البارت الخامس " انا لاضاقت بي الدنيا تجيني حالة أستهبال " الجزء الثاني
يوم الاثنين الصباح الساعه 6 ونص
في بيت أم تركي
ام تركي دخلت غرفة تولين
جلست جنبها على السرير
قالت ام تركي بحنيه : تولين حبيبتي يلا قومي تأخرتي
تولين وهي تقلب على الجهه الثانيه : هممممممممم
ام تركي وهي تمسح على شعرها بحنيه : يمه يلا قومي لا تتأخرين على المدرسه
تولين بتعب وبحه بصوتها : اممم مابي أروح اليوم
ام تركي حطت يدها على جبهت تولين قالت بأستغراب : حرارتك مرتفعه تعباانه
تولين وهي مغمضه عيونها قال بأرهاق : يمه مافيني أروح اليوم تكفى
ام تركي بحنيه وخوف : حرارتك مرتفعه أكلم ابوك عشان يوديك المستشفى
تولين ما عارضت لانها من جد تحس بتعب
طلعت أم تركي من غرفة تولين
ونزلت تحت
كان ابو تركي و تركي يفطرون
وتاره نايمه
ام تركي وهي تجلس على الكرسي قالت بتوتر : تولين مصخنه شوي بوديها المستشفى
ابو تركي بخوف : طيب خلاص انا أوصلكم الحين " التفتت على تركي اللي جالس يطالعهم " انت روح الشركه الحين وانا أوديهم المستشفى وأجيك بكلم ناصر " السكرتير" و أقوله يأجل الاجتماع
تركي هز راسه بـ طيب
ام تركي وهي تقوم : خلاص انا بروح أجهز عشان نوديها المستشفى
ابو تركي : لا تتأخرين
ام تركي هزت راسها وطلعت
ابو تركي تنهد : كنت حااس ان فيها شي لها كم يوم مو على بعضها
تركي يهديه : مافيها الا العافيه انشاءالله " ابتسم " تلاقيه دلع بنات ما ودها تروح المدرسه وجالسه تدلع عليكم
ابتسم ابو تركي بحنيه لتركي
××:::××:::××:::××:::××:::××:::××:::××:::××:::××::: ××:::××:::××:::××:::××:::××:::
في بيت الجده
سفانه والجده و فيصل وسلافه يفطرون
سلافه بحماس : وناااسه اليوم بنروح البر
فيصل ابتسم : قولي انشاءالله
سلافه وهي متحمسه : انشاءالله
الجده : يلا خلصي فطورك لا تتأخرين " طالعت سفانه الساكته لان فيها النوم بس صاحيه كيذا عبط " وانتي روحي أخمدي وبلا إزعاج
ضحكت سفانه : اي إزعااج انا أسوي إزعاج
الجده ابتسمت: ايه " قالت بنبرة صوت غريبه " و وينها تاره ماصارت تجي
ضحك فيصل : جدتي أشتقتي لتاره
الجده بأستنكار : ويييي أنا ماصدقت أفتك من إزعاج هالبنت لها كم يوم ما زارتني " قال بحنيه وبنبرة خوف " بس لاتكون مريضه
فصيل وسلافه إنفجروا ضحك
سفانه وهي تغمز للجده : علينا ياجدتي أقطع يدي إذا ماكنتي مشتاقه لها بس هي موب مريضه مشغووله مع
الجامعه "ضحكت" بس لاتخافين اليوم بتزورك تسلم عليك قبل مانروح البر
ابتسمت الجده وماعلقت على كلام سفانه
خلصوا فطور وطلع فيصل وسلافه من البيت
سفانه رجعت تنام لان اليوم عندها محاضره وتبغا تكون مركزه شوي
؛:::؛:::؛:::؛:::؛:::؛:::؛:::؛:::؛:::؛:::؛:::؛:::؛
بيت ابو محمد
فهد طلع من البيت بدري عنده شغل
الريم جالسه مع بدر في الصاله
