منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

:
:
:
:
:

•₪₪ نـفـس الـمـكـان اللي ذكـرنـي نسـاني ₪₪ •

" طيب ليييييش .. ماكفاه كل اللي صار فيني من وراه .. ليش يقطع لي اخر امل .. ليش يقضي على مستقبلي " قالتها لاختها بكل انكسار

اماني: ابوي يبي مصلحتك وياليت تنفذين اللي يقوله بدون جدال

حنان بأأنــكـسار : جدال ليش من متى انا اجادل حد او اقوى اسوي شي لو كنت اجادل فعلا كان ماوصلت للي وصلت له

اماني وزعلت على اخـتها وراحت وجلست جنبها ع الصوفا : حنو حبيبتي حاولي تنسين كل اللي صـار معك وعيشي حياه جديده .. صحيح ابوي مايبيك تكملين بهالجامعه

وطلب منك تسحبين ملفك لكن الشرقيه مليااانه جامعات غيرها .. انتي اصبري للسنه الجايه وسجلي بأي جامعه تبين .. وصدقيني ابوي مارح يعترض او يقول شي

حنان: تدرين انا ماعاد تفرق معي درست والا لا .. ابوي يبيني اطلع من الجامعه عشان مااقابل هنو وزوجني عشان انسـى الشذوذ اللي كنت فيه .. عموما اللي صار صار

وانا كذا والا كذا بتزوج بالصيف وماابي افكر بشي ماابي ابني امال على اي شي .. أبوي خليه يفكر وانا بنفذ ..

اماني : طيب .. قومي غيري ملابسك الحين لان ابوي بيوصلنا للجامعه تسحبين ملفك وانا بروح معك

حنان: بعد تروحين معي .. يخاف اهرب يعني .. ( وقالت بعد صمت بقله حيله : طيب عطيني عشر دقايق اغير ملابسي واطلع
.. (وطلعت اختها وراحت لدولابها واختارت تنوره جينز طويله وضيفه وبلوزه سودا ساده ضيقه ورسميه جدا .. وخذت نظارتها الشمسيه السودا اللي تغطي نص وجهها

ونزلت غرتها وخذت اوراقها اللي تحتاجها بروحتها وطلعت من البيت .. وركبت السياره وكانت دقااات قلبها تتسارع كل ماقربوا للجامعه مع انها ندمااااانه كثيررر بسبب اللي صار

لها وزعلت على اللي سوته .. لكن للحين في قلبها حنين وشوق لهنا وتتمنى تشوفها لـكن ماتبي حد يعرفها عشان كذا شكلها كان رسمي بالمرررا ومع الغره ع عيونها وفاتحه شعرها

ولابسه النظاره شكلها مو واضح بالمرررا .. دخلت للجامعه مع اختها وقالت لها اختها

اماني : حنو انا بنتظرك هنا خلصي امورك وتعالي

حنان: مارح تجين معي ؟

اماني: لا بنتظرك لين تخلصين

حنان: بس بابا وش رح تقولين و لو سألـ

اماني تقاطعها : بـابـا مومعنا بالجامعه .. ولاتحاتين مارح اقوله روحي ودعي ربعك وتعالي وخذي راحتك بأنتظرك بالاستقبال
حنان اكتفت بأأبتـسامه وراحت .. راحت لقسم شؤون الطالبااات وسحبت ملفها بسرعه ولحسن حظـها تمت الاجراءت بسرعه .. كانت مقرره تطلع

بدون مااحد يـحس فيـهاا او حتى يشوفها .. ولـكن حنت وبما انها اخر مره تدخل للجامعه قررت تروح وتشوف ربعها ولو " من بعيد " راحت لمكان الشله المعتاد

وهي تمشي ببطء وخوف تخاف يعرفونها وتخاف مايعرفونها مشاعرها تضاربت وماقدرت تفسر وش تحس فيه بالضبط .. راحت لمكان الشله المعتاد وع غير عاده كل الشللله تقريبا

متجمعين وهات ياسوالف وضحك وتعليق ع الرايـح والجأأأي .. كلــهم موجـودين واللي يهمـها منـهم كلـهم " هشــوم " انصدمت لمى شافته ومعاه جنا جالسه بحضنه عرفت الا تأكدت

ان جنا ورى القصه اللي حصلت لها .. تحسبت عليها من كل قلبها ودعت عليها كثيـر .. طالعت بهشوم نضره طوويله .. جات عين هنا بعينها وللأسف صار اللي ماتبيه وماعرفتها هـنا

واحتقرتها وكانت مشغوله جداااا بجـنا وبتدلعيهاا .. احتقرت نفسها على اللي سوته وتمنت انها ماسوته ولا خسسرت ربها ودينها واهلها على شـي تافه على مشاعر جرتها ورى بويا مثل ريشششه

بالهوووا وبالاخير هالبويا تخلت عنها ورجعت لخويتها القديمـه .. طالعتهم بأأشمئزاز وحمدت ربهاا انه نجاها من اللي هي فيه وماتمادت اكثر .. وطلعت من الجامعه وهي تمشي بين زوايا الجامعه

وتطالع في ركن فيهاا وتطالع البنااات وبنااات كثير تعرفهم شافتهم وشافوها بسس للأأسف مااحد عرفها او حتــى اهتـم لها وجـودها والعدم " واحــد "

نفس المكان الي ذكرني نساني
ومن طيبتي جيت المكان وذكرته
جيت ومعاي من العتب ما كفاني
عشان ماقول بغيابه خسرته

هناك ؟ كان من السوالف أماني
وهناك ؟ يا ما غاب وأدري حضرته

وهناك ؟ شي من الزعل يوم جاني
من بعد ليل ٍ طال وحدي سهرته

من كثر شوقي ؟ كنت أسابق زماني
أخاف يسبقني وأنا ما شعرته .!!

وأموت لا منّه تأخر ثواني
وماكنت داريبي سبقت ونطرته

وهناك أول حب قاله لساني
وهناك ؟ آآخر شي قلب ٍ كسرته

شفت الصدى يملى مكانه / مكاني
والوردتين الي عليهن شكرته

ياناس قولوله أمانه عشاني
لا عاد يرجع في غيابه عذرته .!!

رجعت لاختها اللي كانت عند الاستقبال وتسولف مع وحده من البنات جنبها

اماني: هااه خلصتي ؟

حنان هزت راسها بالايجاب وقالت: يلا نطلع تأخرنا على بابا ..