ودي أقول حكايـة النـاس والبيـر
................ وكيف إتعبوا .. لأجل إيتهنون بالمي
وودي أشبهها بنفسي وأنـا آغيـر
................ وأفهمك .. كيف السحب تقتل الضـي
( ودي ) .. وخايف يسمعن العصافير
................ وتقوم .. وتصحي معاها هل الحـي
نم يا قمر دنياي .. تصبح على خير
................ خل النهار يحس بإنـه بقـى حـي
كل يوم أحبك غير .. والبارحة غيـر
................ بديت أحس إن الخلايـق ولا شـي !
إفرح .. إذا طالت علينـا المشاويـر
................ يمكن يزيد الشوق في داخلي شـوي
مدام حبـك .. قسمتـي بالمقاديـر
................ بأصبر .. وكن حر القوايل معك فـي
والله .. أحس ان لي جناحين وآطير
................ لامن ذكرت .. إنك ذخرت الغلا .. لي
خلك وسط قلبي .. لو يصير مايصير
................ كل الخلايق في وجودك .. ولا شي ..
|