أنا تعلمت الجفاء مـن تغليـك
ومن المذلة والخضوع انتهينـا
من كل قلبي يشهد الله ناسيـك
غير الضياع بحبكم وش لقينـا
ابحتفظ في عزة النفس مابيـك
بالناس نلقى اللي نبيه ويبينـا
مما معي زينت للنفس ماضيـك
في درب حبك ليتنا ما مشينـا
هديت عرش الحب يازين بايديك
من بحر حبك بالنجـاة اكتفينـا
ذاب الحنين بعين قلبٍ تراعيـك
مثلك على النسيان والله قوينـا
أنهيت قصة حبنا فـي تغليـك
أمسح دموعك بالجفاء ما بدينا
خلاص لا ترجع ترانا سلينا..
ماكنت اصدق يوم اني انساك
في بعدكم ياما عليكم بكينا ..
واليوم ما تطري على البال ذ****
وانا ادري انك رغم صدك تبينا..
لا شك ناس ضدنا تقصر خطاك
خل الذي غير حنانك علينا..
يعطيك من قلبه ربع ما عطيناك
من سكرة الحب الصناعي صحينا..
حتى المجالس عفتها خوف طرياك
ودعت ماضي حبنا وانتهينا..
وقلب نسيته يوم لابد ينساك
ذ**** ياالغدار هانت علينا..
حتى دموع العين فرحت بفرقاك
حب جديد غير حبك لقينا..
حديتني جعل الليالى تحداك!!
وين أنت يا مشكاي عيني مشقـاقة
في حب خـلٍ دمعتـي يـوم عيـده
ودي بنسيانـه ونسيـان مـافـات
وابدا من أول فـي حيـاة جديـدة
وأقول ياقلب الشقـاء حبنـا مـات
ميـر الله أقـوى ذكرياتـه عنيـده
يخطي واسامح وأذرف الدمع بسكات
نفس الخطا فـي كـل يـوم يعيـده
أدري لقلبه في هوى الغير نوهـات
وما كل نفس تأخـذ اللـي تريـده
ما تبعد الغالين ... طول المسافـات
جسمي بعيدٍ عنـه والقلـب بيـده
ياللي تناسيـت العهـود الوثيقـة
ماعاش من قبلك بدنيـاه مرتـاح
لابد من يـومٍ وتلقـى الحقيقـة
تشوف لوعات الزمن كيف تجتاح
وتعود لي طيـرٍ مضيـع فريقـة
وأقول يا غدار عهد الوفـاء راح
تغيرت حتـى الوجيـه الصديقـة
والقلب الأبيض أصبح اليوم سفاح
يا ما تحملـت الجـروح العميقـة
والشوق بعيوني الا أقفيت فضاح
فيما مضى روحي بحبك غريقـة
مثل السفينة بالبحـر دون مـلاح
واليوم أنا قلبـي تغيـر طريقـة
مايرجع الماضي بالأعذار يا صاح
في خاطري عبرات هـمٍ وضيقـة
وشلون مات الحب في عز الأفراح
|