منتديات قصايد ليل - عرض مشاركة واحدة

07-17-2011

البــــــارت الـ 18

كانو جالسين بالكوفي..وداخل كل واحد مشاعر مختلطة...

سامي(مشاعره...حب..عشق..وله...وحزن على حال حبيبته..وغيره وحقد على الشخص الي تسبب بحزنها)...

ابرار(داخلها مشاعر...حزن..وندم...وقهر على الي ضيعته من سنين عمرها...على حبيب..وهمي..)...

سامي لاحظ سكوتها طول..قرر انه هو الي بيبدا بالكلام...

سامي:تحبين انا ابدى ولا انتي؟!

ابرار الي كانت تلعب باصابعها بتوتر..رفعت راسها لمما سمعت صوته..والتقت عيونها السود بعيونه الرمادية...

قالت بهدووء:براحتك

سامي ابتسم:اوكي انا ببدى وبسلك سؤال

ابرار طالعته وكانها تساله وشو السؤال....

سامي فهمها:ليه كنتي تبكين امس بالملكة؟؟

ابرار رجعت تلعب باصابعها...

قالت بتوتر:ولا شي..بس....

سامي قاطعها:انتي ما وافقتي تجين هنا الا لانك تبين تتكلمين...قولي..لا تخافين..سرك في بير

ابرار طالعت بسامي وبعدين طالعت الدريشة...

تنهدت بداخلها..معاه حق..هي ما جات لهنا الا لانها تبي تفرغ الي بداخلها..تبي تتكلم...

ابرار بدون ما تطالع بسامي...قالت بهدووء:تتذكر بسام؟؟

سامي ضغط على يده بقوة..حس بغيره وحقد وكره لهاذا الانسان...

سامي((وكيف بنساه)):مين بسام؟؟

ابرار:احم.. احم... الي كنت معه بالمطعم هاذاك اليوم وبعدين انت جيت و....

سامي قاطعها بغرور:اها تذكرته...هاذاك الي ضربته ومسحت فيه الارض وهو ما قدر يفتح فمه

ما تدري ليه ما تنرفزت من كلامه...يمكن لانها منقهرة من بسام...

ابرار:ايوه هو

سامي:وش فيه؟؟

قالت له كل شي صار...بدون ما تحس..حست انها تتكلم مع نفسها...حاسة براحة غير طبيعية وهي تتكلم معه...كان يسمعها بدون مايقاطعها ولا بكلمة وحدة او بانفعال على الي تقوله...

ما قدرت تمنع نفسها من البكى...بكت من كل قلبها...

سامي حس قلبه يتقطع وهو يشوف حبيبته تبكي بهاذي الطريقة...

سامي بحزم:خلاص لا تبكين..هو ما يستاهل

ابرار زادت بكي...

سامي مسك يدها:والله لا اخليه يدفع ثمن هالدموع غالي

ابرار وهي تمسح دموعها..قالت بهمس:بس انا...احبه

سامي وقف بعصبية وقال بصراخ:غبية...بعد كل الي سواه وتقولين احبه..على شنو انتي شفتي وجهه اول عشان تحبينه...غيره يتمنى نظرة منك..كلمة تريحه...وانتي تدورين رضى الي باعك وتقولين احبه

ابرار طالعته باستغراب...ماله داعي يعصب عليها كذا...

سامي جلس وهو يحاول يهدي اعصابه:سوري على صراخي..(علا صوته)...بس انتي تنرفزين بصراحة

ابرار تنرفزت من طريقته بالكلام:وانت ليه متنرفز لهاذي الدرجة..وش دخلك؟؟

سامي سكت مصدوم...ثاني مرة توضح له انه ماله صلطة عليها ولا له حق عليها..وكانها ماتعرفه ولا شي...

سامي وقف وقال بهدووء عكس الي يحسه:اوكي...مالي حق عليك ومالي دخل فيك...بس لا ترجعين تقولين ندمانة وتبكين...وتذكري انك انتي الي تبعدين الي يحبونك عنك

فتح البارتشين عشان يطلع وهو كله امل انها توقفه...مايبي يطلع..يبي يظل معاها حتى لو هي ما تبيه...

ابرار بتردد:س..سامي

التفت لها وهو يحاول يخفي ابتسامته:نعم؟؟

ابرار بنفس التردد:...اسفة...

سامي:اذا ما تبين تقولينها مو لازم

ابرار رفعت راسها وقالت بسرعة:لا مين قال

عضت على شفايفها...ماتدري ليه ما كانت تبي تبين له انها مهتمة لزعله...

ابرار بهدووء:اقصد...

سامي قاطعها وهو يجلس...قال ببتسامة:فاهم قصدك..ماله داعي تبررين

ابرار طالعت الدريشة بدون لا تتكلم...تحس انها لو تكلمت بتقول اشياء ماتبي تقولها...او ما تبي سامي يعرفها...

*******************************

مسكت قبضة الباب...بس وقفت لما سمعت صوت احد يناديها...

التفتت تشوف مين ناداها....

راكان:لينة

لينة التفتت له:نعم؟؟

راكان ببتسامة:رايحة لتركي؟؟

لينة بهدووء:ايوه

راكان وهو يخربط بشعره:ممم..طيب وين اسيل؟؟

لينة باستغراب:اسيل؟؟

راكان ابتسم:ايوه

لينة:مدري بس اتوقع بالمستشفى

راكان:اها طيب

توجه للباب عشان يروح بس لينة نادته...

