام مبروووك ندى مبروك نواف
ثنينهم ساكتين سرحانين وكل واحد يفكر بحياته مع الثاني حتى انهم مو حاسين بأحد من الناس إلا يطالعونهم
مرر الوقت وبدا الناس تطلع ولقى بس الاهل
ريمه : طالعون منوو هاذي البنت الحلووووة
غرور : لا انتي من تشوفين وحدة حلوة تبي تصاحبينها
ريمه : هههههههههههه
نور : طالعوون جاية لنا
شروق : السلام عليكم
الكل : وعليكم السلام
شروق : منو خت العروس
نور :اناااا
شروق : مبروووك
نور : الله يبارك في حياتك
ريمه : نور انتي تعرفينها
شروق : اكييد راح تستغربون بس انا زوجت صاحب نواف
انصدموا كلهم : انتي متزوجة !!!!!!!!!!!
ريمه : احس ان عمرك 16 17 كذااا
شروق ابتسمت : لاااا
نور : الله يهني زوجك فيكِ
ابتسمت شروق لهم لو تدرون ان متعب حتى بوجهي ما يطالع
ظلت سرحانة لكن قطعها صوت جوالها رقم غريب
شروق : الووو
متعب : شروق يا الله طلعيين انا برا
شروق : هاااااااااااااا
متعب : شنووو اقول لك انا برا
ابتسمت وسكرت منه وسجلت اسمه بـ"حبيبي"
غرور ابسمت : اكيييد هاذا زوجك
ريمه تغمز : ها اعترفين لنا شقال لك
شروق انحرجت وابتسمت لهم : يا الله مع السلامة
البنات : الله يسلمك
غرور : طالعون ندى ونواف باين عليهم انهم راح يطلعون
نور طاللعت ندى السرحانة وهي قايمة مع نواف : الله يسعدكِ يا ندى
شروق
طلعت ولقت سيارة متعب ابتسمت آآه يا متعب فتحت الباب وقعدت : السلااام
متعب بهدوء : وعليكم السلام
سرحت فييه طالع اليوم حلوو يا ليتني اقدر اقول لك هاذي الكلمة
متعب كان يمشي بالسيارة وشورق كانت حاطة يدها قريبة من متعب بدون ما تدري
حتى متعب بدون مايدري مسك يدها
سحب يده مها بسرعة
شروق حست بالخجل ووجها صار احمر قعدت تطالع بيدها بعدها بمتعب رجعت مره ثانية لسرحانها
متعب : ههه اطلعيني اكيد اطلعيني بقرف لأني مسكت يدك لا تخافين مو متعمد لأني ما احب اوسخ يدك بيدي
خلاص ما قدرت تسمع هاذا الكلام ونزلت دموعها كانت مرتاحة لانها متغطية انا السبب انا إلا كرهته فيني
وصولوا البيت وكل وحد دخل غرفته
متعب اليوم مبسووط لصاحبة انه تزوج
شروق كانت حزنانه على إلا يصير لهاا
.........................
