ملاك اول مادخلت للغرفه وااااو وش ذا الغرفه جناح كامل
كانت الغرفه مررره كبيره والسرير مو كفي 2 ولا 3 لا كان مررره كبير يكفي كل الي في البيت ودائري كانت الغرفه مره حلوه
ملاك دخلت الحمام تبي تفتك من الخدم الي حوليها
اول مادخلت الحمام وانتم بكرامه طاحت على الارض وصار تصيح
ملاك: فيصل بيروح فيصل مات...ااااه يا فيصل ....والله روحي ترخص لك والله عمري كله مايغلى عليك.... اااااه يافيصل .....شوف ملاك وش صار فيها...شوف من دونك انا مااسوى شي...ااااه
وصارت تبكي من قلبها ولحالها
ملاك: والله ان رحت يافيصل لالحقك....ولا راح يطب فمي شي الين اشوفك
قامت وغسلت وجهها وطلعت وجلست في البلكونه
صارت الساعه 1 بالليل وملاك مثل ماهي بس دموعها تنزل وتمسحها لا قامت ولا تحركت
الا شوي دخل جوش
جوش: مساء الخير انجل
ملاك مانظرت فيه حتى
اشر للخدم يحطون الاكل قدامها
ملاك ناظرت في الاكل ولفت وجهها وصارت تناظربالسماء الي مزينها القمر والنجوم
جوش: ماتبين تاكلين
انجل: لا شكرا
جوش: ليش
انجل بحده: بكيفي ماابغى
جوش: طيب انا عندي لك عرض وش رايك اعطيك الي تبينه الي تبينه بشرط تتركين جونثن و...
انجل: ماابي منك شي
جوش: ايش؟؟
انجل: قلت ماابي منك شي
جوش: احسن وشلوا الكل موتي من الجوع ومصيرك راجعه لي
ملاك: في احلامك يالتبن
جوش: وشو؟؟
ملاك ناظرت فيه بحتقار ولفت وجها عنه
هو عصب وطلع
ملاك نزلت منها دمعه: فيصل وش اخبارك اللحين ؟؟؟يالله عساك بخير؟؟
*************************************
فيصل للحين بغرفة العمليات
وبعد 12 ساعه طلعت إيفا
منيره: إيفا طمنيني
إيفا: نجحت العمليه
نوره: ليش طولتوا؟؟
إيفا: لان فيصل ماتخدر بسهوله كم مره كان بيموت والسبه عقله
انجلا: كيف يعني؟؟
إيفا: عقله فيه نشاط زايد يخليه ماينام ولا يتخدر بسهوله؟؟؟بس نجحت العمليه وبصعوبه
منيره: ملاك اكيد يانوره ملاك يفكر بملاك
نوره: ياربي ملاك وفيصل الله العالم وش بيصير بعدين يارب تحفظ ملاك لفيصل وترجعها يارب
انجلا ومنيره: يارب
***********************************
: يمه يمه
: لبيه
: يمه انا خايفه على ملاك
ام سام: وليش يابنيتي ؟؟؟
سام: لي يومين وانا ادق عليها طول الوقت وجوالها مقفل وهند تدق وجود بعد الكل يدق وعبود وابوي والكل يعطي مقفل
ام سام: حتى انا دقيت وعطاني مقفل ..بسم الله على بنيتي ان شاء الله مايكون فيها الا العافيه
سام بخوف: ان شاء الله
ام سام: الا وش اخبار عبود؟؟
سام: معليه رايح لباريس كيف ماينبسط اكيد مستانس
ام سام: الله يرجعه سالم ويرجع اختك سالمة غانمه
سام: اميييين
*********************************
: عبد الله الا قلي متى بتتزوج
عبود : بعدين بعدين
عزوز: انا أمي تبي تخطب بنت عمي ..لازم يكون زواجنا بيوم واحد
عبود: يصير خير يصير خير
عزوز: شف شف ...اووووف ياحلوها
عبود على طول لف
لقى وحده ياحلاتها جالسه مع صديقتها ويتكلمون
عزوز: ماشاء الله ياحلاتها ...مزيونه
عبود: انا اشهد
عزوز: تعال وين رايح؟؟
عبود راح عندها فيه شي شده لها
عبود بالفرنسي: مرحبا
البنت (بالاي): سوري مااتكلم فرنسي
عبود: اجل مساء الخير
البنت 2: مساء النور
عبود: اسف على الازعاج والتطفل بس ممكن اعرف اسمك
البنت 2: من انا ولا هي؟؟
عبود: معليش بس هي ؟؟لانها تذكرني بوحده!!