راكان التفت لها:نعم؟؟

لينة:ليه تسال؟؟

راكان:جايب لها مفاجاءة

لينة بفضول:وشو؟؟

راكان:بعدين تعرفين..يلا باي

لينة ابتسمت بهدووء:باي

راح راكان وهي التفتت للباب...تتمنى انها ما تدخل..بس بعد ما تقدر تخليه وتروح...هو خلاص صار زوجها وهاذا امر مفروغ منه..

تنهدت وخذت نفس ودخلت....

**************************

دخلت وهي تحس اطرافها كلها باردة...

لينة بهدووء:السلام عليكم

تركي وقف لما شافها...قال ببتسامة:وعليكم السلام

جلست بكل هدووء على الكرسي...تحس بطنها يمغصها من كثر التوتر...

تركي:شخبارك لينة؟؟

لينة وهي تعدل جلستها بارتباك:احم..احم....تمام....انت كيفك؟؟

تركي:بخير جعلك بخير

لينة وهي ترجع خصله نزلت على وجهها:تسلم

سكتو الاثنين...كل واحد مو عارف ايش يقول للثاني...

تركي:متى تبين العرس؟؟

لينة رفعت راسها:عرس؟؟

تركي استغرب ردة فعلها:ايوه...عرس

لينة انتبهت على نفسها..ابتسمت بتوتر:ايوه عارفة..بس استغربت...قصدي...مو كانه توه بدري

تركي:على راحتك متى ما تبين انا جاهز

لينة:اوكي

تركي:ووين تبين تسافرين؟؟

لينة:ليه اسافر؟؟

تركي ابتسم وعلى وجهه علامة استفهام:قصدي وين تبين تسافرين شهر العسل؟؟

لينة:لا انا مابي اسافر

تركي:ليه؟؟

لينة:بس مابي

تركي:على راحتك

ظلو يسولفون سوالف عادية...وكانهم يعرفون بعض من سنين او
متعودين على بعض...مو كانهم توهم متزوجين...بروود غير طبيعي بين الاثنين ومسافات وحواجز..صعب انها تنهدم بسهولة...

****************************

طلع من مكتبه وهو شايل ملفات لمريش عنده...يبي يوديها لاسيل عشان تتولى علاج الحالة...

استغرب لما شاف راكان جاي للمستشفى...

راكان لما شافه ابتسم وتقدم له....

راكان وه يمد يده..ابتسم:هلا وغلا

محمد ببروود:اهلين

راكان:كيفك محمد؟؟

محمد:بخير..انت كيفك؟؟

راكان:بخير الحمد الله...عرفتني ولا ملخبط بيني وبين زياد؟؟

محمد:لا...عرفتك

راكان ببتسامة:طيب كويس

سكتو الاثنين للحظات وبعدين راكان تكلم...

راكان:وين مكتب اسيل؟؟

محمد رفع حاجبه:ليه؟؟...(انتبه على نفسه)..اقصد...هي مشغولة الحين

راكان:لا ماراح اخذ من وقتها..خمس دقايق تكفي

محمد اشر له على مكتبها وهو مقهور منه:باخر الممر على يدك اليمين

راكان ابتسم ومد يده له:اوكي مشكور..مع السلامة

محمد:مع السلامة

راح راكان لعند اسيل...ومحمد ضل بمكانه مقهوور ومعصب من راكان...

يعني ما كفاه انه 24 ساعة يشوفها بالبيت...بعد جاي لحد هنا...

وصل لمكتبها وطق الباب...

سمع صوتها من ورى الباب:تفضل

راكان دخل بهدووء وسكر الباب...

اسيل:حطي الملف على الطاولة و...

سكتت لما رفعت راسها وشافت راكان...

اسيل ابتسمت:راكان؟؟

راكان رد لها الابتسامة:لا صار في تطورات وصرتي تفرقين بيني بين زياد

اسيل:هههههه هلا والله....(اشرت له يجلس)...تفضل

جلس راكان على الكرسي واسيل جلست على الطاولة...

اسيل:وش هالمفاجئة الحلوة هاذي؟؟

راكان:اكيد حلوة؟؟

اسيل:اكيدين بعد

راكان:عموما انا جاي اوريك شي ورايح

اسيل:وشو؟؟

راكان:انتي وش طلبتي مني قبل ملكة لينة؟؟

اسيل وهي تحاول تتذكر:مدري..ما اتذكر

راكان:طيب انا بذكرك

مد لها الكيس الي بيده...

اسيل اخذت منه الكيس وافتحته باستغراب...

انفجرت من الضحك اول ماشافت الثوب والشماغ الي طلبتهم منه...

راكان ببتسامة:وش رايك بالمفاجاءة؟؟

اسيل:ههههههههه احلى مفاجاءة

سكتت لما انتبهت بمحمد الي دخل بدون ما يطق الباب حتى..

راكان التفت باستغراب للي دخل بهاذي الطريقة...

اسيل انتبهت بنظرات محمد وراكان لبعض...

اسيل بارتباك:..هلا دكتور محمد..بغيت شي؟؟

محمد وهو مانزل عينه من راكان:ايوه بغيت اعطيك هاذا الملف

دخل للمكتب ورمى الملف على الطاولة...والغيرة مبينة بعيونه...

طلع من المكتب وسكر الباب وراه بكل عصبية...

