منتديات قصايد ليل - عرض مشاركة واحدة - روآية لاتعذر بإحتياجك كلنا ناقص حنان رومانسيه خياليه كآمله

07-10-2011

((البارت السابع عشر))

في بيت بو سالم كانو البنات جالسين في الغرفه ومعاهم فهده

منيره:اقـــول فهود شخبار عمتوو

فهده:تمام

اروى:بالله وش اخر عمليه سوتها

فهده:امس كلمتني تقول سويت نفخ شفايف

اروى"بصوت عالي":ههههههههههههههههههههههههههههه

منيره:خير وش يضحكك مافي شي يضحك

اروى:والله عمتي عايشه مراهقة بنتها

فهده:اسكتي بس سالتها متى بترجعين قالت لاقبل بروح لندن بتسويnew look ثم تفكر ترجع ولالا"ثم قالت بحزن" ماهميناها انا واخواني

منيره:فهودي انتي عارفتها بعد وفاة ابوك تبي تلهي نفسها بااي شي

فهده:الله يرحمه

((بعطيكم نبذه عن حياة نهله وصالح الي هو ابو فهده كانت نهله تموووووت فيه لدرجه انها نست صاحباتها واهلها صار زوجها هو محور حياتها تفكر كيف تسعده وترضيه حتى بعد صالح كان يحبها بس مو كثر نهله وفـــاته كانت سكته قلبيه مات وهو في العمل كان شغلته طيــار هو من عائله موغنيه عكس نهله الي عايشين بخير بس هاذا مااثر على علاقتهم بعد ماتوفي جتها حاله نفسيه لمدة تقريبا سنتين بعدها حبت تلهي نفسها بالسفر))
فهده:أي صح ماقلت لكم جبت معاااي مفاجاءه

اروى:وش هي الله يستر من مفاجاتك قولي لنا قبل لاتجبينها

ضربتها فهده على راسها:غبيه ولاتستغبين اذا قلتها ماصارت مفاجاءه

منيره:ههههههه طيب وينها

فهده:تحت بروح اجيبها

نزلت فهده تحت وتحديدا للمطبخ فتحت الثلاجه طلعت منها حلى قهوه اهي مسويته

فهده :يالله انشاءالله يعجبهم سنتيا ودي القهوه لغرفة منيره
اخذت الحلا وهي تصعد الدرج قاعده تغني
حبيبي نفسي تفهمني اذا انت قاصد تجنني
غيابك طال ولامرسال في ليل البعد طمني
جمالك حبي مومعقول بحسنك شو سحرت اكون
وبيدك لو عذابي يطول ارديدك لو تعذبني
اريدك جنبي تحميني تفرحني تواسيني تقويني على الايام

صعدت ومالاحظت العين الي لحقتها حتى صعدت كان سالم جالس في الصاله"يالبى قلبها اليوم عندنا اااااه ياحلو ريحة عطرها بس"

فهده:وهااذي المفاجاءه

اروى:الله شكله حلو من وين جايبته

فهده:انـــا مسويته

اروى ومنيره:وشــــــــــــــــــــــــو

ضحكت فهده على اشكال وجيهم:ههههههههههه شفيكم مروعين

منيره:لابس غريبه فهودي تدخل المطبخ مو بالعاده

اروى:اقول جيبوه خلينا نذوقه

جلسو البنات يتقهوون ويسولفون

اروى:اقول فهودي شعرك طال كثير ماراح تقصينه

فهده:لاخلاص راح اخليه يطول

منيره:تصدقين احلى بكثر

دق الباب

منيره:مـــــــن؟؟

سالم:انا سالم عطيني الاب توب حقك شووي

منيره:طيب شووي

اروى:اقول منور عطي سالم من الحلا خليه يتذوق حلا فهودي

منيره:أي صح عطيني الصينيه

راحت منيره عند اخوها وعطته من الحلا

سالم:لامااحب الحلا

منيره:طيب وحده

كل سالم وحده وعجبه خذ ثانيه

سالم:امممممممم حلو انتي مسويته

منيره:لافهودي بنت عمتي

دق قلبه بسرعه من سمع اسمها وحتى فهده كانت على اعصابها تبي تعرف عجبه ولالا

سالم:أي مرره حلو حطي لي في صحن وجيبيه في غرفتي

منيره:انشاءالله

اروى:هاه وش قال عن الحلا

منيره:يقول مرره حلو وبحط له في صحن عاادي فهودي

اانبسطت فهده:أي عادي

قربت اروى عند اذنها :من قدك سالم خلقه مايحب الحلا الحين حبه علشانك

فهده استحت ونزلت راسها

اروى:ياحبي الي يستحوون

فهده:اروى

اروى:طيب انطمينا
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
ريناد كانت جالسه ومعها دفتر وقلم تكتب كل الي تحتاج له في يوم الملكه

