07-08-2011
|
#6
|
تاره وهي تمد يدها عشان تقوم سفانه : على ايش
تولين : على انك أخذتي الضربه بدالي
تاره بكذبه : اسكتي قال أخذتها بدالك أصلا جات بالغلط ولا انا ناقصه أشوه جسمي المثالي عشااان خاطرك
ضحكت سفانه وهي تقوم : عطتكم النصبه " بمعنى انها قامت تشلح يعني تكذب "
تاره تضيع الموضوع :تعالو نطلع فوق نشوف سلااافوه الحقيره اللي جات تصارخ بهستيريا وتناقز " صارت تقلدها " بيذبحهم أقسم بالله بيذبحهم " ضحكت " بغت تجيب لجدتي سكته قلبيه
من الخوف
تولين : يووه naw راح تسألنا
وش السالفه
ضحكت تاره وهي تطلع من المجلس : ياشيخه لاتشيلين هم ماراح تسألكم لانها هاوشتني تقول السالفه كلها من تحت راسي انا
سفانه بهدوء : والله كنت ميته خووف شكله من جد مرعب وهو معصب
تولين بخوف : والله لمن شفته يضربك بغت تجيني جلطه قلت لو ضربني من الممكن اني أمووت بس " ابتسمت "
الحمدلله عندي أخت طيوووبه أنقذتني من الموقف
تاره بكذبه : ياليل بتمسكينها علي الحين قلت لك بالغلط
طلعوا فوق ودقوا باب غرفة سلافه بس هي كانت تصيح ومافتحت الباب تركوها براحتها لمن تهدء وتجيهم
راحوا غرفة سفانه
انسدحت سفانه على السرير بتعب
تولين جلست على الكنبه
وتاره دخلت الحمام الله يكرمكم
فصخت العبايه ورفعت كم البلوزه وشااافت الضربه اللي كانت تحرقها وتحس بألم مكانها كاان لونها أحمممممر من قوتها
تاره ضحكت على نفسها ~ يعني لازم أسوي نفسي سوبر وومن
وأنقذها كالعاده ثااني مرره بخليها تنال عقابها "ابتسمت " صدق هالبنت دلووعه وغثيثه لو أنه ضربها
كان ماتت من الصياح أشوووا اني أخذتها بدالها بدل ماتغثني وتنكد علي يومي ~ طلعت من الحمام " الله يعزكمـ"
طالعت تولين اللي جالسه تضحك مع سفانه بحب وحنيه أخويه
تاره بهبال : بنات نلعب
سفانه بتريقه : سباق وندخل الملحق
تولين ضحكت
تاره تذكرت وصرخت من قلب : حقييييييير
سفانه وهي تعدل جلستها : مين
تاره بقهر : اخوك الزفت يقول لزياد ان السالفه من تحت راسي
ليش هو دايم ضدي في كل شي ليييييييييش
تولين ضحكت : مو بس هو ضدك
كل العالم ضدك
سفانه وهي تضحك : وانتي ضد العالم
تاره بحسره : ايه والله " قالت بطريقه مسرحيه وهي تحط يدها على راسها بشكل يضحك " انا ضد العالم والعالم ضدي
ضحكوا وهم يئيدونها
جلسوا يسولفون وانضمت لهم سلافه
اللي كانت ملتزمه الصمت
وماتكلمت وقالت شي
سفانه بنبرة حزن : اكيد بعد اللي صارجدتي راح تقول مافي بر
تولين : أحسن قايلتلكم البر its not cool
تاره بتفكير : اممم أشوف اكلمها أحاول أقنعهـ " ماكملت كلامها الا الباب ينفتح بكل دفااشه "
الريم بصراخ : يــــــــــــا عـــــــــالـــــــــــم أحـــــــــنا جــــــــــيــــــــنا
البندر من ورا الريم بحماس وهي تفرك يدينها ببعض : سمعت ان صار فيه شوية أكشن اليووم
غزل وهي تنقز من وراهم وتتخصر : يالخونه بدون علمي
نقزت تاره وسفانه بنفس الوقت وهم يصرخون بحمااس
لانهم ماتوقعوا انهم يجون اليوم خصوصا ان اليوم جمعه
وبس الشباب اللي يجون يتغدون عند الجده بعد الصلاه على طوول
بعد السلام والسؤال عن الحال
الريم بهبل : يلا اعترفوا وش صااير
غزل بنفس الهبل : لو سمحتوا السالفه تقولوها كاامله
البندري بحماس : بالتفصيل الممل لاني سمعت ان خالتي أم فيصل هاوشة خالي زياد
تاره بصدمه : هاوشته
الريم بحماس لايصدق : ايه سمعت ان كان في ضرب وتكفيخ قولوا عاد ترا حدي متحمسه
غزل بأبتسامه شاقه الحلق شق : انا سمعتها تكلمه بس ماتهاوشوا بس كلام تقول مايصير تمد يدك عليهم ومن ذا الكلام
سلافه : وهو وش قال
غزل تتذكر : يقول اللي صار خلاه يعصب ومن حقه يضربكم لان انتوا ماينفع معكم الكلام
تولين : no مو من حقه يضربنا قبل مايسمع اللي صار لان اللي صار كان بدون قصد