راكان طالع اسيل باستغراب:شفيه هاذا؟؟

اسيل وهي تطالع الباب:مدري

*******************************

نزلت من الدرج واستغربت لما شافت ترف واقفة عند باب المجلس..

تقدمت لها بهدووء عشان ما تحس فيها...

سحر:وش قاعدة تسوين؟؟

ترف نقزت من الخوف:بسم الله...خرعتيني

سحر:اخلصي وش قاعدة تسوين؟؟

ترف بهمس:اوش وطي صوتك لا احد يسمعك

سحر بهمس:ليه؟؟

ترف:تعالي وشوفي

وقفو هم الثنتين عند الباب ويحاولون يسمعون سوالف لينة وتركي

سحر:اوف وش قاعدين يقولون...ما اسمع عدل

ترف وهي تقرب اكثر للباب:حتى نا

سحر:افتحي الباب شوي

ترف:لا يمكن يشوفونا

سحر:ناراح يشوفون شي...افتحيه شوية بس

ترف:طيب بس لو شافتنا لينة بقولها انتي الي فتحتيه

سحر ضربت راس ترف بخفة:طيب بس افتحي

فتحت الباب بهدووء وتمنت انها ما فتحته...

لان لينة فتحته بنفس الوقت...

طاحت سحر على ترف الي تمسكت بالباب بقووة...

لينة طالعتهم باستغراب:انتو من وين طلعتو؟؟

ترف:هههههه...وين اسيل؟؟

سحر وهي تطالع ترف:قلت لك بعدي عن الباب بس انتي ملقوفة...(طالعت لينة)...اوه لينة...شخبارك؟؟...يوه لازم اروح الحين...بايووو

ترف طالعت سحر بصدمة...

ترف:من جد نصابة...(طالعت لينة وابتسمت)...باي

ركضت للاصنصير وراحت لفوق....

تركي استغرب من لينة الي واقفة ولا تحركت من مكانها...

تركي حطت يده على كتف لينة:شفيك؟؟

لينة انتبهت...وابتسمت بهدووء وهي تتذكر شكل ترف وسحر..ماقدرت تمسك نفسها:هههههههه

تركي ابتسم على ضحتها المفاجاءة:ليه تضحكين؟؟

لينة وهي لسى مبتسمة:لا بس اول ما طلعت شفت سحر وترف واقفين على الباب..(التفتت عليه)...والظاهر انهم كانو يتسمعون علينا

تركي ظل يطالع بلينة...من زمان ماشاف ابتسامتها ولا سمع ضحكتها...احياننا يشك انها راضية فيه...

تركي بجدية:لينة ممكن اسالك سؤال

لينة استغربت من طريقته الجدية بالكلام:ايش؟؟

تركي اخذ نفس وقال بدون ما يطالع فيها:انتي في احد ثاني بحياتك؟؟

لينة انصدمت ما توقعته يسال هاذا السؤال...او توقعت بس مو الحين يعني ليه ما سالها قبل الملكة...وليه سال الحين يعني لهاذي الدرجة واضح عليها...

تركي لاحظ ان سكوتها طول...طالعها يشوف ردة فعلها...لقى الصجمة واضحة على وجهها...

تركي بنفس النبرة:خليني اوضح سؤالي...انتي تبيني ولا لا؟؟...ترى اذا ماتبيني ممكن الحين اطلقك وبكل سهولة...انا مابي اجبرك على شي...والله يسهل عليك يابنت الناس

ماتدري ليه بهاذي الحظة حست الدموع تتجمع بعيونها...معقولة زعلانة لانها بتفقد تركي...معقولة تحبه...ولا لانها فقدت فيصل وماتبي تفقد تركي بعد...الي تحس فيه تتجاهه ايش بالضبط...حب؟؟...معزة؟؟؟...ولاشنو بالظبط؟؟...

لينة وهي تحبس دموعها:تركي انا...انا....(ايش بتقول له يعني...كنت احب واحد وللحين احبه بس انت جيت بالسكة...تركي ما يستاهل الي بتسويه)...

لينة وهي تمثل العصبية:انت كيف تقول هالكلام..لو انا ما ابيك كان قلت لك وشو الي بيمنعني يعني

تركي بهدووء:اسف ادري اني غلطان...بس بصراحة طريقتك بالتعامل معاي غريبة...تخليني احس ان....

لينة قاطعته:اذا قلتها مرة ثانية بجد ما عاد يصيربيني وبينك أي شي...وبعدين انا اتعامل كذا مع كل الناس

تركي:اوكي هدي...ادري اني غلطان بس بجد مو بقصدي

لينة طالعته بنظرات عتاب....

تركي ابتسم وقرص خدها:خلاص قلت لك اسف

لينة ابتسمت غصبن عنها...واحد حنون وطيب مثل تركي كيف تزعل منه:اوكي خلاص....سامحتك

تركي خربط بشعرها وهو مبتسم وبعدين طلع...

لينة ظلت بمكانها واقفة وتبتسم وهي تلمس شعرها الي خربط فيه تركي...

**************************

بالكوفي...

