((البارت الرابع والعشرون))
((الاخيـــــــــــــــــــــر))
جلست ريما في الصاله قاعده تصيح على حظها الردي شافتها يارا وجت عندها
يارا:جيتي من عنده صح
رفعت راسها ريما تطالع في يارا :احبه مااقدر استغني عنها
يارا:سامحيه
ريما:لا ماراح اسامحه خليني اتعذب طول عمري ولابعدين استنى له زلات ثانيه
يارا سكتت ماعندها حل لبنت عمها الي رافضه رجعتها له بقوه
*******************
في المجلس كانت سمر طالعه لصاله جت عندها اماني
اماني:سمر شفيك اليوم مو عاجبتني
سمر مسحت دمعتها :لاعادي مافيني شي
اماني:سمر علي تقدرين تخبين على الدنيا كلها الاانا
ارتجف فكها وطاحت دموعها
طلعت اماني وسمر في الصاله
اماني:قولي لي وش فيك
سمر:مو مرتاحه في حياتي
اماني:نواف السبب
سكتت سمر
اماني:نواف هاذا مادري وش اسوي معه
سمر:تصدقين اماني اغلب الايام مااشوفه واذا جاء البيت ياينام ولايقرا جريده واذا كان معصب يحط الحره فيني وكلما اتقرب منه يبعد اكثر ماادري وش يرضيه خلاص ماني قادره اتحمل
اماني:سمر طولي بالك معاه شووي تعرفين انتي كان متعلق في رنا وماقدر يستناها
اسمر عصبت:طيب ليش تزوجني مادام لحد الان مانساها
اماني ترقعها :يبي يبدا حياة جديده وينسى الي راح انتي ماعليك بس حاولي تكسبينه وتعوضينه عن رنا وصدقيني بيطيح في شوشته من حبك اخوي واعرفه زين
ضحكت سمر
اماني:طيب انتي
سمر:انا وش فيني
اماني:تحبينه ولالا
سمر استحت:اماني وش هالسؤال ؟؟
اماني:ياعيني تحبينه
سمر استحت:اكيد مو زوجي
اماني:يابختك ياخوي على هالدانه
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
في دوله بعيده عنهم كان فارس في حوض السباحه وريناد كانت قاعده عنده حاطه رجولها في المويه كانت لابسه تي شيرت مووف على شورت كانت سرحانه شافها قرب منها مسك رجولها
ارتعشت ريناد
فارس:وش فيه الحلو سرحان
ريناد: لاعادي لاسرحانه ولاشي
فارس يغمز لها:لاعلي تفكرين في اهلك صح
ريناد:صح اني اشتقت لهم بس مدام اني معك هذا يكفي وانت ماوحشوك اهلك وربعك
فارس:اكيد وحشوني بس على قولت فنان العرب"قام يغني بصوته الي فيه بحه شوي"مادام معاي القمر مالي ومال النجوم
ابتسمت ريناد
فارس:فديت هالابتسامه الي تخدرني ماقلت لك ترا حجزت 29 رمضان علشان الرجعه يعني باقي اسبوه لانخبرهم خلينا نسوي لهم مفاجاءه
ريناد:حلاص صار
فارس:رنوده انا اسف ماسويت لك عرس تفرحين حالك حال البنات
ريناد:فروس ترا ازعل عليك بعدين انت قايل لي بتسوي حفلة لي حفله حلووه وبعدين انا ماهمني لاعرس ولاشي انا همي اني اكون معك اكون جنبك فارس انت ماتدري انت الحلم بالنسبه لي والحين الحمدالله تحقق ماتدري وش كثر مبسوطه
فارس كان يطالعها بنظرات كلها حب وحنان فجاءه سحب رجولها
ريناد:فارس وش تسوي لالالالا
طاحت في المسبح ضحك فارس من قلب على شكلها وهي تبي تسحب هواء مسك خصرها
ريناد:حرام عليك فروس
فارس:يالبى قلبه فارس ياناس على الي يزعلون
