منتديات قصايد ليل - عرض مشاركة واحدة

07-17-2011

البارت((20))طلع الدكتور من غرفة العمليات بعد ما ظلو بداخلها 4 ساعات...

اربع ساعات وراكان منصدم ومو مستوعب الي يصير...وماهو عارف وشو السالفة...

اول ما انتبه للدكتور ركض له...

راكان بخوف:ها دكتور؟؟..وش فيها؟؟

الدكتور:هي بخير..نايمة الحين بسبب البنج.. بس...

راكان بخوف:بس شنو؟؟

الدكتور مسك كتفه يواسيه:الجنين توفا..وهاذا بسبب الحبوب الي سببت لها نزيف ادى لوفاة الجنين

راكان مو فاهم:جنين؟؟

الدكتور هز راسه:الله يعوضك

راح الدكتور وخلا راكان واقف مصدوم...هاذا وش قاعد يقول...

جنين؟؟...يعني طفل؟؟...يعني بيبي؟؟...

بس كيف؟؟...سحر مو متزوجه....ليكون....

راكان ضرب الجدار بقوة وهو مقهور:ليه يا سحر...ليه؟؟؟

******************************

اسيل بعصبية:مو قلت لك هاذا ما يعتمد عليه..بالله من متى انا داقة عليه

ترف وهي تفتح باب البيت:بلا قرقة وادخلي..خلصينا عاد

اسيل دفتها:طيب اعصابك

********************************

لبست عقدها الالماس الي عطاها لها تركي هدية زواجهم...

ابتسمت بعد ما حطت الروج الفوشي الصارخ على شفايفها..

تغريت ملامحها اول ما شافت الحبة بيدها...

مضطرة تاخذها...ما تتخيل نفسها تحمل من تركي...

بلعتها بسرعة قبل لا تتردد باخذها وشربت كاس الموية بعدها...

رن جوالها...طالعت الرقم...كان تركي....

ابتسمت وهي ترد:هلا عمري...اي خلاص جهزت الحين بس البس عبايتي وانزل

تركي فتح الباب:ماله داعي تلبسين العباية

لينة:ليه ليكون هونت

تركي ابتسم:لا طبعا..بس انا مسوي لك مفاجاءة

لينة:شنو؟؟

تركي طلع الربطة الي ورا ظهره وغطى عيون لينة...

لينة وهي تضحك:ههههه وش قاعد تسوي؟؟

تركي:الحين بتشوفين...تعالي معاي

راحو للاصنصير...

لينة ما سكة بتركي باقوى ما عندها...خايفة تطيح لان كعبها مرة عالي وهي مغمضة عيونها..

وصلو لتحت...

تركي:ههههه شفيك ماسكتني كذا

لينة حست بالاحراج من حركتها الغبية:خاايفة اطيح

تركي:افا تخافين وانتي معاي

لينة:لا مو كذا بس كعبي مرة عالي وعيوني مغمضة

تركي وهو يجلسها على الكرسي:طيب خلاص وصلنا لا تخافين

لينة حست انه تركها وبعد شوي:وين بترح؟؟

تركي:مو بعيد.. دقيقة

جلست تهز رجولها بملل:طيب افتحها الحين

تركي وهو يفتحها:يلا

كانت مغمضة عيونها واول ما حست انه شالها فتحتها وهي مبتسمة...

اختفت ملامح الابتسامة من وجهها...وتحولت لملامح صدمة..

تركي ببتسامة:وش رايك؟؟

لينة ناظرت المكان وشلون انقلب بوقت قصير...

كان الجو الرومنسي طاغي على المكان...انوار خافته..والشموع بكل مكان..

الورد الاحمر متناثر على الارض بكل مكان والنص الباقي منه دخل الجرات الكرستالية...

استحقرت نفسها...هو يحبها و يحاول يفرحها باي طريقه...

وهي تعشق غيره وتفكر بغيره....

لينة بهدووء:حلو

(رفعت راسها وهي تحاول تخفي دموعها)...

لينة:الله لا يحرمني منك

تركي باس يدها:ولا منك

********************************

راكان جالس على اعصابه ويناظر الباب...

ينتظر الحظة الي تطلع فيها الممرضة من الغرفة...

اللمرضة تطلعت من الغرفة وهي ماسكة علبة المغذي الفاضية...

راكان وقف وهو يحاول يمسك اعصابها:اقدر ادخل الحين

الممرضة:ايوه تفضل بس هي الحين لازم تخلص علبة المغذي الي عطيناها اياها وبعدين تقدر تطلعها بس الافضل انه....

راكان طفش من كثرة كلامها ودخل للغرفة....

فتح الباب باقوى ما عنده...

سحر حست قلبها طاح من قوة الصوت....اول ما شافت راكان واقف عند الباب وملامح العصبية واضحة بوجهه...

حست انها بتموت بهاذي الحظة..ليه راكان يارب ليه...ليه مو احد ثاني...

بلمح البصر كان واقف قدامها....

راكان عطاها كف خلااها تصرخ باقوى ما عندها...

سحر مسكت خدها الي صار ازرق بالم وبدت تبكي...

راكان مسك شعرها بقووة وشده:انتي يالحقيرة يال......
ليه تسوين كذا..(بصراخ)..ليه؟؟؟

سحر تسكت شعرها وهي تحاول تبعد يد راكان وهي تبكي:...راكان...تكفى...هد شعري

راكان شد عليه اكثر:تفو عليك..لا كن الشره مو عليك..على عمك الي ما عرف يربيك يال........

سحر بكت اكثر من كلامه...معاه حق بكل الي يقوله..ومحد يقدر يلومه على الي يسويه وهي تستاهل اكثر من كذا...

