هشوم ابتسم ابتسامـة صفراء وماعلق

المحاضره: واوو الظاهر ان محبينك كثير

هشوم :الحمدلله هذا فضل من ربي ..

المحاضره: طيب ممكن تعرفيننا بنفسك واي سنه تدرسين وشنو تخصصك

هشوم: أنـا سنـه أولى انجلش وتقدرين تناديني هشـوم

(( هـنا الكل تفاجئ من العميده والدكتورات وكل المتواجدين ماعدا الطالبــآآآتـ اللي الابتسااامات شقت فمهم واستانسوا من جرئتهاا )

البويا اللي جنب فتوش: اوووه هشوم داخل بقوه ولاهمه حد

فتوش بفخر: اكيد عشـأأن تعرف ان هشوم مايلاعب ولاعنده ياامي ارحميني ..

المحاضره: طيب ياهشوم انا حابه اسألك كم سؤال واتمنى انك ماتزعلين وتجاوبيني بكل صراحه ولو كنتي بتزعلين او حتى تنحرجين تجاوبين على بعض الاسئله تقدرين ترجعين من الحين

هشوم بثقه: اصلا انا مستعده لكل انواع اسئلتك ولو ماكنت مستعده ماكنت جيت من الاصـل لهـنا .. وبعدين أنـا مقتنعه بكل اللي اسويه وماعندي شي اخـآآف مـنه وخذي راحتك بالاسئله

المحاضره : يعجبني تفكيرك وتعجبني اكثر ثقتك من بنفسك .. طيب ياهشوم تحبين اكلمك بصفه ذكر والا انثى ؟

هشوم: اللي يريحك

المحاضره: بما ان محاضرتنا بأسم " أعتـز بأنوثتي " رح اكلمك بصفه انثى موافقه

هشوم : قلت لك اللي يريحك ..

المحاضره : حابه ابدء من الاول قوليلي ياهشوم من متى بدت معك هالظاهره ؟

هشوم: من زمـآآن من وانا صغيره

المحاضره: من وانتي صغيره ليش تتكلمين عن نفسك بصفه انك انثى ؟

هشوم: لاني انثى وهذي حقيقه مااقدر انكرها انا بس بويه يعني بنت لكن مسترجله لااقل ولااكثر

المحاضره : طيب وليش انتي صرتي بويا او حتى مسترجله ؟

هشوم : انا ماصرت بين يوم وليله مثل ماالكل يفكر .. أنـا كذا من زمـآآن يعني انا بنت بين ولدين واكثر يومي مع اخواني واهتمامتي مثل اهتمامتهم

وبالنسبه لشكلي فـ أنـا كذا من زمااان ولامره غيرت او حتى بالاحرى مااحب اغيره لاني مقتنعه بشكلي وعلى فكره الكل يعاملني على اني ولد امي واخواني

وكل من يعرفني ..

المحاضره وعجبتها ثقه هشوم وخلتها تسألها اكثر واكثر بدون حواجز وقالت : خلينا نطلع من جو الاسئله التقليديه وخلينا بالاسئله الثانيه اللي تهم الكثير

مننا تسمحين اسئلك اسئله شخصيه

هشوم: اسئلي بدون استئذان

المحاضره: شنو رايك بالرجال بشكل عام ؟

هشوم: رايي فيهم من اي ناحيه يعني ؟

المحاضره : يعني شنو وجود الرجال بحياتك

هشوم وفجأه مر عليها طيف نايف وماتدري ليش تذكرته وقالت : الرجال هم ابوي واخوي و بسس

المحاضره: انتي تحسين نفسك انثى او

هشوم تقاطعها: قلت لك من البدايه انا موبس احس انا عارفه ومتـأكده اني بنت ومثل ماتقولون اعتز بأنوثني بس بطريقه ترى الانوثه مو بشويه ميك اب

ودلع ومياعه .. عمر الشكل الخارجي مايدل على اللي يفكر فيه الانسأأن ..

