منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

بين " المـاضـي " و " الحـاضـر "

جنا: انت زوجي تذكر ؟

هشوم: جنا بلا عبط .. الحين الوضع اختلف وانتي انسانه متزوجـه .. وبعدين انا مااقدر ارجع لك شلون رح اتعامل مع حياتك الجديده ورح اغار من زوجـك

ومااحب ان احد يلمسك غيري انتي كنتي لي لحالي لكن الحين زوجك يشاركني فيك وهالشي انا مستحيل اقبل فيه

جنا بنبره مبحوحه: هالشي صار غصب عني وبعدين زوجي متزوج غيري وموعندي على طول .. وانا ماابيه ولااحبه احبك انت وابيك انت بحـياتي ..

هشوم ارجوك سامحني ..

هشوم: الموضوع موموضوع اسامحك والا مااسامحـك .. انتي الحين متزوجـه والمفروض تنسين كل اللي كان بيننا وبعدين انا الحين مرتبط بحنان وماابي اخونها

وماابيك لابالسر ولاغيره ولاابيك ولاابي غيرك

جنا ودمعت عيونها بدون ماتحس وقربت من هشوم وجلست جنبه بنفس الصوفا وقالت بنبره باكيه: صحيح اني احبك وابي قربك بس بنفس الوقت اللي يريحك يريحني

هشوم لو تبيني انسـاك قولي انك تكرهني وماعدت تحبني عشان اقدر انسـاك قولي ايـاها (وتطالع بعيونها)

هشوم ويتجنب عيونها : ................

جنا بنفس النبره الباكيه: انت تكرهني ؟
هشوم وماقدر على نظراتها ومسح دموعها وقال: حاولت اكرهك ماقدرت حاولت بس ماقدرت انسـاك .. بس حنان ماتستاهل اني اخونها

جنا: وانا .. انــا شنـو ذنبي ؟

هشوم: ...........

جنا: انا احبـك وانا اول حب بحياتك وانا اللي ضحيت باغلا مااملك عشانك وانا اللي فهمتك وفهمتني وانا اللي حبيتها وخطبتها وانا اللي اقترن اسمي بأسمك

مااستاهل منك انك ترجعلي .. حرام تعذب نفسك وتعذبني معك انا ابيك وانت تبيني .. وين المشكـله لاتقولي زوجي .. زوجي موفاضي لي 24 ساعه

لاهي بسفراته وبحريمـه ومايجيني الا بـالشهر مرتين ان كثر .. ولاتتعذر لي بحنان قلت لك بكون سر بحياتك بس لاتتركني انا مااقدر على بعدك

هشوم وطالعت بعيون جنا بكل حب وقالت: انا احبك وابيك بس مااقدر اجرح الانسـانه اللي وقفت معي وساندتني بعز ماكنت محتاج لها ومااقدر

اخذك بالسـر لاني وببساطـه مااحب الاسلوب هذا ولو سويتها معك تأكدي اني رح اسويها مع غيرك صحيح اننا نحب بعض بس خلاص كل شي انتهى القدر فرقنا

وكل واحد فينا الحين له حيـاته وانا ماني مستعد اخرب كل شي واجرح حـنان مستحيل اسويها
جنا: طيب شنو ذنب حبنا شنو ذنبا نتعذب بكل مره نشوف فيها بعض حبيبي انا اموت بمكاني مليون مره لمى اشوفك معها وتكلمـها حبيبي مااقدر .. مااقدر اشوفك

معها ولها وانا لحـالي .. اتمنى اني مكانها .. اصلا هي خذت مكاني انا اللي بقلبك صح

هشوم وقام: كل اللي تقولينه مامنه فايده الحين خلاص انا عطيتك الجواب انا احبك وابيك ايه لكـن مااقدر اخون حنان عن اذنك بروح انام

(( وراحت بسرعه قبل ماتخونها دموعها وتضغع قدامها طلعت ..وتركت جـنا وراهـا مقهـوره وتبكـي بحـرقه وزاد اصـرارها على اللي ببالـها بعد ماتأكدت ان مكانتها ماتعيرت عن هنا...