دخلت عليها ريماس وبطنها المسكينه طالع كبير مرره:وش تسوي عروستنا

ريناد قامت تسلم عليها:هلا وغلا ليش ماخبرتينا انك راح تجين

ريماس:فيصل سافر للبحرين وبنام عندكم كم يوم

ريناد:ليش وش عنده زوجك في البحرين؟؟

ريماس:علشان الشركه وعلشان ملتقى الشعراء

ريناد:كذابه بيروح يلقي اشعاره هناك

ريماس:والله وبعدالحفل راح يكون مبـاشر

ريناد:ونـــــــــــــــاسه

ريماس:وين امي وطلال

ريناد:ماافي احد في البيت امي طالعه لجيرانا وطلول في الدوام

ريماس:وانتي غريبه قاعده في البيت

ريناد:مالي خلق اطلع

ريماس:هاه وش اخبار حفلة الملكه تجهزتي لها

ريناد:أي الحمدالله الفستان تقريبا ماباقي له شي على الاسبوع الجاي بيطلع والكوشه طلبتها من لبنان والبوفيه من شوي سكررت منهم ااكدت الحجز بس تقريبا هاذا الي جهز حاليا بس باقي اشياء بسيطه

ريماس:طيب وش فكرتها كوشتك

ريناد:راح احطها في الحديقه طبعا راح يغلب على الطاولات الورد بلون الموف والوردي وطبعا فكرتي ماراح اخليها تقليديه حابه اكون مثل السندريلا وهو الامير يعني ماراح يلبس ثوب راح يلبس بدله رسميه سوداء وش رايك

ريماس:من جد غريبه وحلوه الفكره وخصوصا فكرة البدله ماشاء فاارس بتطلع تجنن عليه تصدقين مااحد سواها قبل في عايلتنا بس كيف راح تقولين لفارس

ريناد:يارا بتقوم بالمهمه

ريماس:حــلو الله يوفقك انشاءالله

ريناد:ماتدرين ريماس وش قد مبسوطه من هالزواج لدرجه ماتتصورينها فارس هذا حلمي الي دايم احلم فيه ......تصدقين احس حتى الان انه حلم ماابي اصحى منه انتي مثلي يوم خطبك فيصل

ريماس:يوم خطبني فيصل ماصدقت لحتى يوم الزواج ماصدقت الايوم كنا في بيتنا

ريناد:حلو الاحساس الاماقلتي لي وش اخبار ولدنا احس ماباقي لك شي وتولدين

ريماس:حــــــــرام عليك لسى باقي لي شهرين

ريناد:والله توقعتك في الشهر الاخير بطنك مررره كبير احس فيك توم

ريماس:لالا لاتقولينه هاذا الي خايفه منه واحد ويالله عليه هالمره اثنين

ريناد:طيب انتي ماسالتي

ريماس:لافيصل حالف علي يقول خليه مفاجاءه حتى الملابس شريت نص بناتي ونص ولادي علشان ماتفاجا

@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
في الاستراحه كانو الشباب منقسمين الي على الجهه اليمين يلعبون بلوت"كوتشينه" والي على الجهه اليسرى يلعبون كيرم والي على النت والي يطالعون التلفزيون

دخل عليهم هشوم وهو يقول شعر الفراعنه
ناقتي ياناقتي لارباع ولاسديس

...........................وصليني لابتي من وراء هاك الطعوس

حايل ٍ رابع سنه من خيار العيس عيس

...........................خفها لادرهمت كنه بالنار محسوس

في دجى خالي خلا لاحسيس ولانسيس

...........................تدوخك من شدة البرد طقطقة الظروس

عصام:هههههههههههههه وش عنده بوالهش اليوم

هشام:ابدوالله اليوم مبسوط

عصام:انشاءالله دوم

هشام:وش عنده خوينا قاعد في الزاويه لايكون بس معاشر بسم الله

عصام:هههههههههههه لابس تعرف متعب اذا اندمج في الكلام ينسى نفسه لو هو فوق الشجره مايحس

