جينيفر كانت تحط الكحل ومن الفجعه مدت زياده صار شكلها يضحك
جينيفر: وشو؟؟
انجلا: وش فيك؟؟حستي نفسك؟؟
جينيفر: من متى؟؟
انجلا: مدري...ويقول اسمها نفس اسمي بس من دون اخرحرف
جينيفر: انجلا...يعني انجل
انجلا ابتسمت
جينيفر: اهاا وهي جايه معه
انجلا: مادري ماقالي شي
الا بنت تفتح الباب
: انجلا ابوك وصل عند البوابه
انجلا: والله يالله انا جايه
*******************************
لحظه قبل لا نتعمق في الاحداث خلونا نعرف عن انجلا ورفيقتها
(انجلا)
بنت فيصل بس مو بنته لانه قبل 3 سنين هو لا قيها طايحه بالشارع ومغمى عليها ووداها للمستشفى ويوم قامت عرف منها انها من ملجاء وانها يتيمه ومنحاشه من ذا الملجئ فراح وتبناها وصرف عليها وهي اللحين بالثانويه العامه يعني كيف تصير بنت فيصل وبينهم اقل من 6 سنوات وهي بمدرسه داخليه طويله ورشيقه يعني الي يشوفها يعطيها اكبر من عمرها والي يشوفها مع فيصل يقول حبيبته وهي بنته... حلوه والي يشوفها مايصدق انها اجنبيه لان ملاحها شرقيه العيون السود الوسيعه وشعرها مو اسود مايل للبني وعلى فكره هي مسلمه عشان كذا محتشمه فيصل هو الي علمها الاسلام والحمد الله اسلمت وهي تحب فيصل على انه ابوها وفيصل يحبها على انها بنته بس ملاك فهمت غلط وجاك هو الوحيد الي يعرف بها الشي وهو يحبها وهي معجبه فيه
(جينيفر)
انسانه طيب وحليله وعسل ومتعاونه بس مع انجلا لكن مع الغير انانيه وشايفه نفسها على الكل وروحها وحياتها فيصل تموت عليه واصلا هي ماصادقة انجلا الا عشانه وتحاول تتقرب منه باي طريقه والمسكينه فيصل هي بالنسبه له مثل انجلا ويتعامل معها عادي بس كل حركه كل ابتسامه هي تفهما غلط
((والمشكله كل بنات المدرسه خاقين عنده مو بس جينيفر والمديره والمدرسات كل وحده ماعندها حبيب وشخص تحبه خاقه عنده))
********************************************
خلونا نكمل وش بيصير
: انجلا ابوك وصل عند البوابه
انجلا: والله يالله انا جايه
ونزلوا
فيصل كان توه عند البوابه
اول ماوقف عند باب المدرسه الطويل العريض
لقى المديره مستقبلته
المديره: اهلا وسهلا بك مستر جونثن
جونثن: هاي..ممكن اشوف انجلا؟؟
المديره: اكيد طبعا تفضل
جونثن: شكرا
ودخل لقى الكل يناظرفيه ويهلل ويرحب وهو مبتسم لهم بس
الا تنزل من الدرج وبسرعه حبيبته انجلا
انجلا: دادي
ونطت ضمتها
وضمها بيد وحده
فيصل: عيون دادي انتي
انجلا: انت لازم تعلمني بعض الكلامات مثل
احبك (قالتها بالعربي)
فيصل ضحك وضحكته سدحت الكل
الا شوي نزلت جينيفر
بدلع ومياعه
فيصل صار يطالع فيها بشمئزاز هو من سنه ماشافها بس يسمع عنها من انجلا
جينيفر بدلع:هاي جون
جونثن ماعطاها وجه: هاي ((قالها ببرود))
انجلا: دادي وين انجل؟؟
فيصل انقلب وجهه
جونثن: ماجات معي...يالله خلينا نروح
انجلا: اوكي بس بجيب شنطتي واجي
جونثن: يالله بسرعه ...استناك برى
انجلا: اوكي
وطلعت ركض لفوق
