منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

بــعد مــرور أسـبوعين .. سواقهم طلع من المستـشـفى وكانت رجوله متجبسه وطول هذيك الفتره ماكان يقدر يسوق وكانوا مدلعينه اخر دلع ولآكـآنه سواق وشكروا ربهم انه ماصار معه شي وخاصه

وانه بذمتـهم .. اما هنو من ذاك اليوم ماطلعت من البيت وامـهآآ تركت بيت زوجـهآآ مؤقتا وحتى الجمعيه وجلست مع بنتـهآآ وتراقب كل تصرفـآآتها وتحاول تغيرهـآآ ولو انـها قست عليها احيـآنـآ لكن

نوال عرفت ان بنتهـآآ محتاجه لام توقف بجنبها وتوعيها مو صـديقه .. اما هـنو ماكانت متضايقه كثير من امها او حتى زعلانه لانها هي اصلا تبي تبتعد عن اللي هي فيه بس موعارفه شلون ويمكن

تصرفات امها معها مع انها تكرهها كثير ودايم يتهاوشون ويتزاعلون الا انـهآآ كانت شبه عاجبتها هالتصرفات اقلها ماتطلع من البيت وتقابل الشله اللي تبي تبتعد عنها وماتبي .. وخلال هاليومين هنو

ماصارت تقطع صلآتها وحست براحـة كبيره .. وحتى جنـآآ لها فتره ماتكلمها وان كلموا بعض اطول مكالمه لهم ماتتعدى الخمس دقايق ويتطمنون على بعض وبس .. وجنا حالتها الصحيه تحسنت

بشكل ملحوظ جدا ولكن حالتها النفسيه بدت تسوء وبشكل ملحوظ ايضــآآآ ... اما نوال فـ أحيـآآنـا تعصب من بنتـها وتقسى عليها واحيـآآنـآ تحن عليها لكن ماتبين لهآآآ ..

وكانت جالسه بصـآله بيتـهم ومعها كيس ومستانسه فيه كثير وراحت لغرفه بنتها ودخلت بدون ماتدق الباب وبنتها كانت جالسه على اللأب توب ومنشغله ..

نوال: هنو .. للحين جالسه وماقمتي

هنو وهي مالها خلق قالت وهي منشغله باللاب بدون ماتطالع امها: مثل ماانتي شايفه ماعندي شي اسويه

نوال: تستعبطين والحلفه

هنو وبنفس الجلسه: ماما انا مااحب حفلات من هالنوع كلها حريم وكبار بعد ولا كل وحده ترفع الضغط اكثر من الثانيه وماانا مااحب المطاوعه والا بنـآتهم يقهرون ومااحبهم

نوال: مو لازم تحبين انا قلت تروحين يعني تروحين فاهمه ولما اكلمك تطالعيني وتتركين عنك هالزفت (وتروح للاب توب وتسكره

هنو: ماما وبعدين

نوال: بعدين تقومين وتلبس اللي جبت لك اياه ؟

هنو: اوووف (وتاخذ الكيس : انا البس هذا ( وتطلع الفستآآن من الكيس !!

نوال بعصبية وحمق: اي وبتلبسينه الحين مع كامل اكسكوراته وماابي اسمع اي اعتراض

هنو وهي خايفه من امها وماحبت تكبر الموضوع وقالت : طيب اطلعي عشان البسه

نوال: لا ماني طالعه ادخلي حمام غرفتك ولبسيه وانا بنتظرك هـنا

هنو: اوووف اوووف

نوال: لبسيه وانتي ساكته

هنو : ان شاء الله ..انا انسانه مهضوم حقي بهالبيت (وتاخذ الكيس وهي تتحلطم وتروح للحمام ..

اما نوال ماهان عليها شكل بنتها لكن هي قررت انها تكمل اللي بدت فيه وماتحن عليهآآ ابدآآ ..

هنو وبعد 7 دقايق بالضبط طلعت من الحمام وهي ماسكه الفستان بيدهآآ

نوال: خير ليه مالبستيه ان شاء الله !!

هنو: والله يوم جيت البسه هو مابغاني .. الظاهر انه فستان اي شي وماركته اي كلام .. لانه انشق (تمزق)

نوال وخذت الفستـآآن منها وطالعته والمشكله انه مايتصلح ولو تصلح يبي له وقت وهالشي اللي ماتملكه نوال وانقهرت كثير من حركه بنتها وهي متأكده انه ماانشق من نفسه

هنو: قلت لك ماما مافيه نصيب اني اروح معك للحفله روحي لحالك وتروح وتجلس على لابتوبها اما نوال انقهرت من حركه بنتها وطلعت من الغرفه وهي عارفه شنو رح تسوي بالضبط ..