هشام:لايكون بس يكلم بنت

عصام:وهو يقدر يبعد عنهم

هشام:اجل بروح له واجننه شوي

عصام:الله يعينه اجل

راح هشام عند متعب وجلس قباله يسوي له حركات في وجهه متعب كان ماسك نفسه بالغصب ثم ماقدر يستحمل حركات هشووم

متعب:ههههههههههههههههههههههههههههههههههههه

نجلاء:متعب انا الحين قاعده اشكي لك وانت تضحك علي

متعب:اسف حياتي بس في واحد من الربع جاء عندي شوي وارجع اكلمك

نجلاء:لامتعب حبيبي ماابي اسكر منك

متعب:خلاص شوي واكلمك

نجلاء:اوكي لاتعصب استناك
سكر منها

متعب:هلا هشووم ازيك

هشام:انت الحين ماتستحي على وجهك

متعب:افــــا افـــــا ليش هالعصبيه كلها

هشام:ماتخاف ربك في هالبنات على الاقل خاف على اهلهم وسمعة عوائلهم ولاعلشان ربي معطيك صفة هالجمال تسوي فيهم كذا

متعب:والله ياهشوم اذا هم ماخافو على انفسهم ولاعلى سمعة عوائلهم تبيني انا اخاف عليهم وبعدين ليش مكبر المساله عادي

هشام:عاادي هاه ترضاها لااخواتك

متعب"عصب":هشام اخواتي متربيات مالهم في هالطريق الوسخ فكنا من هالسيره

هشام:مااقول الا الله يهديك بس
رن جوال هشوم بصوت الطقاقه موضي

ولفي وريده من اهله مااريد اعاشر ثاني
سافر وخذ قلبي بيده بلاعقل خلاني
سافر وضيعني وضاع من بعد ذاك الوداع
مبحر وخذ عقلي شراع وبلاعقل خلاني

هشام:شوي وراجعلك

متعب:ههههههههههه شكل انت من يبي ينصحك

هشام:هههههههه الله يلعنك هاذولا الاهل
قام طلع برى الغرفه

هشام:خير

ريما:بسم الله هشوم كذا الناس ترد

هشام:اهلن خير وش تبين

ريما:شخبارك هشوم

هشام:يعني ماشفتيني في البيت انتي وخشتس

ريما:وتلومني العنود يوم اقول عنك عربجي

هشام:طيب اخلصي هاه وش عندس

ريما:لاانا ماعندي شي بس العنود الي عندها

هشام"ارتبك":العنود وش فيها

ريما:ابدوالله مافيها شي ولااقولك يالله كلمها واعتذر منها على ذالك اليوم روعت البنت
رمت الجوال على العنود الي تيبست في مكانها وراحت ريما للحمام

