البارت العاشر
" د۶ـي الـξـقل جآنبـآً و استمتـξ بـ الدلـآخـہّ " الجزء الثالث والاخير
اليوم الثاني
في بيت أبو تركي
تاره صحت من النوم وبدلت
وطلعت من الغرفه وهي طالعه مشت من جنب غرفة تولين
تذكرت سالفة أمس حسسسسسسسسسسسست بغيض منها
دخلت الغرفه وكانت تولين جالسه على المسن
تاره بقهر: تولينوه
تولين إلتفتت عليها وقالت بعصبيه : what انا كم مرره أقولك دقي الباب قبل ماتدخلين
تاره بعصبيه وهي تقفل الباب بقوه : زين قفلي الزفت اللي إنتي مشغلته و ابغا أتفاهم معك
تولين قطبت حواجبها بأستغراب : خير عن إيش
تاره جلست على السرير وطالعت تولين بعتااب قالت بحده : ليش ماقلتيلي على سالفة الكلام اللي طلع بالمدرسه
تولين إنصدمت كيف تاره عرفت هي الوحيده اللي ماكانت تبغاها تعرف : هاه وانتي كيف عرفتي
تاره عصبت و قالت بغيض : ليش ماقلتيلي يعني يرضيك أعرف السالفه من بنو
تولين إنقهرت من البندري قالت بعصبيه : خلاص سالفه و إنتهت وما أبغا أتكلم عنها
تاره إنقهرت من طريقة كلام تولين قالت بسخريه : طيب ياحبيبتي تدرين ان لورا هي اللي مطلعه هالكلام
تولين و كأن أحد كاب عليها مويه بااارده : نعم
تاره ميلت فمها بأبتسامه ساااخره : ايه هي اللي مطلعه ألإشاعه بنو ما قالت لك
تولين عصبت و قامت : لا مو لورا مستحيل تطلع ذا الكلام والبندري تقول كيذا لانها تكرهها
تاره وقفت وقالت بتحدي : و إذا قلت لك إن البندري لمن سألت كذا بنت في المدرسه قالوا ان لورا هي اللي مطلعه ذا الكلام بتصدقينها
تولين وهي مقهوره : لا ماراح أصدقها
تاره تطبطب على كتف تولين بسخريه : يقولون إحذر عدوك مرره وصديقك ألف " بحده " حطي ذا الكلام في بالك
وطلعت من الغرفه
تاركه وراها تولين المصدومه من طريقة كلام تاره و الكلام اللي قالته
طلعت تاره وهي تحس بغل من تولين هي قاصده تقولها هالكلام لانها مقهوره منها ليش ما قالت لها من البدايه
وكيف البندري تعرف قبلها المفروض هي أول وحده تعرف
هي تدري مو أكيد ان لورا اللي مطلعه الاشاعه بس برضوا تبغا تفهم تولين على هذي النقطه
نزلت تحت كان أبوها بالصاله هو و تركي
جلست بهدوء مو من عادتها
تركي إبتسم : يااا عساااه دووم مو يوم
تاره بفهاوه : هاه
ابو تركي بحنيه : وش فيك تعباانه
تاره إبتسمت : لا بس راسي يوجعني
ابو تركي بإبتسامه حنونه : طيب قومي خذي بندول
تاره إبتسمت : لا مايحتاج
تركي: هاه ابويه وش قلت على الموضوع
ابو تركي إبتسم لتركي : أقول توكل على الله وروح
تاره بلقافه : وين يروح و وش الموضوع
ابو تركي ضحك : ياشين اللقافه
تركي قال بأبتسامه : انا بكرا مسافر الشرقيه عندي شغل هنااااك
تاره صرخت : بتروح الشرقيه لبى الشرقيه و أهلها تكفى خذني معك
تركي بصدمه : نعم أنا بروح عشان شغل كيف آخذك معي
تاره نقزت عند أبوها : أبويه تكفى بروح معه
ابو تركي : ماينفع هو بيروح مع زياد وفهد انتي وش دخلك
تاره بدلع زياده عن اللزوم : مالي دخل بروح
