تاببع الجزء الاخير:
ابونايف بعصبيه وبصراخ:بتطلقها وانت ماتشوف الدرب
شذى:لا ياعمي مستحيل يصير هالشي ومسكت بيد ياسر بقوه
ياسر زاد بمسكها وقال:الحين ماصدقت اتزوجها تبيني اطلقها وبدون اسباب لو وش يصير بالدنيا
ابو نايف بصراخ:بتطلقها يعني بتطلقها والحين بعد
ياسر:ابي سبب واحد مقنع لاني اطلقها
ابو نايف:بكل بساطه لانها فوقك
شذى:مافيه فرق بين البشر ياعمي
ابو نايف بصراخ:فيه مليون فرق بينك وبين هالياسر
راشد:عمي حاول تفهمهم حرام الي تسويه فيهم وخلاص ياعمي ياسر لشذى وشذى لياسر
ابو نايف بعصبيه وصراخ:لا و ألف لا ماتأخذه يعني ماتأخذه
ياسر:بعدك اطلقها يله شذو خلينا نروح احسن من وجع الراس
ابونايف يصارخ:صدق انك ماتستحي مارفضك اخوي الا لانه عارف بلاويك ياقليل الحياء
ياسر:يعني علشان قلت نروح من وجع الراس صارت بلاوي
ابو نايف:انت ادرى بلاويك ماودي اهز صورتك قدام راشد و شذى
شذى تناظر لعمها ومستغربه كلامه وناظرت لياسر بنظرات حيره
ياسر:قل الي عندك انا واثق من نفسي ومتأكد ان ماعندي بلاوي ع قولتك
ابو نايف:اقولها ليه تبي تأخذه اقولها عن سواليفك الي تسود الوجه
ياسر بثقه و برود:قل كل الي عندك
ابونايف:شذى اسمعيني وانا عمك انا مارفضت انك تأخذينه الا علشانه كذاب ونصاب وحيال شذى هو مايبي يتزوجك علشان يحبك لا لانه يبي ياخذ حلالك و يرميك بعدها وهو سكير وضايع ولا محافظ ع صلاته ولا دينه كيف تبين تعيشين مع واحد مثله
شذى تناظر عمها بصدمه وتناظر لياسر
ياسر بقهر وآلم:لا لاتصدقينه والله انا احبك وشاريك والفلوس اخر شي يهمني لاتصدقينه ارجوك
ابو نايف:ايه اكيد بتنكر يالخسيس
شذى دموعها ورى بعض لانها متأكده ان عمها مستحيل يكذب
راشد بعصبيه:يالحقير يالنذل
شذى طلعت من عندهم ودموعها شلالات
ياسر لحقها وينادي عليها ولا كأن احد يناديها وراحت ركض لغرفتها
راشد طلع عند ياسر وبعصبيه:اطلع برى يالخسيس برى
ياسر طلع من بيت ابو راشد و هو حامل بقلبه هم قد الجبال
راشد:انا اسف يايبه يارب سامحني يارب
ابو نايف:الحمدالله اني كشفته على حقيقته لك ولشذى النذل
راشد:والله ياعمي مب مصدق ان ياسر يسوي كل هذا حسبي الله عليه الحقير
ابو نايف:وانتبه ياراشد للوصايا اكيد محد بيوصيك الا لمصلحتك هالمره عدت والحمدالله
راشد حب راس عمه وقال:مشكور ياعمي لولا الله وثم انت كان ضاعت حياة ومستقبل شذى
ابو نايف:الحمدالله يله انا رايح تأمر شي ورح لأختك وفهمها وعقلها
راشد: وين تونا بدري
ابو نايف: اليوم انا مشغول يوم ثاني ان شاء الله
راشد:براحتك ياعمي
ابونايف:توصي شي
راشد:سلامتك
><
شهد:هاه وش فيها
يسرى:الله يستر وش صاير
ام راشد:دقي يمه ع اخوك يمكن مزعلها
يسرى:مستحيل يزعلها ياخالتي مااعتقد
شهد:دقي وشوفي
يسرى:اوك بشوف وخذت جوالها ودقت ولارد
