صدمــات عمري زودتني {قناعهـ}
كلـ شي احبهـ اتوقعـ ضياعه



السـاعه العاشـره بشقه ام هـنا .. كانت توهـا جايه من الجمعيه وتأخرت شوي عشـأأن اجتـماعتهم كثرت هاليومين ..

ام هنا اول مادخلت شافت زوجـها قدامها وابتسمت له وقالت : احط لك العشــآآ

محمد: لا ماله داعي تعشيت مع عبدالله ونــأأم ..

ام هنـا : اهـآآ بالعافيه

محمد: انتي تعشيتي ؟

ام هنا : اي الحمدلله .. ( وتروح وتغير ملابسهـا وتجلس عند زوجـها اللي كان ينتظرها بالصـاله وهي حاسه ان بوجهه ميه سؤال وسؤال ..

محمد: كلمتيها

ام هنا: هي ماتفكر بالزواج الحين وماحبيت اضغط عليها

محمد: من جدك نوال .. الحين تأكدتي اللي قلت لك اياه صحيح

نوال: لا موصحيح ومحمد تراك زودتها .. هذي بنتي وانا عارفتها زين وانا مربيتها عدل وعارفه انها موبويا هي كذا شكلها وحركاتها من زمااان

محمد: نوال انا موقاعد اجيب هالكلام من فراغ .. انا مااتدخل بتربيتك لاعيالك وخصوصا هنا لان علاقتي فيها حساسه ومااحب اني اقول اي شي عشان ماينفهم غلط بس

الموضوع زاد عن حده بنتك لمى كانت بالشاليه سوت هوشه كبيره عريضه من شله بنات عشان تحرشوا بصديقتها ومدير الشاليه وقالي كل السالفه بنفسه و

نوال تقاطعه: بنتي مواول ولااخر وحده تتهاوش مع بنات تحرشوا في صديقتها مافيها شي

محمد: نوال اسمحيلي لو بنتك ماكانت مثل مااظن مارفضت الزواج

نوال: بنتي مارفضته رفضت العريس المعييين

محمد: طيب انا ابي اتكلم معها واتفاهم وياها

نوال: تتكلم معها ع اي اساس

محمد: نوال بنتك كل مالها تتمادى اكثر لان محد يردها بنتك محتاجه رجال يكون مسؤول عنهـا ويفهمها الصح من الغلط وصدقيني مابضلمـها و بكلمها بأسلوب وعقل وانتي اكيد بتكونين معنا

نوال وحست زوجها صادق بكل كلمه يقولها وخصوصا ان هنا اخر الايام ماصارت تحترم امها وتمشي رايها عليها وحتى شيلتها احيانا ماتلبسها والا تحطها ع كتفها ولاتهتم لراي أحـد وتطلع وتدخل

وماتعطي امها خبر الا اذا هي اتصلت يعني بالعربي بنتها تمردت ومحتاجه رجال يقسى عليها ويعلمها الصح من الغلط ويعلمها ان وراها حد وقالت: طيب تكلمها بس بكون معك ..

محمد : مثل ماتحبين ..

_ وطلعوا وراحوا لشـقه هـنا وكانت لحـالها وجالسه بالمجلس تطالع التلفزيون وطفشاااانه ع الاخر وخصوصا ان هشوم مسافر عنده دوره عمل وعشان كذا صارت جلساتها بالبيت

قليللله وطفشأأأأنــه من الجلســة لحـآآآآلــهــآآآآ ..وفجــأأه دخل زوج امـها ومع امـها وهي مالها خلقهم ع الاخـــررر ..

هنا وكانت حاطه رجل ع رجل ولابسه شورت رجالي وبلوزه كآآت سودا وشعرها سبايكي مثل ماهو من رجعت من الجامعه بس خف شوي واول ماشافتهم قالت: غلطانين بالعنوان !!

نوال: هنا حبيببتي انا وعمو نبيك بموضوع

هنا ووقفت وقالت بحمق: انا ماعندي عم .. ولاناقصني اعمام ماادري من وين يطلعون !!

نوال: هنو وبعدين

محمد: عادي نوال خليها على راحـتها .. بس هـنا انا ابي اكلمك بموضوع

هنا: والله انك فاضي انا ماابي اتكلم معك اوكيه (وتجي تمشي ويقول : أفـآآآ ماتوقعت تنسحبين بسهـولـة ياهشـوم

هنا وانصدمت وحست بموويا بارده انكبت على راسها قالها قال هشوم معقوله يدري عنها وعن تصرفاتها يالله الموقف مرررا محرج لكن لا لعبته اللي بداها انا اللي رح انهيها بطريقتي

لفت عليه بتعالي وغرور وتعمدت تخشن صوتها وقاالت: اي هشوم وين المشكله يعني .. والا مسوي لي فيها كولمبوا وتحقق وتفتش من وراي

نوال وهي مصدومه لحد هاللحظه موقادره تصدق الكلام اللي زوجها قاله عن بنتها بصفه انها بويا ولقبها هشوم ومن هالكلام: بس انتي هنو موهشوم

هنا: ماما وشفيك ليش مين هنو ومين هشوم احنا اخوان وتؤام بعد ونشبه بعض بكل شي ومافيها شي لو بأخذ اسم اخوي وكثير من ربعي ينادوني هشوم

نوال بصدمه: بس اني ماقلتي لي هالشي قبل

هنا: ماما وبعدين واصلآآ متى تبين اقولك وانتي من تزوجتي مافضيتي لي الا مره او مرتين حتى وكلهم جاووا بالغلط ماتفضين لي الا لمى هالمحروس يكون مسافر والا بحضوره

انا ماتدرين حيه او ميته اكل او لا والحييين جايه تحاسبيني على ان صديقاتي وكل ربعي ينادوني بأسم تؤامي ..