راكان وهو يحاول يهدي نفسه..لاكن مايقدر كل ما يشوفها يتذكر هي وش سوت لهم...

ضيعت نفسها وبتضيعهم معاها....

راكان بعصبية وصراخ:مين هاذا؟؟...انطقي مين الحقير الي عمل كذا؟؟

سحر زادت بكي...

راكان:بتنطقين ولا شلون؟؟

سحر من بين شهقات:...ركان...ركان لا تفهم غلط...انا...انا زوجته

راكان:حلو والله ومتزوجة بعد

سحر نزلت راسها وبكت:...ايوه

راكان شد شعرها ورفع راسها بقووة:مين هاذا؟؟...وش اسمه؟؟..وين ساكن؟؟

سحر وهي ترتجف:..ا..اسمه وليد

راكان:ووين ساكن؟؟

سحر:م..مدري

راكان بصراخ:لا والله...ليه كنتو تتقابلون بالشارع

سحر استحقرت نفسها..كيف رخصت بنفسها وبالهلها على واحد ما يسوى:ب..بشقة

راكان:عطيني العنوان

سحر:لا راكان..لا تروح

راكان قرب لها وقال بحدة:وتخافين عليه بعد..(صرخ باذنها)..عطيني العنوان

سحر قالت له العنوان...

سحر بخوف:وش بتسوي

راكان:مابي اسمع همسة منك فاهمة...وحسابي معك بعدين

طلع من الغرفة وسكر الباب باقوى ما عنده...

سحر بكت بصوت يقطع القلب..تستاهل كل الي يصير لها..وحدة رخصت بنفسها وتزوجت من ورى اهلها..وش تنتظر منهم يعني..

ياخذونها بلاحضان ويبوسوها...

********************************

جا اليل والحال على ماهو عليه... بالبيت محد افتقد سحر للحين...

ببساطلة لان كل واحد مشغول بنفسه...وهاذي مشكلتنا بهاذي الايام...

ليه محد يسال عن الثاني...ليه كل واحد يفكر بنفسه..كل واحد مشغول بنفسه وبس..

والنتيجة...

**********************************

حطت المشط على الطاولة...

انسدحت بالسرير استعداد للنوم...

غمضت عيونها بس صوت جوالها ازعجها...

ابرار فتحت الغطى وهي تتافف..كفاية هي مو جايها نوم بعد هاذا يزعجها...

رفعت الجوال وكان رقم غريب...

ابرار ردت باستغراب:..الوو..

.....:ابرار

ابرار خافت رقم غريب ويعرف اسمها بعد:ايوه..مين معاي؟؟

......:ما عرفتيني؟؟

ابرار رفعت حاجبها:لا والله مين؟؟

.......(بتردد):...انا....انا...

ابرار:بنظل طول اليوم انا وانا

.......:هههههه اسلوبك عمره ما يتغير

ابرار بشك:..س....سامي؟؟

سامي:هههههههه ما بغيتي تعرفيني

ابرار:من وين جبت رقمي؟؟

سامي:اخذته من محمد

ابرار بصدمة:محمد عطاك رقمي؟؟

سامي بسرعة:لا لا

ابرار:اجل؟؟

سامي:مممم..لازم اقول يعني

ابرار:أي

سامي:...لازم

ابرار بحدة:سامي

سامي:يمى منك خلاص...اخذته بدون ما يعرف

ابرار وهي تلعب بشعرها:طيب ليه؟؟

سامي:قصدك ليه اخذت رقمك

ابرار:ايوه

سامي:كنت ابي اسمع صوتك بالتلفون اذا نفسه ولا يتغير

ابرار:بس

سامي:لا في شي ثاني

ابرار:شنو؟؟

سامي:احب احتفظ فيه لنفسي

ابرار:اهاا

سامي:ليكون ازعجك بس

ابرار:لا عادي اصلا انا ما انام الحين

سامي:طيب ممكن اطلب طلب

ابرار:تفضل

سامي:ممكن ازعجك كل يوم

ابرار:كل يوم

سامي:خلاص كل دقيقة

ابرار:هههههههههه توني ادري ان دمك خفيف

سامي(فديت هالضحكة):من زمان بس انتي ما تقدرين

ابرار:معاك حق بسام كان عامي عيني عن كل شي

سامي(استغفر الله يعني لازم يتدخل بكل شي هالبسام)...

ابرار:الوو

سامي:ابرار ممكن ما تجيبين طاريه مرة ثانية

ابرار:ليه؟؟

سامي:بس كذا ما احب طاريه ينرفزني احس اني لو شفته مو قليل فيه اذبحه

ابرار:من عيوني ولا عاد اجيب طاريه اهم شي ماتزعل

سامي(فديتك):تسلم عيونك

********************************

من الصبح وجالس ينظره ولا بين له اثر...

حتى البواب قال انه من ثلاث ايام ما جا...

راكان:وين بتروح مني يعني ما اكون راكان ولد الماسي اذا ما ربيتك

سمع صوت خطوات على الدرج...وقف وهو يحس الدم يفور براسه..

راكان((لا ياركان..اهدى شوي..يمكن ما يكون هو))...

بعد عن باب الشقة وسوى نفسه بينزل من الاصنصير...

وليد يمشي على الدرج وهو مو حاسس بنفسه من كثر الشرب..

راكان:بنت ال..... نسيت اقولها على الاقل توصف لي شكله..لو طلع هو.. بيكون موته على يدي

راكان تاكد لما شاف وليد وقف قدام الشقة الي قالت عنها سحر...

حس الدم يفور براسه من العصبية...

اول مافتح وليد الباب حق الشقة...دفه راكان لداخل وسكر الباب...

راكان وهو يدف وليد على الارض:الله ياخذك يالحقيرة حديتينا لل..........