ريناد:انا ازعل على الدنيا كلها ولا ازعل منك
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
نرجع الحي في الرياض وتحديدا في بيت بونواف اتصلت اروى على يارا وطلبت منها انها تجيها في البيت وتنادي ريما علشان تبيهم في سالفه
دخلت يارا المجلس شافت اروى كانت متغيره حيل كانت نحفانه لدرجة برزت عضام وجهاا وشكلها كان عادي وجها مافيه ميك اب مو مثل قبل كانت ماتمشي الاوهي كاشخه
يارا:وش بغيتي اروى
اروى:انا اسفه يارا ادري اني غلطت عليك واني خربت عليكم حياتكم بالصور الي كانت مركبه بس والله ندمت ندم قد شعر راسي انـ ـ ا "ماكملت قعدت تصيح"
يارا استنتها لحد ماتكمل
كملت اروى:انا اذيت ناس كثيرين ماحد سلم من شري بس على قولت المثل كما تدين تدان وهذا انا طايحه في مصيبه مااتوقع لها حل
يارا:وش فيك يااروى انتي متغيره بالمره
اروى:الزمن وقف ضدي هالمره ربي عطاني كم مهله للتوبه بس انا ازيد
يارا:الله يمهل ولايهمل طيب ليش سويتي كذا
اروى:حبيت انتقم من بدر لاني كنت احبه ومتامله اني اتزوجه فانتقمت منك وماكتفيت على كذا حتى وصلت لريما
تفاجاءت يارا:ريما وش خصها في الموضوع
حكت اروى ليارا كل القصه
يارا:مااصدق اروى تسوين كل هذا لهدرجه الحقد خلاك تخربين حياة شخصين ناوين على الزواج
اروى:انتقامي من بدر اعماني عن كل شي ماصرت اشوف الا الحقد والقسوه صدقيني ماكنت كذا كنت بنت حبوبه رومانسيه تبي قصة حب بس بعد زواجكم انقلبت الموازين
دق جوال ريما وخبرتها انها عند الباب
يارا:هاذي ريما جت تحمليها شوي تراها عصبيه
هزت راسها اروى
دخلت ريما شالت عبايتها :اقول يرو من عندك
يارا:انتي ادخلي وشوفي بس ريوم حاولي تضبطين اعصابك
استغربت ريما:من الي داخل
يارا:ادخلي انتي الحين
دخلت ريما المجلس وشافت اروى قامت الدنيا ولاقعدتها جت عندها ومسكتها مع رقبتها
ريما بصراخ:انتي لك عين جين بعد الي سوتيه شكلك ماتعرفيني انا انا ريما والله مااخليك تعرفين وجهك
مسكتها يارا مع يدها:ريما فكيها
ريما:ابعدي عني يارا والله ماراح افكها والله وجبتيه لنفسك
يارا:ريما افهمي القصه بس اجلسي
جلست ريما:يالله فهميني
حكت اروى كل شي لريما نتعرفت على طلال لحد ماتركته وانه تاركها قبل لايخطبها بثلاث شهور وتعرفت على واحد يقلد لاصوات فجهزت الخطه وجت عندها وكلمت خالد على اساس انه طلال ونجحت خطتها والصوره كانت لطلال ماخذتها منه في المسن وخبرتها عن هشام والعنود هي الي خربت بينهم
ريما:انتي قلبك وش مخلوق منه خربتي علي حياتي وبغيت اتطلق وخربتي حياة صديقتي واخوي والحين جايه تقولين غلطت
اروى:انا غلطت في حقكم سامحوني وحللو نجلاء صديقتي ماتت على ذنوبها الي هي تقريبا مساعدتني في اكثر الاشياء
يارا:الله يحللها ويرحمها
اروى:يالله مع السلامه
يارا:مع السلامه
راحت من عندهم اروى وجلست يارا مع ريما
ريما:ياحياتي ياطلول والله ظالمتك
يارا:خلاص ريما الامور الحين توضحت ارجعي له
ريما:وتوقعين بيرجع لي بعد كل الي سويته