محمد: احنا موجاين نحاسبك بس امك تبي تعرف اذا انتي بويا والا لا

هنا: انت هيي لاتسوي لي فيها كولمبوا وتحلل وتستنتج على كيفك وبما انك استنتجت هالاستنتاجات السخيفه التافهه وحطيت جواسيس يعرفون اخر اخباري يلا كمل جميلك ومعروفك

وقول لجواسيسك يعلمونك كل اللي تبيه وزيد عليه بهارات (أكاذيب )وقوله لامي وفرق بيني وبينه وبيني وبين اخواني لااوصيك هاااه ..

محمد: ياهنا انا مثل ابوك وخايف على مصلحتك ومافيها شي لو اقول لامك عن تصرفاتك اللي موعاجبتني ولاعاجبتها

هنا: هيييي اصحى من حلمك انت لا ابوي ولاحتى مثل ابوي فـآهـم وتصرفاتي عاجبتني ومايهمني رايك ابد

محمد: بس طول ماانتي وحده من اللي ساكنين بهالبيت يعني ساكنه عندي ومسؤوله مني

هنا: يرحم والديك لاتصدق نفسك لاانت مسؤول عني ولاشي وترى انا ساكنه هنا عشـأن مامي واخواني وبس والا انت انا مااعدك شي انت وهالجدار عندي واحد

محمد: لا انتي الظاهر يبيلك حد يربيك من جديد

هنا: مو كأنك زودتها .. هييي رجولتك ماتطلعها علي واذا انت حاب تربي حد لاتربي اعيال الناس ربي اعيالك احسن لك .. اووه سوري نسيت انك ماتجيب شي يمكن حتى ماتبيض بيضه

سوري بس انت مو طالع بيدك تجيب شي عشان كذا تطلع رجولتك ع الحريم تصدق عاد اخوي عبود بعد كم سنه بيكبر ويجيب اعيأأل وانت ماتجيب حتى بيضـه ههههههههههه

وماحسسست الا بذاك الكف اللي انمد عليها وطيحـها من طولها من كثر قوته ضـربهأأأ ايه ضربهآآآ الحقير ولاول مره حد يمد يده عليها ولا ميييين محمد زوج امها عدوها اللدود لكن لا والله ماتنزل

دموعها وتوريه وتعلمه شغله عدل ورح تدفعه ثمن هالكف غآآآلي ووقفت بصعوبه وقالت بكل حقد : هيييي أنتتتت خييييير مين مصدق نفسك عشان تمد يدك علي موناقص الا انت ماانت بولي امري

مااسمح لك تمد يدك علي فاهم انت حيلك على امي وبس فاهم

محمد بحزم: موبكيفك انتي الظاهر ماتربيتي ويبي لك اعاده تربيه من جديد وانا ماعندي شي بربيك مره ومرتين وثلاااث

هنا: اتخسسسي الا انت .. يااخي انت ماتفهم انت موولي امري ولاحتى مسؤول عني

محمد: طول ماانتي بهالبيت وساكنه عندي وانا اصرف عليك معناه انو انا مسؤول عنك غصب عنك وكل اللي بهالبيت رح يمشون على نظامي ومن اليوم ورايح ماتطلعين

او تدخلين الا بآمري وشوري وحتى شكلك هذا وتصرفاتك كلها تتغير فاهمـة

هنا وعلا صوتها وقالت بووقاحـه : ههههههههههأأأي .. هييي اصحى من حلمك الوردي .. اقوول اذا مفكر انك تستعبدني او حتى اني اسمع كلامك عشانك تصرف علي عشاني ساكنه عندك

فـ ولاتحلم انك توصل لهالشي ودقايق هاااه ( وتروح لغرفتها وهي تلبس عبايتها وتاخذ كم شغله وتطلع ..