البنت 2: تذكرك بمين؟؟
عبود ابتسم: تذكرني بوحده..بالاصح شفايفها تذكرني بشفايف وحده اعرفها
البنت2: شفايفها؟؟
عبود: ايه..لاني انا اصلا ماشفت الا شفايفها وسمعت نبرة صوتها الهاديه الخجوله
البنت 2: وش اسمها؟؟
عبود: اسمها جود
الا شوي ومن بعيد
: جووووووووووووووووووووووود وفاااااااااااااااا تعالوا
عبود قعد يطالع فيها وهو متفاجئ
عبود: جود
جود ايه كانت جود
جود وجهها احممممممممر ودموعها صارت تنزل راحت ركض ووفا لحقتها
عبود ضحك بصوت عالي
عزوز: وش فيك؟؟؟خليت البنات ينحاشون؟؟؟
عبود: يوووه...يلعن ابو الغباء الي فيني
عزوز: من زمان بس ليه؟؟
عبود: لا والله البنت تذكرني بوحده وقلت لها وطلعت نفسها
عزوز: نفس البنت
عبود صار يضحك: ايه نفسها
عزوز: معجبتك
عبود: تبي الصراحه
عزوز: اكيد انا صديقك ولا نسيت
عبود: لا مانسيت وهي اعتبرها اختي هي حلوه وطيبه وخلوقه بس مدري ...احس ماتصلح لي
عزوز: وليش؟؟
عبود: مدري
وراحوا يتمشون
وفا: جووووود وش فيك؟؟؟ليشتبكين؟؟؟
جود: هذا عبد الله يا وفا عبدالله
وفا مصدومه: عبووووود
جود: ايه
وفا: اووووف اوووف يتذكرك بشفايفك الي شافهم مره وحده ....من جد خطير قنييييييييص
جود: قلبي يعورني
وفا: بسم الله عليك...عادي انا كنت كذا اذا شفت اخوك ولا سمعت صوته ولا طاريه
جود بحزن: اخوي
وفا: ايه ..ليش فيصل فيه شي؟؟؟
جود: مدري
وفا: وشلون ماتدرين؟؟؟؟
جود: ادق عليه يرن ومحد يرد وادق على ملاك مغلق ودقيت على سام قالت لي نفس الكلام
وفا: وش قصدك؟؟
جود: قصدي اننا ماندري عنهم شي؟؟؟ولا وش فيهم طيبين و لا حيين ولا مييتين؟؟؟؟
وفا: بسم الله عليهم ..تعوذي من ابليس
جود: اعوذ بالله من الشياطن الرجيم
وفا: طيب ليه ماتروحون لهم
جود: بنروح لهم بس امي خايفه ماتلقاهم
وفا: طيب دقي اللحين ..ان شاء الله يرد
جود: واذا مارد
وفا: ان شاء الله بيرد
جود: طيب
ودقت
رن
ورن
ورن
جود: شكله ماراح يرد
وكانت بتسكر
: الو
جود بلهفه: الو فيصل وينك؟؟؟...تعبت وانا ادق عليك؟؟؟
: الو انا مو فيصل انتي مين ؟؟
جود مستغربه: مين انتي ؟؟وين فيصل؟؟وين ملاك؟؟
: بالاول انتي مين مكتوب بالجوال من دونك مااسوى
جود: والله
: ايه بس من انتي؟؟؟
جود: انا اخته جود
: جوووووود .... جود انا منيره ياجود صديقة ملاك وفيصل
جود: طيب يا منيره وين ملاك وفيصل؟؟
منيره: جود تعالوا تعالوا
جود: منيره وش صاير؟؟
منيره: ملاك مالقيناها ...وفيصل في غيبوبه
جود: وشووووووووو؟؟
وفا شهقت
جود: ليه وش صار؟؟وش فيكم؟؟
منيره: تعالوا وتفهمون كل شي!!!