طلعت وراحت لبيتـها وهي تفكر بهالموضوع وتدور الحلـول .. واخيرا فكـرت بـروعه ايه " روعه " اعز صديقاتها وحامله اسـرارها اتصلت فيها وارسلت لها السواق وجاتها لبيتها فورا .. ))

روعه واول مادخلت لغرفه جـنا خافت من شـكلـها : جنووون وشفيك

جنا ووجـهها موباين من كثر الدموع : هااه ولاشي

روعه: لا من جد وشفيه وجـهك كذا

جنا: خلك من وجـهي وسمعيني انا محتاجلتك .. ساعديني ياروعه انتي اعز صديقاتي واعز من اختي انتي اختى اللي ماجابتها امي

روعه: جنا حبيبتي اكيد رح اساعدك باللي اقدر عليه

جنا: هشام

روعه: للحين ماشلتي هالموضوع من راسك

جنا: مااقدر .. اليوم رحت له البيت وواجهته وقال انه للحين يبيني بس مايقدر يجرح حنانووه .. تخيلي قلت له برجع لك بالسر ورفض
روعه : جنا حياتي .. هشوم من طبعه الوفا واذا حب احد مايحب يغدر فيه

جنا: هو مايحب حنان هو بس يعطف عليها ويحس بجميلها عليه لانها وقفت جنبه بس انا اللي بقلبه

روعه: جنا انسى هالسالفه احسن .. انا رح اكون صديقه كذابه لو قلت لك انو فيه امل .. هشوم باين عليه مستعد يبدء حياه جديده مع حنان لو كنتي تحبينه

جد تمنى له السعاده معاها موتروحين وتخربين حيـاته

جنا: اتمنى له السعاده معاها واشوفهم مع بعض كل يوم واسـكـت !! تبيني اموت بمـكاني حرام عليك ياروعه ..

روعه: والله انتي اللي حرام عليك نفسك .. خلاص اللي تسوينه وتقولينه كله ماله داعي ورد هشوم صريح وواضح ليه تبين تذلين نفسك

جنا: انا مارح اذل نفسي انا برجع له يعني برجع له .. شوفي .. انا عندي خطه وابيك تساعديني فيها

روعه: للحين مصره؟

جنا: روعه انتي معي والا ضدي

روعه: انا معك وعلى طول معك ومارح اتخلى عنك بس انا خايفه عليك شوفي شكلك شلون صار .. اللي مايعرفك يقول هذي وحده عمرها خمسين موعشرين

جنا: طيب انتي سمعيني هالمره وساعديني باللي بسويه الله يخليك ياروعه ساعديني ..

روعه وحنت على صديقتها: طيب انا اوعدك اني اساعدك بس اذا مانجحت خطتك انسى وشيلي هشوم من راسك اتقفنا

جنا هزت راسها بالايجاب ...
روعه : طيب ..قولي لي وشعندك ؟

جنا (وتقولها الخطـه ) : وشرايك

روعه وخافت من تفكير جنا الشيطاني: لا كلامك كبير

جنا: انتي وعدتني انك تساعديني

روعه وحست انو مافيه مفر: شوفي رح اساعدك بس قبل ماتسوين خطتك المجنونه لازم تحاولين مع حنون وتتكلمين معها بالعقل ولو مانفع معها اسلوب العقل ..

سوي اللي قلتي عليه ورح اساعدك زين

جنا وهي مومقتنعه بكلام صديقتها بس رح تنفذه غصب عشان تساعدها: طيب

/
/
/
/
/
اليــوم التــالــي .. بالكـليــه .. بمـكان الشـله المعتاد راحت روعه لحـنان

روعه: صباح الخير

حنان واول ماشافت روعه تغيرت ملامح وجهها للأسوا لانها ذكرتها بجـنا: صباح النور

روعه: افااا .. ليش بدون نفس

حنان مالها خلقها : وشتبين

روعه وعصبت من اسلوبها بس تحملتها عشان صديقه عمرها: شوفي ابيك بموضوع بصراحه جنا تبي تكلمك بسالفه

حنان: اوووف هذي ماتفهم

روعه: ماله داعي لهالكلام انتي سمعيها الحين بس وبعدين سوي اللي تبينه

حنان: والله انا ماني مجبوره اسمع لها مين تكون هي بعد تبي تسرق حبيبي وتبي تستأذن يمكن

