منتديات قصايد ليل - عرض مشاركة واحدة - روآية لاتعذر بإحتياجك كلنا ناقص حنان رومانسيه خياليه كآمله

07-10-2011

وحبيت اوضح اسم الكاتبه:: روعه الشـــــوق

على الخط الثاني
ريما:هلا ريناد
ريماس:وجع ريما انا ريماس وينك مسفهه فيني على الخط ترا بهون
ريما:ههههههههههه لاياقلبو بس كنت اكلم يارا وابيها تجي معانا بس تنام عندهم اماني
ريماس:يالله قهر ماتحلى الجلسه الامعاها يالله مرره ثانيه
ريما:أي والله بشري وش قالت امك
ريماس:وافقت بس تقول المدرسه
ريما:مومشكله جيبي اغراضك معك ويوديك السايق بكره
ريماس:خلاص صار بنجي انا وريناد المغرب حلو
ريما:خلاص وانا برسل السايق يجيب لنا افلام جديده
ريماس:يقطع ام الفله ياناس اوكي يالله باي بروح اخذ شور
ريما:وانا بعد يالله باي
في مكان بعيد خارج حدود السعوديه وتحديدا في باريس كان خالد (ابوفيصل)وزوجته ساره رحلة عمل ومنها خذا فترة راحه ويعيدون فترة الشباب
في الفندق
ساره:والله اني اشتقت للعيال مرره
خالد:أي والله انك صادقه لهم فقده
منيره:شرايك نتصل عليهم نتطمن ونخبرهم متى نرجع
خالد:عطيني جوالي شوفيه فوق التلفزيون
قامت منيره جابت الجوال ودق خالد على البيت
ردت سمر:الو
خالد:هلا ببنيتي شخبارك حبيبتي
سمر بفرح:يبه هلا وغلا شخبارك وشخبار امي
خالد:والله كلنا بخير انتم شخباركن وشخبار فيصل وهشام وريما
سمر:الحمدالله يبه يالله متى راح ترجعون مشتاقين لكم بالمره
خالد:يالله كلها ثلاث ايام وانا عندكم يالله حبيبتي خذي امك تبي تكلمك
سمر:يالله عطيني امي
ساره:الو
سمر:هلا والله بالغاليه ونور البيت
ساره:هلا بسمورتي شخبارك يمه
سمر والعبره خانقتها:الحمدالله كلنا بخير بس مشتاقين لكم((قامت تصيح))
ساره بحزن على بنتها:لاياحبيبتي لاتبكين كلها انشاءالله ثلاث ايام وحنا في البيت بس خبريني انتم ناقصكم شي
سمر:لاوالله فيصل مو مقصر علينا بس ناقصنا شوفتكم
منيره:وانا اكثر يابنيتي
سمر:يمه اليوم راح يجون عندنا بنات عمي عبدالله وينامون عندنا
منيره:حياهم الله البيت بيتهم هاه تامرون على شي
سمر:مايامر عليكم عدو بس نبي سلامتكم
ساره:الله يسلمك يالله فمان الله وسلميني على اخوانك
سمر:انشاءالله يبلغ مع السلامه
المغرب في بيت ابوفيصل جو البنات عند سمر وريماوهم جالسين في الحديقه الكبيره الي في وسطها نافوره وعلى الجنب جلسه حلوه كانوا البنات جالسين فيها وضحك وسوالف
سمر:ههههههههه ياحليلك ياطلال والله وكشفناك على حقيقتك
ريناد:ضحكت عليهم من الروعه انحاشوا ماشفنا الاغبارهم
ريما:بس من جد المنظر روعه يستحق جائزة الاوسكار ههههههههههههه
ريماس:ماتوقعت فارس وطلال راعين هالحركات
ريناد بحزن:حتى انا ماتوقعت فارس راعي هالخرابيط
ريما:ههههههههه لافارس توقعت عينه قويه على البنات
سمر:ياقلبي واحد طول وجمال تبارك الرحمن ولابعد جسمه عضلي وتبين البنات مايناظرونه
ريما:نص بنات الجامعه منهبلين عليه يوم شافوه ذاك اليوم ياخذ يارا حتى المسكينه ازعجوها باسئلتهم(تقلد وحده من البنات وهي منعمه صوتها)انتي اخوك لحد الان ماتزوج طيب ليه ماشاء الله في الف بنت تتمناه....يقالك يعني اخطبيني له
البنات:هههههههههههههههههههههههه
ريناد والعبره خانقتها:بنات عن اذنكم
سمر:وين؟؟
ريناد:بروح شوي وراجعه
راحت ريناد داخل البيت وقعدت تصيح:ياربي ليش الحب عذاب لـ ـ ـ ـيـ ـش هو مايدري عني ليش حبيته انا بالذات لـ ـ ـ ـ ـيـ ـ ماكملت قعدت تصيح
في هالوقت كانت ريما رايحه فوق بتجيب غرض وسمعتها دخلت ريما عليها :ريناد وش فيك
ريناد((مروعه)):ريما لاسلامتك مافيني شي
ريما:رنوده حبيبتي احنا مو بنات عم حنا خوات والاخوات مابينهم اسرار صح ولا لا
ريناد وهي تمسح دموعها :صح
ريما:ريناد انتي تحبين فارس صح
ريناد متردده:ايه
ريما:من متى وانتي تحبينه
ريناد:من 3 سنوات
ريما:وليش ماخبرتينا
ريناد:شلون اخبركم وانا حبي من طرف واحد
ريما:حتى ولو كان وش عرفك يمكن يحبك
