منتديات قصايد ليل - عرض مشاركة واحدة - فيصل و ملاك ~|| روايه رومانسيه

07-13-2011

يصل: شفتي زعلتي
ملاك: لا مازعلت
فيصل طفى الراديو
ملاك: أنا قاعده افكر في كلامك وفعلا معك حق
فيصل: الهني منث وعدا على خير
ملاك: وش دعوه يعني ليش وش شايفني عشان تقول كذا
فيصل: لا لا تفهميني غلط
ملاك: شوف أنا عندي فكره اذا اعجبتك تمام وان مااعجبتك عاد الشكو لله
فيصل:هاتي نشوف
ملاك: نصير اصحاب
فيصل(مافهم): يعني كيف
ملاك: يعني نصير اصدقاء اوكي انت صديقي منت زوجي وانا صديقتك ماني زوجتك اذا مشت الامور تمام وان مامشت ذيك الساعه يحلها حلال هااه وش رايك؟؟
فيصل(يهز راسه): والله ميب شينه يعني عادي اسوي الي ابغاه
ملاك: زي ايش
فيصل: لا يعني اطلع واسهر و..
ملاك(منفعله): لا
فيصل ناظر فيها وابتسم
فيصل: اصلا أنا ماراح اخذ رايك اذا بسوي أي شي
ملاك استحت
فيصل: هلاك أنا طفشان والطريق شوي طويل
ملاك تناظر فيه: طيب وش اسوي ولا تناديني هلاك أنا ملاك مو هلاك
فيصل: تعودي لاني من اليوم ورايح راح اناديك هلاك
ملاك: أنا ماراح ارد عليك
فيصل: بكيفك بس أنا أبي العب
ملاك: وش تبي تلعب
فيصل: شوفي بغني اغنيه وتردين علي
ملاك: لا والي يرحم والديك صوتك نشاز
الوقت كان بالليل يعني 8 تقريبا
فيصل: احم احم
ملاك:لاااااااااا
وسكرت اذنها
فيصل:
ناديت والليل جاوبني وبكاني
محد سمعني سوى ليل نزع دمعي
مغير ليلي من الاحباب واساني
ياويل من همله ربع مثل ربعي

ملاك نزلت يدينها وانصدمت وش ذا الصوت يجنن ولا عباس ولا تامر حسني ولا عبده ولا شي اطلق منهم كلهم

فيصل: هااه يالله وش عندك حلو صوتي صح؟؟
ملاك: إيه ماعليه بس اخاف تدوخ لاسمعت صوتي
فيصل: أنا عارف بدوخ من كثر ماهو يسد النفس والنشاااااز
ملاك: أنا ماانشـــــــــــز
فيصل: طيب سمعينا يالله كلي اذان صاغيه
ملاك: طيب
احم احم
فيصل: اخلصي
ملاك: طيب
ملاك:
شيل من راسك اجيك
واعتذر لك وارتجيك
أنا ماصدقت تزعل
كيف تبغاني اجييك
فرصه جتني واحتريها
من زمن نفسي تبيها
والفرص في الحب صعبه
وأصعب التفريط فيهاااااااااااااا

فيصل مررره اعجبه صوتها كان دافي وحلو وكذا غريب يحسسك بأحساس غريب
ملاك(بدلع): يالله استناك رد
فيصل: طيب لحظه خليني افكر اهمممممممم
ملاك: بسرعه
فيصل: اهااا اسمعي هاذي
هاذي اذا سمعتها اذكر جود
ملاك: وشي
فيصل:
تكفون لا تزعلوها
هذي مقوى زعلتها
عايشه بعز أبوها
وامها دلعتها

ملاك عاد دخلت جو صارت تغني معه

هاذي نور السهارى
هاذي موت العذارى
القمر لا لمحها
غصب عنه يتجارى
المهم ...الخ
<< اخاف الخبط فيها>>

فيصل:ههههههه تصلحين طقاقه
ملاك: مالت عليك أنا مرررررره احبها
فيصل: ليش
ملاك: يوم زواجي غنوها لي
فيصل سكت وتغير وجهه
ملاك لاحظت
ملاك: وش في وجهك انقلب 180 درجه
فيصل: مالحظتي
ملاك: ايش
فيصل: قلتي زواجي مو زواجنا
ملاك(تورطت بس رقعت الموضوع): إيه مو احنا اصحاب أنا تزوجت وانت
فيصل صار يناظر فيها
فيصل: وكيف زوجك معك
ملاك: إلا الان تمام بس خله يروح يمين يسار أنا اوريك فيه
فيصل: ليش وش بتسوين يعني
ملاك: ماادري مافكرت
إلا انت وين زوجتك
فيصل: أنا الى الان مالقيت بنت الحلال الي تستاهلني
ملاك زعلت
ملاك: ان شاء الله يوم تلقاها
فيصل: أنا جيت بريطانيا عشانها اصلا
ملاك: ليش هي هنا
فيصل: إيه
ملاك: وش اسمها
فيصل: ماراح اقول
ملاك: طيب بس حلوه
فيصل لف ناظرها
فيصل: حلوه حلوه إلا تطير العقل أنا من يوم شفتها وانا ميت عليها وابيها
ملاك: خلاص مادامني صديقتك ورني اياها
فيصل: أنا اسف بس عيوني الي تشوفها وغيرها لا
ملاك: الله يهني عيونك فيها
فيصل(تنهد): إيه والله ياحظي فيها
ملاك سكتت
ومن بعد هذي المحادثه وملاك لفه وجهها لشباك وساكته