في يوم جديد قعدت ندى من نومها وهي حاسة بالحزن من نواف إلا مانام حتى معها تذكرت إلا صار لها
نواف : لا تقعدين تطلعيني كذااا ما ابي الشفقة منك
ندى : نواف
نواف : انتي شنوو تبين مني تبين لفلوس صح
ندى : نواف بسك انا ابيك انت وما ابي شي ثاني
نواف : اقول غرفتك مو هنا باليسار روحين لها وطلعين برا
قامت من سريرها ياربي شنووو هاذا لييه يصير معي كذاا
(( نواف ومتعب )) اصحاب كل شخص حياته مختلفة عن الثاني اثنينه ماعاشوا الحياة الزوجية وكارهينها
(( شروق وندى)) قصتهم مختلفة لكن الشبه انهم ثنيناتهم يحبون من كل قلبهم لكن للأسف الطرف الثاني مو حاس لهم
بيت ابو خالد / الليل
هبه : خالد علاء يا الله اسيارة تنتظر
قفزوا بفرح مسكت يدهم مع اسماء وطلعوا برا وتوجهوا لبيوت صاحباتها نور وغرور وريمه حتى يطلعوا الملاهي
وصلت لغرور وبعدها ريمه وبعدها نور
نور : هذيلا اخوانك يا حليلهم
اسماء : اني اسمي اسماء الحلوة
نور ابتسمت : وانا نور إلا احلا منك
اسماء : مافي حد احلا مني غير هبه
البنات : هههههههههههه
هبه ابتسمت : يا الله وصلنا
نزلوا كلهم مبسوطيين
غرور فرحت كثيير لأن بتشوف ريان
دخلوا ولعبوا
هبه : خالد علاء يا الله ركبون هاذي اللعبة
خالد : يا الله علاء
ركبونها وهبه تطالعهم وهي مبتسمة
لكن صوت خلاها تلتفت
لقت شاب يطالعها : كيفك حبيبتي هبه
انصدمت منووو هاذا
الشاب : اخيرا التقينا انا حبيبك إلا ارسل لك رسايل
هنا هبه تجمدت والتفتت يمين ويسار لكن للأسف مالقت صاحباتها
حاولت تتجرأ : انت منوو وشنو تبي فيني
الشاب : انا احبك وابيكِ
قرب منها اكثر حست انها راح تختنق مشت بكل سرعتها وهو يلاحقها اصدمت بشخص حست انها راح تبكي عمرها ماتعرضت مواقف مثل كذاا
هبه بخوف وشوي بتبكي : آآآسفة
مازن : لا ولا
قطع كلامه هو يطالع الشاب إلا وراها : يضايقك
هبه نزلت راسها وابتعدت عنه لكن الشاب ظل وراها
مازن : انت هي اتركها
الشاب : وانت شدخلك
مازن : شنووو شدخلني يا حلوو هاذي بنت عمي وقريبا خطيبتي
انصدم الشاب وبعد
لكن هبه انصدمت اكثر منووو هذا إلا قاعد يتكلم ناظرت بشكله تحس انها تعرفه وشافته من قبل
جت لها ريمه غرور ونور
غرور : يا الله هبه حنا طالعين
ريمه : ماااااااازن!!!!!!!
هبه : تعرفينه
مازن التفت لها : انتي منوو
ريمه : يا الخبلة هبه هاذا ولد عمك مازن
التفت مازن وهبه لبعض كان يكذب عشان يبعد الشاب عنها لكن طلعت عن جد بنت عمه
هبه انحرجت : ا شكرا اخ مازن .. علاء خالد يا الله نمشي
طلعوا وغرور كانت مقهورة لأنها مالقت ريان لكن سرعان مارفعت راسها ولقته داخل السيارة مع صاحبه
مشت نور اول وحدة لانها لقتهم وقفون يا الله انا ماشية
مشت لكن سيارة احمد اعترضتها كانت تبي تمشي لكن ماعرفت واخير وقفت السيارة مشت من الجهة الثانية بس رجع على ورا وصدمها
نور بلعت ريقها وتجمدت وحطت يدها على رجلها ماكانت ضربتها قويه لكن الشاب إلا ظربها صدمها كثير
نور بصوت عالي : غبيييي يا احمد مو انا إلا تضربني هاا ولا تلمس شعرة من شعري
الكل قعد يطالعها حتى هي ماعرفت شلوون قالت هالكلام
احمد انصدم منها وقعد يطالع عيونها منوو هاذي إلا تعرفني منووو
غرور انصدمت من رد نور وقعدت تطالع ريان
نور مشت عنهم لسيارة وصعدوا البنات معها
.................................................. ...