هنا: تفضل هذا بطاقه الصراف اللي عطتني اياها ماما المحترمه واللي فكرتها من عندها .. واما هذي بطاقتي اللي تنزل فيها مكافئه الجامعه مارح اعطيك ايـاهآآآ وبخليها معي وهذا موبايلي جابته لي

صديقتي ومالك دخل فيه وبالنسبه لكل اغراضي اللي داخل ماتهمني مع ان اغلبها انت مادفعت فيها ولاريال واحلللللم تعاريني بعد اليووم انا طالعه ومخليه لك عمارتك المحترمه يا نص محترم

(وتمشي وتناديها امها : هنوو حبيبتي وين رايحه بهالليل

هنا والتفت على امها وقالت بقهر: مو شغلك .. واذا كنتي فعلا تحبيني وتخافين علي تعالي معي ورقمي عندك تقدرين تتصلين فيني وانا ابيك تختارين يابنتك اللي من لحمك ودمك ياهالمعفن زوجك

اللي حتى اعيال مافيه .. ولاتخـأأف مارح اخذ سواقك ولارح تشوفني بعد اليوم ( وتطلع من البيت ومعها شنطه صغيره فيها كتبها واغراض مهمه لها للجامعه واغراض شخصيه تحتاجها وطلعت

وهي موعارفه وين تروح

أبي ابكي من الضيقة وابعزف للهموم ألحان .

أبي اطلق مواويل الحزن وبطرح كل دواويني .


أبي أشكي أبي احكي ابوصف للبشر حرمان .

أبيهم كلهم يدرون أبيهم يشعرون فيني .


أبي أصرخ وأبلغهم وأقول أن الفرح خوّان .

يجي مرة معاي و هو طول العمر ناسيني .

أبي اترك لهم قصة وأخيّرهم على العنوان .

يسمّون "حزن "يحطون "دمع" ..ما عاد يعنيني.

نزلت للشــارع مو مهـتمه بأمـها اللي كانت تناديها وتصارخ وتبكي وراهــآآ ولآول مره دموعها خانتها وكانت تبكي مثل الاطفـآل ماحبت تضعف اكثر او حتى ماحبت حد يشوفها بهالحاله

لفت غطاتها على وجـههـآ وتغطت بسـرعه قبل ماآحـد يشـوفـهـآ وينتبـة لهـآ ومشت ومشـت وهي موعـآرفه ويـن تروح طالعت بـالسـاعه وكانت 1 بالليل .. خافت اكثر واتـصلت بجـنا

ولكـن للأسف ماردت عليها زاد حست بغيره وحقد موطبيعين منـهآ جالسه مع زوجـها وناسيتـها واخر همـها هي بـ موفاضيه لها الحين الوقت متأخر وهي موعارفه وين تروح فـكرت بصديقاتها

الكثار اللي ماينعدون فـكرت ببـآزوكـا بس على طول شالتها من راسها وخصوصا ان اهلهاا مطاوعه وماعندهم هالسوالف تـذكرت نصور وقالت بخاطرها: اااااااااااااااه وينـك ياصديق عمري

جاء على بــآلها شلتها مين فيهم اللي تقدر تروح وتبات عندها كم يوم او اقلها بس اليــووم فـجآه رن جـوالـهـآآ وكان المتصـل " سعود وماكان لها خلقها بس ردت وقالت بصوت مخنوق: الو

سعود: هلا هشووم .. هشوم وشفيه صوتك كذا ؟

هشوم: مافيني شي .. انت وشفيك

سعود: لا بجد فيك شي صح .. صوتك موعاجبني

هشوم: سعود اقدر امرك البيت الحين

سعود: اي حياك البيت بيتك

هشوم: مارح امرك وبس ابي مكان ابات فيه اليوم؟

سعود : تبات فيه اليوم .. لا الظاهر السالفه كبيره .. انت وينـك انا بمرك الحين مع سواقنا .. أي أي عرفته لاتتحرك الحين جايك باي ..

حطت جوالها بجيبها وهي تحس باليتم على الرغم من ان امها وابوها موجـودين .. حست بغصه بغربـه .. حسـت بألم وحسـره .. ماتدري شنو توصف شعورها بسسس

حست بتـشرد وضــيــآآآآع .. و فـجأأه تحجرت هالدمعتين اللي ماتدري اصلا وشلون نزلوا .. كان ودها تصرخ تبكي بس ماقدرت .. وبعد ربع سـآآعـة اتصلت فيها سعود

وكلمتـها ووجاتها لنفس المكـآن اللي كانت فيه وخذتها معهـآآ للبــيــت ..

ببيـت سـعـود .. بيتهم كان شقه تميلك دور ارضي وهم شقتين وفاتحينهم ع بعض وكان كبير .. يعني كانه فيلا دور واحد مافيه الا سعود وابوها والخدامه والسواق بسسس ..

راحت سعود وجهزت غرفه فاضيه من غرف الضيوف ونادت هناء ..

سعود راحت لهشوم اللي جالس بالصاله : هشوم تعال معي وارتاح داخل

هشوم : داخل وين !!

سعود: جهزت لك غرفه تخلي اغراضك فيها وترتاح فيهااا

هشوم: لا سعود انا ماابي اقعد بروحي ... ابي انام عندك بالغرفه مااقدر اقعد لحالي

سعود: تآمر يالغالي ماطلبتك شي غرفتي وغرفتك واحد ( وراحت هنا مع سعود بالغرفه وكان عندها سريرين بالغرفه ونامت هنا بأحد الاسره وحطت راسـهآ ع سريرها

واستــلسمت للنـوومـ .. )