منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

وعند البنـأأتـ ..

شوشو قامت شوي وطلعت لبرى عشان تكلم وتاخذ راحتها..

شوشو: هلا وشفيك

حصه: وينك اليوم!!

شوشو: موجوده

حصه: طيب عندي عرس بـ صاله الـ **** وابيك تجي الحين وتكشخ اخر كشخه وياليت تلبسين البدله اللي شريت لك اياها من دبي ولاتتأخرين فاهمه

شوشو: مااقدر اجي

حصه: وليش ... هالعرس مره ضروري فيه حضورك

شوشو: حصه وبعدين قلت لك مااقدر اجي اصلا انا موبالشرقيه

حصه وزعلت : من جدك .. وشلون تسافرين بدون ماتعلميني

شوشو: شوفي اقولك التفاصيل بعدين مااقدر اكلملك الحين حدي مشغوله

حصه وشكت بأمرها : شوشو فيـك شـي ..

شوشو وارتبكت: لا مافيني شي .. لـ ـ ليش تقولين هالكلام !!

حصه: انا متأكده ان فيك شي واتمنى ماتصدق ظنوني مثل كل مره

شوشو وترقع الموضوع : اقوول خلي عنك هالافكار ولاتتعبين نفسك بالتفكير ركزي على صوتك وبس

حصه: اي هذا همك موصوتي اللي يكد علي وعليك (مصدر رزقنا )

شوشو : ...........

حصه : شوشو امزح معك ..عموما حطي بالك من نفسك حبيبتي واستانسي بوقتك

شوشو : وانتي بعد ياقلبي باي حياتي .. ( وتسكر وهي تفكر بـ حصه ساعات تكون طيبه وحنونه وساعات شريه وتذلها على اتفه الامور وهي تسأل

نفسها هل تحبها او تعودت عليها او عشان العشره والا بس عشان فلوسـهأأأ .. ملت من التفكير ودخلت جوالها بجيبها والتفت تبي ترجع للبنات وانصدمت لمى شافت

ايمان واقفه وراها وعيونها غرقاااانه دمووووع وماعرفت شتـقول لها او حتى شنو تبرر ..

ايمـان من بين دموعها: قلبك وحياتك .. وانا ويني من كل هذا !!

شوشو وتبرر: ايمااان أنــأأ ..

ايمان: ماابي اسمع ولاكلمـه .. ولاكلمـه ( وتروح عنها بسرعه وتركض لغرفتها ودموعها على خدها مثل النهر الجاري ..ودخلت غرفتها وبراسها

فكره مجنـونه فكره يمكن تطير شوشو من يدها وكانت هالفكره ببالها من زمااان وهذا وقتها على الرغم من انها ماكانت مقتنعه فيها لكنها قررت تنفذ خطتها وماتتراجع ابد)

اليـــوم التـــأأألـــي ..

صحت من بدري او بالاحرى مانامت الا ســاعـه ونص واول ماطلع الصبـح راحت للبحر ولنفس المكـان على امل اللقاء ماتدري شنو اللي شدها لذاك المكان او حتى للي يتواجد بالمكان

تحس بـ دقات قلبها سريعه وعيونها على الرايح والجـأأأي وتدوره بينهم .. تأخر عن موعده امس مايهمها لو تأخر او حتى ماتأخر المهم انه يجي وتشوفه وتكحل عيونها بشوفته لمى تفكر

بينها وبين نفسها وتقول شللي احس فيه مالقت تفسير لهالاحساس .. احساس غريب وجديد عليها موعارفه بشـنو تفسره .. محتاره ومحتاره حييييل .. مومعقوله تكون تعلقت فيه

وهي ماشافته الا من يومين .. بس مع ذلك تدور عليه وتروح للمكان اللي يتواجد فيه وتفكر فيه ليييييييييش كل هذا يصير معها .. هل ياترى تحبه .. ضحكت على نفسها ضحكه

مطوله لمى فكرت بهالفكره المجنونه اي حب واي خرابيط ولا ولد بعد !! الحب كله لجـنا واحساسها لمى تكون مع جنا غيررر .. قالت يمكن اعجاب .. بس رجعت وفكرت

اعجاب بهالفتره السريعه .. يمكن انجذاب .. اي يمكن وليش لا انجذاب بطريقه كلامه وطريقه تفكيره وقناعاته بالحياه وافكاره اللي قريبه جدا من افكارها .. انجذاب لشخصيته

لاحترامه لنفسه وللاخرين .. لطريقه تعامله مع الاخرين ولنظرته بالحيـاأأه .. لحظه لحظه شوي انجذاب ولولد .. موكأنها فكره صعبه الا مجنونه .. موكأنها خيانه لجـنا

شلون سمحت لنفسها تفكر لغيرها .. شللي قاعده تسويه ولوين ناويه توصل وشنو رح تستفيد واصلا الولد يفكرها ولد مثله يعني مافيها اي انوثه او بالاحرى انوثتها مشوهه .. حطت