وليد يتكلم بثقل من تاثير الشرب:...هي انت....(وهو يحاول يقوف)..عسى ماشر اخوي

راكان ما تحمل يسمع صوته...ضربه باقوى ما عنده:كل تبن ياال...

وليد ما يقدر يقاوم الضرب او يدافع عن نفسه..قال بصراخ:شفيك؟؟...انت مجنون

راكان:بكون مجنون لو ما ذبحتك

هدى وهو يشوف الدم مالي ملابسه ووجهه...

راكان وهو يتنفس بصعوبة:عطني الورقة

وليد:أي ورقة؟؟

راكان مسكه من كم ثوبه:بلا استهبال..عطني الورقة الي تزوجت فيها سحر

وليد عقد حواجبه:سحر؟؟

راكان بصراخ:اخلص بدل ما يكون موتك على يدي

وليد:مم..ماعندي شي

راكان:اقوول تراني اعرف لهاذي الاشكال اخلص عطني اياها

وليد اشر له على الدرج الي عند التلفزيون...

ركان دفه بقووة وراح فتح الدرج..

طلع منه ورقتين...

راكان بحده:هاذولا بس

وليد هز راسها..

راكان قوى نبرته:اقول هاذولا بس

وليد:أي..اي

راكان مسك ابة ثوبه:صدقني لو طلعت تكذب وفي نسخ غير هاذولا ما راح يحصل لك طيب...(بصراخ وعصبية)..فاهم

وليد هز راسه:فاهم

راكان دفه برجله وطلع من الشقة...

*****************************

جالسة بالمستشفى وتبكي...من يوم ما طلع وهي تبكي ودموعها ما جفت..

صحيح كلامه...لو لقت من يربيها وياخذ بيدها ماكان صار الي صار...

دخلت الممرضة وهي شايلة صينية الاكل...

حطتها قدامها بس ماهي مشتهية تاكل شي...

الممرضة:لا مايصير كذا..لازم تاكلين شي

سحر وهي تبكي:مابي شي

الممرضة حطت يدها على كتفها:معليه..صحيح خسارتك كبيرة بس ان شاء الله ربي بيعوضك بغيره

سحر رفعت راسها للممرضة..ماهي فاهمة شي...تتكلم ولا تعرف عن ايش الي بداخلها...

الممرضة ابتسمت:انتي توك صغيرة يعني في امل تجيبين غيره

سحر:كان ولد ولا بنت؟؟

الممرض:ما كان يبين..توه جنين صغير

سحر زادت بكي...بعد لها وجه تسال اذا كان ولد او بنت..

**************************

بالقصر الجو كان عادي...

ترف جالسة وتطالع بزياد الي واضح انه متوتر...

ترف وهي تحط العصير على الطاولة:زياد خلاص اجلس وترتني

زياد وهو يفرك يدينه ببعض:مو بيدي احس راكان فيه شي

ترف:وش فيه يعني؟؟

زياد:مدري يمكن متضايق..مخنوق...مدري فيه شي وخلاص

ترف:طيب دق عليه

زياد:ما يرد

رن جوال زياد...

ترف:رد يمكن هو

زياد انتبه:ها...اي طيب

رفع جواله بسرعة ورد من غير لا يشوف الرقم...

زياد:راكان

سامي:أي راكان..انا سامي

زياد تنهد:ايه..هلا سامي

سامي:شفيك؟؟

زياد:لابس راكان مدري وينه..شخبارك انت؟؟..(قال بهمس)..كلمتها؟؟

سامي:يوه يازياد لو اقول لك وش صار

زياد:بشر نقول مبروك

سامي:وش مبروك عليه انا ماقلت لهاشي

زياد:وليه ماقلت لها

سامي:زياد انا اول مرة اكلمها تبيني على طول اقول لها احبك

زياد:أي وش فيها عادي

سامي:اقول الحمد الله والشكر

زياد:اقول سامي

سامي:هلا

زياد:معي خط ثاني..يمكن راكان اكلمك بعدين طيب

سامي:اوكي باي

زياد:باي

زياد:راكان وينك؟؟

بتول:مين راكان؟؟

زياد بعد الجوال عنه وطالع الرقم باستغراب...

رقم غريب ودولي بعد يعني مو بالسعودية...

زياد لاحظ نظرات ترف المستغربة له...

طلع للحديقة...

زياد بشك:ب...بتول؟؟

بتول ابتسمت:كويس مانسيت صوتي

زياد:وش تبين؟؟

بتول:افا عاد زياد من زمان ما كلمتك وتقولي وش تبين

زياد:اتوقع اني مليون مرة قلت لك مابي اسمع صوتك ولا عاد تدقين على هالرقم

بتول:عموما انا دقيت ابي اقول لك اني تزوجت

ما يدري ليه بهالحظة حس بطعنه بقلبه..معقوله هو للحين يحس بشي اتجاهها..

بشي ولو كان بسيط...طيب كيف هو يحس بحب لترف ويكره بتول..

طيب اذا كان يكرهها جد ليه يحس بهاذا الشعور...

زياد ببرود:مبروك

بتول:الله يبارك فيك

زياد:طيب ليه تقولين لي..انا وش دخلني

بتول:يعني توقعتك بتهتم

زياد باستهزاء مصطنع:لا ما يهمني..الله يوفقك

بتول:اوكي باي

زياد:باي

سكر الجوال وظل يطالع بالشاشة...

لسى مو مستوعب الي سمعه منها...بكل برود داقة عليه وتقول له تزوجت...

وش قصدها يعني...هو للحين يحس انه منجرح من سالفة زواجها من سامي...

والحين تجي وتقول له تزوجت...

زياد((الحين انا ليه مهتم..مو انا الي اقول ما احبها ولا ابيها..تتزوج تتطلق تنحرق..انا ش دخلني...بس ليه احس اني متضايق..ليكون للحين احبها))...