بدر صارخ : ببببببببببببببببببببس هرجك صاير كثير اليوم
الريم ابتسمت : بنروح البر
بدر وهو منسدح على الكنبه سحب المخده اللي جنبه ودفن وجهه بالمخده وقال بصوت مقهور : فهمت وربي فهمت وجع انتوا البنات لاتحمستوا يجيكم شي غريب بس تهرجون
الريم ضحكت وهي تناقز كأنها بزر : بنروح البر... بنروح البر... بنروح البر
بدر قام وسحبها من ذراعها ودفها على الكنبه طالع فيها بعصبيه مصطنعه : وربي إذا ماسكتي الحين لا أذبحك ساااااااااامعه
الريم خافت هزت راسها بـ ايه
ضحك بدر وهو يبعد عنها : بنات مايجون الا بالعين الحمرا
فزت الريم وقالت بصراخ : نعععععععععععععععم
بدر ارتاع من صرختها
الريم وهي تشمر أكمام البلوزه قالت بطريقه عربجيه وهي تحط يدها عند إذنها كأنها ماسمعت : عيد وش قلت ماسمعت زين " قالت بحونشيه وهي تتخصر بطريقه مضحكه " إذا فيك خير عيد اللي قلته
بدر ابتسم على حركاتها : ما أقول الا الله يعين زوجك أبد ماعندك وقت مستعده بأي دقيقه تقومين تتكافخين
الريم وهي تجلس على الكنبه قالت بعدم اهتمام وجرائه : هو يحمد ربه اني باخذه " ابتسمت وهي تكمل بجرائه مرجوجه " ويصلي ركعتين شكر ان بنت منصور وافقت عليه يحصله بس من زينه هو اساساً
بدر انفجر ضحك
الريم ابتسمت وهي تكمل بهبل : ليش تضحك أضن ماقلت شي يضحك قلت الحقيقه
بدر وهو يضحك : الله يقطع شرك وانتي وش عرفك انه شين
الريم ضحكت : أحساس
واستمرالهبال والصرقعه عندهم
------------------------------------------------------------------
بيت ام سليمان
في الصاله
سليمان بعصبيه : بندرررررررررررررررررري ترا صدق مافيني طاقه للهواش معك الحين
البندري ببرود وهي حاطه رجل على رجل : قلت لك والله ما اروح المدرسه الحين شوي كمان ربع ساعه
سليمان بقهر : و حضرتك مين عشان تداومين عكس الناس كل يوم متأخره
البندري انقهرت من طريقة كلامه قالت بسخريه : ابله مرام تكفى مالي خلق محاظراتك
بندر ضحك
سليمان وصلت معاه أخذ نفس عميق لانه يدري انها جالسه تعانده قال بأبتسامه مصطنعه وهي يصر على اسنانه : حبيبتي بندري الشاطره ممكن تلبسين عبايتك وتطلعين قدامي على السياره
البندري بعصبيه : طـــــــــــــــــل بزر انا تكملني بهالطريقه
سليمان عصب جا بيتكلم
بندر ضرب البندري على كتفها وهو يضحك : آما أخلاقك على الصباح ميه ميه أقول ترا تأخرت على المدرسه ممكن تتكرمين وتطلعين لانك مأخرتنا كلنا
البندري زفرت بقهر و أعطت سليمان نظرات حاده وهي مبوزه وقامت تلبس عبايتها
بندر ابتسم : ياخي انت ماتعرف تتعامل مع الجنس الناعم
سليمان طير عيونه : انت من صدقك تتكلم هذي من الجنس الناعم هذي مدري أصلا مافي كلمه توصفها
بندر ابتسم وهو يفكر : اممممممم حونشيه .. عربجيه .. مشكلجيه ... مزاجيه ...