منووو هاذي منووو إلا تصارخ بوجهي
انا احمد
بنت تصارخ علي قدام الناس وانا الغبي لييه ماجاوبت لييه ما احرجتها
اكيييد تعرفني يمكن تكون وحدة من بنات عمي يوووو
أبو احمد : احمد يا احمد
احمد انتبه إلا ابوه : نعم
أبو احمد : ويين سرحان من مدة وانا اكلمك
أحمد : لا بس
أبو احمد : شبلاك يا ولدي تعبان فيك شي
أحمد : لا بس حبيت اسألك سؤال
أبو احمد : تفضل
أحمد : كم بنت عم عندي وشنو اسمآهم
أبو احمد ابتسم : مو عادتك تسأل لا يكون تبي
أحمد يقاطعه : يبه لا تفهمني غلط بس سؤال
أبو احمد بحزن على ولده : عندك بنت عمك أبو نواف ريمه
أحمد : لا ما اتوقع هي
أبو احمد : تقصد منوو
أحمد : كمل ومنوو بعد
أبو أحمد :وريناد وغرور (( ابتسم بسخرية)) والمستغنين عنهم ندى واريام ونور
أحمد : ندى واريام ونور
أبو أحمد : آآآآآآآه وخاصتاً بنت عمك نور عيونها جذبتني
أحمد فع حاجب : يبببببببببه
أبو أحمد : أحمد لا يكون تحـ
أحمد قطعه : يبه انت شفيك اليوم انت عارف ان الزواج مستحيل اتزوج مستحييل اعيش إلا عشته انت
أبو أحمد بألم وحزن : يا ولدي مو كل الحريم مثل بعض
أحمد بقهر : لا كلهم مثل بعض كلهم خاينات حقيرات
............................
(( هبه))
آآآه منوو مازن ولد عمي هذا احس اني تلاقيت معه من قبل بس فوين مدرري يا حليله مايدري ان انا بعد بنت عمه
اسماء : هبببببببه
هبه : نعم
اسماء : جوالك
اخذته هبه ولقت رسالة فتحتها
(( ماضنيت ان ولد عمك يحبك وبياخذك لييه يا هبه جرحتيني حبيت اقول لك بكرا ملكتي ))
حست بالحزن معقولة هالشخص يحبها من جد ولا يكذب
اسماء : هبه راح تطلعينا بعد صح
أم خالد : اسماء روحي خلي الخدم يلبسونك راح اطلعك معي
أسماء : ما ابي اطلع معك
أم خالد : اكييد الغبية هبه خلتكم تكرهوني الله يا خذها ان شاء الله
هبه تجمعت الدموع بعيونها وصعدت غرفتها لكن للأسف ماقدرت صعد خطوتين إلا طالحت من السلم
اسماء خالد علاء : هبببببببببببببببببببببببببببببببببببه
................................
بيت نواف
قعدت ندى وسوت فطور قررت تقعد نواف يفطر معها لكنها ترددت كثيير انه يحرجها
اخذت نفس وتجهت إلى غرفة نواف
دقت الباب
دقت
ودقت
ودقت
لكن للأسف محد رد فتحت الباب ودخلت الغرفة لقت الغرفة السرير غير مرتب والغرفة مكسرة
ندى : لييه تسوي كذا يا نواف تضن ان محد يحبك ما تدري عن قلبي إلا من يشوفك يـ
نواف قطعها : ندى شتسوين
ندى فزت ودارت له : هااااااا انت سمعتني
نواف : انتي لييه ملقوفة انا قلت لك لا تدخلين الغرفة لييه تدخلين لا تضنين اني اسمع كلامك الخرافي هذا
نزلت راسها وطلعت من الغرفة
(( نواف))
تكذب على منوو يا نواف معقولة ندى صادقة بكلامها معقولة تحبني بس شتحب في واحد اعمى مايشوف شي
تقدم خطوة لكن للأسف مو عارف وين يروح الظلام بكل جهة حس ان محتاجها يبيها تدله بس ماحب يناديها حاول يتجه لسرير لكن بصعوبة وصل له استلقى وحاول ينام
// بيت عبد العزيز//
نور : عبد العزيز الله يخليك حنا محتاجين
عبد العزيز : نور لا يكثر كلامك وانا شسوي هذا ولد عمك الغبي احمد خاصم مني
نور تضايقت : وهذا بكيفه شنو ماعنده رحمة لو واحد غيره عينك مساعده بالشركة شنو هالاولاد عم هذيلا
عبد العزيز : انا طالع قولين لختك لا تسوي إذا اوفر لنا انا راح اتغذا برا وانتوا دبروا أي شي لكم (( وطلع))
نور بقهر : شنوو ندبر أي شي الثلاجة مافيه ولا شي
اريام : نور
نور: نعم
اريام : كيف ندى
نور : يا قلبي عليها ما كلمتها ما ابي ازعجهم
اريام ابتسمت : انا طالعة اسوي الغذا
نور : لا تسوين شي
اريام : ليييه
نور : لييه تسوين الاخ عزيزما يبينا نتغذا بس هو
اريام فهمت ونزلت راسها
نور : ولا يهمك البطلة نور تدبرها
اريام : سراح تسوين
نور لبست عباتها : ساعة وراجعة بااااي (( وسكت الباب))
اريام : ياربي هالمجنونة شنو راح تسوي
...................