بعد هالافكار من راسه وطلع برة البيت...

******************************

على طريق الرياض والدمام..

جالس بالسيارته ويحس انه مكتوم...

راكان ضرب الدركسون بقووة وهو مقهور:ليه؟؟...ليه ياسحر ليه؟؟

طالع الاوراق مرة ثانية وهو يحس انها قيد تخنقه...

نزل من السيارة ووقف على حافة الشارع...

الجو بارد باليل والفجر قريب يطلع...

طلع الولاعة من جيبة...حط الورق على الارض وولعه...

جلس على حافة السيارة يناظر بالورق وهو يحترق...

مقهور على شرفه الي ضاع وعلى بنت عمه الي باعت نفسها بسهولة...

طيب ليه,..هي مو ناقصها شي..ليه تسوي كذا؟؟...

انطفت النار بعد ما حرقت اخر جزء بالورقة..

اخذ جزء من الرماد ونفخة...وقف وهو يناظر بقايا الرماد الي يتطاير بالهوى...

مع اشعة الشمس الي تعلن شروقها...ممزوجة بظلمة اليل...

دخل لسيارته ورجع للشرقية...

****************************

في الصبااح..

نزلت من الدرج وهي تغني..

تحس انها فرحانة والدنيا مو سايعتها...

للحينمو مصدقة انها بعد كم شهر بتصير زوجة محمد خلاص...

لينة بتجيهم اليوم..تحس انها مشتاقة لها من قلب..كم شهر غابت فيهم عن البيت تحس انها سنين عدت عليها...

متعودة كل يوم تشوفها وتكلمها...فجاءة انقطعت عنهم...بس اليوم بترجع تشوفها والدنيا مو سايتعها...

استغربت لما شافت وحدة جالسة بالصالة...

الشكل ابد مو لينة..

هاذي وحدة واضح انها كبيرة بالسن..الشعر الاشقر والعيون الملونة..

التجاعيد المشدودة من العمليات واضحة بوجهها...شفايفها نافختها بوتوكس وواضح..

اسيل وهي عاقدة حواجبها:هلا...صباح الخير

الحرمة وقفت وضمتها:كيفك حبيبة البي..وحشتيني كتير

اسيل بعدت عنها وهي مستغربة:نعم بغيتي شي؟؟

الحرمة:اسيل ولو...ماعرفتيني..ولك انا امك

اسيل فهت وهي تطالعها..هاذي وش قاعدة تخربط...

ام اسيل قربت منها وباستها من خدها:وحشتيني كيفك؟؟

اسيل مو مستوعبه شي...لا شعوريا قامت من مكانها وطلعت لغرفتها...

وقفت بنص الدرج ولفت عليها تتاكد اذا جد ولاهي كانت تحلم...

شافت بعيونها نظرات استغراب من ردة فعلها وكانت تقول لها تعالي..

اسيل طنشتها وراحت لغرفتها...الي قاعد يصير مو طبيعي اكيد هي للحين نايمة وتتخيل...او الفرحة اثرت فيها..

********************************
دخل للمكتب وفتح الباب بقووة...

كان لسى بلبسه الي امس..وثوبه مليان بدم سحر...

راكان وقف قدام مكتب ابوه:ممكن اكلمك

ابو زياد طالعه باستغراب..وطالع ثوبه المهدل...واستغرب من الدم الي عليه..

السكيورتي وهو يحاول يبرر موقفة:طال عمرك حاولت امنعه بس..

ابو زياد اشر له يسكت...

ابو زياد وهو يعطي الملف للسكرتير:خلاص اطلع انت وخذ معك هاذا...(وهو ياشر على السكيورتي)...

طلع السكرتير والسكيورتي وهم مستغربين من شكل راكان ولبسه..

ابو زياد ببرود:وش هالمنظر الي ان جاي فيه..مكان محتر زي ذا وتجي كذا

راكان جلس:ابي اكلمك ضروري

ابو زياد:قول وش عندك يا....

سكت لانه مو عارف يفرق بينه وبين زياد...

راكان باستهزاء:راكان

ابو زياد بلا مبالاة:ايوه راكان....وش تبي؟؟

راكان بجدية:ابي اتزوج سحر

ابو زياد رفع حاجبة مو مستوعب:نعم؟؟

راكان وقف:الي سمعته يبى...ابي اتزوج سحر بنت عمي

ابو زياد:وهاذا مكان نتفاهم فيه..وهاذا منظر تتكلم فيه...روح للبيت وبعدين نتكلم

راكان:الحين تروح وتقول لها ونسوي العرس بسرعة بعد وماله داعي شبكة ومهر.. (باستهزاء)..البنت..ما تستاهل

ابو زياد باستهزاء:لا والله وحضرتك مقرر كل شي وجاي تخبرني بس

راكان:يبى...

ابو زياد قاطعه:وحطبة...خير انت وش شايفني ولا وش شايف بنت عمك عشان تقول كذا...تبي تخطبها اهلا وسهلا اتوقع تدل البيت رتوح وتكلمني وبعدين اشوف وش ممكن تقدم لها واذا دخل راسي الموضوع اسال البنت وعاد هي توافق ولا لا

راكان ضغط على يده بقووة...

راكان من بين ضروسه:يبى..افهمني.انا ابي استر على بنت عمي

ابو زياد وقف بعصبي:وش تستر عليها انت وش شايفها

راكان قال له كل شي..

ابو زياد جلس..حس رجله مو شايلته..عمره ما توقع بنت اخوه تسوي كذا...