شهد:هاه وش فيهم مايردون علينا
ام راشد:الله يستر
وشوي يسمعون صوت راشد ينادي على شذى
ام راشد راحت لولدها
راشد:يمه و ين شذى
امه:وش صاير وش فيها و يا ياسر عسى ماشر ليه داخله تصيح
راشد:بقولك بعدين ربي يخليك ناديها لي
امه :زين لحظه اناديها لك
دخلت ام راشد وقالت لشهد تروح تنادي اختها لراشد
راحت شهد لغرفة شذى وشافتها طايحه ع الارض وجهها مايل لزرقه شهد بصراخ شذى شذى وصارت تصيح وتصارخ شذى حبيبتي وش فيك شذى
ام راشد و يسرى سمعوها وركض لغرفة شذى
ام راشد شافت بنتها انهبلت وبصراخ:يمه بنتي شذى يمه ردي علي شذى حبيبتي
يسرى تناظرهم بخوف ومن الربكه نزلت لراشد وقالت له و هو جاء ركض
راشد:شذى شذى قومي وش فيك شذى
شهد تصيح:شذى قومي لاتخلينا
يسرى بخوف:خلونا نوديها المستشفى
راشد شالها وداها السياره وام راشد خذت عبايتها وعباية بنتها وركبت سيارة راشد وعلطول ع المستشفى
شهد خذت عبايتها و هي و يسرى لحقوهم مع السواق
><
ياسر راح لبيتهم ودخل غرفته ومن حسن حظه امه ماكانت موجوده
ياسر ودموعه تنزل ليه ياشذى صدقتيهم معقوله انا كان واضح علي اني امثل عليك دور الحبيب حسبي الله ونعم الوكيل في الي كان السبب الله لايوفقه الله يحرق قلبه مثل ماحرق قلبي وجاه عوار الي براسه وخذى حبته و نومته
><
ام راشد رافعه يديها لسماء وتدعي لبنتها:يارب رحمتك في بنتي يارب يارب طمن قلبي عليها يارب
وشهد مخليه راسها بكتف يسرى ودموعها تنزل و يسرى تحاول تهدي فيها
وراشد متوتر ورايح جاي
طلع الدكتور
راشد ركض عنده وبتوتر:هاه وش اخبارها الحين
الدكتور:هي متعرضه لصدمه قويه صح
راشد مايدري وش يقول:ايه هي اثرت عليها
الدكتور:قلبها ضعيف ادعو لها بالشفاء
ام راشد بصراخ:بنتي بخير بنتي بخير وراحت بتدخل لها مسكوها الممرضات
ام راشد طاحت ع الارض وقالت:وخرو عني فكوني ابي اشوف بنتي ابي اشوف بنتي
راشد وشهد راحو لامهم شهد ارتمت بحظنها وصارت تصيح
وراشد يحاول يهدي فيهم
ويسرى جت وتحاول تهدي فيهم
مرت ساعه والجو شوي شوي يهدأ وام راشد وشهد و يسرى دخلو استراحة الحريم وراشد برى ينتظر اذن الدكتور بدخوله لأخته
جاء الدكتور عندها وقال:الحمدالله قلبها بدأ يقو وان شاء الله تقوم لكم بالسلامه
راشد:اقدر اشوفها يادكتور
الدكتور:لا اليوم ممنوعه عنها الزياره بكره تقدر تشوفها ان شاء الله
راشد:اوك ونادى ع امه واخته
ام راشد بتعب وخوف:هاه يمه بشر
راشد:ابشرك الحمدالله هي بخير
شهد تصيح:يعني اقدر اشوف اختي
راشد:لا بكره نجي ان شاء الله ونشوفها يله نروح و نجي بكره بأذن الله
ام راشد بحده:مب متحركه ا لا لما اشوف بنتي
يسرى:خالتي مابتسفيدين شي من جلستك هنا روحي ارتاحي وان شاء الله بكره تجين عندها
وبعد محاولات لمدة ساعه وافقت تروح
وراحو وصلو يسرى بيتها وراحو لبيتهم