روعه: حنان لو سمحتي ماله داعي هالكلام

حنان: اصلا ماله داعي اكلمك انتي وياها .. مافيه شي يجبرني اسمع لكم

روعه: لو سمحتي فضلا لاامرا اسمعيها هالمره بس

حنان ومالها خلقها بس تبي ترتاح منهم: طيب هالمره بس وياليت ماتطول
روعه وهي مقهوووره من اسلوبها بس متحملتها ع الاخر: طيب تعالي معي ( وتروح معها لعند جنا اللي كانت تنتظرها بالساحـه الخارجيه مع زينـه واشواق )

حنان وتطالعهم بأحتقار: كلمت وكمل الثلاثي المرح بعد

اشواق: تكلمي بأدب احسن لك

حنان: انتي اخر وحده تتكلم

زينه: هييي هييي انتي على شنو شايفه نفسك نسيتي انتي مين .. انتي كنتي ولاشي بالقروب وطلع لك لسان بعد ..

حنان: انتي اللي هييي ترى بكلمه مني اطلعك انتي وخمتك من القروب فاهمه

روعه وتتدخل لانها حست ان الموضوع بيكبر : بنات احنا مانبي نتهاوش طيب زينه واشواق تعالوا معي ونخلي حنان وجنا يتفاهمون (وتاخذ البنات وتروح)

اشواق: رفعت ضغطي هالحيوانه مين تفكر نفسها

زينه: هالحقيره الحيوانه مسويه لي فيها الكل بالكل بالشـله رفعت ضغطي

روعه: معليه تحملوها نهايتها قربت (تستاهلين اللي كانت بتسويه فيك جـنا اول كنت اقول مسكينه لكن الحيـن لا .. تستاهل وانا بساعدها وبنوريك مين اللي

بيطلع من القروب والكليه كلها بعد وبنفتك من خشته للابد)

(( بجـهه حنان وجـنا ))
حنان: خير وشتبين ان شاء الله ... هشوم الحين بيجي ومااحب اتأخر عنه
جنا: انا موجايه اترجاك ولاحتى امرك انا ابيك تحطين نفسك بمكاني وتقررين وتحكمين بالعقل انا وهشوم نحب بعض وانتي اللي دخلتي بالنص

حنان: انا مادخلت بالنص انتي اللي تركتيه ورحتي ولاكلمتيه وانتي اللي تزوجتي وتخليني عنه انا مادخلت نفسي بينكم ع فكره انا ابي هشوم من زمااان من قبلك

بس ماتكلمت واحترمتك وكان باين من البدايه انك راميه نفسك عليه وانك مايبيك لكن مع هذا كله احترمت نفسي ومارحت له .. لمى انتي تركتيه ماكان همي اني

افرض نفسي عليه كان كل همي اني اطلعه من الحاله النفسيه السيئه اللي تركتيه فيها .. وبعدين هو من نفسه اللي حبني مو انا اللي فرضت نفسي عليه مثلك

جنا: انا اشكرك لانك طلعتيه من الحاله النفسيه اللي تتكلمين عنها وانا موجايه اتكلم بزواجي انا ابيك تبتعدين عن هشوم وبس

حنان: لا والله مو بكيفك تقولين وش اللي نتكلم فيه ووش اللي مانتكلم فيه ياجنا خلك حقانيه لو تبين تتكلمين خلينا نتكلم بكل شي وبعدين انتي اللي حطي نفسك بمكاني

انا كنت احبه من زمان واحترمتك وماقلت شي ولاحتى لمحت له والحين بكل سهوله تبيني انسـاه حرام عليك انتي اللي لوكنتي تحبينه كان تحترمين رايه .. وبعدين

انتي تركتيه مره واللي يترك مره قادر يترك الف مره بس انا مستحيل اتركه ورح اكون معاه على طول ..

جنا: بس هشوم يبيني انا

حنان: لو كان يبيك كان رجع لك بسهوله لاتقصين على نفسك بهالكلام هشوم مايبيك يبيني انا انا وبس ولو سمحتي لاتحرجين نفسك اكثر