راكان:انت الي حديتني اقول لك...صدقني يبى انا ماكنت ابي اقول لك

ابو زياد:انت تكذب..قول انك تكذب

راكان:لو مو مصدقني روح للمستشفى وهم يقولون لك

ابو زياد:الله ياخذها..ليه ما ذبحتها وفكيتنا منها هالبلوى..الله يستر من خواتها بعد وش مسوين

راكان:اسمحلي يبى..بس العيب مو منهم..العيب منك انت

ابو زياد:وانا وش دخلني

راكان:طول عمرك كنت هاملهم حتى ما تسال عنهم..وش تتوقعهم بيطلعون يعني

ابو زياد:انا الي علي سويته بس هم ما يثمر فيهم

راكان عقد حواجبه..ليه مو راضي يعترف انه غلطان...

ابو زياد:اليوم تتزوجها وتقلعها عن وجهي.مابي اشوفها واذا على البيت بعطيك من الي عندي بس استر عليها

راكان:يبى انا بسكن عند امي...بالرياض

ابو زياد:احسن بعد عشان محد يدري

راكان:وانت كل الي هامك الناس...مايهمك بنات اخوك ولا ولدك؟؟

ابو زياد باستهزاء:بنات اخوي..الله على بنات اخوي وحدة خذت لها مليونير وانا ما استفدت شي.ووحدة انخطبت لخبل مثلها والثالثة هاذاهي مسدحة بالمستشفة وانت بتاخذها..ولرابعة الله يستر منها

راكان:وعيالك ما يهمونك

ابو زياد بصراخ:عيالي وش فيهم بعد جحوش كل واحد طول الباب..هاذا انت عايش حياتك وبتتزوج وزياد عنده خير الدنيا والدين وش تبون مني بعد...انا الوحيد المظلوم بينكم محد منكم يا عيالي مد لي ولو الف محد منكم قال لي يبى تبي شي

راكان:بس يبى انت مو محتاج

ابو زياد:ولو انا مو ابوكم ولي حق عليكم ولا شلون

راكان:يبى انت تحكي من جد؟؟

ابو زياد:اقولك اطلع برة

راكان:يبى

ابو زياد:برة وبنت عمك خذها معك اليوم وفكني منها واذا على التقيع انا مستعد

راكان:يبى مايصير اخذها كذا...خواتها بيشكون

ابو زياد:بالطقاق...قول لهم

راكان:لا مستحيل اقول لهم...انا اخطبها الحين وبعد اسبوع الزواج

ابو زياد:بكيفك بس فكني منها

راكان تنهد:طيب

طلع من المكتب وهو مستغرب حال ابوه...على كل الي يسويه فيهم وبعد يقول مظلوم...

******************************

دخلت للبيت بسرعة..للحين مو مستوعبة الي قالته لها اسيل..

دخلت للصالة على طول...

شافت ام اسيل جالسة على الكنب وقدامها كوب العصير...

لينة جلست جمبها:وين اسيل؟؟

ام اسيل وهي حاطة رجل على رجل:انتي لينة؟؟

لينة:ايوه...(وقفت)..ممكن اسالك سؤال

ام اسيل:ولو تفزلي

لينة:ليه جاية؟؟

ام اسيل رفعت حاجبها:شو ليه جايي..اكيد مشان شوف بنتي

لينة جلست:والحين توك تفتكريها

ام اسيل تنهدت:اسمعي لينه هيدا مو مني انا من المضروب على البو عمك

لينة وقفت:الحين كل هاذا مو مهم انا بروح اكلم اسيل

ام اسيل:بدك ياني اجي معك؟؟

لينة:لا مو لازم

ركبت للاصنصير وراحت لغرفة اسيل...

******************************

ترف:ممكن اعرف وش فيك؟؟

زياد:ترف كم مرة اقول لك مافيني شي

ترف:اجل ليه امس رحت بدون حتى ما تقول لي؟؟

زياد بصراخ:وانتي امي..قبل لا اروح أي مكان لازم اقول لك

ترف:الحين انت ليه تصارخ علي؟؟

زياد تافف:تدرين شلون..باي

ترف فتحت عيونها على وسعهم.. وهي تطالع الجوال..

ترف:تسكر بوجهي يازياد...هين انا اوريك...

*****************************

واقفة قدام الباب وماسكة قبضته...

اول مرة تخاف من شي لهاذي الدرجة...

خايفة من ردة فعلها...

لينة تنهدت وفتحت الباب...

لينة بهدوء:اسيل...اسيل

التفتت بالغرفة تدورها بس ما لقتها...سمعت صوت الحان القيتار من غرفة الموسيقى حقت اسيل...

دخلت للغرفة ووقفت على الباب...

كانت جالسة على الكرسي وتعزف بكل هدوء ولا كان شي صاير...

لينة وهي تجلس جمبها:اسيل

اسيل صارت تعزف وبدى صوته يعلى اكثر..وكانها تقول لها مابي اسمعك...

لينة:اسيل اتركي الي بيدك واسمعيني

اسيل بدت تعزف بقوة اكثر لحد ما انقطع وتر من اوتار القيتار..

لينة مسكت يدها:اسمعيني

اسيل بانفعال:وش بتقولين؟؟..بتكذبين كذبة جديدة بعد

لينة بصدمة:اسيل ليه تقولين كذا؟؟...انا...

اسيل قاطعتها:انتي كنتي تدرين وساكتة..(بكت)..ليه؟؟..ليه ما قلتي لي؟؟

لينة:انا سويت كذا لمصلحتك..ماكنت ادري ان...

اسيل:ما كنتي تدرين ان ماما عايشة صح...ولا كنتي تدرين انها بتجي لهنا...(التفتت عليها)...وطبعا ابوي مو عبد العزيز صح؟؟

لينة هزت راسها...

اسيل مو مستوعبة...هي قالت كذا بس لمجرد انها كلمة..ماتوقعتها تكون جد..

