تلاحقنـي ذنوبـي فـي طريـق العمـر
............ ولا آعـرف السنيـن اللـي بتبقالـي !!

يدينـي غارقـة بأشيـاء غيـر الحبـر
............ وأبأكتب .. عل يبقى لـي صـدر خالـي

كأن الأرض تحتي من لضاها .. جمـر !
............ عجزت أوقف أشوف شصار فـي حالـي

وأنا .. عبد ٍ ضعيف إحتاج يبكي .. كثـر
............ هواجيـس الغيـاب لصاحـب ٍ غالـي !

ولا اجمل من حنين القلب .. غير الصبـر
............ يعيشنـي " أمـل " لـو مـا تهيـالـي

يحاصرني الشتاء .. وأرجي بصيص الفجر
............ أبطرد وحدتـي .. وأبقـى مـع ظلالـي

تذكرت الحنين .. وفاض صدري شعـر !!
............ تفقـدت المكـان .. إلا أنــا لحـالـي

بقى عندي " قلم " .. بيني وبينـه شبـر
............ وأنا عم المسافـة وقـت يطـرى لـي !

تجر إيدي قصيدة .. ليـن بـاب السطـر
............ وأنا أوراقـي قصـور ٍ صرحهـا عالـي

وأهيجن .. بالزمـان الممتلـي بالطهـر
............ وأسمّـع صوتـي المبحـوح .. عذالـي

على .. من ودعتني .. وإتركت لي عطر !
............ أشمّـه لا طـرى موتـي علـى بالـي

يخالفها " الهواء " وتطير خصلة شعـر ..
............ تقـل يـد ٍ .. تودعنـي علـى فالـي !

خطاويها يقين إن ( الجفا لـه عـذر ) !
............ وهـي بنـت الوطـن ورمالهـا رمالـي

وأراقبها .. تراعـي للسمـاء والبـدر ..
............ وعلى قد الحزن .. كانت تحالـى لـي !

يبس غصن المـلام .. ولا تجـرّا ثغـر !
............ يتمتـم بالظـنـون وخيـبـة آمـالـي

وراحـت .. لليـال المجهمـات السمـر
............ ورى ظـروف ٍ كثيـرة مالهـا والـي ..

مع إني بأفتقدهـا .. بـس تامـر أمـر
............ لـو إنهـا طالبتنـي روحـي أشـوالـي

وش الأرض اليباس .. إلا حـدود البحـر
............ وش البحر الغزير .. إلا ( صدر غالـي )!

وأنا ما ادري .. لو أهرب من ذنوب العمر
............ أبهرب مـن طواريهـا علـى بالـي ؟!

• ترانيم جروح العمر((تاريخ جرح))
• غياب وشوق (عود الليل وجروح العمر)