جود: .....
منيره: باي
وسكرت
جود: ف..ف..فيصل في ..غي..غيبوبه
وفا: مااصدق امشي نروح نقول لهم
جود: هم بالفندق
وفا: ايه امشي بسرعه
جود: حاسه الارض تدور
وفا بصياح: جوووووود
جود طاحت
عبود لف لمصدر الصوت
لقى جود طايحه
وراح ركض عندها
عبود: جود جود..وش فيها؟؟
عزوز لحقه
عزوز: عبود وش فيها؟؟
عبود: مدري
وفا: فيصل ..طاحت بسبت فيصل وملاك
وفا كانت منهاره
وماتقدر تمشي
عبود شال جود وعزوز ساعد وفا
عزوز: خليني اشيلك
وفا: لا والله اقدر امشي لحالي
وماقدرت تمشي ساعدها عزوز
ماسكها مع خصرها وشوي شوي شالها
وهي استحت بس سكتت وفا: يابن الحلال نزلني انا قدر امشي
عزوز: لا اخاف تطيحين مره ثاني ..خليني امرن عضلاتي بعد
وفا: ليش شايفني دبه
عزوز سكت وابتسم ولا رد عليها
لين ماراح لكرسي بالحديقه
عبود: جود جود
جود: ف..فيصل
عبود: قومي قولي لي وش السالفه؟؟
جود فتحت عيونها بصعوبه : ع..عبود
عبود: ايه وش في ملاك؟؟
جود قامت مفجوعه: فيصل وملاك؟؟
عبود: وش فيهم؟؟
جود: ملاك مالقوها وفيصل في غيبوبه
عبود: مالقوها ..يعني وشلووون؟؟
جود: مادري مادري
عزوز: اخ تعبت
وفا: نزلني
عزوز نزلها
عزوز: وش السالفه عبود؟؟
عبود: ملاك ؟؟
وراح ركض
عزوز: عبووود
ولحقه
جود: قومي مشينا لامي بسرعه
وفا: هاه
عزوز: باي فوفو
وفا: باي
جود: امشي
وسحبتها وراحوا ركض لامهم
جود: يماااه
ام جود: وش فيك؟؟
جود: يمه...يمه فيصل في غيبوبه
ام جود: وشو؟؟؟؟
وفا: وملاك مالقوها
ام جود: ولدي
ابو جود: مشينا بسرعه على اول طياره؟؟
************************************
نوره: مين هذي؟؟
منيره:جود اخت فيصل
نوره: قلتي لها
منيره: اكيد لنا.... اسبوع ماندري عن ملاك وفيصل بغيبوبه...ااااه بس
نوره: الحمد الله
الا شوي جاك جى
منيره: هاه جاك ؟؟
جاك هز راسه بنفي
نوره: ولا خبر
جاك: كان انجل ذابت... مالها ولا اثر
نوره: لا حل ولا قوة الا بالله
انجلا: جاك..متى دادي بيقوم؟؟
جاك سكت وضمها
جاك: قريب قريب ان شاء الله
************************************
كريس: حرام عليك..البنت لها اسبوع ماكلت شي
جوش: احسن
كريس: بس تشرب مويه
جوش: تعيش
كريس: كاس واحد في اليوم
جوش: بكيفها
كريس: انت عنيد وهي مافي اعند منها
جوش: اوووف كريس وش فيك؟؟
كريس: امش نشوفها
جوش: طيب تمش
وراحوا
طق كريس الباب ومحد فتح
جوش: ليش تطق؟؟افتح الباب؟؟
فتحوه
لقوا ملاك طايحه على الارض
كريس: انجل
وراح ركض عندها وجوش بعد
كريس: امش نوديها المستشفى
جوش: لا
كريس: لا؟؟؟..ليش لا؟؟
جوش: نجيب المستشفى عندها ...روح خل الدكتور يجي