يارا:انتي ماتدرين وش السالفه جت البنت وصدقتيها بعدين طلال يحبك ويبي رضاك انتي بس خبري عمي انك بترجعين له
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
بعد اسبوع رجعو ريناد وفارس من رحلة العلاج والكل فرح برجعة فارس رجع مثل قبل وانتشر خبر رجوع ريما وطلال لبعضهم وبعد شهر زواج منيره وهشام وبعدها بااسبوعين تزوجت فهده من سالم
في الفندق كان زواج طلال وريما والكل قاعد في غرفة العروس
ريناد:الله وش هالزين مرت اخوي عز الله طلال راح فيها
اماني:اقوول بس خفي على الولد
ريما استحت:بنات خلاص
يارا:ياي على الحيويه ياليتنا من زمان مزوجينك مدام الدعوه كذا
ريما :وين عيالكم ليش ماجبتوهم
اماني:اسكتي بس دنا شقيه بدرجه ماتتصورينهافرحانه انها بتمشي
ريناد:طيب جايبتها
اماني:ايه مع امي تحت
ريما:تكفين روحي حيبيها بشوفها
سمر:ابروح اجيبها انا
راحت سمر جابتها البنات بغى ياكلونها كانت ملبستها فستان ابيض وماسكين شعرها الاسود بكليبسات على شكل فراشه طالعه ملاك
يارا:ياحبي لها هالبنت تجنن بدر منهبل عليها تدرين يقول خذيها يوم خليها تنام عندنا
اماني:علشان تركي يذبحني اذا ماشافها
جت عندهم منيره وفهده:هااي بنات
الكل:هلا والله
سلمو على العروس
فهده:الله يوفقك انشاءالله
ريما:امين
منيره:الصراحه اليوم تخبلين بالواحد الله يساعد اخوك ياريماس
ريماس:أي والله المسكين
ريما راحت فيها
سمر:خلاص انتم البنت بتنفجر الحين من الحياء
البنات:هههههههههههههههههههههههه
منيره:ريما اختي اروى تسلم عليك وهاذي هديتها تقول اسفه مااقدر اجي مشغوله بالمره
ريما:الله يسلمها ومشكوره على الهديه
اماني:يالله ريوم الزفه الحين تجهزي
ريما:انشاءالله
طفت الانوار ونورت الشموع فتحت الابواب على موسيقى ايطاليه طلعت لنا عروستنا الحلوه كانت من جد طالع شكلها جناان بقستانها الذهبي مدخل عليه وردي وشعرها الي كان مرفوع ومكياجها البرونزي كان مناسبها مرره
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
عند الرجال
فارس:الف مبروك يالحبيب
طلال:الله يبارك فيك
فيصل:الله يوفقك يالنسيب
طلال:الله يسلمك
بو فيصل:يالله ندخل
طلال:توكل على الله
بريحة البخور ووالطق دخل طلال سلم على العروس وباس يدها سلمو عليها اخوانها وعمانها وصورا معها وطلعو
طبعا البنات في القاعه انهبلو على المعرس والي دخلو معاه
فهده:ماشاءالله المعرس حلو والله كل العئله حلووين طيب من هذا
منيره:هذا فيصل زوج ريماس
فهده:ماشاءالله كانه سعود بن عبدالله عيونه تجنن
منيره:أي ماشاءالله شكلك خقيتي عندهم
فهده:حبيتي معاي قمرهم
طلال:الف مبروك حبيبتي
ريما:الله يبارك فيك
جلسو شوي ثم راحو للفندق
اتصل تركي على اماني علشان ياخذ دنا
تركي:وش هالزينم وش هالقمر الي طلع لي
اماني: تسلم لي خذ دنا
شالها تركي:ياحلو بنتي ياناس"باسها مع خدها بقووه"
تركي:يالله تامرين على شي موعدنا الليله"يغمز لها"
دزته اماني:اقول لاتخور روح بس وانتبه للبنت
