رن جرس شقة ابو راشد
ابو راشد:اكيد عمكم وصل ادخلو داخل
البنات وامهم دخلو داخل
وفتح فواز الباب واول واحد دخل بدر
فواز:هلا بدوري أخبارك؟
بدر:هلا فوازو الحمدالله اخبارك؟
ودخلو الباقي وسلام وازعاج والحريم دخلو داخل عند الحريم وسلام وش الاخبار وازعاج وسواليف لازم حريم
شذى:هيه شهدوه عطيني سوسو مامليتي
شهد:لا بعدين مسكت خدودها وقبصتها يازين ذا الدبه والله ياقلبي عليها
سوسو عورها تقبيص شهد وصاحت
شذى خذتها من اختها وقالت:وجع صيحتي البنيه خلاص خلاص يالدبه وخذت شكولاتا وعطتها وسكتت وخلتها بحظنها
داليا:يلا متى بنطلع للبحر
ام راشد:تقهوو وعينو من الله خير لاحقين
شهد:يله عاد طفشنا من جينا وانا بالشقه
شذى:اوم النصب الي عندك وامس الليل لين الصبح وين كنا فيه
دانه:يله عاد نبي نطلع
ام نايف:الحين كن معنا سيارات دقو على اخوانكم شوفو وش يقولون
شذى ضحكت وقالت:قويه خالتو كنك زبدتي لنا
ام نايف ماسكه راسها:صجيتو راسي الله يصلحكم
ام راشد :امين زين ماشفتي شهد العصر ادوختني
البنات ضحكو وسوسو معهم
ام راشد ضحكت عشان سوسو تصفق وتضحك وقالت:جعلس ماتصيرين مثلهم
ام نايف:آمييين
شذى: خلاص بدق على رشود
دقت ورد علطول وقال:بعدالعشاء لاتحرصون
شذى:ههههه كنك داري خلاص اجل بنجهز يله سلام
شهد:وش قال
شذى:يقول تجهزو بعد صلاة العشاء بنطلع
البنات:ياااهووووه
داليا:يله يله خلونا نصلي ونجهز
البنات:يله
ام نايف:عساه خير ذا البحر من جت العطله وانتم صاجينا عنده
ام راشد:آمين ياوخيتي
><
ام ياسر:هلا يمي
يسرى:هلا سمعت انكم بتروحون معنا الله يجزاك خير يلي اقنعت امي
ام ياسر تضحك:ياحليلس يابنيتي هذي مرت اخوس هي الي اقنعتني
يسرى:ياسلام عليها وينها هي
ام ياسر:ترتب اغراضنا تدرين يابنيتي مابقى وقت
يسرى:يمه ترى انا و ثامر بنمركم لاتدقون على احد
ام ياسر:بس خاف نثقل عليكم
يسرى:هااااوو يمه وش ذا الكلام يمه لو يسمعك ثامر ان يقلب الدنيا
ام ياسر:اجل خلاص يمي ع خير ان شاء الله
يسرى:اخليك يمه الحين وراي شغل تعرفين السفر وزحمته
ام ياسر:زين يمه بحفظ الرحمن
يسرى:حافظك ربي
><
راشد:جهزتو ولا توكم
شذى:ايه نحتريكم
راشد:ليه مانزلتو وش تحترون ماجوكم فواز وبدر وقالو لكم تنزلون
شذى:لا جاهزين وبعباياتنا عندالباب لاأحد جانا ولا شفنا احد
راشد:اجل ذا الثنين وين ذلفو يله انزلو تاخرنا وش ذا الطلعه
شذى:يله نازلين سلام
داليا:هاه وش قال
شذى:يله انزلو هم تحت من ساعه موصين الدبش ولا قالو لنا
دانه:اكيد بدير وفوازوه
شذى:ومن غيرهم دبش
ام نايف:ذا الثنين اذا اجتمعو لاتكلمونهم يله ننزل قبل مايشبون فينا
نزلو وتحت
وسلمو البنات بنات ابو نايف ع ابو راشد وبنات ابوراشد ع ابو نايف وتوزعو بالسيارات
سيارة راشد
معه ابو راشد و نايف و ام راشد وام نايف وسوسو والدبش >هههه
وسيارة ماجد
معه تركي وابو نايف والبنات
واتجهو للبحر
سيارة راشد دار فيها الحوار التالي:
نايف:ثقلنا عليكم المفروض شحنا سيارتنا قبل يوم السفر بيوم
ابو راشد: مابه فرق ياوليدي والحمدالله السيارات وسيعه وتأخذ
نايف:ولو ياعمي سيارة ماجد صغيره احس انهم متزاحمين فيها يله ان شاء الله المره ثانيه مب متكرره
راشد:لايكثر انت وخشتك انزل هذا البحر مابه بعد بينه وبين الفندق مب ضارتهم الزحمه
نايف:ياحليك يارويشد ههههه
ام راشد:عاد وين بتجلسونا فيه الكورنيش مليان يالله انك تعين
ابو راشد:وش ذا الزحمه
نايف:علشان تأخرنا شوفو الساعه كم
بدر:لاتقولون بنرجع الفندق
فواز عصب:كل مره تسون فينا كذا
ام نايف :الله يصلحكم الحمدالله شوفو ذاك المكان مافيه احد روحوله قبل محد يأخذه
بدر:يله انا وفواز بنزل نحجزه في ما تلقون مواقف للسيارات
نايف:اوك
><
في نفس الكورنيش كان جالس ياسر وربعه
ياسر كان يطالع للبحر وسرحان وفيه دموع متحجره بعيونه
تم الجزء الاول
|