سليمان قاطعه وهو يقول بدون نفس : خلاص فهمت و ممكن تتكرم وتطلع تركب السياره لمن توصل الملكه البندري
ابتسم بندر وطلع مع سليمان للسياره جلسوا ينتظرون بعد عشر دقايق دخلت البندري
البندري بأستفزاز : هههههههههههاي كلمة مين اللي مشت الحين قايلتك والله ما أطلع من البيت الا بعد ربع ساعه ومرت الربع ساعه هههههههه
سليمان كتم غيضه منها هي الوحيده اللي ممكن في هالعالم تستفزه
وهو شخص صعب إستفزازه لانه من النوع اللي يطنش
بس هي الوحيده اللي لمن تتكلم تستفزه
برودها .. مزاجيتها ... عنادها ... كلمتها اللي تمشيها على الكل ... ردودها ... عندها جواب لاي شي ... فيها جانب غامض .. طريقتها وهي تتكلم بثقه وبرود تستفزه
بندر ابتسم وهو يقول: شكلك ناويه تتصفقين اليوم صح
ضحكت البندري و ماردت عشقها في هالكون إستفزاز سليمان
------------------------------------------------------------
بيت ام نواف
غزل وهي منبطحه على الكنبه اللي بالصاله : بس الله يغثكم
نواف وهو يسحب النوري من إذنها : وين جوالي يامال المرض ياشيخه
النوري : آآآآآي ابعد عني يالثور اي جوال مدري انت وش قاعد تخربط
نواف وهو يبعد عنها : اعترفي وين جوالي
غزل صرخت : لـــــــعنة وش فيك انت ماتفهم قالتلك ماتدري تراك مسببلنا إزعاج اليوم
النوري ضحكت : أقول نواف ترا تأخرنا على المدرسه
نواف طالعها بحده : والله عارف انك انتي اللي ماخذته بس آآخ لو أتأكد وربي لا أذبحك
النوري بعدم أهتمام : زين تأخرنا ممكن تتفضل عشان نروح المدرسه
طلعوا نواف والنوري
غزل نقزت : أخيراَ مابغوا " راحت المطبخ وجلست تحوس في النهايه قالت ان مافيها حيل تسوي شي"
طلعت غرفتها و أخذت شيبس ليز حآآر
وبيبسي و أخذت سي دي فيلم 2012 < يآآآآآآآآآآلبيه ذا الفيلم ودي أشوفه < برآآآ
جلست بالصاله تحت وطفت الانوار وشغلت السيدي
جلست على الكنبه بحماس وهي تفتح الشيبس
رن جوالها معلن وصول مسج
ميزت النغمه اللي حاطته للأرقام الغريبه
فتحت الرساله
ما في احلى من صباحك ..
و الشمس تنور حياتك ..
و اكون اول رسائلك ..
و اقول يسعد صباحك..
"" غزولتي حياتي انتي ردي علي ""
تنهدت غزل لمن شافت الرقم الغريب عرفت مين اللي مرسلها حست بغيض كبير
قررت ترسله رساله
رن جوالها مره ثانيه من نفس الرقم
فتحت الرساله وهي تزفر بغيض
البعد
عذب القلب وصار الهم عنوانه
والعين
ياغالي على شوفتك ولهانه
تنفسها صار حاد والدموع تجمعت بعيونها
ارسلت له رساله
وحطت جوالها على الصاامت وجلست تتابع الفيلم
-----------------
كان راجع للبيت
ابتسم بفرحه لمن شاف جواله يرن بنغمه مخصصه لها هي
فتحه بلهفه بس تلاشت الابتسامه وهو يقرا الكلا اللي كاتبته
" بليز يعني لاعاد ترسلي وتحاول تكلمني
لان اللي بيننا خلاص انتهى
انت غلطت بحقي بس بغلطتك نبهتني على شي كنت غافله عنه
من زماان وناسيته
ان اللي جالسه أسويه
أكبر غلط في حياتي
صدقني إذا قلت لك اني نسيتك وماعادك تهمني
واتمنى انك تنسى
ان في وحده تعرفها اسمها غزل انساااني مثل مانسيتك "
ابتسم بسخريه : انساااك " زفر بضيقه وفتح جواله دق عليها بس كالعاده ماترد عليه قرر يرسلها مسج " رسلها وقفل جواله
شغل الراديو وضحك بسخريه على الاغنيه اللي جالس يسمعها
كانت اغنيه نسيت أنساك
|