ورجعت ومعها علبه كبيره لعصير مانجو طبيعي وبنتها مااتبتهت لها وفتحت العصير وكبته على لاب بنتها اللي بسرعه ابتعدت عن اللأب وقالت بعصبيه

هنو: ماما وشفيك .. انتي تبين تقتليني يعني !!

نوال: بسم الله عليك ياروح ماما .. لاتخافين اللأب موموصل بالشاحن وبعدين سوري ماانتبهت ياعمري

هنو بكل قهرها: والله أشـك ..

نوال: مايهمني .. الظاهر اللأب طلع اي كلام وماركته اي شي لانه اخترب

(وتقفل اللأب وترميه بالزباله : ومصيره مصير الفستـأن بالزباله .. لان الاشياء الخربانه مصيرها الزباله .. والحفله بتروحينها

غصب عنك وانا رح اسوي لك شعرك ومكياجك

هنو: لاوالله اصلا شعري قصير

نوال: صحيح انه قصير بس يتصلح ومومشكله لونتأخر ع الحفله ساعه او ساعتين .. واحسن شي بشعرك انه يطول بسرعه وصحيح قصير بس على بالي تسريحه تلبق له ورح تحطين ميك اب وبدون

مااسمع اعتراض ورح اسمح لك تلبسين بنطلون لكن انا رح اختار لك البدله وهذا امر مو طلب

هنو وعصبت من امها وحركاتها اللي قهرتها كثيروحست انها هالمره بالذات تمادت ولان هنو ماتقدر تمنعها لكن رح تخليها تندم انها خذتها معها للحفلة

هنو وبنظره غامضه : ان شاء الله ماما .. ماطلبتي شي ..

( اما نوال فـسرحت لبنتها تسريحه ناعمه بالاستشوار واصلا يدوب سرحته لان التسريحه صـآآير مو حلوه كثير لان شعرها قصير .. وحطت لها ميك اب خفيف من اساس وبلاشور وروج

واختارت لها بنطلون جينز سكيني وبلوزه بيضـآآ رسميه جدا .. وطلعوا .. الحفله كانت عشــآآ بـأحد المطاعم ومع مجموعه من صديقاتها بالنادي اللي كانت مشتركه فيه لانها عارفه ان بنتها

رح تسوي شي بهالحفله وماطلعت مع المدرسات او حتى حريم الجمعيه ..

كانوا جالسين على طاوله وحده وكل وحده فيهم تتكلم وتسولف عن زوجها واعيالها اما البنات فـ كل همهم الازياء والفاشن بشكل عآآآم ولااحد شك ان هنو بويه وهنو طفشانه للاأخر وقامت

نوال: وين !!

هنو من بين اسنانها قالت: بروح الحمام شوي

نوال وبنظره حادة: لاتتأخرين لآن العشـآآ الحين بيوصل

هنو : اوووف طيييييب ( وراحت للحمام وطلعت مشطها وسرحت شعرها مثل السبايكي وثبتته بالماي والجل اللي جابته معها ونزلت بنطلونها طيحني ومسحت الميك آب بس الروج ماراح لان

مده 48 ساعه انقهرت بس مشت الموضوع ورجعت وهي تمشي مشيتها العربجيه المعتاده والكل انبهر من شكلها راحت بشكل ورجعت بثـآآني ..

ام فواز: يووه .. نوال وشفيها بنتك تغير شكلها كذا

نوال وهي متوقعه حركه بنتها وتطالعها بنظرات توعد اما هنو فـ رغم خوفها من امها الا انهـآآ فضلت تتحداهآآ : مافيها شي ياام فواز بس تعرفين بنـآآت هاليومين كل ماهبوا الناس بشي هبوا فيه

ام اسامه: وش الهبه اللي بنتك هابه فيها الحين !!

نوال وهي تطالعها بنص عين: نفس الهبه اللي هبت فيها بنتك اسيل مو تقول ستايل السبور وماادري شنو بنتي كذا ستايلها سبور بس ماتتخلى عن المكيأأج .. مو هالممثلات ماخلوا شي

ماسووه وبناتنا اللهم ياكافي ماغير يقلدونهم

وحده من البنات: اي ياخاله معك حق انا احيانا تدق براسي واسوي ستايلي سبور والسنه اللي طافت كنت قاصه شعري كله مثل فرح بسيسو والحين مليت من هالستايل وغيرته

ام فواز وانقهرت من بنتها اللي تكلمت وقالت وهي ترقع الموضوع: ههههه الله يهديهم بنات هاليومين كل شي يبون يجربونه

اما هنو انقهرت فـ بدل ماهي تقهر امها .. امها اللي قهرتها ونوال كانت متوقعه حركـة بنتها علشان كذا اختارت نوع معين من صديقاتها عشان تتعشـى معاهم .. وعدى العشـآآ على خير ورجعوا

للبيـــت .. ونوال طوال الطريق وهم مع هشوم بالسياره ماقالت ولاكلمه واول ماوصلت البيت راحت لغرفتها وبعد خمس دقايق بالضبط جات بنتها لغرفتها وهي مييييييته قهررر

هنو: يمه ليش سويتي كذا !!