هشام:ريمووووه وجع وينس ماراح اكلمها

العنود بصوت يالله ينسمع:الو

هشام رف قلبه على هالصوت:من العنود

العنود:ايه كيفك هشاام

هشام:الحمدالله بخير كيفس انتي>>ياكشخه هشوم تتميلح مع البنت*_^ ههههههه

العنود ماسكه ضحكتها:بخير

تمو ساكتين شوي

ريما:وجع انطقي

العنود بصوت خفيف:طيب وجع

هشام:العنود انا اسف على اني خوفتك في بيتنا

العنود:لااصلا انا اسفه مفروض مااطلع برى لحالي

هشام:لاعادي البيت بيتك وخذي راحتس فيه

العنود:تسلم هاذا ريما معاك

هشام:العنود اذا بغيتي أي حاجه امانه اطلبي لايردس الا لسانس

العنود:مشكور

عطت الجوال لريما

ريما:هلا بااخوي بعزتي بسندي والله

هشام:الله ياخذس قولي امين بس الوعد في البيت

ريما:ههههههههههه احمد ربك اني شبكتك معاها

هشام:يالله ضفي وجهس بس

ريما:انت يالقروي غير هالسين انشاءالله كلمت البنت كذا

هشام:ايه عناد فيس

ريما:الله يقرفك بس يالله باي هشوووم اصبر مــ

سكر في وجها قبل لاتكمل كلامها

هشام رجع بيدخل ثانيه عند الشباب طلع في وجهه عصام

عصام:وينك ياخوي من ساعه وانا فاقدك

هشام:ابدوالله طلعت شوي اكلم

عصام:افـــــــــــا لايكون صابتك الطنازه على متعب

هشام:لاياخوي وش دعوه بس كنت اكلم الاهل

عصام:طيب يالله ندخل داخل مع الشباب

هشام:يالله

هشا كان مستحي من عصام مايبي يحط عينه في عين عصام خصوصا بعد ماكلم العنود لان العنود اخت عصام لانه يعتبر في نفسه تعدي على حرمات اهل بيت صديق عمرره
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
العنود:الله يقطع بليسك من بنت احرجتيني مع اخوك

ريما:احب حركات الاكشن

العنود:بصراحه انتيbig evil

ريما:ههههههههههههههه اعجبك بس بجد وش قالك

العنود:امممممم تاسف وقال اذا بغيتي أي حاجه لايرد الالسانك

ريما:اووووووه وش هالحركات من قدك ياام عيون خضر حصلتي شي احنا ماحصلناه

العنود"بنعومه":لاياشيخه

ريما:بس راح اعطيك معلومه علشان ماتجين بعدين وتقولين ريما ماقالت لي

العنود:هههههههههه الي يسمعك يقول هاذي ببتزوجه

ريما:انشاءالله انا بخطبك له بتصيرن مرة اخوي وبتحكم فيك الين اقول بس

العنود:كلي تبن يالشينه هاذا الناقص بعد

ريما:هههههههههههه طيب خليني اقول لك المعلومه

العنود:قولي

ريما:ترا هشوم مايعرف يتعامل مع الجنس اللطيف ابدا يعني يمكن مستقبلا اذا تزوجتو يجيب معاه دجاجه ماسكها مع رقبتها والدم ينزل منها يعني مفاجات راح تكون من هالنوع

العنود:ههههههههههههههههههههههههههههه بالله

ريما:ههههههههههههه هشوم وحركاته ماتخلص بس تدرين في موقف صار لي معاه ماراح انساه كلما ذكرته اقعد اضحك

العنود:وش هو؟؟؟

ريما:تخيلي مرره جيت من الزواج بدري المهم شفته على طريقي وانا رايحه لغرفتي المهم قال انا اسف تغطي ياحرمه عاد وقتها انفجرت ضحك عليه

العنود:هههههههههههههههههههههههه بررئ

ريما:مررره بشكل ماتتصورينه

العنود:ياحظ الي راح تاخذ

ريما تخزها بعينها

العنود:خير ليش تطالعيني كذا

ريما:لاياشيخه طيب من جد وش الي عاجبك في هشاام

العنود:مادري احس عطووف وحنون برري يخاف على الي معاه ماعنده حركات شباب هاليومين بنات مابنات احس تفكيره مثل رجال القبل وتحسينه رجوله بمعنى الكلمه

ريما:الله الله الله كل هذا في هشام ماصار هشام صار نمر بن عدوان

العنود:ولاشي نمر بن عدوان عند هشام

ريما:اقول اركدي بس وش جاب لجاب قامت تمدح فيه تراه اخوي وعارفته اكثر منك لايغرك هالموقف الي صار معاك ترا ماافي ابرد منه

رمتها لعنود بالجزمه الي جنبها

ريما:وجععععععع يوجع

العنود:احســـــــــن تستاهلين
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
{الايامطول صبري اذوق المر من كاسه......الاياكم قسى دهري علي وكم قسى وناسه
تهنى من سنه قلبه كلن مشى على دربه......وطيت الشوك انا وحدي ولاقبلي احد داسه}}

دخلت اماني عند اختها الي في المستشفى........
اماني علو طول حظنت اختها:الف مبروك حبيبتي

