سيرت لأطراف المدينه ومريت ،، منازل مايندرا من نزلها

ماعاد من سكان اهلها ولا بيت ،، صبغت مبانيها وكثرت حللها

تغيرت من عقب ما غبت وابطيت ،، لا ذي شوارعها ولا ذولا باهلها

انا احسب ان علمي بها تو واخطيت ،، وش يردع ايام العمر دون اجلها

سنين من عمري قضت ما توعيت ،، لمحة بصر دافع البلا ما عجلها

قرب المشيب وشاب راسي وسجيت ،، ان السنين تدور والناس تلها

لو ادري ان ذا بيحصل ما تعنيت ،، انقض جروحي واداوي عللها

كم مرة ?‏?لا هزني الشوق ما امسيت ،، لين اتمثناها واباري فللها

لعيون من ساقت علي وتقهويت ،، فنجال وله وساقته كف ولها

منوة خفوق مزعته التناهيت ،، الى انتوله الشوق ولا انتولها

حفظتها من حكآ العرب والشماميت ،، ومن كلمة يفرح بها اللي نقلها

لو ما قبلها القلب ما كان حبيت ،، ولولا نزاهة عرضها ما قبلها

هي داريه ويش السبب يوم قفيت ،، هو ذا عوقها والا وش اللي قتلها

تقطعت سبل المواصل وضحيت ،، وازعلتها وانا اتجنب زعلها

بغيت ادور لي بدلها وعييت ،، لا أخطي على روحي وادور بدلها

اخترت من جملة قصيدي شطر بيت ،، ما جارت الفرقا على غير اهلها

واخترت من بد الحروف وتنقيت ،، خمسة حروف نصفها الميم والهاء

تطري علي لا ضاق صدري وسجيت ،، ان السنين تدور والناس تلها

مماراق لي ............

ربي يحفظك لي ياأمي ولايحرمني اياك