سامي وهو يحط العصير على الطاولة:ابرار

ابرار وهي تلعب بالمزاز حق العصير:نعم

سامي ابتسم على شكلها:ممكن اطلب منك طلب

ابرار رفعت راسها له:وشو؟؟

سامي:ابيك تغنيلي

ابرار رفعت حاجبها:لا والله..مو صوتي مو عاجبك وكله نشاز ومدري وشو

سامي حط يدينه الثنتين على خده وسند نفسه على الطاولة:كثير اقول اشياء ما اعنيها

ابرار سوت مثل حركته وسندت نفسها على الطاولة:مثلا؟؟

سامي بعد شوي وقعد يشرب العصير...حط العصير على الطاولة مرة ثانية:اها قلتي لي مثلا...يعني انتي ما تعجبيني...ولا شكلك...ولا ضحكتك..ولا شي فيك اصلا يعجبني

ابرار بعدت عن الطاولة وسندت نفسها على الكرسي...بلعت ريقها بتوتر...لانها عارفة انه يقصد بكلامه العكس...

قالت تغير الموضوع:شنو تبيني اغنيلك؟؟

سامي ببتاسمة:احاول

ابرار:اوكي

تنحنت وعدلت جلستها...طالعت بسامي الي حاط يده على خده ويناظر فيها...

ماقدرت تمسك ضحكتها:هههههه..شفيك تطالعني كذا

سامي:معجب

ابرار ختها على انها مزحة:هههههههه ايوه صح...يلا اسكت بغني

سامي حط يده على فمه..

ابرار بدت تغني...

احاول اخفي احساسي ولاكن بالعشق مفضوح
تشوف الفرحة في عيني وحبك بالعقل والروح
احبك حب ما اقدر اعاند فيه احساسي
لقيت الحب شي اكبر من اني اخذ انفاسي
حياتي امرها بيدك وحبك سيدي وسيدك
وعمري ما ابتدا قبلك وعيدي بالهوى عيدك
حبيبي عمري لك والروح وقلبي بالعشق هايم
فداك الروح وروح الروح ياربي تبقى لي دايم
معاك الدنيا شي ثاني معاك الدنيا شي احلى
ومهما كانت الدنيا معاك احلى اكيد احلى
تخيل الدنيا من غيري او لحظة من غيرك
انا ما اشوف في الدنيا وفي قلبي احد غيرك
سامي غنى معها بهاذا المقطع...

احبك حب ما اقدر اعاند فيه احساسي
لقيت الحب شي اكبر من اني اخذ انفاسي

اول ما خلصت خزت سامي...

ابرار:الحين اذا تبي تغني قول من الاول مو تدخل عرض كذا

سامي:ليه ازعجتك؟؟

ابرار هدت شوي:لا عادي...بس يعني فاجاتني

سامي ابتسمكبس مفاجاة حلوة صح

ابرار وهي تقوم:هههههه...لا

سامي باستغراب:وين بتروحين؟؟

ابرار وهي تطالع الساعة:البيت...اوف طولنا واحنا هنا؟؟..(طالعته)..ماحسيت بالوقت

سامي:ولا انا

ابرار ببتسامة:شكرا

سامي رفع راسها باستغراب:على شنو؟؟

ابرار:على كل الي سويته معي اليوم...شكرا لانك اهتميت

سامي رد لها الابتسامة:العفو

طلعت من الكوفي وعيونها عليه وهي تبتسم له...

********************************

اول ما طلع راكان من المستشفى...جلست اسيل على الكرسي واعصابها متوترة...نظرة محمد لراكان ولها ما تطمن...

اسيل((الله يستر))...

فتح الباب بقوة...رفعت راسها تشوف الي دخل...

محمد سكر الباب وقربت من الكرسي حقها:ممكن افهم هاذا وش كان يسوي هنا

اسيل بلعت ريقها بخوف...اكثر شي تكرهه بمحمد لما يعصب...

اسيل ابتسمت بتوتر:شفيك محمد...ه..هاذا ولد عمي..وعادي لو زارني....وش فيها يعني

محمد بعصبية:لا والله

اسيل وقفت وبعدت عن الكرسي...التفتت عليه:انت الحين ليه معصب؟؟

محمد:وتساليني بعد

اسيل:بصراحة انا مو لاقية سبب مقنع يخليك تعصب كذا

محمد حاول يهدى شوي...غمض عيونه:اوكي...(فتح عينه)..قوليلي ليه كان هنا

اسيل مسكت يه وجلسه على الكرسي:طيب انت اهدى الحين وانا بقول لك

محمد:اوكي انا هادي الحين

اسيل:طيب..(اشرت له على الكيس الي فوق الطاولة)....جا عشان يجيب لي هاذي

محمد طالعها:وجايب لك هدية بعد

اسيل:لا مو هدية....ياربي محمد لا تفهمني غلط....انا طلبت منه الثوب وهو جابه

محمد:وليه ما عطاك اياه بالبيت

اسيل:حب يسويها لي مفاجاة...مافيها شي

محمد: أي بس هو دايم معك

اسيل:وانت دايم مع ابرار...تشوفني سويت الي انت سويته؟؟

محمد وقف:انا وابرار غير

اسيل وقفت وتخصرت:وليه غير؟؟

محمد لف عليها:اسيل لا تربطين شيئين مختلفين في بعض

اسيل:لا والله

محمد يغير الموضوع:خلاص ما تجلسين مع راكان ولا تكلمينهend of the story

اسيل:لا والله مثل ما انت قلت ما اجلس مع راكان..انت بعد ما تجلس مع ابرار ولا تكملها ولا تشوفها حتى

محمد:مستحيل

اسيل:حتى انا مستحيل ما اكلم راكان

محمد:يعني؟؟

اسيل:يعني الي يمشي علي يمشي عليك

محمد جلس على الكرسي بعصبية وقعد يهز يرجله بنرفزة...