يارا:الله يبارك فيك

اماني:كيفك ياقلبي

يارا هزت راسها بنعم

اماني:يارا تركي بيدخل يسلم عليك

حطت يارا الطرحه على شعرها

دخل تركي:السلام عليكم

الكل:وعليكم السلام

تركي وهو يبوس راس عمته:شخبارك عمتي انشاءالله بخير

ام نواف:الحمدالله بخير شخبارك وشخبار دنو

تركي:والله الحمدالله ماعليها...الحمدالله على السلامه يارا

يارا:الله يسلمك

تركي:ماتشوفين شر

يارا:الشر مايجيك

تركي قرب عند اذن اماني:اذا خلصتي اتصلي علي

اماني:انشاءالله
طلع تركي

يارا:ليش ماجبتي دنو معاك وحشتني

اماني:لاخليتها مع نور مالي خلق اروح ومعاي بزر المهم ماعلينا انتي وش اخبارك

يارا تبتسم ابتسامه صفراء:الحمدالله بخير

جلست اماني قدام يارا ومسكت يدها:يارا مو علي انا اماني حطي عينك في عيني

نزلت يارا راسها رفعته اماني طاحت عيون يارا المتحجره دموع في عيون اماني

اماني:يارا حبيبتي لاتكتمين في قلبك مو زين لك

يارا وشفايفها تتكسر:ماابي انزل دموعي علشانه وهو مايستاهل

اماني:يرو اسمعيني لاتخلين شي في قلبك فضفضي لي انتي حامل وهاذا راح يااثر على الطفل

سكتت يارا

اماني ناظرت فارس وطبعا فارس فهمها وطلع علشان ياخذون راحتهم في السوالف اما ام نواف طلعت تبكي برا على حالة بنتها

يارا على طول من طلع فارس انفجرت بالبكي خلتها اماني تطلع الي في قلبها على الاقل بالدموع علشان ترتاح نفسيا بس استغربت من حالة اختها وهي تبكي كان الدم يتحجر في وجهها

خافت اماني على اختها مررره:خلاص اهدي حبيبتي اهدي اذكري الله

يارا:انا وش سويت في حياتي علشان يصير لي كذا وش سويت وش سويت"قامت تهز بالسرير"

جابت المصحف اماني وقامت تقرا عليها لحد ماهدت ونامت
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
من بكره في الجامعه كانت ريما والعنود وساره جالسين في الكافتريا

ريما:اوووووووووف وش هالطفش متى اتخرج وارتاح

العنود:لسى باقي لك مشوار طويل

ساره:بنات كم باقي على المحاضره

العنود:تقريبا نص ساعه

جت عندهم نجلاء:هااااااااااااااي بنات

ريما:والله وكملت بعد

ساره:الله يعينا على سوالفها الي تجيب الهم

ريما:كني اشوفها "تقلدها"خوووي جايب لي ساعه والثاني ماادري وش جايب لها

نجلاء:كيفك ريما

ريما بطفش:بخــــير

نجلاء:وش فيك معصبه وعاقده الحواجب

ريما:منقرفه

"نجلاء عارفه انها هي ماحبت تزودها علشان مايجيها من كلام ريما المسموم لها"

نجلاء:العنود عندك محاضره

العنود:أي باقي نص ساعه عليها

نجلاء:يؤؤؤؤ ياحرام الله يعينكم

العنود:وانتم

نجلاء:لا الحمدالله انتهينا

ريما وساره قامو:العنود بتروحين معانا

العنود:وين؟؟

ريما:بنروح نتمشى شوي قبل لاتبداء المحاضره

نجلاء:لاابي العنود بتقعد معااي

ريما:لاوالله هاذا امر لايكون كافلتها بس وحنا ماندري صدق ناس ماتستحي

نجلاء خافت من ريما:لاموقصدي بس اذا تبي عاادي ماعندي مانع

ريما:لابعد راح يكون عندك مانع الحمدالله والشكر هاه العنود بتروحين

العنود:شووي والحقكم

ريما:اوكي نستناك

وهو يمشون ساره وريما كانت اروى جايه عند نجلاء وطبعا اروى على طول عرفت ريما اما ريما مانتبهت لها