اسيل بهدوء:ايش؟؟

لينة نزلت دموعها:أي اسيل...انتي مو اختي...انتي...بنت عمي

اسيل طالعت لينة وهي مو مستوعبة الي تسمعه منها...

ابوها...هو عمها..عمها نفسه ابو زياد ولا واحد ثاني بعد...

لا اكيد واحد ثاني...

لينة:اسيل انتي اخت راكان وزياد

اسيل لا شعوريا جلست على اقرب كنبة لها...

اسيل:شنو يعني؟؟

لينة وهي تمسح دموعها الي مو راضية توقف:يعني انتي بنت عمي..واخت راكان وزياد

اسيل:عمي بو زياد..هو..هو..(تحس بصعوبة...عقلها مو راضي يتقبل.شلون بيوم وليلة صار ابوها..وهي تكرهه كره العمى)..

اسيل:عمي..هو ابوي؟؟

لينة جلست جمبها:ايه

اسيل والدموع مغرقة عيونها:بس شلون؟؟...انا بنت عبد العزيز

قامت وراحت لغرفتها..فتحت الدرج الي حمب السرير وطلعت ورقة...

اسيل وهي توري لينة:شوفي ورقة ميلادي...مكتوب اسيل عبد العزيز الماسي..شلون؟؟

لينة ضمتها وبكت:حبيبتي خلاص

اسيل بعدت عنها:لا شلون؟؟...لينة انا بنت مين بالضبط؟؟

لينة:بنت عمي...بس انتي طول عمرك اختي وبتظلين كذا

اسيل رمت الورقة على الارض...

طلعت من الغرفة ودخلت للاصنصير بسرعة...

لينة بصراخ:اسيل...اسيل وين بتروحين؟؟

نزلت من الدرج يمكن تلحقها قبل لا تسوي شي بنفسها..

********************************

جالسة وتلعب بطرف شعرها...تحاول تهدى شوي...

الي صار لها امس مو شوية...

تركت شعرها اول ما انتبهت بوجوده داخل الغرفة...

ركان واقف وعاقد حواجبه ويطالع فيها...

سحر بلعت ريقها بخوف بعد ماشافت وجهه الثاني امس صارت تخاف منه...

تحس انها بتموت بمجرد انه يطالع فيها...

راكان جلس على الكرسي بهدووء..(قال بحدة):انا رحت لابوي..وقلت له

سحر طالعته بصدمة...

راكان تنهد:اليوم بطلعك وبنروح انا وانتي وابوي للشيخ عشان نملك..وبعد اسبوع بتروحين معي للرياض

سحر بانفعال:نملك؟؟...يعني زواج؟؟

راكان رفع حاجبه:ايوه ليكون عندك مانع بعد

سحر:أي طبعا...انا مستحيل اخذك

راكان وقف:تاخذيني...اهاا...(قال بصراخ)...اقول انتي لا تصدقين نفسك....فاكرة نفسك بنت بنوت....لا ياحلوة اصحي

سحر نزلت راسها وجلست تلعب باصابعها...معاه حق..هي مالها حق ترفض او توافق...

سحر:ومتى بتطلقني؟؟

راكان:ههههههههه..لا ضحكتيني

سحر باستغراب:ايش؟؟

راكان حط اصبعه السبابة على راسها وضغط عليه بقووة:متى ما اقرر

تركها وهي ظلت تطالع فيه مستغربة...راكان الحبوب فجاءة ينقلب كذا...

راكان وهو يطلع:جهزي نفسك للملكة يا عروس هههههههه

سحر بكت باقوى ما عندها:يحقلك يا راكان تتطنز...انا الي جبته لنفسي

******************************

اسيل وقفت قدامها والدموع بعيونها...

اسيل رفعت اصبعها وهو يرتجف:انتي..انتي ليه جايه؟؟

ام اسيل وقفت:اسيل يا البي اهدي شوي وبعدين بنتكلم

اسيل بانفعال:قولي لي وش تبين مني؟؟

ام اسيل:اسيل انا اميك بتحاكيني هيك

اسيل تنهدت ونزلت دمعه من عينها:اوكي امي ودرينا..ليه جيتي الحين...انتي تدرين كم عمري الحين..25 سنة...تبين تقنعيني انك بعد 25 سنة جاية تسالين عن بنتك؟؟

ام اسيل وهي تجلسها:حبيبتي اهدي والله بعرف انو معيك حق بس خليني اشرح لك وبعدين اولي يلي بدك ياه

اسيل وهي تحاول تهدى:اوكي قولي

لنية وقفت عند باب الصالة..رجعت لورى وسكرت الباب...لين متى هالانانية فيها..
هي ماقالت لها عشان ما تروح عنهم..بس لين متى.هي عارفة ان بيجي اليوم الي بتعرف فيه اسيل انها مو اختهم..

اهم شي عندها ان اسيل تكون مرتاحة وسعيدة بحياتها...

****************************

جالسة بالغرفة وتحاول تتناسا الي سمعته...

مو مستوعبة الي سمعته من سامي وهو يكلم صديقته اليوم...

((زياد انا اول مرة اكلمها تبيني على طول اقول لها احبك))...

ابرار للحين مو مصدقة:معقولة سامي يحبني؟؟...لا اكيد قصده وحدة ثانية...واذا يعني انا وش دخلني...خله يولي بس

رن جوالها وحست ان قلبها نط من مكانه...

ردت وهي حاطة يدها على قلبها من الخوف:الو..

سامي:هلا والله ابرار

ما تدري ليه حست قلبها يدق بسرعة...لا شعوريا ابتسمت:هلا

سامي:شخبارك؟؟

ابرار جلست على الكرسي وهي تلعب بشعرها:بخير..انت كيفك؟؟

سامي:بخير دامك بخير

ابرار سكتت...ماعرفت وش تقول له..ماتدري ليه تحس نفسها مرتبكة...