ابو تركي تنهد وطالع تركي : خذها معك
تركي وقف مصدمه : لآآآآآآآآآآآآآآآآآآآآآآآآآآآآآآ مستعد أسوي اللي تبغاه الا اني آخذها معي
ابو تركي ضحك
تاره بأبتسامه : يعني بروح
ابو تركي : انتي ما وراك جامعه
تاره ضربت جبهتها على خفيف : الا يووه كيف نسيت " طالعت تركي وقالت بغيض و استهبال " بل عليك حظك يكسر الصخر
ضحك تركي : انا بروح الحين بيت جدتي شيخه تجين
تاره نقزت : أكييييييييييييييييييييد
تركي : زين روحي قولي لأختك تجهز
تاره بحده : روح قلها انت بنفسك
تركي طالعها بأستغراب : ليش
تاره وهي تطلع من الصاله قالت ببرود : متزاعلين
تركي طلع فوق يقول لتولين على الطلعه دق باب غرفتها ودخل
كانت جالسه على السرير وتكتب
تركي بأستهبال : الله الله يازعلان .....خف علينا شويه
تولين إبتسمت : أشوفك رايق اليوم
تركي جلس على الكرسي و إبتسم : ليش متهاوشه مع تاره
تولين بتوتر واضح : هاه انت تعرفها لسانها طويل ويبغاله قص
تركي طالعها بعدم تصديق بعدها إبتسم : المهم بنروح بيت جدتي تجين ولا تعباانه
تولين وهي تعدل جلستها : لا مو تعبانه بروح
تركي وقف : أجل إجهزي
تولين إبتسمت : ok يا أحلى أخو بالدنيا
تركي بحسره : ايه ما تمدحون الا إذا كنتوا تبون شي
تولين راحت لعنده : زين إطلع
ضحك تركي وهو يفتح باب الغرفه عشان يطلع: شفتي خلاص بعد ماعرفتي إني بوديكم تطرديني
تولين حظنته بقوه وقالت بإبتسامه : الله لايحرمني منك يآ أحلى و أطيب أخو بالدنيا وهذي مو عشان شي إرتحت الحين
تركي وهو يمسح على شعرها بحنيه إبتسم على حركتها
تاره كانت طالعه من غرفتها بققت عيونها : خير تحظنون بعض
تركي ضحك : وانتي وش عليك
تاره بهبال : وانا كمان ابغا مثلكم
تركي ضحك لمن ركضت ودفت تولين وحظنته وهي تقول بأستهبال تراني فاقده حنان لا تشره علي
تركي بعد عنهم وقال بأبتسامه : صدق ماتنعطون وجه يلا انتي والثانيه خلصوني
ونزل
×××××××××××××××××××××××××××××××××××××××××××××××××× ×
بيت الجده
عند زياد وفيصل و الجده والبنات و أم فيصل
سلافه : يعني بتسافر معهم ولا لا
فيصل بأستغراب: لا وانا وش دخلني أسافر معهم
سفانه : مدري كل واحد قاط فيسه وقال بروح معهم
الجده : هوووو وش هالكلام
سفانه بأبتسامه: قلت شي غلط
الجده عصبت : يعني قصدك خالك حاشر نفسه معهم ايه شي غلط
سفانه ضحكت : جدتي بس تبين تهاوشين بدون سبب
زياد إبتسم : يمه ماعليك من سفانوه ماتدري وش تقول
ام فيصل : تبون أحط لكم الغدا قبل يجون
زياد وهو يجلس جنب إخته قال بأبتسامه : انتي إستريحي وخلي البنات يقومون مدري وش شغلتهم بس جالسين
الجده بعصبيه: صدق ماتستحون قومي انتي و إختك حطوا الغدا
سلافه إنفجرت ضحك على شكل سفانه اللي موسعه عيونها
من أول ما جات وجدتها مستلمتها هواش بدون سبب
يمكن من الشوق مدري
فيصل ضحك لمن راحوا وهم يتحلطمون من قلب
<><><><><><><><><><><><><><><><><><><><><><><><>
|