اسيل تدري انه معصب...وتدري انه مايقدر يستغنى عن ابرار...من يوم ماكانو صغار وهم مايفترقون...بس بعد طريقته بالكلام نرفزتها...وكانه يامرها...

تقدمت لعنده وجلست بجنبه بهدووء:محمد...انت تدري اني احبك..ومستحيل احب غيرك..فليه هاذي الحساسية والغيرة من راكان...والله انا هو مافي بينا شي..وانا اعتبره مثل اخوي...ولا انت ماعندك ثقة فيني

محمد لف عليها والصدمة بوجهه...قال بسرعة:طبعا عندي ثقة فيك..كيف تقولين كذا؟؟

اسيل:طريقت تعاملك معاي تغيرت..من يوم ماجا راكان وانت متغير...خليتني اظن انك ماعدت تثق فيني

محمد مسك يدها:لا والله انا اثق فيك...بس انا احبك...وغيرتي دليل حبي لك

اسيل:هاذي غيره عمية وممكن تهدم الي بينا....وانا كابي اخسرك

محمد:ولا انا...وانا ادري اني غلطان..واسف على تصرفاتي البايخة

اسيل:يعني خلاص..ماعاد في غيرة من اليوم؟؟

محمد سكت وسوى نفسه يفكر...

اسيل عقدت حواجبها وضربته بخفه:مـــحــمــد

محمد:هههههههه...خلاص مافي

اسيل:وعد

محمد باس يدها:وعد

***************************

بعد اسبوع...

مر الاسبوع سريع على ناس..وبطيئ على ناس...

جالسة بغرفتها وتطالع السقف..

تعبت من التفكير...بكرة عرسها...يعني بتكون زوجة تركي قدام كل الناس...يعني خلاص...ماعاد في امل....

محتارة بمشاعرها...تحس بالحب لفيصل....وترتاح لتركي....تتمنى انها تنسى كل الي صار لها مع فيصل...بس ماهي قادرة...

تبي تنسى وتبدى حياتها مع تركي من جديد....هو ما يستاهل انها تخونه بحبها لفيصل...اذا كانت ماترضاها على نفسها...كيف بترضاها على تركي....

تركي الي ما شافت منه الا الطيبة...والحنية....والحب...

نفضت هالافكار من راسها...

سحبت الفراش وغطت نفسها ونامت...

*******************************

اليوم الثاني...

جالسة بالسيارة ومتنرفزة....من ساعة قايلة لها انها جاهزة وبتطلع وللحين ما طلعت...

اسيل وهي تسكر الجوال:بعد ما ترد....الشرهة مو عليك...علي انا الي انتظرك

سامي طلع من بيته وركب سيارته...

اسيل شالت نظارتها...وهي فاتحة عيونها على الاخر...

طلعت ابرار من بيتهم وهي تطالع سيارة ابرار...

ابرار:يووه شكلها معصبة

دخلت للسيارة بسرعة...

ابرار وهي تحاول تبرر تاخرها لاسيل:والله كنت جاهزة..بس امي مدري شطلع عليها تبي تسولف

اسيل طنشت كلامها:ابرار

ابرار استغربت شكلها:نعم؟؟

اسيل التفتت لها وهي تقول بحماس:مساع شفت واحد يشبه تركان

ابرار ابتسمت:ايوه هاذا ولد جيرانا سامي

اسيل شهقت:ولد جيرانكم يشبه لتركان واول مرة تقولين لي...جد انك خاينة

ابرار:وانتي شدخلك...عندك محمد

اسيل توها تتذكر:ليكون هاذا سامي الي كل تتهاوسين معه

ابرار سندت نفسها على الكرسي:لا هاذا كان زمان

اسيل تكتفت ورفعت حاجبها:وشلي تغير

ابرار:اقول اسيل

اسيل:وشو؟؟

ابرار:مو كاننا تاخرنا على المشغل...يلا نروح

اسيل:ماشي...بمشيها هالمرة بس مسيري بعرف

ابرار:طيب يصير خير

اسيل طالعتها بشك وهي تبتسم لها....

****************************

فتحت الباب وهي مبتسمة لها....

نجد:مستعدة

لينة التفتت عليها والشكولاته بفمها...بلعت قطعة الشوكلاتة:خايفة

نجد:هههههههه...(راحت لها وضمتها)...وليه تخافين...انا بجمبك

لينة ابتسمت:ابي اقول لك شي...بس اخاف تضربيني

نجد بعدت عنها شوي...وطالعتها بشك:والله ينخاف منك...اخلصي انطقي...وش مسوية؟؟

لينة:ماسويت شي...بس...ابي

نجد:وش تبين؟؟

لينة:لا خلاص مابي

نجد:لا والله تقولين..لا تلعبين باعصابي

لينة اكلت حبة شوكولاته وطنشتها....

نجد ضربتها من كتفها:اقول تكلمي

لينة راحت لعند السرير وغطت نفسها...

نجد راحت لعندها:لينة بلا سخافة

لينة فتحت الفراش وقالت بسرعة:انا للحين احب فيصل...وابي اشوفه

غطت وجهها بسرعة بالفراش قبل لا يجيها شي من نجد...