يدها على وجهها وشعرها اللي مسويته ديك وكأنها ولد وطالعت نفسها بالمرايا الصغيره ببوكـها وقالت وين الانوثه .. مافيه انوثه مااشوف الا انوثه مشوهه .. بس انا موزعلانه بالعكس

عاجبني شكلي وفخوره فيه والدليل اني مااخجل من نفسي واحب نفسي هشوم اكثر من هـنا بس ماادري لو كنت مقتنعه باللي اسويه او عناد لغيري .. مو مهم الحين مو مهم هالافكار اللي توديني

وتجيبني .. طالعت الساعه وقالت .. أأوف جالسه ساعتين تفكر وهالافكار توديها وتجيبها وللأسف هالنايف للحين ماشـرف .. ملت من الانتـظار وطوال وقت الانتظار كانت تفكر فيه وبحالها

وماتوصلت لنتيجـه وقررت تقوم لان الوقت تأخر وخافت ان البنات يدورن عليها مثل امس وخصوصا انها ماجابت جوالها ولاحتى احد يدري عن طلعتها قامت ومسحت التراب من ملابسها ومشت

مشيتها العربجيه اللي كانت تكرهها وحبتها لمى الكل صار يحبها ويقلدها فيهاا .. وماكملت خمس خطوات الا وسمعت صوت اشتاقت له وهي اصلا جايه عشانه وتسارعت دقات قلبها وهي تسمعه يقول

نايف: على ويـــن يـابوالشبــأأب !!

هنا والابتسامه شاقه فهمها وهي معطته ظهرها .. اخفت ابتسامها ولفت عليه وقالت بلا مباله : هلا بـ نايف

نايف: هلا بك ( ويسلم عليها بيد واليد الثانيه كان شايل معه كيس

هنا وتسارعت ضربات قلبها لمى سلم عليها واخفت توترها وقالت: وشفيك تأخرت اليوم

نايف: ليه كنت تنتظرني !!

هنا( اووف ابي اكحلها عميتها) : لابس لك وحشه

نايف: عاد امس نمت من بدري وشوفه عينك توني اصحى وجبت لنا فطور خلينا نروح ونفطر ع الكراسي اللي هـناك ولاتقول لي شبعان ومدري شنو انا جاي هنا وافطر عشانك

هنا( اصلا انا ابيها من الله ) : مين قالك بقولك شبعااان الا مييييت من الجوع

نايف: خسى الجوع والله ( ويروحون ويجلسون ع احدى الطاولات اللي مقابله للبحـر ويفطرون ) ..

هشوم: اقول نايف ماقلت لي انت تدرس والا تشتغل والا شنو !!

نايف: والله حاليااا عاطل ماعندي شي ..

هشوم: افااا ليش

نايف: لا ما فيه شي بس كنت ادرس اللعام بسعود محاماه واعتذرت فتره كنت مسافر مع الوالده برى نكمل علاجـها

هشوم: وهااه وش صار مع الوالده الحيين؟

نايف: والله الوالده عطاك عمرها وماقدرت تكمل علاج .. فـ عشان كذا تأخرت برى عشان اكمل اجراءات المستشفى ونقلنا جثتها للرياض

هنا وانحرجت: سوري والله يرحمها

نايف: لا عادي .. الله يرحمها ويسكنها فسيح جناته ..

هنا: والحين وش ناوي تسوي مع جامعتك

نايف: ان شاء الله برجع ع السنه الجايه واصلا مابقى لي الا ترم اخير وان شاء الله اكمله على السنه الجايه .. وانت ياهشام تدرس !!

هنا: اي .. توني اول سنه بالجامعه

نايف: وشنو تدرس

هنا وتوهقت وقالت بدون تفكير: ادراه اعمال

نايف: بالتوفيق ان شاء الله ..

هنا: اجمعين ان شاء الله .. الا نايف ماقلت لي انت انت ساكن هنا والا بالرياض

نايف: انتقل بين الرياض وهـنا يعني اهلي هـنا بس ادرس بالرياض

هنا: اهاا حلو والله (( ويكـملون ســووووأألــف وكالعاده اخذهم الوقت وهم مايدرون عن انفسهم وجلست مع نايف اغلب وقتها وهي موحاسه بالوقت وحتى

نايف كان مستمع بالسوالف مع هشام طبعااا موهنا .. وبعد ماانتهوا من السوالف رجعت هـنا للشـاليه على السـاعه 7 بالليل وهي هلكانه وفيها نوووم .. واول

مادخلت للشاليه راحت لغرفتها بسررررعه ..

جنا : ليش تأخرت؟

هنا: معليه .. بس حبيت اختلي بنفسي شوي

جنا: اي شوي طول النهار برى

هنا: جنا لاتسوين لي فيها قصه كبيره حيااتي انتي ..