سامي:ابرار ممكن اطلب منك طلب

ابرار:اكيد وشو؟؟

سامي بتردد:ممم...ممكن اشوفك؟؟

ابرار باستغراب:ليه؟؟

سامي ارتبك:ابي اقول لك شي مهم

ابرار:مايصير تقوله الحين؟؟

سامي:يعني ما تبين تشوفيني؟؟

ابرار حمر وجهها:لا مو كذا بس...تدري شلون خلاص اوكي

سامي ابتسم:اوكي خلاص اليوم بنفس الكوفي شوب..طبعا تعرفينه

ابرار ابتسمت وهي تشوفه من الدريشة...وواضح انه مرتبك:ايوه اعرفه

سامي:باي

ابرار بهدوء:باي

سكر التلفون وسكرت الدريشة على طول اول ما حست انه انتبه عليها...

***************************

اسيل وهي مو مصدقة:معقولة عمي..اقصد ابوي..يسوي كذا

ام اسيل:مشان تعرفي بس انو هوي يلي منعني عنك...اخدك مني وحرمني من اني شوفك

اسيل..ما استبعدت هالشي من عمها..او ابوها..مو بعيده انه يتبرى من بنته بس عشان الفلوس...الي خلاه يقول عن ولده انه ميت..يخليه يحرم ام من بنتها وهي حتى ما كملت ال 6 شهور...

*****************************

بالكوفي شوب..

ابرار وهي تحط العصير على الطاولة:سامي شفيك ساكت؟؟...قول وش فيك؟؟

سامي ابتسم:ولاشي...ليه انتي تشوفين فيني شي؟؟

ابرار رفعت حاجبها باستغراب:لا بس....يعني انت قلت لي تبيني بموضوع وللحين ما تكلمت

سامي وهو يلعب باصابعه بتوتر:ممم...طيب ابرار ممكن اكلمك بصراحة

ابرار:اكيد

سامي رفع راسها:انتي تدرين اننا اول...يعني تعرفين كيف كنا

ابرار ضحكت:عادي كنا صغار

سامي:بس انتي تعرفين انا ليه كنت اسوي كذا؟؟

ابرار:ليه؟؟

سامي بتردد:لاني كنت....ممممم..كنت...(سامي بحزم وجدية)...ابرار انا..

سكت لان جوال ابرار قاطعه...

ابرار طالعت بالرقم(نصفي الثاني)...ابتسمت..من زمان ما كلمت محمد..

ابرار وهي ترفع الجوال:شوي بس..اوكي

سامي:ايوه اوكي

ابرار صدت عن سامي:هلا محمد

محمد:هلا ابرار

ابرار:شفيه صوتك مغير

محمد:اسيل ما كلمتك؟؟

ابرار:لا شسالفة؟؟....(وقفت)...انت وش تقول؟؟...من جد ولا تمزح...خلاص انا بروح لها الحين...اوكي باي

ابرار سكرت الجوال والتفتت لسامي:سامي انا لازم اروح الحين..نكمل كلامنا بعدين اوكي

سامي وقف:شسالفة؟؟

ابرار:لا بس خطيبة محمد محتاجتني ولازم اروح لها

سامي بهدووء:اوكي...مع السلامة

ابرار:باي

سامي جلس وهو مقهور....

سامي:جد قهر...لما جيت اقول لها تدق عليها هاذي..اوف...ياخي انا علي حظ يكسر الصخر

*********************************

بعد يومين..

واقفة قدام المراية ولابسة عبايتها...

هي حالفة اليوم تطلع وتستانس...مو كفاية انها بتتزوج راكان وياعالم وش بيسوي فيها اذا وداها للرياض...

مو بعيدة يذبحها بعد...

رن جوالها وكانت صديقتها ريوف...

سحر:هلا ريوف

ريوف:هلا والله...خلصتي تراني عند الباب

سحر:أي خلاص دقايق واكون عندك

ريوف:اوكي باي

سحر:باي

طلعت من غرفتها ونزلت من الاصنصير..

ركبت للسيارة مع ريوف وراحو للراشد...

**********************************

راكان وهو يجلس:زياد انت وش قاعد تقول؟؟..اسيل اختي؟؟

زياد:الي سمعته

راكان:مين قال لك؟؟...قصدي شلون...(سكت مو عارف ايش يقول الصدمة شلت لسانه)...

زياد تنهد:ترف دقت علي وقالت لي

راكان وقف:لا عاد ما اتوقع حقارة ابوك توصل لهاذي الدرجة

زياد وقف:راكان وش هالكلام..هاذا مهما يكون ابوك

راكان عفس وجهه:أي ابو الله يخليك...محذف عياله بكل مكان ولا يدري عنهم...انا ابي اعرف اذا هو مو قد المسؤولية ليه يجيبنا..يعني عشان يعذبنا بس

زياد سكت...صحيح كلام راكان مو عاجبه...بس بعد معاه حق بكل الي يقوله...

راكان:زياد لازم نروح نكلمها

زياد:ادري..بس انا ابيها تهدى شوي..اسيل واعرفها اكيد الحين منهارة

راكان بقهر:يحق لها..انا الي عمري ما شفته وانقهرت..اجل وشلون هي الي طول عمرها تحسبه عمها واخر شي يطلع ابوها...لا والمشكلة انه بكل قوات عين يجلس معاها ويتكلم عادي.ولا هو يكذب الكذبة ويصدقها...صدق انها بنت اخوه

زياد بتردد:..ممم..طيب وش دراك...يمكن الحرمة تكذب

راكان فتح عيونه:نعم؟؟...تكذب..ليه تكذب...وبعدين في احد يقدر يكذب على ابوك والله كان محاها من الوجود

زياد:معاك حق..طيب متى تبينا نروح لاسيل

راكان:الحين

زياد:لا امها للحين عندها خلها بكرة يمكن تروح

راكان:واذا عندها اختنا ونبي نكلمها

زياد ابتسم:والله عمري ما توقعت يصير كذا...كاننا بفلم هندي

راكان:من جد ههههههههه

*******************************

بالمجمع...

