منتديات قصايد ليل - عرض مشاركة واحدة

07-13-2011

الجـــزء الثـاني~~

احمد:ياهووووووووه وش فيك
(ياسر مب معبر احد ولاكأن احد يكلمه اصلن مب معهم)
احمد يناظر الشله ويناظر ياسر ويقول: صاحبكم وش فيه
زيد:اتركه هو بحالة شوق و هيمان (وضحك
سعد:اوف يحب وهو متزوج لا الولد مخربها
زيد:يالخبل هو يحب زوجته وشكله اشتاق لها هههه
ياسر كان يسمعهم بس باله ابدا ماكان معهم
احمد دزه :ياواد اش بك
ياسر انتبه:نعم خير
الشباب ضحكو
ياسر:ياهوه وش فيكم
زيد:سلامتك ههههه
><
دانه:اوف مابغينا نجي للبحر
بدر:الحمد الله اول مره تشوف بحر
فواز:هههااااي الله يقطع شرك امش خلنا نروح نتمشى
بدر:اصبر يمه ابي فلوس
امه:رح لأبوك وخله يعطيك ويعطيني لخواتك نسيت اقوله يعطيني والمره ثانيه اذا قالو لكم اخوانكم شي سووه
بدر:طيب وراح هو وفواز
داليا:يله بنات قومو خلونا نمشي
امها:تونا جالسين اصبرو شوي
شذى:يمه لاحقين ع الجلسه
ام نايف:زين روحو بس لاتبعدون
شهد:اوك خالتو
دانه:اصبرو لين يجي بدير بالفلوس
داليا:مصدقه إنك بتشترين شي امشي بس
دانه:ولو مااعرف امشي بدون فلوس
شهد:انا معي اذا احتجتي بعطيك واذا رجعنا عطينيها بس قومي يالدبه
دانه:قامت وراحو
شهد:يله إنا بنروح انا ودانه عندنا اسرار
شذى:ياهوه البزارين صار عندهم اسرار ضفو وجيهكم وبعد اريح لنا
شهد ودانه تقدمو وراحو يتمشون
شذى:دودو تعالي ابي اجلس قدام البحر
داليا:وش عندها الرومنسيه ههههه تشوفين ذاك الي واقف عند البحر روحي صفي جنبه هههاااااي
شذى:لايكثر انتي وخشتك
داليا:امشي نجلس بذيك الجلسه قبل ماتنشطف
شذى :امشي هههه
جلسو وشذى حست بشعور هادي وبشي يجذبها تناظر الشخص الي كان واقف قبال البحر و يناظر للبحر بعمق
داليا:آه يازين البحر
شذى تمت تطالع فيه ولا انتبهت لداليا
داليا تناظر فيها وتناظر لاتجاه عيونها الي كانت متهجه لشخص الي واقف قبال البحر داليا استغربت وقالت:هيه حرقتيه بعيونك
شذى انتبهت:حاسه بشي يجذبني له
داليا:قومي بس لايكثر مشتهيه ذره
شذى: شهيتيني اوك امشي

راحو و شرو لهم ذره وكملو تمشيه
><
شهد:وش سويتي مع المنتدى الي قلت لك
دانه:حلو وناسه يازين الروايات الي فيه تهبل
شهد:طيب انتي سجلتي فيه
دانه:لا بس بسجل اذا رجعنا الشقه
شهد:جبتي لاب توبك
دانه:ايه جايبته
شهد:والله انك فاضيه
دخل تركي عليهم وقال:اي والله فاظيه
دانه:بسم الله وش تبي انت وجهك
ماجد:عطهم فلوسهم لاينشبولك بالأسئله
تركي:هاهاها اوك دانوه خذي وعطي اختك مو تأخذينها كلها لك
دانه:وش شايفني حراميه
ماجد:ايه هاهاهاها
شهد:يله ضفو وجيهكم نبي نكمل سواليفنا
ماجد:اذوب انا عند سواليفكم
شهد بتأفف سحبت دانه ومشو
تركي يضحك وقال:والله ان اختك ذي فلتيين هههه
ماجد ضحك ومشو