المحاضره : طيب شنو يعنون لك البنات

هشوم: البنات صديقاتي و لهم وجود كبير بحياتي ..

المحاضره: صديقاتك بس مافيه وحده من صديقاتك مقربه منك وتفهمك وتفهمينها

هشوم: قوليها عادي تقصدين عندي حبيبه والا لا ..

(( الكل هنـا اندهش وركز اهتمامه مع هشوم ))

المحاضره: انتي فهمتيني

هشوم بأبتسامه صفراء : اي عندي ..

المحاضره : وتحبينها ؟

هشوم وانحرجت لانها تذكرت جنا وقالت: شي طبيعي هي نصفي الثاني ..

المحاضره: تغارين عليها وتتحكمين فيها وتفرضين رايك عليها

هشوم: الغيره شي طبيعي بين اي اثنين يحبون بعض .. بس مااحب افرض رايي عليها ولاحتى اتحكم فيها كل وحده لها شخصيتها المستقله عن الثانيه

لكن ماانكر اني احب ادلعها واهتم فيهااا ومهما صار بيني وبينها من خلاااف مااحب ازعلها قلبي مايطاوعني

( هنااا البوياأأأتــ قاموووا يصفقووون ويصرخووون بأسم " هشوووم " )

المحاضره: الظاهر الحضور مؤيد لك وبقوووه بعد

هشوم: لانهم حاسين باللي احسه

المحاضره: طيب وشنو نهايه علاقتكم الزواج مثلآ ؟

هشوم وسكتت برهه لانها ولامره سألت نفسها هالسؤال وقالت بعفويه : أنـا مااتـكهن بللي يصير بعدين او حتى ماحطيت نهايه معينه لعلاقتنا بس علاقتنا مافيها نهايه

وانا مااقدر اتكهن بشي او حتى اقولك وش اللي يصير بعدين محد ضامن عمره انتي بنفسك ماتضمنين انك تطلعين من هنا والا لا .. يعني انا كل تفكيري الحين

واللي شاغلني اني اسعدها وان شاء الله اظل معها على طول واسعدها بللي اقدر عليه

المحاضره : تفكيرك عاجبني بس انتي قلتي ان محد ضامن عمره انتي بما انك مؤمنه لهدرجـه وتعرفين الصح من الغلط انا مارح اقولك اللي تسوينه صح والا

غلط بس بسألك انتي ماتحسين ان الله غضبان عليك ؟

هشوم وعدلت جلستها : يمكن تنفهم وقاحه بس انا افكر بطريقه معينـه كل شخص فينا فيه الخير والشر او على قولتهم فيه الزين والشين .. انتي لاتحكمين

على شكلي الخارجي او شي مثل كذا انا يومي كله 24 ساعه وبهالوقت كله مااقضيه بس مع حبيبتي لو كان هذا اللي تلمحين له انا عندي حسنات والحمدلله يمكن

هي اللي تشفع لي عند رب العالمين ولاتنسين انه غفور رحيم يعني انا اصلي و اصوم و اسوي اشياء كثيره وانا متأكده ان الله رح يحاسبني على كل شي وبالنهايه

اعمالنا تعرض على ميزان والحسنات بكفه والسيئات بكفه والكفه اللي ترجع بالميزان هي اللي رح تدخلني للجنه او النار المفروض انكم ماتحاسبوني على ساعه

او ساعتين اقضيهم بطريقه انتو تشوفهم غلط لا جيتوا تحاسبون او حتى تفكرون توضعون ياليت تحاسبون على كل شي مو شي معين

المحاضره واندهشت من هنا واسلوبها كانت متوقعتها من اللي ماعندهم سالفه وكل همها الشهره وبس لكن طلعت غير كل توقعاتها وقالت : طيب لو يجيك

زوج فيه كل الموصفات اللي تبينها وتتمنينها ممكن تتزوجينه؟

هشوم : انا مارح اقولك ماابي وماادري شنو .. حاليا ماافكر بالزواج بس الله واعلم وش يصير بعدين

المحاضره: يعني متقبله موضوع الزواج

هشوم: لا ماافكر فيه ولاحتى ادير له بآآآل بس ماادري وش يصير بعدين

المحاضره : طيب .. بسألك انتي دايم تخشنين صوتك والا هو كذا ؟

هشوم: هههههه لا صوتي كذا من الله مااخشنه ولاشي ..