><
ام ياسر:شفتي ياوخيتي اخر زمن صار رضى الحبيبه فوق رضى الام
ام ثامر:ياوخيتي مانقول الله يعين بس
اثير:معليه ياخالتي هو يحبها و عارف قلبك الابيض وانك بترضين ولا كان ماراح يخطبها
ام ياسر:محد تعذب معه كثرس يابنيتي الله يرزقس بلي احسن منه
اثير:امين و يكتب لياسر الي فيه الخير
ام ثامر:ياحبنيلس يابنيتي
اثير:الا خالتي وش اخبار يسرى
ام ياسر:الحمدالله تزقح
وجلسو يسولفون بأمور الدنيا
><
ماجد:عسى ماشر وش فيكم
فواز:و ين كنتو
راشد:اختكم شذى تعبت وديناها المستشفى
فواز بخوف:عسى ماشر
ام راشد بحده:راشد وش الي قلب اختك كذا
راشد قالهم السالفه
شهد:لا مستحيل ياسر مايسوي كذا
راشد:كلنا ماصدقنا لكن الي قال هالكلام عمي وعمي مستحيل يكذب علينا مستحيل
ام راشد بحزن:الله يعينك يابنيتي ع بلواس ويصبرس
الكل:آميين
مر اليوم كئيب وحزين ع بيت ابو راشد و يسرى كانت متآثره وحاسه انها ظايعه وتدق ع اخوها علشان يفهمها السالفه ومايرد
><
بعد انجلأ الليل وظلمته ومع بداية شروق الشمس وبدأ يوم جديد فتحت عيونها وصارت تناظر المكان بنظرات مستغربه ومستنكره و تقول بصعوبه:انا وين ولا مجيب و تذكرت وش صار لها امس ودمعت عيونها
فتح الباب و علطول اتجهة عيونها للي فتح عليها الباب و ابتسمت
راشد:صباح النور شذو
ام راشد قربت لبنتها وحظنتها والدموع سيول وتقول وهي تصيح:الحمدالله على سلامتس يمه
شهد نزلت دموعها وراحت لاختهاوقالت:لا عاد تخوفينا عليك مره ثانيه يالدبه
شذى ابتسمت
فواز يمزح:خوفونا وصرتي مافيس شي خوفوني ع الفاضي
الكل ضحك
ماجد:الحمدالله ع السلامه ياقمر
شذى:الله يسلمكم ماما انا وش جابني هنا
امها :يمه انتي تعبتي علينا واغمى عليس وجبناس هنا
شذى:يمه متى بطلع مااحب جلسة المستشفى
دخل الدكتور عليها
وتغطت شذى وشهد وام راشد
الدكتور:هاه كيف العروسه اليوم
شذى ابتسمت:الحمدالله احسن
دكتور متى بطلع
الدكتور:مليتي منا بهالسرعه عموما يوم يومين وبتطلعين ان شاء الله
الكل:ان شاء الله
الدكتور جلس يفحصها وكتب بالمذكره وطلع
راشد:يله الحمدالله طمنت عليك هاه تسمحين لي اروح لشركه
شذى:تونا مامليت منك
ماجد:تأخرنا ياوخيتي الساعه٩وتعرفين الشغل الي فوق روسنا يله راشد مشينا
راشد:توصون شي
ام راشد:سلامتك يمه
راشد:اذا احتجتو شي دقو اوك
شهد تستهبل:الله يعينك ع ازعاج اختك شهوده واخوك فواز
راشد:امين بس مب كل شوي تدقون لاتأخذون راحتكم واجد
شذى بتعب: رشود رح لشغلك وخلهم عنك
راشد وماجد:يله سلام وطلعو
نخليهم و نروح لياسر
ياسر قام وكان تعبان و نفسيته زفت خذى جواله وشاف مكالمات اخته وتذكر انه خلاها امس وراح ودق و هو متفشل
يسرى:هلا ياابو السحبات
ياسر متفشل:معليش اعذريني انا اسف مادريتي وش صار امس
يسرى:وش صار وش الي قلب حال شذى فجآه وتعبها لدرجة انها راحت المستشفى