جالسين بقسم العوايل وكل وحدة حاطة حجابها على كتفها وياكلون الايس كريم من (باسكن روبنز)...

ريوف:اقول سوسو

سحر:هلا

ريوف:وش صار على موضوع وليد...متى بيخطبك؟؟

سحر كانت بتاكل الايس كريم..بس لما سمعت طاري وليد انسدت نفسها ورجعت الملعقة للكوب...

ريوف باستغراب:سحر شفيك؟؟

سحر وهي تحاول تبتسم بس ما قدرت:لا ولاشي..بس انا ووليد..خلاص

ريوف:شلون يعني؟؟

سحر:يعني خلاص...كل واحد راح بطريقه...انا بتزوج راكان وهو...وهوسافر يكمل دراسته

ريوف: ياقلبي...كنتي تحبينه؟؟

سحر بهدووء:كنت..(رفعت راسها وهي تبتسم بتصنع).بس احب راكان اكثر ووليد كان حب عالماشي...يعني تقدرين تقولين حب مراهقة

ريوف:هههههه حلوة ذي حب مراهقة

دخلو 2 للقسم وانتبهت لهم ريوف بس سحر كانت منزلة راسها وما انتبهت...

ريوف وهي تهزها:سحر..سحر...سوسو

سحر رفعت راسها:نعم؟؟

ريوف:شوفي هاذولا الي دخلو...في واحد ما نزل عينه من عليك

سحر رفعت راسها عشان تشوفهم...

حست الدنيا كلها توقفت وما عادت تشوف احد غير الي قدامها...

هو وليد ولا هي تتخيل...

ريوف:سحر وين رحتي..هههههههه اقول تراك مخطوبة

سحر وقفت لا شعوريا...

وليد تقدم لعندها ووقف قدام الطاولة...

وليد:سحر ممكن نتفاهم

سحر نزلت دموعها غصبن عنها:نتفاهم على وشو..انا ما عاد بيني وبينك كلام

وليد:بس انا زوجك

سحر:كنت...وبعدين هاذاك تسميه زواج..خلاص وليد ابعد عني...انا ما عدت احبك ولا بيني وبينك شي

سحبت شنطتها عشان تروح...بس وليد مسك يدها..

وليد:انتظ....

ما كمل كلمته لانه جاله كف من سحر...

ريوف حطت يدها على فمها من الصدمة...

وليد طالعها بصدمة.....

سحر:لا تلمسني يالقذر...تفوو عليك وعلى اشكالك الواطية

حطت الحجاب عل راسها باهمال وراحت...

ريوف طالعت بوليد الي للحين منصدم...

حست على نفسها وراحت وراها...

سحر تمشي بالمجمع وما تدري وين تروح..

غبية..ليه طلعت اليوم..قلبها كان حاسسها انه بيصير شي..مع كذا اصرت تطلع...

نزلت دمعه من عينها وراها دمعه ثانية وثالثة..

ماقدرت توقفهم...غطت وجهها بالحجاب وكملت طريقها...

يضايقني الحكي عنك
وتشعل سريتك ناري
واحس بضيقة في صدري
اذا لك مر أي طاري

كرهتك انت وايامك
ولا باقي بعيني دموع
واذا دار الحكي عنك
احب اغير الموضوع

خلاص انسى حكايتنا
وماضي الحب ياقاسي
دموع الحب ما تنفع
شلتك والله من راسي

ولا تسال بعد عني
ولا تفكر ولو تفكير
مدام انك بعيد انت
تاكد اني اكون بخير

يا اكبر غلطة في عمري
يا اول حب بكاني
يا اقسى قلب في الدنيا
حاول بس تنساني

يضايقني الحكي عنك
وتشعل سريتك ناري
واحس بضيقة في صدري
اذا لك مر أي طاري

***************************************

بالبيت...

واقفين قدام الباب وكل واحد يحس ان توتره زاد...مع انه قبل شوي كان عادي...

زياد:يلا دق الجرس

راكان:وليه انتد ما تدقه

زياد:انت الاكبر

راكان:لا والله

زياد:ايه

راكان:طيب زياد..قبل لا ندخل بقولك شي

زياد طالعه:ايش؟؟

راكان بتردد:....انا ...انا بتزوج

زياد ابتسم:والله.مين بتاخذ؟؟

راكان بدون نفس:....س...سحر

زياد زادت ابتسامته:سحر بنت عمي؟؟

راكان بنفس الهجة:وفي احد غيرها

زياد ضمه:مبرووك..منك المال ومنها العيال

راكان((وش تبارك عليه))...انتبه لكلام زياد..

راكان بانفعال:لا وش عيال..مابي

زياد:هههههههه وش فيك تقولها كذا

راكان:خلاص ولا شي...يلا ندخل

زياد:يلا يالعاشق الغامض...ولا تقول لخوك ها..طيب انا اوريك..شغلي معك بعدين

راكان بدون نفس:ايوه طيب

دخلو لداخل البيت وجلسو بالصالة..

زياد قال للشغالة تنادي اسيل...

جلسو لدقايق وبعدين نزلت اسيل...

اسيل بهدووء...الو مرة تحس باحساس غريب لما تجلس مع راكان اوزياد:السلام عليكم

راكان وزياد:وعليكم السلام

*********************************