نجد شهقت وفتحت الفراش:انتي وش قاعدة تقولين...انجنيتي؟؟

لينة غطت وجهها مرة ثانية:يووه نجد خلاص ماقلت شي

نجد فتحت الفراش مرة ثانية:لا والله...لينة هالكلام مايصير

لينة تاففت وبعدت شعرها عن وجهها:طيب شسوي يعني...مو بكيفي

نجد رفعت اصبعها بتهديد:لينة انا اتكلم معك جد...فيصل لا تنسينه وتشيلينه من بالك

لينة مدت بوزها:بحاول

نجد:لا مو تحاولين...لازم تنسينه

لينة:خلاص نجت بنام

غطت وجهها وغمضت عيونها بقووة...

نجد تنهدت...ورحمت صديقتها الي ما تهنت بحياتها ابد..من يوم وهي صغيرة كانت شايلة مسؤولية خواتها...ولما اخيرا بتتزوج وبتستقر بحياتها...ماهي قادرة تحب الي بيكون شريك حياتها...ورابطة حياتها بواحد بين الحياة والموت...ومحد يعرف مصيره غير رب العالمين سبحانه...

*******************************

باليل...

زياد واقف قدام المراية ويظبط غترته....

دخل راكان والابتسامة على وجهه:اوه زياد..بصراحة غطيت علي

زياد:هههههههه ادري

راكان وهو يكش عليه:مالت عليك

نزلت سحر من الدرج وعلى وجهها ابتسامة ساحرة....

سحر بدلع:شفيكم بس تتهاوشون ترى ازعجتوني

راكان وزياد سكتو اول ما شافو سحر...كانت من جد طالعة حلوة...غير عن كل مرة يشوفونها فيها...

كانت لابسة فستان اسود طويل وضيق من عند الخصر...فيه حزام عريض بالاسود...وكله كسرات...

مكياج رايق وهادي مع روج احمر صارخ ومناكير بنفس لون الروج...

وشعرها الاسود مكسر على شعرها وواصل لين كتوفها...

سحر ضحكت على اشكالهم:ههههههه لهالدرجة انا حلوة عشان ما تقدرون تنزلون عينكم من علي

راكان انتبه لنفسة وقعد يلهي نفسه باي شي قدامه عشان ما يطالعها...

اما زياد فتقدم لعندها...مسك يدها وقعد يدور فيها....

زياد:طالعة قمر توني ادري انك حلوة كذا

سحر وهي تدور على نفسها:اصلا انا حلوة من زمان بس انت ما عندك نظر

زياد همس باذنها:ايوه بس غيري عنده

سحر وقفت وطالعته باستغراب بعدساتها الرمادية:شقصدك؟؟

زياد ابتسم:بعدين اقول لك

نزلت ترف من الدرج وهي لابسة فستان اصفر صارخ قصير لين نص الساق..وفيه شريطة ستان من النص لونها احمر...

وشعرها مسويته كيرلي...طالع كله حيوية ونعومة..بلمعته الطبيعية...

ترف تخصرت:لا والله يا استاذ زياد

زياد التفت لها وهو مبتسم:لا عاد كذا انا مقدر...(تقدم لعندها ونزلها من الدرج)...ليه كذا ياقلبي...شكلك تقصدين تعذبيني

ترف:لا والله..(سحبت يدها منه)...ياشينك اذا استهبلت

زياد:ههههههه لا والله ما استهبل...طالعه قمر

ترف:توك تقول لسحر طالعه قمر

زياد باستهبال:عادي يصير قمرين

ترف ضربته على كتفه:ياشينك بس

سحر انتبهت لراكان الي ما علق ولا بكلمة...

سحر وهي تطالع نفسها بالمراية:اقول راكان

راكان بدون ما يطالعها:نعم

سحر طالعته:وش رايك فيني؟؟

راكان رفع حاجبه وهو يطالع فيها...وش هالجراءة الي فيها:ممم..عادي

سحر تكتفت:كيف يعني عادي؟؟

راكان وهو يتوجه للباب:يعني عادي

سحر رفعت حاجبها بغرور..(همست)..:مالت عليك

زياد:يلا بنات ترا بنتاخر لا تنسون اليوم عرس لينة مو أي احد لازم نروح اول الناس

ترف وهي تدف زياد لجهة الباب:طيب يلا بلا هذرة امش قدامي

زياد:هههههههه طيب اعصابك

سحر نادت على الشغالات يجيبون عباية ترف وهي لبست عبايتها وطلعت...

******************************

في المشغل...

ابرار بصراخ:اسيل ما خلصتي؟؟

اسيل بنفس النبرة:ايش؟؟

ابرار علت صوتها اكثر:اقووول ما خلصتي؟؟؟

الكوفيرة انزعجت من صراخهم...طفت السشوار وراحت عنهم...

ابرار:اقول ما خلصتي؟؟

اسيل:لا لسى...لينة ونجد وينهم؟؟

ابرار:نجد توها مخلصة ميك اب ولينة قاعدين يسون شعرها

اسيل:لسى ما خلصو؟؟

ابرار:لا نجد خلصت بس باقي لينة...

قالت وهي تطالع شعر اسيل الي توها تبدى فيه:وشكلك انتي بعد مطولة

اسيل:طيب خلاص روحي انتي ونجد وبعدين نلحقكم انا ولينة

ابرار:اوكي بروح اقول لنجد

راحت ابرار تكلم نجد والكوفيرة رجعت عشان تسوي شعر اسيل...