نوال ببرود وهي تتصفح المجله: وانا وشسويت

هنو: يمه انتي عارفه وشسويتي .. ولاتسوين هالحركات اللي تنرفز وتقهر

نوال: بسم الله عليك يمه من النرفزه والقهر

هنو: ماما .. ترى كلش الاسلوب اللي تتبعينه معاي ماينفع وتتعبين نفسك على الفاضي

نوال بأبتسامه صفراء وهي ماشالت عينها من المجله : وانا ماعندي غير بنت وحده وتعبها راحة بالنسبه لي ..

هنو: زين يمه زين يصير خير ..

نوال بنبره حادة رمت المجله ووقفت وهي تطالع بنتها وقالت: تهدديني حضرتك .. شوفي هـنا انا صبرت عليك كثير وعلى حركاتك السخيفه والماسخه ومن يوم ورايح رح تسوين اللي اقولك عليه

عاجبك كان ابيها موعاجبك رح تنفذينه غصب عنك والحين يلا ضفي لغرفتك ونامي الحين ابي ارجع بعد ربع ساعه واشوفك نايمه ولو مانمتي رح اتصرف معك تصرف مايعجبك .. ويلا تصبحين على خير

اما هنو طلعت من غرفه امها وهي مييييييته قهر امها تغيرت كثيروهي موعارفه شتسوي .. وراحت لغرفتها بقهر وهي تطالع دولابها اللي كل ملابسها الرجاليه وبيجامها وكل شي رجالي يخصها موموجود

وحلت مكانها الملابس النسائيه من فساتين وتنورات وحتى البناطيل الجينز القليله الموجود كلها عليها رسومآآت بنـآآآتيه وماتصلح لشي بالاضـافه للبيجامات البناتيه وكل شي يخص البنـآآآت وحتى االلأب موموجود

مسكت جوالها وبدون شعور وتردد سوت اللي كانت تبتعد عنه وماتبيه و اتصلت بجـنا اللي ردت عليها بسرعه : الو هلا جنون

جنا: هلا بيبي شلونك

هنا: جنا انا موزينه انا متضايقه كثير .. جنا وينك عني وين رحتي

جنا: انا موجوده ياعمري .. فيك شي صاير معك شي .. تدرين انا الحين بجيك

هنا وخافت وخصوصا من امها اللي لو تلاحظت شي مارح تتركها: لالالالالا .. لاتجين الحين

جنا: ليه وشصاير!!

هنا: موصاير شي عمري بس حبيت اسمع صوتك

جنا: هنو صوتك موعاجبني .. انتي زعلانه لاني مااتصل كثير هاليومين وكذا

هنا: لالا .. اصلا الوضع عندي بالبيت موزين هاليومين واول مايتصلح الوضع باقولك و اهم شي حبيبتي انتي اخبارك

جنا: الحمدلله

هنا: لا جد صوتك موعاجبني صوتي متغير

جنا : لا مافيني شي شويه برد وزكـآآم

هنا: ماتشوفين شر حبيبتي .. انا مقهوره موت احس اني بختنق من اللي انا فيه محد فاهمني بهالدنيا كلها و

جنا تقاطعها: طيب اقدر اشوفك بكرا!!

هنا: لالا ماينفع انا بعد ابي اشوفك لكن اول ماتسمح لي الفرصه بأقولج .. اوكيه حبي تصبحين ع خير بآآآي

جـنـآ : بـآآي

آطمنـك كل شي ( تمـآمـ )
آخذ دواي بأنتـظام بس صوتي متغير من اعراض الزكـآآم ،
> بــرد وزكــام <
والله بس برد وزكـآم ،،
ثم اقول : مايدري اني من جروحـة ماانــآآم .. " ماانــآآم " مـآآ انــآآآمـ ..
.
.
.
.
( اما هـنآآ سكرت ونامت بسرعه قبل ماتجي امها وتشوفها تكلم وتاخذ حتى

الجوال لانها هاليومين ماتستبعد شي من امـهآآآ ابــدا ..اما نوال فـ راحت لغرفه بنتها ولقتها نايمه وطفت عليها النور وطلعت وهي حاسه ان اسلوبها الجديد هو اللي يجيب فايده مع بنتها حتى لو زعلت منها ..