اروى:هااااي

البنات:هااايااات

نجلاء:اعرفكم على بعض هاذي اروى صاحبتي الروح بالروح ..اروى هاذي العنود بعد صاحبتي

اروى:تشرفنا

نجلاء:ماسالتيني عن متعب

العنود:أي صح وش خباركم انشاءالله انسجمتو مع بعض

نجلاء:أي الحمدالله صراحه ماتوقععته كذا ماشاءالله جمال برى وداخل

العنود:طيب هو نيته الزواج

نجلاء:لا حتى لوطلب انا برفض

العنود:لـــــــــــيش؟؟

نجلاء:زواج من هالطريق صعب خلينا كذا مبسوطين

العنود:طيب ومصعب

نجلاء وهي تطالع اروى:لااحتاج له بس في الاوقات الصعبه

العنود:ههههههههههههه اماانتي ماشاءالله عليك عايشه حياتك

نجلاء:هههههههههه بقوه

العنود:طيب يابنات انا استاذن ماباقي شي على المحاضره

نجلاء:اوكي نشوفك مره ثانيه

العنود:انشاءالله

راحت من عندهم العنود

اروى:الحين العنود وش عرفها عن متعب

نجلاء:هاذا انا مرقمته عندهم شفته واقف مع اخوها شكله صديقه عجبني

اروى:وهي لها في الطرريق

نجلاء:لالالا ماتحب

اروى:صح من توقعين قابلت وانا جايه

نجلاء:من؟؟

اروى:ريما الي اقولك عنها

نجلاء:كذابه متى شفتيها

اروى:من شووي قبل لااجلس معاكم كانو الظاهر واقفين عند طاولتكم

نجلاء:لحظه لحظه لايكون الي لابسه نظارة فندي

اروى:ايه هاذي

نجلا"بحماس":ولبسها جاكيت اسوود وفيه بروش على شكل خيل

اروى:ايه معها بنت نحيفه مررره

نجلاء:وصلنا خير هاذي الي تقولين خطيبها قمر

اروى:موقمر الاملك جمال الكون

نجلاء:هالحيوانه تاخذ هالمزيون قاهرتني تحب تهزئني بااي طريقه

اروى:حلو انا وياك مشتركين في الاتقام

نجلاء:مدام هاذي ريما وصلنا طرف الخيط اذا رجعنا البيت انا وياك طلعنا خطه جهنميه اخليها تمووت من القهر

اروى:ايوه ياحلو شغلي مخك وهاذا وقت اخوياك العرابجه
{{والله ياريما طحتي في يد الاشرار الله يكون في عونك}}
@@@@@@@@@@@@@@@@@@
لاتعذر باحتياجك كلنـــ ناقص ــــا حنــــــــان روايه رومنسيه خياليه((روعة الشـــــــ*_*ــــــوق))
@@@@@@@@@@@@@@@@@@
في بيت بو بدر كان بدر جالس في غرفته دخلت عليه عهد
عهد:بدر

رفع راسه بدر:نعم

عهد:ممكن اجلس معاك شوي

بدر:تفضلي

عهد:بدر وش صاير بينكم

بدر:والله ماادري ياعهد كنا مثل السمن على العسل بس رحت لها في المستشفى قامت تصارخ علي تدرين انها طالبه الطلاق

تروعت عهد:طــــــــــــــــــــلاق

بدر:أيه طلاق

عهد:بس ليه كذا بدر بينكم مشاكل طيب

بدر:والله ياعهد ورب الكعبه مابينا شي والحمدالله من تزوجنا ماحصلت لنا ولامشكله

عهد:طيب ياخوي روح تفاهم معاها

بدر:رافضه تشوفني

عهد:تبيني اتدخل في الموضوع يابدر

بدر:ياليت ياعهد مااقدر اعيش بدون يارا هي الهواءالي اتنفسه تكفين حاولي تعرفين منها السالفه تكفين عهد

عهد خنقتها العبره من حال اخوها:ولايهمك ياخوي انشاءالله كلها كم يوم وتنحل المشكله بس انت رحت لبيتك

بدر:لاوالله مالي خلق ادخله مادام صاحبته موموجوده ماراح ادخله

عهد:على راحتك طيب انزل معانا تغدى

بدر:لامابي شي شبعان

عهد:مايصير كذا ماتشـــ.....

قاطعها بدر:خلاص عهد خليني بروحي

هزت راسها وطلعت