بالغرفة عند لينة...

نجد:لينة اعقلي

لينة:نجد انتي ليه مو راضية تستوعبين انا قلت لك خلاص ماراح اروح

نجد:والله ما اظمنك

لينة:افا ما عندك ثقة فيني

نجد:بصراحة..لا

لينة:نـــجــــد بلا سخافة

نجد تنهدت:خلاص عورتي راسي

دخلت ابرار وهي مبتسمة:هاي بعروستنا...شخبارك؟؟

لينة ابتسمت:هايات...انا بخير انتي شلونك؟؟

ابرار:تمام...وانتي نجد شخبارك...وشخبار النونو؟؟

نجد:ههههه والله النونو وامه بخير بس هو مجنني شوي

ابرار:كم شهر باقي وتولدين؟؟

نجد:ممم باقي لي 3 شهور

ابرار:يلا بسرعة نبي نشوفه

نجد:افا عليك وانتي الي بتسمينه بعد

ابرار:جد؟؟

نجد:طبعا لا

ابرار:ههههههههههه

نجد:اقول ابرار خلينا نروح وبعدين لينة واسيل يلحقونا لان شكلهم بيتاخرون

ابرار:انا كنت جاية اقول لك كذا

نجد:طيب اجل يلا

ابرار:اوكي بس بجيب عبايتي

نجد:جيبي عبايتي معك

ابرار:اوكي

طلعت ابرار ونجد التفتت للينة:يلا حبيبتي مع السلامة

لينة:مع السلامة

ابرار:مبرووك

لينة وهي تحاول تكابر:الله يبارك فيك

طلعت نجد من الغرفة ولينة رفعت جوالها...

جلست تقرا كل رسالة رسلها لها فيصل وبتمعن...كلمة كلمة..وحرف بحرف...وبعدين تمسحها...مايصير تخليها بجوالها وهي زوجة تركي...

******************************

باقاعة....

الكل فرحان ومبسوط للينة وتركي...اساميهم مزينة الصالة كلها طاولات موزعة بطريقة حلو ومرتبة بكل مكان...

وصوت عبد المجيد مالي المكان...

ترف:سحر يلا نرقص

سحر:بسم الله ما مدانا نوصل

ترف:معليه انا فرحانة اليوم...مابي اضيع ولا اغنية علي

سحر ابتسمت:حتى انا احس نفسي فرحانة...والله لينة تستاهل..شوفي كيف اسمها هي وتركي منور الصالة

ترف طالعت اساميهم المكتوبة بالورد ومعلقة على الجدار...

ترف:ايوه معاك حق

سحر رن جوالها...ارتبكت لما سمعت النغمة...

ترف:يووه ليه ما سكرتي جوالك..هاذا وقته تكلمين

سحر وهي توقف:معليه هالمرة بس

طلعت لبرة عشان ترد على وليد..

سحر:هلا حياتي

وليد:شخبارك قلبي؟؟

سحر:بخير وانت؟؟

وليد:ماراح ارتاح الا لما تقولين لي على رايك بالموضوع الي قلته لك

سحر تحاول تغير الموضوع:عاد اليوم عرس اختي وانت ما باركت لي

وليد فاهمها:سحر

سحر تنهدت:وليد والله صعب اقرر

وليد:طيب اطلعي لي الحين..انا بالسيارة

سحر اول مرة تحس ان الي تسويه غلط...للحظة حست بشي غلط...

سحر:الحين؟؟

وليد:ايه...ليه في شي؟؟

سحر:ها..لا عادي...دقايق واكون عندك

سكرت الجوال وهي تحس قلبها مقبوض ماتدري ليه جاها هالاحساس الغريب...

عدلت شكلها بالمراية وطلعت....

شافت سيارة وليد عند الباب ودخلتها...

سحر:هاي

وليد:هايات...وشو قلتي؟؟

سحر:طيب بارك اول

وليد بدون نفس:مبرووك..انبسطتي

سحر:وليد..شفيك؟؟

وليد:انا ولا انتي...شوفي يا سحر..لو انتي ما تبيني انا ما عندي مشكله انسحب من حياتك بكل سهولة وبدون أي شوشرة

سحر فتحت عيونها على وسعهم:بكل بساطة

وليد تنهد:مو انتي الي تاجلين وتطويلين الموضوع

سحر وهي تبكي:وليد افهمني...انا احبك..بس هاذولا اهلي...ما اقدر اسوي فيهم كذا

وليد:وانا ما قلت لك اكفري انا اقول نتزوج..على سنة الله ورسوله..بس بالسر..وبعدين نقول لهم عشان ما يقدرون يسون شي

سحر وهي تمسح دموعها:طيب...طيب حاول مع عمي مرة ثانية

وليد:صدقيني رحت له اكثر من مرة وكل مرة يطردني...صدقيني

سحر:مصدقتك هاذا عمي وانا ادرى فيه..اعرفه لسانه طويل وما يقدر احد..بس...

وليد قاطعها:لا بس ولا شي...الحين اقول لك....تختاريني ولا ترجعين لداخل وتنسين شي اسمه وليد

سحر طالعته والتفتت وراها تطالع قاعة العرس...اهلها كلهم داخل...فرحانين للينة...كيف تفكر تقتل فرحتهم...رجعت ولفت على وليد...بس هاذا وليد...الانسان الوحيد الي حسسها بطعم الحب...الوحيد الي وقف بجنبها لما كانت محتاجة احد...الوحيد الي مسح دمعتها لما نزلت...الوحيد الي حبها وحبته من كل قلبها...