طلعت نور من البيت وهي مبسوطة بالفلوس إلا معها راح اشتري لنا إذا حلوو من المطعم
وقفت تكسي وطلبت منه يوديها على مطعم حلوو لكن حست بالخوف انها تركب بحالها بالتاكسي
السايق : وصلنا
دفعت له ونزلت للمطعم ودخلت
طلبت لها ولأريام يااا راح تفرحين يا اريوم على الاكل تلفتت يمين ويسار لكن انصدمت من وجود ريان واحد ياربي حست انها تبي تنحاش خافت ما تدري لييه تحس بالخوف من تشوفه
احمد : ههههه تصدق يا ريان ابي اعرف منوو تكون
ريان : لييه تدور راسك وتتعب نفسك بنت غبية
أحمد : ابي احرجها واذلها ولا انا احمد الـ...... تصارخ علي قدام الشباب
ريان : ماراح تتغير
احمد : لا ياريان البنــــ
قطع كلامه وهو يشوف بنت لون عيونها رمادية مايدري لييه حس ان هذي هي البنت إلا صارخت بوجه وقف من الطاولة وحقر ريان إلا يناديه توجه لها
أحمد : هي انتي
نور التفتت : نـ
زاد خوفها أحمد اكييد عرفني يا بي شسوي بعمري ياليتني ما جيت يا غبائي إلا غصب ابي غذا شنوو هاذا
بتردد وخوف : نعم
أحمد : التقينا من قبل صح
نور : هاااا لا ما اعتقد انا ما شفتك من قبل
أحمد : صدق ما شفتيني انتي إلى لقيتك بالملاهي صح
نور : هاااااااااااااااااا لا لا لا شكلك غلطان
أحمد : لا باين اني غلطان تدرين شلون عرفتك
نور : لا ما ادري ولا ابي ادري لأن مو انا إلا تتكلم عنها
أحمد : عيونك فضحتك
نور : هااااااااااا
أحمد : اقول شبلاكِ على هاااا اعترفي انتي أي بنت عم فيهم
شلووون يعرف اني بنت عمه ياربي انا مو قده ولا قد غروره : احمد انا انا بنت عمك نور
ابتسم واخيراً عرفتها الغبية بسررعة قالت لي اسمها
اخذت نور الطلب وكانت بتطلع بس قطعها صوت احمد
أحمد : افاااا يا بنت العم تطلعين بروحك وانا وين رحت
نور بخوف : لا لالا ما يحتاج ا
أحمد مسك يدها بقسوة : يا الله امشي
طلع معها وهي خايفة منه مغرور غبي اناني
احمد خلاها تصعد السيارة وركبت ورا
أحمد : اقول انتي مو قدي كنت اقدر ارجع لك إلا سويتيه مو انا يا نور إلا تصارخين بوجهي
نور : ا ا ولا انا إلا تضربني بسيارتك
أحمد : تتحديني يا بنت الفقر
نور : احترم نفسك ونزلني ما اتشرف اركب معك
احمد وقف السيارة : برااااااااااااااا
نزلت وسكت الباب بقوة غبييييييييييييييييييييييييي
تقدمت لكن الغبي احمد وصلها إلا منطقة قريبة إلا منطقتهم فقررت تمشي لأنها قريبة
................................................
// في المستشفى//
أبو خالد : شصار لهاا
أم خالد : طاحت على السلم
أبو خالد : تستاهل من الهباااال اكيد راح تطيح
أم خالد : ياليتها ماتت
أبو خالد : اييييش
أم خالد : ولا شي
طلع لهم الدكتور لكن استغرب لانه حتى ماكلفوا نفسهم يسألوه عنها توجه لهم : بنتكم حالتها تعبانة شوي فراح تقعد في المستشفة اسبوع
أبو خالد : اسبوع !!!!!!!!!!!!!!!
