منتديات قصايد ليل - عرض مشاركة واحدة

07-08-2011

وقال بديوي الوقداني :-

دنيـاك هـذي كلهـا هَـزِّ قـاروق
ما تعرف الصاحب من اللي معاديـك
واكثر كلام الناس بالمكـر والبـوق
يهرج معك واليـا تِقَفَّيـت يرميـك
المال دايـم صاحبـه مرتفـع فـوق
والقل خايب لـو تَرَفَّعْـت يرْخِيـك
عزِّي لمن دَوَّرْ لهـا عنـد مخلـوق
إما بخـل ولاّ مَنَـن يـوم يعطيـك
أوصيك بالطيِّب إذا كـان لـك ذوق
إرمـه وراك ولازمٍ إنـه يلاقـيـك
يا العبد هوِّن كل مطـرُود ملحُـوق
لا تِشْتَحِن لك رَب ما هُـو مخليـك
اللي جعل لك رُوح جاعلك مـرزُوق
كما تَكفَّل بـك مـن الخلـق كافيـك
يعطي وباب الرِّزق ما هُو بمغلـوق
واليا طلبته وانـت محتـاج يعطيـك
الرِّزق له حبسه وله وقـت مطلُـوق
وإن مت ظل عنـد قبـرك يناديـك
والموت جايك لو تقع جوف صندُوق
دع عنك ما بك من حـذر لا يعنيـك
لا تشتغل بالمال ترى المال ممحُـوق
مـا مالـك إلاّ مـا تمـده أياديـك
إن كان مالك يا فتى ضيـق السـوق
تراه عند الموت مـا هـو منجيـك
الجار والعاني لهُـم شـرط وحقُـوق
والضيف واجب تكرمه يوم يلاقيـك
وان كان تبي تأخذ المـدح مطبُـوق
خلك مشمر دُون ضيفـك وعانيـك
صُون الأمانه واظهر الهرج بصدُوق
ولا تعاشر صاحـب البـوق يعديـك
لا تصحب الخاين ولا تامـن النُّـوق
وان لاح براق الحيا عَـذَّرَت فيـك
والدرب لا تامنه لو كنـت مرفُـوق
إلا بِحـدٍّ فـي يميـنـك يبـاريـك
أترك طريقة كل عاشِـق ومعشُـوق
ترمي برُوحك في الشرك ثُم يرميـك
والكلب ما يتبعك لـو تلبسـه طـوق
ولا خلاخيل الذهـب مـا يراعيـك
وبالصبر تغلب صاحب العزم يا شوق
والعزم طيب مَيْـر حـزات يرميـك
وافرح ليا منك عن الشـر مـدروق
واحذر صديقك واحذار اللي يُواليـك
هذا كلام الصدق ما هُـو بمسـروق
وابيـات يـا قلبـي بِناَهَـا يسَلِّيـك
من هاجسٍ يطمي كما بحر صافـوق
احذر على القلب الشقي يوم يِطْريِـك
يا رَبِّ تجعلني مـن النـار معتـوق
واجعل ختامي طيبـاً يـوم الاقيـك