راشد:ماجد قلي وش اسوي
ماجد:وافق انت ماتذكر وش صار كل واحد فيهم مستعد يموت عشان الثاني وافق ولاتكون السبب بحزن اختك وصديقك وابوي مات وارتاح الله يرحمه لاتعذب قلوبهم اكثر
راشد:انت تشوف كذا
ماجد:ايه
راشد:بس هذي وصيه
ماجد:بس اذا مانفذتها يمكن يروحون فيها وانا متأكد انك لو تروح الحين لشذى بتلقى نفسيتها زفت زفت
راشد:خلاص بدق عليه بكره واقوله يجي واهله يخطبونها
ماجد:ايه خلك عاقل مثل ماعرفتك يله عاد ترى سهرنا واجد تصبح ع خير
راشد:وانت من اهله وانسدح و نام وباله مرتاح
><
شهد:يمه ترى شذو مب رايحه
امها:ليه عسى ماشر
شهد:تقول مالها نفس
راشد:خلوها انا عارف وش فيها
امه:وش فيها
راشد:ساعات و بتعرفين
ماجد:يله ترى الساعه٧الا عشر دقايق انتي واخوك ماودكم تتحركون
شهد:انا جاهزه بس فوازوه مدري وينه
فواز ينزل من الدرج و يركض:يله انا جاهز
><
شذى دق جوالها بنغمة رساله وفتحتها:{صباح الخير يااجمل صباحاتي}
شذى ابتسمت ودقت عليه
ياسر:هلا بنور الكون
شذى:هلا بحياتي صباح النور يااحلى صباح
ياسر:ياروح ياسر وش اخبارك
شذى بحزن:زينه ماشي الحال
ياسر:يامتعبني
شذى:انا
ياسر:ايه وذابحتني
شذى:ليه قلبي
ياسر:نبرة الحزن بصوتك مجننتني وذابحتني وتاعبتني
شذى:طيب كيف اغيرها وانا كل ماجيت بفرح ترجع غصب عني انا تعبانه و نفسيتي زفت
ياسر:افا تتعبين وقلبك حولك زعلتيني
شذى:ياروح شذى لاتزعل مقدر ع زعلك
ياسر:ابي اطلب منك طلب تنفذينه
شذى:آمرني لو على روحي
ياسر:فديت روحك ياروحي ارجوك حاولي تضحكين وتنسين وثقي برب العالمين لان اكيد بيجمعنا لأنا دعيناه ورب العباد يستجيب دعوة عبده لو بعد سنين طو يله
شذى:انا ثقتي برب العالمين قويه
ياسر:اوك عمري اخليك بروح لدوام
شذى:اوك عمري حافظك ربي
ياسر:بحفظ الرحمن
شذى:انتبه لعمرك
ياسر:من عيوني ياعيوني
><
داليا ماراحت الجامعه وجالسه تفكر بسالم وتقول بنفسها سبحان الله معقول اول ماادخل المجلس احس براحه اكيد مثل ماقالت شذو الخيره في مااختاره رب العالمين سبحان الله دخلت بنفسيه وطلعت بنفسيه الحمدالله يارب الحمدالله انك عوضتني بواحد طيبة قلبه مالها مثيل الحمدالله الحمدالله
><
الساعه٩صباحا
المكان:شركة ابوراشد
ماجد:دق عليه يله فرحه مسكين
راشد:اوك ودق على ياسر
ياسر استغرب ان راشد دق عليه وماكان وده يرد بس جت شذى في باله وتوقع انها كلمته وحاولت معه ورد
راشد:هلا ياسر
ياسر:آهليين
راشد:تقدر تجيني الشركه عندي لك خبر يسوى الدنيا ومافيها
ياسر:شوقتني وشو
راشد:انت تعال وانا بقولك
ياسر:اوك مسافه الطريق
راشد:اوك في انتظارك وقفل
ماجد:تدري متشوق اشوف وجيهم بعد هالخبر احس اني بصيح
راشد:ياهوووه ياحساس
ماجد:والله صدق و نزلت دمعه
راشد:بس لاتخليني ابكي
ماجد مسح دمعته وقال:والله يرحمون بصراحه
راشد ماسك نفسه بالقوه:بتسكت ولا اطلع
ماجد:خلاص خلاص كمل شرح
راشد:اوك
><
شذى: اوف طفشت من الجدران انزل تحت بالحديقه احسن وخذت جوالها معها
نزلت تحت وجلست جنب الورود الي بحديقتهم وقطفت ورده حمراء وسرحت بخيالها دق جوالها وصحاها شذى شافت رقم داليا واستغربت وردت
داليا:هلا
شذى:اهلين
داليا:كيفك
شذى:الحمدالله كيفك انتي
داليا:بخير يسرك الحال انت بالجامعه
شذى:لا والله مارحت
داليا:يالقلوده خير تقلدين
شذى ضحكت وقالت:اقول ظفي وجهك
داليا ضحكت وقال:اوك بظف وجهي يله سلام
شذى:هيه وين رايحه وش كنتي تبين
داليا:كنت بسألك عن المحاظرات بدو او لا
شذى:وين تو هم مبكره انتي
داليا:توقعت كل يوم لهم موعد مالت عليهم يله عاد عطيتك وجه
شذى:لا الحين من الي معطيك وجه انتي الي داقه يالخبلا
داليا ضحكت وقالت:يله بس بروح اخمد
شذى:اوك خمدت العوافي
داليا:ههههاااااي يله سلام
شذى:سلام
><
راشد:هلا تو مانورت الشركه
ياسر:النور نورك
ماجد:وش اخبارك يالدب وينك ساحب علينا
ياسر:مشغول بهالدنيا الله يعين
راشد:تبي تعرف الخبر شكل ماودك
ياسر:اكيد ابي اعرف وشو
راشد:وافقت انك تأخذ شذى
ياسر مو مصدق الي يسمعه:عد وش قلت
ماجد نزلت دموعه علطول وطلع
ياسر:انت متأكد من موافقتك واخيرا بأخذ شذى واخيرا
راشد ماسك نفسه:ايه
ياسر بفرحه مب سايعته:يعني خلاص بأخذها واخيرا الحمدالله الحمدالله يارب الحمدالله
راشد:الحمدالله
ياسر:اقدر ابلغها انا هالخبر الله يخليك انا ببلغها ولا هي تعرف بهالخبر
راشد:لا ماتعرف واوك غالي والطلب رخيص
ياسر:الحين نروح لها
راشد:وش فيك مستعجل
ياسر:مب مصدق
راشد:اوك مشينا
ياسر بفرح:يله يله
طلعو من المكتب
ماجد:ع وين
راشد:بنروح البيت نبلغ شذى بهالخبر السعيد وبنرجع
ماجد:خذوني معكم
ياسر:يله امشو بسرعه
ماجد وراشد ضحكو عليه :يله مشينا يالمستعجل
><
شذى كانت جالسه بمحلها ومسكره عيونها وكانت دموعها سيول وسرحانه
وصلو اخوانها ودخلو و هي ماحست فيهم
ياسر شافها وناظر اخوانها
راشد:رح لها خلاص بتصير زوجتك
ياسر قرب من عندها ومسح دموعها ومسك يديها
شذى استغربت ذا الي مسح دموعها ومسك يديها وفتحت عيونها وتناظر فيه بصدمه ومو مستوعبه الي قدامها ومسكت يديه وظغطت عليها
يتبع
|