منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

" ليش تحسين بخيبه الامل .. بالعكس انتي بالذات

لازم نفسيتك تكون عآل العآآل انتي بالذات لازم

تكونين قويه ع الاقل قدامـهآآ " قالتها لنوال بتفاؤل

نوال ودمعتها ع خدها قالت: دكتوره .. انتي

مومستوعبه الكلآم اللي تقولينه .. يعني بنتي بنتي

مريضه .. وتبيني اكون عال العال يادكتوره الله

ماعطاني الا هالبنت

ولو يصير فيها شي بموووت دكتوره انتي متأكده

الدكتوره: مدام نوال احـنـآآ هالتحاليل عندنا من

زمان من اول مادخلت بنتك المستشفى المره الماضيه

سوينا لها تحاليل كامله بس حضرتكم ماظنيتوا ان

ممكن يكون فيها شي وللأسف

الرقم اللي عطيتوننـآ اياه دايم مقفل والا محد يرد ..

وعجزنا نحاول نوصل لكم وماقدرنآ والوقت اللي يمر

من عمرها ويهدد صحتها

نوال: طيب دكتوره عيدوا نتايج التحاليل

الدكتوره: هذي النتيجه واحنا عايدها مره ثانيه

ومتأكدين منها عدل .. لكن حقك اننا نعيدها مره

ومرتين وثلآث وتقدرين تاخذينها ع اكثر من

مستشفى وتحليلين لها مره ثانيه

المسألة مومسـآلة اعادة التحاليل الوقت اللي يمر

ياخذ من عمرها ولازم تسارعين ونبدء معها العلآج

لان وللأسف حالتهـآآ متقدمـه مره وكل وقت يمـر

يأثر فيها اكثر واكثر

نوال بيأس : بس انتو مو متأكدين صح يعني فيه امل

النتيجه تكون غلط ..

الدكتوره: مدام نوال حالتك هذي رح تأثر على نفسيه

البنت اذا انتي امها كذا ومومتمساكه وشلون رح

تكون نفسيتها .. بنتك مرضـهآ هذا جزء كبير منه

يتعلق بالنفسيه ولازم

تكونين معهـآ وتكونين اقوى من كذا

نوال: مااقدر مااقدر امثل عليها واتصنع القوه

واقولها ماما حبيبتي انتي مرضـكـ خطير جدا بس

هالله الله بالنفسيه ..

الدكتورة: مدام نوال انا مقدره وضعك .. بس انتي

بدورك لازم تقدرين وضع بنتـك واللي هي فيه

ابتلآء من رب العآلميـن وان شاء الله شده وتزول

وهنا دورج كأم ..

المفروض انج تمسحين دموعج وتتمآسكـين ولو

قدامها عشان ماتخوفينها انتي المفروض انج تقوينها
.
.
.
.
" ماما انتي كنتي تصحين " قالتها لامها بأستغراب

نوال: لا حبيبتي مافيني شي بس فيه شي دخل بعيني

هنو وهي مومقتنعه بكلآم امها وعارفه الا متأكده ان

الموضوع فيه شي : ماما مافيه شي دخل بعينك

طلعتي بحاله ورجعتي بحاله ثانيه .. أنـا مارح

اضغط عليك بخليك على راحتك

نوال وهي تبكي وتكتم بكآبها : لا حبيبي لاتشيلين هم

الموضوع .. الموضوع لاتشغلين بالك فيه ..

هنو : طيب كيفج يمه .. متى نطلع من المستـشفى

!!

نوال: هااه .. تو النـآآس باقي شويه تحاليل ونطلع

يمكن بكره او بعده

هنو: اوووف ماما ملل هنآ .. يعني من دخلت وهم

مابقى تحليل ماسووه لي خلاص مليت

نوال: معليه يمه بكره وطالعين .. تحملي وعن الدلع

..

هنو: اوكي .. ماما اذا تبين تروحين البيت روحي

عادي انا طول الوقت بكون نـآيمـة ومارح اقعد

معاج كثير

نوال: لآ حبيبتي انا مااقدر اخليج هنا لحالك انتي

بنتي الوحيده وحبيبتي ومااقدر اخليج لحالج ..

هـنـو: اوكي ماما .. طيب ماما شغلي التي في

خنشوف لنـآآ شي ..

نوال: طيب بحط لك M TV اعرفج تحبينها وبروح

اجيب لك عشآآ

هنو: يصير اكل عادي .. والله تسوين فيني خير

مااحب اكل المستشفيات

نوال: اي حياتي الدكتوره قالت عادي وبالمره بخلي

هشوم يروح البيت ويقعد مع عبود وبروح اجيب عشآ

من كافتيرا المستشـفى وبجي

هـنـو: اوكي ماما بس لآ تتأخرين بطفش لحالي

نوال: لا حبيبتي مارح اتأخر عليج ( وتطلع وتشوف

بوجهها هشام اللي توه جاي ومعاه عشآ )

نوال: زين حبيبي جبت عشآ كنت بنزل اجيب

والحمدلله وفرت علي ..

هشام: حاس فيك يايمه ..

نوال: طيب حبيبي شوف انا ابيك تروح للبيت وتقعد

مع عبود وانا وهنو بنبات هنآ وان شاء الله بكره

نطلع ..

هشام: ليه يمه عسى ماشر مطولين هنو فيها شي

يمه !!

نوال: لآ يمه ماشر بس الدكتوره قالت تقعد

بالمستشفى 24 ساعه وبكره تطلع

هشام: خير ان شاء الله .. يمه مو محتاجين شي والا

شي

نوال: لا حبيبي بس بكره ان شاء الله اتصل فيك

عشآن تجي وتاخذنا انا واختك

هشام: زين يمه اجل انا بروح اسلم عليها قبل

ماامشـي ( ويسلم على اخـتـة ويطلع اما نوال

فـدخلت تتعشى مع بنتها )

هنو: ماما وشسالفتهم كل شوي ومسوين لي تحليل !!

نوال: حبيبتي انا قلت بما اننا بالمستشفى وبالمره

نسوي لك تحاليل وان شاء الله بكره نطلع

هنو : ان شاء الله ( وجلست تتعشـى مع امـهآ لين

غفت ونـآآمت وقلبهـآآ مع جنـآآ وقلب أمـهـآآآ

معهـآآ )

.
.
.
.
.

اليـــوم التــآآلي صـحت هـنو من نـومـها

ومالقت امـهآ جنبها اللي مانامت من الآصـل ..

وكانت امها طول الوقت مع الدكتورة ..

اما هنو ملت من جلسه الغرفه وبدلت ملآبس

المستشفى عشان تستعد للخروج ولبست ملآبسـهآ

العاديه وكان فيه احد جنبها بالغرفه ومن الطفش

والزهق انتبهت على كلامـهم ..

.
.
.
.
" ياحبيتي انتبهي لنفسك انتي حامل واللي تسوينه

بنفسك موشويه "

الحامل : بس والله مدري وش صاير انا متابعه مع

الدكتوره عدل بس ماادري وش صـآآير لي !!

اختها : طيب الدكتوره تقول خلج يومين

بالمستـشفى عشان تحاليل وكذا والله يستر

(وتجي الستستر : مدام dr.rana want you

اختها: اوكي .. سمعيني انا بروح اشوف الدكتوره

وشعندها وراجعه لك ..