المحاضره: طيب رح اسألك اخر سؤال واتمنى تفكرين فيه قبل ماتجاوبين وتقولين اللي بخاطرك

هشوم : امري

المحاضره: مرتاحه لوضعك كذا كونك بويا ومقتنعه بتصرفاتك واللي تسوينه ؟

هشوم وموعارفه شتقول او حتى شترد لانها ماتدري هل هي مقتنعه او لا بس كابرت وقالت اجابه سريعه وعيونها متعلقه بكل الحضور اللي معجبين فيها ويعتبرونها مثل

اعلى: الحمدلله ولو مو مرتاحه ماكان ضليت على حالي ..

المحاضره :انا اهنيك على صراحتك وجرئتك واتمنى من البنات او اي حد بهالقاعه عنده اسئله لهشوم يسألها اذا هشوم ماعنده مانع طبعا

هشوم: خذوا راحتكم ..

وقامت وحده من بنات الايمو وخذت المايك وسألت هشوم : هأأي هشوم .. انا بصراحه من المعجبات بستايلاتك واحب اسألك من وين تحب

تشتري ملابسك وشنو ماركاتك المفضله واي العطر اللي تحب تسخدمه دايم

المحاضره انصدمت من سؤالها وماتوقعت انها تسأل كذا

هشوم: اشكرك على اعجابك وهذا من ذوقك يالغلا .. وانا بغض النظر عن الماركه احب اشتري اللي يعجبني من الماركات المختلفه مافي شي معين

لكن العطر اللي احب استخدمه دايم هو قوتشي ..

الايمو بغمزه: ذوقك فنن

هشوم : مشكوره

المحاضره : فيه حد ثاني يحب يسأل ..

وقامت وحده من البويات وقالت : هشوم يالبىىى .. الحين لو خويتك زعلت تمد يدك عليها والا ماتسويها ( شله البويآآآت اللي معها قامووا يصفقون )

هشوم : لا وين مااحب امد يدي عليها والله لايجيب الزعل بيننا .. أنـا اللي احبه مااحب ازعله ..

اما المحاضره استغربت من اسئله البنات اللي ولاكـأأنها اثرت فيهم او حتى قالت شي وضلوا يسألون عن التشبيكات واما المحاضره خلصت من هشوم

وكلمت محاضرتها وهي تحاول انها توصل لهم وجهه نظرها ولمى انتـهت المحاضره التمووا البويات ع هشوم وطلعوا من القاعــة وهات ياسوالف وضحك

وكأنهم يعرفون بعض من زماااان يعني كأنك يابو زيد ماغزيت ..


/

/

/

/

/

رجعت للبيت زهقــأأنـه وملااانه ع الاخر وتبي تنااام وتفاجــآآت لمى شافت امها بوجهها وتنتظرها بالصـاله

هنا: هاي ماما

ام هـنا : هلا حبيبتي يعطيك العافيه

هنا: الله يعافيـكـ ..

ام هنا : طيب حبيبتي ابيك بموضوع مهم

هنا: ماما خليه بعدين فيني نووم

ام هنا : حبيبتي صدقيني مااقدر اؤجله اليوم مارحت المدرسه عشان اجلس معك واصلا عندي موعد بالجمعيه بعد شوي وابي اتكلم معك بهالموضوع الحييين

مارح اطول كلها الا ربع ساعه

هنا وملت وتبي تسمع امها وش عندها وقالت : اوكي ماما دقايق اغير ملابس الجامعه واجييييك ..