الريم بصراخ وهي تشد شعرها : بتقولون ولا لا ترا اعصابي تلفت من الحماس
سفانه بسخريه : هدي لايطق فيك عرق بس
ضحكت الريم
البندري بدون نفس : يلا قولوا
جلست سفانه تقولوهم على اللي صار بالتفصيل الممل
غزل بحماااس : ياخساره ياريتني نايمه عندكم أمس
الريم بقهر : بس والله ان فيصل نذل
البندري بغيض : ايه والله انه نذل ليش يعلم كان سكت
سفانه : عاد هذا اللي صار
تاره تضيع الموضوع : شرايكم مدام جيتوا تكلمون جدتي على البر
الريم بأستغراب : اي بر ومين قال اننا بنطلع بر
سفانه : هذي الفكره أمس جتنا وكلمناها وقالت بتكلم خالي ابو محمد وتشوف
تاره تكمل : بس أخاف بعد اللي صار اليوم تطنش الموضوع
غزل وهي تدق الصدر : أفا لا أفا تطنش الموضوع وانا موجوده بكلمها الحين و بتوافق
تاره ضحكت : أجل ننزل الحين ونكلمها
الريم : بس كل الشباب موجودين
تاره ضحكت وطالعت سفانه وهي تقول بتريقه : درب ياولد درب
ضحكت سفانه لمن تذكرت
غزل بأستغراب : وش فيكم
سلافه قالت لهم على سالفة تاره ضحكوا البنات
الريم وهي تدق كفها بكف تاره : والله انك حفله بدون كيك
ضحكت تاره على التشبيه
ونزلوا تحت
تاره وهي واقفه برا غرفة جدتها قالت بتهديد : قسم بالله لو تتمنذلون وتتركوني لوحدي والله لا أقول لجدتي على كل فضايحكم
غزل بضحكه : اي فضايح
ضحكت تاره : خلي المستخبي مستور
ضحكوا عليها
طلت براسها شافت الغرفه الي تعم بالشباب
ودخلت أول وحده
تاره بأبتسامه : السلام عليكم
ردوا السلام
والجده بققة عيونها لمن شافتها
تاره التفتت وراها شافت البنات يرجعون ببطء على ورا
تاره بشهقه : يالنذلااات تراني أقسمت
ضحكت البندري وهي تدخل الغرفه بطريقة حونشيه
وقالت السلام بعدها دخلت سفانه وسلافه وغزل وتولين
الكل رد السلام
تاره استغربت نظرات تركي لتولين
بققة عيونها على الاخر عرفت بهذي اللحظه ان السالفه وصلت لتركي
بس ماحبت تبين شي جلست جنب جدتها وجلست من الجهه الثانيه الريم اللي كانت آخر وحده تدخل الغرفه
الجده : كملت أجتمعوا علي المهبل
ضحكت الريم : ياحليلك ياجده
الجده بعصبيه : حلاك بطنك يالخبله وش ياحليلك
الريم تداركت الموضوع قالت بتلعثم : قصدي ياحبـ ي لك
الجده بنفس خايسه : وش تبون
الريم : نبغا نروح البر
سفانه : ايه الله يخليك
البندري بذل : امانه الله يدخلك الجنه
تولين : صحيح كنت رافضه الفكره بس يلا الله يخليك نبغا نطلع البر
سلافه : عشااان خاطري جده
غزل وهي تناقز وناسيه الشباب اللي بالغرفه : الله يخليك عشاني أمانه الله يسعدك دنيا و آخره
كتمت الجده ضحكتها على أشكالهم وجلسوا البنات يترجون فيها وهي معطيتهم طناااش < والله مهي بسهله الجده خخخخ
×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ ×
عند " فهد .. تركي .. فيصل .. زياد "
تركي كان ملتزم الصمت بعد ماعرف السالفه من زياد
فيصل ماكان يبغا السالفه توصل لزياد بس خاف انه يعرفها أو يسمعها من زملائه بالشركه
فقرر يقوله
بس ماكان متوقع ردت فعله كيذا
مايدري ليش بس حس براحه لمن عرف انه ماضرب تولين لان زياد قاله على اللي صار
فهد كان يطالعهم بأستغراب : اللي ماخذ عقولكم
زياد : الا أقوول وين فارس ما جا اليوم
ضحك فهد : والله انك مغبر فارس مسافر من أسبوع
زياد بأستغراب : مساافر
فهد : ايه راح مع أخوياه لدبي من الاسبوع اللي فات
زياد : آها
فهد طالع تركي و فيصل اللي ساكتين على غير المعتاد طالع زياد : وش فيهم
زياد ابتسم : ولا شي
فهد سكت
وجلس بعدها يسولف مع زياد عن الشركه و أحوالها وإذا كان تئقلم مع الوضع ولا لسا
×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ ×
" سليمان ؛؛ بدر "
كان بدر يسولف
وسليمان يطالع البنات
كان يطالعها بحب وشووق له أكثر من أسبوعين ما شافها ولا سمع صوتها