الدكتور : أي
بعد الدكتور عنهم وهو حاس ان هذيلا مهم بأهل
....................................
غرور : الووو
ريان : هلا غرور
غرور : ريان حبيبي لييه صوتك مضايق فيك شي
ريان بقهر وضيق : لأ اقول غرور تبين شي ولا اسكر
غرور انصدمت : ريان لييه تكلمني كذاا
ريان : ملييت يا غرور من ثقلك شصار لو جيتين عندي الشقة
غرور : قلت لك لأ
ريان : ما توثقين فيني يا غرور
غرور : لأا انا واثقة فيك بس مسسستحيل اسوي كذا
ريان : طيب يا غرور براحتك انا الحين مشغول ابي اشوفك اليوم بمطعم الـ .........
غرور : اووووكي باااااي
........................................
أبو محمد : مازن قلت بتتعالج يعني بتتعالج
مازن : طيب يا يبه لا تسحبني كذا مثل الطفل الصغيير
أبو محمد : مازن مو كأنه هاذا اخوي ابو خالد
مازن : وانا شمدريني منوو ابو خالد
اتجه أبو محمد ومازن إلا ابو خالد
أبو محمد : أخوووي كيفك شخبارك ليييه انت بالمستشفى في شي
أبو خالد : لا بس بنتي هبه اليوم طاحت على السلم
أبو محمد : والحين كيفها
أبو خالد : والله يقولون راح تقعد اسبوع
مازن : انت ابو هبه !!!!!!!!!!!!
أبو محمد ابتسم : لييه يا ولدي انت تعرف هبه
مازن حس بشعور غريب اسم هبه يذكره بماضي فقده من يوم فقد ذاكرته مافي شي شده غير اسم هبه اكيد اعرفها بس متى التقيت فيها
مازن : لا لا ما اعرفها
نزل ابو محمد راسه بحزن ظنيتك راح تذكر
أبو خالد : وانتوا لييه جاين المستشفى
مازن : لا بس الوالد جاي يبي يشوف حد من اصحابه (( ومشى))
أبو محمد : مازن يا مازن
أبو خالد : خلاص مشى
أبو محمد : الله يهديه
(( مازن))
ياربي احساس غريب انا اعرفك يا هبه أي اعرفك بس وييين شفتك تذكر تذكر يا مازن
مازن : دكتور
الدكتور : نعم
مازن : كييف هبه الحين
الدكتور : انت واحد من اهلها
مازن : أي
الدكتور : والله انا مستعجب من ابوها وامها بس حالتها سيئة شوي
مازن : ليييه شصار لها بالضبط
الدكتور : في الحقيقة انا ما بلغت اهلها بس الصدمة صارت براسها واقول لك ان 30% ممكن تفقد ذاكرتها
مازن : شنووووووووووووو !!!!!!!!!!!!!
// بيت متعب//
دخل البيت الكئيب وهو ماسك يد نواف
متعب : تفضل
نواف وقف مسك يده متعب وقعده في الصالة
متعب : نواف متى تفكر تتعالج مقدر اشوفك كذاا
نواف : متعب سكر الموضوع
متعب : لييه اسكره نواف انا صاحبك وفاهمك انا عارف انك مو مرتاح لييه شنووو السبب إلا يخليك ما تبي تتعالح
نواف : يمكن من الخوف أي خايف اتعالج ويفشل وبعدها اتحطم
متعب : طيب بس حااااول يا (( ابتسم)) عريس
نواف ابتسم : انا عريس تصدق ان زوجتي اضن انها راح تكرهني بسبب معاملتي لها
متعب : لييه يانواف الزوجة شي جميل وخاصتاً إذا كانت تحبك تساندك بهمومك وتفرح لفرحك وتساعدك
نواف : مدري بس احسها ما تبيني مع اني سمعتها تقول انها تحبني
متعب ابتسم : أي وانت بعد حاول تحبها واعتمد عليها وصدقني راح تكون مبسووط
نواف : طيب يا متعب وانت شتفكر
متعب تنهد : خواتي يبون يزوجني بنت عمي
...................
|