راح عند الشباب وطبعا مااقولك الموقف الكل يموت في هالبنت طبعا اول واحد شالها بدر
بدر:يالبى قلبه شلون الحلو
نواف:يالله الله يرزقك بنوته الاصح كم باقي على يارا
بدر:تقريبا مابقى شي
نواف:الله يقومها بالسلامه
بدر:امين
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
خلص الزواج الكل راح بيته كان نواف مجهز غرفته بالورد الاحمر والشموع اول مادخلت سمر غرفتها تفاجات
نواف:هاه وش رايك في الغرفه
سمر فيها الصيحه وهي تطالع المكان:جنـــــــان
نواف لفها قدام وجه ومسك وجهه بيده :بصراحه انا اسف على كل الي سويته معك مالي حق اسوي كذا بس كنت ابعد عنك علشان مااحبك بس قلبي ملكتيه بطيبتك معي وقوفك معي بصراحه اعجز عن الكلام بحقك
سمر ودموعها تنزل في يد نواف: من زمان نواف وانا محتاجه هالكلام ماكملت كلامها على طول صاحت
حظنها نواف:خلاص حبيبتي راح نعيش احلى الايام حياتنا لاني مو احبك الا اموت فيك
سمر فرحت ان نواف اخيرا اعترف بمشاعره الي مخبيها من 4 شهور
بعد شهرين ولدت يارا وجابت ولد مثل القمر
بدر:الحمدالله على السلامه
يارا:الله يسلمك شفت ولدي
بدر:قمر طالع على امه
يارا:الاطالع على ابوه
بدر:يالله عاد نبي المره الجايه بنوته تركي يقهرني ببنته
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
بعد 6 سنوات تغيرت احوال الكثير من الشخصيات اروى تطوعت لاعمال الخيريه وكرست حياتها كله للعمل الخيري اما فهده وسالم راحو لاامريكا علشان سالم فتح له مكتب هناك اما الباقي الكل صار عنده اولاد وانشغلو في حياتهم
كانو البنات كلهم مجتمعين في الاستراحه علشان حفل النجاح وريما كانت تضبط المكان علشان تصور الصغار
ريما:يالله ياحلوين تعالو عند الكيكه علشان نصوركم
اسيل:ماما شوفي تركي يضربني
ريما:يارا شوفي ولدك هالنشبه يترزز عند بنتي وش قصده
يارا:هههههههههههه اخاف حاط العين عليها
ريما:هههههههههه يمكن
دخلت عليهم روعة الشووق:هااي بنات
البنات:اهلين روعه
جت عندها ريما وضربتها على كتفها:خير انشاءالله وش هالتاخير
روعه:والله وش اسوي تعرفين زحمة هالطريق الا اقول ماشاءالله كثرتو
ريما:ايه ماشفتي بزارينا كل هذا منك كثرتينا
روعه:اشوفكم ماشاءالله وش كثركم الا اقول هاذي بنتك"كنت ااشر على بنت ماشاء الله مملوحه"
ريما وهي تسحب بنتها:ايه وش رايك فيها
روعه:تجنن طالعه على ابوها
ريما:انتي وش قصتك لايكون حاطه عينك على طلال بس
روعه:هههههههههههه والله شكلي المهم بنات تجمعو ا علشان اخذ لكم صوره قبل لااختم الروايه
ريماس:لا ماقلتي لنا روعه وش اسم روايتك الجديده
روعة:قلوب محبه ...... تعزف دما على اوتارها
ريناد:الله اجل انا اول وحده اقراها
روعه وهي تمسك الكاميرا:ولايهمك يالله بنات تشيــــــــز
كلهم:تشــــــــــــــيز
والتقطت لهم احلى صوره لااحلى عائله محبه
النـــــــــــــــــــــــــــهـــــــــــــــــــ ــــــــــــــــآيــــــــة..!!!!
|