ياسر بخوف:وش تقولين شذى بالمستشفى ليه وش فيها
يسرى قالت له السالفه
ياسر قفل الخط وركض ع المستشفى
يسرى:ياسر الو ياسر هذا وينه لايكون بيروح لها يله الله يسهل ارجع اكمل نومي احسن
><
شذى:لا مامي مااشتهيت شي
شهد:معليس منها يله يمه مشينا نجيب فطور من البوفيه الي تحت
شذى:الحين فواز راح البيت
امها:ايه يقول بيروح نوم
شذى:نوم العوافي ياحليله
امها:يله شهد نمشي
شهد:يله
راحو و ياسر دخل عليها وكان منتظر امها و اختها يطلعون علشان ينفذ الي براسه
شذى شهقت يوم شافته
ياسر فك الاجهزه عنها
شذى تصيح بخوف:وش تسوي جاي تذبحني مب كفايه الي سويته فيني حرام عليك ابعد عني ابعد عني
ياسر سحبها مع يدها وقومها من ع السرير وقال بعصبيه:البسي عبايتك وقدامي ولا كلمه
شذى:لا مستحيل اروح معك مستحيل
ياسر بعصبيه:بتمشين غصب عنك يله بسرعه وترى لو جاء احد ماتلومين الا نفسك
شذى بصراخ وتصيح:مو متحركه من هنا لو تذبحني
ياسر عصب :آوووه ولبسها غصب عبايتها وسحبها بيدها لبرى الغرفه وقال:امشي طبيعيه احسن لك
شذى مشت معه و هي خايفه وترتجف ركبو لسياره واتجه لفندق بعيد شوي عن اهلها و اهله
ياسر:يله دنيتي انزلي
شذى تصيح وتترجاه:بعطيك حلالي ومالي كله بس الله يخليك رجعني لأهلي الله يخليك
ياسر نزل وراح لم بابها وفتحها ومسك يديها بحنان وقال:انا مابي فلوس مابي شي من هالدنيا غيرك ياعمري وسحبها و نزلها من السياره وشذى مو مصدقه الي تسمعه مو مستوعبه وصارت تمشي بدون وعي
ياسر حجز لهم جناح بالفندق وطلعو له
شذى استوعبت الي يصير وقفت عند باب الجناح
ياسر:ادخلي قلبي وش فيك وقفتي
شذى بخوف وتصيح:الله يخليك الله يخليك رجعني لأهلي الله يخليك
ياسر يتعذب من داخله بس غصب داس ع العذاب ودخلها جو الجناح غصب عنها
شذى حست بدوار اول مادخلت وبتعب مسكت يد ياسر وماامداها تتسند عليه طاحت ع الارض واغمى عليه
ياسر بخوف:شذى شذى قلبي شذى ردي علي شذى
وشالها وحطها ع السرير وراح يجيب لها دكتور
><
ام راشد دخلت غرفة بنتها وتناظر بااستغراب وتنادي:شذى شذى
وتدور عليها بالحمام ومالقت لها اثر
دخلت شهد وقالت:شذو وسكتت يوم ماشافت شذى
ام راشد:بسم الله هذي و ين راحت
شهد:غريبه و ين بتروح يمكن خذوها يسون لها اشعه او تحليل
ام راشد:يمكن تعالي نسأل
شهد:مشينا
راحو وسألو الممرضات وقالو لهم انهم لاخذوها ولاشي
شهد:يمكن احد من اخواني جاء وطلعها
ام راشد بدأ الخوف يسيطر عليها وبتوتر:لا مستحيل حتى لو كان احد اخوانك كان دق وقال لنا
شهد:طيب خلني ادق ع راشد واشوف
امها:بسرعه يمه
شهد دقت ورد عليها
راشد:هلا
شهد:انت وين
راشد:بالشركه يعني و ين بكون يالخبله
شهد:طيب تعال المستشفى
راشد:شي ظروري
شهد:اكثر من ظروري
راشد:اوك مسافة الطريق
شهد:اوك
><
|