ريناد تصيح بقوه:شلون ريما يحبني وهو مو حاس فيني واشوفه قدامي يغازل بنات خلق الله (وهي تشهق)ريما الحب يخلي الواحد ضعيف يخلي الواحد يعيش هالامل يمكن الامل يصيب ويمكن يخيب ياليتني مت قبل قبل لااحب ياليتني......ماكملت قامت تصيح
ريما رحمتها قربت يمها وحظنتها
ريما:خلاص ياحبيبتي والله وقطعتي قلبي يالله مسحي دموعك خلينا نروح مع البنات قبل لايحسون فيناوبيننا كلام بعدين
ريناد:ريما اوعديني يكون هالكلام بيني وبينك
ريما:وعد يالله عاد قومي غسلي وجهك تراك مو حلوه وانتي تصيحين
ريناد:ههههههههههههههه
ريما:هاذي رنوده الي نعرفها بروح قبلك قبل لايحسون فينا
ريناد:خلاص بالحقك الحين
طلعت ريما للبنات وريناد غسلت وجهها وراحات لهم
اذن لصلاة العشاء قام فيصل علشان يصلي في المسجد الي عند بيتهم ...دق جوال فيصل المتصل>>>نواف
فيصل:الو
نواف:هلافيصل
فيصل:هلا فيك
نواف هاه انشاءالله بتجي الاستراحه اليوم
فيصل:أي اكيد جمعة العائله اليوم
نواف:أي بس لاتتاخر ومر علي
فيصل:وانت وخشمك ليش ماتروح بسيارتك
نواف:ههههههههههههه تعرف البانزين ارتفع ومابي استهلك كثير
فيصل:هههههههههههههههههه ابخل منك ماشفت خلاص صار بمر عليك
نواف:هههههههههههههه يالله تامر على شي
فيصل:سلامتك
نواف:فمان الله
فيصل:مع السلامه
راح فيصل اخذ شاور ثم طلع لبس ووقف عند التسريحه يضبط الغتره وتعطر من عطر ديور طلع شكله جنان في هالوقت دق جوال ريماس من زميلتها من ايام الطفوله
المتصل>>نوف
استاذنت ريماس من البنات وراحت تكلم زميلتها
ريماس:الو
نوف:وينك يالخاينه
ريماس:ههههههههههههه يمه كلتيني انا الحين في بيت عمي
نوف:يالخبله والامتحان
ريماس:ذاكرته الصبح خلاص مو حلى كل شوي اذاكره
نوف:هههههههههههههههه والله انك مرجوجه
ريماس:اعجبك انا اخر شي افكر فيه هو دراستي واهم شي عندي الشعر
نوف:على طاري الشعرسمعيني اخر شي كتبتيه تدرين فيني اموت على الي تكتبينه
ريماس بغرور:يالله وش ذنب الواحد انخلق شاعر
نوف:اموووت على الغرور من زينك انتي وكتباتك
ريماس:ام التحطيم ياناس يالله اسمعي
في هالوقت نزل فيصل من على الدرج سمع صوت لف من عند الجدار الي كله قزاز من فوق لتحت شاف بنت سبحان الخالق كانت كلها جمال ونعومه بالشعر الاسودالطويل المجعد والملامح النعومه ولابسه برمودا جينز وتي شيرت كت اورنج يعني باختصار كانت مرره كيوت
سمعها تقول شعرها
ليت كل القلوب اللي تحب بجنون
تعرف ان المحبه جنه في هجير
كل دمعه عزيزه لاجل الغالي تهون
لاجل شوفة الحبايب كل قاسي يسير
لي حبيب احبه والمحبه فنون
كل ماذكره غرامه من غرامه اطير
ماعشقته رياح ولاعشقته سكون
نسمه داعبتني تمتزج مع عبير
فوحها من غرامه تحتويني بهون
كيف مايحتويني حب قلب كبير
ان زعلت وتراخت هامتي والمتون
مد كفه....وطبطب..قالي:مايصير
ابتسامه محبه وارتعاشه جفون
ترسم الكون فرحه من هنا...للاخير
قلت له لاتغيب وقال لي:كيف اكون
قلت:عطني يدينك حس قلب كسير
خايف الحلم يفنى بين هم وظنزن
وخايف الياس يحفر قلب صغي
خايف اصحى واشاهد واقعي والمصير
ضمني حيل انا محتاج صدر حنون
مدري وش صار فيني بس ماني بخير
ريماس:وسلامتكم هاه وش رايك
نوف:ول ول ول الله يقطع بليسك ريماسوه كلمة جنـــــــــان شوي عليها يالله اعترفي هاه من صاحب الحظ السعيد
ريماس:ههههههههههههههههه حرام عليك علشان اكتب صرت احب بس كل هاذي خواطر من عندي
نوف:علينـــــــــا ياشيخه
ريماس:بكيفك لاتصدقين
نوف:والله مادري عنك المهم يالله انا بروح اذاكر الحين وانتي خلك مع اشعارك يالله باي
ريماس:هههههههههه باي
ريما تنادي ريماس بصوت عالي :ريمــــــــــــــــاس بسرعه بيبداء الفلم
ريماس:طيب جايه
طلع فيصل من البيت وركب سيارته وراح عند بيت عمه
في نفسه(هاذي ريماس بنت عمي عبدالله ماشاءالله كبرت وش هالجمال تبارك الرحمن وبعد تكتب شعر والله شي)
دق جوال فيصل من ولد عمه نواف رد عليه
نواف:وجع وينك
فيصل:يالله هاذا انا في حارتكم
نواف:بسرعه لانتاخر على الشياب والله يحسونا
فيصل:هههههههه يالله انا واقف عند بيتكم اطلع
نواف:اوكي باي
نزل نواف وركب مع فيصل وراحو للاسترحه

انتظر وجودكم وتفاعلكم =)