جونثن بصوت يسمعه الي حولينه : صراحه اشكركم جزيل الشكر لانكم ماحسستوا بنتي انها يتيمه او وحيده واصلا هي مو وحيده دام انا موجود واشكر كل طالبه هنا تعاملت معها بحب وبنيه صافيه وشكرا لكم يالمدرسات انتم رائعات وطبعا ماانسى المديره اكبرشكر لك
الدلوخ قاموا يصفقون
جونثن: اتمنى ان انجلا ماازعجت احد منكم وعلى فكره هذا اخر يوم لها هنا
الكل انصدم
المديره: ليش؟؟
جونثن: باخذها معي .. ياليت تجهزون اغراضها
المديره: بس
جونثن اشر بيده بلا نقاش: اسف اتخذت قراري
وطلع
الكل زعل مو عشان انجلا لانهم ماراح يشوفون فيصل مره ثانيه والكل دخل فصله وارجعوا مثل اول الا وحده
جينيفر
*******************************
انجلا: يوووه وين راحت هذي الشنطه
وصارت تدور عليها
*******************
منيره: هاه ملاك وش رايك؟؟
ملاك: والله مره حلوه وعلى قدكم صاله وغرفه ومطبخ وحمام حلوا تصلح شقة عوانس
منيره: وشو؟؟
نوره: نعم؟؟نعم؟؟
وصاروا يلحقونها يضربونها بالمخدات
منيره: موب عشانك متزوجه صرنا حنا عوانس
ملاك راحت ابتسامتها
والكل سكت
*************************************
فيصل بسيارته وفاتح الشباك
جينيفر بمياعه: جونثن
جونثن: نعم
جينيفر قربت منه وحطت يدها على الشباك ونزلت راسها شوي وبتدخل
فيصل يناظر وفي نفسه: ياليل القلق
جينيفر: واوا سيارة حلوه
جون: ثانكس
جينيفر: جون ليش تاخذ انجلا خلها عندنا
جون: لا خليها قريبه عندي احسن
جينيفر: بس..
وصارت تطالع فيه
وفيصل يطالع فيها مانزل عينه
وهي قاصده حركتها ووقفتها لان صدرها باين وحالتها حاله لو غير فيصل كان راح فيها
وابتسمت ابتسامه تخقق بس ماخققت فيصل
جونثن: جينيفر
جينيفر: نعم
جونثن: انا احتريت
جينيفر فهمتها غلط وابتسمت
الا الشباك يتسكر وخرت جينفروهي مستغربه ومفجوعه
وفيصل ابتسم وياشر انه حر
البنت عصبت وراحت دخلت داخل
فيصل: اف فكه قلق
*****************************
انجلا انزلت بسرعه من الدرج وقابلت جينفر
انجلا:باي جيني...تبين شي
جينفر: وخري
ومرت وهي معصبه
انجلا هزت كتوفها وراحت
وصلت عند ابوها ركبت لسيارة
انجلا: سوري تاخرت
جونثن: لا عادي..مشينا
وراحوا
*****************************
سام: يماااااااااااااااااااااه
ام سام: نعم يابنت وش فيك تصايحين؟؟؟
سام نزلت ركض
سام من بعيد : يمه نخيتس نخيتس
ام سام تناظر فيه وتحمد ربها
ام سام: وش عندك؟؟..اخلصي؟؟
سام برجى: بروح مع عبوووووود
امها مستغربه: لوين؟؟؟
سام: فرنسا ..بااارررريس
امها مو مصدقه: وشو؟؟
سام: يمه وش فيك باريس في فرنسا موب في القويعيه
امها: وعبود هو الي قال لك؟؟
سام: يس
امها:هو وينه ؟؟
سام: مدري..بس الله يخليك بروح معه ..الله يخليك..نخيتك يمه
امها: طيب ...طيب انتي روحي اللحين
سام: صدق ..فديتك والله
ونطت وباستها
امها: طيب روحي فوق
طلعت ابتسام
جلست ام عبود بالصاله
ام عبود وهي تفكر:فرنسا ولا قالي غريبه..والله ان قلبي قارصني ماني مرتاحه
************************************
|