نرجع لشذى وداليا:
داليا:عسى ماضاعو ذا الدبش
شذى:ههه لاتخافين عليهم
داليا:يمكن شهوده لكن اختي خوافه وصيوحه
شذى:ياحليلها امشي لين حسينا ان الوقت تأخر دقينا وسألنا وينهم امشي بس خلينا نوسع صدورنا وخليهم على جنب
داليا وقفت بمكانها وتناظر بصدمه
شذى:بسم الله وش فيك
داليا :شوفي من جاي من بعيد
شذى ناظرت ولا شافت شي مستنكر شوي دققت بالناس وطاحت الذره من يدها من قوة الصدمه
ياسر انتبه لهم واستغرب نظراتهم له وقف يتابعهم بصمت
شذى خانقتها العبره وبصوت شوي مسوع:ياسر
ياسر:سمع اسمه واستغرب وصار يناظر بعيونها
شذى تناظره وعيونها دمعت
ياسر ناظر في عيونها حس انها تدمع لانها صارت تلمع
داليا حست بالخطر والناس تمت تطالعهم سحبت شذى وراحو لمكانهم الاول الي شافو فيه الشخص الي واقف قبال البحر
شذى بصدمه وألم:انا مو مصدقه الي تو صار ياسر لا مو معقول اكيد انا احلم
داليا بحده:شذى وش قلنا مو قلنا ننسى الي جرحنا ولا نحاول نفكر فيه
شذى ناظرتها بهدوء و ناظرت للبحر
ياسر رجع لمكانه وقف قبال البحر
شذى ناظرته وعيونها صارت شلال من الدموع
داليا:اوف هذا وش فيه ناشب لنا
قومي خلينا نغير مكانا
شذى تمت تطالع فيه ولا منتبه لها
داليا بصوت عالي:اوووف شذو وبعدين
ياسر انتبه للاسم لانه ماكان بعيد عنهم كثير ولف لهم
شذى:خليني شوي وبقوم ورفعت عيونها وصدفت عيونه
ياسربنفسه معقوله تكون شذى حياتي وقلبي لا مستحيل
داليا ناظرت له وشافت عيونهم ملتقيه بعيون بعض
داليا لفت وجه شذى لها وقالت:ترى اذا ماقمتي بروح وبخليك
شذى:ابي ارجع لمكانا
داليا بعصبيه وبقهر:طيب يله
شذى قامت وناظرت له ولفت عيونها ومشت
ياسر مشى وراها بدون وعي لما وصلوا عند اهلهم رجع لمكانه وهو يسوي هالشي و مب حاس في نفسه
دق جواله خلاه يصحى من الحلم الواقعي
ياسر:هلا
زيد:وينك يله بنروح نركب السفينه بتجي معنا
ياسر:لا روحو انتم انا بأخذ سيارتي وبرجع لشقه
زيد:هيه وش فيك اليوم
ياسر:مافيني شي يله سلام
زيد:يله سلام وحط ببالك اني اذا رجعت بعرف وش فيك
ياسر يبي يصرفه وقال:اوك
><
ام راشد:غريبه وش عندكم رجعتو

داليا تناظر شذى بقهر وقالت:تعبنا والناس زحمه وشباب ماقدرنا نأخذ راحتنا
ام نايف:وين الباقي
داليا:راحو يتمشون يقولون مب راجعين معكم ارجعو لحالكم
شذى:يمه وين جوا لي مب معك
امها:لا مب في شنطتس
شذى:لا شكلي نسيته بالسياره يووه مشوار اروح اجيبه
داليا:روحي بلى عجز
شذى قامت وقالت:قومي مب رايحه معي
داليا:لاتحلمين السيارات بعيده روحي بلحالك
شذى:كلي تبن بس يالدبه بروح بلحالي والله يعيني
شذى تمشي وتفكيرها ابدأ مو مع الناس كل تفكيرها بياسر وكل الاسئله الي تدور براسها وتبي لها اجوبه وصلت للسيارات وماحست بنفسها ولاحست انها وصلت من التفكير ماحسسها بنفسها الا يوم اصطدمت بشخص من الناس
شذى بحياء قالت:اس ورفعت عيونها ومن الصدمه سكتت
ياسر ماكان حاس بالدنيا مثل حالتها وقال <يبي يروح لسياره بسرعه >:ماصار شي ومشى
شذى وقفت مكانها ومو مستوعبه الي يصير
ياسر لاحظ جمودها بمكانها ولف لها
شذى لفت والتقت فيه
ياسر ناظرها بنظرات استغراب
شذى حاولت تصرف نظرها وجلست تدور على سيارة ماجد تبي تحسسه ان مافيه شي علشان يروح لان المكان بعيد وهاديء وخافت هي وراحت لسياره وطلعت المفتاح وفتحتها وخذت جوالها وقفلت السياره ومشت
ياسر كان متابع كل حركاتها وارتباكها وحس انها هي نفسها الي شافها اليوم مرتين وخلته مو حاس بنفسه ولا بلي حوله
شذى مرت عنده بشكل سريع علشان ترجع لأهلها
ياسر بصوت هاديء:شذى

انتهى الجزء الثاني