جنا: بس ماجلسنا مع بعض و

هنا تركتها وراحت تبدل ملابسها ولبست بيجامتها الرجاليه وطلعت من الحمام .. وهي تتثاوب

جنا: هشوم من جدك ليش لابس البيجاامه

هنا: استعرض بس لااقل ولااكثر

جنا: ليش تكلمني بهالطريقه !!

هنا وحنت على جنا اللي شوي وتصيح من طريقه تعامل هنا معها وراحت لها وباستها على راسها : حبيبتي معليه سوري بس والله مصدع وفيني نوم

جنـا: بس احـنا بنطلع الحيين وبنروح نتعشـى بـرى

هـنا: روحوا بدوني مااقدر بنــأأأم مواصل ومانمت من أمس

جـنا : لاوالله .. بس انت امس وعدتني تجي

هنا وهي متفاجئه: انا متى !!

جنا: هشوم وشفيك اليوم مو طبيعي مو امس قبل ماتنام قلت لك بكره رح نطلع ونتعشى بالمطعم ونحتفل بعيد ميلاد سعود ومسوينه مفاجأه له وخصوصا ان شمه مسويه هالعيدميلاد مفاجأه له

هنا وتذكرت : اييييي سوري نسيت

جنا: حبيبي الناس ينتظروننا تحت وترى عيب ومو حلوه اننا مانحضر ولاتنسى انك انت وبازوكا وفتوش مقربين حيل لسعود .. وسعود رح يزعل لو ماجيت و

هنا وتقاطعها : خلاص الحين بغير بيجامتي وبنزل مرتاحه الحيييين

جنا: حبيبي وشفيك

هنا( من جد وشفيني وليش اتكلم مع حبيبتي كذا وشنو ذنبها هي ) وتروح لجنا وتبوس راسها وقالت: اسفه بس شويه متوتره عشان راسي مصدع وانتي مالك ذنب انتظريني خمس دقايق واجهز

جنا وحست بالذنب: خلاص اذا تعبانه قلبي ماله داعي نروح وانا رح اعتذر لهم واقعد ومـ

تقاطعها هنا: لا شدعوى نعتذر لهم .. هذا يوم سعود يوم عيدميلاد اخوي ولازم اكون بجنبه ..

بغرفه ايــمأأن دق الباب وسمحت لها بالدخول بعد ماعرفت انها شوشو

شوشو: امونتي حبيبتي انا حبيت اوضح لك بخصوص اللي سمعتيه

ايمان: كنتي تكلمين حصه صح ؟

شوشو وهي منحرجه قالت: اي

ايمان وتصنعت القوه وقالت: اوكي

شوشو: انا اسفه

ايمان( اسفه على جرحك لي والا كذبك وغدرك وللأسف مهما تسوين ومهما اشوف منك واسمع ارجع لك مثل الاول واكثر للاسف هالقلب مااتعض من كثر

طعناتك له ولاحتى حاول يقسى عليك وينساك هالقلب يزين لي كل اخطائك واغلاطك هالقلب عايش لك ومايقدر يعيش بدونك وانا مااقدر اعاند قلبي ولو كنت اقدر ماكنت

معك للحين ولاحتى كنت سامحتك على كثر زلاتك )

شوشو: حبيبي وشفيك ماترديني

ايمان: مافيني شي يلا نمشي لانتأخر على البنات

شوشو بترجي: سامحتيني

ايمان: انا مااقدر ازعل منك اصلا ولو بغيت ازعل قلبي مايطاوعني

شوشو : فديتك وفديت قلبك ( انتي احلا هديه لي من السما .. عفويتك وبرائتك وطيبتك جبرتني احبك واحترمك .. انتي انسانه ماشفت ولارح اشوف مثلها

انتي جوهره ثمنيه ماابي اضيعها من يدي .. انتي اللي ابيـها وادور عليها من زمآآآن .. اتمنى انك تضلين معي على طول وماتتركيني لان اليوم اللي بتتركيني فيه بيكون يوم وفاتي )

ايمان وطالعت شوشو وقالت بحب : شوشو امس وين نمتى!!

شوشو: نمت عند بازوكا لاني كنت متأكد انك مارح تفتحين لي الباب وبالمرا قلت اخليك تفكرين براحتك

ايمان: سوري حبيبي انا ماكان قصدي اني ا

شوشو تقاطعها: لاعادي ياقلبي .. انا اللي سوري وان شاء الله مابضايقك مره ثانيه ..

ايمان: شوشو تحبيني

شوشو قالت بكل حب : انتي كل حيـأأتي انتي حبيبه روحي

ايمان اكتفت بالابتسامه وحبت تسمع منها هالكلمه ولو لاخر مره ... وهي حاسه انها رح تخسرها بسبب خطتها المجنونه اللي نفذتها بـ لحظه غضب .. ماندمت على اللي سوته

الا خافت من اللي جـأأأي ..