كان مشتااق لها مووت
كان يطالعا تسولف وتحن على راس جدتها وتضحك مع البنات بعدها شافها التفتت عليه
شافها تطالع فيه وتعطيه نظرات حقد وكره
ابتسم لها ابتسامه استفزازيه
قطع عليه هالجو
بدر
بدر وهو يمرر يدها قدام وجه سليمان : وسن وصلت يا ابو الشباب
سليمان ضحك : معاك
بدر : واضح ما اقول الا اللي ماخذه عقلك
سليمان بضحكه : وانت وش عليك
ضحك بدر وهو يرجع يعيد السالفه لسليمان
اللي جلس يضحك على كلامه
×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ ×
الجده بنفاخ : جعلكم بالعافيه يالمخبل قوموا عني أقلقتوا راسي
الريم بهبال : يلا يلا وافقي عشان خاطري
الجده صرخت : قومي عني ومين قال ان لك خاطر عندي
الريم بعبط : يووه ياجده حرام عليك تطيحين وجهي قدام العرب
غزل بضحكه : كسحتك < يعني فشلتك
البندري بعربجه : يالله ضفوا انا بكلمها أدري اني دلوعتها ومابترفضلي طلب
" بعدوا البنات و وقفت البندري قدام وجه جدتها وابتسمت ابتسامه واسعه جدا جدا لدرجة ضروسها كانت واضحه "
البندري بصارخ وهبل : الله يخليك الله يخليك ابغا اروح البر حرااام عليك اللي جالسه تسويه فيني تراك جالسه تعذبيني امـــــــانه ابغا اروحـ " قطع كلامها لمن شافت جدتها تدور على عصايتها "
البندري بعدت بخوف : يمه خلاص بطلت ما ابغا اروح
الجده وهي ماسكه عصايتها وتلوح فيها قدام البنات :والله لا اكسر روسكم بها اذا مابعدتوا عني يالمهبل
تولين بدلع ونذاله : تستاهلون كيذا الواحد يكلم جدته
الجده بنرفزه : يعني الحين انتي اللي تعرفين تهرجين قومي عن وجهي
تولين لفة البوز
البنات انفحروا ضحك
تاره من بين ضحكها : لقطي وجهك ههههههههههههاي فشلتك
تولين بحركه طفوليه مدت لسانها
غزل تنهدت : يعني هذا جزاتنا ياجده
ترا طلعت البر راح تكوني انتي المستفيده منها
الجده بأستغراب : وشوا
غزل وهي تمسك يد جدتها قالت بعبط : يعني فكري فيها اذا طلعنا البر
راح تفتكين من تاروه و إزعااجها
وسفانوه بعد وكل الشله ماراح تشوفينا
يعني انتي اكثر وحده راح تستفيد
كل البنات طالعوا غزل
وتاره طالعتها بحقد
انصدموا لمن الجده قالت : عطوني التليفون اكلم خالكم ابو محمد شلون انا مافكرت اني راح افتك منكم
ماكملت كلامها الا التليفون قدامها وتاره داقه على رقم خالها
الجده اخذت التليفون وأشرت لهم يسكتون عشان تسمع
سكتوا وجلسوا بأدب على غير العاده
والجده تكلم تليفون
بعد انتهاء المكالمه اللي استمرت ربع سااعه
تم الاعلان من قبل الجده
الجده بصوت عالي عشان الكل يسمعها : ترا كلمت خالكم ابو محمد على البر يقول يوم الاثنين تبدء إجازته وبيطلعكم
تعالت اصوات البنات الحماسيه
والشباب اللي كانوا بعد مبسوطين انهم راح يغيرون جو
×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛×؛ ×
انتهى البارت الثاني سامحوني إذا كان قصير
تتابعون في البارت الثالث من رواية " مخ عربجي "
: ( انا ضد العالم والعالم ضدي ) الجزء الثالث والاخير
*.*.*.*.*.*.*.*.*.*.*.*.*.*.*
ضحكت ضحكه مصطنعه وهي ودها تصيح لمن بدءت الذكريات ترجعلها
*.*.*.*.*.*.*.*.*.*.*.*.*.*.*
فهم قصده وقال بهمس وغيض : ودي أذبحها هي و
*.*.*.*.*.*.*.*.*.*.*.*.*.*.*
قالت بضحكه شرانيه : هههههههههههههاي تولينوه تركي من أول يطالعك ياويلك منه شكله بيذبحك
*.*.*.*.*.*.*.*.*.*.*.*.*.*.*
حست انها بتصيح من الخوف جات ترجع على ورا انصدمت لمن شافت فيصل طالع من المطبخ
*.*.*.*.*.*.*.*.*.*.*.*.*.*.*
ابتسمت مجامله وهي تحس بغيض فضيع منها عشان فيصل شافها
*.*.*.*.*.*.*.*.*.*.*.*.*.*.*
وهي تصيح بشكل يقطع القلب : الحقيره بنت ##### وحده من البنات مطلعه علي إشاعه تقول اني
مع تحياتي : غرامها ساحر
|
|
|
|
|