منتديات قصايد ليل - عرض مشاركة واحدة - ديوان :+: احاسيس اماراتية منثورة :+:صدى الرحيل

07-19-2011

:+: في غيابك (2):+:

ღ♥ღفـــي غــيـــابــــك(2) ღ♥ღ
.
.
في غيابك ما ذكرتك
بس غلا من جاني
ردني كم خطوة لورى

وذكرت يوم كنت بشعورك
تنفضح قدام اهلي وربعي
ذكرت ان قلبك دق باب قلب وطلبني
وانتظرني لين ملّ
ما حسبته يستمل
كنت أظنه قلب شاعر
وقلب صابر ينتظر

ما ذكرتك في غيابك من يقول؟؟
والله اني ما ذكرتك .. لا أبـــد..
بس الرياح جابت لي عطرك اشتنشقه
جابت عبيرك افرقه
بين ملايين العطوور
ما ذكرتك ولا طريتك في غيابك
بس بغيتك تشوف غيرك
صاحب الحب الكبير
مالكٍ قلبي وأمير
كيف يهواني بصدقه
وكل يوم يهديني ألف خفقة
يغلفها باسم عشقه

بس بغيتك تشوف غيرك ..
كيف يحب
كيف يضحي..
كيف يوفي..

لما يعشق قلبي الأبيض
ماتغيره العواذل
ولا تغيره السنين
ما تحركه الظنون
يخلص ويوفي
ويحب ويعشق بكل جنون

انت لو تدري بغرامه
يمكن اتغير كلامك
وترد لايامك وترجع
بس أنا اللي ما أبي منك أي شعور
سمه زي ماتبي وقول انه غروور
ايه انا اللي ما ابي منك غرااام
اكتفى قلبي خلاص
مليت من كثر الكلام
اتردد الحب والاخلاص
مابيك اتردلي والله
ولو ابيك كنت جبتك
وانا جالس في مكاني
كنت جيتك في لحظة وثواني
بس قلبي ما يبي منك يعاني
ما يبي واحد اناني
ويعيد قصة ماضية
كلها ألــــــم..
كـــــلها نـــدم..
تــــأكــد اني لو أبيك والله جبتك
بس انا اللي من كل قلبي اليوم عــفتك

ღ♥ღصدى الرحيلღ♥ღ