كريس : طيب
وراح ركض
جوش شال ملاك وحطها على السري
جوش: انجل انجل
وصاريضرب خدها بخفيف
ملاك بصعوبه ومن غير وعي: فيصل..فيصل
جوش رحمها تنادي فيصل وهي تعبانه ومافيها حيل
الا شوي جى كريس ومعه الدكتور
كريس: شوفها يادكتور
10 دقايق الا الدكتور طالع من الجناح
جوش: دكتور وش فيها
كريس: هي بخير
الدكتور: أيه ...بس شكلها ماكانت تاكل لانها كانت حتموت لو ما عطيتها المغذي وهذا مو زين لها ولا للي ببطنها
كريس و جوش مصدومين: حامل
الدكتور: إيه لها تقريبا 3 اسابيع
جوش: شكرا دكتور
الدكتور: العفو
وراح
كريس: جوش
جوش اشر له يسكت وصار يفكر
جوش: حامل..حامل!!!
كريس: خلها تروح ..حرام عليك خل الولد يكبر بين حضن امه وابوه
جوش: طيب
كريس فرحان: اوديها لجون..
جوش قاطعه وبعصبيه: جونثن لا...راح اوديها بشقه لحالها وهي تدبر نفسها
كريس:بس هي ماتعرف شي
جوش: هذا مو شغلي ...ولا شغلك ياويلك ياكريس لو قربت منها وساعتها فاهم
كريس: بس...
جوش: كريس
كريس: فاهم فاهم
خذو ملاك وودوها لمكان إلي قاله جوش
**************************************
عزوز: عبود فهمني وش السالفه؟؟
عبود: ملاك ملاك روحي مالقوها
عزوز: يعني وشلون؟؟
عبود: مدري مدري
عزوز: طيب دق افهم وش السالفه
عبود: ادق بس هي ماترد
عزوز: وجوال فيصل
عبود:فيصل
عزوز: إيه يالخبل
عبود: اظن أن مره ملاك دقت علي منه ..لحظه
ودور بالجوال لين لقاه
عبود: هذا هو
عزوز: دق دق
عبود: طيب
ودق
رن
ورن
ورن
عبود: رد رد أي احد يرد
: الو
عبود: الو مين انتي؟؟
: أنت إلي مين؟؟
عبود: نوره ولا منيره
:لا أنا نوره مين؟؟
عبود: نوره أنا عبد الله
نوره قلبها صار يدق بسرعه وتلخبطت
عبود: نوره وش السالفه؟؟ظ ملاك وش فيها
نوره: عبد الله ملاك لها اسبوع مو لاقينها دورنا عليها بس مافي فايده
عبود: أنا جايكم اللحين
نوره: اللحين
عبود: أنا بفرنسا واول طياره لعندكم انتم باي مستشفى؟؟
نوره: بمستشفى............
عبود: جايكم
نوره: اوكي بس لا تتاخر
عبود: باي
نوره:باي
وتبنجت
جات منيره
منيره: نوره نوره
نوره: ....
منيره: نوره
نوره: هاه هاه
منيره: وش فيه وجهك احمر؟؟؟
ومسكت راسها
منيره: وش ذا الحراره ؟؟...بنت وش فيك فيك شي؟؟
نوره : لالا مافيني شي
منيره: من إلي كلم
نوره بسحى:عبد الله
منيره: هههههههههههههه
نوره معصبه: وش فيك؟؟
منيره: اللحين عرفت ليش خدودك شابه نار
نوره: يقول انه بيجي
منيره: لا يكون درى
نوره: الا درى
منيره: ملاك وينك ياملاك؟؟
**************************************
|