الاختيار صعب...

غمضت عيونها واخذت نفس...

سحر فتحت عيونها وقالت بحزم:وليد انا قررت....موافقة

******************************

اسيل وهي تلبس عبايتها:يلا لينة قبل لا نتاخر

طالعت ساعتها...

اسيل:الساعة الحين 10 واحنا للحين ما رحنا

لينة بهدووء:اسيل

اسيل استغرتب نبرتها:نعم

لينة:ابي اشوف فيصل

اسيل فتحت عيونها على وسعهم:نعم؟؟...انتي تتكلمين جد؟؟...لا اكيد تمزحين

لينة:لا ما امزح

اسيل قربت منها وجلست جمبها:لينة...الله يهديك البسي عبايتك خلينا نروح

لينة طالعتها بجدية ورجاء:تكفين اسيل..هاذا اخر يوم اشوفه فيه

اسيل تنهدت:مدري كيف اسمع كلامك...اوكي

لينة ضمتها:احبك اسيل

اسيل بعدتها عنها:بس هاذي اخر مرة

لينة:اوكي

ركبو للسيارة وراحو للمستشفى...

مشو باكبر سرعة عندهم بالمستشفى عشان لا يتاخرون...

وصلو لعند غرفة فيصل...

لينة وقفت تطالع فيه...اشتاقت تشوف ملامح وجهه...من زمان ما تاملت فيه...

دخلت للغرفة على طول عشان لا تتاخر...

حبست دموعها وهي تشوفه متمدد قدامها...لاحول له ولا قوة...تدعي ربها انه يقوم ويعيش حياته...تتمنى من كل قلبها انه ينساها...ماتبيه يتعذب مثل ما هي متعذبة...

نزلت راسها على يدينه ونزلت دمعه من عينها...شدت على يده اكثر وهي تتمنى تشوفه قدامها وتقف على رجوله....

ماتدري هي تتوهم...ولا حقيقة...حست بيده تضغط على يدها..

رفعت راسها بسرعة تشوفه...طالعت عيونه...تتحرك ببطئ وكان يستعد يقوم....

يهمس باسمها بكل هدووء...

ماهي مصدقة الي تسمعه...من فرحتها نست ان اليوم عرسها..قامت بسرعة تبي تنادي الدكتور ويشوفه...بس حست يده تضغط على يدها...

فيصل بتعب ونفس متقطع...يفتح عيونه بكل بطئ:ل...لينة...ان...انتي هنا؟؟؟

لينة ضمت يده بيدينها:أي فيصل..انا هنا...هنا عشانك

فيصل: ابتسم بتعب:ليه....ليه خليتيني؟؟

لينة نزلت دموعها:لا فيصل...لا انا ما خليتك...انا كنت اجيلك كل يوم..وحتى اخر يوم

فيصل باستغراب:ا....اخر...اخر يوم؟؟

لينة نزلت راسها وسكتت...شلون بتقول له انها تزوجت غيره...

فيصل انتبه لفستانها الابيض...

فيصل:لينة....شنو....شنو الموضوع...كح كح

لينة قامت:انت اهدى...اهدى وانا بنادي الدكتور

فيصل:....لا....لا تروحين

لينة جلست على الكرسي:تامر امر

فيصل:ليه....ليه لابسة...كذا؟؟

لينة نزلت دموعها ونزلت راسها:فيصل انا....انا اليوم عرسي

فيصل مو مستوعب:.....ا...ايش؟؟....كح كح

لينة:فيصل انت تعبان لازم انادي الدكتور

فيصل بغصة:....ع...ر...عرسك؟؟

لينة تحاول تمسح دموعها:ايوه...تركي زوجي

فيصل:....تركي؟؟...

حس نفسه مخنوق ومو قادر يتنفس....الدنيا ظلمة من حوله...يبي يستنجد بلينة بس مو قادر يتكلم....

رجع راسها لورى بتعب وبدى يكح....

لينة خافت وطلعت لاسيل...

لينة بخوف ولخبطة:اسيل...اسيل نادي الدكتور...فيصل...فيصل قام

اسيل مو مستوعبه:فيصل قام؟؟؟

لينة:أي يلا بسرعة نادي الدكتور

اسيل هزت راسها:طيب طيب

راحت بسرعة تنادي الدكتور...

لينة رجعت لفيصل الي زاد صفار وجهه من التعب و الصدمة...خصوصا انه توه يقوم من الغيبوبة...

دخل الدكتور...ولما لاحظ تعب فيصل طلب من لينة تطلع لبره...

طلعت لبرة وهي تطالع بفيصل الي زادت حالته سوء بسبتها...

الي كانت خايفة منه صار...وفيصل زادت حالته سوء....

اسيل وهي تسحبها:لينة لازم نروح...ترف وسحر يدقون علي يقولون تاخرتو

لينة:اسيل فيصل قام...قام

اسيل:ادري بس لازم نروح يلا

لينة طالعت بفيصل لاخر مرة وبعدين راحت مع اسيل وهي تحاول تداري الي باقي من دموعها واحزانها...وتلملم حبها الي ضاع وانقتل...

*****************************

...نهاية البارت