( وبدلت ملابسها وخذت لها بيجامه رجاليه رايقه وراحت وجلست عند امها )

ام هـنا ومو عارفه وشلون تبدء والا حتى شتقول بس قالت: هنو ياماما أنـا ودي افرح فيك

هنا: ان شاء الله تفرحين فيني بعد 3 سنين

ام هنا وهي مستغربه : وليه يعني 3 سنين وشمعني ؟

هنا: ماما مايبلها كلام بعد 3 سنين لو تخرجت من الجامعه وجبت لك الشهاده ذاك الوقت رح تفرحين فيني ..

ام هنا: ان شاء الله تتخرجين وترفعين راسنـا كلنا فيك .. بس انا ابي افرح فيك الحين .. شوفي حبيبتي كل بنت مهما وصلت وراحت وجات ودرست وتعلمت ووصلت

بالاخير مردها ببيت زوجـها وانا ياماما يوم المنى اللي اشوفك ببيت زوجـك واشوفك عروس مثلك مثل نور وكل البنات

هنا: مامي الحين مناديتني عشان تبيني اتزوج وبس هذا هو الموضوع ؟

ام هنا: اي وهالموضوع هذا كل ام تحب تكلم بنتها فيه وتشوفها عروس و مسؤوله عن زوجها وبيتها

هنا: طيب فيه احد متقدم لي والا بس كذا

ام هنا: لا فيه .. ناس زينين ومن عايله محترمه وعمك بو محمد يعرفهم زين ويمدح فيهم

هنا ووقفت: اهااا يعني السالفه من تدبير زوجك المحترم .. اقووول خليه يزوج هشوم وواييييد عليه ومشكور وماقصر واذا ناوي يطيرنا واحد ورى الثاني انا بالذات مايتدخل فيني

اتزوج والا اعنس مايتدخل زين ..

ام هنا: هنو هذا مو اسلوب حوار وانا ماربيتك على كذا

هنا: ماما انا موفاضيه طيب .. بروح انام وقولي لزوجك يعطي روحـه العافيـة وتمسين ع خيرر ( وراحت تنام بغرفتها وهي مرااا متضايقه انها متكلمه مع امها بهالطريقه ..

بس بنفس الوقت هي ماتبي تتزوج ولاتفكر بالزواج اصلا بس كانت تجاري امها وتتكلم معها ولمى عرفت ان محمد له دخل بالموضوع جن جنووونـهــأأأ وتضايقت بالمــررآآ

واتصلت بجـنا لانها ماكلمتها من فتره وخصوصــآآ ان زوجهـا عندها هاليومين وردت بعد 4 رنـأأتـ وقالت : هشوم حبيبي حدي مشغوووله هالعله عندي وبيقضي طوال الاسبوع

هنا اول مااحصل فرصه بكلمك اوكيه حبيبي

هشوم عصبت من حركتها وسكرت بوجهها وماقالت ولا كلمـة وحست بغيرررره شديده من زوجـهآآ وجلست تفكر ان جنا الحين معاه وتقضي وقتـها معاه وهالفكره اللي كل مره تتهرب

منها تجننها ومومخليتها تفكر عدل .. جنا بحضن غيرها ولا رجال بعد واللي يقهر اكثر انه زوجـهاآآ ماتقدر تتحمل اكثر هالشي مجننها ومومخليها على بعضها .. تذكرت كلام امها

عن الزواج ومحاضره اليوم اللي اثرت فيها بس كانت تكابر وبالاخير مكالمه جنا السريعه وانها ماتقدر تفضى لها بسبب زوجـها آنقـهرت من كثر التفكير وجاااهــأأ صداع قووي من كثر التفكير

وحطت راسها ع مخدتها وهي تتغصب النــوووم ..ولكن بالاخير وبكــل هـدوء نــآآآآمــت ..